طــارق ميرغني .. ألف مبروكـ ياخ!

باللاي يا عمكـ .. تتسيّكـ وتعمل ميت؟
ياخ إنت قايل الرياض دي ما فيها شمارات؟


مش كان أخير تضحي بـ فوزية!!

دا هسي وقت الواحد يتسيّكـ فيهو
والبلاد بتمر بمرحلة مفصلية من تاريخا!!

Quote: دا هسي وقت الواحد يتسيّكـ فيهو والبلاد بتمر بمرحلة مفصلية من تاريخا!!

بالله شوف الزول ودغالتو؟؟؟؟
كل يوم كان ما أتلاقينا بتكلم في التلفون...!!!
وما أعرف؟؟؟

تاريهو الزول وشو اليومين ديل زي الفشفاش النافخنو وكابين ليهو الأتي...!!!

المصيبة تبقى في قبولو؟؟؟؟؟

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

تربى في عزك يا عمدة !!!!!

و مالك عامل تقيل و ربنا يكون في عونك

وليك من عندي تذكرة عودة سريعة ؟؟؟

يبارك ليك ويباركوا لي ؟؟

بالله محتاجين لتعليل سريع للوضع الوضاربك منو ...؟

إن شاء الله نبارك ليك إنت كمان ،،

==

عااااادي ياهندسة،، ماتشيلش هم!!
(تلقى الزول ابخشماً كبير دا كل يوم قاطعا في كيسو!!!))،،

Quote: باللاي يا عمكـ .. تتسيّكـ وتعمل ميت؟

ود الصايم سلامات...

مش الحمد لله ما عمل "مؤمن"؟؟؟

اصلا المؤمن حلبي...

هو عليك الله طارق خلى التسيك من متين...

ما دايما "اتوهو" لاطش...

ود الصايم... حقوا تخليهو يعزف على الساكس...

عشان يحلي السيك شوية

Quote: بالله محتاجين لتعليل سريع للوضع الوضاربك منو ...؟

تعليل شنو يا موسى ياخ!
تعليل أكتر من يسلما 13 قافلة!!

Quote: إن شاء الله نبارك ليك إنت كمان ،،

هأأأأو!
أنا بن جلى وخرخار الوست!
متى أكب الورق واطة تعرفوني!!





_
معقولة يا طارق ياخ!
ما كان في أي طريقة غُبار .. مطرة!!

* تعديل لتوضيح الخرخرة من الغبار!

Quote: هو عليك الله طارق خلى التسيك من متين...

إنا لله!
كمال يا عمكـ .. يعني الزول دا متعووووداااا وكـدا!

وأنا أقول الصلعة والنضارة الكبيرة دي من شنو!

Quote: باللاي يا عمكـ .. تتسيّكـ وتعمل ميت؟

ودّ الصّايـم
سلامات

التّفاصيل التّفاصيل يا عـمّك







أحرّ التّعازي

يقام المأتم في ضواحي الرياض الجنوبي و علي المعزين من خارج الرياض

مراعاة فارق التوقيت و كسير الثلج لابد منه ؟؟

Quote: وأنا أقول الصلعة والنضارة الكبيرة دي من شنو!

** ود الصائم
** مساءك خير
## الفوق باللون الأحمر ,, عندنا فى العائله وراثه النظاره توزع فى سن 12 والصلعه فى سن 22 ..
** كفاره يا إبن خالى ,, بس العيب تكون فى قبولك ,, ربما يؤدى الأمر الى سحب الجنسيه منك..

## ودالصائم فى بحرى طراوه تم تعيينك والى وناظر لخط حلة كوكو الى أبو دليق ..

(ودام الود بيننا)
(ابو محمد فؤاد)

العزيز طارق ميرغني الحاصل شنو أنا عارف لو سالت ود الصايم ده ما يحا يقر لي ، لكن إحطياطاً كده ألف مبروك ،،
ويا ود الصايم ألحقنا بالصور ،،

تحياتي : ياسر العيلفون

أبو اللول .. ماف طريقة أي تفاصيل!
ما شايف عمكـ زايغ من البورض زاتو!!




_
كـدي خليهو كان بقدر يجي يقولا!


_
قفّل الطبلون 13 + جُرسة .. (علييييكم الله لعبوني)!!

الهندسة يا ود الصائم قال ما قادر يدخل لان الجهاز فيه فيروس ، الحقيقة ما عرفت ياتو جهاز ؟؟؟

لكن الظاهر السيك عملت عمايل في كل الاتجاهات ؟؟؟

انشاء الله يا طارق الجات في سييك تبراك !!!!

Quote: ما شايف عمكـ زايغ من البورض زاتو!!

ود الصايم.. زايغ من البورض بس؟؟!!!

ده زايغ من STC بحالها.. تتصل بموبيلو...

والرد الآلي يقول ليك غير موجود ولم يكن

يوما موجود في سجلاتنا..

فضلا أتصل في "عشرة" آخرى...

حيرنا... والله...

طارق يا أخي دي أول ولا آخر سييك؟؟؟

Quote: أبو اللول .. ماف طريقة أي تفاصيل!

يا عـمّك أنا جايـي بكرة الرّياض أقوم بالواجب وأقدّم واجب العزاء
ولازم نعرف الـمرحوم مات ( مـجلود ) ولاّ ( مربوط ) ولاّ الـحاصل شنو ؟






بالله حاول تـجيب التّفاصيل من القاتليْـن
هذا إن لـم تكن عمليّة إنتـحار بالطّبع

من ضمن المبررات يا عمك انه الراجل وحداني هذه الايام

و بمر بظروف صعبة و بغنى في :

ظلموني الحبايب و قالوا لي انسى و من بعد المحنة العشه خمشه خمشه

اللهـمّ لا إعتراض فـي حكمك يا رب
بالله كُنّا فـي سيـرتـها قبـل يوميـن بس هنا :-
(( Re: طرائف الأخطاء المطبعية والاملائية بسودانيز أون لاين ... ))

Quote: النّاس دي ما عاوزة سيك ومتخيّلة التّاء الـمربوطة دي تجيب إسنا ومابية السّنفكة ولاّ شنو ؟

الدّوام لله

المصيبة دي طاريها في خسمك ما تجيبوا و الله بتقع علي طول زي القدر

و صحبك حالتو بتحنن الجماعة شغالينو ليهو وساطات تقيلة للعودة للبوست

و الله موضوعه دا قرب يرحلوا الدوحة علشان يلحق المفاوضات عديل !!!

ولو إني ما عارف الحاصل شنو .. لكن للضمان كده .. يتربى في عزكم...

عقبال صديق الموج

يبرى ود الموج مالك عليه الراجل لسع صغير و حلاوة الدينا عليه

لا حمل سييك و لا عندو صلعة و أولاده معاه !!!!!!


ما زال العزاء قائما و ممكن تلقى التعازي عن طريق الهاتف السيار ؟؟

و في حالة عدم الرد او انشغال الخط نرجو محاولة الاتصال في وقت لاحق ...

Quote: ما شايف عمكـ زايغ من البورض زاتو!!

حسع عليك الله بعد الحفلة دي البجيبو البورد شنـو ..؟ يكون غلطان بس ..

والله يا باشمهندس بالغته عديل كدا .. في السقط دا كمان .. ؟

ياخ شدة ما حارة الحركة دي .. انا افتكرته ذاتو يكون لغوها من قانون الوست ..
يعني الفورة تكون لحدي اطناشر بس ..

يا باشمهندس ياخ حميـدة ما قاعد ياخد سيك ..

Quote: يا عـمّك أنا جايـي بكرة الرّياض أقوم بالواجب وأقدّم واجب العزاء

يا لؤي يا أخي

أنتهى العزاء بإنتهاء مراسم الدك... الدفن.. السنفكة...

المهم المرحوم حي يرزق

قـــــرار ادارى

اصدرت لجنة الارتقاء باللعبه المنبثقة من لجنة الرقابه
الداخلية المنبثقة من لجنة الحكماء المنبثقة من لجنة
الانضباط المنبثقة من لجنة بورداب الرياض..
بعد ان وصلتها بعض التقارير من كبير المفتشين موسى عيسى
اصدرت اللجنة القرارات الاتية:

1/ ايقاف اللاعب طارق ميرغنى لمدة 3 شهور تبدا من تاريخ 9/1/2011
2/ شراء عدد 5 فرد كوشتينة جديده اصلية للمذكور..
3/ ارسال اللاعب طارق ميرغنى للمدرب حمزاوى على ان يباشر مع المذكور
التدريب اليومى بشرط ان يبتدى معه من القطعية.
4/ تعيين الاستاذ محمد عبد الماجد الصائم مترجما خاصا(نسبة لضعف لغة
حمزاوى العربية) او دخول اللاعب كورس لغة لمدة شهر.
5/ التركيز مع اللاعب طارق فى دروس فن البوشة..
6/ بما ان المذكور يحتاج لاعادة تاهيل كامل يجب متابعة دروس طرق التسمية
الحديثة وذلك بحضور ورشة العمل المنعقدة بهذا الخصوص بالملز..
7/ بعد هذه الدورة يلحق اللاعب المذكور بفصل حميدة ومصطفى حرشفان ويوسف ابوسنينة..
وعبد الله داش ...

بروف/صديق الموج
رئيـــــــــس اللجنــة

يا ود الصايم

والله خلعتوني ...!!!

اصبر بجيك برواقه عشان احكي الفيلم بكل صدق وامانه

انا قايل فيلم جلد البت ولا الاستفتاء حينسيهم

اتاريهو في ناس حاقدين بشكل...!!!

انا با دوبي جايي من الشغل ولنا عوده باذن الله

الرحوم حي....

استعدوا....

قال جاي هسع

Quote: قفّل الطبلون 13 + جُرسة .. (علييييكم الله لعبوني)!!

طارق عمل العليهو يا عمك !! يعمل شنو أكتر من كدا , دي سيك ورق ساكت
=
دي عندنا في السودان ما بحسبوها سيك , أسأل عبد اللطيف بكري

Quote: دي عندنا في السودان ما بحسبوها سيك , أسأل عبد اللطيف بكري

يادكتور كلامك صاح 100 المية ، دي إسمها تلاتاشر بس ،،

عايزين يفسحو الراجل الطيب دا يبقن عليهو اتنين : (صقط) وسيك!!! لاحولااااا!!
أوع بس يكون زميلو واحد من أشهر عزاب المناطق المحررة : الشايقي والمحرب!!!
==

ود الصايم ياحاقد!!

اولا اديكم صوره كامله للعيبه الكبار :

زميلي الاستاذ نزار المرضي








انظروا لهذا الحمل الوديع

نزار امدرماني اصيل من حي العمده ويسكن شارع كرري حيث معارك المهدي الضارية

الصلعه لي نص الضهر

من جيل التضحيات

لا يهاب ، جسور جاي في علبا، لا يابه بمستر بوكر زاتو ،

يسمي تلاطاشر بي اتنين اتو

الاعداء





المنافسين هم دكتور شوقي يسن اخصائي طب اسره بوزارة الصحة السعودية

محظوظ ، مجازف لا يلاوز وقد يصل حد التهور احيانا

يزامله الباشمهندس عبد الرحمن ابو الحسن وهو زميل بالبورض

ملاوز وعكس زميله لو ما متاكد ميه في الميه انها حتجي لا يلعبها

اتمني ان يدخل ليمرق الزمه

المعلم الكبير الذي لا يهاب الاعداء

والذي لا يجازف بسمعته من اجل تلطاشر كرت فقط


لا يفرط في يد ولو تتقطع ايدو

الحكمة التي يؤمن بها:

رب رمية من غير رامي

إنت جيت يا مرزوق!!

طارق يا اخوى والله يظهر زميلك ماعندو زميل
يا اخوى اختيار الزميل جزء اصيل من فن اللعبة،،،

غايتو طارق (ابو الفن ) دا حريف من زمان



صديق الموج ... سلامات
بالله شوف الصورة الفوق دي

Quote: طارق يا اخوى والله يظهر زميلك ماعندو زميل يا اخوى اختيار الزميل جزء اصيل من فن اللعبة،،،

ياخي ناس طارق ديل لعبوها تحت ضل الجرجير تقولي شنو
ولعبوها زمن البلدية
.
.
وفي حال التأكد من هذا الخبر
سوف يتم سحب الجنسية البحراوية من الاستاذ طارق ميرغني

Quote: باللاي يا عمكـ .. تتسيّكـ وتعمل ميت؟ ياخ إنت قايل الرياض دي ما فيها شمارات؟

غايتو شقي البقع في يـــدك ما بتســتر ليكم زول أبـــداً
بالطريقة دي العالم كلو عرف انو طارق ميرغني أخد سيك
..
..


__
طـــارق ميرغني كفارة يــــاااخ وتتربى في عــزك يا حبيب

طيب

اعود بيكم للعبه

القبول للمهندس ابو الحسن

بداية التسميه عند زميلي نزار في ورقو توجد صورتين

ولد شيريا في تلاته واس اسود ... فقط

قال بااااااص.

بالله ديل ناس عندهم خوة

غايتو ... شقي الحال يقع في القيد

المهم نرجع للعبه

بعد ما زميلي نزار قال باص

دكتور شوقي زميل ابو الحسن قال عشره ... عندو سبعه هارت قافلات


انا بس عايز البروف صديق الموج رئيس اللجنه يمرق الزمه

جاتني التسميه

انا عندي اربعه اسود فيهم شايب وبت وولد هارت في تلاته ...بس

يعني تلاته صور في الورق

في الحاله دي يا عمي الموج اقول شنو؟؟؟


قلت تحديدا وبالاسم:


FULL ... تلاطاشر


صااااح ولا ما غلط...!!!

زميلو عندو 6 أو 7 شيرة قافلات ناقصات البليه عند زميلك
أكلو بوهيتين وصيعو اس الأسود العندكم،،


--

ما عليك شيء ،،
براءة،،

Quote: قلت تحديدا وبالاسم: FULL ... تلاطاشر صااااح ولا ما غلط...!!!

طــارق ميرغني لو عملت كدا فعـلاً فلا تثريب عليك
وتبقى السيك دي مكتوبة ليك
أهم حاجة تكون عملته العليك وبس الباقي عمل ربنا
لكن برضو حاااااااااااااارة والله

Quote: لكن برضو حاااااااااااااارة والله

والله صحي،،

وينك ياعريس!!

وييييييين صورة العدو رقم اربعة شايف تلاتة صور بس!
كنتو لاعبينها ثلاثة انفار ولا شنو؟؟
غايتو كان رابعكم ود الصايم دة بيكون غشوك خرخرة ساااكت يا ود ميرغني.
شكلها كانت سييييك عالمية ومعاهو دامت الاسود.

دامة الاسود.... كتبتها غلط في المداخلة الفاتت

Quote: FULL ... تلاطاشر صااااح ولا ما غلط...!!!

لا كان كدي خلاس وما عليك حاجة ومكتوية ليك

ما زي سيك ود الشري والله انا حارقاني لي هسي




خالص الود

سلامات

يا ود الصايم..
شلت حس الزول ساكت..
طارق ده مرشح لمدير التلفزيون القومي..

يعني يصح نكتب في سيرة السيك؟؟
لالالالا ما ممكن

تحياتي

Quote: والله صحي،، وينك ياعريس!!

أووووووو عبد اللطيف

اخوك الزمن مقصر معاهو شـــديد والله
لو بس يزيدو اليوم ساعتين كمان يكون تمام
بجهز في الاستاد قصدي الشقة ياااااخ

Quote: انا بس عايز البروف صديق الموج رئيس اللجنه يمرق الزمه

شوف يا طارق انت زممتنى وانا على اوريك من هنا ولى قدام تعمل شنو
فى مثل هذه الحالات..
اول شى نحن اولاد امدرمان اسياد لعب الورق بشقيه
كان ناس البدوك والا كان ناس نجمتو ليك جنس نجام ديل..
ماتتابع لى ناس عبد اللطيف بكرى بتاع الاقاليم ده..
ديل لعبهم لعب حلال ساكت(جمع حله)بكسر الحاء..
اول شى فى امدرمان فى حاله زى دى تقول ليه اربعتاشر وحرم العب انا..
اكيد ما حا يطلقو المره وحا يلعبوك.. ولو رفضوا يلعبوك..
تخليهم يلعبوا وتبوش فى الاتو من تانى كرت وهو حا يفتكر باقى
الاتو عند زميله حا يقوم يوقفو، اول بوهية تجيك تقوم
تجلد وبسرعة تفتح البوهية البعدها تصدق حا تشككو فى نفسو
وحا يشبكك انت بوشت ويرجع يفتش فى الايادى تقول ليه ابدا انا ما بوشت
ولى هسه عندى اتو كيف ابوش ،البوش زميلك والموضوع يبقى
غلاط وتندكا،وتكون مرقت من نوع شماتة ناس موسى وود الصايم ديل.
على اسوا الفروض تعمل بطنك زنقتك وتمرق تمسك الورق زول.
غايتو نحن فى امدرمان من سنة 2001 مافى زول اتسنفك..
شفت الفرق بين ناس امدرمان والحلال شنو؟
يجى عبد اللطيف بكرى هناك لى هسه بلعبو الكوشتينة بتلاته
سبعات يقول ليك ما دام قلت تلاتاشر ما عندك ذنب وده تسميع
واسنة ورق، والذى منو..
طارق بتحكى فى الحيثيات حننتنى.. تصدق دمعت؟؟

Quote: يجى عبد اللطيف بكرى هناك لى هسه بلعبو الكوشتينة بتلاته سبعات يقول ليك ما دام قلت تلاتاشر ما عندك ذنب وده تسميع واسنة ورق، والذى منو..

هههههههههههه،،

ياربي يكون رشحوني أمين عام؟؟ ود الموج دا زي القاووت ، لا يصيب إلا المشاهير ههههههههههه،،

والله ياتعبان لو ما الكوتشينة دي كان ناس الأبيض دي زمان رموكم في البحر الأسود!!

ماسمعت بأنو مرشحينا في حكوماتكم كان شعارهم الجوكر؟؟

==
طارق ميرغني ، لا تثريب عليك ماتسمع كلام المتهجمين ديل!!

Quote: والله ياتعبان لو ما الكوتشينة دي كان ناس الأبيض دي زمان رموكم في البحر الأسود!!

عبد اللطيف سلام..
هسه انت فرقك من الامين عام شنو انت؟
غير انت بتتكلم بلغة عربيه سهلة!!!
يازول وحاتك ناس امدرمان ديل العلمو الناس يلعبوا الحريق 5 وسته وخمستاشر نفر
ياخى بدليل اخر مؤتمر بتاع تعديلات ما شايف مندوب الابيض..
ياخى فى زول يتسنفك فى الالفيه الجديدة غير ناس عبد اللطيف والبشارى ديل..
ياخى حميدة الكيشه ده علمناه يطلع من السيك كيف..
حمزاوى وابو جهينة عربى ما بعرفوه هسه بلعبو زى الطلقة..
تابعنا يا طارق تاكل ملبن،،،

Quote: اول شى فى امدرمان فى حاله زى دى تقول ليه اربعتاشر وحرم العب انا.. اكيد ما حا يطلقو المره وحا يلعبوك.. ولو رفضوا يلعبوك.. تخليهم يلعبوا وتبوش فى الاتو من تانى كرت وهو حا يفتكر باقى الاتو عند زميله حا يقوم يوقفو، اول بوهية تجيك تقوم تجلد وبسرعة تفتح البوهية البعدها تصدق حا تشككو فى نفسو وحا يشبكك انت بوشت ويرجع يفتش فى الايادى تقول ليه ابدا انا ما بوشت ولى هسه عندى اتو كيف ابوش ،البوش زميلك والموضوع يبقى غلاط وتندكا،وتكون مرقت من نوع شماتة ناس موسى وود الصايم ديل. على اسوا الفروض تعمل بطنك زنقتك وتمرق تمسك الورق زول. غايتو نحن فى امدرمان من سنة 2001 مافى زول اتسنفك

يـجـي يقول ليك بـحري وبَرّي وجوّي
أحبّ الـموج ذاتو ياخ
دا أخو الزّول ذاتو







ناس كَيَشة

Quote: ياخى بدليل اخر مؤتمر بتاع تعديلات ما شايف مندوب الابيض..

والله ياهو دا الفضل،، مندوب الفيفا يجي يجتمع مع إتحاد الحصاحيصا،،

خليهم يزعلو ناس الحصاحيصا،،

بالفعل والله يا ود الموج وعبد اللطيف ولؤي واحمد

ما طالبني حليفه

بعد ما قلت تلاطاشر بي نهره كدا

الباشمهندس عبد الرحمن انا عارفو رقاطه وبيرجف

الغريبه ما قال لي "إندس" كما بقول في العاده

مسك ليك الاتو الديناري نفض ليك التربيزه كلها واكلوا اس الشيرا والشايب والبت

وادا زميلو الهارت

وداك كمان ما قصر مسك ليك من الاس الشايب البت ولدي بتع الهارت صاع

واستمر لحدت الدو

اها انا اتلومت ولا لا..........

صراحة يا أخ طارق ماعندك البتقولو
قال إتلومت قال
دا يايمة لوم يقعد ليك لي جنى الجنى





من دواعي أسفي يا لأخ طارق أول مداخلة لي معاك تكون في محفل زي دا
لكن تقول شنو ماكان ممكن أفوتها

الشكر كل الشكر لمن وقف معي او اتصل او ارسل رسالة

او ابرق معزيا في المصاب الجلل

اخي عزام حسن فرح والاخ الشايقي والشيخ خالد المحرب

مما كان له الاثر البالغ في تخفيف المصاب


_________________

هذا الكتاب مرفوع لسماحة البروف صديق الموج رئيس اللجنة للبت فيه

ولاسكات الاعداء والشمات

وبهذه المناسبة اهدي لهم اغنية يا شماتة ابله ظاظا فيا

لقطة تاريخية تضم المتهم طارق ميرغني مع رئيس اللجنة البروفسير صديق الموج ومتابعة لصيقة للعب البروفسير ونظرة ثاقبة تدل علي انه ليس من السهولة بمكان ان ياخد سيك

اهدي هذا الصورة لكل الشمات برئاسة ود الصايم الزايغ من البوست مما ظهر الحق

ويا راويه ما كان دا محري فيك بدل ما تخففي المصاب

وعلي قول المثل التور ان وقع كترت سكاكينو

مما تقدم اعلاه تضم قائمة الشمات والاعداء هم الاتية اسماءهم:

محمد عبد الماجد الصايم

موسي عيسي

كمال كرار

عبد العزيز عيسي

راويه

والمتهم الاول هو السيد موسي عيسي ويبدو ان

كل الدلائل تشير الي انه الناقل الرئيس للشمار

ٍSMS

ولا يفوتني في هذه السانحة الا ان اشكر الاخوة والاصدقاء

الذين وقفوا بجانبي وازروني او وقفوا في الحياد

الشايقي
عبد اللطيف بكري
لؤي
عبد الكريم احمد الامين
ياسر السر

ايمن مبارك
حمزاوي
تمبس
صديق الموج
عبد المجيد المقابل
وليد عبد اللطيف
الامين موسي البشاري
احمد محمد بشير
ياسر بيناوي

طارق قال لى قبل قليل انو زميلو قال باس ود شوقى قال 10 وطارق قال 13 والقبول لعب
انا فى راى اذا كان كلام طارق دا صاح فاذن السيك فطيسى

مبروك يا طارق ميرغني وليكم كل العز

بحيراوي

Quote: يـجـي يقول ليك بـحري وبَرّي وجوّي أحبّ الـموج ذاتو ياخ دا أخو الزّول ذاتو ناس كَيَشة

لوى يا حبيب شوق مطره
رحم الله عم عوض كان بقول الما من امدرمان الترابه دى فى خشمه..
تقول لى بحرى وقبلى..
عالم تتنسفك فى الربع الاول من القرن الواحد والعشرون..
شوف الناس التى بررت هذه الاسنا من هم؟؟ ناس الهامش فقط..
المحرب،عبد اللطيف بكرى،البشارى،
انت عارف يا لوى حقو نطالب بالانفصال ..لوووول
اقل شى انفصال كوشتينى،،،

يا ود الموج خليني من الهامش ولا من امدرمان انت رايك شنو ؟؟؟

السيك انت لو لاعب بتقدر تتخارج منو؟؟

ياخ أعمل غمران وكبّ الورق!


كاااااااااااااااااااكـ

Quote: يا ود الموج خليني من الهامش ولا من امدرمان انت رايك شنو ؟؟؟ السيك انت لو لاعب بتقدر تتخارج منو؟؟

طارق يا اخوى تابع الوصفه دى تانى عمرك ما بتنسفك،،،

Quote: اول شى فى امدرمان فى حاله زى دى تقول ليه اربعتاشر وحرم العب انا.. اكيد ما حا يطلقو المره وحا يلعبوك.. ولو رفضوا يلعبوك.. تخليهم يلعبوا وتبوش فى الاتو من تانى كرت وهو حا يفتكر باقى الاتو عند زميله حا يقوم يوقفو، اول بوهية تجيك تقوم تجلد وبسرعة تفتح البوهية البعدها تصدق حا تشككو فى نفسو وحا يشبكك انت بوشت ويرجع يفتش فى الايادى تقول ليه ابدا انا ما بوشت ولى هسه عندى اتو كيف ابوش ،البوش زميلك والموضوع يبقى غلاط وتندكا،وتكون مرقت من نوع شماتة ناس موسى وود الصايم ديل. على اسوا الفروض تعمل بطنك زنقتك وتمرق تمسك الورق زول. غايتو نحن فى امدرمان من سنة 2001 مافى زول اتسنفك

طارق ميرغني
كيف حالك؟ علك طَيِب

Quote: قلت تحديدا وبالاسم: FULL ... تلاطاشر صااااح ولا ما غلط...!!!

إتْ يا خوي كُتْ مِتْحنِن ولا شنو؟ ما جريت خبارك.. الجري ده راجي بيهو شنو عاد.. ناس ما بتعرِف تستخدِم آلِياتِها كلو كلو.. تِسْتاهل ياخ..

طارق كدي خليني من سيكك

أنا زعلان على دقن شوقي...

يا ربي حلقها قبل ولا بعد السيك؟؟؟

طارق صنفتني من الأعداء...

عدو حريف خير من صديق كيشة...

لكن يا طارق ميرغني حبيبنا
في حالات زي ما عليك إلا تدعي وتقول :
يا الله مطره
يا الله غبار
او تقول الاضاءة غير كافية وماشايفين
اها برضو الحصل دا كلو ممكن نقول زي ما قال المدرب مازدا : دي مرحلة إعداد
.
.
غايتو شمّت فينا ناس لؤي

الحمد لله الليله شرفنا صديقي العزيز عزام

الحمد لله الادوني اسنا عشان نشوفك

______________________

يا لؤي الجيه للرياض لو الليله

لو ما وصلتني لن اتقبل منك اي عزاء في الاسنا

لا حول ولا قوة غلا بالله ، إسنافيك عديييل كدة ؟ ولو آخر كرت بقى دو يبقوا إتنين إسنافيك

وقالوا ياخوي طارق الجار قبل الدار

صيديقي العزيز

مبرووووووووووووووووووووووووووووووووووووووووووووووووووووووووووك

جاييك راجع

الحق صاحبك يا جدو ..... ود موسي

كفارة يا طارق بس ما كان لازم تكون يوم الاستفتاء دا لأنو كده اديت ود الصائم فرصة يتذكر اليوم الأسود دا كل سنة.

Quote: 3/ ارسال اللاعب طارق ميرغنى للمدرب حمزاوى على ان يباشر مع المذكور التدريب اليومى بشرط ان يبتدى معه من القطعية.

سجمي

Quote: طارق ميرغني ، لا تثريب عليك ماتسمع كلام المتهجمين ديل!!

..
لا والله يا طارق تثريب عليك ..
في النهاية الكشتينة طلطاشر ورقة بتتوزع بي ضهـره .. طيب ما كان يوزعو الطلطاشر ديل بي ضهرم لي أي واحد تاني وتطلع إنت منها زي الشعرة من العجين .. لييه بس يوزعو ليك ديل ؟؟
أقوليك حاجة .. في حالات زي دي .. إنت بتكون محظوظ وجاتك في طبق من ذهـب حكاية يوزعو ليك طلطاشر كرت وتتسنفك بيهم ..
يعني بي صورة أوضح .. زي ما قاليك صديق المووج ..
أول حاجة تقول اربعطاشــر .. وقبال ما تمشي منك لي حتة تانية تقول اربعطاشر ونص ..
مش قلبك حاسي وقلت طلطاشر البمنع شنو تقول اربعطاشر .. واللا تبقى عليك حفلة زي دي .. ..
بعدما تسميها اربعطاشر بعداك هين الباقي تسردب ليك بي يد أتو زي ما قال المووج .. بعدين وإنت شايل الورق ما ترجف .. ولا تدي فرصة لي عيونك يبقو حمـر تلعب وإنت قلبك قوي .. وما ترقص مع اي ورقة يرميها الفريق الخصم .. ما كمان ورق السنفكة والسيك ظاهر وورق اليد الواحده ظاهر ..
في الحريق المطعم بكون عادة في جوكــر في الجيب يا تحت البطانية نظام مراقه احيانا في عصره كدا والله جوكرين ما يمرقوك .. هي دي زي عصرتك دي ..

Quote: الذين وقفوا بجانبي وازروني او وقفوا في الحياد

أنا والله يا طارق ما وقفو بجانبي ولا ازروك ولا حاجة .. انا شمتان عديل كدا .. غايتو لما واحد يلبسه برتاح نفسيا بشكل ..
اخطر اسنا وسيك مرو علي في تاريخ حياتي وما انساهم ..
واحده وانا جاي السعودية بعد ساعتين .. في بيتنا .. لبسه لي أبوي وأخوي الصغير الساعة اتنين صباحا ولو كان السفارة فاتحه في الصباح داك .. كان مشيت عملته تمديد للتأشيرة يا كان خليت السفر زاتووو ..
السيك التانية .. قبل خمسة سنوات في أول يوم في عيد الضحية .. والله من الخلعة الدخلت فيني لحدت الآن قلبي بدق .. كلما اشوف لي ناس بتلعب ويسسست قلبي يدق

طارق ميرغني يا فنان
يعني تستغل عدم وجود دكتور شوقي في المنبر وتؤلف كل هذه التأليفات؟
ياأخ كما قال ابوالسيوف التسمية أهم شئ، وأنا أقول هي مخ اللعب وهذا بالضبط مافعله دكتور شوقي. التسمية الصاح في الوقت الصاح، ده غير التاكتيك العالي الذي مارسه والمقصات والثروهات التي أطربت الأعداء قبل الأصدقاء، تقول لي ورق وتسميع.
يا طارق يا فنان أنت تسميتك صاح ولكن الإخراج كان تعبان. يعني انت عارف زعيم حزب المحافظين منتظرك والقبول حقو تروح قايل ثلاتاشر بالطريقة دي! يا أخ دي كان أحسن منها الرووووووب. كان لا زم تجمد شوية، لكن انت جيت مدردق ولسان حالك يقول أرحموني يا ناس وحنوا علي. ناس الكورة بيتكلموا عن أهمية اللعب بدون كرة يعني تتحرك كيف تقيف وين وكدة، وفي الوست كمان هناك اللعب بدون ورق ومنه الجري الذي هو ما حقك ولكن بدون أن يعلم الآخر إنك جاري.
أما مازدا (نزو) زميلي العتيق فقد عجبني ليهو وعقبال عمك موسى عيسى الشامت الأكبر.

إنتو البتاع دا قلب قبل المية مالو؟

Quote: ما مازدا (نزو) زميلي العتيق فقد عجبني ليهو وعقبال عمك موسى عيسى الشامت الأكبر.

رغم إني معتذر عن المداخلة حتى نهاية شهر يناير الشؤوم علي السودان حداد علي الإنفصال إلا أن المداخلة قبل

السابقة اضطرتني ان اهبط اضطرارياً و اطلب من اللجنة الموقرة تحديد مكان و موعد لمباراة فاصلة للضارب

بالباشمهندس طارق ( عبدالرحمن ابو الحسن ) ردا لاعتبار المجني عليه و حافظا علي كرامة البوردابي طارق ميرغني

التي تمرمتطة و أيما مرمطة حتى صارت الصلعة ملعبا للكيش يتبارون عليها في النجيل الصناعي !!!!!

علي ان يكون التحكيم بقيادة البروف ؟؟؟؟و عضوية كل من حمزاوي و مراقب لجنة التحكيم ود الصائم ؟؟؟

عجبني للمرقود هسي في داعي للضحكة دي لو حلفت طلاق ما كان احسن ليك ؟؟؟

شهد شاهد من اهله : حيث افاد الدكتور شوقي ياسين و هو عديل للمضروب طارق ميرغني

و صحح المعلومة المغلوطة من قبل المجنى عليه حيث أفاد أن السبب الرئيسي للسيك هو كالتالي :

1- التسمية الصحيحة من قبل الدكتور و هي تسعة بخمسة كروت و هي الاس و الشايب و البنت

و كرت التسعة و خمسة و في الشيريا شايب و بنت فقط و شايب ديناري واقف و هو الاتوه

و أربعة كروت صغيرة من الاسود ، 2- حسب اعتقاد الكابتن طارق أن الحكاية تسمية خفيفة و ان

الباشمهندس عبدالرحمن ابو الحسن الاشارة عنده مفتوحة لذا قال قال فل ياوردة و لعب ابو الحسن

بستة اتو من الديناري ناقصة الشايب تبع زميله .

و هذا ما لزم توضحيه .

اولا اود ان اورد التصحيح الذي جائني عبر الهاتف من الدكتور شوقي

ان تسميته كانت تسعه وليست عشره ولعبها بخمسة اتو اس وشايب وبنت وتسعه وكرت

زميله عنده العشره وانا الولد في تلاته

يا تمبس انا معاك السيك حاره حتي ولو مافي مراقه لكن الشقي يقع في القيد

اخيرا ظهر الباشمهندس عبد الرحمن ابو الحسن صاحب القبول والسيك

والحمد لله اعترف انو انا ما قصرت لكن لا في قصقصه زي ما قال ولا حاجه

اتو قافل

شوقي عندو خمسه هارت ماكلات

اس وشايب وبت شيريا

تاني فضل شنو؟؟؟

ما يااها التلطاشر ؟؟؟

ويا موسي انا جاهز للتحدي

بشرط تتكون لجنه محايده برئاسة البروف صديق الموج وعضوية كل من حمزاوي وتمبس

ومشرف عام ومجهز المعينات و د الصايم


ترهاقا ممثل في الولايات المتحده

عزام ممثل في قطر

وفي انتظار تعيين لجان المتابعة
_______________________________

يا ود الصايم اظنو اي شيء شغال في السودان بخصم التلت حتي البورد

بقت الصفحه تقلب من 75 !!!

حقو الواحد ـ وبما إنو تمبس ماشي جدة في آخر الأسبوع
وما ح يكون عندنا أي موضوع ـ يقوم يجي يتفشّى فيكـ
ويدبّل ليكـ ويطبّق ليكـ الحنة!!

Quote: حقو الواحد ـ وبما إنو تمبس ماشي جدة في آخر الأسبوعوما ح يكون عندنا أي موضوع ـ يقوم يجي يتفشّى فيكـ ويدبّل ليكـ ويطبّق ليكـ الحنة!!

حديثك يوحي أو فيهو إشارة لي إنو انا جنينتك
بيد إنو عندك جنينتين .. حميدة وعوض عكاشـة ..
ياخ مرة حميدة لاعب زميلي مسميها عشــرة .. والقبول جاهو .. طلعت اطناشر بالمقلووووب .. واليد الواحدة دي جازفتها أنا مجازفه من صلب الكتكووت ...
..
ان اخشى إنك تطبقه لي الباشمهندس .. يجي يقول الكشتينة قديمة .. ما بتنشاف لي
..

مبروك يا طارق

دخلت التاريخ من اوسع ابوابه

مع 9 يناييييير 20 وحداشششششر

جاني التصحيح قال

وينك يا ود موسي

يا طارق والله بعزك

لكن البدوه سيك دا ..... اقول فيه شنو!!!!

برضو وينك يا ود موسي


دكتور شوقي

شايف ضحتك في السلك فاتت ضحكة ود الصايم بهناك

وكمان ضحكة تمبس

ود كله من شنو ؟؟؟

وعشان شنو ؟؟

ولمنو؟؟؟

جاييكم راجع

Quote: ياخ مرة حميدة لاعب زميلي مسميها عشــرة .. والقبول جاهو .. طلعت اطناشر بالمقلووووب .. واليد الواحدة دي جازفتها أنا مجازفه من صلب الكتكووت ...

ياتامبا لعبكم دا بتاع هظار ساي!!

عندك زميل البورض البروف عبد المجيد المقابل جاتو 3 باصات وعندو أشنى ورق في التاريخ: لعبها خايف 13 من يدو!!

تقول لي الموج الأزرق؟؟

Quote: حديثك يوحي أو فيهو إشارة لي إنو انا جنينتك

"واقبل بعضهم علي بعضهم يتلاومون"

رب اشغل اعدائي بانفسهم

مشكور سعادة المستشار حسن طه

لكن المباركه دي مؤازره ولا شماته

بناءا علي توصية من العم حمزاوي قاضي المشورة الشعبية تقرر تحويل تمبس

من خانة المؤازيبن الي خانة الاعداء وسيتم صرف واحد سيك له في اول مقابله

يا اخوانا عشان الصوره تكون واضحه

دي الكروت المهمه في اليدين براكم احكموا

طبعا باقي الكروت غير المهمه تعتبر بوشات لم اذكرها

اها يللا احكموا يا باشوات:

مكرر ..

Quote: يعني بي صورة أوضح .. زي ما قاليك صديق المووج .. أول حاجة تقول اربعطاشــر .. وقبال ما تمشي منك لي حتة تانية تقول اربعطاشر ونص .. مش قلبك حاسي وقلت طلطاشر البمنع شنو تقول اربعطاشر .. واللا تبقى عليك حفلة زي دي .. .. بعدما تسميها اربعطاشر بعداك هين الباقي تسردب ليك بي يد أتو زي ما قال المووج

يا تمبس الكلام ده بعرفوه اولاد امدلرمان بس
تقول لى بحرى وقبلى وسافل وصعيد...
قال القلقاله والابيض بلا معتصم بلا داش بلا غمر لووووول
خلى ناس الهامش ديل اتسنفكو ان شاء الله ما مرقو منها،،،

Quote: تقول لى بحرى وقبلى وسافل وصعيد

يا ود الموج

كتر خيرك تلمنا مع ناس الهامش يا ...

انت مالك زايغ من الورق الفوق دا...

بعدين قصة اقول اربعطاشر او مزنوق وامشي الحمام

عشان ادكها دي عمايل ما ديمقراطيه ولا تنسجم مع الروح السايده

في السودان اليومين ديل ما شايف الجنوب انفصل زي الفصلوا رجل كرنقو

ولا فصلوا ليهم عربية فرمله في اكسبريس عطبره

______________________

يا حيدر الزين يا اخي باقي الورق كلو بوشات يعني انا جبت الصور بس

وتايه يعني تمانية هارت ولا اربعة شيريا او ستة اسود ؟؟؟

يا اخواننا يدكم معانا بعد اذنك ياودالصايم

الى بكرى ابوبكر مع فائق الاحترام والتقدير

تلقيت مساء اليوم مكالمة كريمة من اخي وصديقي المستشار حسن طه من قطر

وفي معيته تحدثت مع صديقي الفنان عادل التيجاني مدير مركز اصدقاء البيئة بقطر

وفي معيتهم حوالي خمسة عشر رجل سوداني كما ذكر اخي حسن طه

تصوروا مدي فرحتهم وزغاريدهم وكواريكهم والله اكبر وتهليل وتكبير

والعزة للسودان والنصر للاسلام

تصوروا انا قايل الجنوبيون صوتوا لوحدة السودان

اتاريهم كووووووولهم مبسوطين للسيك....!!!!!


عالم حاقد ............

Quote: تصوروا انا قايل الجنوبيون صوتوا لوحدة السودان اتاريهم كووووووولهم مبسوطين للسيك....!!!!!

الحقيقة يا طارق انو السيك اقترن بيها انفصال الجنوب يعني ما حتتنسى للأبد و بقت تاريخ

للشباب تاني لمن عايزين يتذكروا شي يقولو ليك لمن طارق اخد سيك قبل الانفصال بيوم !!!!

كما بلغني الان من المدير العام لملعب الملز للوسته البيان التالي :

نسبة لحزن الشعب السوداني الأبي لما تعرض له الفنان طارق ميرغني من ألم بليغ و تضامنا

معه و مع شعب جنوب السودان فقد تقرر قفل ابواب الملعب لمدة ثلاثة اسابيع حدادا علي روح

السيك ، فعلي الجميع مراعاة ظروف المضروب النفسية و التمسك بروح القرار اعلاه ، و نوصى

المضروب استغلال هذه العطلة الرسمية بالذهاب شرقا لدولة الامارات للاستجمام مع سعادة المستشار !!!

و الله ولي التوفيق في لحظات قادمة .

Quote: و نوصى المضروب استغلال هذه العطلة الرسمية بالذهاب شرقا لدولة الامارات للاستجمام مع سعادة المستشار !!!

والله انت التقول حاوي

تصور بعد شويه باذن الله ماشي الشرقيه

لانو اختي جايا من الامارات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و الله يا طارق من مداخلاتك بتاعت الساعة 12 بالليل وصلت للحالة النفسية

الحادة و بعد مكالمة من عديلك وصف لي فيها حالتك

و الله شفقت عليك من السكة و دموعي عيني وراك كملوا

و قرار سفرك دا كان بالإجماع بعد التشاور التلفوني من قبل الشله طيب

الله اعمارهم و خاصة صحبك المعاك دا شمشاري كبير فاحذره !!!!

و انشاء الله اجازة موفقة و ما تنسى معاك وصية ود الموج اصطحب معاك

عمك حمزاوي للاستفادة من الخبرات المتراكمة ؟؟؟ كا كككككككككككككككككككككككك

طبعا يا موسي

صاحبي ابو صلعه دا هو اس المشكله وهو سبب السيك

لانو كما تعلم متعود وقبل دا اخد سيك في قبولو

عشان كدا انا لا اعفي نفسي من الخطأ كوني العب زميلو ..!!!

اما عمنا حمزاوي لا يعتد بخبرته لانو لا يري ليلا...

يعني بالعربي حار جاف صيفا دافئ ممطر شتاءا

إذا صحبك أبو صلعة دا إلا لو ينزل السنترليق زميلوا ابو الحسن حردوا

من كثرة السيكات جاء احتمى بيك اداك ليها و هو انت الان رفعت يدك

منو طيب قول ليهو اعمل خروج بلا عودة !!!!!!

طيب خلينا نشاور البروف في موضوع المرافق و سوف نوافيك بالإكيده

قبل سفرك انشاء الله بس خلي بالك من الطريق ما تشوف ليك طرق جريجير

تقوم تنزل تقول عايز تتدرب تحته أو كما قال احد المناصرين لك في السيك !!!!!

بهذا تقرر ان يلعب الشبل نزار زميل للشفيع

في الثلاث شهور القادمة عقوبة لما ظل يمارسه من توالي السيكات

وان يتم تبرئة الدكتور شوقي من زمالة الشفيع رافة به

شنو يا زول مسيّكـ وعامل لينا غاغة!!

يا عمك الراجل حالتو تحنن و قال من الرياض دي هو ذاتو طافش منها

لود الصائم و من عاونهم ؟ و حيخلي السعودية لاولاد البندر و قنع من خيرا فيها طب !!!

عموما انتقل الملعب للشرقية و علي الراغبين في ...... الإتصال بصديق ؟؟

تحياتي يا ود الصائم

طارق دا ما بيكون اخد سيك ساكت كدا

قول لينا المعاهو سمو شنو

بحمد الله وصلت المنطقة الشرقية مساء اليوم في الغد باذن الله اتوقع لقاء مع البورداب هنا

وما عارف اذا كان في مجال تربيزه ولا لا

الديناري إتفتح كيف؟؟
كروت طارق
بالله كان عندك صور تلاتة؟
كنت قايلاك أبيض ياورد









___________
غايتو سيك الصور المغتية دي ماسمعنا بيها

يا راويه

الظاهر عليك خبيرة وست

المهم الديناري اتفتح بالاس من صاحب القبول وطبعا هو ناقص الشايب العند زميلوا

يعني باختصار اكلوا كل الاتو

زائدا خمسه هارت زائدا اس وشايب وبنت شيريا

يعني عايزني اطبع صور ؟؟؟؟؟

انا كان بالفعل عندي ثلاثة صور
وزميلي صورتين

المشكله انو صوري اسود وزميلي عندو اس الاسود

ولم تفتح هذه البوهيه لانو ما عندهم مصلحه لفتحها

الحقيقة يا طارق حقيقة بنت الابيض يبدو عليها حريفة بطريقة السؤال

لانه لو الباشمهندس دقس و فتح الاوتو بكرت صغير غير الاس كانت

الشغلانة طارت و ما كنا لقينا لينا شماته ابله بظاظه دي .

عموما نطالب بقيم اسفيري بادارة محايدة !!!

كيف السقط في الشرقية و ضارب الموضوع ؟؟؟؟؟؟؟؟؟

السقط شديد والله والموضوع تمام

مواعيدي اليوم للقاء الاعزاء بورداب الشرقيه

حمد فتح الرحمن ولؤي شمت والزول زاتو وكمال كرار وغيرهم

يمكن نلقي لينا يدين تلاته

وصية الامدرماني عملت بيها و لا كمان تمشى تجيب لينا العيد

في الفيافي ووقتها تبقى الفضيحة بجلاجل ؟؟

عموما في لمة البوداب بالرياض العام السابق ( لمة ذات الجركان المشهوده بالثابته )

زاملت واحد بوردابي من الدمام الراجل حريف يعني لعب في ضل الجرجير البلدي

يعني ابو صفقا عريض مش بتاع بحري طرواة الخالك قاعد في السهلي بدون ......؟؟؟

بس اوع يا موسي تكون قاصد لؤي شمت ...!!!!

يا ود الصايم

امبارح زارني بمقري بامدينة الخبر

الاصدقاء بورداب الشرقية حمد فتح الرحمن ولؤي شمت وكمال كرار والزول زاتو

وقبل مجيئهم اتصل لؤي بزاتو ليخبره بمقدمي وزيارتهم لي

الزول زاتو قال لي لؤي:

تعال نمشي نسنفك طارق

تأمل....

ده كلو منك

والله يجازي اللي كان السبب

Quote: زاملت واحد بوردابي من الدمام الراجل حريف يعني لعب في ضل الجرجير البلدي يعني ابو صفقا عريض مش بتاع بحري طرواة الخالك قاعد في السهلي بدون ......؟؟؟

يا موسى الزول القاصدو دا عوض عكاشة
من بورداب الشرقية (سابقا) بورضاب الرياض حاليا





_
قلت لي شنو يا طارق .. باللاي ناس الشرقية سمعو

يا رايــوة .. أول قيم وست بعد اللوترة ح يكون عندكم!!

Quote: يا رايــوة

وتقول لي مسنفك

إنشاء الله يا طارق ما تكون طبقت ؟؟؟

يبقى عليك سقط و مغط !!!

يا موسي

في ذمتك اتذكر اخر اسنا اخدتها انا قبل دي

اما حقتك الاديتك ليها يوم الوقوف بعرفه لا يمكن ننساها

ولها طعم خاص

Quote: FULL ... تلاطاشر صااااح ولا ما غلط...!!!

صاح لكن ولد الشيريا كان ممكن يمرقكم ههه

تعيش وتاخت غيرها يا زعيم

يا دكتور ابراهيم

بالله اشرح لينا ممكن ولد اشرييايمرقنا كييييييييييف ؟؟

اوع بس يكون انت من فريق ود الصايم

تكون مشكله....!!!

يا طرووق

انا قصدت لو كان ولد الشيريا طويل وتوزيع الورق بعض الشئ مختلف كان ممكننن تمرقوا ولكن واضح انها اسنة ورق

بالنسبة لود الصائم فانا لم انتمى لحزب الخضر اقصد القرين كارت ههه

تحياتى لكم الاثنين وبالجد كنت اتمنى ملاقاتك بالسودان