أنا قـاعد (أهنّق)!

Post: #1
Title: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:05 PM
Parent: #0

يا ربي في زول غيري قاعد (يهنّق) ولّ الحالة دي عندي براي؟

Post: #2
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:07 PM
Parent: #1

والـ (تهنيق) المقصود هنا ما الجات على بالكم
وخيالكم الخصب دا .. المقصود (هنّق) الكمبيوترية!!

Post: #3
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:08 PM
Parent: #2

ممكن تقولوا قاعد (أفرّز) برضو .. من (فريز)!!

Post: #4
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:09 PM
Parent: #3

ياخ مرات كـدا ما تعرف البحصل للواحد شنو، تلاقي نفسكـ
وخلال اليوم كلو (مهّنق) ما داير تعمل أي حاجة .. كمية
بتاعت أشغال دايرة تنقضي وتعمل منها ميت أو تتمايت!!

Post: #6
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:11 PM
Parent: #4

على الصعيد المنزلي
كل يوم أم روان شابكاني أرح نمش بندة .. طيب بعدين
أرح نجيب مقاضي .. طيب بعدين .. أرح أي حاجة .. طيب بعدين
وعييييكـ

_
(طبعا لا قاعدين نشتري مرتديلا .. ولّ كورن فليكس)!!
ولا قاعدين نمشي الحرم نتصوّر!!

Post: #7
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:12 PM
Parent: #6

على الصعيد العملي
الواحد ليهو فترة كـدا بجي الشغل قافلة معاو .. الليلة بالذات ما اشتغلت بتعريفة!!
مما جيت الصباح شربت لي تلاتة كبايات قهوة وبرضو قاعد (أدقّس)!
صرّفت أي شغل ممكن يطلع لي .. وأديتم النجيضة: (أوت أوف ديوتي)!!

Post: #9
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:15 PM
Parent: #7

على الصعيد الاجتماعي
كمية ناس مقصّر في السؤال عنهم وتفّقد أحوالهم
.. عامل منطّش عديل كـدا .. ليه؟ ما عارف!

ياخ بقيت أعمل حركة عجيبة جدا .. لو جاني تلفون
بعاين ليهو كـدا وبقعد أشاور نفسي!!
حركة سخيفة وبشمّها ليكـ للآخر .. لكن بقيت أعملا!!
الكلام دا ليهو زي أسبوع .. أو أقل من كـدا!!!

Post: #11
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:16 PM
Parent: #9

على الصعيد البورضي
عندي كمية بوستات ما قدر أتابعا ولا قادر أرد على الناس ذاتو!
بقيت عامل زي أساسي أفتح البوست واتخارج منو .. التقول أدونا عين!
ياخ إيميلي فيهو كمية رسائل دايرة (ربللة) وشوية دايرة (فرودة)!
وبرضو عامل منها ميّت .. رغم إنو فيها حاجات بتجيب اللوم عديييل!!

Post: #12
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:17 PM
Parent: #11

ما خليت لي صعيد ما خستكت بيهو!!

Post: #13
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:18 PM

علما بإنو وزني رجع لـ 111 بعد ما وصلت 104!!

Post: #14
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:20 PM
Parent: #13

فأي زول دخلت معاهو في لوم
على جميع الأصعدة الفوق دي
يعرف إني (مهنّق) ليس إلا!!!

ولكم العتبى حتّى تستغيثو أو تفكـ (التهنيقة)!!

Post: #15
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:21 PM
Parent: #14

وعلى أحبابنا في الدول الغربية مراعاة فروق الوقت!!

Post: #5
Title: Re: أنا قـاعد (أهنّق)!
Author: بشير أحمد
Date: 01-16-2011, 12:09 PM
Parent: #3

والله أنا إفتكرتو حُمار الوادي.

Post: #8
Title: Re: أنا قـاعد (أهنّق)!
Author: عبداللطيف خليل محمد على
Date: 01-16-2011, 12:12 PM
Parent: #5

خليك جادي ..
ساعدنا شوية بالله ..
( نحن أمام أزمة وطنية ) !!

Post: #22
Title: Re: أنا قـاعد (أهنّق)!
Author: tmbis
Date: 01-16-2011, 12:45 PM
Parent: #8

Quote: (طبعا لا قاعدين نشتري مرتديلا .. ولّ كورن فليكس)!!
ولا قاعدين نمشي الحرم نتصوّر!!

بوست انصرافي جدا والغرض منو معروف ..

Post: #27
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 01:00 PM
Parent: #22

Quote: والله أنا إفتكرتو حُمار الوادي.

بشير يا عمكـ .. ما قلنا ليك
م ما تمشوا ورا خيالكم الخصيب دا!

Post: #28
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 01:01 PM
Parent: #22

Quote: خليك جادي ..
ساعدنا شوية بالله ..
( نحن أمام أزمة وطنية ) !!

لا يا شيخ!!
والأزمة الوطنية دي الجابا وسط (الهنيّق) دا شنو؟!
أمش يا عمكـ شوف الأزمة بتاعتكـ وين ياخ!!

Post: #29
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 01:03 PM
Parent: #22

Quote:
Quote: بوست انصرافي جدا والغرض منو معروف

تامبا يا عمكـ
إنت وأساسي مفروض تزحّوا من حكاية الصور دي خالس!!

Post: #10
Title: Re: أنا قـاعد (أهنّق)!
Author: داليا الكباشى
Date: 01-16-2011, 12:15 PM
Parent: #5

Quote: أنا قـاعد (أهنّق)!

بيلبئـــلكـ

-----------
بالنسبه للحاجات الكتبتها فوق دي ,
فاااااا شنو , صعبه عليك بعد العمر داا ..يا عمـوو

Post: #16
Title: Re: أنا قـاعد (أهنّق)!
Author: سجيمان
Date: 01-16-2011, 12:22 PM
Parent: #10

الاخ المهنق محمد عبد الماجد الصايم

تحية عطرة

هنق الكمبيوتر
هنق الاستفتاء
هنق الحمار ثم اردفها بـ(فررررررررر)

اما بندة.. فاصلها برندة( وقعت الراء اردلب.. لدخول الشمش من الطاقة) فاصبحت بندة

اخوك المهنق من يوم ولدوهو ... سجيمان

Post: #17
Title: Re: أنا قـاعد (أهنّق)!
Author: عبدالفتاح أبوشيمة
Date: 01-16-2011, 12:28 PM
Parent: #16

هو اليومين ديل

كان نهّنقنا ذاته

مالو؟

الحالة ون

هو الحاصل نن؟

ياخي اوهم نفسك قول دن

دا يمكن من فراق ناس نن

هو أتاري عشان كدا يوم الجمعة لقيناك نن؟

Post: #19
Title: Re: أنا قـاعد (أهنّق)!
Author: أيمن الطيب
Date: 01-16-2011, 12:35 PM
Parent: #17

سلام يا صايموف..

كلو من الخرابى دا زى ما بقول طارق جبريل,,,
الزمن المستهلك هنا قطعا محسوب على أشياء
أخرى,,

إدمانه يورث الإحباط وحال السودان بتمها ليك
حتى تآمن,,

ياخ دا خرب حاجات حلوة كتيرة ومعاها شوية بيوت
لأناس تمادوا فى إدمانهم حتى إنعزلوا عن الواقع,,

وأصبح الإسفير واقعهم ودنياهم,,,,

دقّ ياى شوية والشغلة حا تسلك أوتوماتيك..

Post: #31
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 01:09 PM
Parent: #19

Quote: صعبه عليك بعد العمر داا ..يا عمـوو

تعرفي يا دلوش .. من ناحية الصعوبة الكلام دا واقعي جدن جدن!
ياخ اليومين ديل الواحد بقى زي باب الخشب .. داير يقوم مشكلة
داير يقعد مشكلة .. أي حركة تسمعي (كيييييكـ) أو طق طق طق!!

بالنسبة لقصة بيلبئلكـ دي .. فحمد لله نحن أخوان!

Post: #32
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 01:10 PM
Parent: #19

Quote: اخوك المهنق من يوم ولدوهو ... سجيمان

سي جي يا عمكـ
طيب ما ياهو إنت بقيت عبارة خبرات (متراكمة)!
ما تجي تدينا شوية دروس للخروج من الحالة (الهناقية) دي!!

.. وأهم حاجة قصة (فررررررر) دي باللاي

Post: #34
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 01:12 PM
Parent: #19

Quote: هو أتاري عشان كدا يوم الجمعة لقيناك نن؟

أبشيمة يا عمكـ
والله ياهو الـ (نن) ذاتو!!
أها يوم الجمعة دا أنا صحيت من النوم مشيت الصلاة
جيت رقدت نمت صحيت صلاة العصر .. رقدت نمت صحيت
صلاة المغرب .. لو ما الدوام كان رقدت نمت تاني!!

حالة (ون) شنو ياخ!
دي الحالة (التهنيقية)!!

Post: #37
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 01:19 PM
Parent: #19

Quote: وأصبح الإسفير واقعهم ودنياهم,,,,
دقّ ياى شوية والشغلة حا تسلك أوتوماتيك..

أيمنوف .. ياخ ما عرفتكـ وإنت
خاشي في الحالة التنظيرية دي!
ياخ أسافير شنو البتعمل فينا كـدا؟!

قوم لف ياخ!!

Post: #20
Title: Re: أنا قـاعد (أهنّق)!
Author: فايزودالقاضي
Date: 01-16-2011, 12:35 PM
Parent: #17

Quote: ولا قاعدين نمشي الحرم نتصوّر!!

اى يابطني ....اتصورت وانا لابس احرام ...

ــــــــــــــــــ
وصلت ؟

Post: #72
Title: Re: أنا قـاعد (أهنّق)!
Author: محمد عبد الماجد الصايم
Date: 01-18-2011, 01:10 PM
Parent: #20

غايتو يا ود القاضي .. دي أشهر
عُمرة في تاريخ الأسافير .. عمرة
تمشي على لساتكـ!!

Post: #21
Title: Re: أنا قـاعد (أهنّق)!
Author: محمد عبدالرحمن محمد
Date: 01-16-2011, 12:43 PM
Parent: #17

Quote: أنا قـاعد (أهنّق)!

إنبقت [ التهنيقه] اللنت [ شرحتها ] فوق ديك؛
يبقى ما قدامك الا تعمل [ريبووت] بي خفسه سريعه
للسودان..

(أذر وايس)؛

ف

كامل تضامني معك يا ابن الصايم..

Post: #18
Title: Re: أنا قـاعد (أهنّق)!
Author: أمير فتحي
Date: 01-16-2011, 12:32 PM
Parent: #10

Quote: فاااااا شنو , صعبه عليك بعد العمر داا ..يا عمـوو

أتاريهو (مبرفل) صوره من عشرين سنه...أنا ذاتي كنتا حاسي ...إنو الزول دا كلامو كلام زول كبير كبير

الناس (الجدادين) الزينا ديل بدقسو دقسات موباااااااااالفه

ود الصايم يا(عمو) هنق زي ماداير هو التهنيق بقرووووش

Post: #23
Title: Re: أنا قـاعد (أهنّق)!
Author: المر
Date: 01-16-2011, 12:46 PM
Parent: #1

(بدون تهنيق)

Post: #24
Title: Re: أنا قـاعد (أهنّق)!
Author: tmbis
Date: 01-16-2011, 12:49 PM
Parent: #23

بعدين بالاضافة لذلك ..
الكلمك انا عارفو .. بالنسبة لي صور الحرم دي
دي نظام دردقانيه يعني مش كدا ..؟
ما ليها اي علاقة بالتهنيق ..

لأنو امثالك لا يسالو عن التهنيق

Post: #25
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 12:52 PM
Parent: #24

تامبا .. الكبكبة شنو يا زول!!
الواحد ما (يهنّق) في البورض دا؟

_
أحسن ليكـ نقّط وامش!ّ

Post: #30
Title: Re: أنا قـاعد (أهنّق)!
Author: داليا الكباشى
Date: 01-16-2011, 01:04 PM
Parent: #25

Quote: أحسن ليكـ نقّط وامش!ّ
البينقـط الله عــاااارفو (^_^)

Post: #26
Title: Re: أنا قـاعد (أهنّق)!
Author: داليا الكباشى
Date: 01-16-2011, 12:53 PM
Parent: #23

Quote: علما بإنو وزني رجع لـ 111 بعد ما وصلت 104!!
دا حالتـو بدون بيـك

Post: #33
Title: Re: أنا قـاعد (أهنّق)!
Author: tmbis
Date: 01-16-2011, 01:11 PM
Parent: #26

Quote: أحسن ليكـ نقّط وامش!ّ

تم تحديد الهدف المعني .. وبعد المراجعة الدقيقة جدا .. ما لقينا اي حاجة مافي محلته ..
كلو كان على الطريقة السليمة .. وشرعي جدا
أما لو صدقت نبؤتنا عن الهـدف المعني .. الذي تم ارساله فاقول ..
إنو الحركة بتاعت البنشر واللستك الجواني دي والله ما يعمله إلا صديق الموج ..
الكلام دا طبعا ليكم يا معفنين يا اتنين
معاكم زول مفتح طبعا .. دقسه زي دي ما بدقسه ليكم بالساهل كدا دا

ملحوظـة:
الفوق دا كلووو مشفر تشفير شديد جدا .. واتوقع أن تفك الشفرة اعــلاه .. بحضور ما يسمي نفسه محمد (بشري) الخضر أو أي كان اسمه ..
الملحوظة التانية:
إنو ح ادافع عن ثوابتي وسأعمل على نفي ما دار في خيالكم .. حتى لو احتاج ذلك أن استعين بالنفاي الكبير البوليص عمر عثمان أو أجيب اساسي يشهد اصلو ما عندو ذمــة ..وكان الله قدرو .. ما يشهد في صالحي ..
بالاضافة لذلك .. عندي تلاتة شهود من المنبر دا

Post: #36
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 01:17 PM
Parent: #33

كاااااااكـ ياخ!
ثم لوووووووووول!!

Post: #38
Title: Re: أنا قـاعد (أهنّق)!
Author: tmbis
Date: 01-16-2011, 01:20 PM
Parent: #33

شكرا لبكري أبو بكر أن جعل هذا ممكنا

Post: #35
Title: Re: أنا قـاعد (أهنّق)!
Author: وليد عبد اللطيف
Date: 01-16-2011, 01:16 PM
Parent: #26

Quote: دا حالتـو بدون بيـك

بتاعت مشاكل يادكتورة

Post: #39
Title: Re: أنا قـاعد (أهنّق)!
Author: tmbis
Date: 01-16-2011, 01:25 PM
Parent: #35

Quote: بتاعت مشاكل يادكتورة

حضر واحد من الشهود الذين عندهم ذمــة
باقي اتنين ..

الفوق داك من النوعية الكان قرمش المصحف عديل كدا لا يعمل بي شهادته
..

Post: #41
Title: Re: أنا قـاعد (أهنّق)!
Author: وليد عبد اللطيف
Date: 01-16-2011, 01:34 PM
Parent: #39

Quote: حضر واحد من الشهود الذين عندهم ذمــة

اطلّع الزمه
غايتو انا ما بعرف
انا مشيت بكلام داليا
.
.
داليا هي قالت شنو ياتمبس

Post: #44
Title: Re: أنا قـاعد (أهنّق)!
Author: tmbis
Date: 01-16-2011, 01:42 PM
Parent: #41

Quote: اطلّع الزمه
غايتو انا ما بعرف
انا مشيت بكلام داليا
.
.
داليا هي قالت شنو ياتمبس
شفته يا وليد بلاطـة الضمنـه ودامة الهارد .. الاتنين مش حارات شديد
شفت الجوز المعفنين الفوق ديل في واحد عايز ااكلو ليك الدامـة .. والتاني اكتل ليك ليهو البلاطـة والبلاطـة عندنا بي ميتين وخمسين راسه عديل ..
لذلك ..
سيتضح فيما بعد أنك شهود عيــان .. وكنت في موقع الحدث
داليا هي داليا وفق ما جاء في المحضر الفوقاني دا ..

يا وليد..
ياخ والله انا خايف افك ليك التشفير يقوم البوست يضيع من يدي ..

Post: #48
Title: Re: أنا قـاعد (أهنّق)!
Author: awad okasha
Date: 01-16-2011, 02:04 PM
Parent: #44

Quote: ودامة الهارد
دامة الاسود يا ضعيف
ليهو حق صاحبنا يساهر بيك لي اربعة صباحا ..
ود الصايم والله فاتك مولد في العيد ...
ياخ بطل تهنيق كتير .. الخرمه واصله حدها ...

Post: #40
Title: Re: أنا قـاعد (أهنّق)!
Author: محمد يوسف الزين
Date: 01-16-2011, 01:32 PM
Parent: #35

يا عمكـ لحدت ما يفك الهانق اقول نجيضة
ياخي بوستاتك الاخيرة دي كلها بوستات ذو اليدية صراحة كدا
يامان اجازتك في السودان قضيتها وين؟!

______________
انتو "بن علي" قاعد وين في السعودية؟!

Post: #42
Title: Re: أنا قـاعد (أهنّق)!
Author: tmbis
Date: 01-16-2011, 01:35 PM
Parent: #40

Quote: ياخي بوستاتك الاخيرة دي كلها بوستات ذو اليدية صراحة كدا

نعم يا محمد يوسف الزين .. وهو كذلك ..

ساعمل على افشال المخطط الامبريالي الجواني

ما زال التشفير قائما ..

Post: #43
Title: Re: أنا قـاعد (أهنّق)!
Author: داليا الكباشى
Date: 01-16-2011, 01:42 PM
Parent: #40

Quote: بالنسبة لقصة بيلبئلكـ دي .. فحمد لله نحن أخوان!
كون نفسكـ يا زول وما تحاول تحتكا بالنجووم (^_^)

قال أخوان قال !

---------------
بالنسبه لي موضوع الصوره فاااا شنو , انت نزلها وانا بنزل للزميل اللي دزاهـا ليك صـوره أحلـى منها

Post: #45
Title: Re: أنا قـاعد (أهنّق)!
Author: داليا الكباشى
Date: 01-16-2011, 01:52 PM
Parent: #43

كما أحب ان أشير الى أن أحدهم سيمـووت مـووت الأرصفـه (^_^)

-----------------
الامبرياليه من أمبرر .. يا زميل البورد ما تضرب التأمين حانروووح في داهيـه

Post: #46
Title: Re: أنا قـاعد (أهنّق)!
Author: فايزودالقاضي
Date: 01-16-2011, 01:57 PM
Parent: #45

Quote: تحديد الهدف المعني .. وبعد المراجعة الدقيقة جدا .. ما لقينا اي حاجة مافي محلته ..
كلو كان على الطريقة السليمة .. وشرعي جدا
أما لو صدقت نبؤتنا عن الهـدف المعني .. الذي تم ارساله فاقول ..
إنو الحركة بتاعت البنشر واللستك الجواني دي والله ما يعمله إلا صديق الموج ..
الكلام دا طبعا ليكم يا معفنين يا اتنين
معاكم زول مفتح طبعا .. دقسه زي دي ما بدقسه ليكم بالساهل كدا دا

ههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههه

بجرب الضحك الهزاز ...

ـــــــــــــــــــــــ
ياودالصايم في شنو ياخي فهمنا !!!

Post: #47
Title: Re: أنا قـاعد (أهنّق)!
Author: tmbis
Date: 01-16-2011, 01:59 PM
Parent: #45

Quote: يا زميل البورد ما تضرب التأمين حانروووح في داهيـه

يا زميلة البورد .. معاك زميل من زمنـا بدفنو فوقو المحاضر تحت الأرض .. وذلك بعد لفها بكيس نايلون .. والكلام دا قبال اكياس الجيلاني تظهــر على السطح

Post: #49
Title: Re: أنا قـاعد (أهنّق)!
Author: محمد البشرى الخضر
Date: 01-16-2011, 02:06 PM
Parent: #47

ثم هز رأسه و أنصرف

Post: #50
Title: Re: أنا قـاعد (أهنّق)!
Author: tmbis
Date: 01-16-2011, 02:09 PM
Parent: #49

Quote: Quote: http://www.sudaneseonline.com/db/attention/010_Smile.gif[/QUOTE]
ثم هز رأسه و أنصرف

فالج لا تعالج ..

Post: #51
Title: Re: أنا قـاعد (أهنّق)!
Author: tmbis
Date: 01-16-2011, 02:12 PM
Parent: #50

Quote: (عدل بواسطة محمد البشرى الخضر on 16-01-2011, 01:09 م)

فتأمل

Post: #53
Title: Re: أنا قـاعد (أهنّق)!
Author: tmbis
Date: 01-16-2011, 02:15 PM
Parent: #51

Quote: بجرب الضحك الهزاز ...
ـــــــــــــــــــــــ
ياودالصايم في شنو ياخي فهمنا !!!
فايز ارصفـه .. اطلع من البوسط دا بسرعـة .. آخر تحذير

Post: #52
Title: Re: أنا قـاعد (أهنّق)!
Author: محمد البشرى الخضر
Date: 01-16-2011, 02:14 PM
Parent: #50

Quote: فالج لا تعالج ..
عدلناها يا زميل

Post: #54
Title: Re: أنا قـاعد (أهنّق)!
Author: داليا الكباشى
Date: 01-16-2011, 02:15 PM
Parent: #50

Quote: (عدل بواسطة محمد البشرى الخضر on 16-01-2011, 01:09 م)
شنكلن !!

Quote: فالج لا تعالج ..
شنكلن + كاااااك ومرفق عدد اتنين يا حليلك يا ود البشر(ي)

Post: #55
Title: Re: أنا قـاعد (أهنّق)!
Author: محمد البشرى الخضر
Date: 01-16-2011, 02:25 PM
Parent: #54

وحاتك يا دكتورة إن ارفقتيهن مية كاااك و عشرمية يا حليلك و خمسمية ود البشرى بالـ (ي)
بعد ديس المارتدلا وباص الكورن فلكس كلو مقبول يا زميلة

Post: #56
Title: Re: أنا قـاعد (أهنّق)!
Author: فايزودالقاضي
Date: 01-16-2011, 02:38 PM
Parent: #55

Quote: فايز ارصفـه .. اطلع من البوسط دا بسرعـة .. آخر تحذير

بطلع لكن ان شاء طلوعي يتبلس ليك اللستك الجواني ..

Post: #59
Title: Re: أنا قـاعد (أهنّق)!
Author: Yassir Tayfour
Date: 01-16-2011, 02:49 PM
Parent: #56

بوست إنصرافي
البلد أمواجها تتلاطم، وأطرافها تتآكل، ونحن التلج حدو الرُكب، والركب تسكسك وبلاليها إتأكلت، وصاحب البوست يقول ليك زاد من 104 لي 111، سبعة كيلو فرقت شنو؟ ما قاعد تاكلها في وجبه واحده، يعني خلاص وسعت كمر بنطلونك ولا قديت الحزام قده زيادة.. وناس يتصورو في الكعبه التقول ما عارفين التصوير حرام، ومين كده البشري وآخر يُدعى فائز وهو في الحقيقة خاسر لوقته ودينه..
أسأل الله لكم الهداية..
___
التحية للشعب التونسي!

Post: #57
Title: Re: أنا قـاعد (أهنّق)!
Author: محمد البشرى الخضر
Date: 01-16-2011, 02:39 PM
Parent: #55

وقد جاء في الأثر " سرك اديه مهندس ما تديه قاضي*"
كااااااااااااااااااااااكـ و يا النبي نوح من 2011 دي

____________________
* وردت في رواية "ابنه"

Post: #58
Title: Re: أنا قـاعد (أهنّق)!
Author: داليا الكباشى
Date: 01-16-2011, 02:40 PM
Parent: #55

نرجع لي موضوعنا الأساسي ,,

تاق لي فايز أرصفه ,,
ود البشر(ي) اقنـوور لعدم التفرغ ..

Post: #60
Title: Re: أنا قـاعد (أهنّق)!
Author: العوض المسلمي
Date: 01-16-2011, 02:55 PM
Parent: #58

ماعارف ليه تذكرت الاعنية .. ما منك من العليك ..

Post: #61
Title: Re: أنا قـاعد (أهنّق)!
Author: أيمن الطيب
Date: 01-16-2011, 03:18 PM
Parent: #60

Quote: أيمنوف .. ياخ ما عرفتكـ وإنت
خاشي في الحالة التنظيرية دي!
ياخ أسافير شنو البتعمل فينا كـدا؟!

قوم لف ياخ!!
يا ود الصايم ياخ إنت تلقى زمن وين تانى!!!

هو اليوم دا فيهو كم ساعة!!!
خاصة بعد ما تخصم حق الفيس بوك

إنت طبعا ما محتاج تلف,
لافى طبيعى,,

خلاص خليك مهنق لحد ما تلقى حل,,,

Post: #62
Title: Re: أنا قـاعد (أهنّق)!
Author: Rawia
Date: 01-16-2011, 03:47 PM
Parent: #61

سبعة كيلو بس
شن نفرهن السبعة كيلو
حا أحكي ليك أكلت شنو أمس (بس)
قمت من الصباح يافتاح ياعليم يارحمن يارحيم على كباية نسكافيه
بعد شوية قلت أحسن أفطر
قمت عملت بيض عيون(ماتسألني كم بيضة) في قاعدة من السجق الايطالي والبصل الاخضر
معاهم حبيبة سلطة خدرا فيها زي عشرة أيتيمس كدا
وحبست بي واحد كباية عصير جوافة وواحد كباية عصير منقة ولو كان في نوع عصير تاني كنت شربتو
بعد شوية قلت دا كان late breakfast الواحد مايطلع من البيت هفتان قمت عملت early lunch واكلت سمك بي سلطة طحينة مع إنه السمك بيتاكل بالمايونيز على قول مولانا
مشيت المستشفى
أمي ما أكلت الـdinner بتاعها(في المستشفى الاكل خمسة نجوم)
جات بتاعة الاكل تشيلو قالت لي وكت أمك ما أكلتو ماتاكليهو انت
قلت ليها لو عندك غيرو باكلو لكن دا مادايراهو(كان رز وخضار مشكل بالفراخ)
مشت جابت لي سلطة فراخ (عجييييبة) قمت بيها كللللها
وشربت أيس تي وقزازة (دايت) كوك
رجعت البيت قلت مافي داعي للعشا
أكلت باقي السمكة وسندوتش جبنة فلادلفيا بي مربى فيتراك مشمش

Post: #63
Title: Re: أنا قـاعد (أهنّق)!
Author: الوليد الرشيد وراق
Date: 01-16-2011, 04:35 PM
Parent: #62

Quote: قمت عملت بيض عيون(ماتسألني كم بيضة) في قاعدة من السجق الايطالي والبصل الاخضر
معاهم حبيبة سلطة خدرا فيها زي عشرة أيتيمس كدا
وحبست بي واحد كباية عصير جوافة وواحد كباية عصير منقة ولو كان في نوع عصير تاني كنت شربتو
بعد شوية قلت دا كان late breakfast الواحد مايطلع من البيت هفتان قمت عملت early lunch واكلت سمك بي سلطة طحينة مع إنه السمك بيتاكل بالمايونيز على قول مولانا
مشيت المستشفى
أمي ما أكلت الـdinner بتاعها(في المستشفى الاكل خمسة نجوم)
جات بتاعة الاكل تشيلو قالت لي وكت أمك ما أكلتو ماتاكليهو انت
قلت ليها لو عندك غيرو باكلو لكن دا مادايراهو(كان رز وخضار مشكل بالفراخ)
مشت جابت لي سلطة فراخ (عجييييبة) قمت بيها كللللها
وشربت أيس تي وقزازة (دايت) كوك
رجعت البيت قلت مافي داعي للعشا
أكلت باقي السمكة وسندوتش جبنة فلادلفيا بي مربى فيتراك مشمش

أقطع دراع صبرى لو ود الصايم عرف حاجة غير العصير والسلطة فى الكلام ده....

ياعمك لما قريت العنوان إتخيلت إنك قاصد الحالة الحمارية

Post: #64
Title: Re: أنا قـاعد (أهنّق)!
Author: طارق ميرغني
Date: 01-16-2011, 05:02 PM
Parent: #63

يا اخوانا الراجل قال ليكم بقي يهنق

شنو العملتوها ليهو كورن فليكس ومارتديللا ومايونيز وسمك وسلطة خضار

وكمان البيك

بعدين يجي تمبس يقول ليك دامة هارت وبلاطة ضمنه

نحن فاضين يا عم

بالله ما تنسونا دعواتكم في العمره

Post: #65
Title: Re: أنا قـاعد (أهنّق)!
Author: ياسر السر
Date: 01-16-2011, 05:04 PM
Parent: #63

على الصعيد الاجتماعي
كمية ناس مقصّر في السؤال عنهم وتفّقد أحوالهم
.. عامل منطّش عديل كـدا .. ليه؟ ما عارف!

ياخ بقيت أعمل حركة عجيبة جدا .. لو جاني تلفون
بعاين ليهو كـدا وبقعد أشاور نفسي!!
حركة سخيفة وبشمّها ليكـ للآخر .. لكن بقيت أعملا!!
الكلام دا ليهو زي أسبوع .. أو أقل من كـدا!!!

غايتو يا ود الصايم الصعيد ده بالذات خستكت بيهو خستكه ما عادية ياخ الواحد يضرب ليك لا ترد عليهو ولا تعمل ليهو رجع الصدى غايتو بقيت ما ذي زمان ،، وبعدين أنا رسلت ليك اجمل خطاب لليلة ردك ما وصل زعلان ولا شنو الحصل ،،،، وووووووووووووووووووووووو الخ

ياخ ماتفتح القزاز المقفلوا ده ما نحن ناس جيارنك خلينا إلفه وصحبه ..

تحياتي : ياسر العيلفون

Post: #66
Title: Re: أنا قـاعد (أهنّق)!
Author: على محمد على بشير
Date: 01-16-2011, 05:54 PM
Parent: #65

Quote: ولا قاعدين نمشي الحرم نتصوّر!!

Post: #67
Title: Re: أنا قـاعد (أهنّق)!
Author: محمد عبد الماجد الصايم
Date: 01-16-2011, 10:00 PM
Parent: #66

لمزيد من (التهنيق)!!

Post: #68
Title: Re: أنا قـاعد (أهنّق)!
Author: حسن حماد محمد
Date: 01-16-2011, 10:29 PM
Parent: #1

الأخ ودالصايم سلامات

Quote: .. أرح أي حاجة .. طيب بعدين
وعييييكـ

Quote: ما خليت لي صعيد ما خستكت بيهو!!

الله يكضب الشينة يا ودالصايم وترجع زى ما كنت وأقوى

الى ذلك الوقت عليك بالازرقانى لووووووووووووووووول

Post: #69
Title: Re: أنا قـاعد (أهنّق)!
Author: الصادق المهل
Date: 01-16-2011, 10:39 PM
Parent: #68

يا عمكـ ألحق صحبكـ أبو ضفيرة بوصفة العلاج

شايفه مهنق

Post: #70
Title: Re: أنا قـاعد (أهنّق)!
Author: عاطف رميتي
Date: 01-17-2011, 00:50 AM
Parent: #69

دة دوّار ياعمك ماتهنيك

Post: #71
Title: Re: أنا قـاعد (أهنّق)!
Author: omar alhag
Date: 01-17-2011, 09:20 AM
Parent: #69

والله بختك يا حبيب اخر فرفشة

Post: #73
Title: Re: أنا قـاعد (أهنّق)!
Author: Adil Al Badawi
Date: 01-18-2011, 02:27 PM
Parent: #71

Quote: قمت من الصباح يافتاح ياعليم يارحمن يارحيم على كباية نسكافيه
بعد شوية قلت أحسن أفطر
قمت عملت بيض عيون(ماتسألني كم بيضة) في قاعدة من السجق الايطالي والبصل الاخضر
معاهم حبيبة سلطة خدرا فيها زي عشرة أيتيمس كدا
وحبست بي واحد كباية عصير جوافة وواحد كباية عصير منقة ولو كان في نوع عصير تاني كنت شربتو
بعد شوية قلت دا كان late breakfast الواحد مايطلع من البيت هفتان قمت عملت early lunch واكلت سمك بي سلطة طحينة مع إنه السمك بيتاكل بالمايونيز على قول مولانا
مشيت المستشفى
أمي ما أكلت الـdinner بتاعها(في المستشفى الاكل خمسة نجوم)
جات بتاعة الاكل تشيلو قالت لي وكت أمك ما أكلتو ماتاكليهو انت
قلت ليها لو عندك غيرو باكلو لكن دا مادايراهو(كان رز وخضار مشكل بالفراخ)
مشت جابت لي سلطة فراخ (عجييييبة) قمت بيها كللللها
وشربت أيس تي وقزازة (دايت) كوك
رجعت البيت قلت مافي داعي للعشا
أكلت باقي السمكة وسندوتش جبنة فلادلفيا بي مربى فيتراك مشمش
بسم الله ما شاء الله، الشي بالعالِك لاجئين! عافي مِنّك والله، بالجد عافي مِنّك عفوّاً يخضّرِك وينضّرِك. ياخي فشّيتني من تأنيب الضمير الأصابني يوم حلّيت (الشهادة لله، تحلية من بعد فطور كارب وكِدا يعني) بي دِويريّة وافل كودو مدهونة بخمسطاشر جرام زبدة ومشتّتة فوقها شويّة شيرة.

يا ودّ الصايم كلام راوية دا أمسِك فيهو قوي. إن قِدِرتَ تسِد دي بي طينة ودي بي عجينة (وقيل دي بي فطيرة ودي بي شطيرة، أو بي وافل وشيرة) وقِدِرت َ تجلّي ما يرتبط بذلك من تأنيب الضمير، هنّق ساي الحبّة دي ما بتجيك. هيع!

Post: #74
Title: Re: أنا قـاعد (أهنّق)!
Author: عبد اللطيف بكري أحمد
Date: 01-18-2011, 03:44 PM
Parent: #73

في موضة كدا بقت جديدة الواحد يكون ماشي العمرة يقولو ليه جيب لينا معاك البيك!!
وين السبح والطواقي وموية زمزم؟؟؟؟
===
مبروك العمرة ياشباب ، عقبال الحجة،
=

بالنسبة للتهنيقة :
برضو شايف في موضة بتاعة كلامات كدا في السودان يقول ليك : الكمبيوتر:
فرمتو
وستبو (من set it up) (بتشديد التاء : على وزن ستفو ياعمك)،،
==
مبروك السبعة كيلو ،، هي الدنيا دي فيها كم سنة الواحد بيعشها بكامل قواه؟؟ ستف ياعمك!!
بس أوع بعد التهنيقة تجي بكرة تقول بقيت ترفس!!! هههههههه

Post: #75
Title: Re: أنا قـاعد (أهنّق)!
Author: Rawia
Date: 01-22-2011, 05:22 PM
Parent: #74

Quote: بالعالِك لاجئين!

__________
ههههههه
جبت بخور تيمان بخرت المداخلة
أنا اليوم داك لو ماكنت سويت كدا كنت مت
بعيد عنك كنت طالعة لي من خلعة تقطع الخلف على قول المصريين

Post: #76
Title: Re: أنا قـاعد (أهنّق)!
Author: طارق ميرغني
Date: 01-22-2011, 06:22 PM
Parent: #75

شبه موباااااااالغه

ليك حق تهنق.......!!!!!

Post: #77
Title: Re: أنا قـاعد (أهنّق)!
Author: Barakat Alsharif
Date: 01-22-2011, 06:50 PM
Parent: #76

ود الصائم
انصحك الأيام دي ما تتفرج على التلفزيون
الحرائق شغالة
2 في الجزائر
4 في مصر
1 في مورتاتنيا
1 في السودان
1 في السعودية

يعني هنق زي ما عاوز، اهم شئ ما نشوفك ملفلف من راسك لكرعيك ونلقى البورد كله من فوق لتحت ود الصائم ود الصائم وتطلع فيك فتاوي، انا ما عارف الفتوى في موضوعك حيكون شكلها كيف..
اخونا المر رسلك صورة حواشة بطاطس مليانه فل، ارتع هناك وابعد من التلفزيون