Post: #1
Title: ليه؟
Author: محمد عبد الماجد الصايم
Date: 11-06-2010, 08:06 AM
Parent: #0
في حاجات كـدا طووووالي بتحصل للواحد!
رغم المحاولات للتغير برضو بتقع نفس القصة!!
|
Post: #2
Title: Re: ليه؟
Author: محمد عبد الماجد الصايم
Date: 11-06-2010, 08:07 AM
ليه كل ما تفتح علبة الحبوب تطلع ليكـ الورقة قبلها؟
رغم إنو كم مرة حاولت أركّز عشان أفتح محل الحبوب طوالي؟
هسي بقيت أول ما أجيب الدوا أشيل الورقة أرميها!!
|
Post: #4
Title: Re: ليه؟
Author: محمد عبد الماجد الصايم
Date: 11-06-2010, 08:09 AM
Parent: #2
ليه الواحد كل ما يكون في كمية صفوف يحاول يشوف
الأقصر والأسرع .. وبرضو لما تلقى نفسكـ دقست؟
حي السفارات ـ مكان العمل ـ فيهو تفتيش في البوابة الرئيسية
البوابة فيها خطين سيارات .. كل ما أجي بحاول أشوف الصف الأقصر
وأمشي فيهو .. وأقارن مع العربية القصادي في الصف التاني!!
كل مرة العربية القصادي بتخش قبلي!! ليه؟
والله مرات يكون الصف الأنا فيهو قدامي تلاتة عربات والتاني
يمكن ستة سبعة .. برضو ديلاكـ يمشو وأنا واقف!!
|
Post: #5
Title: Re: ليه؟
Author: محمد عبد الماجد الصايم
Date: 11-06-2010, 08:11 AM
Parent: #4
ليه الواحد لما يكون داير اتستر مع زول يجيهو اللوم؟
مرات كـدا بتحصل حاجات غير طبيعية، تخش في تقصير مع واحد
رغم إنكـ مهتم جدا إنكـ ما تتلوم معاهو .. بتحصل صدقوني .. ليه؟
|
Post: #6
Title: Re: ليه؟
Author: محمد عبد الماجد الصايم
Date: 11-06-2010, 08:12 AM
Parent: #5
ليه بدر الدين الأمير دا كلو مرة بالع ليهو بوست؟ ليه ياخ!!
_
( )
|
Post: #3
Title: Re: ليه؟
Author: ود الخليفه
Date: 11-06-2010, 08:08 AM
انت ما مؤمن ؟
|
Post: #7
Title: Re: ليه؟
Author: omer osman
Date: 11-06-2010, 08:13 AM
Parent: #3
Quote: في حاجات كـدا طووووالي بتحصل للواحد!
رغم المحاولات للتغير برضو بتقع نفس القصة!! |
في زول اسمو (عصام) ....
انا مصر (دون قصد) كل ما الاقيهو اقول ليهو ازيك يا (متوكل) ...
بقيت لمن اشوفو جاي علي اقول في سري (عصام عصام عصام عصام عصام .....)
اول ما يصلني اسلم عليهو ازيك يا (متوكل)
|
Post: #9
Title: Re: ليه؟
Author: محمد عبد الماجد الصايم
Date: 11-06-2010, 08:15 AM
Parent: #7
ههههههههههههههههههههههههههههههههه
ههههههههههههههههههههههههههههههههه
أها يا جنابو .. كلامكـ دا كويس!
ليه الواحد بنسى أسامي الناس ويخش في حتة ضيقة؟
وليه لما تكون ناسي اسم زول طوالي يسألكـ: متذكرني؟
تقول ليهو كيف ياخ .. معقولة .. يقول ليكـ أنا منو؟
ليه ياخ!
|
Post: #8
Title: Re: ليه؟
Author: محمد عبد الماجد الصايم
Date: 11-06-2010, 08:14 AM
Parent: #3
ود الخليفة يا عمكـ
الحمد لله والشكر لله
اللهم حسّن إيماننا وتقبل أعمالنا
واجعلنا من عبادكـ الصالحين!
ليه؟
|
Post: #10
Title: Re: ليه؟
Author: نادر النور آدم
Date: 11-06-2010, 08:16 AM
Parent: #8
ليه كل ما الواحد يحاول يعمل ريجيم تجي سلسلة مناسبات تخرب عليه .؟؟
ليه؟
|
Post: #12
Title: Re: ليه؟
Author: haroon diyab
Date: 11-06-2010, 08:20 AM
Parent: #10
ليه
كل ماتدخل المصعد تدوس الزر بتاع الطابق
مع انو بكون في واحد دايسو قبلك.....؟
ليه....؟
شايفك رائق من الصباح
ليه...؟
|
Post: #17
Title: Re: ليه؟
Author: محمد عبد الماجد الصايم
Date: 11-06-2010, 08:25 AM
Parent: #12
ديابز يا عمكـ .. كلام سليم!!
لكن قصة الدوس دي بتجيب ليها كلام تاني!!
_
الحمد لله رايق رغم إني متضايق .. برضو ليه؟
|
Post: #15
Title: Re: ليه؟
Author: محمد عبد الماجد الصايم
Date: 11-06-2010, 08:21 AM
Parent: #10
أها يا نادر يا عمكـ .. أخوكـ بدون مناسبات زاتو!
بقيت متعقّد من الـ 106 كيلو متر مربع!!
والله كل ما أصل الرقم دا تاني وزني يزيد!!
ليه؟
|
Post: #23
Title: Re: ليه؟
Author: عوض عبدالله طه
Date: 11-06-2010, 08:37 AM
Parent: #10
ود الصايم ازيك
....
وصلني قبل فترة كدة ايميل اتذكرتو لما قريت بوستك ده
وهو بعنوان أهم قوانين الطبيعة
كدي انسخ ليك منو شوية بس حا (أسودنو) لأنو مكتوب بلهجة الزلمات
Quote: قانون الصفوف : إذا وقفت في صف بطيء وقمت غيرته، صفك الغيرتو فجأة يمشي أسرع من الغيرتلو
قانون التلفون : عمرك ما تتصل على رقم غلط ويطلع مشغول
قانون التصليح : بعد ما إيدك تتزيت وتتو سخ من الشحم ودهن الماكينة، نخرتك تاكلك
قانون المعدات : إذا وقع من إيدك أي شي، تأكد انو حا يتدحرج لغاية يصل لألعن مكان ما تقدر تطلعه منه
قانون الأعذار : إذا تأخرت عن الدوام وقلت لرئيسك أنو لستكك بنشر ، اليوم البعدو لستكك يبنشر بالجد
قانون الحمام : بمجرد تقلع هدومك وتبدأ تستحمى ، يبدأ التلفون يرررررن وما يسكت كلو كلو
قانون الالكترونيات : إذا أخذت جهاز خسران لبتاع التصليح ، وداير توريهو انو ما شغال ، اول ما توصل ليهو الكهرباء يشتغل زي العمرو ما كان خسران |
....
ازيدك من قوانين الطبيعة؟؟
...
|
Post: #52
Title: Re: ليه؟
Author: محمد عبد الماجد الصايم
Date: 11-06-2010, 09:31 AM
Parent: #23
| Quote: ازيدك من قوانين الطبيعة؟؟ |
الزول يا عمكـ .. يعني الموضوع دا منتشر على مستوى الزلمات كمان!
لكن النجيضة كل المكتوب فيهو حاصل .. إلا الأخيرة دي ما خاااالص كـدا!!
_
أها مداخلتكـ دي ما شفتها إلا بعد ما قريت المداخلة التحت!
ليه؟
|
Post: #13
Title: Re: ليه؟
Author: ود الخليفه
Date: 11-06-2010, 08:21 AM
Parent: #8
Quote: : انت ما مؤمن ؟
ليه؟ |
لا يلدغ المؤمن من جحر واحد مرتين
|
Post: #11
Title: Re: ليه؟
Author: أمير فتحي
Date: 11-06-2010, 08:18 AM
Parent: #3
لييييه تقول لي مستحيل ...وإحنا في بداية طريقنا (معكوسه)
لييييه الشعب السوداني كل ماينتخب (حكومه) تطلع (ماسوره) وتخلي ينتحب
|
Post: #14
Title: Re: ليه؟
Author: Asim Fageary
Date: 11-06-2010, 08:21 AM
Parent: #11
ليه الواحد كان حريص إنو يبارك المولودة لود الصايم لكن ود الصايم رفع لينا قزاز في السماية ؟؟
|
Post: #18
Title: Re: ليه؟
Author: محمد عبد الماجد الصايم
Date: 11-06-2010, 08:27 AM
Parent: #14
| Quote: لا يلدغ المؤمن من جحر واحد مرتين |
تعرف يا ود الخليفة
بالطريقة دي أخوكـ بطلع كفار قريش عدييييييييل!!
|
Post: #19
Title: Re: ليه؟
Author: محمد عبد الماجد الصايم
Date: 11-06-2010, 08:28 AM
Parent: #14
Quote: لييييه الشعب السوداني كل ماينتخب
(حكومه) تطلع (ماسوره) وتخلي ينتحب |
ملعوبة دي يا أمير .. مية مية والله
لكن أديكـ النجيضة يا عمكـ .. المشكلة ما في
الحكومات .. المشكلة في الشعب السوداني الفضل زااتو!!
أصلوا ما دايرين يرضو بحكومة!!
|
Post: #22
Title: Re: ليه؟
Author: محمد عبد الماجد الصايم
Date: 11-06-2010, 08:30 AM
Parent: #14
Quote: ليه الواحد كان حريص إنو يبارك المولودة
لود الصايم لكن ود الصايم رفع لينا قزاز في السماية ؟؟ |
عاصم يا عمكـ .. السماية دي لو قريبة كـدا
بتكون رجعت في شكل بترول عاد أثره على دول الخليج
ولا يهمكـ ياخ .. أجدع صينية ضلع إسفيري تصلكـ لحدي مسنجركـ!!
|
Post: #16
Title: Re: ليه؟
Author: عبدالفتاح أبوشيمة
Date: 11-06-2010, 08:23 AM
Parent: #3
Quote: والله مرات يكون الصف الأنا فيهو قدامي تلاتة عربات والتاني
يمكن ستة سبعة .. برضو ديلاكـ يمشو وأنا واقف!!
|
حكايتك دي ذكرتني
بي واحد بلدياتنا
جاب أمه لأول مرة للحج
في جدة في الإشارات تصادف إنه يكون أول واحد
فإذا وقف توقفت كل السيارات
أمه افتكرت إنه عنده دخل في الموضوع
فكلما تآنست مع بعضهن تقول لهم
عبده وقف بقيفوا
عبده مشى بمشوا
إنت عايز تبقى عبده وللاّ شنو؟
يا زول إنت مالك الليلة؟!
الشيشة اتقلبت وللاّ إيه؟
بوست ظريف
|
Post: #20
Title: Re: ليه؟
Author: ود الباوقة
Date: 11-06-2010, 08:28 AM
Parent: #16
ليه الواحد لما يجي من مكة بالسيارة يقبل من لوحة المسافات
وما يعاين ليها الا لما يكون باقي 200 كيلو من الرياض
|
Post: #31
Title: Re: ليه؟
Author: محمد عبد الماجد الصايم
Date: 11-06-2010, 08:50 AM
Parent: #20
| Quote: إنت عايز تبقى عبده وللاّ شنو؟ |
أبو شيمة يا عمكـ
ياخ نحن بقينا أي حاجة في الدنيا دي
غالبنا نبقى عبده كمان!!
عبدو عبدو .. محدش حووووش
_
أها ذكرتني قصة أم حبيبة جات من البلد ماشة لبتها في الخرطوم
وقايلة الناس دي زي البلد هناكـ كلها بتعرف بعض والأمور واحدة!
ركبت التكسي واتوهّطت .. السواق قال ليها: وين يا حاجة!
ردت عليهو: بيت ناس حبيبة طوووووالي
|
Post: #33
Title: Re: ليه؟
Author: محمد عبد الماجد الصايم
Date: 11-06-2010, 08:56 AM
Parent: #20
Quote: ليه الواحد لما يجي من مكة بالسيارة يقبل من لوحة المسافات
وما يعاين ليها الا لما يكون باقي 200 كيلو من الرياض |
ود الباوقة يا عمكـ .. وليه الواحد أول
ما يزيد السرعة على 120 بلاقي الدورية قدامو!!
|
Post: #21
Title: Re: ليه؟
Author: محمد المرتضى حامد
Date: 11-06-2010, 08:29 AM
Parent: #16
سلامات يا Messi
حصل كنت بتفتش ليك في مستند في صندوق فيهو 300 مستند؟
هل حصل ، أبدا ، وجدته ضمن ال 298 الأولى ؟
|
Post: #24
Title: Re: ليه؟
Author: Amany Elamin
Date: 11-06-2010, 08:38 AM
Parent: #21
ليه كل ما أكون عندي شهاده ضايعه,
بلقاها بعد ما أطلع بدل الفاقد ؟
ليه؟
|
Post: #38
Title: Re: ليه؟
Author: محمد عبد الماجد الصايم
Date: 11-06-2010, 09:05 AM
Parent: #24
Quote: ليه كل ما أكون عندي شهاده ضايعه,
بلقاها بعد ما أطلع بدل الفاقد ؟ |
أماني اللمين! ياخ الكلام دا بتخيل لي حاصل
عن أي زول .. ما قصة شهادات بس كمان .. أي حاجة
تكون دايرا ما بتلقاها إلا بعد ما تنتهي الحاجة ليها!!
ليه؟
أمس القريبة دي عاملين لي أشغال شاقة في البيت .. شيل
السراير دي وديها الأوضة التانية وجيب الكراسي في الصالون
وودي باب المطبخ جمب باب الشارع .. شغل كمية غياااامة عديل!!
يمين الشاكوش شغال بيهو في يدي فجأة ما لقيتو .. فتشت سما أرض
قلّبت البيت كلو .. مشيت اشتريت شاكوش جديد وبديت اشتغل .. والله
فجأة كـدا لقيت الشاكوكش القديم في يدي .. جا من وين الله أعلم!!
ليه؟
|
Post: #40
Title: Re: ليه؟
Author: محمد عبد الماجد الصايم
Date: 11-06-2010, 09:08 AM
Parent: #38
Quote: حصل كنت بتفتش ليك في مستند في صندوق فيهو 300 مستند؟
هل حصل ، أبدا ، وجدته ضمن ال 298 الأولى ؟ |
مرتضى يا حبيبنا
أبدا .. في العادة بكون في الـ 2 الباقيات ديل!!
دا إذا لقيتو زاتو!!
ليه؟
|
Post: #25
Title: Re: ليه؟
Author: فيصل محمد خليل
Date: 11-06-2010, 08:38 AM
Parent: #21
دي بسموها قوانين مورفي او قانون الخدعة الارادية
مثلاً ذي :-
اي سلك تقطعة حسب طول معين يطلع اقصر من اللازم .
لابد ان يقع االخبز على الجانب الذي دهنته بالذبد .
اذيدك من الشعر بيتاً
احتمال سقوط الخبزعلى الجانب المدهون بالذبد يتناسب مع ثمن السجادة
وهكذا دواليك او كما قال الرئيس
هكذا دواليب
|
Post: #26
Title: Re: ليه؟
Author: ود الخليفه
Date: 11-06-2010, 08:42 AM
Parent: #25
اخر قشه في الكبريته طبعا بتولع طوالي
ليه؟
|
Post: #42
Title: Re: ليه؟
Author: محمد عبد الماجد الصايم
Date: 11-06-2010, 09:11 AM
Parent: #26
Quote: دي بسموها قوانين مورفي او قانون الخدعة الارادية
مثلاً ذي :-
اي سلك تقطعة حسب طول معين يطلع اقصر من اللازم .
لابد ان يقع االخبز على الجانب الذي دهنته بالذبد .
اذيدك من الشعر بيتاً
احتمال سقوط الخبزعلى الجانب المدهون بالذبد يتناسب مع ثمن السجادة |
فيسل يا عمكـ .. يعني القصة دي حاصلة من زمن مورفي؟
يلا أها أديكـ واحدة: قزاز البيبسي الواااحدة دي .. لو رميتها
عديل عشان تتكسر أصلوا ما بتنكسر .. تقع زي ما ياها .. بس
خليها تقع من يدكـ فجأة .. كان ما اتدشدشت سبعمية حتة!!
ليه؟
|
Post: #43
Title: Re: ليه؟
Author: محمد عبد الماجد الصايم
Date: 11-06-2010, 09:12 AM
Parent: #26
Quote: اخر قشه في الكبريته طبعا بتولع طوالي
ليه؟ |
بالعكس يا ود الخليفة .. آخر قشة دي طوالي بتتكسر!!
ليه؟
|
Post: #27
Title: Re: ليه؟
Author: ود الباوقة
Date: 11-06-2010, 08:42 AM
Parent: #25
| Quote: احتمال سقوط الخبزعلى الجانب المدهون بالذبد يتناسب مع ثمن السجادة |
هيييييييييييييييع
الليلة باقي لي ضارب الحمضيات
وهي الليمون واليوسفي
|
Post: #30
Title: Re: ليه؟
Author: الفاتح ميرغني
Date: 11-06-2010, 08:43 AM
Parent: #25
ليه كده بس؟
سلام يا عمك.
|
Post: #44
Title: Re: ليه؟
Author: محمد عبد الماجد الصايم
Date: 11-06-2010, 09:14 AM
Parent: #30
الفاتح يا عمكـ .. الواحد لو عرف
الإجابة ما كان احتار كـدا ياخ!!!
تفتكر ليه؟
بالأكتر والله!
|
Post: #34
Title: Re: ليه؟
Author: حسين نوباتيا
Date: 11-06-2010, 08:56 AM
Parent: #25
Quote:
وليه لما تكون ناسي اسم زول طوالي يسألكـ: متذكرني؟
تقول ليهو كيف ياخ .. معقولة .. يقول ليكـ أنا منو؟
|
واحد من ناسكم بتاعين بدين بتاع شغل - في المناسبات طوالي هو الشايل التقيلة كلامو قليل وما بحب النضمي
واخلاقوا صعبة..
جاتوا حجة كبيرة سلمت عليهو بالاحضان وهو خجلان قالت ليهو عرفتي قال ليها "اليي بسم الله " قالت ليهو اها انا منو؟؟
قال ليها والله عشان دمك التقيل دا ما بوريك.لووووووول
طبعا بتاعت اللوم دي عملتها معاي كذا مرة وفوتها ليك مش ؟؟
|
Post: #46
Title: Re: ليه؟
Author: محمد عبد الماجد الصايم
Date: 11-06-2010, 09:20 AM
Parent: #34
حسين يا عمكـ
| Quote: قال ليها والله عشان دمك التقيل دا ما بوريك.لووووووول |
وتاني
| Quote: طبعا بتاعت اللوم دي عملتها معاي كذا مرة وفوتها ليك مش ؟؟ |
يا زول إنت شنو .. ياخ إنت مننا وفينا ومجبور علينا
ياخ في ناس والله الواحد داخل في أضافرينو عديل كـدا!!
يلا أها أديكـ واحدة .. طبعا لما نمش السودان ما شاء الله الخالات كلهن
المشاوير بتتحول للعبد لله ،، أها يلا لمن نمش للناس الكُبار ديل، لازم
يمسكوكـ جبك جبك بوس بي جاي وجاي (إن فتهية وهابن بتان .. ويي تود آني)
واحتمالية الحبوبة دي تكون سافة صعود 80 إلى 90%!!
ليه ياخ؟
|
Post: #86
Title: Re: ليه؟
Author: فيصل نوبي
Date: 11-06-2010, 11:07 AM
Parent: #46
Quote: يلا أها أديكـ واحدة .. طبعا لما نمش السودان ما شاء الله الخالات كلهن
المشاوير بتتحول للعبد لله ،، أها يلا لمن نمش للناس الكُبار ديل، لازم
يمسكوكـ جبك جبك بوس بي جاي وجاي (إن فتهية وهابن بتان .. ويي تود آني)
واحتمالية الحبوبة دي تكون سافة صعود 80 إلى 90%!! |
لووووووووووووووووووووول
_
وين قمر بوبا من الكلام ده ؟
|
Post: #98
Title: Re: ليه؟
Author: محمد عبد الماجد الصايم
Date: 11-06-2010, 01:06 PM
Parent: #86
| Quote: وين قمر بوبا من الكلام ده ؟ |
والله يا نوبي .. قمر بوبا احتمال كبير يكون
داخل في قصة الـ جبكـ جبكـ دي!! أما فيما
يخص السفة فدا شي مفروغ منو تماما!!
وين الأخت قمر؟
|
Post: #28
Title: Re: ليه؟
Author: طلحة عبدالله
Date: 11-06-2010, 08:42 AM
Parent: #21
ليه الواحد لامن تقع منو خمسمياية بتطير وتخليهو جاري وراها لامن
نفسو ينقطع وإحتمال في النهاية تقع ليها في بالوعة معفنة ..
الكلام دا رغم انو مافي ولا حتة هواء .
|
Post: #47
Title: Re: ليه؟
Author: محمد عبد الماجد الصايم
Date: 11-06-2010, 09:22 AM
Parent: #28
Quote: ليه الواحد لامن تقع منو خمسمياية بتطير وتخليهو جاري وراها لامن
نفسو ينقطع وإحتمال في النهاية تقع ليها في بالوعة معفنة .. |
غايتو يا طلوح مرات بتبالغ عديل!
إنتو الـ 500 دي قاعدين تقوها وين عشان تطير منكم؟
نحن بنشوفا أول الشهر بس .. تاني لو قام عجاج عديل بكون
ما عندكـ التكتح .. إلا الواحد يطير بي نفسو!!
لكن كلامكـ سليم على مستوى المية ريال عندنا!!
ليه؟
|
Post: #29
Title: Re: ليه؟
Author: omer osman
Date: 11-06-2010, 08:42 AM
Parent: #21
زمااااان ياودالصايم
قبل العرس بجي داخل البيت متأخر عادة ...
اول حاجة بعمله بخش المطبخ اقلاها تشرب موية ...
يومي بلقي نور المطبخ مطفي بولعو واخش (مفتاح النور بره جنب الباب)
يوم لقيت النور مولع .....
طفيتو وخشيت .......
|
Post: #32
Title: Re: ليه؟
Author: فيصل محمد خليل
Date: 11-06-2010, 08:54 AM
Parent: #29
Quote: هيييييييييييييييع
الليلة باقي لي ضارب الحمضيات
وهي الليمون واليوسفي |
الدنيا صباح يا ود الباوقة
.
.
.
.
ثم انا ما عنديش تلفون
|
Post: #35
Title: Re: ليه؟
Author: ود الباوقة
Date: 11-06-2010, 09:00 AM
Parent: #32
| Quote: الدنيا صباح يا ود الباوقة |
يا زول ربنا يعينك
ما من صبح الا واعقبه ليل دامس
| Quote: ثم انا ما عنديش تلفون |
عبي الاستمارة وتاني يوم بكون واصل
|
Post: #36
Title: Re: ليه؟
Author: ود الباوقة
Date: 11-06-2010, 09:01 AM
Parent: #35
بعدين التلفون داير بيهو شنو
انت مش جاي مع عمال القبانة
|
Post: #50
Title: Re: ليه؟
Author: محمد عبد الماجد الصايم
Date: 11-06-2010, 09:27 AM
Parent: #36
Quote: يومي بلقي نور المطبخ مطفي بولعو واخش (مفتاح النور بره جنب الباب)
يوم لقيت النور مولع .....
طفيتو وخشيت |
تعرف يا جنابو .. الحكاية دي حاصلة مع بيتنا كلو
في نور (الحمام) أكرمكم الله، العادة تولع وتخش!
لو واحد نسى النور مولع تلقى البعديهو طفّى ودخل!!
|
Post: #39
Title: Re: ليه؟
Author: أيمن دياب
Date: 11-06-2010, 09:05 AM
Parent: #32
| Quote: ليه الواحد كان حريص إنو يبارك المولودة لود الصايم لكن ود الصايم رفع لينا قزاز في السماية ؟؟ |
جيتني في جرح يا عاصم.. المغسة بتاعت السماية دي ما بتطلع إلا بنص خروف الضحية الجاي علينا ده.. قال بترول قال..
|
Post: #49
Title: Re: ليه؟
Author: محمد عبد الماجد الصايم
Date: 11-06-2010, 09:25 AM
Parent: #39
Quote: جيتني في جرح يا عاصم.. المغسة بتاعت السماية دي ما بتطلع
إلا بنص خروف الضحية الجاي علينا ده.. قال بترول قال.. |
أيمن المقاول!
إنا لله
ياخ أسمع .. أحول ليكـ رصيد بـ 20 ريال وتنسى الموضوع دا؟
|
Post: #37
Title: Re: ليه؟
Author: محمد عبد الماجد الصايم
Date: 11-06-2010, 09:03 AM
Parent: #21
تعديل مكان المداخلة
|
Post: #41
Title: Re: ليه؟
Author: ياسر السر
Date: 11-06-2010, 09:08 AM
Parent: #37
يا ود الصايم ليه كل ما أقول قربت ليك تلقاني بادي من الألف ،، لكن برضوا ما بنختلف ،،،
ده مجرد مرور أخوك مزنوق شوية في شغلة كده ،، وبرجع ليك ،، بس قلت أقول صباح الخير وأشوفك كيفن أصبحت ..
تحياتي : ياسر العيلفون
|
Post: #45
Title: Re: ليه؟
Author: وليد محمد المبارك
Date: 11-06-2010, 09:17 AM
Parent: #41
ليه كل ما الواحد يحاول الولد
تجيهو بت
|
Post: #48
Title: Re: ليه؟
Author: عوض عبدالله طه
Date: 11-06-2010, 09:23 AM
Parent: #45
...
يا عاصم
| Quote: ليه الواحد كان حريص إنو يبارك المولودة لود الصايم لكن ود الصايم رفع لينا قزاز في السماية ؟؟ |
ويا ايمن دياب
| Quote: جيتني في جرح يا عاصم.. المغسة بتاعت السماية دي ما بتطلع إلا بنص خروف الضحية الجاي علينا ده.. قال بترول قال.. |
...
لا وكمان ايه يا عاصم وأيمن
زولكم ود الصايم
خليكم من رفع القزاز في السمايات
حصلت كمان في البوستات يستو سخنا (ما يرد علينا)
اسة في زمتك مداخلتي الشحماني دي كلها ما شفتها
إن شاء الله وزنك يصل 206 زاتو 
...
|
Post: #53
Title: Re: ليه؟
Author: أيمن دياب
Date: 11-06-2010, 09:31 AM
Parent: #48
Quote: أيمن المقاول!
إنا لله
ياخ أسمع .. أحول ليكـ رصيد بـ 20 ريال وتنسى الموضوع دا؟ |
الرصيد برضو بجيني في جرح.. مع التخفيض الحاصل اليومين دي مع ناس سوا..
حوووووول
0554009252
|
Post: #62
Title: Re: ليه؟
Author: محمد عبد الماجد الصايم
Date: 11-06-2010, 09:43 AM
Parent: #53
Quote: الرصيد برضو بجيني في جرح.. مع التخفيض الحاصل اليومين دي مع ناس سوا..
حوووووول |
صحي مقاول .. وعربي كمان!!
|
Post: #54
Title: Re: ليه؟
Author: محمد عبد الماجد الصايم
Date: 11-06-2010, 09:33 AM
Parent: #48
Quote: يا ود الصايم ليه كل ما أقول قربت ليك تلقاني
بادي من الألف ،، لكن برضوا ما بنختلف ،،، |
ود العليفون يا عمكـ ..
حمد لله على السلامة ياخ!
أها أديكـ النجيضة:
في الأغاني السودانية دايما الولد بكون مكسّر
في البت ومقدم أي تنازلات ممكنة .. حتى لو بدا من الألف؟
ليه؟
|
Post: #55
Title: Re: ليه؟
Author: محمد عبد الماجد الصايم
Date: 11-06-2010, 09:34 AM
Parent: #48
Quote: ليه كل ما الواحد يحاول الولد
تجيهو بت |
يا شفت
بتكون مكالمتكـ لا تتم حسب الطريقة التي استعملتها!!
فضلا أعد المحاولة في وقت لاحق .. توت توت توت!!
|
Post: #66
Title: Re: ليه؟
Author: وليد محمد المبارك
Date: 11-06-2010, 09:49 AM
Parent: #55
.. توت توت توت!!
يا كبير ..
|
Post: #74
Title: Re: ليه؟
Author: محمد عبد الماجد الصايم
Date: 11-06-2010, 10:04 AM
Parent: #66
ههههههههههههههههههههههههههه
كبير ساي .. غايتو يا شفت أدوني الخريطة
لو جيت السودان في العيد إن شاء الله بجيبا ليـكـ!
جادي والله!!
|
Post: #56
Title: Re: ليه؟
Author: محمد عبد الماجد الصايم
Date: 11-06-2010, 09:36 AM
Parent: #48
Quote: خليكم من رفع القزاز في السمايات
حصلت كمان في البوستات يستو سخنا (ما يرد علينا) |
الزول يا عمكـ
الواحد لما يجي داخل البوست متأخر في الغالب بيحاول يحشر مداخلتو قدام!!
ليه؟
حيييييييييييييييييي أنا .. عشان تآآآمن!!
|
Post: #59
Title: Re: ليه؟
Author: محمد على طه الملك
Date: 11-06-2010, 09:37 AM
Parent: #48
والله مشتاق ليك ليه ماعارف..
على العموم بلغوني تحياتك ..
مشكور يا قريبي.
|
Post: #63
Title: Re: ليه؟
Author: محمد عبد الماجد الصايم
Date: 11-06-2010, 09:45 AM
Parent: #59
إنا لله!!
محمد علي الملكـ!
وين الناس .. يعلم الله الشوق كميات كميات!
إن شاء الله كويس ياخ وأموركـ تمام والاولاد تمام!؟
سألين منكـ يعلم الله!!
الواحد يكون قاعد مع الناس في أمانة الله وفجأة يختفي
ليه ياخ!!
يعلم الله الليلة الواحد شوية مفرهد
وزيارتكـ زيادة الأمور فـرهـدة
|
Post: #70
Title: Re: ليه؟
Author: حسين نوباتيا
Date: 11-06-2010, 09:57 AM
Parent: #48
Quote: ليه كل ما الواحد يحاول الولد
تجيهو بت |
وليّ انت ما جايب خبر ولا شنو؟؟
الحاجة الله يديها الصحة كانت معانا هنا سنة كاملة
اختنا مستلماها استلام كامل مشتفيات مولات برامج الخ - انا كان شافتني بتشوفي مرة في الشهر
لمدة ساعة او اتنين..كلو ما تضرب لي مسافر في مؤتمر ترينق الخ
مرة بتونس معاها قالت ولادة الاولاد دي طلعت اشاعة ساكت - كيف ياحاجة -
قالت لي والله انا اولادي الاربعة ديل كان صموهم لي ببيت ما عندي مانع..)))
|
Post: #99
Title: Re: ليه؟
Author: محمد عبد الماجد الصايم
Date: 11-06-2010, 01:08 PM
Parent: #70
Quote: مرة بتونس معاها قالت ولادة الاولاد دي طلعت اشاعة ساكت - كيف ياحاجة -
قالت لي والله انا اولادي الاربعة ديل كان صموهم لي ببيت ما عندي مانع |
إن شاء الله بيت في الحاج يوسف!
عافي منها الحاجة والله!!
|
Post: #51
Title: Re: ليه؟
Author: Asim Fageary
Date: 11-06-2010, 09:29 AM
Parent: #45
| Quote: جيتني في جرح يا عاصم.. المغسة بتاعت السماية دي ما بتطلع إلا بنص خروف الضحية الجاي علينا ده.. قال بترول قال.. |
أيمن دياب
سلام
إنت برضو رفعوا ليك قزاز في السماية؟
أصلوا السماية دي جففوها وختوها في علب ولا شنو ؟
ليه ما يجينا واحد يأكد لينا إنه أخد نصيبه من السماية عشان يبرئ ود الصايم
|
Post: #57
Title: Re: ليه؟
Author: ود الباوقة
Date: 11-06-2010, 09:37 AM
Parent: #51
نرجو مراعاة الردود حسب الاسبقية
|
Post: #75
Title: Re: ليه؟
Author: محمد عبد الماجد الصايم
Date: 11-06-2010, 10:06 AM
Parent: #57
| Quote: نرجو مراعاة الردود حسب الاسبقية |
ود الباوقة .. الزحمة فيها الرحمة ياخ!
ألكع ساي!!!!
|
Post: #58
Title: Re: ليه؟
Author: Asim Fageary
Date: 11-06-2010, 09:37 AM
Parent: #51
يا ود الصايم
عوض عبدالله يقول:
Quote: لا وكمان ايه يا عاصم وأيمن
زولكم ود الصايم
خليكم من رفع القزاز في السمايات
حصلت كمان في البوستات يستو سخنا (ما يرد علينا)
اسة في زمتك مداخلتي الشحماني دي كلها ما شفتها
إن شاء الله وزنك يصل 206 زاتو
|
ليه يا ود الصايم ؟؟
|
Post: #60
Title: Re: ليه؟
Author: رغيم عثمان رغيم الحسن
Date: 11-06-2010, 09:37 AM
Parent: #51
خش فى الموضوع
|
Post: #67
Title: Re: ليه؟
Author: محمد عبد الماجد الصايم
Date: 11-06-2010, 09:51 AM
Parent: #60
رغيم يا عمكـ
ليه الناس تعاين في الفيل وتطعن في ضلوووووو؟
وأشار بصباعو للبوست داكـ!!
|
Post: #76
Title: Re: ليه؟
Author: محمد عبد الماجد الصايم
Date: 11-06-2010, 10:07 AM
Parent: #67
| Quote: ليه يا ود الصايم ؟؟ |
عاصم يا عمكـ .. عوض (الزول) دا ما أتى لحوار!
التجاهل
التجاهل
التجاهل
|
Post: #61
Title: Re: ليه؟
Author: أيمن دياب
Date: 11-06-2010, 09:38 AM
Parent: #51
Quote: أيمن دياب
سلام
إنت برضو رفعوا ليك قزاز في السماية؟
أصلوا السماية دي جففوها وختوها في علب ولا شنو ؟
ليه ما يجينا واحد يأكد لينا إنه أخد نصيبه من السماية عشان يبرئ ود الصايم |
قزاز مظلل كمان.. الوحيد البضمنو أكل السماية دي أم جوان..
|
Post: #64
Title: Re: ليه؟
Author: محمد عبد الماجد الصايم
Date: 11-06-2010, 09:46 AM
Parent: #61
يا جماعة .. دقيقة باللاي
ناس السماية يقيفو بي جمبة .. وناس البوست بي جمبة!!
ديل شنو ياخ!!
|
Post: #65
Title: Re: ليه؟
Author: أيمن دياب
Date: 11-06-2010, 09:47 AM
Parent: #61
| Quote: صحي مقاول .. وعربي كمان!! |
أوع يكون غشوك وقالوا ليك المقاول ده برفع البوستات بس!!
|
Post: #69
Title: Re: ليه؟
Author: محمد عبد الماجد الصايم
Date: 11-06-2010, 09:56 AM
Parent: #65
| Quote: قزاز مظلل كمان.. الوحيد البضمنو أكل السماية دي أم جوان.. |
تعرف .. لحدي الليلة بسألني السماية وين؟
بقول ليها ضبحت خروف وعملت بيهو عزومة لأصحابي
| Quote: أوع يكون غشوك وقالوا ليك المقاول ده برفع البوستات بس!! |
دي إلا بالتلفون
|
Post: #68
Title: Re: ليه؟
Author: tmbis
Date: 11-06-2010, 09:54 AM
Parent: #61
لييه كلما الواحد يسلم ليهو علي زول يقوليهو بقيتو (تلاتة) واللا لسـة ..؟
دي أخلاق دي ..؟
ملحوظة:
والله الواحد بقى قاعد ساي في البورد دا ما عارف اي حاجة
|
Post: #71
Title: Re: ليه؟
Author: أيمن دياب
Date: 11-06-2010, 09:59 AM
Parent: #68
مافي رصيد.. نعمل ليك مسكول؟
|
Post: #73
Title: Re: ليه؟
Author: محمد عبد الماجد الصايم
Date: 11-06-2010, 10:02 AM
Parent: #71
| Quote: مافي رصيد.. نعمل ليك مسكول؟ |
والله يا عمكـ .. لو مصر أعمل مسكول
رغم إنو أضمن ليكـ ح تزعل من كلامي
|
Post: #82
Title: Re: ليه؟
Author: عثمان نواي
Date: 11-06-2010, 10:51 AM
Parent: #71
| Quote: ليه الواحد لما يكون داير اتستر مع زول يجيهو اللوم؟ |
دي يا محمد ليه؟؟ والله مع كتيييييييره
|
Post: #85
Title: Re: ليه؟
Author: محمد عبد الماجد الصايم
Date: 11-06-2010, 11:06 AM
Parent: #82
| Quote: دي يا محمد ليه؟؟ والله مع كتيييييييره |
نواي يا عمكـ .. كتيرة ساي .. ليه من الليلة لحدي باكر!
المشكلة تكون عارف إنو القصة دي فيها لوم وقدر ما تجري
وتعمل وتفنجط .. برضو يقع فيكـ اللوم!!
غايتو .. دايرة صبر!!
|
Post: #72
Title: Re: ليه؟
Author: محمد عبد الماجد الصايم
Date: 11-06-2010, 10:00 AM
Parent: #68
لا حووووولاااااااااااااااا
تامبا .. عيييييييييييكـ ياخ!
يعلم الله مشتاقين
ما بقيتو تلاتة؟
وبعدين دخلت النت من وين يا زول
_
من الذي يكتب لتامبا؟
|
Post: #77
Title: Re: ليه؟
Author: محمد عبد الماجد الصايم
Date: 11-06-2010, 10:12 AM
Parent: #72
والله يا تامبا .. صورتكـ زاتو بقت سمحة ونضيفة!!
|
Post: #79
Title: Re: ليه؟
Author: فايزودالقاضي
Date: 11-06-2010, 10:35 AM
Parent: #72
ود الصايم ..سلام ..
Quote: ليه كل ما تفتح علبة الحبوب تطلع ليكـ الورقة قبلها؟
رغم إنو كم مرة حاولت أركّز عشان أفتح محل الحبوب طوالي؟ |
الزيك ده مفروض يعملوا ليهو نظام زي حق الصعايدة ..قالو في الصعيد مافي قزازة تخش عليهم الا وكاتبين في قعرها (الفتح من الناحية التانية )..
انا ماعارف ليه كل يوم بصحى الساعة 6:56 صباحاً رغم اني بظبط المنبه على الساعة 7 صباحاً !!!!
|
Post: #80
Title: Re: ليه؟
Author: محمد عبد الماجد الصايم
Date: 11-06-2010, 10:42 AM
Parent: #79
ود القاضي .. يلمو فيكـ جماعة التنميط ينتو ريشكـ زاتو!!
وبدون ليه كمان!!
طيب كل يوم الواحد بقوم روحو طالعة من النوم وتكون
داير تنوم باقي اليوم كلو .. ويوم الإجازة تلاقي نفسكـ
صاحي من دغش الرحمن!!
ليه؟
|
Post: #78
Title: Re: ليه؟
Author: جعفر محي الدين
Date: 11-06-2010, 10:34 AM
Parent: #68
ود الصائم
أعمل حسابك خروف الضحية ما يدخل في الليهات دي
لأنو الواحد يجتهد ويفتش الخرفان وأفتحك يا خشم وأمسكك يا ضنب
وفي النهاية يطلع الخروف كبير لمن مخرف
واللحمة تبقى عضم
|
Post: #81
Title: Re: ليه؟
Author: محمد عبد الماجد الصايم
Date: 11-06-2010, 10:43 AM
Parent: #78
جعفر عمنا وحبيبنا
الخروف دا كمان قصتو قصة والله!
ما حصل مشيت اشتريت لي خروف وجبتو في البيت
قالوا لي الخروف دا كويس ولّ ما بطال .. طوالي
بعملوا لي فرش متاع ودا شنو الجلافيط دا وعيييكـ؟
ليه ياخ؟
|
Post: #83
Title: Re: ليه؟
Author: باسط المكي
Date: 11-06-2010, 11:00 AM
Parent: #78
ليه كل ما الواحد
ينزل اجازة يلقي
كما هي ويقرر يرجع بسرعةمن حيث اتي
ليه؟
|
Post: #87
Title: Re: ليه؟
Author: محمد عبد الماجد الصايم
Date: 11-06-2010, 11:09 AM
Parent: #83
باسط يا عمكـ
خليتني محتار شوية .. تصدق!ّ!
أنا غايتو ما أقرر أرجع بسرعة كلو كلو!
كل مرة بقعد لحدي ما أموري تكون قرّبت تجوط
بعدين أرجع .. ياخ نحن لاقين السودان وين!؟
لكن بيني وبينكـ .. بتحن كتير لقاعد بره!!
ياخ في السودان الواحد قدر ما يستحمى ما بكون نضيف .. ليه؟
|
Post: #84
Title: Re: ليه؟
Author: عثمان عووضة
Date: 11-06-2010, 11:02 AM
Parent: #78
ليه لمن تاكون بتستحم الصابونة ماتطير منك الا لمن تكون مغمض بعد ماضربت وشك كلو صابون??
|
Post: #88
Title: Re: ليه؟
Author: محمد عبد الماجد الصايم
Date: 11-06-2010, 11:10 AM
Parent: #84
أووووو عمكـ عثمان .. ياخ سؤالكـ والله وجيه جدا!
بعدين في اختراع اسمو بودي لوشن ياخ .. كويس جدا
مع الناس البتقع منهم الصابونة ديل
|
Post: #89
Title: Re: ليه؟
Author: عثمان عووضة
Date: 11-06-2010, 11:53 AM
Parent: #88
وبعدين لمن الصابونة تقع وانت تنزلق ليه مابتلقى
حاجة تمسك فيها
ياقليل الادب
|
Post: #91
Title: Re: ليه؟
Author: طارق جبريل
Date: 11-06-2010, 12:01 PM
Parent: #89
كلما اقول ماشي السودان يحموني الاجازي
الله يستر السنة دي
|
Post: #93
Title: Re: ليه؟
Author: محمد عبد الماجد الصايم
Date: 11-06-2010, 12:37 PM
Parent: #91
Quote: وبعدين لمن الصابونة تقع وانت تنزلق ليه مابتلقى
حاجة تمسك فيها
ياقليل الادب |
ياخ قلنا ليكـ جيب البودي سكريب!
وبالنسبة للزلقة .. أقعد في البنبر ياخ!!
|
Post: #94
Title: Re: ليه؟
Author: محمد عبد الماجد الصايم
Date: 11-06-2010, 12:40 PM
Parent: #91
Quote: كلما اقول ماشي السودان يحموني الاجازي
الله يستر السنة دي |
والله يا طُلبة .. كرّهت البورض زاتو بجعير الإجازة بتاعكـ دا!
ياخ جيب إيميل البوص بتاعكم أرسل ليهو رابط بيت البكا بتاعكـ!
كان ما أداكـ إجازة ستة شهور تعال أسعلني!!
بقيت بكاي ياخ .. ليه؟
|
Post: #90
Title: Re: ليه؟
Author: Hadeer Alzain
Date: 11-06-2010, 11:57 AM
Parent: #88
عندي ليهين يا أستاذ
- ليه تكون راجي حاجة بلهفة شديدة ما تجي كلو كلو
تطنشها تجيك جارية !!!
ليه ياخ ؟!
نبطل لهفة ؟!
- ليه بعض الأعضاء بكتبوا عناوين بوستاتهم
مليئة بالأخطاء ويضرسونها بيها !!
ليه ياخ ؟!
|
Post: #92
Title: Re: ليه؟
Author: Asim Fageary
Date: 11-06-2010, 12:03 PM
Parent: #90
Quote: عندي ليهين يا أستاذ
- ليه تكون راجي حاجة بلهفة شديدة ما تجي كلو كلو
تطنشها تجيك جارية !!!
ليه ياخ ؟!
نبطل لهفة ؟!
|
يا هدير الزين
بالله عليك الله تطنشيني !!
عاصم فقيري
|
Post: #95
Title: Re: ليه؟
Author: محمد عبد الماجد الصايم
Date: 11-06-2010, 12:44 PM
Parent: #92
هدير يا شغيغة .. أخباركـ ياخ!
Quote: - ليه تكون راجي حاجة بلهفة شديدة ما تجي كلو كلو
تطنشها تجيك جارية !!!
ليه ياخ ؟!
نبطل لهفة ؟! |
والله الكلام دا حاصل جد .. هسي شوفي طارق جبريل دا يجعر
لينا السنة كووولها عشان يمش إجازة .. هسي لو ختى الرحمن
في قلبو وقعد ساكت كان المدير براهو جا قال ليهو اتخارج
شوف أهلكـ وتعال!!
_
نفس الشي حاصل في لي .. عشان داير أسافر القصة كوولها ملخبتة!!
أما فيما يخص
Quote: ليه بعض الأعضاء بكتبوا عناوين بوستاتهم
مليئة بالأخطاء ويضرسونها بيها !!
|
فالقصة دي جايطة عديل .. وفترنا منها!
هسي كويس الذكرتيني عندي بوستي من يوم الأربع
الفات وصل ياتو صفحة زاتو ما عارف .. كـدي النمش
نديهو لكزة!! عسى ولعل الناس دي تشوف ليها صرفة ياخ!!
|
Post: #96
Title: Re: ليه؟
Author: محمد عبد الماجد الصايم
Date: 11-06-2010, 12:44 PM
Parent: #92
Quote: يا هدير الزين
بالله عليك الله تطنشيني !!
عاصم فقيري |
done
|
Post: #97
Title: Re: ليه؟
Author: معاذ الهادي
Date: 11-06-2010, 12:58 PM
Parent: #92
ليه كلما الرشاشات ديل يفرحوا بالدرون......يجي راجي يقطعها ليهم في مصارينون..لي بس!!!
تمبس اطمنك
بعد ماتبقوا تلاتة
حايجيك واحد يقوليك
اها ماجيبتوا ليهو اخو يونسو...!!
|
Post: #100
Title: Re: ليه؟
Author: محمد عبد الماجد الصايم
Date: 11-06-2010, 01:12 PM
Parent: #97
د. معاذ يا عمكـ .. خليكـ جادي شوية ياخ!
هسي القاعد يفرح بالدرون نحن ولّ المدرب بتاعكم!!
يمين ما تفرزوا من راجي الجاب القون زاتو!!
Quote: بعد ماتبقوا تلاتة
حايجيك واحد يقوليك
اها ماجيبتوا ليهو اخو يونسو...!! |
يا دكتور .. ياخ إنت شفت حاجة!
ما بقيتو تلاتة
جيبو أخو يونسو
مالكم واقفين على اتنين بس!
لحدي ما تصل:
والله المسكين محموووووول
محمول المليجي؟
ليه ياخ؟
|
Post: #102
Title: Re: ليه؟
Author: Asim Fageary
Date: 11-06-2010, 01:22 PM
Parent: #100
ما شاء الله الصفحة الثانية
|
Post: #106
Title: Re: ليه؟
Author: محمد عبد الماجد الصايم
Date: 11-06-2010, 01:32 PM
Parent: #102
| Quote: ما شاء الله الصفحة الثانية |
ليه ياخ!
|
Post: #105
Title: Re: ليه؟
Author: أمير فتحي
Date: 11-06-2010, 01:27 PM
Parent: #100
والله زمان يادنيا ...هييييييييييييه
زمان زمن الواحد خفيف ويدق قلبو لمن يشوف الطرح حايمه ويعمل فيها بفتش في النصف (الحلو) ...تكون في بت زووول جايب خبرا مافي أول ماتبدا تطقس عشان تعرف عنها (كخيار وكدا) ...تلقى الناس كلهم بدو يحومو حولها ...وأولهم الناس السألتهم ...
ليييييييييييييه؟
|
Post: #107
Title: Re: ليه؟
Author: محمد عبد الماجد الصايم
Date: 11-06-2010, 01:40 PM
Parent: #105
Quote: .تلقى الناس كلهم بدو يحومو حولها ...وأولهم الناس السألتهم ...
لييييييه
|
المشكلة يا أمير
خليكـ من الناس الحايمين حولها!
لو بقت من نصيبكـ زاتو كل شوية تمسكـ ليكـ القصة
دي .. شفت الناس ديل كووولهم كانوا دايريني وأنا رضيت بيكـ!!
ليه ياخ؟
|
Post: #166
Title: Re: ليه؟
Author: امير طمبل
Date: 11-07-2010, 06:27 PM
Parent: #100
ودالصايم
____
____________
بوست جميل ....ومحضور
أخوك في الحج
ذكرني بعد أرجع أحكي ليك قصة طريفة جدا
بمناسبة ليه دي
تحياتي
|
Post: #101
Title: Re: ليه؟
Author: فدياس نجم الدين
Date: 11-06-2010, 01:16 PM
Parent: #97
ما عارف الموضوع ده بيحصل لي براي ولا بيحصل لكل الناس
كل أول شهر أمشي أجيب الكهرباء
ألقي الصف زي صف العمره
أقيف في الصف زي ساعه ونص
لمن أصل الشباك ويبقي بس فاضل لي زول واحد
يقولوا ليك الشبكه طشت ؟؟!!!
|
Post: #108
Title: Re: ليه؟
Author: محمد عبد الماجد الصايم
Date: 11-06-2010, 01:45 PM
Parent: #101
Quote: كل أول شهر أمشي أجيب الكهرباء
ألقي الصف زي صف العمره
أقيف في الصف زي ساعه ونص
لمن أصل الشباك ويبقي بس فاضل لي زول واحد
يقولوا ليك الشبكه طشت ؟؟!!! |
فدياس يا عمكـ
نجيضتكـ دي إلا فتوى من ناس الخرطوم
نحن ناس فواتير سااااااااي!!!!
بعدين حاول غيّر شوية ياخ!
جيب الكهرباء آخر الشهر!!
|
Post: #113
Title: Re: ليه؟
Author: فدياس نجم الدين
Date: 11-06-2010, 02:23 PM
Parent: #108
Quote: بعدين حاول غيّر شوية ياخ!
جيب الكهرباء آخر الشهر! |
يا عمك
صحي إنت زول مرتاح وما جايب خبر
يأخي أول الشهر ده في الكهرباء المدعومه
بعدين كل زول لازم يشتري كهربته المدعومه في زمنها ولا تروح عليهو ساكت
|
Post: #104
Title: Re: ليه؟
Author: Hisham Ibrahim
Date: 11-06-2010, 01:26 PM
Parent: #97
ننتظر من أول الشهر 30 يوم
يجي المرتب يوم واحد،، ويمشي اليوم والمرتب ليه ياخي ؟؟!
والمرتب بعيد وإيجار التلاتة شهور برق بس ! ليه ..؟
|
Post: #109
Title: Re: ليه؟
Author: محمد عبد الماجد الصايم
Date: 11-06-2010, 01:47 PM
Parent: #104
Quote: ننتظر من أول الشهر 30 يوم
يجي المرتب يوم واحد،، ويمشي اليوم والمرتب ليه ياخي ؟؟!
والمرتب بعيد وإيجار التلاتة شهور برق بس ! ليه ..؟ |
إييييييه يا هشام .. قالها وأدمعت عيناه!!
غايتو المرتب والإيجار ديل قصة عديييييييل!!
ياهو الخطين المتوازيين الما بتلاقهو كلو كلو!!
|
Post: #103
Title: Re: ليه؟
Author: Hadeer Alzain
Date: 11-06-2010, 01:23 PM
Parent: #92
Quote: يا هدير الزين
بالله عليك الله تطنشيني !!
|
أكتر من كدا ؟؟!!
لووول ياخ !
عاصم إزيك وعساك بخير وعافية
بعيدآ عن الهزل
عارف يا عاصم في حاجة إسمها الطاقة الكونية (Universal Energy)
و ما أهمية الطاقة الكونية لنا؟
و في حاجة إسمها قانون الجذب الكوني
والطاقة الجسدية الكامنة قريبات في ظني من بوست ود الصايم دا
أقراها في الرابط دا
http://the-light-group.ahlamontada.com/montada-f6/topic-t167.htm
ويا ريت تفتح لينا بيها بوست، بعيدآ عن ود الصايم دا
أصلو جنو وجن الكلام الكبار كبار دا ..
وغايتو بجي أديك الفيها النصيب من قوقل!
_________
ود الصايم
أقرا الرابط الفوق دا بالله!
|
Post: #110
Title: Re: ليه؟
Author: محمد عبد الماجد الصايم
Date: 11-06-2010, 01:48 PM
Parent: #103
والله يا شغيغة .. الرابط بتاعكـ دا نقة ساي!
أكل مني زي 20 دقيقة وفي النهاية ما فهمت منو حاجة!!
ليه ياخ!!
|
Post: #111
Title: Re: ليه؟
Author: Hadeer Alzain
Date: 11-06-2010, 02:01 PM
Parent: #110
Quote: الرابط بتاعكـ دا نقة ساي!
أكل مني زي 20 دقيقة وفي النهاية ما فهمت منو حاجة!!
ليه ياخ!! |
مقصودة ياخ
عشان تاني تبطل تفتح بوست ليه .. ياخ !
|
Post: #112
Title: Re: ليه؟
Author: Asim Fageary
Date: 11-06-2010, 02:19 PM
Parent: #111
Quote: والله زمان يادنيا ...هييييييييييييه
زمان زمن الواحد خفيف ويدق قلبو لمن يشوف الطرح حايمه ويعمل فيها بفتش في النصف (الحلو) ...تكون في بت زووول جايب خبرا مافي أول ماتبدا تطقس عشان تعرف عنها (كخيار وكدا) ...تلقى الناس كلهم بدو يحومو حولها ...وأولهم الناس السألتهم ...
ليييييييييييييه؟ |
يا أمير فتحي
سلام
أعتقد أنك أخطأت التقدير
ولا أعتقد أن كلامك هذا يعنيني اللهم إلا إن كان من باب المناكفة فقط
على العموم لك التحايا
عاصم فقيري
التعديل لخطأ إملائي الهم = اللهم
|
Post: #114
Title: Re: ليه؟
Author: Asim Fageary
Date: 11-06-2010, 02:25 PM
Parent: #112
Quote: أكتر من كدا ؟؟!!
لووول ياخ !
عاصم إزيك وعساك بخير وعافية
بعيدآ عن الهزل
عارف يا عاصم في حاجة إسمها الطاقة الكونية (Universal Energy)
و ما أهمية الطاقة الكونية لنا؟
و في حاجة إسمها قانون الجذب الكوني
والطاقة الجسدية الكامنة قريبات في ظني من بوست ود الصايم دا
أقراها في الرابط دا
|
يا هدير تعرفي لكن الطاقة الكونية دي البشوشها شنو ؟
الحسد هو القادر على تشويشها لأنه إستخدام سلبي لتلك الطاقة لدى البعض
مع تحياتي
عاصم فقيري
|
Post: #115
Title: Re: ليه؟
Author: وليد محمد المبارك
Date: 11-06-2010, 03:41 PM
Parent: #114
Quote: ههههههههههههههههههههههههههه
كبير ساي .. غايتو يا شفت أدوني الخريطة
لو جيت السودان في العيد إن شاء الله بجيبا ليـكـ!
جادي والله!! |
يا معلم انت ناسي اني استخدمت الجوكر ده في المرة الاولى
وخلاس
الكلام ليك يالمنطط عينيك
وقرقرقرقرقرقر
|
Post: #125
Title: Re: ليه؟
Author: محمد عبد الماجد الصايم
Date: 11-07-2010, 07:34 AM
Parent: #115
| Quote: عشان تاني تبطل تفتح بوست ليه .. ياخ |
يا شغيغة .. الواحد ما يخرخر طوالي
تجو تشبكوهو نقة ودرس عصر ونظريات؟
ليه ياخ!!
|
Post: #126
Title: Re: ليه؟
Author: محمد عبد الماجد الصايم
Date: 11-07-2010, 07:35 AM
Parent: #115
Quote: يا أمير فتحي
سلام
أعتقد أنك أخطأت التقدير
ولا أعتقد أن كلامك هذا يعنيني اللهم إلا إن كان من باب المناكفة فقط |
عاصم يا عمكـ .. هدي أعصابكـ ياخ؟
هسي أمير دا وين جاب سيرتكـ هنا؟
الراجل عمل مداخلة في البوست وجات تحت مداخلتكـ ليس إلا!!
|
Post: #127
Title: Re: ليه؟
Author: محمد عبد الماجد الصايم
Date: 11-07-2010, 07:36 AM
Parent: #115
| Quote: يا معلم انت ناسي اني استخدمت الجوكر ده في المرة الاولى وخلاس |
يا شفت .. لاعبين بفردة واحدة ولّ شنو؟
|
Post: #116
Title: Re: ليه؟
Author: رشا احمد
Date: 11-06-2010, 04:19 PM
ليه
ليه صفحة سودانيز دي طووووووويلة كدا؟
ليهالردود فيها مقلبنة؟
ليه انت مشاركاتك 23989 و انا 19 ؟
وليه انت كُج كدا السيارات تمشي و انت لسه واقف؟
ليه لازم أعبئ البروفايل حقي ؟ الشمار لزومو شنو؟
ليه الا اسجل بي اسمي كامل ؟ لو ابوي و جدي ماعايزين يشتهروا معاي، ليه؟
ليه في الزمن العلينا دا في خيارين بس : ميل و فيميل؟ ليه!
ليه ينفصل الجنوب عن الشمال ؟ و ليه ما يكون للشماليين حق تصويت، ليه ياخ؟ :(
ليه انا دايما مفلسه؟ :(
ليه البوست دا كلو لي هات ؟ ليه؟
|
Post: #117
Title: Re: ليه؟
Author: محمد البشرى الخضر
Date: 11-06-2010, 04:32 PM
Parent: #116
| Quote: ليه في الزمن العلينا دا في خيارين بس : ميل و فيميل؟ ليه! |
سجمنا... وتاني في شنو؟
|
Post: #118
Title: Re: ليه؟
Author: خالد عبد الله محمود
Date: 11-06-2010, 04:37 PM
Parent: #117
Quote: : ليه في الزمن العلينا دا في خيارين بس : ميل و فيميل؟ ليه!
سجمنا... وتاني في شنو؟ |
ود البشري : ليه كل ما أجي أعلق على حاجة ألقاكـ سبقتني ؟
|
Post: #119
Title: Re: ليه؟
Author: محمد أبوالعزائم أبوالريش
Date: 11-06-2010, 05:44 PM
Parent: #118
تعرف .... أنا الحنك الفوق ده كلللو ... أكتر حاجة كيفتني حكاية (جبك .. جبك) ..... أصلي إتخيلت المنظر ........ الجضوم عجبتم ياخـ
بعدين يقوموا يشتغلوا فيك لُغات: (إن فتهية وهابن بتان .. ويي تود آني).
والله لو ما فيها (فتحية) كنت قلت الجماعة ديل سبوا ليك دين.
|
Post: #120
Title: Re: ليه؟
Author: صبري طه
Date: 11-06-2010, 05:49 PM
Parent: #119
Quote:
ليه بدر الدين الأمير دا كلو مرة بالع ليهو بوست؟ ليه ياخ!!
|
جاني إحساس إنو دي النجيضة ... واستراتيجية البوست كلها حولها ...
ــــــــــــــــ
|
Post: #122
Title: Re: ليه؟
Author: غادة عبدالعزيز خالد
Date: 11-06-2010, 06:05 PM
Parent: #120
ليه كل ما يكون عندي تدريس وحصص وواجبات المفروض تتسلم
عمار يقرر انه ما ينوم باليل..
ليه يا عموري ياخ؟
ود الصايم وناس البوست الظريف.. سلامات
|
Post: #128
Title: Re: ليه؟
Author: محمد عبد الماجد الصايم
Date: 11-07-2010, 07:43 AM
Parent: #122
Quote: ليه صفحة سودانيز دي طووووووويلة كدا؟
ليهالردود فيها مقلبنة؟
ليه انت مشاركاتك 23989 و انا 19 ؟
وليه انت كُج كدا السيارات تمشي و انت لسه واقف؟
ليه لازم أعبئ البروفايل حقي ؟ الشمار لزومو شنو؟
ليه الا اسجل بي اسمي كامل ؟ لو ابوي و جدي ماعايزين يشتهروا معاي، ليه؟
ليه في الزمن العلينا دا في خيارين بس : ميل و فيميل؟ ليه!
ليه ينفصل الجنوب عن الشمال ؟ و ليه ما يكون للشماليين حق تصويت، ليه ياخ؟ :(
ليه انا دايما مفلسه؟ :(
ليه البوست دا كلو لي هات ؟ ليه؟ |
إنا لله .. رشا ياااا خرخارة
دي كووولها لاءات ولسع ما قلعتي كيس النايلون!!
لكن النجيضة .. لاءاتكـ في السلكـ عديل كـدا .. أي والله
| Quote: ليه الا اسجل بي اسمي كامل ؟ لو ابوي و جدي ماعايزين يشتهروا معاي، ليه؟ |
بعدين إنتي أبوكـ وجدّكـ مشتركين في اسم واحد؟ الاسامي كملت ولّ شنو؟
| Quote: ليه في الزمن العلينا دا في خيارين بس : ميل و فيميل؟ ليه! |
لأنو بكري سيد البورض ما شاف إلا ديل!
|
Post: #129
Title: Re: ليه؟
Author: محمد عبد الماجد الصايم
Date: 11-07-2010, 07:44 AM
Parent: #122
| Quote: ليه في الزمن العلينا دا في خيارين بس : ميل و فيميل؟ ليه! |
| Quote: سجمنا... وتاني في شنو؟ |
في (كيلو متر) و(فيكيلو متر)!!
|
Post: #130
Title: Re: ليه؟
Author: محمد عبد الماجد الصايم
Date: 11-07-2010, 07:45 AM
Parent: #122
| Quote: ود البشري : ليه كل ما أجي أعلق على حاجة ألقاكـ سبقتني ؟ |
لأنو زول شليق جدن جدن!!
ما بديكـ فرصة زاتو!
ما شفت عمكـ صالح عبده قال شنو؟
|
Post: #131
Title: Re: ليه؟
Author: محمد عبد الماجد الصايم
Date: 11-07-2010, 07:46 AM
Parent: #122
| Quote: والله لو ما فيها (فتحية) كنت قلت الجماعة ديل سبوا ليك دين. |
والله يا أبو الريش يا عمكـ
الـ CHـبكـ CHـبكـ دي أخير منها سب الدين!!
|
Post: #132
Title: Re: ليه؟
Author: محمد عبد الماجد الصايم
Date: 11-07-2010, 07:48 AM
Parent: #122
| Quote: جاني إحساس إنو دي النجيضة ... واستراتيجية البوست كلها حولها |
صبري يا عمكـ
ما تبالغ ياخ! معقولة الواحد يفتح بوست كامل عشان الطباز!!
دا يبقى هدر في الباوندث ياخ!!
دا رشة رشتين في بوست بقعدنّو في علبو تب!!
|
Post: #133
Title: Re: ليه؟
Author: محمد عبد الماجد الصايم
Date: 11-07-2010, 07:52 AM
Parent: #122
غادة عبد العزيز
حمد لله على السلامة ياخ شرفتي البورض والله
كيف الأخبار إن شاء الله بلغتي الصحة والعافية!
Quote: ليه كل ما يكون عندي تدريس وحصص وواجبات المفروض تتسلم
عمار يقرر انه ما ينوم باليل..
ليه يا عموري ياخ؟ |
تحياتي والله لعموري
|
Post: #121
Title: Re: ليه؟
Author: سلمى تاور
Date: 11-06-2010, 06:03 PM
Parent: #119
Quote: أها ذكرتني قصة أم حبيبة جات من البلد ماشة لبتها في الخرطوم
وقايلة الناس دي زي البلد هناكـ كلها بتعرف بعض والأمور واحدة!
ركبت التكسي واتوهّطت .. السواق قال ليها: وين يا حاجة!
ردت عليهو: بيت ناس حبيبة طوووووالي |
القصة دي ذكرتني زماااااااان عندنا وحدة بلدياتنا جابوها من الفريق عشان يدخلوها المدرسة في الابيض
اها قعدوها مع خالنا اسمو التجاني ، يوم من الايام طالعة من المدرسة ركبت المواصلات و نامت لحدي ما وصلت اخر محطة
و كانت دي اول مرة تصل فيها السوق ، طبعا راسا ضرب ضربه شديدة و بقت ما عارفة ترجع البيت تاني كيف
بس بقت تسأل الناس الحايمين واحد واحد
_ هاي هة بيت التجاني اخوي بي وين ؟؟؟
_ التجاني دة منو يا بنيّة ؟؟؟
_ ما التجاني الوااااااااااحد دة ؟؟؟
ليه الشهر البرسلو لي فيه مصاريف زيادة ،،، برضو بفلس ؟؟
ليه ياخ ؟؟
|
Post: #123
Title: Re: ليه؟
Author: فتح الرحمن محمد
Date: 11-06-2010, 07:04 PM
Parent: #121
ليه منجضني وراك وجابرني أكتب ( فتح الرحمن محمد - الماكيكي ) ؟؟؟
وليه دايماً تخش الفيسبوك والناس نايمة ؟؟
|
Post: #124
Title: Re: ليه؟
Author: Asim Fageary
Date: 11-07-2010, 07:33 AM
Parent: #123
Quote: إن فتهية وهابن بتان .. ويي تود آني).
|
يا محمد أبو العزائم أبو الريش
طلعت بتتكلم لغات !
|
Post: #134
Title: Re: ليه؟
Author: أيمن مبارك أبو الحسن
Date: 11-07-2010, 07:54 AM
Parent: #124
ليه لما يضرب ليك واحد مس كول من رقم غريب عليك وما ترد عليه يقوم يزعل منك
ليه...
تحياتي يا ود الصائم .. بوست جميل ياخي
|
Post: #135
Title: Re: ليه؟
Author: محمد يوسف الزين
Date: 11-07-2010, 07:55 AM
Parent: #134
..
|
Post: #140
Title: Re: ليه؟
Author: محمد عبد الماجد الصايم
Date: 11-07-2010, 08:08 AM
Parent: #135
Quote: ليه لما يضرب ليك واحد مس كول من رقم غريب عليك وما ترد عليه يقوم يزعل منك
ليه... |
أيمن الحلاوي يا عمكـ .. أخباركـ ياخ؟
النجيضة: ليه أصلا واحد يكون داير منكـ حاجة ويعمل ليكـ مسكول؟
ليه ياخ!؟
|
Post: #141
Title: Re: ليه؟
Author: محمد عبد الماجد الصايم
Date: 11-07-2010, 08:09 AM
Parent: #135
عابد .. شكلو كـدا قاعدلكـ فوق راي؟
يا زول أخقنا وخلّص الأمور!!
|
Post: #136
Title: Re: ليه؟
Author: محمد عبد الماجد الصايم
Date: 11-07-2010, 07:58 AM
Parent: #124
Quote: _ هاي هة بيت التجاني اخوي بي وين ؟؟؟
_ التجاني دة منو يا بنيّة ؟؟؟
_ ما التجاني الوااااااااااحد دة ؟؟؟ |
غايتو يا سلمى ناسنا القاعدين بره ديل عليهم
طيبة وعفوية كـدا موبااالغة .. الله يخليهم ياخ!
| Quote: ليه الشهر البرسلو لي فيه مصاريف زيادة ،،، برضو بفلس ؟؟ |
ياخ إنتي قاعدين يرسلو ليكـ
نحن القاعدين نقبض ونرسل قاعدين نفلس!!
ليه ياخ؟
|
Post: #137
Title: Re: ليه؟
Author: محمد عبد الماجد الصايم
Date: 11-07-2010, 08:02 AM
Parent: #124
Quote: ليه منجضني وراك وجابرني أكتب ( فتح الرحمن محمد - الماكيكي ) ؟؟؟
وليه دايماً تخش الفيسبوك والناس نايمة ؟؟ |
الما حمد
أنا غايتو حذّرتكـ وأديتكـ النجيضة!
حمد فتح الرحمن دا زول عكليتة وكلامو كتير وعندهو ناس
كتار منتظرينو .. لو ما انتبهو برشّوكـ إت دا!!
بعدين والله يا عمكـ .. الفيسبوكـ دا ما قاعد أدورو كلو كلو!
لما ألاقي كلامو كتر في الإيميل بخش أشوف الحاصل شنو .. أعمل
أكسبت أكسبت أكسبت .. إقنور إقنور إقنور .. وشتات خالي محطات!!
ياخ عمكـ الفيس دا زول شليق ولسانو خفيف خلاس!!
|
Post: #138
Title: Re: ليه؟
Author: محمد عبد الماجد الصايم
Date: 11-07-2010, 08:02 AM
Parent: #124
| Quote: طلعت بتتكلم لغات ! |
حيّة وميّتة يا عاصم!!
|
Post: #139
Title: Re: ليه؟
Author: أيمن دياب
Date: 11-07-2010, 08:08 AM
Parent: #138
ليه بوستات ود الصايم دايما سوقا حار وزحمة ودفر وكل واحد يقول يا مداخلتي..
بشتت ليكم سكر ولا بكب ليكم جوز هند؟؟
|
Post: #142
Title: Re: ليه؟
Author: محمد عبد الماجد الصايم
Date: 11-07-2010, 08:14 AM
Parent: #139
كرّررررا بورررا .. إنين فوكينسوماد!!
والله دي إلا يترجما ليكـ واحد من الناطقين بها!!
عشان برمي طعمية!!
ترمي معاي ولّ تلقط ساي؟
|
Post: #143
Title: Re: ليه؟
Author: omer osman
Date: 11-07-2010, 08:22 AM
Parent: #139
Quote: ليه بوستات ود الصايم دايما سوقا حار وزحمة ودفر وكل واحد يقول يا مداخلتي..
بشتت ليكم سكر ولا بكب ليكم جوز هند؟؟ |
هو هند اتجوزت ... طيب كويس والله
|
Post: #144
Title: Re: ليه؟
Author: أيمن دياب
Date: 11-07-2010, 08:34 AM
Parent: #143
فتأمل يا ذو اليد..
الله يكفينا شر الصاجات
والمحن في وش الأعياد..
|
Post: #146
Title: Re: ليه؟
Author: محمد عبد الماجد الصايم
Date: 11-07-2010, 08:45 AM
Parent: #144
| Quote: هو هند اتجوزت ... طيب كويس والله |
وبعد دا كلو دايرين يرموهو!!
اللي هو جوز هند!!
|
Post: #147
Title: Re: ليه؟
Author: محمد عبد الماجد الصايم
Date: 11-07-2010, 08:46 AM
Parent: #144
Quote: فتأمل يا ذو اليد..
الله يكفينا شر الصاجات
والمحن في وش الأعياد.. |
هو الطعمية بقت تبع ذو اليد برضو؟
|
Post: #145
Title: Re: ليه؟
Author: عثمان محمد كرار
Date: 11-07-2010, 08:37 AM
Parent: #143
Quote: ليه الواحد لما يكون داير اتستر مع زول يجيهو اللوم؟
مرات كـدا بتحصل حاجات غير طبيعية، تخش في تقصير مع واحد
رغم إنكـ مهتم جدا إنكـ ما تتلوم معاهو .. بتحصل صدقوني .. ليه؟ |
:))))
ليه الواحد لما يجي الصيدليه عشان يشيل فياغرا يدنقر راسو و يعمل فيها بيتكلم في التلفون ويرخي صوتو ويقول علبه فيافره ٥٠٠ ولما يطلع يتكلم في التلفون
وليه مرات يقول ليك اديني فاتوره لاني موديها لي زول لئيم وبخيل وشيال حال
وليه مرات يقول ليك الزول الموديها ليه عمرو ٥٠ اقول ليه يستعملها كيف
|
Post: #148
Title: Re: ليه؟
Author: محمد عبد الماجد الصايم
Date: 11-07-2010, 08:49 AM
Parent: #145
Quote: ليه الواحد لما يجي الصيدليه عشان يشيل فياغرا يدنقر راسو
و يعمل فيها بيتكلم في التلفون ويرخي صوتو ويقول علبه فيافره ٥٠٠ ولما يطلع يتكلم في التلفون
وليه مرات يقول ليك اديني فاتوره لاني موديها لي زول لئيم وبخيل وشيال حال
وليه مرات يقول ليك الزول الموديها ليه عمرو ٥٠ اقول ليه يستعملها كيف |
والله يا عثمان يا عمكـ
دي أسئلة تعسفية عديل كـدا!
ياخ ما سمعت بالمثل البقول أسأل مجرّب ولا تسأل سيد البوست؟
_
الله لا يورينا زمن الفياجرا ياخ!
|
Post: #150
Title: Re: ليه؟
Author: أيمن دياب
Date: 11-07-2010, 09:05 AM
Parent: #148
ليه لما موضوعك في البورد يمشي الصفحة التانية تحاول ترفعو حتى لو بنقطة؟
|
Post: #151
Title: Re: ليه؟
Author: محمد عبد الماجد الصايم
Date: 11-07-2010, 09:13 AM
Parent: #150
| Quote: ليه لما موضوعك في البورد يمشي الصفحة التانية تحاول ترفعو حتى لو بنقطة؟ |
يعني دايرني أرفعوا بـ 4 كليفت!!
|
Post: #149
Title: Re: ليه؟
Author: mohmed khalail
Date: 11-07-2010, 09:00 AM
Parent: #145
ليه الهلال كلما يصل دوري الاربعة يعتر ليهو فريق تونسي ؟
وليه ود البشري ون تواتو بقت مقطوعه..ليه ياخ ؟؟
وليه البوست ده ما نشوفو الا في الصفحة التانية؟؟
وليه الشفع بيصحو بالليل في اوقات ما مناسبه ليييييييييييييه ياخ؟؟؟
|
Post: #152
Title: Re: ليه؟
Author: محمد عبد الماجد الصايم
Date: 11-07-2010, 09:19 AM
Parent: #149
محمد خليل يا عمكـ
ليهاتكـ كلها مشروعة
| Quote: ليه الهلال كلما يصل دوري الاربعة يعتر ليهو فريق تونسي ؟ |
قضاء وقدر
| Quote: وليه ود البشري ون تواتو بقت مقطوعه..ليه ياخ ؟؟ |
العربي فكّت منو خلاس
| Quote: وليه البوست ده ما نشوفو الا في الصفحة التانية؟؟ |
عشان قاعدين تنومو بالليل
| Quote: وليه الشفع بيصحو بالليل في اوقات ما مناسبه ليييييييييييييه ياخ؟؟؟ |
علييييكـ الله لو عرفت كلمنا
ليه ياخ!!
|
Post: #153
Title: Re: ليه؟
Author: أيمن دياب
Date: 11-07-2010, 09:34 AM
Parent: #152
ليه أكل المطعم أحلى من أكل البيت..
مع إنو حق المطعم عاملو طباخ..
وحق البيت عاملاهو ست البيت..
|
Post: #154
Title: Re: ليه؟
Author: أمير فتحي
Date: 11-07-2010, 09:49 AM
Parent: #153
معظم شعب الله المحتار (بالحاء) السودانيين مجرد ماقرأ كلام أي زول بحاول يشوف الزول دا شايت وتابع ياتو حزب أو حتى بشجع ياتو فريق ...بدون النظره المجرده لمحتوى ومضمون وفكرة وفائدة (الكلام) ويتم الرد من الراد (خندقيا) يعني من الخندق التابع ليهو الراد...إن كان في خندقه كلام صاح وإذا مامن خندقو ردمو ردم الجن بدون أي منطق ....
ليه ؟
|
Post: #157
Title: Re: ليه؟
Author: محمد عبد الماجد الصايم
Date: 11-07-2010, 10:39 AM
Parent: #154
Quote: ليه أكل المطعم أحلى من أكل البيت..
مع إنو حق المطعم عاملو طباخ..
وحق البيت عاملاهو ست البيت.. |
فعلا يا عمكـ .. رغم إنو الواحد في البيت بكون اجتهد
إنو يجيب الأفضل من المقاضي والحاجات المستخدمة في الطبخ!!
لكن برضو حق المطعم بكون أحلى!!
احتمال عشان الاستعمال الخمج لكل ما هو ضار بالصحة
من الزيوت والدهون ومشتقات الكلسترول .. ونحن نشيل ونضرب!!
ليه ياخ!
|
Post: #158
Title: Re: ليه؟
Author: محمد عبد الماجد الصايم
Date: 11-07-2010, 10:39 AM
Parent: #154
| Quote: معظم شعب الله المحتار (بالحاء) السودانيين |
Like
باقي الكلام برضو لايكـ شديد!!
|
Post: #155
Title: Re: ليه؟
Author: mohmed khalail
Date: 11-07-2010, 09:50 AM
Parent: #153
مداخلة لي في بوست بالحيطه
Quote: تشوشات تفهم يخربك في البوسط لاكن المشرع سواء اعترض اخوات عزاء اللذاذ لن يرحم ذو اليد.
|
لييييييييييييييييييييييييييييه ياااااااااااااااااااخ
|
Post: #156
Title: Re: ليه؟
Author: محمد البشرى الخضر
Date: 11-07-2010, 10:38 AM
Parent: #155
| Quote: ما شفت عمكـ صالح عبده قال شنو؟ |
يا عربي هو أنا دخلت بحامي ليك
لكن صحي والله الحسنة في القندول إلاّ تحلب فيها ليمون
ود خليل كيفك ياخ
ياخوي للسن احكامه بقينا نلعب ع الواقف
الون تو عايز لياقة و شباب
|
Post: #160
Title: Re: ليه؟
Author: محمد عبد الماجد الصايم
Date: 11-07-2010, 10:46 AM
Parent: #156
دا الحالة داير تحامي لي جاي توش
لابس الطاقية كووولها لحدي إضنيكـ!!
|
Post: #161
Title: Re: ليه؟
Author: محمد البشرى الخضر
Date: 11-07-2010, 10:51 AM
Parent: #160
ياخي ما الوصف عليك بالملّي و الطاقية قميص عامر معاك
" تلقاه في كل البوستات ومداخلاتو غير مفيدة" اها خد .. أحكم انت براك
ثم إنو بصراحة كدا زولك دا ممل و تاعبني من زمان
|
Post: #162
Title: Re: ليه؟
Author: محمد عبد الماجد الصايم
Date: 11-07-2010, 10:57 AM
Parent: #161
والله يا عمكـ .. الوصف دا ممكن تطبقو في صديق مهدي برضو!!
أما في النقطة التانية معاكـ (حق) والحركة الديمقراطية كمان!
من زمن ما كان بكتب بالكربون .. تلاتة تلاتة!!
|
Post: #159
Title: Re: ليه؟
Author: محمد عبد الماجد الصايم
Date: 11-07-2010, 10:40 AM
Parent: #155
والله يا أبو إبراهيم .. قلبتها جاي قلبتها جاي
ما فهمتكـ كتبت شنو في الكلام الفوق دا!!!
|
Post: #163
Title: Re: ليه؟
Author: فايزودالقاضي
Date: 11-07-2010, 01:42 PM
Parent: #159
ليه الواحدة تشتت صورها في الفيس بوك وتزعل لمن ينزلوا نفس الصور في المنبر ؟!!!
|
Post: #164
Title: Re: ليه؟
Author: محمد عبد الماجد الصايم
Date: 11-07-2010, 01:46 PM
Parent: #163
ود القاضي يا عمكـ
ما للمنبر للمنبر .. وما للفيسبوكـ للفيسبوكـ!!
إت عارف .. بعد شوية البورض دا ما ح تنزل فيهو صورة زاتو!
عشان نشوف أرباب النضال ديل ح يعملوا شنو!!
|
Post: #165
Title: Re: ليه؟
Author: عبدالفتاح أبوشيمة
Date: 11-07-2010, 04:10 PM
Parent: #164
ليه؟
.
.
.
.
.
.
.
كدا!
لو قادر
أمشي
قول بغم
|
Post: #167
Title: Re: ليه؟
Author: أيمن دياب
Date: 11-07-2010, 06:34 PM
Parent: #165
ود الصايم طبعا عارفنك بتدخل النت بالصباح من المكتب..
لكن يوم واحد ما حصل دخلت بعد ما مشيت البيت.. حتى في أحلك الظروف وأسخن البوستات..
علل؟؟ (ليه بطريقة تانية)؟؟!
|
Post: #174
Title: Re: ليه؟
Author: محمد عبد الماجد الصايم
Date: 11-08-2010, 08:02 AM
Parent: #167
Quote: لو قادر
أمشي
قول بغم |
أبو شيمة يا عمكـ
بغم .. ومحل الرهيفة التنقد!!
بس أقولا وين؟
|
Post: #175
Title: Re: ليه؟
Author: محمد عبد الماجد الصايم
Date: 11-08-2010, 08:04 AM
Parent: #167
Quote: ود الصايم طبعا عارفنك بتدخل النت بالصباح من المكتب..
لكن يوم واحد ما حصل دخلت بعد ما مشيت البيت.. حتى في أحلك الظروف وأسخن البوستات..
علل؟؟ (ليه بطريقة تانية)؟؟! |
أيمنوف
أها يا عمكـ .. علّلنا ليكـ تحت!!!
كان علل ما عارف!
دي لي زي تلتين سنة ما سمعتها!!
قاعد أسمع: عِلل .. لكن علّل دي طوّلت منها النجيضة!
|
Post: #168
Title: Re: ليه؟
Author: أيمن دياب
Date: 11-07-2010, 06:34 PM
Parent: #165
ود الصايم طبعا عارفنك بتدخل النت بالصباح من المكتب..
لكن يوم واحد ما حصل دخلت بعد ما مشيت البيت.. حتى في أحلك الظروف وأسخن البوستات..
علل؟؟ (ليه بطريقة تانية)؟؟!
|
Post: #169
Title: Re: ليه؟
Author: عبدالله ابوشوارب
Date: 11-07-2010, 09:17 PM
Parent: #168
كتب تمبس
Quote: لييه كلما الواحد يسلم ليهو علي زول يقوليهو بقيتو (تلاتة) واللا لسـة ..؟
|
عندي صاحبي بعد ماجاء من شهر العسل شبكوه ليك اها ما بقيتو تلاتة
قال ليهم والله كان ما الاجاويد وصلي علي النبي صلي علي النبي كنت بقيت براي
ليه الواحد كلما يكون عندو قروش زيادة تطلع مصيبة تلحسها منك ؟
|
Post: #170
Title: Re: ليه؟
Author: ندى صالح الطيب
Date: 11-07-2010, 09:48 PM
Parent: #169
الاخ ود الصايم سلام
كلما مسكت حكومة عسكرية البلد قعدت اكثر من القبلها ليه ؟
|
Post: #171
Title: Re: ليه؟
Author: محمد عبد الماجد الصايم
Date: 11-07-2010, 10:47 PM
Parent: #170
المداخلة دي بس عشان افتراضات أيمن!
من البيت والساعة 12.30 بالليل!!
|
Post: #172
Title: Re: ليه؟
Author: إدريس محمد إبراهيم
Date: 11-08-2010, 06:45 AM
Parent: #171
ود الصايم والأخوة الكرام ...
أعبق التحايا ...
دعني اتساءل يا عمك عن بعض المصادفات الغريبه ...
ليه مثلاً يتلموا عليك في شهر واحد :
- حلول الايجار (نصف سنوي عندنا في الرياض)
- خروف العيد
- مقاضي العيد
- ملابس العيد للأطفال
- توب العيد
- مصاريف السودان
- فاتورة الكهرباء المدنكلة
- فاتورة الهاتف شرحو ...
- طلبات البيت الما عندها أول ولا آخر
تفتكر الواحد يعمل شنو حسع يا عمك ... غايتو الواحد قرّب يقوم جاري بس ....
وليه بس يا ناس ؟!!!!
|
Post: #173
Title: Re: ليه؟
Author: محمد عبد الماجد الصايم
Date: 11-08-2010, 07:11 AM
Parent: #172
باللاي عمكـ إدريس دا التقول ساكن معاي في البيت!!!!
بالكربون بس!!
|
Post: #176
Title: Re: ليه؟
Author: محمد عبد الماجد الصايم
Date: 11-08-2010, 08:07 AM
Parent: #173
Quote: عندي صاحبي بعد ماجاء من شهر العسل شبكوه ليك اها ما بقيتو تلاتة
قال ليهم والله كان ما الاجاويد وصلي علي النبي صلي علي النبي كنت بقيت براي |
أبو شوارب يا عمكـ .. والله زولكـ دا نجيض عديل كـدا!
| Quote: ليه الواحد كلما يكون عندو قروش زيادة تطلع مصيبة تلحسها منك ؟ |
دي اسمها أم الحفر يا عمكـ
والحياة دي عبارة عن حُفر كبيرة!!
زي ما قال المثل .. تطلع من حفرة تقع في دحديرة!
|
Post: #178
Title: Re: ليه؟
Author: محمد عبد الماجد الصايم
Date: 11-08-2010, 08:15 AM
Parent: #176
Quote: الاخ ود الصايم سلام
كلما مسكت حكومة عسكرية البلد قعدت اكثر من القبلها ليه ؟ |
د. ندى وعليكم والسلام
مسألة بسيطة جدا جدا! كل ما تمسكـ حكومة بتقرض جزء
مقدّر من الشعب السوداني لحدي ما بقى اسمو الشعب
السوداني الفضل .. أها كل مرة المقاومة بتضعف لأنو
بكون الناس ذاتا نقصت .. لحدي ما يجي زمن يكون أفراد
الحكومة فيهو أكتر من الشعب زاتو!!
تحياتي ياخ!
|
Post: #177
Title: Re: ليه؟
Author: ABUHUSSEIN
Date: 11-08-2010, 08:11 AM
Parent: #173
ليه الزول دا ضاحك كدا
و بقول على الكلام دا :-
Quote: ليه مثلاً يتلموا عليك في شهر واحد :
- حلول الايجار (نصف سنوي عندنا في الرياض)
- خروف العيد
- مقاضي العيد
- ملابس العيد للأطفال
- توب العيد
- مصاريف السودان
- فاتورة الكهرباء المدنكلة
- فاتورة الهاتف شرحو ...
- طلبات البيت الما عندها أول ولا آخر
تفتكر الواحد يعمل شنو حسع يا عمك ... غايتو الواحد قرّب يقوم جاري بس ....
وليه بس يا ناس ؟!!!! |
Quote: باللاي عمكـ إدريس دا التقول ساكن معاي في البيت!!!!
بالكربون بس!! |
لــيـــــه ؟؟؟؟؟؟؟؟؟؟؟؟؟؟؟؟؟؟؟
|
Post: #179
Title: Re: ليه؟
Author: إدريس محمد إبراهيم
Date: 11-08-2010, 08:20 AM
Parent: #177
ود الصايم يا عمك .. وكمان ما تنسى بعد اللسته الكبيره البي فوق ديك، تكون في نفس الشهر عندك فكره تاخد ليك خفسه سريعه للسودان براك كده ...
بيعلموها كيف دي ....
وليه يعني كده ؟؟؟؟
|
Post: #180
Title: Re: ليه؟
Author: عبدالفتاح أبوشيمة
Date: 11-08-2010, 08:39 AM
Parent: #179
| Quote: وليه يعني كده ؟؟؟؟ |
إدريس اعمل حسابك
الزول دا بشرّك ليك؛ لامن يشرّكك شرك
وتبقى شرقرق
ليه؟
قال
ماهو حر!
أبو روان إزيّك
حسي حيرد لي بي نقطة
.
أنا عملتها خلاص ماتجي
|
Post: #181
Title: Re: ليه؟
Author: هشام كمال عبادي
Date: 11-08-2010, 11:41 AM
Parent: #180
كل بورد يعجبنا ونجيب البنبر نقعد ونتابعو صاحبو يزوغ ..
ليه..
|
Post: #182
Title: Re: ليه؟
Author: heba Elmahi
Date: 11-08-2010, 12:56 PM
Parent: #180
ود الصايم مشتااااقين
طوًلت الغيبة ... ليه ؟
أبو شوارب
| Quote: ليه الواحد كلما يكون عندو قروش زيادة تطلع مصيبة تلحسها منك ؟ |
السيستم يا عمك السيستم وتش يو لووول
ليه كلما اتصل بيك تطنشني لغاية ما تجيني بت الطيب !! إتصلح معانا ياخ
|
Post: #183
Title: Re: ليه؟
Author: أيمن دياب
Date: 11-08-2010, 01:17 PM
Parent: #182
ليه الواحد ما عندو مقدرة ولا استيعاب ولا صبر إنو يسمع أغنية جديدة ويهضما ويحفظا.. ويقنع الناس بيها..
ليه أغانينا القديمة دايما سمحة وطاعمة مهما طالت بيها السنين..
ليه الفنانين الطالعين في الكفر راكبين عربات وشعراء الأغاني ماشين بالمواصلات..
ليه الملحنين مظلومين مع إنهم السبب في حب الناس للأغاني..
لأنو بالنسبة للأداء ممكن تجيب أي واحد من طرف يوصلها للناس؟
|
Post: #184
Title: Re: ليه؟
Author: محمد عبد الماجد الصايم
Date: 11-09-2010, 07:30 AM
Parent: #183
ليه إنتو أسئلتكم تعسفية كـدا؟
ليه؟
|
Post: #185
Title: Re: ليه؟
Author: عبدالفتاح أبوشيمة
Date: 11-09-2010, 08:44 AM
Parent: #184
Quote: ليه إنتو أسئلتكم تعسفية كـدا؟
ليه؟ |
ياخي ما ناديناك
ماداير تجي ليه؟
وجع!
|
Post: #186
Title: Re: ليه؟
Author: أمير فتحي
Date: 11-09-2010, 10:47 AM
Parent: #185
ناس في الغلطه خالص مابجوك يعتذرو
وناس راسهم ظلط حاشاها تقبل عذرو
وناس في الحاره والحوبات من البتفزرو
وناس لاصدقو وعد لا أوفو حقو ونذرو
لييييييييييه ؟؟؟
|
Post: #187
Title: Re: ليه؟
Author: يحى الشريف
Date: 11-09-2010, 11:22 AM
Parent: #184
| Quote: ليه كل ما تفتح علبة الحبوب تطلع ليكـ الورقة قبلها؟ |
لي تلاتة يوم ببلع في حبوب نزلة وكل يوم اقول حا افتح بالجهة الصح(الما فيها الورقة) عشان كلام ود الصايم
تصدق التلاتة يوم بفتح بي جهة الورقة
لييييييييييييييييييه ياخ ؟
|
Post: #188
Title: Re: ليه؟
Author: محمد عبد الماجد الصايم
Date: 11-10-2010, 10:17 AM
Parent: #187
ليه كل يوم فاتلين لينا البورض ياخ!
ليه ياخ!!
|
Post: #189
Title: Re: ليه؟
Author: عبدالفتاح أبوشيمة
Date: 11-10-2010, 10:46 AM
Parent: #188
Quote: ليه كل يوم فاتلين لينا البورض ياخ!
ليه ياخ!! |
ليه الناس يوجهوا ليها نداءات ملحّة
ما يعبّرونا
ليه ياخي ليه؟
-
خارج الخط
عايزينك ضروري
في بوست وجع وجع وجع
حتجي
وللاّ برضو فيها ليه
|
Post: #190
Title: Re: ليه؟
Author: حمد عبد الغفار عمر
Date: 11-10-2010, 05:11 PM
Parent: #189
يا محمد
سلام
هاك اللامات الثلاثة ديل
1- ليه السودانيين ما بياكلو و أشربوا الا بعد الواحد يقعد يزبد من الجوع والعطش؟
يعني مثلا ليه ما بنفطر الصباح ونحن طالعين الشغل ؟
2- ليه الواحد لما يطلع من حادث حركة بأعجوبة بقضي الاسبوع التالي كلوا سائق بحذر
وبعد داك ينسى الموضوع ويقعد يفحط؟
3- ليه الواحد لما تحصل ليهوا حاجة سيئة اقول أنا كاتبني وضاربني عين
وهاك يا شيوخ ودجالين ووهم ذي دا؟
|
Post: #191
Title: Re: ليه؟
Author: هشام كمال عبادي
Date: 11-10-2010, 07:06 PM
Parent: #190
ود الصايم رفعنا ليهو البوست وما عبرنا بي رد ..
ليه
|
|