Post: #1 Title: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 10:16 AM
حسين ملاسي،
أساسي،
تبلدينا،
العوض المسلمي،
فرانكلي
و كل من يتوسم في نفسه أن حسن ظننا (بعض نساء السودان) فيه، في نخوته أو في دينه يفوق سوء الظن حين تبهت المواقف..!
Post: #2 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: اساسي Date: 02-22-2011, 10:27 AM Parent: #1
ليس حسن ظنكن هو ما انشده ولكن فاجعتي في ما رايت وسمعت فاقت ما قد يصل اليه سؤ ظني , والله انه لعار وخزي , عار يتلبس هذه الحكومة من اخمصها ويغشانا علي سكوتنا في مواقف مشابهة وردها الي الكسب السياسي والكذب , خجل انا ونادم وملئي بالالم والحنق وغصة تكتم انفاسي
Post: #3 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-22-2011, 10:50 AM Parent: #2
رأي شنو يا سناء في حاجة زي دي! سلوكـ غير إنساني ومُدان والمتسبب فيهو ما بني آدم أصلا!! والأسوأ من كـدا إنو في مشهد زي دا يكون كل التقدر تعملوا أنكـ تشوفو وإنت ترفل في نعم الله وخاتي قدامكـ كباية قهوة وما يكون عندكـ دور إلا تكتب إدانة واستهجان وشجب وتنديد!
Post: #5 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-22-2011, 10:55 AM Parent: #3
بالمناسبة يا سناء رأيي قلتو قبل ما تسألي عنو في بوست تاني!
وبالمناسبة برضو محزن جدا إنو الناس تصل مرحلة استجداء الآراء في قضية زي دي ودا كلو من النجر الكتير القاعدين نشوفو في البورض دا .. الناس وصلت مرحلة إنو الأخبار النازلة في البورض نسبة الصحة فيها ضعيفة حتى يثبت العكس!
Post: #11 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-22-2011, 11:03 AM Parent: #5
ومن المؤلم برضو إنو الناس تلوم الإنقاذ بترجع في القبلية والبحاربو الإنقاذ برضو يجو يضربو على نفس الوتر! أسوأ حاجة الواحد يقراها: (لو كانت من الشمال ما كان حصل كـدا)!! ليه يعني .. الفي الشمال دي زايدة من الفي دارفور أو في الجنوب بشنو؟ ياخ الما بترضاهو لي نفسكـ وأختكـ وأمكـ وأولادكـ ما ترضاهو للآخرين برضو!
Post: #13 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 11:08 AM Parent: #5
Quote: وبالمناسبة برضو محزن جدا إنو الناس تصل مرحلة استجداء الآراء في قضية زي دي ودا كلو من النجر الكتير القاعدين نشوفو في البورض دا .. الناس وصلت مرحلة إنو الأخبار النازلة في البورض نسبة الصحة فيها ضعيفة حتى يثبت العكس!
النجر قاعد يحصل.. و الكذب و التلفيق قاعد يحصل.. و المعارضة فيها ناس و سخانة زي الحكومة..
صاح..
الأصح منو.. و سخ المعارضة في مواقع وجوده ما نظافة للحكومة الكذب و النجر ما أكتر من الحقيقة البتحصل فعلاً.. و لا أسوأ منها و لو سأل زول عن دليل على الكلام دا تبقى على قلوب أقفالها.. و على البصيرة غشاء.. و أنا لا أهدي من أحب!
------------------- تعديل كلمة و سخانة الشطبها الكومبيوتر!
Post: #4 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 10:52 AM Parent: #2
Quote: ليس حسن ظنكن هو ما انشده ولكن فاجعتي في ما رايت وسمعت فاقت ما قد يصل اليه سؤ ظني , والله انه لعار وخزي , عار يتلبس هذه الحكومة من اخمصها ويغشانا علي سكوتنا في مواقف مشابهة وردها الي الكسب السياسي والكذب , خجل انا ونادم وملئي بالالم والحنق وغصة تكتم انفاسي
و أقل من كدا ما بيليق بيك، و أكتر منو ما كبير عليك.. سكوتكم بيجلدنا ألف جلدة لما واحدة تتجلد بيقتلنا ألف مرة.. لما زول يموت.. و بيعيد تمثيل الإغتصاب ألف مرة لما واحدة تغتصب..
اغتصاب واحدة اغتصاب بلد (نساءها و رجالها) .. و ليس خجلك ما ننشده.. بل غضبك.. عشان ما يبقى شيء عادي و السكوت عليهو عادي.. و عشان بتك تمشي بكرة لقرايتها مطمئنة انو ما في يد حتتمد عليها.. لأنو اللي اتمدت على غيرها قبالها اتقطعت
Post: #7 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: tmbis Date: 02-22-2011, 10:58 AM Parent: #4
Quote: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف!
سلام يا سناء خالد .. تسمعي رائي علشان شنـو مثلا ..؟ وليه مثلا .. الترويسه الفوق دي من اسماء بي عينه كدا .. اتعزلت عزل ..؟
Post: #15 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 11:26 AM Parent: #7
Quote: سلام يا سناء خالد .. تسمعي رائي علشان شنـو مثلا ..؟ وليه مثلا .. الترويسه الفوق دي من اسماء بي عينه كدا .. اتعزلت عزل ..؟
سلام يا علاء
الأسماء معزلة و العنوان ما وسع كل الأسماء و قد يكون العزل ما اكتمل..
عشان شنو!! تفتكر عشان شنو؟
على كل السبب أولريدي مذكور أعلاه!
و لو سمحت ما تعمل ليحركات الاستجواب لأنها ما بتروق لي و ما بتتناسب معالتمني بتاعي عليك الفوق دا!
Post: #8 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد حيدر المشرف Date: 02-22-2011, 10:59 AM Parent: #4
احساسي بالهوان لا حدود له .. ان تغتصب فتاة سودانيه, هو انتهاك لشرف كل السودانيين يا سناء ..
Post: #16 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 11:33 AM Parent: #8
Quote: احساسي بالهوان لا حدود له .. ان تغتصب فتاة سودانيه, هو انتهاك لشرف كل السودانيين يا سناء
هو اغتصاب لكل نساء و رجال بلادي.. و زي ما قلت فوق لأساسي يا محمد الحسن.. أقل من كدا ما بيليق بيك و أكتر منو ما كبير عليك.. أنشد غضبكم و ليس إحساس الهوان الله لا يهينك يا محمد يا أخوي الله لا يهينكم يا بنات و أولاد بلدي العزيز
Post: #10 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 11:01 AM Parent: #4
Quote: رأي شنو يا سناء في حاجة زي دي! سلوكـ غير إنساني ومُدان والمتسبب فيهو ما بني آدم أصلا!! والأسوأ من كـدا إنو في مشهد زي دا يكون كل التقدر تعملوا أنكـ تشوفو وإنت ترفل في نعم الله وخاتي قدامكـ كباية قهوة وما يكون عندكـ دور إلا تكتب إدانة واستهجان وشجب وتنديد!
ما أظن لو في قدامك كباية قهوة ختيتها قبال تقرأ و تشوف الفيديو بتقدر تتمها.. ما أظن مجرد إنك تدين بيريحك! ما أظنك حتقدر تنوم بالليل لو اتذكرت الشفتو و السمعتو و الاتصورتو للجريمة .. !
لو قدرت تهنأ بكباية قهوتك.. لو قدرت تنوم.. لو قدرت تحس بإنو ما في يدك شيء تعملو لمجرد إنك بعيد .. تبقى ما أخوي البعرفو.. ما أخوي السوداني البعرفو و يبقى بعدك ما أسوأ شيء!
Post: #12 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: العوض المسلمي Date: 02-22-2011, 11:06 AM Parent: #4
اختي سناء زي ما قال اساسي ليس الحديث عما حصل للاخوات والكثير الذي قيل عن اغتصاب الاخوات ليس القصد منه كسب حسن النية منكن .. ولكن ما رائناه بام عيننا يجعلنا نشمئز ونصل لحالة من عدم التصديق بل والخوف والذعر من قادم الايام .. لاننا اباء ولدينا الاخوات والبنات مما يوحي بان هناك ظلام قادم واذا لم نغضب لهذا الامر فعلي اي شئ نغضب؟؟ اما الحديث عن الاستنكار والشجب فقد يؤثر في امور ليس من بينها بالتاكيد الاغتصاب او التحرش ... ربنا لانسالك رد القضاء ولكن نسالك اللطف فيه ..بالجد حكومة تفعل اعمال كهذه تفقد احترام مواطنيها ..
Post: #17 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 11:40 AM Parent: #12
Quote: اختي سناء زي ما قال اساسي ليس الحديث عما حصل للاخوات والكثير الذي قيل عن اغتصاب الاخوات ليس القصد منه كسب حسن النية منكن .. ولكن ما رائناه بام عيننا يجعلنا نشمئز ونصل لحالة من عدم التصديق بل والخوف والذعر من قادم الايام .. لاننا اباء ولدينا الاخوات والبنات مما يوحي بان هناك ظلام قادم واذا لم نغضب لهذا الامر فعلي اي شئ نغضب؟؟ اما الحديث عن الاستنكار والشجب فقد يؤثر في امور ليس من بينها بالتاكيد الاغتصاب او التحرش ... ربنا لانسالك رد القضاء ولكن نسالك اللطف فيه ..بالجد حكومة تفعل اعمال كهذه تفقد احترام مواطنيها ..
و إنت قلتها يا العوض.. تفقد إحترام مواطنيها.. و أكيد تفقد دعمهم.. و ليس فقط بالشجب و النديد فقد الدعم بيأثر في الاغتصاب باسم القانون و المحافظة على الأمن.. و النجاة من العقوبة بحماية السلطة!
و أقل من الغضب ما بيليق بيك يا أبو البنات و الأولاد.. و أبو المروءة كما سمعت عنك.. أقل من الغضب ما بيليق بيك، و ترجمة الغضب لفعل إيجابي ما كبيرة عليك
Post: #6 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: خضر عبدالغفور Date: 02-22-2011, 10:57 AM Parent: #2
العزيزة سنا لكي التحية والتجلي
Quote: ليس حسن ظنكن هو ما انشده ولكن فاجعتي في ما رايت وسمعت فاقت ما قد يصل اليه سؤ ظني , والله انه لعار وخزي , عار يتلبس هذه الحكومة من اخمصها ويغشانا علي سكوتنا في مواقف مشابهة وردها الي الكسب السياسي والكذب , خجل انا ونادم وملئي بالالم والحنق وغصة تكتم انفاسي
الاخ اساسي تحياتي ليس من العيب ان ننكر اخطائينا ولكن العيب ان نستمر بها فقولك هذا موقف السوداني الاصيل الذي يخاف علي شرف بنت جيرانة اكثر من خوفة شرف اهل بيتهة
اتمني ان يخرج الاخرين عن صمتهم المهين
Post: #19 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 11:43 AM Parent: #6
تحياتي و تقديري يا خضر
Quote: اتمني ان يخرج الاخرين عن صمتهم المهين
أتمنى أن يخرج الجميع عن صمتهم .. إن الله لا يغير ما بقوم حتى يغيروا ما بأنفسهم..
Post: #9 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: خالد العبيد Date: 02-22-2011, 11:00 AM Parent: #2
سلام يا سناء المأساة التي شاهدناها مفزعة متى يخحل كيزان المنبر.. متى
Post: #14 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-22-2011, 11:25 AM Parent: #9
ان كنت بحثتي عن رائي كنت ستجدينه فقد سجلته في اكثر من بوست .. بل فتحت له بوست منفصل لكنه الغرض يا سنا ... انت لا تبحثين نصرة الفتاة اكثر من بحثك عن كسب سياسي تجاه من تعتقدينهم في صف الحكومة
عموما لا ضير من اعادته مرة اخرى _____________ حسبي الله ونعم الوكيل ...
Quote: Quote: الان وبعد ان اصبح امر نشر شيرط الفديو الذي يخص الفتاة امر واقع نعيد الاقتراح السابق:
Quote: وعضوية ناشطين وحقوقين ومنظمات مجتمع مدني مهمته فقط كل ما يختص والمادة 152 فقط دون التشعب لغيرها والتركيز عليها
يدافع عن كل النساء الاتي يتعرضن لمضايقات بسبب تلك المادة ويتابع قضاياهن ويرفع دعاوي ضد افراد الشرطة المتجاوزين ويتحمل التكلفة عن النساء ده لو فعلا الناس عاوزه تستفيد من الموقف
للمرة الثالثة وبعد اتهام صريح لجهاز الامن باغتصاب الفتيات نعيد نشر الاقتراح على ان يعدل ويكون المكتب مختص بمتابعة جميع قضايا المرأة والانتهاكات التي تحدث لها
لو كان المكتب هذا كون في حينه لتبنى قضية هذه الفتاة المسكينة
حسبي الله ونعم الوكيل
Quote: من القئمة المنشورة في اكثر من موقع على الانترنت يتضح انه هنالك عدد (20) معتقلة 18 معروفة اسمائهن واثنين لم تذكر اسمائهن ولكن ذكر رقم العربة التي اعتقلتهن
هذا امر جلل يجب متابعته بدقة
Quote: الحكومة دي لو عندها اخلاق
مفروض تفتح تحقيق في الامر ده
المستفاد من قضية لبنى ( تكوين مكتب متخصص لالغا المادة 1...ا ) .. للمرة الثالثة
ختاما
اتمنى ان يقتص الله لهذه المسكينة من الفاعل ومن الذي اعطاه السطلة ليفعل ومن من يستغل موقفها لكسب سياسي رخيص
Post: #18 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: tmbis Date: 02-22-2011, 11:42 AM Parent: #14
Quote: و لو سمحت ما تعمل ليحركات الاستجواب لأنها ما بتروق لي و ما بتتناسب معالتمني بتاعي عليك الفوق دا!
عنوانك دا عبارة عن اكبر استجواب .. ولاني ما بحب المعاملة دي هنا دا من اي كان حجمو .. أو وضعو السياسي .. أو مقامو في البورض دا .. سالتك .. واهو بتستجوبي .. وفي اول استجواب .. طلع الغرض الحقيقي من البوست .. في اي حاجة تانية عايزاني اخدمك فيها ..؟
Post: #21 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: مرتضى احمد عبد القادر Date: 02-22-2011, 11:45 AM Parent: #18
لم أتمكن من مشاهدة الفيديو حتى الآن لكن قناعتي الشخصية أن جهاز الأمن وأفراده لا تحكمهم قوانين وليس لديهم من الاخلاق ما يمنعهم من أن يفعلو بمعارضي النظام أي شي مهما كان رخيصا وحقيرا طالما حسب قناعتهم يحفظ لهم بقاء النظام
الأخ خضر عبد الغفور تعقيبك على أساسي يوحي بأنه قد كان مؤيدا لأفعال جهاز الأمن بمعارضية وهذا ما لم ألحظه في هذا البورد لا من أساسي ولا من الأخوة الذين طلبت منهم صاحبة البوست رأيهم !!
Post: #74 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 04:48 PM Parent: #21
الأخ مرتضى .. قرأت مداخلتك قبل التعديل.. و أعتقد اني كنت أكثر اتفاقاً معها في نسختها الأولى!
ربما هذا الفيديو ليس فيه أكثر مما شاهدنا و سمعنا من قبل .. لكن كل جرح بيصحي جروح..
Post: #31 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 12:24 PM Parent: #18
Quote: في اي حاجة تانية عايزاني اخدمك فيها ..؟
آي لو سمحت يا تمبس..
عايزاك تخدمني و تخدم بنات بلدك كلهم.. بإنك تقرأ كلام الأخت توما تحت.. واضح من كلامها انها من الناس العرفو علاء قبال محنة جثمان الخاتم عدلان.. و ألَمها زيي اختطاف تمبس بدل جثمان الخاتم عدلان!
Post: #20 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Mustafa Mahmoud Date: 02-22-2011, 11:43 AM Parent: #14
احساسي بالهوان لا حدود له .. ان تغتصب فتاة سودانيه, هو انتهاك لشرف كل السودانيين يا سناء ..
Post: #75 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 04:50 PM Parent: #20
فليحركنا الغضب ..إذن
Post: #28 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 12:09 PM Parent: #14
Quote: ان كنت بحثتي عن رائي كنت ستجدينه فقد سجلته في اكثر من بوست .. بل فتحت له بوست منفصل لكنه الغرض يا سنا ... انت لا تبحثين نصرة الفتاة اكثر من بحثك عن كسب سياسي تجاه من تعتقدينهم في صف الحكومة
عموما لا ضير من اعادته مرة اخرى
كنت قد قرأت لك من قبل أنك لست من حراس النوايا و لا تحب تفتيش القلوب..!
تعرف يا وليد أنا لو عندي غرض سيء كان فتشت بإسمك فعلاً زي ما انت قلت.. و كان اتعقبتك و اتعقبت اسمك.. لكن عندي حاجة أحسن من غرض المرض.. الأشرت ليهو بكلماتك.. عندي عشم.. أمل و حسن ظن في الأسماء العزلتها إحساس إنها ناس نظيفة و إن بهتت مواقفها أحياناً .. لو كنت قاصدة أتكلم مع كيزان راسم عديل.. كانت قائمة الأسماء حتكون مختلفة!
و لأنها أسماء كتيرة نوعاً ما .. أفردت ليها بوست.. و لأنو الراجياه منها أكتر من إدانة مكتوبة هنا و هناك.. و كنت متأكدة انها حتكون موجودة على الأقل من معظمكم، و ما بشوفها كفاية! أنا فعلاً ببحث عن كسب..ما ناكراها و لا خجلانة منها الحاجة دي لأنو كسب وطني و كسب انساني ما سياسي لأني ما سياسية و لا أنتمي لجهة سياسية.. لكن بانتمي لوطن اسمو السودان ما حيقلل من وطنيتي أو احساسي بالمسؤولية تجاهه عدم انتمائي لجهة سياسية..
وقع ليك يا وليد..
و خليني أأمن معاك على الدعاء
Quote: اتمنى ان يقتص الله لهذه المسكينة من الفاعل ومن الذي اعطاه السطلة ليفعل ومن من يستغل موقفها لكسب سياسي رخيص
يا رب يا رب يا رب.. اللهم آمين..
Post: #22 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 11:47 AM Parent: #9
تحياتي يا خالد ..
Quote: سلام يا سناء المأساة التي شاهدناها مفزعة متى يخحل كيزان المنبر.. متى
تساؤلي بيتجاوز الكيزان ليعم كل رجال بلادي.. متى يحرك احساس الخجل ، و الخزي.. و الهوان.. الغضب و الفعل الحقيقي فينا؟
Post: #24 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-22-2011, 11:50 AM Parent: #22
الكلام ما يكون عاطفي ساي يا سناء!! الكذب القاعدين نشوفو في البورض دا علّم الواحد يتحكم في تفاعلو ياهو بقت علينا قصة هجم النمر هجم النمر!!
_ ما ياهو قدام عينكـ قبل فترة الشهيد الما لقو جثتو لحدي هسي! وياهو قدام عينكـ بيجو يشيل ويكتب لينا في القصص والناس تقوم وما تقعد ويجو أصحاب القصص ذاتا يقولو ماف حاجة حصلت من الكلام دا!! الناس بقت تمرر في الكضب عشان تخلي الناس تغلي وتفور وهي قاعدة ورا الكيبوردات!!!
Post: #23 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: توما Date: 02-22-2011, 11:47 AM Parent: #9
Quote: سلام يا سناء خالد .. تسمعي رائي علشان شنـو مثلا ..؟ وليه مثلا .. الترويسه الفوق دي من اسماء بي عينه كدا .. اتعزلت عزل ..؟
عن إذنك يا سناء
عشان حسن الظن القالتو فوق ده يا تمبس
وعشان لسه في عشم في الناس الزيكم ديل
بديت معاك قبل مده الكلام ده و ما تميتو
وأفتكر ده محلو
إنو الزول البخدم في خط الحكومه و بفرح الكيزان بس لأنو بكره المعارضه ده بالتأكيد ما بخدم في السودان
ولا الزول البخدم في خط المعارضه و مجرور وراها سااي بدون وعي بخدم في السودان
ولا مناصره الحكومه شرف ولا معارضه المعارضه نصر
وما معناتو إنو الناس ضد النظام وبتحاول تسقطو إنو بخدموا في خط معين أو منتمين لي جهه معينه
في ناس فعلاً اجندتها واضحه و صادقه وهي أنو النظام ده ما نافع والمفروض يتغير
ولو قعدنا نسأل أنو البجينا منو وبكون أفضل ولا أكعب ما حتحصل أي حاجه
وحنتجرا زي عشرين سنه تانيه
عموماً يا تمبس رضيت ولا أبيت الخط الشايت فيهو ده بخدم الحكومه أكتر من اي حاجه تاني
(أوعي تجي تعمل لي حركه الزرزير ديك و تشيل لي سطر سطر ترد لي عليهو )
وتاني بقول ليك الكلام ده أولو وأخرو حسن ظن
وعشم في إنو الخط يكون واضح
ضد النظام و الفساد والقهر والظلم
ده معناتو ضد الحكومه الحاليه دي
_____________________________________
سناء خالد سلام و تحايا و تضامن كامل مع أختنا ضحيه جهاز الإرهاب
Post: #25 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-22-2011, 12:05 PM Parent: #23
حقيقة ان الشريط مؤلم للغاية و فيه ماساة انسانية من يحس بها و تحرك فيه الضمير الانسانى فما له من ضمير و لا اخلاق و دين و لا قيمة انسانية و احسب ان الفاعل كذلك و بعض من الرجرج و تبع و اذيال الكيزان من امنيجة و جهلة كذلك .
شكرا سناء خالد توارد خواطر.. أنا كنت متحمسة أكتب بوست بنفس المعنى بس سؤالي كان بالتحديد موجه لاثنين: الأول وليد الكوز.. وليد من يوم ما رموا ساس هدا المنتدى ما حصل يوم خبا ولا دارا ولاؤ الشديد للبشير والثاني فرانكلي.. وفرانكلي أعرف كتاباته المتزنة من قبل ما يرموا الساس هنا حتى كنت عارفة انه مناصر دينه .. لكن من وقت قريب بس عرفت انه مناصر النظام مهم أعرف رأيهم الاتنين في خطف النساء والتحرش والاغتصاب.. لتقديري المعلوم لشخوصهم وهم عارفين اليوم بالنسبة لي يوم الفرقان.. والتقدير لازم يمشي لناس (حقيقة وليس وهما) بستحقوه ولحد الآن لهم فائق الاحترام
Post: #32 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: كمال علي الزين Date: 02-22-2011, 12:28 PM Parent: #29
(*)
Post: #96 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-23-2011, 06:36 AM Parent: #32
يا كمال.. ألقى لي عندك جمرة ؟ حتة تولع فينا و تحرق بيها أي رغبة في الإستكانة و الخنوع؟
Post: #33 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: يوسف السماني يوسف Date: 02-22-2011, 12:31 PM Parent: #29
الاخت سناء خالد تحياتي
مايحدث من الانقاذ واجهزتها الامنية ممارسات وحشية لاتمت للانسلانية ولا الدين او الاخلاق بصلة وكل من يدافع عن ذلك بوعي اوبدون فهو ميت الضمير ومغيب الانسانية ومن ينكر ممارسات جهاز الامن فهو مؤيد مايحدث من اغتصاب او اي ممارسات بشعة يرتكبها جهاز ضد معارضية . ادانة الاغتصاب كجريمة تتم قبل البحث عن الاثبات .
التفاعلية في هذا المنبر و في كل مكان مرتبطة بالمصداقية و للأسف..مصداقية منبرنا ليست ذهبية خالصة فإذا تردد الناس أو أحجموا عن التفاعل مع قضية/ خبر/ جريمة فهذا من الحكمة و لذلك ظللنا نحارب الكذبة و أصحاب الفكر الفطير من كسالى و أغبياء النظام أو المعارضة.. حتى لا يأتي يوم يهجم فيه النمر و نحن في سبات غارقون نستجدي أراء و مواقف البعض و نتجادل هل هو صحيح أم مفبرك, هذا الخبر صادم و موجع و مثير للقثيان و الغضب لكل ذي كبد رطبة أو متحجرة. أرى أنك قد فارقتي الصواب أخيتي بإنتقائك أسماء بعينها لتسآليها و إن أضفتي "آخرين" ففيه ما يشي بسوء الظن في أرائهم و الإيحاء بأنهم يتكتمون عليها خوفا أو خجلا. تحياتي لك و للأسرة الكريمة
Post: #35 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Mustafa Mahmoud Date: 02-22-2011, 12:36 PM Parent: #30
Quote: الاخت سناء خالد لك التحية الطيبة حقيقة ان الشريط مؤلم للغاية و فيه ماساة انسانية من يحس بها و تحرك فيه الضمير الانسانى فما له من ضمير و لا اخلاق و دين و لا قيمة انسانية و احسب ان الفاعل كذلك و بعض من الرجرج و تبع و اذيال الكيزان من امنيجة و جهلة كذلك
كنتا عايزه ابدأ مداخلتي دي بي : (طبعا زي ما عارفه البوستات الزي دي ما خطي ولا بحب أكتب فيها) لكن , عدلت عن ذلك لمن اتذكرتا أنك ما قريتي رأي الزميل وليد محمد المبارك في الموضوع المذكور , لذلك , يبدو انك بتقري المنبر على فترات متباعده , ربما لانشغالك اوما الى ذلك ,,
الدايره اقولو يا سناء , انو بصراحه كدا انا فترتا ! فترنا من كل يومين تلاته يطلع لينا زول بي ايقونه (عاجل عاجل) الحقوونا نحن بنمووت وفي النهايه الموضوع يطلع على فشوش! فترنا من كل يومين تلاته يقولوا لينا المظاهرات .. الولد مات .. دسوا الجثمان .. ويطلع مافي شهيد ولا في زول بالاسم دا زاتوو ! فترنا من كل يومين تلاته زميل في المنبر دا يشتم زميلو بي افظع الالفاظ ويشتم ليهو ناس بيتهم وامو اهلو ويتهموا ابشع التهم والمنبر ينقسم نصين .. نصين على اساس الكسب السياسي , لو في خطو ادين .. ولو مافي خطوا أعمل ما شايفه البوست ,أو ما فهمتو !
يا سناء ,, أنا القدامك دي اتشتمتا واتشتم تمبس الانتي معلقه اسمو في راس البوست دا , اتشتمنا شتيمه (عنصريه) .. آآآي عنصريه .. واتشتمنا بي طريقه (اياك اعني واسمعي يا جاره ) وفي بدل الواحد الف واحد في البورد دا , شافوا الشتيمه دي , وقروا البوست , وفهموهو كويس .. وعملوا ما شايفينوا ...!! عارفه لييه ؟؟ عشان نفس الغلطه الانتي قاعده تغلطي فيها أسي دي , عشان الكسـب السياسي بس ! عشان الفتح بوست الشتيمه داك مناضـل كبيـر .. وتمبس دا كوز حقييـر !! (البوست لحدي الان قاااعد)
البوست دا اتوقعتوا من أي زول في المنبر دا , الا منك انت .. لاني كنت احسبك أكثر ذكاء من ان تقعي في فخ توزيع صكوك الغفران يا سناء ! موش دايره تنادي الانسانيه الجوه الناس بي افتراعك للبوست دا؟؟ طيب ليه اخترتي الناس ديل بالذات ؟؟ أها انا داليا القدامك دي ما ادنت ولا شجبتا ولا كتبتا في اي من البوستات الشغاله ليها قريب الشهر دي ! اسمي ما مكتوب لييه ؟؟ (طبعا في اكتر من 5 الف عضو في المنبر دا برضو ما كتبو , وعلى حسب كلام سيد البورد دا انو نحن هنا 8 الف !)
انا شخصيا داليا عبدالمنعم الكباشي دي , فقدتا الثقه والمصداقيه في المنبر العام لسودانيز اونلاين دوت كوم ! وما بصدق فيها أي حاجه الا أشوفها بي عيوني (قال كوز ولا قالها معارض ولا قلتها أنا زاااتي ) وما بتضامن مع أي زول , وما بشجب ولا بدين أي حاجه , الا اسمع بي اضاني أو اشوف بي عيوني !
Post: #37 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Mustafa Mahmoud Date: 02-22-2011, 12:51 PM Parent: #34
Post: #38 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-22-2011, 12:55 PM Parent: #34
مرحب تاني يا سنا
Quote: كنت قد قرأت لك من قبل أنك لست من حراس النوايا و لا تحب تفتيش القلوب..!
صحيح وكتبت كذلك اني اعامل الناس بالمثل
Quote: تعرف يا وليد أنا لو عندي غرض سيء كان فتشت بإسمك فعلاً زي ما انت قلت.. و كان اتعقبتك و اتعقبت اسمك.. لكن عندي حاجة أحسن من غرض المرض.. الأشرت ليهو بكلماتك.. عندي عشم.. أمل و حسن ظن في الأسماء العزلتها إحساس إنها ناس نظيفة و إن بهتت مواقفها أحياناً
الانتقائيه في عنوان البوست واضحة يا سنا ديل ناس ما معاكم وعشان ما معاكم انت طبعا طوالي صنفتيهم مع الحكومة وعشان ما معاكم برضو طوالي قلت تختبري اخلاقهم
فعلا كل الناس العزلتيهم ناس نضاف ومواقفهم ما باهته مواقفهم ناصة لدرجة انها لا تتطابق معاك في كل الامور
لانهم ناس واضحين ... احيانا بتوافوا معاق .. واحيانا لا
ولانك متل كثيرين في هذا المنبر مفتكره انو الحق في جانبك فقط ودائما بتعتبري اي موقف ما بتماشا معاك على الدوام .. معناتا سيدو باهت وموالي
لا يا ستي لا انت ولا اي نبي في المنبر ده .. ممكن يكون ترمومتر تقاس على مواقفوا الاخلاق
على العموم شكرا على العشم ... واوكد ليك في هذا الامر عشمك لن يخيب لانها قضية اخلاق
وكت تجي السياسة اكيد تبعا لافكارك الكلية غير القابلة للنقض دي حا نختلف
الان نحن متفقين في الموقف ده
Post: #39 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد البشرى الخضر Date: 02-22-2011, 01:06 PM Parent: #38
Quote: إنها ناس نظيفة و إن بهتت مواقفها أحياناً
طيب يا دكتورة ولا يهمك هاك الموقف الما باهت دا : سعاد عبدالله كذابة خوفوها ناس الأمن فغيرت كلامها , اتحرشوا بيها و عملوا ليها السبعة وذمتها وحريات صادقة ما قاعدة تزيد الفيديوهات موية وتاني ما بنسأل عمر فضل المولى عن اسبابو الإضطرارية وفي ستين المصداقية و الحقيقة اها كويس معاك كدة؟
Quote: لكن عندي حاجة أحسن من غرض المرض.. الأشرت ليهو بكلماتك.. عندي عشم.. أمل و حسن ظن في الأسماء العزلتها إحساس إنها ناس نظيفة و إن بهتت مواقفها أحياناً .. لو كنت قاصدة أتكلم مع كيزان راسم عديل.. كانت قائمة الأسماء حتكون مختلفة!
و لأنها أسماء كتيرة نوعاً ما .. أفردت ليها بوست.. و لأنو الراجياه منها أكتر من إدانة مكتوبة هنا و هناك.. و كنت متأكدة انها حتكون موجودة على الأقل من معظمكم، و ما بشوفها كفاية! أنا فعلاً ببحث عن كسب..ما ناكراها و لا خجلانة منها الحاجة دي لأنو كسب وطني و كسب انساني ما سياسي لأني ما سياسية و لا أنتمي لجهة سياسية.. لكن بانتمي لوطن اسمو السودان ما حيقلل من وطنيتي أو احساسي بالمسؤولية تجاهه عدم انتمائي لجهة سياسية..
وقع ليك يا وليد..
شكرا يا سناء علي حسن الظن موقفك واضح و مفهوم
يا رفاق (اسماء العنوان) اختيار اسمائكم من قبل سناء(حسب فهمي لبوستها) لانو مواقفكم دائما رمادية ولانكم اكتر ناس بتنتقدوا كذب المعارضة في إيراد الاخبار حتي تحول نقد الكذب ده لمعارضة للمعارضة نفسها. احمدوا لسناء انها ما قالت انو معارضتكم للمعارضة هي خطة ملتفة و غير واضحة لتخذيل المعارضة و احمدوا لها حسن ظنها فيكم الما موجود عند اخرين كتار لكنهم صامتين لانهم قنعانين من خيرا فيكم و شايفنكم فعلا ضد المعارضة و مع الانقاذ. اقفلوا الصفحة و تقبلوا نقد سناء فنقدنا لبعضنا دليل عافية.
Quote: اختيار اسمائكم من قبل سناء(حسب فهمي لبوستها) لانو مواقفكم دائما رمادية ولانكم اكتر ناس بتنتقدوا كذب المعارضة
يا خدر معليش .. أرجو انك تقيف في الحتة دي بس .. احسن اكون رمادي او برتغالي .. لكن ما اكون كذاب ومنافق .. اقيف هنا يا خدر علشان البوست دا ما يتحول لي حتات تانية .. الواحد ما عايز يدخل فيها ..
Quote: آي لو سمحت يا تمبس.. عايزاك تخدمني و تخدم بنات بلدك كلهم.. بإنك تقرأ كلام الأخت توما تحت.. واضح من كلامها انها من الناس العرفو علاء قبال محنة جثمان الخاتم عدلان.. و ألَمها زيي اختطاف تمبس بدل جثمان الخاتم عدلان!
للاسف كلام تومـا ما قريتو . لانو ما بيعنيني في شي .. ولا اظن اخسر لي كم دقيقه علشان اقراهو وافكر اني ارد ليهو .. دا طبعا ما تقليل من شأن اختي تومـا ... لكن الرد ما بيفيد شديد .. لانو العرف علاء قبل محنة جثمان الخاتم عدلان .. ووقف في الحتة دي وما عرف الحاصل بعداك شنو .. ما يحق ليهو يستجوب علاء .. والشي المهم جدا .. علاء فقد اي احساس بي اي حاجة في المكان دا .. وبقى يتعامل مع المكان دا زيو وزي اي باب بيدخل في باب بيدخل في باب بيطلع من باب .. وايقنت تماما انو دا اكبر مكان فقط للبطولات الوهمية .. وللدجل والكذب والنفاق .. حيث ان البنات الأخوات والأمهات .. والخالات والعمات والحبوبات .. بيتم اغتصابن هنا دا مليون مرة قبلما يغتصبوهم في اي مكان .. اتشتمن هنا دا لامن الله غفر ليهن هن نفس اخواتي وبنات جيراني .. وللاسف البشتم فيهن جاي بيدعي الشرف ويقول ظلموني .. زي ما قاليك ود الصايم .. مش المسالة مواقف وشنو وشنو ما عارف .. بدخل ليك السيرفر حقي انا القدامك دا .. وبجيب ليك ما يشيب الراس .. ولما كنا بنداوس علشان الكلام دا عيب .. مليون واحد هنا دا لا يقلو بشاعة عن اجهزة الأمن للاسف .. بيشتم فينا ويسبنا ويطلعنا بناخد قروش من الحكومة عشان نكتب ونقول .. إنتو قاعدين تكونو وين يا سناء ويا تومـــا .. وبتجو حسع دي يستفزكم الكلام دا ..؟ وتجيبكم الانسانية ..؟ واحده يقولو ليها هنا دا .. إنت مطهرة واللا غلفــاء .. والنسا تسكت .. ونطلع نحن الكعبين .. والبقول ليها للاسف جاي عامل هليله هنا من نفس الجريدة حقتو البتشتم في الناس هنا بي اقذع الالفاظ .. مؤخرات وعفن وقرف .. وووين انتو قاعدين تكونو لما الناس دي هنا دا ما بتخلي لينا حتة علشان الواحد يسند فيها ضهرو او يتسند من الناس ..؟ ووين الأخوات البسندن القفا .. .؟ اهو تجن في اوكات زي دي .. مع فيدوهات .. عبد المنعم بيجو .. ومع صيحات قريمــان .. العنصري ..؟ ووين كنتن لما تراجي دي .. طلعت تلاتة ارباع بنات السودان .. بياكلن بي جسمن ..؟ والله اقوليكم صراحة كدا .. وما تزعلن ..؟ اي واحدة ما شايف ليها موقف شرفني .. اخير ليها تسكت ساي وترضى بي مقاطع الفيديو الحايمه دي .. شفتي كل الكتبتيهم فوق ديل .. واللسة ح تكتبوهم .. والله اقوليك يا سناء ويا تومــا .. كل واحد فيهم بياكل النار عديل .. اولاد حلة ومقنعين كاشفات .. وستارين عروض .. وبتاعين اي حاجة .. لكن .. لو اي واحد فيهم عايزات تفتشن ليهو هنا في المكان دا .. صدقوني امكانية تلقوهم ما ظنيتو في .. واكان لقيتوهم .. ما ح يشتغلوا معاكم بي كل الكابيستي .. لكن رجال ومالين هدومم اكتر من كرور كتيرين هنا الواحد ما عارف كوعو من بوعو .. الافضل انكن ما تستعدوا الناس وتستفزوهم .. الفوق دا استعداء واستفزاز .. وانتو ما في المقام البتحتملو فيها عقبات الأمور .. لانو الاحتمال وصلت مرحلة بعيدة جدا ..
Post: #42 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Mustafa Mahmoud Date: 02-22-2011, 01:29 PM Parent: #40
Quote: أرجو انك تقيف في الحتة دي بس .. احسن اكون رمادي او برتغالي .. لكن ما اكون كذاب ومنافق ..
طيب كويس يا تمبس , ده خيارك و عشان كده جاء إنتقاد سناء ليك , انت ما عاوز تكون كذاب و منافق زي ناس المعارضة في المنبر و ده حقك و عاوز تواصل تنتقد في المعارضة و ده برضو حقك. و من حقك برضو انك ترفض عشمها فيك . عن نفسي كنت بتوقع انك تقبل عشمها فيك.
.. للاسف يا طارق .. العشمان ما بيكتب كلام زي دا .. وكان دي الطريقة بتاعت العشم ان القدامك دا .. يقطعو فيني العشم خالص .. يعني ح يحصل لي شنـو..؟ يقولو امنجي .. اتقالت يقولو كوز .. اتقالت يقولو بتاع بيوت اشباح .. اتقالت يقولو باخد قروش من ناس الحكومة عشان اكتب ليهم . اتقالت اهـا اي حاجة باقية علشان تتقال تاني .. صدقني ما بتهمني .. وبي صراحة كدا ومن الاخر خالص : ان ما بتالم من النعت والتصنيف من الكلام الفارغ البكتبو اي واحد ما بيعرفني .. لكن بيكون مؤلم .. لما يجي من زول اساسا بيعرفك ويجي في الشاشة بتاعت سودانيز دي يطلع بيك الجو ..
بعدين دقيقه يا طارق:
Quote: احمدوا لسناء انها ما قالت انو معارضتكم للمعارضة هي خطة ملتفة و غير واضحة لتخذيل المعارضة و احمدوا لها حسن ظنها فيكم الما موجود عند اخرين كتار لكنهم صامتين لانهم قنعانين من خيرا فيكم و شايفنكم فعلا ضد المعارضة و مع الانقاذ. اقفلوا الصفحة و تقبلوا نقد سناء فنقدنا لبعضنا دليل عافية.
مين سنـاء يا طارق علشان تصنفنا وتقول عننا .. وليه نحمد ربنـا .. ؟؟ دا مش كلام عجيب جدا .. بيثبت كلام المزايدات السياسية الهاربه منها هي ..؟
Post: #64 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: بشير أحمد Date: 02-22-2011, 03:03 PM Parent: #42
بكل أمانة الواحد ليهو في البورد دا اكتر من 5 سنة لكن الشباب الذكرتيهم ديل ما شفنا منهم إلا الخير رغم اختلافنا معهم في الافكار السياسية رجال بمعنى الكلمة ولا ادافع عنهم بأي صفة غير ان رأيهم دائماً يعبر عن رأيي ومداخلة تمبس التحت دي هي فعلاً مربط الفرس لأنو فعلاً في ناس هنا البورد دا قاعدة تضرب البنات والنساء هنا لدرجة أن أحدهم في مرة من المرات كتب اسوأ كلام كلام في حق ميادة ونعتها بصفة غير سليمة ولكن انتن لا تتداخلن في مثل هذا الكلام ولا تشجبنه ويكفي ما كتبته تراجي كما قال تمبس عن ان ثلاثة ارباع السودانيات يأكلن من بيع أجسادهن - ياخي يا سناء السودان اصبح شيء ثاني.
اما بالنسبة لموضوع الفيديو تأكدي أن هذا لو كان سليماً وصحيحاً (ولا شك عندي فيه) تأكدي أن الله لن ينام حتى يأخذ لها حقها من عمر البشير شخصياً في نفسه وفي كل من يقف وراء هذه الحكومة ويدافع عنها لأن حكومة لا تحمي نسائها فخير لها براميل الزيالة برئيسها ووزارئها ورؤساء ادارات امنها وبجيشها نفسه.
Quote: تأكدي أن الله لن ينام حتى يأخذ لها حقها من عمر البشير شخصياً
إستغفر يا شيخنا
Post: #51 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد حيدر المشرف Date: 02-22-2011, 01:52 PM Parent: #45
داليا كباشى .. ازيك وكيف الحال .. تمبس ووليد .. والى حد ما ود الصائم فى جزئيه محدده (كلام عفو الخاطر)
اولا تقديري الشديد لكل ما أوردتيه هنا .. وده بالتأكيد انتى عارفاهو احتمال الحاجه الما عارفاها احتفائي الخاص والعام بيك وتمبس .. والعام ده اعنى بيهو المنبر .. هذا المنبر لم اشهد فى هذا المنبر احتفاءا اكبر من احتفاء اعضاء المنبر بكما .. كانت أشبه بما تكون بمظاهرة فرح .. فرح عام اجتاح المنبر .. وشارك فيه غالبيه ناس المنبر بمشاعر صادقه جدا .. وده انعكاس لمكانة تمبس ومكانتك فى نفوس الناس هنا.. ولا اعتقد ان احدا من هؤلاء سيسكت على اى تعدى سخيف زى الذكرتيهو هنا ..
مسألة الاصطفاف السياسي دى موجوده .. وطبيعيه جدا فى اطارها السياسي واقسمها ليك بصوره عامه الى ناس فى المعارضه وناس فى الموالاة للنظام الحاكم وجوه التقسيم ده تقسيمات تانيه .. وبره التقسيم ده فى ناس كتيرين بلقو نفسهم جواهو .. لانهم غير مفصولين عن الواقع الوطنى ..
هل توجد ممارسات سالبه من بعض اهل المعارضه؟! الاجابه نعم توجد الكثير من الممارسات السالبه ..
السؤال الحقيقي هل تكون مقاربتى للشأن الوطنى مبنيه اساسا على موقفى من المواقف السلبيه للمعارضه بمعنى ان اكرس قلمى الاسفيري فقط فى فضحها وتتبع اخطاءها ..
يعنى فى الوقت الذى تجرى فيه جرائم كبيره فى البلد يكون همى الاخبار الكاذبه والممارسات غير الصحيحه للمعارضه فى حدود موقع اسفيري!!
اضرب ليك مثال .. والحديث يشمل الاخ العزيز ود الصائم
الخبر الكاذب بتاع الشهيد محمد عبدالرحمن .. انا استأت كغيري عن ايراده .. ويقينى انه مدسوس بطريقه ما .. وبغض النظر عن هذا اليقين .. ونفترض انه مصنوع بالكامل بايدى المعارضه واخترعوا شهيد بدون جثه .. واعلنوا مواعيد الدفن فى البوستات وبعضنا بدأ فى كتابه المراثى الخ .. نفترض ان ذلك كله صحيح .. هل ينفى ذلك وجود هذه الممارسه من النظام الحاكم ؟! هل تم اختراع طارق وسليم والتايه ومحمد عبدالسلام ؟! بالتاكيد لا .. اذن القضيه الاساسيه هنا .. وجود نظام يستيح دماء الطلاب ولا يتورع فى قتلهم بالرصاص اليس كذلك ؟! فأى القضيتين اولى بتكريس قلمى فى تتبعها؟ انتقد هذا وارفضه الا ان خطى الاساسي هو مواجهة من يقتلون ابناء الشعب السودانى ..
ما ارمى اليه ان مثل هذا الخط .. يجعل الكثيرين ان يشعروا بحسره حقيقيه وهم يرون قلم ممتاز ويتمتع بحس منطقى وذكى فى استنطاق القضايا زى تمبس .. يرونه متفرغا فقط لملاحقه اخطاء المعارضه السودانيه .. لا ليست السودانيه ولكنها المعارضه داخل منبر اسفيري ..
يا تمبس ياخى دى قضيه صغيره جدا ومحدوده بجانب قضايا كبري موجوده .. وياخى المعارضه دى فيها ناس حقيقيين قاعدين يناضلوا فى السلطه دى ,, ودخلوا السجون وعذبوا واستشهدوا داخل المعتقلات ..
ايه يعنى محمد حيدر المشرف وخضر حسين واحمد طراوه وعصام وخدر ومكاوى .. ايه يعنى ممارساتهم السالبه ومفارقتهم للمعيار يا وليد ان فارقوه .. بمثلوا شنو فى ذاكرة الوطن غير مواطنين رافضين للسلطه ولو مارسوا ممارسات سلبيه فهى من حدود هذا الاطار.. اقيفوا ليهم فى حلقهم لكن كونوا معاهم او (ما معاهم*) شوكه فى حلق الظالم الحقيقي الاكبر منهم ومنكم..
الناس الاختارتم سناء ديل .. ناس قريبين جدا وجديرين بالاحترام واكثر .. وبينى وبينكم انا خفت أن يتحول البوست لاحتكاك عنيف بين اخوان اعزاء جدا واختى سناء.. وده كان وراء مداخله غبيه معلقه فوق .. ما جاملتنى فوقها كلو كلو .. بس اقول ليكم كلام !. كلام سناء بيعبر عن ناس كثيرين بحترموكم جدا .. ارجو الالتفات اليه
تحياتى
* (ما معاهم) دى .. حتى لا تكون هناك شبهة وصايه .. المهم الشوكه فى حلق اللصوص وباى طريقه ومن اى مدخل ..
Quote: كانت أشبه بما تكون بمظاهرة فرح .. فرح عام اجتاح المنبر .. وشارك فيه غالبيه ناس المنبر بمشاعر صادقه جدا .. وده انعكاس لمكانة تمبس ومكانتك فى نفوس الناس هنا..
محمد حيدر ازيك وانشالله عافيه ,, احتفائك بي انا وتمبس مما يزيدني شرفا على شرف صداقتك يا صاحب , وانت عارف كويس جدا مدى المعزه الجوانا ليك يا محمد .. ودا شي اكيد واصلك لانو من القلب الى القلب ..
احتفاء الناس في البورد بينا -علاء وأنا- هو وسام ودين في اعناقنا , وهو شيء نذكره كل يوم ان لم يكن كل لحظه من لحظات حياتنا , التي بدأت على صفحات هذا المنبر وبمباركه الجميع دون فرز .. فالشكر لهم .. الاحتفاء ما وقف جوه المنبر دا وحسب , بل انو الناس باركت ارتباطنا في الواقع , منهم من حضر شخصيا , ومنهم من اتصل , ومنهم من وقف معنا على المراسم نفسها .. وحتى اليوم .. مازلنا (نتدلل) في رحاب اصدقائنا من هذا المكان الذي يمطروننا بوابل كرمهم وزياراتهم ودعواتهم القلبيه التي لا تنقطع .. شكرا جميلا وانشاءالله ربنا يكتر الافراح والسعاده ,,
بالمقابل يا صديق , تمبس دا بعرفو ما بيقصر من زول , لا في المنبر ولا براهو , شوف كم بت هنا اتشتمت واتهانت بأقذع الالفاظ , وكان تمبس -المعلقين اسمو في كشف حسن النوايا فوق دا- أول من تصدى للدفاع عنهن, وللأسف الشديد طلع هو الغلطان والكوز والأمنجي ! وما خفي أعظم (فتش الارشيف كويس .. ذاكره البورد ضعيفه للأسف) !
Quote: ولا اعتقد ان احدا من هؤلاء سيسكت على اى تعدى سخيف زى الذكرتيهو هنا ..
يلا يا اما انا كذابه أو بختلق قصص ساكت , يا أما تكون بالغتا معاي في جملتك دي ! هل تعتقد اني من الغباء (طبعا ما حا اشدد على اني صادقه لانو المصداقيه في المنبر انا شخصيا ما شغاله بيها) من الغباء اني اختلق قصه انو في زول اتصرف التصرف السخيف دا , واقول كمان انو البوست موجود ويكون كلام ساااي ؟؟ يا محمد , البوست بس ما بيستحمل أجيب روابط , لكن كلي ثقه في ذكائك ! والغريبه أنو قالوا ليك قبل كدا (تحسس مسدسك يا رجل !!) بالمناسبه دي ما المره الاولى اللي تحصل فيها حاجه زي دي لي تمبس , ولا أظنها حاتكون الأخيره البتعرض فيها تمبس لي حاجه زي دي , في نفس الوقت , أنا شخصيا داليا صاحبتك دي , اتعرضتا للشتم من زميله هنا في المنبر دا , ودا ليييه ؟؟؟ لاني اعترضتا وشجبتا وأدنتا انها توصف تلات ارباع بنات السودان بأنهن يتسولن بي أجسادهن !! أنا يا محمد حيدر اتكلمتا لمن كتار هنا سكتوا عن الكلام دا بحجه (انها زله لسان منها ساااي) تخيل ؟؟
تحياتي والبيناتنا عامره يا صاحب ,,
Post: #67 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-22-2011, 04:02 PM Parent: #62
تصدق يا المشرف يا عمكـ لو ربع كتابات المعارضة وصلت لمستوى كتاباتكـ كان الحكومة مشت من زمان!!
Post: #52 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد البشرى الخضر Date: 02-22-2011, 01:56 PM Parent: #45
Quote: احمدوا لسناء انها ما قالت انو معارضتكم للمعارضة هي خطة ملتفة و غير واضحة لتخذيل المعارضة و احمدوا لها حسن ظنها فيكم الما موجود عند اخرين كتار لكنهم صامتين لانهم قنعانين من خيرا فيكم و شايفنكم فعلا ضد المعارضة و مع الانقاذ. اقفلوا الصفحة و تقبلوا نقد سناء فنقدنا لبعضنا دليل عافية.
عن نفسي يا خضر لا احمد لسناء أو لغير سناء أي حسن ظن عن مواقفي كما لا اغضب لأي سوء ظن كذلك ابدا لا افكر في رد فعل الآخرين عندما احدد موقفي من و رد فعلي نحو حدث ما نقد الاخوان على العين والرأس ومشكورين عليه لكن كيفية الاستجابة و تقييمي له دا موضوع تاني
Quote: وبي صراحة كدا ومن الاخر خالص : ان ما بتالم من النعت والتصنيف من الكلام الفارغ البكتبو اي واحد ما بيعرفني .. لكن بيكون مؤلم .. لما يجي من زول اساسا بيعرفك ويجي في الشاشة بتاعت سودانيز دي يطلع بيك الجو ..
ظلمتني يا شرس (لو كنت قاصدني انا بي كلامك) وهل انا طارق ده الانت بتعرفني محتاج اطلع فوق كتف زول الجو !!
عموما المتأكد منو اسه اني طالع من البوست ده , نتحاور وكت تاني خارج سودانيزاونلاين.
Quote: ظلمتني يا شرس (لو كنت قاصدني انا بي كلامك) وهل انا طارق ده الانت بتعرفني محتاج اطلع فوق كتف زول الجو !!
عموما المتأكد منو اسه اني طالع من البوست ده , نتحاور وكت تاني خارج سودانيزاونلاين.
اسيوه يا طارق ياريت تطلع .. لانو مدخلك خطا كبير جدا .. ما انت البتطلع بي الجو يا طـارق انا قاصد ناس كتار جدا غيرك .. لاقوني شخصيا والعين بتشوف العين .. للاسف ديل كانو آخر مسمار يندق في نعش الاخوانيات عندي .. البورد دا مكان وســ..ـخ جدا .. لاول مرة ايقن تماما بالنقطة دي .. اطلع يا طارق عشان ما تواصل في الحتة بتاعت سناء التي نحمد الله ونمجدهـا .. عشان ما صنفتنا شديد .. ..
دكتور حيدر المشرف .. سلامات يا حبيبي .. إنت عارف انو إنت من اكتر الناس الفي الدنيا دي بتعتر لي جوه قلبي .. عتير اخوان .. كلامك دا انا بطبعو واشيلو معاي في جيبي .. عشان اقراهو كل مرة .. واتحسس مكان الخلل فيني واحاول اعالجو .. لكن إلى ذلك الحين .. صدقني الحال دا معووج .. عايز شغل شديد .. علشان لما يجي يدافع أو يهاجم يعرف انو ضهرو محمي ما بينضرب مطوة من اقرب واحد عامل فيها معاو ... الواحد يا دكتور ما بينضف الحوش .. ويكب وساخت الحوش في اوضة النوم .. بالمناسبة يا دكتور .. الناس الاحتفلت بي انا وداليا .. انا شايل ليها جميل لحدت ما ادخل التراب .. وقطع شك الناس دي ما احتفلت بي إلا للانسانية الجواها .. البتتلاقى فيها معاي ومع داليـا بعيد كل البعد عن اي تفاصيل أخرى .. ولحدت الآن الناس دي بتدينا كل تقدير واحترام .. داخل المكان دا وخارجو .. واي واحد بيشوف انو في خط رجعه .. لي موقف ما بياخدو من هنـا دي حاجة بترجع ليهو لكن ما بتقلل جواي من محبتي ليهو ولا من انو سوداني .. ودي في حد ذاته بتعني لي قيمة انسانية عالية جدا .. ربما يجهلها البعض فيني
المرة دي قريت كلامك يا تومــا .. لكن المشكلة اني .. ما بعرف ارد إلا اشيل واقتبس ليك .. وقلتي ما عايزه رد كدا ... اهـا ارد ليك كيف مثلا .. ؟
Post: #49 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: عبد الله كسلا Date: 02-22-2011, 01:47 PM Parent: #34
بالرغم من إنو إسمي ما وارد مع الجماعة الفوق ديل، لكن حبيت أقول ليك رأي يا سناء .. بعد إذنك ..
أولاً بالتبادي .. بعتقد بأنه جانبك الصواب تماماً في إنتقاء مجموعة من البورداب وترك البعض الآخر في قضية عامة زي دي .. وأحب أكِّد ليك إنو الجماعة الإخترتيهم ديل رأيهم ما حيختلف عن رأي البقية .. لأنه الشئ الحصل ده ما بيقبلو إلاَّ إنسان ما عندو ضمير أو مريض حتى لو كان موالي للحكام وللإنقاذ ..
نحن في السودان اتربينا على إحترام المرأة .. وبنعتبر الراجل البيدق مرتو .. ما راجل .. وبنحتقرو .. فما بالك بمشهد لبنت بتحكي عن إغتصابها.. مش ضربها .. إغتصابها عديل كده .. ما أظن في أيِّ سوداني يوافق على أفعال زي دي ..
تأكدي يا سناء إنه نحن كلنا الفي الداخل والفي الخارج .. مستهجنين البيحصل للشعب السوداني في الداخل وللنساء بصفة خاصة .. ومستنكرين الممارسات دي .. وخاصة إنها بتصدر من ناس بيدعوا إنهم أرباب الفضيلة والأخلاق .. وكمان مسؤولين عن حماية وأمن المواطن .. وهم سبب خوفوا ورعبو ..
والغضبة الإنتي بتفتشي عليها دي تأكدي إنها موجودة عندنا كلنا يا سناء .. وحاسين بالألم والعجز وحتى بإحتقار الذات .. لأننا ما قادرين نعمل حاجة فعلية لتخفيف معاناة أهلنا وبناتنا ونساءنا في السودان .. وحمايتهم من الوحوش دي ..
وبالرغم من إنه اتكتب علينا نعيش برة السودان .. إلاَّ أني بعتقد إنه كل المغتربين مستعدين وجاهزين لترجمة غضبتهم دي في شكل مساهمات مع بورداب الداخل لتعيين مكتب قانوني داخل أو خارج السودان للدفاع بإسمنا عن كل رجال ونساء السودان البيتعرضوا للإنتهاكات دي .. وده في إعتقادي شئ عملي وممكن يجيب نتيجة بقليل من التنظيم مع القانونين في المنبر .. (مجرد رأي) ..
لا وألف لا لإضطهاد وإذلال أيِّ إنسان لأيِّ سببٍ كان ..
لا وألف لا لقهر وإذلال النساء بصفةٍ خاصة ..
وأردد مع ود الصايم: اللهم لا نسألك رد القضاء .. ولكن نسألك اللطف فيه ..
الغريبة يا الشباب المختارين انا ما زعلان من اختيار سناء خالد وما مستغربه ولا مستغرب السؤال ولا البوست , عادي الموقف لو كان مقلوب اي واحد فينا كان ممكن يفتح البوست دا ويسأل نفس الاسئلة دي , والله يا شباب الحق احق بان يتبع , لي فترة بفكر في نفس الموضوع دا , دائما بقول ياخ الواحد اول من يشوف مواضيع اخبار اخونا في المعارضة في المنبر دا بيجي داخل البوست بذهنية واضحة جدا وهي ايجاد الثغرات للنفاذ منها وتمييع المواضيع والنيل منها وفي ذهني انه المواضيع دي اتكتبت من اجل الكسب السياسي . ودي حقيقة واضحة جدا انه معظم المواضيع المكتوبة في سودانيز اون لاين مكتوبة من اجل الكسب السياسي , لكن الوصلت ليهو مؤخرا انه دا ما بيمنع ابدا انه في مظالم حقيقية وتعديات بنغفلها في خضم الصراع السياسي وتروح في الركب , اها دا الكلام البحاسب عليهو نفسي حقيقة في انه وسط المعارك السياسية والجدال الواحد فينا بساهم ولو بالكلام السلبي في تميع وتضيع حقوق ناس ومظالمهم والتشويش عليها , ودي المشكلة انه الواحد مسائل من اي كلمة كتبها هنا في يوم لا ينفع فيهو المعارض او الموالي الا صحيفتك , انا الانقاذ بالنسبة لي ليست الحكم المثالي او الحكومة المثالية في نظري وبالمقابل ساسعى ما استطعت لعدم وصول المعارضة بشكلها الحالي الي الكرسي لانه بالنسبة لي ليسوا افضل من الحكومة بل اراهم اسوأ ولكن التغيرات في المنطقة ورتنا انه البديل مفروض نكون انحنا اي الشعب وبالنسبة لي وبصورة واضحة حتي الان الشعب لم يخلق قيادات يقدمها بديلا للانقاذ لكن في نفس الوقت الكلام دا ما بخلينا نسكت ونواري سؤات الحكومة ونطبل لها وسط انجرارنا في معارضة المعارضة والفيصل في كل الاحوال الحق وتغليب الضمير ايا كان الحق وفي اي جانب .
ما عندي شغلة بي المتحري و لذ المحقق معاهم جابني كلام اساسي دا
Quote: ولكن التغيرات في المنطقة ورتنا انه البديل مفروض نكون انحنا اي الشعب وبالنسبة لي وبصورة واضحة حتي الان الشعب لم يخلق قيادات يقدمها بديلا للانقاذ لكن في نفس الوقت الكلام دا ما بخلينا نسكت ونواري سؤات الحكومة ونطبل لها وسط انجرارنا في معارضة المعارضة والفيصل في كل الاحوال الحق وتغليب الضمير ايا كان الحق وفي اي جانب .
يا اسئس الكلام دا صاح و ما صاح قول لي كيف؟ .. قلت لي كيف؟ الله يعينك و من يسمع على الاجابة ...
يا اساسي لو منتظر الشعب يخلق قيادات بروس قبل الثورة تكون واطاتك اصبحت!؟ كيف ح يخلقا ليك برا ( بروسس ) !؟ الثورة هي البتخلق القادة ما العكس كنت بتعرف الملهم البوعزيزي قبل ثور ةالياسمين كنت بتعرف وائل غنيم قبل ثورة شباب مصر
نحن البديل دي اصلو ما بساورني فيها شك بس انكربوا .. و ما تشيل هم القيادات .. بفرزا الواقع براو و صدقني طول ما
Quote: والفيصل في كل الاحوال الحق وتغليب الضمير ايا كان الحق وفي اي جانب .
ما بتجينا عوجة كلو كلو
و هي القضية دي شنو؟ .. على قولة تاج السر جعفر :
إن القضية أن توازي ما علمت بما تمارس من سلوك و أن تمشي إلى الأشياء و أنت تدرك أنها الأشياء و أن تبقى مع صوت الحقيقة- أينما اتجهت - لكي تبقى دليلا للحياة
----------
النصيحة : بوست غير موفق يا سناء يا صديقة للامانة انا دا قريت لاغلب المذكورين اعلاه اراء قبل ما ربنا يفتح علي بكلمة واااااحدة في الموضوع دا .. و طلعت خجولة جداً ليه ما رسلت لي استدعاء معاهم .. نحن المقصرين ديل اولى ... و لّ شنو!؟
Post: #77 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 04:51 PM Parent: #23
توما .. سلام و تحية و تقدير ..شكراً تاني
Post: #56 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: M A Muhagir Date: 02-22-2011, 02:15 PM Parent: #2
Quote: اي كلمات نصف بها ما حدث ، كل ما نقوله اقل من ان ينقل ألمها . أبلغ الكلمات كلماتها نفسها ، صيغت من الم وحزن عظيمين ، تحكي الرواية الحقيقية بكل حرقتها في مقاطع الفيديو المصاحبة ، واما نحن فنكتفي بايراد الوقائع الباردة . اعتقلت الناشطة (ص . أ ) يوم الاحد 13 فبراير صباحا من شارع الجمهورية بالخرطوم بواسطة عنصرين من عناصر جهاز الامن ، اقتيدت الى مكاتب جهاز الامن بالخرطوم بحري ، حيث تعرضت لعنف بشع . تم ضربها في كافة أنحاء جسدها . ثم جردت بالقوة من كافة ملابسها . اغمى عليها عدة مرات جراء التعذيب ، وكلما افاقت وجدت واحدا من ثلاثة من عناصر الأمن فوق جسدها، يغتصبها ويسئ لها بألفاظ ومفردات جنسية مهينة. وأكد تقرير طبي واقعة الإغتصاب المتكرر الذي تعرضت له ، حيث توجهت الضحية بالاستعانة باحد المحامين ومتضامنين معها الى طبيب ، وبعد الكشف عليها واثبات الجريمة طلب منهم التوجه الى مستشفى حكومي لتسجيلها رسمياً، فذهبوا الى مستشفى حوادث الخرطوم بحري، حيث طلبت منهم ادارة المستشفى استخراج (اورنيك ثمانية) من الشرطة ، فذهبت برفقة شرطة المستشفى والآخرين لفتح بلاغ بقسم شرطة بحري شرق . وفي قسم الشرطة وبرغم الإنهاك الجسدي والازمة النفسية الباديين عليها ، الا ان المتحري وبعد ان استمع لها وعلم بان المجرمين من عناصر الامن، ماطل في فتح البلاغ قائلاً بان على الشابة مقابلة مدير القسم شخصيا. وبعد مماطلات وتسويف من عناصر الشرطة، وبعد التحدث مع مدير القسم شخصياً تم فتح البلاغ، ورغم وجود التقرير الطبي طلبوا منها تقريراً من المعامل الجنائية – التابعة لوزارة الداخلية- ثم عرضوا عليها البقاء بالقسم ، الأمر الذي رفضته بعد رؤيتها للمماطلة والتواطؤ منهم ، فانصرفت برفقة محاميها والمتضامنين معها. وبعد جهد من حركة (قرفنا) ونشطاء المجموعة السودانية للديمقراطية اولا هي الآن في مكان آمن . وأصدرت حركة (قرفنا) بيانا يدين الجريمة القذرة تنشر (حريات) نصه في حيز منفصل . كما أصدرت المجموعة السودانية للديمقراطية اولا بيانا في ذات الاتجاه وننشره ايضا في حيز منفصل . هذا وتجدر الاشارة الى ان التعذيب يشكل متعلقا لازما وضروريا لجهاز أمن الانقاذ . وكما قال ناشط حقوقي بارز لـ (حريات) يتأسس التعذيب على البيئة الفكرية النفسية والقانونية لنظام الإنقاذ. من الناحية الفكرية النفسية يقوم على تصورات الأصولية الفاشية والتي تقضي بأنه مادامت غاياتها سامية فإن جميع وسائلها تكون مشروعة، ولذلك فإنهم لا يتحرجون من استخدام اية وسائل مهما كانت خستها او عدم انسانيتها ، سواء القتل او التعذيب او الخداع او الكذب ، وقد قدمت محرقة دارفور النموذج الصافي لكيفية ممارستهم للسياسة – فحرقوا القرى والقوا بالاطفال في النيران المشتعلة واغتصبوا النساء ، واقتلعوا الملايين من ديارهم ، وكل ذلك ، كما يدعون ، من اجل الغايات الكبرى والسامية ! وهكذا يكرسون حياتهم كلها في ارتكاب الشرور باسم الغايات الكبرى ، وقد وصف القرآن الكريم هؤلاء بالأخسرين أعمالاً (قُلْ هَلْ نُنَبِّئُكُمْ بالْأَخْسَرِينَ أَعْمَالًا. الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا). وأما عن البيئة القانونية فقال الناشط الحقوقي بأنها تقوم على الحصانة الكاملة التي يمنحها قانون الأمن لأفراده، وعلى المكانة التي يحتلها جهاز الأمن في النظام السياسي والتشريعي للانقاذ ، حيث يشكل (درقة وسيف) السلطة الشمولية، ولذلك فإنه فوق الشرطة والنيابات، والقوات المسلحة، والسياسيين، بل وفوق القضاء نفسه. واضاف بان التعذيب الذي تعرض له الشباب والطلاب هدف الى كسر الكرامة. ولأن جهاز الامن لم يكن يريد اعتقال النشطاء لفترة طويلة وكافية لحد نشاطهم ، مما قد يؤلب عليه الراي العام المحلي والعالمي فاختار إعتقال النشطاء لفترة قصيرة ولكن تعذيبهم تعذيباً بدنيا ونفسياً ومن ثم إطلاق سراحهم مكسوري الإرادة، ولكن على عكس ماخطط جهاز الأمن فإن الشباب الذين خرجوا، خرجوا مرفوعي الرؤوس، ومملوئين عزيمة وإصراراً على مواصلة الكفاح، بل وقدموا شهادات باسلة في إدانة جهاز الأمن. وختم الناشط الحقوقي تصريحه بدعوة مبادرة (لا لقهر النساء) خصوصاً الى تبني قضية الشابات المعذبات، وتصعيدها بالسعي لفتح بلاغات ضد مدير جهاز الأمن، وتقديم طعون دستورية ضد قانون الأمن، وبرفع المذكرات، وعقد الندوات، وتنظيم المسيرات، ذلك لأن إرهاب جهاز الأمن إنما يستهدف في المقام الأول إخراج النساء من مجال العمل العام وهذا ماناضلت وتناضل ضده مبادرة (لا لقهر النساء) . هذا وكان مدير جهاز الأمن محمد عطا عبد المولى قال يوم الأحد 6 فبراير عند زيارة الرئيس البشير لهم لمكافأتهم على قمع التظاهرات، وتناغماً مع قول البشير بأن جهاز الأمن (يحمي عقيدة وأمة)، قال محمد عطا أن عناصر الأمن يظلون (مستودعاً لكل خير وفضيلة وحكمة….!)، ولكن شهادات سماح آدم ونجلاء الحاج وسعاد عبد الله تؤكد أن إدعاء الخير المطلق غالباً مايقود الى إرتكاب الشر المطلق، والذين يدعون بأنهم ملائكة وفوق البشر، غالباً مايكشفون في الممارسة العملية بأنهم أدنى من البشر والشياطين. ولو أن البشير ومحمد عطا سلما بأن أفرادهم في الأمن من البشر الخطائين، لأحاطوهم بنظم من المراقبة والمساءلة، ولكن قانون جهاز (أمن الملائكة) يعطي أفراده حصانة كاملة، فمن غير الممكن قانونياً فتح بلاغ في مواجهة أي من عناصره الا بإذن مكتوب من مدير الجهاز نفسه ! كما لا يحتوي القانون على أية عقوبات على أولئك الذين يمارسون التعذيب، مما يعني عملياً إجازة ممارسة التعذيب، وعلى ذلك إستندت ممارسات جهاز الأمن فيما يعرف بـ (بيوت الأشباح)، والتي تعرض فيها الآلاف للتعذيب، بل وقتل فيها العديدون كعلي فضل، وعبد المنعم رحمة، وعبد المنعم سلمان، ومحمد عبد السلام، ومحمد موسى، وغيرهم . ورغم الإنكار الرسمي لبيوت الأشباح طيلة عدة سنوات، الا أن البشير نفسه، وفي إحدى فلتات لسانه إعترف بها في لقائه مع الإعلاميين السودانيين العاملين في الخارج بتاريخ 13مايو2009، وقد تم توثيق هذا الإعتراف بواسطة الصحفي فتح الرحمن شبارقة في صحيفة الرأي العام 14مايو2009، والأستاذ فتحي الضو في صحيفة الأحداث 28مايو2009 ، والصحفي الاستاذ طلحة جبريل في الشرق الأوسط 13أغسطس 2009 م. وبالطبع لم تتعدى فلتة لسان البشير حد الإعتراف، فلم يضع موضع التساؤل البيئة السياسية والقانونية والنفسية التي شيدت بيوت الأشباح، والتي يتحمل هو شخصياً وزرها الأكبر. وتؤكد وقائع التعذيب وغيرها من مظاهر فساد وسوء إستخدام السلطة، أنه عندما تنعدم المساءلة والمحاسبة للسلطة، فإنه (يسود أناس بعقلية العصابات). والعصابة الحاكمة حالياً في البلاد لا تكتفي بممارسة الأفعال الإنسان رخيصة وحسب، وإنما تغطي عليها كذلك بالإدعاءات الكبيرة، مثل (حماية العقيدة) و(حماية الأمة) و(الشريعة) و(الخير والفضيلة)…وغيرها. هذا في حين أن مثل هذا الدرك من الخسة لا ينحط اليه اي سوداني عادي، بل ولم تنحط اليه النظم الأخرى في تاريخ السودان، بما في ذلك النظم الإستبدادية، مما يؤكد بأن (الإدعاءات الكبرى) غالباً ما تقود الى (الشرور الكبرى).
Post: #188 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: M A Muhagir Date: 03-13-2011, 10:42 AM Parent: #56
لا أعتقد أنّ هنالك إنسان سوي وعاقل وراشد يستطيع أن يبرر ما حدث أو يغض الطرف عنه وإدانة مثل هذا الفعل لا تحتاج لاستجداء ونداء
جريمة الاغتصاب مرفوضة دينيا وعرفياً وأخلاقياً
هذا من ناحية
من ناحية ثانية أرجو أن تضعي ما جاء به الأخوة تمبس ووليد وأساسي وود الصائم نصب عينيك فهو من الأهمية بمكان
أسف جداً لشح الوقت الذي أملك للتعقيب والتداخل
ولكن في هذا الإيجاز أرفض رفضاً قاطعاً محاكمات التفتيش وقراءة نوايا القلوب
فمواقفي في هذا المنبر ليست باهتة بل ناصعة واضحة وضوحاً تاماً أعبر عن رأيي بكل مسؤولية واستقلالية ولا أبه إطلاقاً بالألقاب الجزافية والتنميطات الغبية
أخطأت الحكومة نقول أخطأت الحكومة ليس إرضاءً للمعارضة ولكن تلبية لنداء مبادئنا
أخطأت المعارضة نقول أخطأت المعارضة ليس إرضاءً للحوكمة ولكن تلبية لنداء مبادئنا
لا يهمني أبدأً رضاء معارضة أو نظام في سرد أفكاري وتقييم كتابات الأخرين
وليس خطي أن أغرد مع سرب المعارضة في العباطة والعوارة التي تسود المنبر بإلصاق الألقاب على كل مختلف مع المعارضة ووصمه بموالاة النظام
وهو رأي يتسم بالغباء والبلادة لدرجة تثير الشفقة والرثاء على البديل الذي يريدون لهذا الوطن
نظافة المعارضة يجب أن تكون متواصلة وكشف الزيف والكذب والتدليس والخداع وسياسات الإقصاء والديكتاتورية التنظيمية وفكرة "كل من هو ليس معنا فهو ضدنا" الإنهزامية البالية
تحياتي وتقديري أختي سناء
وشكراً للأخوة وليد المبارك وأساسي وتمبس وود الصايم لكتابة ما يعبر عن نفسي في ذا الخصوص
Quote: يا رفاق (اسماء العنوان) اختيار اسمائكم من قبل سناء(حسب فهمي لبوستها) لانو مواقفكم دائما رمادية ولانكم اكتر ناس بتنتقدوا كذب المعارضة في إيراد الاخبار حتي تحول نقد الكذب ده لمعارضة للمعارضة نفسها. احمدوا لسناء انها ما قالت انو معارضتكم للمعارضة هي خطة ملتفة و غير واضحة لتخذيل المعارضة و احمدوا لها حسن ظنها فيكم الما موجود عند اخرين كتار لكنهم صامتين لانهم قنعانين من خيرا فيكم و شايفنكم فعلا ضد المعارضة و مع الانقاذ.
الاخت سناء اصبحنا ندير الخد تلو الخد للصفعة وأحساس بالمذلة والمهانة يغطينا من الراس للقدم وبكل حيلة العاجز عن الفعل ندعو الله أن يقتص لها عاجلاً غير آجل وأن يفضحهم على ملأ من خلقه الواحد يتلفت وهو بيكتب خجلاً من أن يكون هذا كل ما يقدر عليه إحساس بالعيب والضعف وقلة الحيلة
امكن لا يحق لي أو لغير الأخت سناء توضيح مقاصدها من البوست أكثر مما ذكرته هي لحد الآن لكن أنا حسيت بأنها عبرت عن نفس رغبتي بخصوص معرفة الرأي الواضح الصريح للبعض ..مش من باب الاستجواب أو إملاء المواقف أوتوزيع صكوك الغفران أو الادانات..بل من باب العشم والأمل أنه المحددين بالاسم وبستاهلوا التقدير ديل، رغم اختلاف الرؤى بين السائل والمسئول، عندهم موقف محدد تجاه الأحداث المذكورة يختلف عن موقف النظام البأيدوه ومن يمثل هذا النظام.. رأي يطمئن السائل والقاريء انهم مش في حالة انسياق أعمى وراء الولاءات السياسية بل في اتساق تام مع الحق أو امكن زي لما قال الخليل لربه لما سأله ربنا " أولم تؤمن قال بلى ولكن ليطمئن قلبي".. دي مش محكمة أخلاق ولا محاكمة خصوم.. لكن فرصة لتوضيح مواقف ..ليس هناك غرض أو مصلحة في محاسبة أحد أو ادانته لكن الغرض هو توضيح رؤية للحاصل اليوم اللي عايز يؤيد النظام هو حر واللي عايز يكون في صف المعارضة هو حر واللي لسه من الاعراف كمان هو حر.. كلها خيارات لكن العاجبه البحصل للنساء في السودان ولسه مصر يلبس نظارة سوداء أو يدير وجهه للجانب الآخر لان السيء الحاصل بيحصل لامرأة من المعارضة أو لانه العرض البينتهك عرض شخص آخر... يبقى باختصار انسان ما بستحق لا تقدير ولا احترام أنا عن نفسي ما حيجي اليوم الاطارد فيه الناس في الاسافير عشان اختلفت معاهم في رأي زي ما بحصل في البورد من البعض لاني حأفضل أتفق معاهم لما رأيهم يوافق رأيي وأختلف معاهم لما يختلف وبالنهاية بقول لو ما كان رأي (المسئولين) مهم بالنسبة للاخت سناء أنا متأكدة انها ما كانت حتعمل بوست وتسأل بالاسم شكرا للجميع
أكاد اشعر أن الرجال تحيض وبعضهم يصر ويبحث عن النوع الجيد من ( المودس )
_________ ماحدث لايستقيم الا بالدم
Post: #66 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 04:02 PM Parent: #58
تحياتي لكل الأخوات و الأخوة المتداخلين.. مع انو مهم الرد على كل زول بشكل منفرد ، لكن أعفو لي الظرف النحن بنكتب فيهو بيخلينا نبعد المجاملات بعيد و بيخلي توصيل الفكرة (الغرض) من البوست صعب لو انصرفت للردود المنفصلة.. فتقبلوا اعتذاري بداية عن الرد بدون ترتيب مداخلات أو شخوص..
كويس انك زعلان يا ود الصايم.. و بتعيد كتابة نفس المعنى في كم مداخلة.. مع اني رديت على كلامك دا فوق..
Quote: النجر قاعد يحصل.. و الكذب و التلفيق قاعد يحصل.. و المعارضة فيها ناس و سخانة زي الحكومة..
صاح..
الأصح منو.. و سخ المعارضة في مواقع وجوده ما نظافة للحكومة الكذب و النجر ما أكتر من الحقيقة البتحصل فعلاً.. و لا أسوأ منها و لو سأل زول عن دليل على الكلام دا تبقى على قلوب أقفالها.. و على البصيرة غشاء.. و أنا لا أهدي من أحب!
أنا لسة بتمنى تزعل أكتر.. و دمك يفور و يتدفق.. دمكم كلكم يفور و يتدفق ،جواكم ما برا لا سمح الله، يتدفق لامن يحرك أي عصب بتهدهدوه ب(هه.. دا ما محمود الكضاب!)
..و يا ود البشرى لا ما عجبني و ما سر بالي و بقول ليك أخير بهتان مواقفك الفات.. عارف ليه؟ عشان جيت زعلان لروحك و الكلام لتمبس برضو .. و قايليني جاية أصنفكم، و هو أنا أكان دايرة أصنفكم بخاف منكم؟ نضيفين.. و أخوان بنات.. و أكان ما كدا يمين بالله و لا كان اشتغلت بيكم و الما بشتغل بيهم و خاتة مكانم زيرو كبير.. في.. و ماليين البورد! و ما ضروري انكم تشتغلوا بي أو يعني ليكم كتير اني مصنفاكم نظيفين و أخوان بنات و عارفة كويس انو هي شنو سناء خالد عشان تصنفنا.. لكن هي يا الزينين الزولة الفتحت البوست دا و رأيها مهم في حدود البوست دا و معناه فقط.. ما هاميكم خالص.. عندكم دايماً خيارات أخرى.. هاميكم و شايفين انو واحدة سودانية اسمها سناء و الا ست النفر و الا ص.أ بتصرخ و بتقول ليكم أهو .. دم شرفنا سايح قدامكم.. حتقولوا اتحسبلنا.. و اتعوذنا.. و أدنَا و شجبنا.. حأقول ليكم ما كفاية.. و ما بيشبهكم.. و ما زيكم.. و أكان قلتو ياها قدرتنا و الا ياهو العندنا عجبك عجبك ما عجبك أشربي من البحر.. حأقول ليكم ما أخواني.. و ما بعرفكم و كنت غلطانة وقت شيلتكم عشم تقيل عليكم ، لكن بدون أسف..
أصلوا ما حأكون آسفة على حسن ظن فيكم (مش تفتيش نوايا يا داليا) أو في أي مخلوق حتى لو جاء وقت ثبت لي عكسو.. حأقول اتعلمت حاجة!
و يا تمبس و داليا .. رغم انو محمد الحسن و توما كفو عني و وفو.. و شرحو المعنى الفي بطن الكلام كلو.. لكن لا بأس من الإسهاب شوية ما أدنَا شنو؟ و لازم سناء خالد تدين و توما تشجب كل شيء قبال نصرخ فيكم يا أبو مروة! تمبس شايل موضوع واحدة قالوا ليها .. واحدة قالوا ليها.. أها القدامك دي قالوا ليها و اغتصبوها تاني شنو؟ عشان في زول سجمان اسمو عبدالمنعم سليمان شغال في محل المصدر تبقى القصة بالنسبة ليك مفبركة و فيها قولان.. بعد البكا و الحرقة الفي صوت البت ! ليعني تفقد المأساة كل الصلاحية عندك عشان جاية من عبدالمنعم سليمان! و بتسألني كنتي وين لمن عبدالمنعم سليمان قال..!! كنت واقفة جنبك و قدامك بشوية لو انت بتنسى أنا ما بنسى.. بهزيء في عبدالمنعم سليمان و ببصق في وشو عشان كلامو الو سخ.. بتتذكر اسم البت.. ما أظنك.. لقبها كان ميرنا بغدادي.. و أنا ما نسيتها..! و هي خلت البورد و من يومها ما في تداخل بيني و بين عبدالمنعم سليمان ! و ما بس عبدالمنعم.. أي راجل أو امرأة في البورد دا.. أشهد ليهو تعدي لا أخلاقي على أخت أو أخ لمجرد خلاف رأي في البورد دا بدينو أو أدينها و تاني من محل وقع ما برفعو.. يعني أتوقف عن التداخل معاه نهائي .. و ما بعلنها لأنها حاجة لنفسي بس.. مسألة مبدأ بيخصني براي..ما عشان أقشر بيهو قدام الناس زي ما بتقول!
جيت لقيتك في فترة متشاكل مع الرفاعي و الناس يقولوا ليهو اعتذر.. و قدر ما فتشت ما عرفت الكلام شنو و الا بادي وين.. و اتخيلتو اتحذف.. و لأني ما قاعدة أباري لي أي سيرة في البورد دا (و لا حتى سيرة الكذب النضالي يا ود البشرى) بدون ما أفهم الحاصل .. و دي برضو مسألة مبدأ.. فآثرت عدم التداخل.. و أفتكر انت الما قاعد تقصر مع الناس (يا قول داليا) ذاتك قبل كدا ما قصرت معاك يا تامبا!
المعارضة؟ فوق قلنا انو فيها الو سخ .. دا ما معناه انو الحكومة نظيفة.. و حتكون غشامة مننا لو افترضنا زي كمال فرانكلي انو المعارضة دايماً لازم تكون نظيفة!!
لا يا كمال الحكومة هي اللي لازم تكون نظيفة أو نبدلها.. ننظفها أول بأول لو في ديموقراطية! و دا البيخليني أقيف مع المعارضة النبذتها أنا دي ذاتي قبل كدا.. لحدي ما أنا ذاتي اتقال علي كوزة.. أقيف معاها لحدي ما نجيب لينا حكومة ديموقراطية.. نحاسبها على كل البتعملوا .. و نخليها تعمل لرأينا ألف حساب.. الكذاب فيها و الأفاق و اللص و القاتل و المغتصب.. ما يقعد بعد جريمتو يوم.. ينزل و يتحاسب و يعرف انو الله حق..
عايزين تمارسوا أنانية بتاعة ما وقفتو معانا ما بنقيف مع البلد أو نرجسية بتاعة نحن أحسن ناس و البيقول غير كدا نقد ليهو عينو أو رومانسية بتاعة سأصنع لي حاكماً من خيالي.. لامن ألقاه حتين أتنفض على حيلي..
يبقى مكانك في قائمة عشم أي مهيرة سودانية .. طوبة
Post: #170 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: M A Muhagir Date: 02-26-2011, 11:27 AM Parent: #66
...
Post: #68 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: أمين محمد سليمان Date: 02-22-2011, 04:04 PM Parent: #58
سلام يا دوك ... once إنو ذكرتي أسماء ناس فدي شخصنة القضايا البتؤدي لافراغ القضايا من مضامينها .
Post: #69 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: السيد المسلمي Date: 02-22-2011, 04:11 PM Parent: #68
فعلا مواقفهم رمادية وباهتة جدا ! واكبر دليل علي ذلك محاولتهم تحويل هذا البوست لمعركة .. حتي يصرفوا الانظار عن القضية الرئسية !! _____ وجب لينا مقاطعتهم جميعا تبا لهم .
Post: #70 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد حيدر المشرف Date: 02-22-2011, 04:14 PM Parent: #68
Post: #73 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 04:43 PM Parent: #70
شكراً يا رمانة و توما و محمد المشرف لأنو مداخلاتكم وفرت علي عناء كتابة مداخلات كتيرة.. شكراً جداً لتواجدكم في الأيام دي في البورد.. خدر عليك الله أعفي لي الرشاش الصابك بسببي.. و تسلم ياخ.. ضحكت وقلت خدر دا شكلو ما عارف البباري جدادة سناء بتوديهو الكوشة.. شوف هسة قيقراوي أعلن تبرؤه مني في أول مداخلتو و إدانتو في آخرها؛))
و سأحاول الرد على كل متداخل/ة بإذن الله
Post: #76 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-22-2011, 04:50 PM Parent: #73
Quote: شكراً يا رمانة و توما و محمد المشرف لأنو مداخلاتكم وفرت علي عناء كتابة مداخلات كتيرة.. شكراً جداً لتواجدكم في الأيام دي في البورد.. خدر عليك الله أعفي لي الرشاش الصابك بسببي.. و تسلم ياخ.. ضحكت وقلت خدر دا شكلو ما عارف البباري جدادة سناء بتوديهو الكوشة..
عليكـ الله يا سناء أقري الكوت دا من جهة تانية!!
Post: #78 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-22-2011, 05:01 PM Parent: #76
عليكـ الله يا سناء أقري الكوت دا من جهة تانية!! ... أتمنى يا ود الصايم انك توجه زعلك في حتة تانية لأننا (نساء بلادي) عايزين نستثمر فيهو نصرة لينا.. قلبت الكوت بيجاي بيجاي.. الجزء الأول ما أظنك قاصدو..
أظنك قاصد الجزء التاني.. و مع اني ممكن أتغاتت عليك و أبرمج بي زعلتك شوية و أقول ليك انت فهمت شنو؟ لكن الظرف في ظني ما بيستحمل الانصرافية..
الجزء دا كتبتو لخدر و أنا عارفة انو حيفهمو.. باقي كلام قلتو ليهو أمس.. (و عن إذنك يا خدر أفهم ود الصايم ) عشان أمبارح قال لي أنا ما عندي مشاكل مع زول في البورد.. قلت ليهو أنا عندي و ما بنكر.. عشان لساني ما بقدر عليهو، و لو سكت و صميتو حأبقى ما أنا..!
أها عرفت الجدادة و الكوشة و الا محتاج شرح أكتر..
بيض نيتك و شمر ساعدك .. شايلينك للأكتر من كدا
Post: #80 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: كمال عباس Date: 02-22-2011, 05:14 PM Parent: #76
تحياتي أختي المحترمة سناء خالد - بعيدا عن الأسماء أعلاه -دعيني أعقب علي هذه النقطة من حديثك مضيفا:-
Quote: الكذب و التلفيق قاعد يحصل.. و المعارضة فيها ناس و سخانة زي الحكومة.. صاح.. الأصح منو.. و سخ المعارضة في مواقع وجوده ما نظافة للحكومة الكذب و النجر ما أكتر من الحقيقة البتحصل فعلاً.. و لا أسوأ منها و لو سأل زول عن دليل على الكلام دا تبقى على قلوب أقفالها.. و على البصيرة غشاء.. و أنا لا أهدي من أحب!
أولا لا مجال أصلا للمقارنة بين فظائع وإنتهاكات الحكومة ككيان يصادر مفاصل البلد ويتحكم في الدولة ويتحدث بإسم الشعب وبين أفرادلايمثل الواحد منهم الا نفسه - فمنهم من يخطئ ويلفق ويأتي بمعلومة غير دقيقة ومنهم من يكذب كما منهم المبدئي )(وهم أغلبية من منظوري) ومنهم الصادق ومنهم من هو ضحية للتعذيب والمفصول تعسفيا ومن شرد ومن صودر حقه في التعبير الخ ثانيا المطلوب في رأي رؤية وموقف مبدئي وحاسم في قضايا لا تقبل الضبابية والمواقف الرمادية --- الموقف من شمولية وديكتاتورية الانقاذ ومن قضايا الحرية والديموقراطية --- ومن قضية الفسا د والاستبداد ومصادرة الحريات العامة والتعذيب والاذلال والتجويع والتفريط في السيادة والوطن - المطلوب موقف من هذه القضايا ومن كوارث الانقاذ والحقائق المعاشة علي أرض الواقع -والتي لم تخلقها أو تلفقها أقلام بعض عضوية سودانيز أونلاين!! - ... ثانيا عودة لقضية فيديو الاخت سعاد الفيديو أثبت الضرب والتعذيب البدني والنفسي والإهانة وهذاوحده كافي لكل صاحب ضمير حي أن يقف ضد هذه الحكومة صحيح أن إفادة الفتاة في مقطع الفيديو لم تتناول قضية التهديد بالاغتصاب فالرواية لم تكتمل في ذلك المقطع وقد تكون الفتاة قد تعرضت لضغوط أسرية أو تهديد من الجهاز جعلها تنفي تهمة الإغتصاب وربما تكون الصحيفة قد تفهمت حساسية موقف الفتاة وأحجمت عن عرض مقاطع أخري وربما تكون الصحيفة غير دقيقة في عرض إفادة الفتاة الا أن كل هذالاينفي فظاعة ما تعرضت له الفتاة وماتعرض له بقية المتظاهريين المسالميين !! عموما يحسب لهذا المنبر أنه وثق وبشكل مصور لتزويير الانتخابات وعرض كذلك كارثة فتاة الكبجاب التي هزت الدنيا !! ثالثا ماحدث ويحدث من الاجهزة الامنية ليس هو مجرد إنفلاتات أوتصرفات فردية وإنما هو خلل هيكلي ومنهجي فجهاز الامن وبنص الدستور -تتركز مهمته في جمع وتحليل المعلومات وتقديم المشورة ولايجب أن يعتقل أو يعذب أو يحاكم أو يتغول علي حرية التعبير وحق التظاهر - كما أن قانون الجهاز يناقض الدستور ويضفي حصانة علي منتسبيه رابعا تابع معظمنا تصريحات البشير بخصوص فيديو الكبجاب :- حيث رفض البشير التحقيق مع الشرطة والقاضي وقال أن ماحدث هو حكم الشرع والاخطر أنه تغول علي إستقلال القضاء برفضه لمبدأ التحقيق الذي أمر به رئيس القضاء بل وأتهم كل من رفض الكيفية التي جلدت بها الفتاة أو تعاطف معها بتجاوز الدين وأمره بالاغتسال والعودة للدين !1والشاهد في هذا النقطة أن كوارث الاجهزة الامنية تتم بحماية ومباركة رئيس الجهورية نفسه !! - وختاما إن كان هناك من له رأي في بعض ممارسات المعارضيين فعليه أن يعارض كوارث الانقاذ بطريقته الخاصة ويتصدي لها بأسلوب نبيل ونقي ...ومن يقف- محقا- ضد إكاذيب وتجاوزات بعض الافراد القاعديين بالمنبر!! فعليه أن يتصدي من باب أولي لاكاذيب البشير ونفاقه وحنثه بالقسم وإنتهاكه للدستور ?? ...
Post: #82 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-22-2011, 05:56 PM Parent: #80
السلام علي الكل...وربنا دايما يهدي النفوس....أسمحي لي أخت سناء أن ألخص ماقرأت من السطور ومابين السطور....فبعض الأحيان تكون الرؤيا واضحة من علي البعد.....
a. الأخت سناء قصدها هنا مناشدة الأخوة المزكورين للوقوف بوضوح مع خيار تغيير النظام...لأن الظلم والإجرام بلغ الحلقوم....هي تعشم أن في لحظة غضب كهذة سيتحول موقفهم من ضد المعارضة إلي ضد الحكومة...ويسعو معها لزوالها كل بطريقتة لحماية هذا الشعب من جرمهم وظلمهم..... b. إختيار هؤلاء الإخوة لم يأت من أجل تصنيفهم أو لإحرجهم باعتبار أنهم كيزان....فلولا العشم بأن ينصرها اللة بهم ضد الحكومة لنادت بدر الدين إسحق ومحمد حامد جمعة ود الباوقة وهم عديل مؤيدين للحكومة...فالقصة ما قصة إدانة وشجب ودعاء....لاشك أنة الجميع حيدين ويرفض....لكن عشم سناء وكتيرين مرو هنا إنة بنادقكم توجة ضد بقاء الإنقاذ ومع رحيل الحكومة لأن بقاءها يعني مزيد من الإغتصاب....ليس هذا بالضرورة يعني تأيدكم لما يعرف بالمعارضة....ولكن الوقوف ضد الحكومة وتبني خط معارض...
c. هذا البوست خصيصا الإخوة أعلاة....فالبوست لم يفقد مصداقيتة ولا بريقة لأنة أساسا لا يناقش قضية الفتاة المغتصبة....ولكن يناشد المزكورين للإنضمام صراحة ضد الحكومة....إبقي زكر الأسماء ماهو شخصنة للموضوع بل هو الموضوع زاتو....زي عشم الرسول لمن دعا باللهم أعز الإسلام بأحد العمرين.....
d. الإخوة أعلاة يعترضون علي الكثير من أعمال الحكومة....ولكنهم لا ينادون صراحة بضرورة إزالتها وتبديلها بحكم عادل رشيد....هذا الموقف يفسرة الكثيرين هنا علي إنة موقف ضبابي خاصة عندما تهاجم أقلامهم بإستمرار بعض المعارضين هنا وبعنف....ويأتي مؤيدي الإنقاذ فرحين بجانبهم يؤيدوهم بمدأ عدو عدوي صديقي....حاولت سناء إستفزاز غضبهم لينفضو عنهم غبار خلافاتهم مع بعض أدعياء المعارضة والتركيز أكثر علي سؤ الحكومة....فكما هناك تراجي و بشاشا وهباني ومصطفي محمود....هناك خدر وخضر والمشرف وطيفور....فوجود الإخوة في خندق مهاجمة المعارضة بإستمرار يجعلهم وكأنما في خندق الحكومة...خاصة في غياب الدعوة الواضحة لإزالتها.....
e. ماحدث هنا حدث من قبل ....وسيحدث مستقبل...اإذا لم يتفق محبي العدالة والحرية والخير علي ضرورة زوال هذا الوحش الجاسم علي صدرنا....
الأخت سناء تقول أن هناك رأي عام وهو الموقف المبدأي ضد الظلم...وهو في نظرها يعني ضد الإنقاذ لأنها تغض النظر عن ظلم عسعسها....فالكثيرين قتلو وعزبو ولم ينال أي منهم جزاءة ولو مرة واحدة...فهي تري إن كنت ضد الظلم و الجرم فمن البديهي أن تكون ضد الإنقاذ...وليس ضد المعارضة...فهي وإن خابت وضعفت لم تقتل وتغتصب....
أريد أن أحي الأخ أساسي علي صدقة مع نفسة ....وفقك اللة لنصرة الحق....
Post: #79 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد البشرى الخضر Date: 02-22-2011, 05:13 PM Parent: #70
يا اساسي يا اخوي لا ما عادي , أنا لا يمكن اعمل كدا اجي استجوب الناس واسألهم موقفكم شنو وركّزتوا على دا ليه و اتجاوزتوا دا ليه؟ لا بسأل لا بلوم زول ما في زول صغير أو جاهل كلنا و الحمد لله كبار ومسؤولين عن مواقفنا وتصرفاتنا ولا نقبل وصاية احد علينا ولا نفرضها على أحد
يا دكتورة لسة بتقول لي بهتان المواقف السابقة , اقول ليك حاجة اها انا مواقفي دي شايفة ليك واضحة و الكونتراست عالي لمن بالليل ومن بعيد ممكن تفرزيها بسهولة شديدة المشكلة اسمحي لي في شوفك انتي و المرشح الضوئي اللابساه وبصنف اي شي حكومة Vs معارضة انا لمن اقيف على كذبة في الاسفير هنا ما بعاين اتجاه الجات منو شنو و شايت وين يكفيني انها كذبة ومش كذبة عادية لا تخيلي اي زول بشكك او ح يشكك في فيديو الفتاة الضحية الأخيرة ح يرجع ليها ويقول ديل ليّسوا لسعاد كلام ما قالتوا ولما نفت غالطوها في رقبتها لمن حيّروها و بقت تكوس للبنفي ليها بعدين يا دكتورة ردي ليك ما غضبت لنفسي ولا حاجة , لو غضبت كنت اتجاهلتك ببساطة نفس التقدير الخلاك تكتبي اسمي في العنوان فرض علي اجيك واقول رايي
Post: #81 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: ناذر محمد الخليفة Date: 02-22-2011, 05:28 PM Parent: #79
عنوان البوست والمغزى منه واضح !!
ما في داعي لي محاكم تفتيش النوايا يا سناء ..
ما في فرق بين بوستك دا وبوست محمد عادل البرضو كتب أسماء في العناوين لمن طلع من المعتقل !!
وليد المبارك ...
إنت ما كنت زول حريف .. مالك يا بوي ؟!! الحصل ليك شنو مكنتك خفت كدة ؟؟!!
الأخت الكريمة سناء تحياتي و سلامي أثق تماما في حسن نيتك و صدق مودتك بالذات للإخوة الذين من شدة عشمك فيهم خصصتي لهم البوست. لكن اسمحي لي بأن أقول لك إن هذا التخصيس قد يكون جانبه التوفيق. كما تعلمين أختي العزيزة أن الكلام قد يكون سليما و مقبولا في مقام و هو نفسه قد يصبح عرضة للتأويل و سوء الفهم في مقام آخر. و لا يخفى عليك سيوف الاتهام و الألقاب و الاحتقانات في هذا البورد. يعني سؤالك الذي قد يكون معناه رأيكم شنو يا إخواني الأعزاء فلان و فلان و ماذا نفعل في مثل هذه الجرائم؟ قد يفسره آخرون أها يا فلان و فلان الليلة حتقولوا شنو ياهو دي الجريمة واضحة قدامكم؟ طبعا ما أظن إني محتاج أقول إنه أنا واثق إنه دا ما كان قصدك. المشكلة يا سناء الكلمات تجرح و معظم الناس دي اتجرحت كتير و كتير جدا قبل كدا فصعب جدا إنه الواحد يلومهم لو بقوا حساسين تجاه أي كلمة توجه ليهم... يعني هسع كلمة زي كلمة خدر دي قالها بكل حسن نية و عفوية و متأكد جدا إنه ما حيكون قاصدها لكنها كلمة جارحة جدا في تقديري (لانو مواقفكم دائما رمادية) طيب ياخي زول مواقفه دايما رمادية لاحظ يا خدر لدايما دي طيب دا تاني لايمنه على شنو و عشمانين منه شنو؟ في تقديري أن الأخت سناء لم تقصد ما قد يفهمه البعض و لكن أعتقد أيضا أنه لم يكن من المناسب مخاطبة أشخاص بعينهم لأن هذا قد يزكي الظن بأن مواقفهم تحتاج للمساءلة.
Post: #84 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: عبد المنعم ابراهيم الحاج Date: 02-22-2011, 07:11 PM Parent: #81
Quote: الغريبة يا الشباب المختارين انا ما زعلان من اختيار سناء خالد وما مستغربه ولا مستغرب السؤال ولا البوست , عادي الموقف لو كان مقلوب اي واحد فينا كان ممكن يفتح البوست دا ويسأل نفس الاسئلة دي , والله يا شباب الحق احق بان يتبع , لي فترة بفكر في نفس الموضوع دا , دائما بقول ياخ الواحد اول من يشوف مواضيع اخبار اخونا في المعارضة في المنبر دا بيجي داخل البوست بذهنية واضحة جدا وهي ايجاد الثغرات للنفاذ منها وتمييع المواضيع والنيل منها وفي ذهني انه المواضيع دي اتكتبت من اجل الكسب السياسي . ودي حقيقة واضحة جدا انه معظم المواضيع المكتوبة في سودانيز اون لاين مكتوبة من اجل الكسب السياسي , لكن الوصلت ليهو مؤخرا انه دا ما بيمنع ابدا انه في مظالم حقيقية وتعديات بنغفلها في خضم الصراع السياسي وتروح في الركب , اها دا الكلام البحاسب عليهو نفسي حقيقة في انه وسط المعارك السياسية والجدال الواحد فينا بساهم ولو بالكلام السلبي في تميع وتضيع حقوق ناس ومظالمهم والتشويش عليها , ودي المشكلة انه الواحد مسائل من اي كلمة كتبها هنا في يوم لا ينفع فيهو المعارض او الموالي الا صحيفتك , انا الانقاذ بالنسبة لي ليست الحكم المثالي او الحكومة المثالية في نظري وبالمقابل ساسعى ما استطعت لعدم وصول المعارضة بشكلها الحالي الي الكرسي لانه بالنسبة لي ليسوا افضل من الحكومة بل اراهم اسوأ ولكن التغيرات في المنطقة ورتنا انه البديل مفروض نكون انحنا اي الشعب وبالنسبة لي وبصورة واضحة حتي الان الشعب لم يخلق قيادات يقدمها بديلا للانقاذ لكن في نفس الوقت الكلام دا ما بخلينا نسكت ونواري سؤات الحكومة ونطبل لها وسط انجرارنا في معارضة المعارضة والفيصل في كل الاحوال الحق وتغليب الضمير ايا كان الحق وفي اي جانب .
في بعض الناس في هذه القائمة نكن لها الإحترام واليوم على مستوى تقدير خاص جدا أضيف الزميل أساسي لتلك القائمة.
Post: #85 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: سارة علي Date: 02-22-2011, 07:29 PM Parent: #84
سناء يا صديقة.... الليلة اقتنعت تماماً انك "ابو الدقيق"... طبعا من حقك تفتحي بوست بأي عنوان .. ونية البوست ما بتوضح الا من خلال مداخلاتك وشرحك... لكن...ما دام حددتي أشخاص بالاسم فبالتالي مطالبة بأنك تتحملي ردود افعالهم ... هسه اللستة دي ما بالغتي فيها؟؟؟ دي لستة زيها وزي خلية النحل...
.. . اسمى مكتوب ...!!؟ طيب .. زمنى متاح .. ؟؟ لا اظن لذا اقتبس وكفى..
Quote: الأخت الفاضلة سناء خالد
لا أعتقد أنّ هنالك إنسان سوي وعاقل وراشد يستطيع أن يبرر ما حدث أو يغض الطرف عنه وإدانة مثل هذا الفعل لا تحتاج لاستجداء ونداء جريمة الاغتصاب مرفوضة دينيا وعرفياً وأخلاقياً هذا من ناحية من ناحية ثانية أرجو أن تضعي ما جاء به الأخوة تمبس ووليد وأساسي وود الصائم نصب عينيك فهو من الأهمية بمكان أسف جداً لشح الوقت الذي أملك للتعقيب والتداخل ولكن في هذا الإيجاز أرفض رفضاً قاطعاً محاكمات التفتيش وقراءة نوايا القلوب فمواقفي في هذا المنبر ليست باهتة بل ناصعة واضحة وضوحاً تاماً أعبر عن رأيي بكل مسؤولية واستقلالية ولا أبه إطلاقاً بالألقاب الجزافية والتنميطات الغبية أخطأت الحكومة نقول أخطأت الحكومة ليس إرضاءً للمعارضة ولكن تلبية لنداء مبادئنا أخطأت المعارضة نقول أخطأت المعارضة ليس إرضاءً للحكومة ولكن تلبية لنداء مبادئنا لا يهمني أبدأً رضاء معارضة أو نظام في سرد أفكاري وتقييم كتابات الأخرين..
وليس خطي أن أغرد مع سرب المعارضة في العباطة والعوارة التي تسود المنبر بإلصاق الألقاب على كل مختلف مع المعارضة ووصمه بموالاة النظام وهو رأي يتسم بالغباء والبلادة لدرجة تثير الشفقة والرثاء على البديل الذي يريدون لهذا الوطن نظافة المعارضة يجب أن تكون متواصلة وكشف الزيف والكذب والتدليس والخداع وسياسات الإقصاء والديكتاتورية التنظيمية وفكرة "كل من هو ليس معنا فهو ضدنا" الإنهزامية البالية
شكراً اخى فرانكلى فقد عبرت عنى تماماً .. وكأنك تقرأ فكرى .. وشكراً للأخوة وليد المبارك وودالبشرى وتمبس وود الصايم لكتابة ما يعبر عن نفسي ايضاً في ذا الخصوص ..
----------
Quote: هسه اللستة دي ما بالغتي فيها؟؟؟ دي لستة زيها وزي خلية النحل...
احياناً يكون شر البلية ما يضحك وليس البلية فى ما خطته سارة ولكن الطرائف والوصف من جداد ونحل ومواقف باهتة والوان رمادية .. الخ بالاضافة الى المحاسبة المغلفة بالعشم..
زمنا ضيق والله؛ اجدعوا .. والاخوة اوفوا وكفوا ..
Post: #87 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: كمال عباس Date: 02-22-2011, 08:40 PM Parent: #81
أعود للأخت سناء خالد مختلفا مع طريقة التناول :- مع ثقتي في نبل منطلقاتك وحسن مقصدك الإأني كنت آمل أن يأتي كلامك ومناشدتك- للناس بإثبات موقف رافض ومدين لجرائم أجهزة الأمن - معمما وغير مخصص بأسماء معينة حتي يكون أكثر فاعلية وشمول وحتي يخرج عن حساسية التخصيص والتسمية التي قد تفرز إحتقان أو سوء فهم بوجود شخصنة أو إستقصاد وهو أمر ربما لم يخطر أصلا ببالك...
Post: #88 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Dr. Moiz Bakhiet Date: 02-22-2011, 08:59 PM Parent: #87
هذه الجرائم لا تغتفر
ويتحملها النظام من أعلى قمة ترسم له مثل هذا السلوك البشع
Quote: لم أتمكن من مشاهدة الفيديو حتى الآن لكن قناعتي الشخصية أن جهاز الأمن وأفراده لا تحكمهم قوانين وليس لديهم من الاخلاق ما يمنعهم من أن يفعلو بمعارضي النظام أي شي مهما كان رخيصا وحقيرا طالما حسب قناعتهم يحفظ لهم بقاء النظام
يا مورتا جهاز الامن بتقسم لي اتنين, ضباط و أفراد الضباط ممكن تقول انهم بحاولو يحافظو علي بقاء النظام بأي ثمن لكن الافراد ديل والله حالتهم تحنن, الواحد مرتبو ما تامي 500 جنيه و برضو مكنكشين انا قلت ليك الناس ديل عايزين شوية شغل لكن ما صدقتني
Quote: ولكن التغيرات في المنطقة ورتنا انه البديل مفروض نكون انحنا اي الشعب وبالنسبة لي وبصورة واضحة حتي الان الشعب لم يخلق قيادات يقدمها بديلا للانقاذ لكن في نفس الوقت الكلام دا ما بخلينا نسكت ونواري سؤات الحكومة ونطبل لها وسط انجرارنا في معارضة المعارضة والفيصل في كل الاحوال الحق وتغليب الضمير ايا كان الحق وفي اي جانب .
شكرا اساسي.....كلامك ده بيعبر عنى تماما بكاء البنت اللى فى الفيديو وجعنى جدا. السكوت على الحكومة دى اسوا من الانظمام لمعارضة دى
تمبس.....انت زول انا بحترمه جدا جدا. و شايفه انك زول حقانى. و ما عجباك المعارضة و ما عاجباك الحكومة (انا واثقة جدا من ان زول باحلاقك ما ممكن يرضي بالحصل للبنت دى) انا برشحك انت يا تمبس تكون البديل. ليه عاوزيين تختوا خايراتنا فى الكيزان او الصادق او نقد او المرغنى?
العاوزه اقوله يا تمبس ان فى ناس كتار زيك و زي. عاوزين الخير للسودان. ______________________________________________ ما تزعل منى لانى اخترت من ضمن كل الناس فى البوست....لكن سببي واضح. انت احتمال تكون اكتر زول تكون المعارضة قرفتوا فى عيشتوا فى البورد ده.و بلسبب ده بقيت ما مصدق حاج منها و شايف ان الكومة احسن لينا
سلامات يا سناء
Post: #92 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-23-2011, 05:25 AM Parent: #91
Quote: الزول البخدم في خط الحكومه و بفرح الكيزان بس لأنو بكره المعارضه ده بالتأكيد ما بخدم في السودان
ولا الزول البخدم في خط المعارضه و مجرور وراها سااي بدون وعي بخدم في السودان
ولا مناصره الحكومه شرف ولا معارضه المعارضه نصر
شكراً توما
Post: #93 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-23-2011, 05:32 AM Parent: #92
Quote: الرجالة في السودان انتهت حتى اشعار آخر
الأخ محمد الشيخ..
مهما الناس رددت كلام زي دا أنا إيماني برجال و نساء بلدي ما بتزعزع.. و ما بيأس منهم أبداً
و عارفة الغضب السوداني لما يطلع.. مر
Post: #94 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-23-2011, 05:46 AM Parent: #93
Quote: حقيقة ان الشريط مؤلم للغاية و فيه ماساة انسانية من يحس بها و تحرك فيه الضمير الانسانى فما له من ضمير و لا اخلاق و دين و لا قيمة انسانية و احسب ان الفاعل كذلك و بعض من الرجرج و تبع و اذيال الكيزان من امنيجة و جهلة كذلك .
الطيب رحمة قريمان..
البت القدامك دي سودانية مش؟ الحصل ليها دا مؤلم مش؟ منو القال ليك انو ما حصل و ما بيحصل لأي بت من السودان؟ و هو ميت الضمير و الإنسانية البيرتكب جريمة زي دي تفتكر بتأمنو على أختو المن دمو و لحمو.. خلي تأمنو على بنات قبيلتو أو إقليمو الجغرافي !! بعدين حتقولوا شنو لو اتفتح تحقيق و طلع واحد أو كل الاغتصبوها من الهامش برضو؟ حتودوا وشكم من ضمايركم وين؟ مش ما بعيدة.. مش قدوقدو كان من الهامش برضو؟ ليه ثارت فيك النعرة العنصرية قبل ما يفور فيك الدم السوداني؟ الكيزان و الأمنجية جزء غير بسيط منهم ممن تدعوهم بالهامش.. عشان كدا حقو نقيف صف واحد على أساس اننا سودانيين.. غير كدا ربنا ما حيغير البينا.. و حنفضل نخوض في برك العنصرية و القتل و الإغتصاب!
Post: #95 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-23-2011, 06:32 AM Parent: #94
Quote: شكرا سناء خالد توارد خواطر.. أنا كنت متحمسة أكتب بوست بنفس المعنى بس سؤالي كان بالتحديد موجه لاثنين: الأول وليد الكوز.. وليد من يوم ما رموا ساس هدا المنتدى ما حصل يوم خبا ولا دارا ولاؤ الشديد للبشير والثاني فرانكلي.. وفرانكلي أعرف كتاباته المتزنة من قبل ما يرموا الساس هنا حتى كنت عارفة انه مناصر دينه .. لكن من وقت قريب بس عرفت انه مناصر النظام مهم أعرف رأيهم الاتنين في خطف النساء والتحرش والاغتصاب.. لتقديري المعلوم لشخوصهم وهم عارفين اليوم بالنسبة لي يوم الفرقان.. والتقدير لازم يمشي لناس (حقيقة وليس وهما) بستحقوه ولحد الآن لهم فائق الاحترام
تعرفي يا رمانة.. الخلاني أختار وليد انو أحياناً بيتوخى الموضوعية، و إن جاءت موضوعية حذرة و خجولة أحياناً.. لكن أفضل من مواقف كتيرين غيرو.. أما فرانكلي فمن زمان زيك عندي حسن ظن في دينو و إن ما اتفقت معاه في كتير.. لكن شايفاه من فترة جند دينو لخدمة الكيزان.. مع انو كان ظني انو حرصو على دينو حيخليهو أبعد ما يكون عنهم!
على كل لو يوم لقيت زمني أوسع و زمنو هو كمان حأطرح معاه نقاش حول النقطة دي لو قبل
فائق التقدير يا رمانة..
Post: #97 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-23-2011, 06:45 AM Parent: #95
Quote: مايحدث من الانقاذ واجهزتها الامنية ممارسات وحشية لاتمت للانسلانية ولا الدين او الاخلاق بصلة وكل من يدافع عن ذلك بوعي اوبدون فهو ميت الضمير ومغيب الانسانية ومن ينكر ممارسات جهاز الامن فهو مؤيد مايحدث من اغتصاب او اي ممارسات بشعة يرتكبها جهاز ضد معارضية . ادانة الاغتصاب كجريمة تتم قبل البحث عن الاثبات
و الإدانة براها ما كفاية يا يوسف.. و الدفاع عن الحكومة تحت أي مسمى بعد كدا ما مقبولة.. لا مسمى مصداقية و لا مسمى موضوعية و لا معارضة معارضة .. لأنو البنشوفو مذبوح من مصداقية الحكومة أفظع كتير من أي كذب ممكن تجيبو المعارضة.. إذا كان من المعارضة الكذب بيجي باسم النضال،، فمن الحكومة بيجي مضاعف و باسم الدين.. و هو أفدح و الله!
Post: #98 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: ابراهيم قناوي Date: 02-23-2011, 07:03 AM Parent: #97
الأخت سناء خالد وزوار البوست الكرام
أنا من الآخرين وهذه مداخلتي في بوست مجاور
أفي دولة الشريعة والمشروع الحضاري يا حكومة؟
ألم تسمعوا أن الله جعل الله دعوة المظلوم مستجابة ولو كان كافرًا، قال رسول الله- صلى الله عليه وسلم-: "ثلاثة لا ترد
دعوتهم: الأمام العادل والصائم حين يفطر- أو حتى يفطر-
Post: #99 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: الصادق صديق سلمان Date: 02-23-2011, 07:09 AM Parent: #98
سعد الدين عبدالرحمن
Quote: إستغفر يا شيخنا
أستغفر الله وأتوب إليه
الصادق
Post: #101 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-23-2011, 07:51 AM Parent: #99
Quote: تعرفي يا رمانة.. الخلاني أختار وليد انو أحياناً بيتوخى الموضوعية، و إن جاءت موضوعية حذرة و خجولة أحياناً.. لكن أفضل من مواقف كتيرين غيرو..
هو بالله الكوز المقصود ده انا !!!
اذن حبابكم انت وهي .. واي زول فاهم فهمكم ده واي زول فاكيها في روحو يصنف الناس حسب مزاجو معتقد انو الصاح بعرفوا براهو
والموضوع وكت نشفان راس .. اها مواقفي انا افضل من مواقفك انت ومواقفها هي ومواقف كتيرين متوهمين هنا
__________ المشرف شكرا على الكلام الواضح شخصيا بدون ما اصنف زول انا ضد الحكومة وضد المعارضة في زول عنده اعتراض !؟
ما عا########ي الحكومة وما عا########ي العارضة بصورتها الحالية .. حقي ولا ما حقي ؟
الكلام ده ما عاجب ناس المعارضة ما عاوزين زول ضدهم وطالما انو الزول ضدهم معناتا في الصايد التاني
____________
ناذر سلامات يا زول الدافوري ده ما بتنفع فيه الحرفنة كل زول تكيل ليه من جنس كلامو وبس لحدي ما الناس تعرف مكانها وحجمها .. وتبطل تصنف وتوزع في الناس زي المايسترو
Post: #100 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: داليا الكباشى Date: 02-23-2011, 07:48 AM Parent: #97
سناء سلامـات تاني ,,
Quote: .. لو كنت قاصدة أتكلم مع كيزان راسم عديل.. كانت قائمة الأسماء حتكون مختلفة!
Quote: نضيفين.. و أخوان بنات..
طيب تمام جدا .. يلا البوست دا اتفتح من باب (يا ابو مروه يا عشا البايتات .. الخ) ؟؟ موش كدا ؟؟ والله (الاستنجاد) و (الاستغاثه) البعرفها أنا ويعرفها كل ذو رأي حصيف بتكـون بـ (يا تمبس الحقنا .. يا ود البشرى وود الصايم انجدونـا.. وااافرانكلياااه .. يا ناس وليد اركزوا زينب وراكم .. الخ !) لكن ما ممكن أقتنع أنك دايره تستنجدي بي زول المفروض انك عارفاهو هو شنو -حسب كلامك- وتقولي ليهو (أتمنى أسمع رايك ) ؟؟
Quote: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف!
يعني أها يا فلان البت دي اغتصبوها .. رايك شنو بعد دا في حكومتك بتاعت القتله والسفاحين والـ .... الخ أتمني أسمع رأيك دي , معناها وااضح , وهو أني رأيك دا أنا ما عارفاهو , أو على الأقل ما بتوقع أنك تدين ! وهو ما لا يستقيم مع شرحك بأنك فتحتي البوست دا للاستنجاد والاستغاثه ! وزي ما قال أمين بالضبط
Quote: once إنو ذكرتي أسماء ناس فدي شخصنة القضايا البتؤدي لافراغ القضايا من مضامينها .
وانت يا دكتوره زوله كتااابه جدا , مادام عندك وقت تفتحي بوست وتتابعيهو , كان تفتحي بوست للتفاكر للبحث عن مخرج لأزمه الفتاه صاحبه القضيه , لا ان تنشغلي بالتفتيش داخل قلوب الاخرين , لتظهريهم بمظهر الجبناء المتخاذلين ! رصيتي اخوانك ديل صف يا سناء , وخليتي الغاشي والماشي يصرف ليهم علب ألوان , وجداد ونحل والجاي أكتر ! في ناس في البورد دا قاعدييين بس لي بوست زي دا , عشان يصفوا فيهو حسابات قديمه !! استقطبوا النـاس يا جماعه ما تستعدوهم ! شوفي كميه الناس الحاتجي تتداخل في البوست دا , وكميه الزمن الحاتستهلكيهو عشان تردي للناس دي كووولها, وفي نص المعمعه دي .. القضيه الرئيسيه ضاعت شمار في مرقه !! وحاتطلعي من البوست دا مرهقه جدا , وتلقي الناس انشغلت في موضوع تاني والقضيه الاساسيه اتنست , وحل محلها موضوع تاني .. أصلن البورد دا كدا !
النقطه التانيه .. عايني لي كلامك دا عن الاخ فرانكي
Quote: أما فرانكلي فمن زمان زيك عندي حسن ظن في دينو و إن ما اتفقت معاه في كتير.. لكن شايفاه من فترة جند دينو لخدمة الكيزان..
Quote: هو أنا أكان دايرة أصنفكم بخاف منكم؟
هو التصنييف دا كيف كان ما كدا ..؟؟ يعني أنتي -مسبقا- مصنفه فرانكلي على انو كـوز .. ومع كدا جبتي اسمو مع اللسته حقت الناس الفوق دي .. مما يفيد أنو الناس المكتوبين معاهو كوولهم على شاكلته ! (كامل احترامي للأخ فرانكلي ولم أعرف عنه الا التهذيب في التعامل معي شخصيا .. وله مطلق الحريه أن يكون ما يشاء وكيفما يشاء )
Quote: عشان جيت زعلان لروحك و الكلام لتمبس برضو
ويزعل لمنو طيب ؟؟ بوست مفتوح بي اسمو , فيهو زول ماسك ليهو مسدس فيهو طلقه مكتوب فيها (كـوز) (دا طبعا مقياس رختر بتاع البورد) وخاتيها ليهو فوق راسو .. يا أما تدين وتشجب وتنبذ الحكومه هسسع دي , والا بديك الطلقه دي في راسك !! معقوله !! أمين دا رد ليكي على جملتك دي تماما ..
Quote: once إنو ذكرتي أسماء ناس فدي شخصنة القضايا البتؤدي لافراغ القضايا من مضامينها .
Post: #103 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبدالرحمن محمد Date: 02-23-2011, 08:05 AM Parent: #100
Quote: أكاد اشعر أن الرجال تحيض وبعضهم يصر ويبحث عن النوع الجيد من ( المودس )
زوربا؛ في ذمتك انت نصيح؟
Post: #104 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: rummana Date: 02-23-2011, 08:11 AM Parent: #100
الأخت سناء تحياتي وشكري لك يبدو انك خلطت بين وليد الذي قصدته أنا ووليد الذي قصدتيه وهو خطأ من جانبي لانه كان المفروض أن أكتب الاسم المستخدم في البورد وهو وليد قسم السيد ويناديني بخالتو رمانة (واعتذر له إن ضايقته الصفة ولو اني لا أظن أنها تضايقه) وكان يكتب في بدايات المنتدى باسم وليد 500 وهو شخص واضح جدا في انتماءاته السياسية وكما ذكرت لم يخف يوما موالاته للبشير..أما وليد الآخر فلا أعرفه إلا قليلا ..
الأخ وليد المبارك شكرا لك
Post: #102 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: tmbis Date: 02-23-2011, 07:56 AM Parent: #97
Quote: تمبس.....انت زول انا بحترمه جدا جدا. و شايفه انك زول حقانى. و ما عجباك المعارضة و ما عاجباك الحكومة (انا واثقة جدا من ان زول باحلاقك ما ممكن يرضي بالحصل للبنت دى) انا برشحك انت يا تمبس تكون البديل. ليه عاوزيين تختوا خايراتنا فى الكيزان او الصادق او نقد او المرغنى? العاوزه اقوله يا تمبس ان فى ناس كتار زيك و زي. عاوزين الخير للسودان. ______________________________________________ ما تزعل منى لانى اخترت من ضمن كل الناس فى البوست....لكن سببي واضح. انت احتمال تكون اكتر زول تكون المعارضة قرفتوا فى عيشتوا فى البورد ده.و بلسبب ده بقيت ما مصدق حاج منها و شايف ان الكومة احسن لينا
شكرا يا اسمارت .. وتأكدي تماما اني بكن ليك كتير الاحترام .. احيانا كتيرة الواحد بكتفي بي قراءة الكتير من الأراء وبينو وبين نفسو بيعرف مين ممكن يكون هو الشخص الممكن يجبرو علشان يسك مداخلاتو ويفتش عنها ويقوم نفسو من خلاله .. تأكدي تماما انك وبعض الاقلام في البورد دا بتجبر الواحد احيانا يقلل من حدة غضبو ويقيف قدام الضرر البتتعرض ليهو الاقلام دي .. ويتعشم انو في بصيص أمل للتتغيير نحو الأفضل .. لكن دون ذلك صدقيني صفر كبير .. بي كل صراحـة ما مقنعاني المعارضة هنا .. ودا رائي شخصي اتخذتو قبل فترة طويلة جدا وبوست زي البوست دا .. ما ح يخليني في لحظة من اللحظات اضع يدي في يد ناس حاولت بقدر الأمكان اني اخلق ارضية تفاهم مجرد ارضية تفاهم بيني ما بينه .. لكن اتضح لي بيني وبين نفسي انو معارضة المعارضة هنا بي شكلها دا .. اهون من اني اهتف ضد الحكومة .. لسبب واحد وواضح جدا .. إنو طريقة المعارضة هنا هي اكبر كسب للحكومة .. ودا زي ما عبرتي عنو تماما بي قرفك من المعارضة .. في ناس بتحب تكتب كلام ساي النوعية البتقوليك دي تصرفات فردية .. ما تتحسب على المعارضة في حين انو بنلقى التصرفات الفردية دي ناتجه عن كمية من المنظمين حزبيا ,, وبي شكل أو بي آخر بتقودنا لي نقطة البداية .. وفي نقطة مهمة جدا .. ممكن تصب في تجاه وجهة نظرك الخاصة بي ترشيحك لي .. وهي انو نوعي دا ونوعية وليد الشفت .. ليه لما نتكلم ونكورك بي اعلى صوتنا .. مستنكرين الشي الضد الواقع .. بيطلع لينا من تحت الأرض .. مليون صوت بي النعت والوصف المتبع هنا .. ليه ماف ناس بتقوم بشكل سليم .. لو كان هناك عترة في كلامنـا .. ويجو زي سناء خالد من النص عايزه تستجوب وتخت اسمنا فوق علشان تعرف وجهة نظرنا اللي هي اصلا معروفة .. ونكون في موقع الاتهام ويجيك زي كم واحد هنا في البوست دا عايز ينظر ليك وانت اساسا مختلف كليا معاهم .. اجزم تماما انو في ناس هنا دا مما لقت اسم تمبس تحديدا .. تحسست كل مكامن القوة فيها ... يا ابيض يا اسود .. ماف اي طريقة لي انو يمشي اي حتة .. ودونك مداخلة خالد العبيد نموذجـا .. ولسة في ناس كتار منتظرم .. وح يظهرو عاجلا ام اجلا .. بالمناسبة يا اسمارت هبشتي حتة حساسة جدا .. ربما تكون مهمه جدا في المرحلة الحالية خليك من الجوطة دي كلها .. خليك من الحركات المسلحة واجندته خليك من الاحزاب كلها دون استثناء .. خليكم من آراء بعضهم الفردية التي على شاكلة انو الواحد ما عارف ناس بيتم شربو شاي الصباح واللا ما شربوهو .. ود اخوهو الصغير اسمو منو .. يللا في شريحة كانت في عمق الحدث وما اخفيك سر .. فيهم الاتعذب وفيهم الجاع وفيهم المات بي احباطو .. وفيهم الفقد مروتو .. في حين انو في نوعية هنا الوكت داك .. كانت في عز عجيب ما توفر ليها يوازي بالضبط حجم كل المرارات الجواهم .. يللا النوعية دي بالساهل كدا تجي تتعارض ليك في حلقك لما تقول دا غلط .. تفتكري بقدر اتصالح مع نفسي وفي لحظة من اللحظات اقدر اسمعه .. واهتف بي وراهـا ..؟ احداثيات البورد دا مبنية على اخطاء كتيرة جدا .. اهمها البحث عن عترة صغيرة ليك وتجاوز جبل جليدي ضخم من المبادي والقيم التصحيحيه المبنية على اسس سليمة جدا بتقود في تجاه سليم .. خلال فترة الانقاذ .. اتبنى جيل كامل .. هو الجيل الحالي .. صدقيني لو جبتي اي واحد فيهم لي المكان دا وقفلتيهو في غرفة لمدة تلاتة ايام في غرفة وقلتي ليهو اقرا حاجة اسمها سودانيزاونلاين .. ح يطلع من أول يوم رابط راسو بي عصابة حمراء .. ولابس حزام ناسف .. ح يجي ينط ليهو في اقرب بوست يلقى اسماء محددة فيهو وينسف سيرفر بكري دا .. وذلك عطفا على مجافات كثير ما يكتب هنا للواقع في ظل ما يقابله من خطاب منظم وممنهج بي شكل سايكولوجي يهاجم المناطق الحساسة جدا .. انا تحديدا لما اللقى الناس العندها صوت عالي هنـا .. وبيمجدو فيهم .. نفس الناس البتجرم فيني انا .. يللا ما بيهمني عداك البحصل شنو .. يعني بي صورة أوضح: نفس الناس العايزه تقلع حقي .. وتستبيحني وتقتص مني ... انا ورب الكعبة ما بسلمه رقبتي واصابعيني وكيبوردي .. ولو انطبقت السماء مع الأرض .. ولي يوم الدين لو ما الناس دي اتعدلت صدقيني انا وغيري ح نكون الدرع الأمامي خالص مش للحكم .. إنما لي كمية المبادي القمنا بيها وعرفناها وورتنا الغلط من الصاح .. بي قرصة اضان .. هذا بالاضافة لي نكرانا لي كل الممارسات البتحصل لي الكتير من الاشياء المغلوطة .. وما شرط اساسي اني اجي مثلا اهتف مع سناء خالد .. أو تومـا أو اي من المحققين هنـا .. لا ، من هنـا هو على الطريق السليم البجبرني اني اكون فكرتو؟ .. ماف او بسيطين جدا .. مين هنا البجبرني اتبنى خطو .. ويعبر عني ويقيف معاي الكتف بالكتف .. ويتحمل ما بتعرض ليهو؟؟ .. ما لقيت إلا ما ندر ، وان عمل الحاجة دي في اقرب ملف بلقاهو تعامى .. وضربك من اجل معرفة او قريب ليهو .. امثالي يا سمارت موجود في الواقع .. وديل البتهموهم حسب موشر البورد بالرمادية زي ما قال خدر .. وديل البخوفو الديناصورات العايزه ترعى في ثوابت الناس بي مفاهيم خاصة بيها ... وديل القادرين يقلبو الطاولة على راس اكبر كبير هنا دا .. وبره المكان دا .. لييه ..؟ لانو عندهم رأي ثابت وواضح عدم الانقياد لي اي حتة تقيدني وتعمل العوج وعايزاني اهلل معاها .. النوعية دي يا اسمارت .. ما ما خده فرصته .. بالكامل وبتصارع علشان تاخد فرصته .. وح تاخده من الكورجه الهنا دي كخطوة أولى لانو هم الموهلين الآن واقدر معرفة على التعامل مع الادوات المتاحة ليهم وبتعبر عن جيلم .. كل الهنا دا عبارة عن حفلة كبيرة جدا .. بتبتدي في الصباح .. وتنتهي بالليل .. ممكن في اي لحظة يجي واحد طاشم يفرتق الحفلة دي .. يا نظام عام يجلد الناس الجوه كلهم سااي كدا دا .. والفنان طبعا بياخد عدادو في جيبو وما هاميهو الحاصل دا .. شكرا يا اسمارت كلامك حفزني ارد ليك .. لانو لمست فيهو موضوعية .. بعكس الكتير من الكلام المكتوب هنا والاتعودت اني اقراهو كتير جدا ..
Post: #105 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: tmbis Date: 02-23-2011, 08:27 AM Parent: #102
Post: #106 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: ادريس خليفة علم الهدي Date: 02-23-2011, 08:44 AM Parent: #105
Quote: لكن اتضح لي بيني وبين نفسي انو معارضة المعارضة هنا بي شكلها دا .. اهون من اني اهتف ضد الحكومة .. لسبب واحد وواضح جدا .. إنو طريقة المعارضة هنا هي اكبر كسب للحكومة
!!!!!
Post: #109 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-23-2011, 08:51 AM Parent: #105
الناس عشان تخلي المواقف الرمادية دي ـ حسب تصنيفكم طبعا ـ يبقى لازم إنتو يا ناس المواقف الواضحة دي تقنعوا الناس بالطريقة الدغرية .. القصة ما تكون تعليق أي حاجة في حبل النضال .. وعفيص أي مبادئ في سبيل النضال .. والسكوت على الكضب والإساءات وتعدي كل الخطوط الحمراء والبنفسجية والبمبية باسم النضال!!
الكضب دا بنقول عليهو كضب .. كان معارضة كان حكومة! كان عمر البشير زاتو أدوهو باسوورد في البورض دا بنديهو النجيضة!!!!
_ بتخيل لي البداية تكون في إصلاح الفرد عشان الجماعة تمش قدام!
Post: #112 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: توما Date: 02-23-2011, 09:05 AM Parent: #105
Quote: ارد ليك كيف مثلا .. ؟
لا.. كتر خيرك
أنا نزلني هنا بالله
من الواضح إنك ما قادر تفصل بين مشاكل قديمه ومتراكمه عبر السنوات الطويله هنا محتقن بيها مع أحزاب و أفراد
وعليها كونت رأي و إتخذت موقف و قرار
ومن الدعوه البسيطه التي تشيل و تفصل ليها في الأسماء( إتهامات و محاسبه و إستعداء و إستفزاز و تصنيف و غيره)
واللي هدفها واضح زي الشمس
إنو الناس تقيف موقف واضح ضد الحكومه
خليك من المعارضه
المعارضه دي هي السودان حقها
المعارضه دي ما أجسام مختلفه فيها الكويس و الكعب
وممكن بين يوم و ليله الناس تخلق جسم بديل
الإنتماء للأحزاب لا ينتقص من قدر الفرد بل علي العكس ينظم للفرد أفكاره و حركته ولا يحد من حريه تفكيره ويشد ساعده و يجعله يشعر بقوه الفعل الجماعي
وإنو ضهرك مسنود و في ناس بتتقاسم معاك الفكره و النصر و الهزيمه و حتي الموت أحياناً
ده طبعاً في الأحزاب الجواها ديمقراطيه حقيقيه والتي لم ألمسها بعد في أي حزب عشان بكل قوه الواحد ينتمي ليهو
ده غيرالإنتماء الذي يكرس لأن يكون الفرد أداه بس تحقق أهداف و أجنده حزب لا تحقق ذاته و لا يتفق معها و ينفذها بطريقه أليه
تفقد الواحد تفكيره الفردي و تميز طرحه بل وحتي إنسانيته أحيانا
علي فكره أنا لسه عندي (العشم- مالكم مابينو ما عارفه - ) إنو نحنا متفقين بطريقه مختلفه
Post: #110 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-23-2011, 08:54 AM Parent: #108
خدر القدامكـ دا، الضربنا لون رمادي في صمّة نضالو .. ما قادر يغيّر أي حاجة على المستوى الداخلي في الحزب .. وداير يغير المحيط الأكبر وهو السودان! دي تجي كيف بالله؟ ياخ ورينا التغيير أولا عندكـ وبعدين نجي نحن وراكـ في السودان يا كمان أي واحد هنا يخلي لينا الولاء المقدّس للأحزاب ونقيف كلنا مع بعض زي شباب مصر ولّ تونس ولّ ليبيا هسي!!
ياخ أقنعني بإنكـ ساعي للتغير!!
Post: #115 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: قيقراوي Date: 02-23-2011, 09:23 AM Parent: #110
Quote: خدر القدامكـ دا، الضربنا لون رمادي في صمّة نضالو .. ما قادر يغيّر أي حاجة على المستوى الداخلي في الحزب .. وداير يغير المحيط الأكبر وهو السودان! دي تجي كيف بالله؟ ياخ ورينا التغيير أولا عندكـ وبعدين نجي نحن وراكـ في السودان يا كمان أي واحد هنا يخلي لينا الولاء المقدّس للأحزاب ونقيف كلنا مع بعض زي شباب مصر ولّ تونس ولّ ليبيا هسي!!
ياخ أقنعني بإنكـ ساعي للتغير!!
ابو الزفت!!1
رشوا رشاو بلاء
و الله كيفتني في ي ي صنقوري دا يا عمك انت تلاتة من دا و خدوري دا راسو بجي و بقى بسبول عديل
------
سناء يا فردة بطلي اشاعات بالله ... و الله لو كنت موافقك في موقفك هنا لكان سيفي معك اخوك اليومين دي ملتوث بثورة في مخيخو الاعلى .. اي سكة ما بتودي ليها ما سكتي .. و البوست دا بنفر اكتر من يجمع .. اما انت ي خدوري؟ .. امبسبول! عديل كدا ياخ!!.. او كما قال؟ خليك في الغنى .. اللالوان دي خليها لحبيب ألبي حسن موسى ... ما تلخبت لينا التخسسات ياخ
يا عمك سؤال بالجمبة كدا لو سمحت ياخ ؟
من الذي يكتب لدلوش العروش!؟ سليتي روحنا بالمداخلات الطويلة .. قمنا باجراء اللازم ...اسكرول داون بالطريقة الصاح
Post: #118 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-23-2011, 09:45 AM Parent: #115
والله يا قيقا أخينا في الله خدر دا ـ ولو لا محبة الناس ليهو ـ مفروض بوستيهو بتاع الشهيد دا يفوت بوست الكهربا بتاع محمد فرح .. أي والله .. ويدّقا فيهو دق العيش كمان .. وأنا شايف إنو كهربة محمد فرح كانت أحسن لأنو الكهرباء عبارة عن سلوكـ وصواميل ولمبة جاز بتحّل القضية .. أخينا في الله خدر كتل واحد وشال جنازتو باسم النضال!!!!
لا نفى الكلام .. ولا اعتذر لينا!!
وحلايب مصرية كمان
Post: #111 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: tmbis Date: 02-23-2011, 09:03 AM Parent: #108
Quote: هذا البوست يقرأ مقرونا بـ
يا محمد عمر جبريل .. أرجو أن شكرا لايرادك لرابط البوست ..
Post: #114 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: توما Date: 02-23-2011, 09:14 AM Parent: #111
سناء خالد
يسعدني إنو نتلاقا لأول مره و نتفق
أتمني نتلاقي تاني
نتفق
أو نختلف
--------------------------------------
ما عندي أي شك في صدق دعوتك و نواياك و خلوها من التصنيف أو الإستعداء
أرجو إنو خيبه العشم ما تأثر عليك
ولا تقنعي كلو كلو
و
غايتو السودان ده ما بنخليهو ...لا لحكومه... لا لمعارضه
Post: #116 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-23-2011, 09:30 AM Parent: #111
Quote: اذن حبابكم انت وهي .. واي زول فاهم فهمكم ده واي زول فاكيها في روحو يصنف الناس حسب مزاجو معتقد انو الصاح بعرفوا براهو
والموضوع وكت نشفان راس .. اها مواقفي انا افضل من مواقفك انت ومواقفها هي ومواقف كتيرين متوهمين هنا
وليد.. بكتب ليك الكلام دا لأنو بيهمني جداً ما أخسر وقفتنا في صف واحد في الموقف دا.. ممكن نتلاقى و نتخابت بالكلام لقدام في حاجات كتيرة.. لأنو مجالات الإختلاف واسعة و عندك و عندي فيها فرقة كفاية.. لكن هنا عشمي الجابني ليك من الأول أكبر من رغبتي الشخصية في المناقرة! أنا ما بقدر أصنفك و لا أصنف غيرك ما لم يكون مصنف نفسو تصنيف صريح .. لأني جربت أتخت في حتة التصنيف المجاني قبل كدا..
لكن كونك تشوف مواقفك أفضل أو رأيك أصح و كوني أشوف غير شوفك دا شي طبيعي.. و رأيي صواب يحتمل الخطأ و رأي غيري خطأ يحتمل الصواب دي قاعدتي أنا على الأقل.. يعني ما زي ما انت بتقول نشفان راس و لا أنا صاح و انت غلط.. و أتمنى تكون دي قاعدتك و دا الحال عندك برضو!
خاتاها ليكم عديل لا تفتيش نوايا و لا تفتيش جيوب.. هبش فيك عصب الغضب الحصل دا؟ هبش و وجع.. و أنا عارفة..لكن ما تكتفي بالإدانة.. و ما تخليها تحسسك بالراحة و تخدر عصبك دا.. نحن.. أنا.. ما دايرة أخليها تخدر العصب دا في أي زول هبشتو بكلامي هنا.. اليتمغص مني أنا و يكرهني زي ما هو عايز.. لكن ما يبرد عصبو.. و لا يكوس ليهو مسكنات في كضب المعارضة!
Post: #119 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: tmbis Date: 02-23-2011, 10:17 AM Parent: #116
Post: #120 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد زكريا Date: 02-23-2011, 10:21 AM Parent: #116
Quote: والشي المهم جدا .. علاء فقد اي احساس بي اي حاجة في المكان دا .. وبقى يتعامل مع المكان دا زيو وزي اي باب بيدخل في باب بيدخل في باب بيطلع من باب .. وايقنت تماما انو دا اكبر مكان فقط للبطولات الوهمية .. وللدجل والكذب والنفاق .. حيث ان البنات الأخوات والأمهات .. والخالات والعمات والحبوبات .. بيتم اغتصابن هنا دا مليون مرة قبلما يغتصبوهم في اي مكان .. اتشتمن هنا دا لامن الله غفر ليهن هن نفس اخواتي وبنات جيراني .. وللاسف البشتم فيهن جاي بيدعي الشرف ويقول ظلموني ..
نان دحين المصنقيرلها بالبورض ده بس فى شان المناقرى وبس
ويا سناء صاحبه البوست بالجد ود منصور وود الصايم ديل ما (معاهم)............ الاسماء دى ما ناقصه اسم واحده كده؟
يا ود منصور ياخ ما تقول ليها رايك وبس واتخارج واصلاً مسبقاً كلنا عارفنه
------------------------------------------------ الزول لامن يكون ما كوز لكن ما معارضه ....بيحير.........يعنى كانه فلذ من الفلذات
Post: #121 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: ABUHUSSEIN Date: 02-23-2011, 10:32 AM Parent: #120
Quote: يا كمان أي واحد هنا يخلي لينا الولاء المقدّس للأحزاب ونقيف كلنا مع بعض زي شباب مصر ولّ تونس ولّ ليبيا هسي!!
العالم كله إتغير و الشعوب قلعت الطغاة من عروشها
و ديل لسه في معانا و لا مع الخيانة..
ود الصائم كلامك مريح شديد و دُغري
.
Post: #122 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد زكريا Date: 02-23-2011, 10:56 AM Parent: #121
Quote: Quote: يا كمان أي واحد هنا يخلي لينا الولاء المقدّس للأحزاب ونقيف كلنا مع بعض زي شباب مصر ولّ تونس ولّ ليبيا هسي!!
العالم كله إتغير و الشعوب قلعت الطغاة من عروشها
و ديل لسه في معانا و لا مع الخيانة..
ود الصائم كلامك مريح شديد و دُغري
.
عجبتنى برضو انه نتخلص من قصه الوفاء المقدس دى لكن الشيوعيه خليهم بس يعملوا شويه تغيرات فى الحزب لانه افكارهم منفتحه وقابله للبروستوريكا
Quote: ياخ أقنعني بإنكـ ساعي للتغير!!
او ساعى بريد...............كاااااك
Post: #123 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: داليا الكباشى Date: 02-23-2011, 11:04 AM Parent: #120
Quote: عشان في زول سجمان اسمو عبدالمنعم سليمان شغال في محل المصدر تبقى القصة بالنسبة ليك مفبركة و فيها قولان.. بعد البكا و الحرقة الفي صوت البت ! ليعني تفقد المأساة كل الصلاحية عندك عشان جاية من عبدالمنعم سليمان!
Quote: ليعني تفقد المأساة كل الصلاحية عندك عشان جاية من عبدالمنعم سليمان!
الزميل المذكور في المداخله ما بعرفو, ولا حصلت اتداخلتا معاهو , وهو غير معني بي مداخلتي دي , لكن بس حا أستعين بي مداخلتك دي يا سناء , عشان اوضح الـ Double Standard الفي البورد دا..
كل فتره والتانيه, زملاء في البورد بيجيبوا أخبار عن مناطق مختلفه من السودان , وبيكون المصدر جريده الانتباهه ,, طووالي وبدوون ما زول يقرا الخبر , بيترجموا وبيلعوهم الخبر حقهم (كان صاح كان غلط) بسس لأنو الخبر جابتو انتباه السجم دي ! طيب .. مره زميل لينا هنا جاب خبر جلد فتيات جنوبيات , وكان بعد حادثه فيديو جلد الفتاه تقريبا , الناس كوولها كذبت الخبر , ولا في زول اتضامن , والزميل بلع خبرو , عشان جايبوا من الانتباهه ! (آثرت عدم ذكر أسماء بعينها عشان ما أكون وقعتا في نفس غلطتك بتاعت محاسبه الناس بي مواقفهم .. لكن اكتفيت بذكر المثال)
-----------
Quote: سليتي روحنا بالمداخلات الطويلة ..
look who's talking
Post: #124 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-23-2011, 11:17 AM Parent: #123
داليا الكباشي .. لو سمحتي! دا بورض ولّ عيادة شي عربي وشي ما عربي؟
Post: #125 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: قيقراوي Date: 02-23-2011, 11:22 AM Parent: #123
Quote: look who's talking
هوو؟ هو هو عديل
اتامرون الناس بالبر و تنسون انفسكم؟
في ي ي جدة دي مش قلتي لي : ما ناوي تختصر مداخلاتك عشان نقرأ ليك!؟
اها دايراني افوت ليك دي؟ امبسبول!!
و اكان سجن سجن و كان غرامة غرامة
غشيتك و الله - في حكاية الاسكرول داون دي - لكن انت عارفة، للضرورة الشعرية و الحبكة الدرامية بس
----
يا زميل البورض لقيتني كيف بالله؟
Post: #126 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: ابراهيم قناوي Date: 02-23-2011, 11:33 AM Parent: #125
يا جماعة ود الصايم دة بقت مداخلاتو طويلة كدة ليه؟
يا تمبس بالله شوفوا لينا البكتب لي ود الصايم منو؟
التحية لصاحبة البوست
و التحية للجميع فقط
Post: #127 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-23-2011, 11:50 AM Parent: #126
Quote: يا جماعة ود الصايم دة بقت مداخلاتو طويلة كدة ليه؟
يا دكتور .. أخباركـ ياخ!! ماف حاجة .. بس الجماعة ديل داسو الزر الغلط!!!
_ ياااااا خدر .. ألحق .. شايف بوستات الشهيد بقت تجي طالعة واحد ورا التاني!
Post: #128 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-23-2011, 12:30 PM Parent: #127
يا سناء
عيييييييييييييييييييييييييييك
يا زولة قضايا الاغتصاب والتعدي على الاعراض دي كل الناس الجبتيهم في اللسته دي مواقفهم انصع من مواقف المصنفاهم انت معارض وعاملين فيها ضد الانقاذ
من ضمنهم محمد زكريا الجاك وعامل فيها ما قادر يفهم كيف يكون في معارض للانقاذ وللمعارضة معا
اتحداك انت وهم كلهم .. لو مر موقف في المنبر ده ظهرت فيه قضية تعدي على شرف او قذف واللستة الكتبتيها ما وقفنا ضد الكلام ده لكن انا بقول ليك نص المعارضين المعاك هنا ديل كانو بستمتعوا بالحديث في نسوان البشير من هباني والكلام السفيه من بشاشا .. والحديث في بنات الانقاذ واخوات نسيبه ( واط ايفر بسموهن ) .. حتى الحديث عن زميلات لينا هنا في المنبر ده بفتكرهن مع الحكومة ( دكتورة بيان ) .. او حتى زميلات معترفات انهن مؤتمر وطني عديل ( مياده )
ديل كلهم اتلاك شرفن في المنبر ده .. ونص ناسك الفرحانة بيهم ديل .. اغلبهم يا صفق ولا طنش او ايد .. او عمل فيها نبي وقال الموضوع ده افقلوه لحدي هنا زي ناس كده
نحن مواقفنا من القضايا دي واضحة من زمن القذف الاتعرض ليه بشاشا في المنبر ده فعليك الله ما تزايدي على اخلاقنا
رجاءً عشان ما نختلف
البوست بتاعك ده في قدح في الاخلاق ومنعول ابو السياسة
________ شكرا رمانة على التوضيح ومتاسف لو اصابك رشاش كلماتي
يا ود الصايم عفيت منك دنيا واخره
Post: #129 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-23-2011, 01:45 PM Parent: #128
شايف الناس دافنة دقن من الحاصل دا!!
Post: #130 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: ناذر محمد الخليفة Date: 02-23-2011, 01:55 PM Parent: #129
!!!!!!
كدة كويس يا وليد ؟!!
Quote: هو بالله الكوز المقصود ده انا !!!
شابكني دافوري وماتش وتيلي ماتش ..!!
ما أي زول يناديك في عنوان بوست تجيهو وتبرر ليهو وتشرح ليهو مواقفك ..!!
أنا قلت من الاول البوست دا مفخخ والغرض منو واضح !!
المثل بيقول (نفي النفي إثبات) ..!!
من الأول ما كان في داعي لي جنس دا ...!!
مسئولين من الخير ..!!
سناء دي يا ها بتاعت اليابان والمقاشيش وشركة الميتسوبيشي ديك ولا واحدة تاني ؟؟!!
عشان أفرز ..!!
Post: #131 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-23-2011, 02:09 PM Parent: #130
يا ناذر حبيبنا
يا زول اي زول حبابو العاوز يناصح حبابو والعاوز يكاجر حبابو والعاوز يصنف حبابو والعاوز ينبذ حبابو
بس يستعد لانو متل ما يعمل بنعمل
البقول لي كوز بقول ليه خايين عميل والبغالطني بمرقو بي حمد وبدخلو بخوجلي والبصنفني .. بعمل ليه كرتونة بختو جواها والبنبزني بملاه فارغة لمن يامن
والعاوز يناقش بضوضعية حبابو والبعاملني بزوق وادب .. ابوس ليه بوستيه والكيبورت البكتب بيه والبعاملني بخلاف ذلك .. بخليه يكره اليوم البقى فيه عضو في اون لاين
يا حبيبنا تصنيفات كوز وامنجي دي اخدنا منها مناعة اول مداخلة لي المنبر رشوني بعدها بكوز الوكت ده الراي الاخر في المنبر ده كان تلاته انفار بس وكت كان المنبر لونو وشكلو وطعموا واحد ما خلانا غيرنا كلامنا النكتبو الوكت داك انت وكتيرين ممن المتداخلين هنا يتزوزو ببره
يا ود الصايم .. انا كنت بره الشركة واخدت لي خفسه كدا لحدت حي الرايد .. وجيت جاري علشان اشوف البوست دا وصل لحدت ووين ..؟ جيت لقيتو في حتتو .. لانو عندي مجموعة كدا متوقعه تجي باقي اليوم دا .. ما عارف الحاصل عليهم شنـو .. حقو الواحد يمشي يفتش عليهم بالواحد/ة ..
Post: #134 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد البشرى الخضر Date: 02-23-2011, 02:59 PM Parent: #132
Quote: ما عارف الحاصل عليهم شنـو ..
غالبا يا تامبا بكون عاملين لي خاطر انا حسي كان اساسي ولا تنظير في العنوان بدل اسمي انت و الشفت وودالصايم كان تشربوا ما ترووا
Post: #133 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-23-2011, 02:55 PM Parent: #129
خلاص عملتوها لينا قرقر و شغل رباطة بالله شوف مساكين العصاية من نصها ديل خليكم واضحين يا أبيض يا أسود
Post: #137 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-23-2011, 03:54 PM Parent: #135
Quote: سلام يا سناء
التفاعلية في هذا المنبر و في كل مكان مرتبطة بالمصداقية و للأسف..مصداقية منبرنا ليست ذهبية خالصة فإذا تردد الناس أو أحجموا عن التفاعل مع قضية/ خبر/ جريمة فهذا من الحكمة و لذلك ظللنا نحارب الكذبة و أصحاب الفكر الفطير من كسالى و أغبياء النظام أو المعارضة.. حتى لا يأتي يوم يهجم فيه النمر و نحن في سبات غارقون نستجدي أراء و مواقف البعض و نتجادل هل هو صحيح أم مفبرك, هذا الخبر صادم و موجع و مثير للقثيان و الغضب لكل ذي كبد رطبة أو متحجرة. أرى أنك قد فارقتي الصواب أخيتي بإنتقائك أسماء بعينها لتسآليها و إن أضفتي "آخرين" ففيه ما يشي بسوء الظن في أرائهم و الإيحاء بأنهم يتكتمون عليها خوفا أو خجلا. تحياتي لك و للأسرة الكريمة
سلام يا سعدالدين.. الاسم الذي لم يسقط سهواً من قائمتي بل عجلة.. أنت معني يا أخي جداً بهذا البوست..
و الأسماء الفيهو معزلة بإصرار.. للمعنى الفي كلامي أنا مش الفي تفسيرات و تأويل غالبيتكم و لا أصحاب الشأن نفسهم..
وين المصداقية في الحياة كلها لامن عايزها تتوفر في المنبر يا سعد الدين؟ يعني يا سعد.. و بكل صدقك مع روحك بدون فيديو و بدون أي حاجة.. لو حكوا ليك حكاية انو ناس الأمن اغتصبوا بت .. حتشوفها غريبة و مستبعدة؟
إنت واحد من الناس العارفين كويس (و ما أظنك بتنسى) أنا وقفت ضد السوء البيجي من المعارضة قدر شنو قبل كدا.. و قلت انو خيبة أملي فيها كبيرة.. و أعتقد انك عارف برضو اني من البيترددوا في المشي في السيرات البوردية بدافع تبعية لأي كان، و لحدي يوم الليلة ما مشيت لي في سيرة بتأيد كذبة!
قلنا ما تهدهدوا عصب الغضب فيكم ب (هه دا ما محمود الكضاب) عشان العبرة في القصة ما كانت هذه المقولة.. العبرة كانت في الاترتب عليها.. و الاترتب عليها انو الذئب أكل الغنم (ما أكل محمود الكضاب) و الغنم ما غنم محمود الكضاب..الغنم كانوا غنم ناس الحلة القالو (دا محمود الكضاب)
وليد المبارك أرجو انك ما تكون افتكرت اني بخاف من رشاش ولا غيره أنا "أدها" وزيادة.. بقدر أرد على أيٍ من كان...بأسلوبي أنا وطريقتي، مش طريقة غيري، لانه عندي الكلمة مسئولية بتحملها أنا.. عشان كده لما أقولها لازم تكون بطريقتي واسلوبي أنا.. بس مش دائما الرد يجي بالكلام، قناعتي انه كلما اتكلم الانسان أكتر كلما كان احتمال الغلط أكتر..وكمان الأفضل انه الناس تتبين في الاول المقصود قبل ما ترمي كلام مافي داعي ليه وتوفر على نفسها وعلى الآخرين ضياع الزمن وتبديد الطاقات..
الحاجة التانية اللي لزم توضيحها أني لما أخاطب وليد بوليد "الكوز" ، كوز على الاطلاق ما بشوفها منقصة ليه ولا شتيمة ولا تحقير.. بالعكس أنا بقولها لانه معتز بيها وما شايف فيها أي نقيصة.. هو انسان واضح ويكفيه هذا الوضوح ويكفيني لانه وضوحه سبب من اسباب احترامي ليه.. عموما شكرا ليك .. أنا بالمداخلة دي يا سناء خالد بكون وصلت الـ (سقف) بتاعي في المداخلات في بوست واحد:) كفاية كده خلاص..تحياتي لك
Quote: [يا دكتور .. أخباركـ ياخ!! ماف حاجة .. بس الجماعة ديل داسو الزر الغلط!!!
والله العظيم يا ود الصايم الواحد اتحير في البورد دة
حيرة من لا حيرة له
والعجيب الايام الفاتت دي التخوير كتر كترة
والله أي مجموعة بوستات تمشي وتجي تعمل ليها رفرش
تلقى واحد ولا اتنين مشوا الخور
لمن زاتو ما تتذكر البوست الاتخور دة كان ياتو
غايت بكري دة بكون عمل توسيعات وامتدادات للخور حقو دة
لمن طقطق
والتحية ليك ولي التيم العامل
ولا للمداخلات الطويلة البتكمل بطاريات المايكات زاتو
Post: #139 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-23-2011, 04:13 PM Parent: #136
يا رمانة ..
Quote: أنا "أدها" وزيادة.. بقدر أرد على أيٍ من كان...بأسلوبي أنا وطريقتي، مش طريقة غيري، لانه عندي الكلمة مسئولية بتحملها أنا
وانت برضو تاكدي .. لو غلطي وتخطيتي حدود ستواسين كالذين قبلك ولو ما مصدقك جربي واغلطي واتخطي حدودك
Quote: وكمان الأفضل انه الناس تتبين في الاول المقصود قبل ما ترمي كلام مافي داعي ليه وتوفر على نفسها وعلى الآخرين ضياع الزمن وتبديد الطاقات..
حديثك كان معلق في صدر المنبر ده قبل مداخلت صاحبة البوست تقريبا نصف يوم مافي زول هببو ليها
لحدي ما جات ست البوست .. وشرحت حسب فهما من تظنه المقصود بحديثك وبما انك طلقتي الكلام عايم ساكت .. وبما انو البوست ده معنون فيه اسمي انا ما اسم وليد تاني
مافي حاجة اسمها الناس تتبين
الافضل كان الناس وكت تكتب توضح كتابتها عشان توفر علي نفسها وعلى الاخرين ضياع زمن وتبديد طاقات
شوف أنا حاولت أضع كلام سناء من منظور متابع في مداخلتي السابقة غايتو هي سفهتني ههههههه...
أن أعتقد إنة لو وضعنا الأشياء في شكل نقاط النقاش بكون سهل ويمكن نصل لي نتيجة....فاسمح لي ياصاحب أبرمج الشغلانة....
1. سناء: الغرض من البوست ليس التصنيف ولا الشخصنة ولكن عشم في إنة هول الحدث مع شهامتكم ورجولتكم...ستعلونها داوية أنكم ضد الحكومة ....لأنها المسؤلة عن هكذا أفعال.... وليد: البوست مستفز والعنوان تصنيفي....وكلنا أدنا ماحدث الآن وما حدث في الماضي هيثم: أعتقد مع حسن نوايكم يمكننا أن نتجاوز هذة النقطة. ورغم توضيح سناء إنها ما قصدة تصنف.... فالتصنيف المن طرف هنا يجعل الأخ وليد يري ما رأي. ألوم العنوان الذي لا يعكس مقصد سناء. كلمة عشمانة في العنوان كان غيرت كتير...
2. سناء: الإدانة وحدها ما كفاية....يجب صراحة الوقوف ضد الحكومة وهذا لايعني أن تؤيد المعارضة فهي أيضا ملأي بالعيوب وبعض من يدعون المعارضة لاتلتقي معهم في شئ وهي ضدهم كأفراد. وليد: أنا ضد الحكومة وضد المعارضة في نفس الوقت ودة من حقي...مافي واحدة فيهم مالية عيني....وما حأنساق مع أي كان.. هيثم: هنا نتفق علي أن نختلف لأني أعتقد أن وليد لن يغير مايؤمن بة....و دة حقة....ولوسمح لي وليد بي تعليق....ياوليد الحكومة دي شئ ثابت واضح ومحدد...لكن مايعرف بالمعارضة مليون حاجة...شي أمة شي شيوعي شي حركة...شي مسلح شي أصل....لكن متفقين علي إنهم ضد الإنقاذ وبنادو بوطن حر وديمقراطي يسع الجميع.....فإنت ممكن تشوفهم كلهم عيوب وخايبين ولو كانت فيهم فايدة كان الإنقاذ طارت....أنا دة ماعندي حزب ولكني ضد الحكومة....ورغم رأي السالب في مايعرف بالمعارضة إلا إنني أري إن معركتي الكيبوردية (أنا لست معارضة ولا أدعي النضال ولكني ضد الحكومة) في الأول مع زوال الحكومة...قبل تصحيح وغربلة المعارضة...فأنا مشكلتي مع الإنقاذ مبدئية...لا للحكم الدكتاتوري لأنة المنبت الخصب للظلم وللمحسوبية وللفساد ولزوال دولة العدل والحرية والرحمة وقد فشلت أينما حلت...لذلك لابد من زوالها....كان بنت كباري ولا البنزين بقا ما بالصف....لايمكن إصلاحها فهي قائمة علي باطل ومن غير أساس....أما مايعرف بالمعارضة فرغم ضعفها وهوانها وخيبتها التي لاينكرها إلا مكابر...إلا إنني متفق مع مبادئها في الديمقراطية وتبادل السلطة...دولة القانون مع حرية الصحافة والتعبير....فالأشخاص زائلون ولكن تبقي الفكرة والرؤي.....هذا خارج البورد....أما هنا فكل معلق من عرقوبة وكل زول بمثل روحة...مافي زول بمثل حزب....والبكضب ويتصعلق ويفجر في الخصومة فدا بمثل روحة...وزي ما في هباني وبشاشا في كمال عباس ود المشرف كلة واحد باسلوبة وكل واحد بمثل روحة....فاذا جلطت تراجي ما يجو الناس توش واللة المعارضة مانافعة وأبشر بطول العمر يا مربع والكلام الحشو دة....زي ما وليد بمثل روحة وبس...أي زول تاني مفروض ينطبق علية الرأي دة....علاء يوسف برا و غريبة برا....لنا المهدي براها ...ود. مصطفي براة...المنبر دة ما حيسقط الإنقاذ...ولا دة الهدف منو....لكن بيعكس واقع وبيينشر وعي ومعرفة حتي للقليل ممن يطلع علية في السودان....لكن أهم من الأعضاء هم القراء
شكرا ياوليد وشكرا ياسناء....أعتقد إننا كلنا متفقين علي سؤ الحكومة...علي خيابة المعارضة ....متفقين علي إنة كل واحد هنا بمثل روحة وحر فيما يعتقد.....متفقين علي إن هذا البورد في النهاية بني آدمين فيهم الكعب والسمح وكل بمثل روحة...في البورد الكضب والتهويل ولكيل بمكيالين...ودة الواقع...وجيد إنة نتصدي لية كأفراد...وننظف هذا المكان كسلوك فردي....فهجو الأقرع مؤيد لهذة الحكومة لكنة يجد مني الإحترام لعفة لسانة وقولة للحق ولو علي نفسة....ولكن لا نحمل المعارضة كفكرة رعونة بعض من يتبناها....
ولكما وللجميع التقدير
Post: #153 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-24-2011, 08:47 AM Parent: #142
عنوان الخيط يا سناء بخلي الباب مقتوح لتفسيرات كتيرة و يجو اصحاب الغرض زي دكتور الهنا (مصطفى محمود) ليصطادوا فيه ... ده ما بهمني كتيرة لكن البهمني انه ليه بدل ما نجي نفتش و نستجدي اراء الناس ليه ما نفتش و نشوف الناس الذكرتيهم ديل و كتار زيهم(من ضمنهم انا) كرهوا المعارضة اكتر من كرههم للنظام؟ ليه ما نعالج الخلل الفي المعارضة ان كانت اسفيرية او واقعية و نعدل حالها المايل قبل ما نطلب من معارضين المعارضة و الحكومة انه يكون معها؟ ليهسياسة يا معانا يا ضدنا و دائما تصنيف الناس الما واقفة مع المعارضة و عندهم راي فيها انه خياراتهم رمادية و بتخدم الحكومة؟ ليه ما يكون عندهم خيار تالت غير معارضة السجم و حكومة الرماد؟ يا سناء من راي المتواضع بدل كل مرة نمسك في مرارة من مرارات الانقاذ و نبكي و نلطم على كل حادثة قتل و تعذيب و اغتصاب و وووو... و المرارات الكتيرة ممكن تموت القلب لانه بتبقى شئ اكثر من عادي ..... مفروض نبداء خطوة صحيةجديدة ننظف المعارضة من ال###### الكتير الفيها, نخلق وعي بدورها (لانه الشعب قرف من كل شئ بما فيه المعارضة), نخلق البديل الافضل ... يعني بكل بساطة نتخلص من هشاشة المعارضة ... و النتيجية بتكون انه الناس بصطف معا ذد الحكومة ...
ما تتخيل يا سناء قرف ناس كتر كان في الداخل او الخارج من المعارضة .. عندك التعبية الحاصلة للخروج لمظاهرات ضد الحكومة .. كم من الشعب طلع؟ اخوي مع ناس قرفنا اتصلت بيه اول يوم في المظاهرات عشان اعرف الواقع .. كان عندي احساس خاطئ انه اليوم دي بداية شرارة ... لمن عرفت انه عامة الناس ما اتجاوبت مع النداء و انه الناس الطلعت كلها منظمة و الناس الفي الشارع ما جابوا خبرهم و في بعض نظرات الاستهجان ... اتاكدت اكتر قرف الناس من المعارضة و قناعتهم بي نظرية انعدام البديل الخلقتها الحكومة في عقول الناس ...
بالمناسبة احساس انك تكون معارض لنقيدين مرير, لانه كل الخيارات المتوفرة سيئة و تكون مجبور تختار افضل السيئين لحين توفر الافضل او تكون في حياد ... و الخيارين ما مريحات
رمانة تحياتي و احترامي ... عارف انه القرف من الوضع بخلي الزول بقول اشياء كتيرة ... و لاني عارف مقدار الاحترام المتبادل اسمحي اقول ليك كلامك عن تحديد العلاقة و الاحترام بناءا على مواقف فكرية و سياسية ما بشبهك ... يا رمانة لو تذكري نقشاتنافي سوادن نت و هنا برضو انا و ابو حمزة النوبي و ودمدني و مهدي و عيون الحرية و غيرهم مع الجمهورين ... دائما كان عندك موقف قوي انه احترامنا للناس ما مفروض يبني على الاختلاف الفكري او السياسي و انه نتواجد و نتناقش في المنبر باحترام ... و ده بخدم الفكرة و صاحبها ... قولك انه اليوم يوم الفرقان ما بشبهك و كلامك عن انه الاحترام مفروض يمشي لناس حقيقة مش وهم فيه تجني كبير على الاخ كمال و الاخ وليد ... مهما اختلفنا يا رمانة مفروض ما نصل لدرجة انه نصف انسان بالوهم لا لشئ لانه فقط ما ادان خبر يحتمل بكون صح و وارد انه يكون خطاء .. انا القدامك ما ادنت اي من الروابط العرضت لاني بكل بساطة ما مستعد ادين شئ بدون اي اثباتات اتحمل وزر الادانة ... و السبب انه المنبر اصبح ما عندة اي مصداقية ... كم من الرابط طلعت فشنك كم من الاخبار طلعت مفبركة و كم من القصص طلعة كذبة كبيرة .... مجرد انه فلان او علان متحفظ من انه يدين حادثة ما مثبته (و لانه مصداقية الناشر الكلام دي صفر كبير)ما اظنه بكون سبب لعدم الاحترام .. و بمناسبة الناشر الهو عبدالمنعم سليمان ما زول صادق .... انا اكتر زول بعرف الزول دي في منبر بكري لكن ما حبيت اذكر اكتر من كدي من اجل اشخاص نحترمهم ....
Quote: شكرا سناء خالد توارد خواطر.. أنا كنت متحمسة أكتب بوست بنفس المعنى بس سؤالي كان بالتحديد موجه لاثنين: الأول وليد الكوز.. وليد من يوم ما رموا ساس هدا المنتدى ما حصل يوم خبا ولا دارا ولاؤ الشديد للبشير والثاني فرانكلي.. وفرانكلي أعرف كتاباته المتزنة من قبل ما يرموا الساس هنا حتى كنت عارفة انه مناصر دينه .. لكن من وقت قريب بس عرفت انه مناصر النظام مهم أعرف رأيهم الاتنين في خطف النساء والتحرش والاغتصاب.. لتقديري المعلوم لشخوصهم وهم عارفين اليوم بالنسبة لي يوم الفرقان.. والتقدير لازم يمشي لناس (حقيقة وليس وهما) بستحقوه ولحد الآن لهم فائق الاحترام
Quote: انا القدامك ما ادنت اي من الروابط العرضت لاني بكل بساطة ما مستعد ادين شئ بدون اي اثباتات اتحمل وزر الادانة ... و السبب انه المنبر اصبح ما عندة اي مصداقية ... كم من الرابط طلعت فشنك كم من الاخبار طلعت مفبركة و كم من القصص طلعة كذبة كبيرة
سلامات ياعمر وعساك طيب...
معليش بس إختلاف بسيط....
إدانة شنو العندها وزر ياعمر....إنت ضد الفعل....ضد الإغتصاب....عبد المنعم ممكن يكون كضب إفتراضا والبورد دة مافيهو مصداقية....لكن لوجات بت بتبكي وقالت إغتصبوني ناس الأمن أقلاها بقول لا حولة ولاقوة إلا باللة....ضد العنف وضد الإغتصاب....لو عاوز تصبر علي إدانة الأمن قول واللة لو ناس الأمن فعلا عملو كدة يضربوهم رصاص....ربت علي ظهر البنية ومسح دمعاتها....وبعدين الإدانة للأفراد أجلها حتي لاتحمل وزرها....لكن ماتقيف بعيد....فان تخطئ في العفو ألف مرة خير من أن تخطئ ظالما ولو مرة...
Post: #145 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Frankly Date: 02-24-2011, 01:10 AM Parent: #95
Quote: لكن شايفاه من فترة جند دينو لخدمة الكيزان
أها جنس الكلام دا أنا بسميه البلادة والسماجة وعدم الموضوعية
غايتو المنبر دا ربنا يكون في عونه إذا كان دا الفهم البيتناولو بيهو المواضيع
يا سناء خالد قشّة ما تعتّر ليك
سلام
Post: #146 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 01:24 AM Parent: #145
Quote: شوف أنا حاولت أضع كلام سناء من منظور متابع في مداخلتي السابقة غايتو هي سفهتني ههههههه...
حاشا لله يا هيثم.. حاشا لله يا أخوي.. بالعكس أنا شاكرة و ممتنة لكل كلمة انت كتبتها هنا لأنها عبرت عني كويس جداً.. لكن في ردود مني جات متقدمة تلافي لردود متداخلين .. ثم بدأت الرد بالترتيب.. هسة خليتني أجي أتلافى إحساس ما حقيقي جاك إنت..
معليش شفت فيديو صفية التاني هسة و ما قادرة أكتب برجع ليك و ليكم كلكم بعدين إن شاء الله
Post: #147 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 01:28 AM Parent: #146
Post: #148 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 01:29 AM Parent: #147
سكوتكم بيجلدنا ألف جلدة لما واحدة تتجلد بيقتلنا ألف مرة.. لما زول يموت.. و بيعيد تمثيل الإغتصاب ألف مرة لما واحدة تغتصب..
Post: #149 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: سارة علي Date: 02-24-2011, 03:27 AM Parent: #148
يا جماعةأقروا بعدين اتناصحوا .. سناء ست البوست طلعت روحها جدادة .. فمعناها هي بقدرة قادر بقت تبع الغاشين والماشين؟؟ غلوتية !!! انا الجبتا سيرة النحل انا قلتا اللستة الفوق دي(وقاصدة العنوان بدون آخرين) خلية نحل ... يا ربي خلية النحل بقت اساءة؟؟بتخيل انها مفهومة يعني الجماعة ديل كانوا هبشوهم ردودهم بتلسع .. مفهومة دي اظن ... ولا الا اكاكي عشان تتفهم؟ اضافة.. ركزوا لي على اضافة دي ..الجماعة ديل علاقة البورد البينا بتخليني احسن الظن في انهم ما حيفهموني غلط.. فبالتالي الوحيدون هم من حقهم يجوا يطلقوا على لفظ (الغاشين والماشين).. انتي يا داليا ما مسموح ليك .. في حدود اتوضعت من فترة لمداخلاتنا.. التزمي بيها بلاي.. وجهتاليك مداخلة..دخلت ليك في بوست حقك ..تعالي ردي طوالي باللفة ..لا.. وانتي قبل كدة طردتي زول من بوستك ..فما تجي تقولي برد عشان دة بورد عام..
كلامي دة حتقرررررريهو ما تعملى انك ما شايفاه ـــــــــــــــــــــــــــ غاشية وماشية ... وبرجع في اوقات الفراغ
Post: #150 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-24-2011, 07:40 AM Parent: #149
هاك يا سنا
افتحي بوست حددي فيه ناس موالين للمعارضة في الجثث بتاعت امهات لا ذنب لهم انتهك شرفهم هنا في هذا المنبر اليوم
Post: #151 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Tabaldina Date: 02-24-2011, 07:46 AM Parent: #149
.. .
Quote: خاتاها ليكم عديل لا تفتيش نوايا و لا تفتيش جيوب.. هبش فيك عصب الغضب الحصل دا؟ هبش و وجع.. و أنا عارفة..لكن ما تكتفي بالإدانة.. و ما تخليها تحسسك بالراحة و تخدر عصبك دا
انتقت مجموعة رمادية اللون _ او كما قال _ وارادت ان تحاسبهم أو قد تثير غضبهم ضد النظام..والانتفاضة للكرامة ووالانسانية والشرف السودانى .._ كما قالت _ فجانبها الصواب .. فاثرت غضبهم عليها.. وفقدت دفه الارتكاز..!!
--------
وكما يقال ( جاءت تكحلها فاعمتها )
Post: #152 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Alfarwq Date: 02-24-2011, 07:54 AM Parent: #149
Quote: سلامات ياعمر وعساك طيب...
معليش بس إختلاف بسيط....
إدانة شنو العندها وزر ياعمر....إنت ضد الفعل....ضد الإغتصاب....عبد المنعم ممكن يكون كضب إفتراضا والبورد دة مافيهو مصداقية....لكن لوجات بت بتبكي وقالت إغتصبوني ناس الأمن أقلاها بقول لا حولة ولاقوة إلا باللة....ضد العنف وضد الإغتصاب....لو عاوز تصبر علي إدانة الأمن قول واللة لو ناس الأمن فعلا عملو كدة يضربوهم رصاص....ربت علي ظهر البنية ومسح دمعاتها....وبعدين الإدانة للأفراد أجلها حتي لاتحمل وزرها....لكن ماتقيف بعيد....فان تخطئ في العفو ألف مرة خير من أن تخطئ ظالما ولو مرة...
تحياتي
و عليكم السلام يا هيثم ... تسلم على السؤال و اتمنى انك تكون بخير ..
يا هيثم العمل قبيح مدان باغلظ الالفاظ و العبارات الاستهجانية ... بل مدان بالفعل و من راي انه من ثبت انه اغتصب رجل و امراة ان يقام عليه حد الحرابة ليكون عزة و عبرة لغيره ... يا هيثم يا اخوي مافي زول سوي و لسع عنده شوية انسانية و احساس بانتماءه لجنس البشر ما بدين الفعل المشين دي و ما بطالب بالقصاص.. و اذا ناس الامن ارتكبوا الجريمة البشعة دي امسك الحكومة من البشير لاصغر زول فيهم مدان و اجرم في حق هذه الاخت و يجب محاسبتهم ... لكن لحدي ما يثبت عندي بما لايدع مجال لللشك انه الاخت اغتصبت فانا اول من يكون في الصف الامامي للدفاع عنها لانها عرضي و شرفي ....
تاكد يا هيثم اني ما واقف بعيد ... الاخت اي نعم ما يعرفها لكنها اولا و اخيرا اختي في الدين اختي في الانسانية اختي في الوطن ... و اي انتهاك لعرضها انتهاك لعرضي و شرفي ..... ما تتخيل يا هيثم كمية الحزن البكتب بيها لمجرد احتمال صحة انه في اخت بغض النظر عن انها سودانية او غير ذلك تم اقتيادها عنوة و انتزاع اشرف ما تملك و امتهان كرامتها ........
كلمة اخيرة ... شايف في فيديو جديد ظاهر في المنبر ... و ما لقيت زمن عشان اتفرجو لكن اتمنى انه دي ما حالة اغتصاب جديدة و اتمنى انه ما الاخت الفي الفيديو الاول دي ... شايف التناقض دي كيف ... عارف ليه لانه صعب انك تشاهد فيديو عن اخت تستنجد و تقول يا ناس هوي يااشباه الرجال اغتصبوني انتو وين ... قمة عدم المرواة و عدم الرجولة انه نستنى لحدي اخت تظهر امام الملاء و تتكلم عن انها فقدت شرف وطن بحاله بغير رضائها و الرجال واقفين يتفرجوا .... يا الله يا هيثم يكفي يكفي .. حالة محبطة حالة افضل منها عدمنا... الله يجازي الكان السبب.
Post: #154 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 10:11 AM Parent: #152
Quote: سناء سلام
بكل أمانة الواحد ليهو في البورد دا اكتر من 5 سنة لكن الشباب الذكرتيهم ديل ما شفنا منهم إلا الخير رغم اختلافنا معهم في الافكار السياسية رجال بمعنى الكلمة ولا ادافع عنهم بأي صفة غير ان رأيهم دائماً يعبر عن رأيي ومداخلة تمبس التحت دي هي فعلاً مربط الفرس لأنو فعلاً في ناس هنا البورد دا قاعدة تضرب البنات والنساء هنا لدرجة أن أحدهم في مرة من المرات كتب اسوأ كلام كلام في حق ميادة ونعتها بصفة غير سليمة ولكن انتن لا تتداخلن في مثل هذا الكلام ولا تشجبنه ويكفي ما كتبته تراجي كما قال تمبس عن ان ثلاثة ارباع السودانيات يأكلن من بيع أجسادهن - ياخي يا سناء السودان اصبح شيء ثاني.
اما بالنسبة لموضوع الفيديو تأكدي أن هذا لو كان سليماً وصحيحاً (ولا شك عندي فيه) تأكدي أن الله لن ينام حتى يأخذ لها حقها من عمر البشير شخصياً في نفسه وفي كل من يقف وراء هذه الحكومة ويدافع عنها لأن حكومة لا تحمي نسائها فخير لها براميل الزيالة برئيسها ووزارئها ورؤساء ادارات امنها وبجيشها نفسه.
والله جبار على كل من يرى في نفسه الجبروت
الصادق
الأخ الصادق.. سلام..
حديثيي لك و للأخوة المذكورين و لكل من فيه عصب نخوة سودانية
معظم ما جاء في مداخلتك رديت عليه من قبل و حتى جزئية انكم ما بتلقونا في سند المجني عليهن بقول أو فعل (اتهام غير صحيح، أنفيه عن نفسي و أثبتوا ليك بالأدلة لو أحببت في مقام آخر) و حتى إن كان.. ذنبهم شنو البتتفرجو عليهم ما بيفتح الله عليكم بأكتر من إدانة باهتة (و مشككة أحياناً) ثم تعودوا إلى مناصرة ذات النظام.. أو تأييده بتخذيل المعارضة و تتبع عوراتها و ستر عورات النظام، الذي بالتأكيد لم يتوقف عن ممارساته لأنكم سجلتم (صوت إدانة) في ساعة ما!
و ربنا الذي لا تغفل عينه و لا تنام قادر ينفخ فيها بريح يهلكم و يهلكنا على سكاتنا عليهم.. لأن الله لا يغير ما بقوم حتى يغيروا ما بأنفسهم.. فرجاء و محبة في الله و مخافة له ، لا تكونوا كمن قالوا "فاذهب أنت وربك فقاتلا إنا هاهنا قاعدون" و أعوذ بكم أن تكونوا مثلهم و لكن لا تتقاعسوا.. و لا تخذلوا من يهبون لرفع الظلم و الهوان..
Post: #155 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: saadeldin abdelrahman Date: 02-24-2011, 10:28 AM Parent: #154
هذه مداخلة كتبتها بالأمس و لم أرسلها بسبب عطل في النت عندي
سناء كنت ولا زلت متفاعلا مع التظاهر السلمي لإسقاط هذا النظام و في الحملة الأخيرة كنت متحمسا جدا بتأثير التغييرات الحصلت في المنطقة ممن كنا نعتبرهم (حلب و جبناء ساي) من إخوتنا التوانسة و المصريين رغم الاتهامات الكثيرة بمعارضة المنافي المخملية و بتاعين الكنتاكي و متظاهري الفيسبوك و كل التسميم لأي معنى يمت بالكرامة و الوطنية بصلة.. ورد خبر إستشهاد أحد المتظاهرين هنا و لم أملك الا التحوقل و الترحم على روحه و القلب بين مهابة و رجاء,, وضع ذهني و نفسي سخيف بعد أن تضاربت المعلومات حول "الشهيد" المفترض..فمن قائل أنه من الأهلية و آخر بأنه من الإسلامية حتى ظهر المشككون و قالوا ما كان يدور في خلد الكثيرين و أنا منهم, لم يمنعني وقتها الا عدم التخذيل لمن خرج هناك في الشارع.. وجد الكثيرون أنفسهم في مطب أخلاقي إنساني مرير بين الخوف من أن يكون الخبر مفبركا و التمني أن يكون هناك شهيد أي روح بني آدم له أسرة و حيوات كانت لابد أن تنتهي لأن خيال المتابع و القارئ للخبر على سودانيزاونلاين تمت برمجته -قطيعيا- كي يرفض أي معلومة مناقضة للخبر. فإذا سلمنا أن جهاز الأمن الشيطاني هو من أطلق بالونة هذا الخبر لتسقط في يد المعارضة ثم نشن سهمه عليها فلم تجدها المعارضة الا هراء و سقوط أخلاقي كبير! أليس من حق البعض هنا أن يتريث بعد كل هذا؟؟ حتى لا ينفذ أجندة أمنية على الأقل؟ ثم كيف نقبل ممارسة كهذه أيا كان مصدرها بيننا هنا و نحن نحسب أنفسنا مثقفين؟؟ ها قد ظهر المشككون مرة أخرى في الخبر مثار الجدل فما موقفك و موقفنا جميعا؟
--------- الخبر في البلاغة يقبل الصحة و الكذب
هذا مع العلم بأنني أدنت خبر هذا الحدث أول إطلاعي عليه هنا.
Post: #156 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-24-2011, 10:35 AM Parent: #155
Quote: و حتى إن كان.. ذنبهم شنو البتتفرجو عليهم ما بيفتح الله عليكم بأكتر من إدانة باهتة (و مشككة أحياناً) ثم تعودوا إلى مناصرة ذات النظام.. أو تأييده بتخذيل المعارضة و تتبع عوراتها و ستر عورات النظام، الذي بالتأكيد لم يتوقف عن ممارساته لأنكم سجلتم (صوت إدانة) في ساعة ما!
يبدو يا ناذر انو كلامك صاح
ساسمع لنصيحتك منو وجاي وانصح الاصدقاء بفعل المثل
الزولة دي مطرطشة
Post: #157 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 10:54 AM Parent: #156
Quote: والغضبة الإنتي بتفتشي عليها دي تأكدي إنها موجودة عندنا كلنا يا سناء .. وحاسين بالألم والعجز وحتى بإحتقار الذات .. لأننا ما قادرين نعمل حاجة فعلية لتخفيف معاناة أهلنا وبناتنا ونساءنا في السودان .. وحمايتهم من الوحوش دي ..
وبالرغم من إنه اتكتب علينا نعيش برة السودان .. إلاَّ أني بعتقد إنه كل المغتربين مستعدين وجاهزين لترجمة غضبتهم دي في شكل مساهمات مع بورداب الداخل لتعيين مكتب قانوني داخل أو خارج السودان للدفاع بإسمنا عن كل رجال ونساء السودان البيتعرضوا للإنتهاكات دي .. وده في إعتقادي شئ عملي وممكن يجيب نتيجة بقليل من التنظيم مع القانونين في المنبر .. (مجرد رأي) ..
لا وألف لا لإضطهاد وإذلال أيِّ إنسان لأيِّ سببٍ كان ..
لا وألف لا لقهر وإذلال النساء بصفةٍ خاصة ..
وأردد مع ود الصايم: اللهم لا نسألك رد القضاء .. ولكن نسألك اللطف فيه ..
الأخ عبدالله كسلا.. اسمك ما ورد.. صفتك وردت.. سوداني و أخو أخوان و أخو بنات.. و أبو مروة..
عرضت حلول لسة راجين أكتر.. راجين غضب يتترجم لغضب.. ما ينطفي و لا يبرد لحدي ما تمشي في بلدك تتنفس كرامة..
ما كتيرة عليك.. ما كتيرة علينا
Post: #159 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 01:43 PM Parent: #157
Quote: الغريبة يا الشباب المختارين انا ما زعلان من اختيار سناء خالد وما مستغربه ولا مستغرب السؤال ولا البوست , عادي الموقف لو كان مقلوب اي واحد فينا كان ممكن يفتح البوست دا ويسأل نفس الاسئلة دي , والله يا شباب الحق احق بان يتبع , لي فترة بفكر في نفس الموضوع دا , دائما بقول ياخ الواحد اول من يشوف مواضيع اخبار اخونا في المعارضة في المنبر دا بيجي داخل البوست بذهنية واضحة جدا وهي ايجاد الثغرات للنفاذ منها وتمييع المواضيع والنيل منها وفي ذهني انه المواضيع دي اتكتبت من اجل الكسب السياسي . ودي حقيقة واضحة جدا انه معظم المواضيع المكتوبة في سودانيز اون لاين مكتوبة من اجل الكسب السياسي , لكن الوصلت ليهو مؤخرا انه دا ما بيمنع ابدا انه في مظالم حقيقية وتعديات بنغفلها في خضم الصراع السياسي وتروح في الركب , اها دا الكلام البحاسب عليهو نفسي حقيقة في انه وسط المعارك السياسية والجدال الواحد فينا بساهم ولو بالكلام السلبي في تميع وتضيع حقوق ناس ومظالمهم والتشويش عليها , ودي المشكلة انه الواحد مسائل من اي كلمة كتبها هنا في يوم لا ينفع فيهو المعارض او الموالي الا صحيفتك , انا الانقاذ بالنسبة لي ليست الحكم المثالي او الحكومة المثالية في نظري وبالمقابل ساسعى ما استطعت لعدم وصول المعارضة بشكلها الحالي الي الكرسي لانه بالنسبة لي ليسوا افضل من الحكومة بل اراهم اسوأ ولكن التغيرات في المنطقة ورتنا انه البديل مفروض نكون انحنا اي الشعب وبالنسبة لي وبصورة واضحة حتي الان الشعب لم يخلق قيادات يقدمها بديلا للانقاذ لكن في نفس الوقت الكلام دا ما بخلينا نسكت ونواري سؤات الحكومة ونطبل لها وسط انجرارنا في معارضة المعارضة والفيصل في كل الاحوال الحق وتغليب الضمير ايا كان الحق وفي اي جانب .
شكراً أساسي إنك ما رجعت ماعون العشم فاضي..
شكراً لنقد الذات و لأنك عاينت في المرايا و عدلت هندامك و توب الوعي الدايرنو وااااسع يغطينا معاك..
شكراً لأنك أخرجت الفارس البتنتظرو منك أي أخت و أي مهيرة سودانية..
رجاء .. رجاء بصوت بنات ما قادرين يصلوك و يوصلوا ليك أصواتهم
مصدقك ياعمر....أشكرك علي ردك الواضح وموقفك الرجولي المتوقع منك....
وزي ماقلت اللة يجازي اللكان السبب
كن بخير
Post: #160 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 02:11 PM Parent: #158
Quote: النصيحة : بوست غير موفق يا سناء يا صديقة للامانة انا دا قريت لاغلب المذكورين اعلاه اراء قبل ما ربنا يفتح علي بكلمة واااااحدة في الموضوع دا .. و طلعت خجولة جداً ليه ما رسلت لي استدعاء معاهم .. نحن المقصرين ديل اولى ... و لّ شنو!؟
قيقراوي ..
انت يا صديق و لا انتو!!.. انتو تقصيركم قاصم ظهرنا و مطلع عين البلد ألف مرة..
انتو العيب و الغلط.. و حماد الكايل خشمو الرماد و مكيل خشوم البلد مر و مرار!
حار الكلام؟
حار الصبر الطول ما جاه فرج..
حار الفعل و محروق قلب المفعول به!
أطلعو يا قيقراوي..أطلعو طلعت روح القسم البلد و هتك العرض و كتل الولد!
أطلعو و خلصوا أرواحنا البلغت الحلقوم و كفانا و الله و كفاكم لعب
Post: #161 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 02:18 PM Parent: #160
يا مهاجر.. شكراً على وضع الجمرة هنا.. وصية من واحدة من أخواتك.. خليك شايلها و أنفخ فيها ما تموت..
بنات بلدكم محتاجينكم تحسو بحرقتها جوووووة و ما تطفوها .. تختوها في قلب الولعها عشان ما يولع فيكم واحدة تانية
Post: #162 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 02:23 PM Parent: #161
Quote: الاخت سناء اصبحنا ندير الخد تلو الخد للصفعة وأحساس بالمذلة والمهانة يغطينا من الراس للقدم وبكل حيلة العاجز عن الفعل ندعو الله أن يقتص لها عاجلاً غير آجل وأن يفضحهم على ملأ من خلقه الواحد يتلفت وهو بيكتب خجلاً من أن يكون هذا كل ما يقدر عليه إحساس بالعيب والضعف وقلة الحيلة
لا حول ولا قوة إلا بالله
الأخ أسامة الكاشف.. و الله الحيلة ما قليلة، بس عايزة الإرادة تسندها.. و وقودها هدا مولع فينا تاني دايرين شنو؟
يا أسامة إن الله لا يغير ما بقوم حتى يغيروا ما بأنفسهم..
و من رحمتو ما بنقنط
Post: #163 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 02:32 PM Parent: #162
Quote: امكن لا يحق لي أو لغير الأخت سناء توضيح مقاصدها من البوست أكثر مما ذكرته هي لحد الآن لكن أنا حسيت بأنها عبرت عن نفس رغبتي بخصوص معرفة الرأي الواضح الصريح للبعض ..مش من باب الاستجواب أو إملاء المواقف أوتوزيع صكوك الغفران أو الادانات..بل من باب العشم والأمل أنه المحددين بالاسم وبستاهلوا التقدير ديل، رغم اختلاف الرؤى بين السائل والمسئول، عندهم موقف محدد تجاه الأحداث المذكورة يختلف عن موقف النظام البأيدوه ومن يمثل هذا النظام.. رأي يطمئن السائل والقاريء انهم مش في حالة انسياق أعمى وراء الولاءات السياسية بل في اتساق تام مع الحق أو امكن زي لما قال الخليل لربه لما سأله ربنا " أولم تؤمن قال بلى ولكن ليطمئن قلبي".. دي مش محكمة أخلاق ولا محاكمة خصوم.. لكن فرصة لتوضيح مواقف ..ليس هناك غرض أو مصلحة في محاسبة أحد أو ادانته لكن الغرض هو توضيح رؤية للحاصل اليوم اللي عايز يؤيد النظام هو حر واللي عايز يكون في صف المعارضة هو حر واللي لسه من الاعراف كمان هو حر.. كلها خيارات لكن العاجبه البحصل للنساء في السودان ولسه مصر يلبس نظارة سوداء أو يدير وجهه للجانب الآخر لان السيء الحاصل بيحصل لامرأة من المعارضة أو لانه العرض البينتهك عرض شخص آخر... يبقى باختصار انسان ما بستحق لا تقدير ولا احترام أنا عن نفسي ما حيجي اليوم الاطارد فيه الناس في الاسافير عشان اختلفت معاهم في رأي زي ما بحصل في البورد من البعض لاني حأفضل أتفق معاهم لما رأيهم يوافق رأيي وأختلف معاهم لما يختلف وبالنهاية بقول لو ما كان رأي (المسئولين) مهم بالنسبة للاخت سناء أنا متأكدة انها ما كانت حتعمل بوست وتسأل بالاسم
شكراً يا رمانة كلماتك عبرت عني في جزء كتير ..لكن أنا دايرة منهم أكتر من الرأي.. رأيهم المبدئي في القضية دي عارفاهو.. دايرة رايهم في البعدها و في المترتب عليه..دايرة فعل في مصلحة التغيير.. مطالباهم بفعل في مصلحة التغيير.. و لو واحد فيهم قال ما عندي حق في المطالبة دي يبقى أنا دقيت الباب الغلط و أديت العشم لغير أهله!
Post: #164 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 02:38 PM Parent: #163
Quote: أكاد اشعر أن الرجال تحيض وبعضهم يصر ويبحث عن النوع الجيد من ( المودس )
_________ ماحدث لايستقيم الا بالدم
أنا أحيض..!!
و لا أرى أن هذا يجعلني أقل من الرجال في شيء!
ليه كدا يا زوربا؟!
Post: #165 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-24-2011, 02:49 PM Parent: #164
Quote: سلام يا دوك ... once إنو ذكرتي أسماء ناس فدي شخصنة القضايا البتؤدي لافراغ القضايا من مضامينها .
يا خالنا و خال صفية.. وجهة نظر مقدرة .. لكن لما تكون عندك حاجة عند زول بعينه.. بتمش ليهو بالباب عديل و الا بتقيف تقول أيها القوم في نص الفريق، يمكن يعرفك دايرو.. يمكن ما يعرفك ..يمكن يطلعوا ليك ناس ما بيلزموك!
الرسول عليه أفضل الصلاة و السلام سماهم عديل و قال اللهم أعز الإسلام بأحد العمرين..
و أنا جيت و اتمنيت رينا يعز النضال بأحد هؤلاء..
مديت ماعون العشم لكل زول بإسمو.. البيملاه كتر خيرو..
و البيرجعو فاضي و الا يكيلوا لي تراب.. عند الله الأخير منو..
Post: #166 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-25-2011, 01:04 AM Parent: #165
Quote: يا أسامة إن الله لا يغير ما بقوم حتى يغيروا ما بأنفسهم..
دي النجيضة في البوست دا يا سناء!! يبقى ما تنسفي قصتكـ من الأساس واتمسّكي بالموضوع دا! النظام الحالي لا يعبّر عني ولم أقف معه في يوم من الأيام والمعارضة أيضا بوضعها الحالي لا تعبّر عني ولا هي مطمح بالنسبة لي!! المعارضة وبما إنها ساعية للتغير يبقى مفروض أول حاجة تعمل الكلام دا وتشوف بعد داكـ الناس ح تاخد ياتو خيار!
_ خدر .. الكوت دا ماشي عليكـ يا فنان .. اتحزّم ليهو!
Post: #167 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: عبد المنعم ابراهيم الحاج Date: 02-25-2011, 05:06 AM Parent: #166
Quote: هناك شهيد أي روح بني آدم له أسرة و حيوات كانت لابد أن تنتهي لأن خيال المتابع و القارئ للخبر على سودانيزاونلاين تمت برمجته -قطيعيا- كي يرفض أي معلومة مناقضة للخبر. فإذا سلمنا أن جهاز الأمن الشيطاني هو من أطلق بالونة هذا الخبر لتسقط في يد المعارضة ثم نشن سهمه عليها فلم تجدها المعارضة الا هراء و سقوط أخلاقي كبير! أليس من حق البعض هنا أن يتريث بعد كل هذا؟؟ حتى لا ينفذ أجندة أمنية على الأقل؟ ثم كيف نقبل ممارسة كهذه أيا كان مصدرها بيننا هنا و نحن نحسب أنفسنا مثقفين؟؟ ها قد ظهر المشككون مرة أخرى في الخبر مثار الجدل فما موقفك و موقفنا جميعا؟
--------- الخبر في البلاغة يقبل الصحة و الكذب
سعد الدين سلامات عليك الله دا شنو الكلام المجوبك دا؟ أي والله دا إعلان هزيمة منك لصالح مايريدونه أتباع النظام وأعوانه يعني شنو تدين الخبر وتترك الفعل !!؟ أي والله لو كل يوم يطلع خبر مفبرك عن النظام دا وفيه نسبة عشرة بالمائة من المنطق بس أدينه في كل يوم في السر والعلن لأنو أي حالة إغتصاب أو قتل أو إعتقال تحدث اليوم أو غذا هي حالة في نطاق الكم وليس في نطاق النوع . طبعا دا لو إنت مقتنع أن هذا النظام يقتل وأن هذا النظام يغتصب ..وأن هذا النظام يعتقل ويسرق ويكذب ويفعل كل الموبقات .. والكلام دا أقصدك فيه تحديدا يا سعد الدين وأشمل فيه معظم الذين في اللستة أعلاه وأستثني وليد محمد المبارك لأنه إنتهازي من الدرجة الأولي وهو شخص قبتت الأيام أنه يسترزق من كل الذي يحدث هنا من تكون رأي . أي والله يسترزق من حصاد نضال المعارضة الكيبوردية .. بل طارح نفسه كمرشح وسناتور يعني زول المفترض يكون عندو برنامج ومواقف من أي حدث أو ظاهرة تبدر من هذا النظام ويقدم وجهة نظره حولها والعمل على تقديم حلول . لا اثق في أي كلمة أو موقف له لأنه تحديدا حدث ذلك معي في نقاش سابق عن طرد عناصر الأمن من سودانيز أو تجميد عضويتهم في ظروف الثورة وتضامنا مع المعتقلين والمعتقلات حتى تعرف هذه العناصر معني الديمقراطية والحرية وكان هذا رأي لكنه لم يستحمل كل ذلك وطلب من بكري قص البوست أو قام بنفسه ، حقيقة ليس غاضب من فعلته بقدر ما أثبت لي عدم أصالته في مواقفه وعدم مبدئيته من الأساس . أما ملاسي فلا عشم فيه ولا رجاء وأعتقد وضعه مع هؤلاء القائمة شرف لا يستحقه.
الأستاذة سناء لك التحية دخلت هذا البوست للمرة الثانية ولم أ حييك فعذرا. فيا وليد عايز تسترزق إسترزق من حقك ولكن لا تزايد على الشرفاء وعلى المعارضة فأنت الأسوأ.
Post: #168 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-25-2011, 02:55 PM Parent: #167
Quote: السلام علي الكل...وربنا دايما يهدي النفوس....أسمحي لي أخت سناء أن ألخص ماقرأت من السطور ومابين السطور....فبعض الأحيان تكون الرؤيا واضحة من علي البعد.....
a. الأخت سناء قصدها هنا مناشدة الأخوة المزكورين للوقوف بوضوح مع خيار تغيير النظام...لأن الظلم والإجرام بلغ الحلقوم....هي تعشم أن في لحظة غضب كهذة سيتحول موقفهم من ضد المعارضة إلي ضد الحكومة...ويسعو معها لزوالها كل بطريقتة لحماية هذا الشعب من جرمهم وظلمهم..... b. إختيار هؤلاء الإخوة لم يأت من أجل تصنيفهم أو لإحرجهم باعتبار أنهم كيزان....فلولا العشم بأن ينصرها اللة بهم ضد الحكومة لنادت بدر الدين إسحق ومحمد حامد جمعة ود الباوقة وهم عديل مؤيدين للحكومة...فالقصة ما قصة إدانة وشجب ودعاء....لاشك أنة الجميع حيدين ويرفض....لكن عشم سناء وكتيرين مرو هنا إنة بنادقكم توجة ضد بقاء الإنقاذ ومع رحيل الحكومة لأن بقاءها يعني مزيد من الإغتصاب....ليس هذا بالضرورة يعني تأيدكم لما يعرف بالمعارضة....ولكن الوقوف ضد الحكومة وتبني خط معارض...
c. هذا البوست خصيصا الإخوة أعلاة....فالبوست لم يفقد مصداقيتة ولا بريقة لأنة أساسا لا يناقش قضية الفتاة المغتصبة....ولكن يناشد المزكورين للإنضمام صراحة ضد الحكومة....إبقي زكر الأسماء ماهو شخصنة للموضوع بل هو الموضوع زاتو....زي عشم الرسول لمن دعا باللهم أعز الإسلام بأحد العمرين.....
d. الإخوة أعلاة يعترضون علي الكثير من أعمال الحكومة....ولكنهم لا ينادون صراحة بضرورة إزالتها وتبديلها بحكم عادل رشيد....هذا الموقف يفسرة الكثيرين هنا علي إنة موقف ضبابي خاصة عندما تهاجم أقلامهم بإستمرار بعض المعارضين هنا وبعنف....ويأتي مؤيدي الإنقاذ فرحين بجانبهم يؤيدوهم بمدأ عدو عدوي صديقي....حاولت سناء إستفزاز غضبهم لينفضو عنهم غبار خلافاتهم مع بعض أدعياء المعارضة والتركيز أكثر علي سؤ الحكومة....فكما هناك تراجي و بشاشا وهباني ومصطفي محمود....هناك خدر وخضر والمشرف وطيفور....فوجود الإخوة في خندق مهاجمة المعارضة بإستمرار يجعلهم وكأنما في خندق الحكومة...خاصة في غياب الدعوة الواضحة لإزالتها.....
e. ماحدث هنا حدث من قبل ....وسيحدث مستقبل...اإذا لم يتفق محبي العدالة والحرية والخير علي ضرورة زوال هذا الوحش الجاسم علي صدرنا....
الأخت سناء تقول أن هناك رأي عام وهو الموقف المبدأي ضد الظلم...وهو في نظرها يعني ضد الإنقاذ لأنها تغض النظر عن ظلم عسعسها....فالكثيرين قتلو وعزبو ولم ينال أي منهم جزاءة ولو مرة واحدة...فهي تري إن كنت ضد الظلم و الجرم فمن البديهي أن تكون ضد الإنقاذ...وليس ضد المعارضة...فهي وإن خابت وضعفت لم تقتل وتغتصب....
أريد أن أحي الأخ أساسي علي صدقة مع نفسة ....وفقك اللة لنصرة الحق....
شكراً شديد و الله يا هيثم.. لأنك قدرت تقول (بلسان رجل) ما رغبت في قوله.. و بدقة شديدة.. زوجي بيقول إني في أحيان كتيرة بكتب بعاطفية! بقوم أقعد ليهو الكلام بنقاط زي دي و أقول ليهو هسة الكلام دا ما منطقي.. بيقول لي هو منطقي أنا ما قلت ما منطقي.. لكن انت بتكتبيهو بعاطفية.. في الآخر بسلم بقول ليهو حتكون دي الحاجة الطبيعية بالنسبة لي كامرأة.. أنا بكتب بلساني ما بلسان الرجل.. و ما بكتب في وثيقة أو ورقة علمية أقدر أجردها من عواطفي!
شكراً تاني
Post: #169 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-25-2011, 03:08 PM Parent: #168
Quote: يا دكتورة لسة بتقول لي بهتان المواقف السابقة , اقول ليك حاجة اها انا مواقفي دي شايفة ليك واضحة و الكونتراست عالي لمن بالليل ومن بعيد ممكن تفرزيها بسهولة شديدة المشكلة اسمحي لي في شوفك انتي و المرشح الضوئي اللابساه وبصنف اي شي حكومة Vs معارضة انا لمن اقيف على كذبة في الاسفير هنا ما بعاين اتجاه الجات منو شنو و شايت وين يكفيني انها كذبة ومش كذبة عادية لا تخيلي اي زول بشكك او ح يشكك في فيديو الفتاة الضحية الأخيرة ح يرجع ليها ويقول ديل ليّسوا لسعاد كلام ما قالتوا ولما نفت غالطوها في رقبتها لمن حيّروها و بقت تكوس للبنفي ليها بعدين يا دكتورة ردي ليك ما غضبت لنفسي ولا حاجة , لو غضبت كنت اتجاهلتك ببساطة نفس التقدير الخلاك تكتبي اسمي في العنوان فرض علي اجيك واقول رايي
سلام يا باشمهندس.. أنا و الله بشكرك على انو جابك للكتابة التقدير ما الغضب.. سعيدة انو في زول واحد على الأقل قابل التقدير بتقدير زيو حتى لو ما عجبو كلامي..
اتقال كلام كتير عن وضوح المواقف من عدمه.. و أفتكر الكلام الكتير الاتقال في الحتة دي بيعكس ليك انو الرأي دا ممكن يكون رأي ناس كتيرين جداً غيري، و انت نفسك حاسي بيهو رغم انو اسمك انطرح بصورة مباشرة في البوست دا بس.. اليوم ثبت ليك ليس فقط كذب أنصار النظام في البورد بل إلى أي حد بلغ سوء الأجهزة الرسمية
بالنسبة لي حأكون سعيدة جداً لو أتاح ليك الحاصل دا مجال رؤية أفضل لما آل إليه حالنا و خلى عندك دافع أكبر لاتخاذ موقف يساعد نطلع من الإحنا فيهو..
Post: #171 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-26-2011, 02:18 PM Parent: #169
Quote: الأخت الكريمة سناء تحياتي و سلامي أثق تماما في حسن نيتك و صدق مودتك بالذات للإخوة الذين من شدة عشمك فيهم خصصتي لهم البوست. لكن اسمحي لي بأن أقول لك إن هذا التخصيس قد يكون جانبه التوفيق. كما تعلمين أختي العزيزة أن الكلام قد يكون سليما و مقبولا في مقام و هو نفسه قد يصبح عرضة للتأويل و سوء الفهم في مقام آخر. و لا يخفى عليك سيوف الاتهام و الألقاب و الاحتقانات في هذا البورد. يعني سؤالك الذي قد يكون معناه رأيكم شنو يا إخواني الأعزاء فلان و فلان و ماذا نفعل في مثل هذه الجرائم؟ قد يفسره آخرون أها يا فلان و فلان الليلة حتقولوا شنو ياهو دي الجريمة واضحة قدامكم؟ طبعا ما أظن إني محتاج أقول إنه أنا واثق إنه دا ما كان قصدك. المشكلة يا سناء الكلمات تجرح و معظم الناس دي اتجرحت كتير و كتير جدا قبل كدا فصعب جدا إنه الواحد يلومهم لو بقوا حساسين تجاه أي كلمة توجه ليهم... يعني هسع كلمة زي كلمة خدر دي قالها بكل حسن نية و عفوية و متأكد جدا إنه ما حيكون قاصدها لكنها كلمة جارحة جدا في تقديري (لانو مواقفكم دائما رمادية) طيب ياخي زول مواقفه دايما رمادية لاحظ يا خدر لدايما دي طيب دا تاني لايمنه على شنو و عشمانين منه شنو؟ في تقديري أن الأخت سناء لم تقصد ما قد يفهمه البعض و لكن أعتقد أيضا أنه لم يكن من المناسب مخاطبة أشخاص بعينهم لأن هذا قد يزكي الظن بأن مواقفهم تحتاج للمساءلة.
الأخ العوض تحياتي..
زي ما قلت للأخ أمين.. وجهة نظر مقدرة.. و بشكرك عليها
بأتمنى البوست يثير حاجة أعمق من الحساسية.. الحساسية مرات بتجي للناس من الإسم المجاور للبوست غض النظر عن محتواه و حتى لو ما اشتمل على أسماء، (و دا عن تجربة).. يثير و لو تساؤل أو رغبة في الوقفة مع النفس..
يا العوض يا خوي.. و برضك انت ما تزعل مني.. الكلام دا ليكم كلكم.. و زي ما قلت لخالد قبيل.. و الكلام بقى مكرر لكن لا بأس.. لكل سوداني جواه خال فاطنة..
شكراً يا أخي على الثقة و جميل النصح ..
Post: #172 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-26-2011, 02:45 PM Parent: #171
Quote: سناء يا صديقة.... الليلة اقتنعت تماماً انك "ابو الدقيق"... طبعا من حقك تفتحي بوست بأي عنوان .. ونية البوست ما بتوضح الا من خلال مداخلاتك وشرحك... لكن...ما دام حددتي أشخاص بالاسم فبالتالي مطالبة بأنك تتحملي ردود افعالهم ... هسه اللستة دي ما بالغتي فيها؟؟؟ دي لستة زيها وزي خلية النحل...
يا حبيبة ما تخافي علي.. أي إساءة هنا و الله ما ضايقتني احتسبت أجرها عند الله.. و ما وقفت فيها و لا لحظة.. يمكن عايزة أفوت الفرصة لجري لخلافات جانبية تطلعني من موضوع البوست.. يمكن عشان حاسة بوجع أكبر اسمو صفية و وجع أكبر من صفية اسمو السودان! أي إساءة أو تجريح ممكن أتعرض ليهو ما بيجي نقطة في بحر الاتعرضت ليهو صفية أو أي بت رفعت صوتها عالي في السودان .. عشان الحاجات تبقى كويسة..
كوني بخير..
Post: #173 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-26-2011, 02:58 PM Parent: #172
Quote: بالاضافة الى المحاسبة المغلفة بالعشم..
تبلدينا!!.. من دون كل الأسماء الذكرتها في البوست.. انت أكتر زول عارف انو كلامي في البورد و برة البورد واحد و انت أكتر واحد عارف اني زولة واضحة و بقول كلامي عديل ما بغلفه.. و أفتكر أكبر دليل وضعي للقاصدة أتحدث معاهم بالاسم!
Quote: سعد الدين سلامات عليك الله دا شنو الكلام المجوبك دا؟ أي والله دا إعلان هزيمة منك لصالح مايريدونه أتباع النظام وأعوانه يعني شنو تدين الخبر وتترك الفعل !!؟ أي والله لو كل يوم يطلع خبر مفبرك عن النظام دا وفيه نسبة عشرة بالمائة من المنطق بس أدينه في كل يوم في السر والعلن لأنو أي حالة إغتصاب أو قتل أو إعتقال تحدث اليوم أو غذا هي حالة في نطاق الكم وليس في نطاق النوع . طبعا دا لو إنت مقتنع أن هذا النظام يقتل وأن هذا النظام يغتصب ..وأن هذا النظام يعتقل ويسرق ويكذب ويفعل كل الموبقات .. والكلام دا أقصدك فيه تحديدا يا سعد الدين وأشمل فيه معظم الذين في اللستة أعلاه وأستثني وليد محمد المبارك لأنه إنتهازي من الدرجة الأولي وهو شخص قبتت الأيام أنه يسترزق من كل الذي يحدث هنا من تكون رأي . أي والله يسترزق من حصاد نضال المعارضة الكيبوردية .. بل طارح نفسه كمرشح وسناتور يعني زول المفترض يكون عندو برنامج ومواقف من أي حدث أو ظاهرة تبدر من هذا النظام ويقدم وجهة نظره حولها والعمل على تقديم حلول . لا اثق في أي كلمة أو موقف له لأنه تحديدا حدث ذلك معي في نقاش سابق عن طرد عناصر الأمن من سودانيز أو تجميد عضويتهم في ظروف الثورة وتضامنا مع المعتقلين والمعتقلات حتى تعرف هذه العناصر معني الديمقراطية والحرية وكان هذا رأي لكنه لم يستحمل كل ذلك وطلب من بكري قص البوست أو قام بنفسه ، حقيقة ليس غاضب من فعلته بقدر ما أثبت لي عدم أصالته في مواقفه وعدم مبدئيته من الأساس . أما ملاسي فلا عشم فيه ولا رجاء وأعتقد وضعه مع هؤلاء القائمة شرف لا يستحقه.
الأستاذة سناء لك التحية دخلت هذا البوست للمرة الثانية ولم أ حييك فعذرا. فيا وليد عايز تسترزق إسترزق من حقك ولكن لا تزايد على الشرفاء وعلى المعارضة فأنت الأسوأ.
يا منعم سلام مداخلتي تلك لم أرسلها مباشرة بسبب إنقطاع النت عندي وقتها تقرأ على ضوء الفيديو الأول و أدنت الجريمة غير المثبتة وقتها. حيث كانت مداخلتي موجهة ردا للأخت سناء على مداخلتها. *ارسلت مداخلتي بعد مشاهدتي للفيديو الثاني و كتابتي للبوست : لم يغتصبوها فقط!! الذي ارفقت رابطه لأوضح لأختي سناء كيف تحركت من مقام المدين للجرم و المتريث في إنتظار المزيد من الإثبات بسبب تجارب سابقة الى مقام المؤمن و المقتنع بقضية صفية. فالمواقف قناعات و مبادئ لا تنتزع. و لأؤكد خطأ فكرة مخاطبة أسماء بعينها الذي لازلت اراه مع سلامة القصد- تعقيد لا طائل من وراءه- و تشتيت لجهود كان يمكن أن تنطلق ذاتيا. *لا أتفق معك بخصوص أخي وليد الذي أراه من قلائل الشباب الناضجين هنا و اتمنى أن أراه دائما دون تجاوز أو مهاترة و أتضامن معه في ما يتعرض له من إتهامات لا أساس لها من الصحة. * لا زلت محبطا من إشاعة الشهيد في المظاهرة الأخيرة و أدعو للتريث مع ظهور أي خبر جديد. تحياتي
Post: #175 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Ahmed Alrayah Date: 02-26-2011, 04:29 PM Parent: #174
نفهم من كده إنو تمبس و ود الصايم و ود البشرى و وليد المبارك ممكن يكونو موافقين على الاغتصاب كسلاح لإرهاب معارضي الحكومة؟!!
بالغتي يا أختنا.
Post: #177 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: محمد عبد الماجد الصايم Date: 02-26-2011, 05:42 PM Parent: #175
حدّ يرد على أحمد الريح دا!!
_ وين مختفي يا عمكـ .. إنت ذاتكـ بالغت معانا ياخ!
Post: #176 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: عبد المنعم ابراهيم الحاج Date: 02-26-2011, 05:09 PM Parent: #174
Quote: *لا أتفق معك بخصوص أخي وليد الذي أراه من قلائل الشباب الناضجين هنا و اتمنى أن أراه دائما دون تجاوز أو مهاترة و أتضامن معه في ما يتعرض له من إتهامات لا أساس لها من الصحة. * لا زلت محبطا من إشاعة الشهيد في المظاهرة الأخيرة و أدعو للتريث مع ظهور أي خبر جديد. تحياتي
سلامات يا سعد طبعا مسألة الإدانة دي مسألة شخصية جدا ومرتبطة بحسب قناعة الشخص بالموقف ودرجة تحليله الخاص بالظروف المنطقية هنالك أحداث كثيرة تمر صراحة لم أتضامن معها ولم أدينها ولم أطالب شخص بإدانة موقف وإن كنت فتحت بوستات للتضامن في مسألة أقتنع بعدالتها ولكني إطلاقا لم أحاول أن أنتزع هذا الحق إنتزاعا من آخر . الوضع هنا يختلف يا سعد الذين يقولون أنهم ضد "المعارضة" لا يكتفون بالصمت إذا لم تقنعهم القضية بل يفتحون بوستات للسخرية والتهكم من الآخرين ووصفهم بمناتلين كي بوردات والسجم و الرماد. أما موضوع الشهيد الذي يحبطك ومهما كان مصدر هذه الإشاعة خارج من النظام أو أفراد معارضين هنالك تقييم مبدئ يحدث لكل شخص على حسب موقفه من النظام ومعرفته في بسلوك النظام ضد معارضيه يعني لو حصل هنالك حمل لي خبر يفيد بأن الشرطة الأمريكية قتلت مواطنا محتجا مع آخرين أمام مباني بلدية مونتريه والخبر نقله لي الصادق إسماعيل بالطبع لن أصدقه وأقول ليه يا الصادق في حاجة ما واضحة ومفقودة في خبرك دا ، لأنني أعرف كيف تتصرف الشرطة الأمريكية في مثل هذه المواقف وربما سيكون هنالك شرطيا واحدا أو إثنين لتأمين وتنظيم حركة المواطنين. يعني ياسعد إدانة للفعل والسلوك الذي يفعله النظام ضد معارضيه إستنادا للخبر بغض النظر عن هنالك جثة أو لا. أما بخصوص وليد المبارك أنا أكيل له من نفس مكياله للمعارضين الذي يعتمد فيه على بناء مجد خاص له ثم في أقرب ملف يترك برنامجه المستقل أو المحايد ودي أكون فاضي بفتح ليهو بوست ويقول النظام أفضل مليون بل كمان يقوم بالمناصحة ويبارك لهم بعض الأفعال في بؤس أكتر من كدا ؟ تصدق لو وليد دا زيو وزي بقية أعضاء المنبر ما كنت إشتغلت بيهو الشغلة لكن الزول طارح نفسه زعيم وقائد ومترشح في آخر إنتخابات. دا كلو يروح ساكت ويجي يقول ليك أنا مع الديمقراطية وضد الإقصاء وتجي إنت تقول ليهو ياخ أنا ضد فكرتك دي لأنو كذا وكذا ثم تقول له رأيك فيه بصراحة بانه بهذه الطريقة تخدم الكيزان وأنك لا تحسن الوقوف على رجليك في موقف واجد مرة تقيف على رجلك الشمال ومرة تقيف على رجلك اليمين وهذا الوضع لو كنت أنا ناخب وأسكن دائرتك فلن أعطيك صوتي لهذا الوضع . ترجع تاني يوم تلقى البوست مقصقص ، تنتظر يوم ويومين عسى الله يفتح عليه بكلمة أو كلمتين ينتقد وضع البوست المقصص ده أو يستفسر عن الحاصل شنو .. ويقول كدا يكب ليهو مداخلة لسه كمان داير يتكلم عن حقوق الأمنجية في البورد . لا هماه حقي الضائع تحت رجليه . اي والله كنت عايز أخش ليهو وأكتب فقط " بوست مقصقص" وأطلع . .. عشان أحرجوا أمام مبدئيته .
Post: #178 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-26-2011, 09:03 PM Parent: #176
بالمناسبة لو ما كلامك الفي البوست ده ولا عارف انو حصلت قصقصة .. لاني بعد ما كتبت ردي عليك جليتك عااااااااااادي انت اساسا ما حاجة بتذكروها
اسع انا بوريك انو قصقصة مداخلاتك ما عندي بيها علاقة .. يا ريتك تبقى قدرها وتمشي تحل مشكلة القصقصة دي مع بكري سيد المنبر راسا .. وانا بشهد ليك عندو انو كانت عندك مداخلات جرى عليها مقص الرقيب بدون ازنك وبدون طلب مني ، لو فعلا كلامك صحيح لاني حتى تاريخ كتابتي للمداخلة دي ما مشيت عليها شفتها مقصقصة ولا قاعدة على حالها ..
وتبقى قدرها تاني وتعتذر عن اتهامك لي باني السبب في قصقصة مداخلاتك عشان نشوف مبدئتك انت قدر شنو ؟
وهسع بطالب بكري من هنا يرجعها ليك لو فعلا قصاها ..
Post: #179 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: عبد المنعم ابراهيم الحاج Date: 02-26-2011, 10:21 PM Parent: #178
Quote: اسع انا بوريك انو قصقصة مداخلاتك ما عندي بيها علاقة .. يا ريتك تبقى قدرها وتمشي تحل مشكلة القصقصة دي مع بكري سيد المنبر راسا .. وانا بشهد ليك عندو انو كانت عندك مداخلات جرى عليها مقص الرقيب بدون ازنك وبدون طلب مني
ياوليد المبارك
البوست بوستك أنت وليس بوستي وعليه بكري لا يمكن أن يدخل مقصه بدون أن يكون هنالك مايلزم ، وبصراحة لم اتجاوز معك الخط المسموح بكلام جارح أو بذئ كل ما في الامر كان نقاش في مجمله يعري الطريقة التي تنتهجها هنا في هذا المنبر، وهذا الكلام لم يرق لك، و أنا لم أقرأ ردك . بل لن يغير ذلك مجمل الفكرة التي تكونت داخلي عنك. ولا أعتقد بأن كتابتي مؤثرة أو قادرة على تشكيل رائ عام حولك أو كما تعتقد بأنني مستهدفك أنت بشكل محدد. فقط عايز أبين لك عدم مبدئيتك التي تعتمد عليها أنت في نقد الآخرين وملاحقتهم. هذا المقتبس أعلاه يهزم فكرتك من الأساس حول ماتدعيه من ديمقراطية بإعيبار هاجس يشغلك للدرجة التي جعلتك تفتح بوستا تنتقد فيه الذين يقولون بطرد الأمنجية أو تجميد عضويتهم في ظروف محددة. شاركناك النقاش واختلفت معك حول نظرتك التي سارعت فيها بالمهاجمة على "المعارضة " كتلة واحدة وفضلت تورع عليهم أنواطك ونياشين التبخيس والتبشير بطول إقامة وسلامة للنظام . وكما مداخلتك البائسة أعلاه صرفت لنا ماصرفت من لغة الإستعلاء الأجوف والعجرفة. لو كنت مبدئيا في دعواك لماذا لم ترسل لبكري وأنت صاحب البوست تستفسر عن السبب الذي قص به البوست من تلقاء نفسه !؟. والامر الآخر يثبت كذبك يا سناتور الغفلة إنك قمت بمداخلة لذلك البوست بعد أكثر من يومين من القص كمن تلفت يمينا وشمالا وعندما لم يجد شخصا منتبها ظبط مداخلة ورفع بها البوست كأن شيئا لم يحدث. ساعتذر لك متى أحسست إنك تستحق ذلك . اما إرجاع المداخلة ليست هي الهدف كما تتصور بل هي مداخلة ليست موجهة الي أي آخر غيرك فهي عيوبك التي اهديها لك وما دام قرأتها وأقصيتها إذن الرسالة وصلت بدليل أداءك الذي تحسن خلال اليومين الماضيين.
Post: #180 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: saadeldin abdelrahman Date: 02-27-2011, 01:19 AM Parent: #179
خليك يا منعم من وليد المجهجهو ضنب الككو ده بشاشا رع كذلك ضد طرد الأمنجية أنا ضد طردهم.. القصة لوائح و لا أمنيات؟ * بعدين كلامك عن القصقصة ده عجيب و لايليق بمثلك تبهت الرجل و ترميه بأنه له يد في حذف مداخلاتك يقول ليك ده ما أنا..تقول ليهو يسك بكري؟! ده كلام شنو يا حبيبنا! و أسه إنت مضيع الوقت و الجهد الخاص بصفية في مشاكلك المنبرية ليه يا منعم نتابع قضيتها و لا إتهاماتك؟ يا أخوانا فالننصرف الى ما ينفعنا هداكم الله.
Post: #181 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: Sana Khalid Date: 02-27-2011, 01:42 PM Parent: #180
الأخوة و الأخوات ضيوف و قراء البوست سلام و سلام..
الأول تحية ليكم.. و التاني حالة عايشاها مع نفسي جوة البوست دا.. بطبعي لست ممن يستطيعون أن يكونوا مع أنفسهم في سلام و لو بعد أعوام إن حدث و أخطأت في حق إنسان، أو دوست ليهو على طرف و لو بالخطأ أو بتأثير إنفعال.. و لم أعتذر عنه
تصالحي مع روحي في الموقف دا لأني عارفة نيتي الفتحت بيها البوست و الناس البيعرفوني حقيقي عرفوها و حسوها في كلامي.. لكن إن احتكمتم إلى العنوان و تجاهلتم ما جاء تحته.. أو رفضتم التصديق بما في متن كلامي و ما أفضت في شرح نيتي منه.. فمهما بذلتم من جهد فلن تستطيعوا إقناعي بتفسيراتكم و تأويلكم لحديثي للدرجة التي تجعلني أفقد هذا السلام أو أأسف على هذه (النية).. أو أدينها.. أو أعتذر عنها.. أو أراجع نفسي فيها!
إذن يبقى إحدى شيئين.. إما أنني طرقت الباب بصورة مزعجة لمعظمكم إن لم تكن لكم جميعاً .. و في هذا سوء تصرف و ليس سوء نية أو سوء مقصد.. و إن كان سوء التصرف في حد ذاته أمر غير لائق..لولا أن كل ابن آدم خطاء غير أنني أجد لنفسي العذر تحت وطأة الإنفعال بالحدث الجسيم أن جئت مذعورة لأستنجد بأبواب كنت أظنها مواربة أمامي و ليست مغلقة.. و أجد لكم كامل العذر في عدم تقبله ، و لا يعفيني هذا من واجب الإعتذار عن سوء التصرف لمن لم يستنكر وقفتي ببابه بل استنكر فقط الطرق المزعج عليه..
و أعتذر عن ذلك بشدة.. لكل من ظن أن حديثي إليه مقدر و إن كان يفضل أن يوجه إليه بأسلوب أفضل.. يفترض فيَ حسن النية و يلومني على سوء التصرف!
أما الشيء الآخر.. فهو أن أكون أخطأت أصلاً في أي الأبواب أطرق (أو في بعضها) ..و لأي الناس أمد يد العشم (أو في بعضهم).. فهي مقطوعة مقطوعة.. إن طرقت و إن لم تطرق.. لا يهم بأي الأصوات أو الإشارات تنادي.. فهناك ما يشبه اليقين على الطرف الاخر أن هذه اليد لا تمتد إلا بسوء.. رغم أنني أثق في أنها لم تمتد يوماً بسوء لأحد.. و إن لم تقف عاجزة أبداً أمام سوء ترمى به!
---- عزائي أنني عندما كتبت ما كتبت.. كتبته بإحساس إمرأة.. و ربما لهذا السبب فهمته تقريباً معظم المتداخلات هنا من النساء..
والخلاصة.. أنه بوست حسن النوايا .. ضل طريقه نحو الكثير من النوايا السيئة والقراءات المغلوطة ربما بسبب العنوان والمدخل .. وما قادنى الا العشم .. وما كان فى الجبة الا الكثير من الاحترام للجميع .. احترام فاق في أحيان حتى الود تجاه البعض..
و لا أنسى أن أشكر كل من ساهم فيه و أشكر و أعتذر لكل من لم تتح لي فرصة الرد عليهم بشكل منفصل..
الأخ كمال عباس الدكتور معز بخيت الأخ حسبو عكاشة العزيزة سمارت الدكتور ابراهيم قناوي الأخ محمد عبدالرحمن الأخ ادريس خليفة علم المهدي الأخت ريهان الريح الشاذلي الأخ محمد عمر جبريل الأخ محمد زكريا الأخ هارون دياب الأخ عبدالمنعم إبراهيم الحاج --
شكراً لمن تحملني و مد حبال الصبر.. و حفظ للأخوة حقها و مكانها و شكراً لمن ارتأى غير ذلك فأتاح لي فرصة محاسبة نفسي بشكل أفضل..
بهذا أعلن أنني إلى هنا أكتفي بما قلت.. و ليس لدي ما أضيفه
شكراً لكم
Post: #182 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: عبد المنعم ابراهيم الحاج Date: 02-27-2011, 02:20 PM Parent: #181
Quote: خليك يا منعم من وليد المجهجهو ضنب الككو ده بشاشا رع كذلك ضد طرد الأمنجية أنا ضد طردهم.. القصة لوائح و لا أمنيات؟
وأنا المحيرني أكتر كيف الككو يتجهجه من ضنبو !!
يا سعد أنا أصلا لم أطرح فكرة الطرد وإنما ناقشت وليد من منطلق القاعدة التي يتحرك منها وللاسف وجدتها هشة لا تحتمله خليك من أن تحتمل آخرين معاه ، انا لا أبهته حق ولا يمكن ولكن العقل والمنطق يقول لو أنا فتحت بوست وجيت راجع ليهو ولقيتو مسحوب أو مقصقص الامر الطبيعي إنك تستفسر الحاصل. لكن تواصل فيهو كأنما لم تحدث حاجة فدا بعني شنو؟ يا مستخف بالناس الدخلت للبوست يا كمان عندك علم بالحاصل وموافق عليهو. مع العلم هنالك مداخلات لآخرين كانت بعد مداخلتي التي رد عليها وقع عليها القص . كلامك عن متابعة موضوع صفية محل إحترام وأحييك عليه. الأخت العزيزة سناء عذرا إذا كنا سببنا لك ضيق لك التحية والإحترام .
Post: #183 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-28-2011, 08:04 AM Parent: #182
يا عبد المنعم
انت بالله بتخاف من بكري !!؟
بكري قص مداخلتك متضرر انت من ده .. امشي واجهو انا قلت ليك ساشد ليك قدامو اني لم اطلب قص اي مداخلة
اسع شي كلامي ده وامشي لي بكري واسالو ليه قصيت مداخلتي ولم يطلب صاحب البوست هذا
احتمال بكري يكون شايفك كرور لا تستحق الكتابة هنا بالنسبة لي انا غير متضرر من قصقصة مداخلات .. لاني اري وجودها من عدمها لا يشكل فرق لكن ان طلبتني لشهادة في امر وجودها ساشهد لصالحك حسب مبدئتي
ولا ياها دي عادتكم طوالي عاوزين ناس يحاربوا ليكم معاركم بالوكالة
بكري قص مداخلتك انت خايف منو ولا شنو ؟
Post: #184 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 02-28-2011, 08:09 AM Parent: #183
ويحك يا رجل!! كلامك دا تجديف رسمي!! ( و العهدة على الكتاب الاخدر ) ...
الكتاب الاخدر يقول ( المراة تحيض .. الرجل لا يحيض .. المرأة تلد، الرجل لا يلد )
الاشارة ما كريمة يا حبيب
اللهم هذا منكرٌ فانكرناه
------
سناء يا شقيقة
عني ابداً ما شككت في نواياك .. لكن ثبت اختلافي مع فكرة التخصيص في ظاهرها، حيث انها ما لافقة مع التواثي الحالي .. انت عارفة اخوك عندو نفسيات ؤ كدا .. المؤشر تحت الخط الاحمر بعيد عنك
Post: #186 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: عبد المنعم ابراهيم الحاج Date: 03-01-2011, 05:21 PM Parent: #185
Quote: ولا ياها دي عادتكم طوالي عاوزين ناس يحاربوا ليكم معاركم بالوكالة
ياوليد المبارك
المقتبس دا سيكون مكان إختلاف مستمر بيني وبينك أولا في صيغة الجمع و ثانيا في التنميط . نعم في هذه الحتة بالذات أنت من ناحية "مبدئية" ومنسجمة مع روح البوست الذي فتحته عن الديمقراطية والحقوق المفروض تكون أنت المسؤول الأول للتصدي من أجل حقوقي حتى ولو إختلفت معك ولو فعلت حينها بتكون رديت بطريقة عملية وشفافة غير مباشرة على كل مداخلاتي في ذلك البوست وهزمت التجني عليك من قبلي ، ولكن للأسف لم تفعل ذلك لأن القص يخدم مصلحتك في اللحظة ديك ودا الخلاني أقول عليك إنتهازي. أما باقي الكلام الباقي في المداخلة لا أرى ضرورة للرد عليه مرة أخرى فقد ثبت أعلاه ليس المشكلة إرجاع المداخلات في حد ذاتها ولكن للسلوك اللا مبدئي الذي تعاملت أنت معه تجاهها. جاييك بي غادي.
Post: #187 Title: Re: أتمنى أسمع رأي تمبس، ود الصايم، ود البشرى، وليد المبارك، و آخرين! توجد جثة شرف! Author: وليد محمد المبارك Date: 03-01-2011, 06:52 PM Parent: #186
اكيد مختلفين يا عبد المنعم انت لست قاصر .. وقد قلت لك سابقا ان طالبت بحقك ساشهد لصالحك فيه لكني لست وصيا عليك ..
اولا ما احتمال تكون انت من طلب حذف مداخلته !!! هذا باعتبار اني وجدت مداخلاتك محذوفه ولم اطلب انا حذفها ولم اقرا لكن انك طالبت بارجاعها
ثانيا المداخلات المحذوفة ليس لها اي علاقة بالموضوع المفتوح البوست لاجله كانت تتحدث عني شخصيا ولا تتحدث عن موضوع البوست المداخلة التي شرحت فيها فكرتك من قصص البوست تركها على حالها وهذه هي
Quote: صحيح يا وليد كل ماقاله الاخوة هنالك حالة إسمها الحدث ومعترف بها إعلاميا تابع كل القنوات العربية حاليا بالذات المتخصصة تجدها تتابع موضوعا واحدا كمحور ليس هنالك إقصاء أكثر من الذي يفعله الكيزان بإحتكارهم لكل الوسائل الإعلامية الأرضية سـخـريتهم من مدى فاعلية الإعلام الإلكتروني ووصفها بالمناتلين والكي بورداب .. فاي عملية للتشويش على مناضي الكي بورد في هذه الايام مرفوضة ، وإذا اردنا الديمقراطية التي ترفعونها نحونا كمصاحف موقعة الجمل فسيكون ذلك بعد زوال هذا النظام ، هذه المخاطبة لانني مصنفك تابع للنظام وتخدم مصالحهم إسفيريا هنا ومواقفك غير منفصلة عن مواقفهم حتى تثبت عكس ذلك المعركة القادمة هي التي تحدد مواقف الحياد ياوليد لا للمواقف الرماد ولا للكيل بميزانين الميزان واحد لا يقبل التبديل ولا التطفيف ..فتخير لنفسك موقفك الواضح
نعم لتجميد عضوية الموالين للنظام على الأقل كموقف أخلاقي لإعتقال الزملاء ولفرض حالة الطوارئ التي يستخدمونها تجاهننا على الارض .
بقية المداخلات التي حذفت كانت تتحدث عني.. عن ترشيحي .. وعن انتهازيتي .. وعن اشياء اخرى تراها انت فيني .. كان بامكانك ان تفتح لها بوست منفصل ..
عموما بالنسبة لي لم تكن ذات فائده .. وفي نفس الوقت لم تكن مزعجة لي لدرجة ان اطالب بحذفها فقد كتب فيني في هذا المنبر ما هو اقسى منها على مر السنين ولم اغير خطي ولن اغيره
وطبقا لاولاً وثانياً لم اكن مهتم بالمدخلات حذفت او تركت .. وعليه لم اكن مهتم بالفاع عنها ان فتحت انت بوست تطالب بحقوقك كنت ساقف معك .. وان طلبت شهادتي قصاد بكري كنت ساشهد بما يمليه علي ضميري لكني لست معنيا بالدفاع عن استرجاع مداخلات لا علاقة لها بالبوست وليست مفيده بنظري في الموضوع المفتوح .. وصاحبها لم يطالب علنا بارجاعها وانا في حينها لا اعرف سبب حذفها ومن حذفها ومن طلب ذلك .
