Post: #1
Title: رصْد ود الصّايم بأحد شوارع الخرطوم
Author: علاء الدين يوسف علي محمد
Date: 11-16-2010, 09:45 PM
حد ينزِّل لينا الغُنْية بتاعت
"حاول يخفي نفسو"
|
Post: #2
Title: Re: رصْد ود الصّايم بأحد شوارع الخرطوم
Author: علاء الدين يوسف علي محمد
Date: 11-16-2010, 09:46 PM
Parent: #1
شُكراً أخونا عُمر صِدِّيق
الذي رصد
و لم يتمكّن من فتح بوست وهو في سيّارته
|
Post: #3
Title: Re: رصْد ود الصّايم بأحد شوارع الخرطوم
Author: عمر صديق
Date: 11-16-2010, 10:07 PM
Parent: #2
ياهندسة عفوا لعدم رؤيتي لهذا البوست
وكل سنة وانت وود الصايم والبورداب بالف خير
|
Post: #4
Title: Re: رصْد ود الصّايم بأحد شوارع الخرطوم
Author: محمد عبدالرحمن محمد
Date: 11-16-2010, 10:19 PM
Parent: #3
Quote: حد ينزِّل لينا الغُنْية بتاعت
"حاول يخفي نفسو" |
رغم إنها كتيره على ودالصايم، لكنك طالبني سالفه
__________
حاول يخفي نفسه
وهل يخفى القمر في سماه
أبداً لا ... وطبعاً لا ...
شفناه .... شفناه
حاول يخفي نفســــه
وغير إتجاه
سطع النور في أفقه
وكل إنسان رآه
خلنا البدر أشــــرق
كامل في علاه
وخلنا الزهر فتــــح
من أنفاس شذاه
جذاب حسنه رايع
لادن خلقه مايع
رقص البان مشيه
تحب تنظر وشيه
عيونك تختشيــــه
من قوة ضياهو
ومن شـــــــدة حياهو
مرة إذا نظرتــــــه
ونظرة إليك رناه
قلبك ينشرح لــــه
وترتاح لي لقاه
دون تشعر تحبــه
وتلهج .. بى ثناه
مرة تقول كبــدري
ومرة تقول كزهري
مرة تسمي شعري
ومرة تسمي سحري
تغلب فيه أسمــــا
وبرضو تشوفه أسمى
كل وصــف تــراه
أقل من مستواه
مترفع عظيم عالي
بعيد مــداه
ملأ العين جمالــه
الزاهي رشح نداه
يلألــي والكواكب
تتناثر حداه
فيه الحسن أودع
ماملكت يداه
مفــــــــــــــــــرح
وشوفته تفرح
بتلقاك باسم
كالزهر المنسق
في زمن المواســـــم
تشوف في مقلتيه
حياء ودلال و تيه
واللحظ البيجــرح
زاد وجدى المبرح
أنا من دون أصـــــرح
لي قلب إصطفــاه
وهسه هناك معاه
[المطرطش]
|
Post: #5
Title: Re: رصْد ود الصّايم بأحد شوارع الخرطوم
Author: علاء الدين يوسف علي محمد
Date: 11-17-2010, 06:55 AM
Parent: #4
محمد عبد الرّحمن
سلامات يا حبيب
يمين مع العيون المطشِّشة بالشّربوت دي
ما قريت الألف تصدِّق؟
و بما إنّك زول حقّاني
كدي عليك الله شوف ما أكون طالبك حاجة تانية
خاصة مع خروف العيد القدّ الجّيب دة
|
Post: #6
Title: Re: رصْد ود الصّايم بأحد شوارع الخرطوم
Author: محمد عبدالرحمن محمد
Date: 11-17-2010, 07:23 AM
Parent: #5
Quote: يمين مع العيون المطشِّشة بالشّربوت دي
ما قريت الألف تصدِّق؟ |
هيي يا علاء؛
انت ان بقت عيونك مطششات بي الشربوت الهين دا، انا عيوني مطششات
باللقوى مِلّا، وحرّم لاني شايف الأف ولاني شايف اللام!
أها شن قولك ؟
___
Quote: و بما إنّك زول حقّاني
كدي عليك الله شوف ما أكون طالبك حاجة تانية |
من الليلي وغادي انا بالشرق و[الحقانيي] بالغرب؛
دحين شوفلك بصارةً تاني!!
|
Post: #7
Title: Re: رصْد ود الصّايم بأحد شوارع الخرطوم
Author: ABUHUSSEIN
Date: 11-17-2010, 08:02 AM
Parent: #6
فضحتو الراجل الزيارة سرية
كل سنة و إنتو طيبين
|
Post: #8
Title: Re: رصْد ود الصّايم بأحد شوارع الخرطوم
Author: معتصم محمد صالح
Date: 11-17-2010, 09:51 AM
Parent: #7
سلامات يا علاء وكل سنة وانت طيب ...
الزيارة لم تكن سرية واعلن عنها ود الصايم " ايماءاً " في اكثر من بوست ....
المهم الان ..
لديكم في الخرطوم ممن اعلم ..
عمنا حمزاوي
عمنا جعفر اسماعيل " طوكيو "
عمنا بهاء الدين " طوكيو "
عمنا ود الصايم " الرياض "
خالنا " طارق جبرين " كازبلانكا "
جهز باغات الشربوت حقت السنة الفاتت وابقو مارقين,.
|
Post: #9
Title: Re: رصْد ود الصّايم بأحد شوارع الخرطوم
Author: ناذر محمد الخليفة
Date: 11-17-2010, 11:35 AM
Parent: #8
يا جماعة ما في واحد رصد لينا فيصل نوبي حايم كدة ولا كدة ؟؟!!
|
Post: #10
Title: Re: رصْد ود الصّايم بأحد شوارع الخرطوم
Author: ابو جهينة
Date: 11-17-2010, 12:03 PM
Parent: #9
علاء الدين
كل عام و أنتم بألف خير
معقولة الزول دة حايم نصيح ؟
لأن الزول مشى مطار الرياض رايح جاي 4 مرات ( سودانير ) ، و قلت يكون الزول دة داقي النوم
|
Post: #11
Title: Re: رصْد ود الصّايم بأحد شوارع الخرطوم
Author: Ahmed musa
Date: 11-17-2010, 12:07 PM
Parent: #9
| Quote: رصْد ود الصّايم بأحد شوارع الخرطوم |
حالف وجازم علاء الدين ده يوم حيكتل ليه مناضل
وكل عام وأنت بألف خير
ــــــــــــ
ود الصايم أهو بختك عملناك مع المناضلين
يعني باقي ليك اللوتري بس ...!!!
وكل عام وانت والبنيات وامهن بالف الف خير
|
Post: #12
Title: Re: رصْد ود الصّايم بأحد شوارع الخرطوم
Author: abdelgadir mustafa
Date: 11-17-2010, 12:57 PM
Parent: #11
قبل العيد بيوم فى بقاله المدينه فى اركويت زول لابس جلابيه من دون طاقيه بالليل اشترى حاجات العيد وطلع وانا داخل على البقاله شبهت الزول على ود الصائم وانا اصلا ما لاقيتو قبل كده شفت صوره البروفايل بتاعو بس لكن لانى ما متاكد خليتو ما سالتو قلت اديهو نكته لو ضحك شديد يكون ياهو لكن ما انتظرنى
دى تعتبر بينه ظرفيه تحتاج الى من يعضدها بشوفه ولا صوره
|
Post: #13
Title: Re: رصْد ود الصّايم بأحد شوارع الخرطوم
Author: خالد المحرب
Date: 11-17-2010, 01:56 PM
Parent: #12
علاء كل وانت طيب
زى ما قال ابو الحسين هو قالى انا ماشى استقبل ناس فى الحج
تاريهو ناوى على حاجه تانيه انا مالى ومال الكلام دا كان مى شتاره منى
|
|