Post: #1
Title: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: Raja
Date: 07-02-2010, 11:13 PM
Parent: #0
ههههههه.. طبعا شايفاكم الليلة خشمكم ملح ملح.. بالله أبعدو لينا من الشاشة بكرة في المباراة الأولى. وحلال عليكم البارغواي وأسبانيا إن شا الله تطلعوهم الإتنين.. لووووووووول
يا شباب الأرجنتين والمانيا دي بكرة فيها موت عديييل.. كفاية إنها مباراة فاينال بدري شوية
* الكج الفي العنوان دي لأي زول يأنس في نفسه الكفاءة.. بالعربي كده يكون شجًع زي 3 فرق من بداية الكاس والتلاتة طلعن.. ههههه
مثال راوية أختي.. ههههههههه
|
Post: #2
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: نصار
Date: 07-02-2010, 11:38 PM
Parent: #1
ايوة باللهي يا رجاء كلميهم
يكفي انه المانيا في منتخبها 11 لاعب
ذو اصول اجنبية، بديت اكتب عن التحولات
الخرافية البداها كاس العالم 2006 و تماها
المنتخب الحالي لقيت نفسي بكلم في روحي
توقفت
الليلة جيت من برلين البلد واقفة علي
كراع واحدة و اجانب و اهل بلد
حاجة كدا ما ممكن الانسان يتصورها الا
يعايشها بنفسه
|
Post: #3
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: حبيب نورة
Date: 07-02-2010, 11:50 PM
Parent: #2
لووووولز
وحاتك يا رجا راوية لو شجّعت الحكم يطلع قبل ما يتم الكورة
زولة كج ياخ
|
Post: #5
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: Raja
Date: 07-03-2010, 00:04 AM
Parent: #3
الغالي حبيب نورا.. سلام وشوق وسؤال عن الأحوال
اللذيذ راوية بقت تهددنا كمان. بعد ما فرنسا وإيطاليا طلعوا بدري بدري بقت تشجًع البرازيل عشان تتطلع (في دي أنا دعمتها مية مية.. ههههه). المصيبة إنها ناوية لينا بكرة..
تحاياي
|
Post: #4
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: Raja
Date: 07-02-2010, 11:59 PM
Parent: #2
نصًار يا غالي.. سلامات كتارات
بالله جماعتك ديل ومعاهم الخردة كوستاوي ونص الحبيبة دوما (هي غايتو عين لألمانيا وعين للأرجنتين.. ههههه).. قول ليهم يهدًو اللعب شوية..
الكاس ماشة أمريكا الجنوبية ماشة.. ما عايزين ناس الـ(رغواي) بالألف أو الباء يشيلوها. فحلال علينا..
تحاياي
|
Post: #6
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: doma
Date: 07-03-2010, 00:18 AM
Parent: #4
لووووووووووووووووووول يا رجويه
اطمئني الارجنتين لن تهزم
بس يبعد منها امين ياسمين خال حمور .
الالمان سيذهبون كما ذهبت غانا
وستلعب الارجنتين ضد اسانيا
وح تاخد الكاس الارجنتين
|
Post: #7
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد على طه الملك
Date: 07-03-2010, 00:26 AM
Parent: #4
سلام يا راويه..
يكره قريييب..
تشوفي براك..
الكاس ده اوربي اوربيييييي الناس دي مالا بقى سمعها تقيل!
احسن امشي زيدي الكراسي ووسعى خيمة اختك قبال تلمها.
|
Post: #8
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: doma
Date: 07-03-2010, 00:37 AM
Parent: #7
سلام محمد علي طه الملك
لوبقي اوربي
الايكون حق الاسبان لكين المانيا ما ح تاخده
قلبي علي سامي ولدي من مباره الارجنتين المانيا
الولد وطني علي السكين
|
Post: #9
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد على طه الملك
Date: 07-03-2010, 01:21 AM
Parent: #8
مرحبتين يا دومه..
باكر جاينك انا وسامي..
بس اوع تزوقي واللا تجدعي لينا مراقاتك ( حلفوا على ومش عارف ايه)..
بالمناسبة اسبانيا موقفها صعب لأنها ستواجه الطرف الالفائز سواء الالمان اوالارجنتين..
هولندا بعد استبعادها للبرازيل ما ح تواجه مصاعب في تجاوز الاورجواي والصعود للنهائي..
عشان كده انا بظن النهائي بين الجيران ( زيتنا فبيتنا).
|
Post: #10
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: ابراهيم عدلان
Date: 07-03-2010, 01:34 AM
Parent: #9
ازيك يا رجاء
غايتو دو الصايم و خليل و دوما ديل انا امنت بيهم الليلة
كج لابس جلابية
|
Post: #11
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: ALGARADABI
Date: 07-03-2010, 05:03 AM
Parent: #10
بختك
|
Post: #12
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد على طه الملك
Date: 07-03-2010, 05:37 AM
Parent: #11
والله يا قردابي لوما ملاحظتك ما انتبه ليها ..
بالله شحنات امبارح دي تخلى في الواحد بال..
على كل ما بعدت كتير..
مشكور ياخي..
معليش يا رجاء حقك على.
|
Post: #13
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد عبد الماجد الصايم
Date: 07-03-2010, 06:18 AM
Parent: #12
تعرفي يا راجا
أنا غايتو (ما) مع الناس الكُج ديل، أصلوا ما اتكلمت قبل
الكورة ماسكـ خشمي دا علي، بوست واحد بس جيت ناطي فيهو جوز!
أها بعد ما الكورة انتهت جيت فتحت بيت العزا
غايتو ناس الأرجنتين ديل ما عندهم أي متعة في الكورة!
عبارة عن مواهب شخصية زول لماهم في حتة واحدة ودايرين
طريقة التوظيف الصحيحة، زي القصة الماشة فيها البرازيل
هسي .. دونقا طلّع الناس من المواهب بتاعتا ودايرهم مكاين بس!
فريق ميسي ما يقدر يعمل فيهو حاجة!؟
جهّزي ترامس الشاي
العزا محمّدكـ محمّدكـ!
|
Post: #14
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: احمد محمد بشير
Date: 07-03-2010, 06:33 AM
Parent: #13
حتتنجم زي الترتيب..... وتعالي شوفي بعدين يا رجوية.
الارجنتين دي لاعبه بي حماس ساااااكت.
ما منظمين أبداً
فوضي , وماردونا واقف فوق راسهم علي طووول المباراة.
غايتو الحمد لله (هههههه) لحدي الان نحنا ما طلعنا ناس كج
عشان مافي زول يجي يقول لي أحمد بشير (الكُج)
لحدي الان ماشة باسطة مع الفريق العظيم (دوتشلاند)
|
Post: #15
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: maia
Date: 07-03-2010, 06:33 AM
Parent: #13
سلام رجاء
معليش يا رجوية مع احترامي لحبك للارجنتين
لكن يا رجاء كاس العالم السنة دي بالغ في المساخة
يعني كاس عالم تطلع فيهو فرنسا وايطاليا من دور ال 16
وتكتمل بالخروج الصادم للبرازيل في دور ال 8
ده بقا كاس بدون عالم
صراحة فقد المونديال طعمه ولونه وجماله
حزينة جدا للبرازيل
غايتو الارجنتين وباقي الفرق يتفسحوا ساكت بعد ده
|
Post: #16
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد عبد الماجد الصايم
Date: 07-03-2010, 06:45 AM
Parent: #15
| Quote: حزينة جدا للبرازيل |
إنا لله
أنا كـدا حزنت زيادة!
|
Post: #18
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد عبد الماجد الصايم
Date: 07-03-2010, 07:10 AM
Parent: #17
بالمناسبة يا أحمد يا عمكـ
الدكتور دا في الرج؟ مالو مختفي كـدا
ولّ فقد سوائل بكتر التجاهل؟
|
Post: #19
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد عبد الماجد الصايم
Date: 07-03-2010, 07:51 AM
Parent: #18
أيواا .. اتذكرت حاجة .. أنا داير الأرجنتين
دي تشيل الكاس عدييييل .. عشان نشوف النجيضة
بتاعتم .. قالوا ح يجروا في نص العاصمة مولاي كما خلقتني!!
غايتو الواحد يشوف إجراءات التأشيرة من هسي!
|
Post: #20
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد علي شقدي
Date: 07-03-2010, 08:29 AM
Parent: #19
قبل ما البرازيل تورينا عرض اخير لارقام الفنايل الزرقاء (سيد الاسم سالم- رغم شلاقة اميره )
| Quote: واكد البشير ان السودان لايخشى اميركا او فرنسا او بريطانيا ،لكنه رحب بخلق علاقات ندية معها، |
جريدة الصحافه - التاريخ: 1-يوليو-2010 العدد:6095 الأخبار
ده كج كبير يا رجاء كل الفرق النطق باسمها في الباي باي
اتمني ان لا تكون لنا سفارة او اي علاقه بالارجنتين الا بعد كاس العالم
|
Post: #21
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: عفاف الصادق بابكر
Date: 07-03-2010, 08:53 AM
Parent: #20
رجويه .. ياخ ليك وحشه والله ..
| Quote: وح تاخد الكاس الارجنتين |
أنا غايتو مع ماما دوما ..
واصلي اليوم داك مطروده من بيتى مطروده ..
|
Post: #22
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: abuguta
Date: 07-03-2010, 09:05 AM
Parent: #21
غايتو يارجاء
انا ما من انصار الارجنتين
لكن الولية وبناته اقالبات البيت كلو شعار ارجنتين
حتى الملايات والفرش الارضى,,,
وكمان لدن لابسة رقم ميسى ولما رقم هوقويين
حارمنى ان اعزم معاى عذابة يحضروا يحضروا معاى
عموما انا بشجع اسبانياوالالمان
كره ل برازيل دنقا
خلونا نشوفكم اليوم فى الموعد
تسلمى
|
Post: #24
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد على طه الملك
Date: 07-03-2010, 04:10 PM
Parent: #23
يخوانا ست البوست دا زايغه وين؟؟
|
Post: #25
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد على طه الملك
Date: 07-03-2010, 04:37 PM
Parent: #24
تعالى يا رجاء وجيبي معاك جردل ليمون بارد ..
حصلي بيه ضيوفك الراجعين منهوكين من الدافنه دبل..
ما تنسي معاك حبة بندول لدومه شايفه ربطت راسها.
|
Post: #26
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: Hadeer Alzain
Date: 07-03-2010, 04:39 PM
Parent: #24
والقون التالت لألمانيا!
الألمان زعمطوكم زعمطة السواد يا رجوية ! 
نحن السابقون (البرازيل) وأنتم اللاحقون!
هاردلك والله!
_
|
Post: #27
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: رشا سالم
Date: 07-03-2010, 04:45 PM
Parent: #26
قلنا ليكم :المانيا وبس والباقي خس ..
وااااااااااااااااااااااااو!
|
Post: #28
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد على طه الملك
Date: 07-03-2010, 04:47 PM
Parent: #26
سارتانا لا يرحم..
فوق لحد ما الصداع يفك او الارجنتينيين يسيبوا الملعب ويشردوا.
|
Post: #29
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: Hadeer Alzain
Date: 07-03-2010, 04:55 PM
Parent: #28
رجوية مع القون الرابع دا حقو تفرشي عديييييل !!!!!
بنجي نعصر معاك الفراش والله!
|
Post: #30
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد البشرى الخضر
Date: 07-03-2010, 05:02 PM
Parent: #29
رجاء الدين (هههههههه)
زعلت ليك والله
|
Post: #32
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: ابراهيم عدلان
Date: 07-03-2010, 05:08 PM
Parent: #30
مرحبا برجاء عضو مؤسس في سودانيزكج دوت كوم
القون الاول مسمار
و التاني حار
و الثالث دمار
و الرابع موية نار
|
Post: #31
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد على طه الملك
Date: 07-03-2010, 05:03 PM
Parent: #29
لو ما رجاء دي او دومة ظهرن وفرشن ما بعزيهن..
بالله الجماعة نزلوهم الالمان لمستوي استراليا!!!
انا لله.
|
Post: #33
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: Raja
Date: 07-03-2010, 05:25 PM
Parent: #31
الشباب والشابات الشمتانين:)))
بالراحة بالله. أنا على سفر* يا محمد طه ما شردتا.. هع. أنا بتك يا الأرجنتين.. هههههههه
خلوني أستوعب الهزيمة "النكراء" وأنوم لي ساعتين وأرجع ليكم (ده لو جاني نووم.. لووووول)
بالمناسبة. أي قون للألمان مستحق.. وحلو وملعوب.. تستاهلو يا شباب.. حقو الزول ينضم لراوية في تشجيع الألمان عشان ينكشحو بالمرة ويجوا نمرة 4.. هههههههههه
* وصلت من ساعتين من القاهرة لمكان شغلي الجديد. ولسة ما عارفة راسي من رجلي، وكملت بالأربعة
يا ود الصايم. شكلو "ميسي" خاف الولية تنفذ وعدها:)))))
|
Post: #34
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: doma
Date: 07-03-2010, 05:27 PM
Parent: #31
لووووووووووووووووووووووووووول يا جماعه مامه دومه طابور خامس . كنت خايفه من شماته ناس امين ياسمين فلت اكون في السيف صايد
مبروك لاولادنا ومبروك لسامي ولدي .
البكاء بحروره اسيادو انتظروا رجاء العباسي
انا كنت مجاملاها ساكت
|
Post: #35
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: Soumeta
Date: 07-03-2010, 05:38 PM
Parent: #34
و الاغنية الوحيدة الحايمة حولي:
واي واي واي سحبو مني،،
وااااااااااااااااي يا أجووية عديل!
الله يعلم مسخ علي،،
|
Post: #36
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد عبد الماجد الصايم
Date: 07-03-2010, 09:15 PM
Parent: #35
غايتو يا راجا .. زعمطة التاباني والألماني!
أخير نحن حلقو لينا خفيف!
زي ما قلتي ميسي عملا ظاهرة!
طلع لسانو وقال لينا: مسكين البدا يأمل!
|
Post: #37
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: عاطف رميتي
Date: 07-03-2010, 11:36 PM
Parent: #36
راجا .. سلام
اها كيف بعد الماكينة دورت .. والارجنيتن في الباي باي
| Quote: غايتو يا راجا .. زعمطة التاباني والألماني! |
ود الصائم حلوة دي
شكلو كاس العالم دة بقاك شاعر
كاكااااااااات
|
Post: #38
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: ABUHUSSEIN
Date: 07-04-2010, 05:36 AM
Parent: #37
عرفتي الكـُـج منو ولا لـسـه ؟؟؟
يا رجوية خليك زي أخوك شجعي اللعبة الحلوة و بس
|
Post: #39
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد عبد الماجد الصايم
Date: 07-04-2010, 07:15 AM
Parent: #37
| Quote: شكلو كاس العالم دة بقاك شاعر |
رميتي يا عمكـ
كأس العالم دا بجنتر بالزول عديل .. خليكـ
من يبقى شاعر .. هسي زعمطة الأرجنتين ديل ما جنترة من الألمان؟
|
Post: #40
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: عاطف عمر
Date: 07-04-2010, 07:52 AM
Parent: #1
| Quote: يا ود الصايم. شكلو "ميسي" خاف الولية تنفذ وعدها:))))) |
لووووووووووووووووووول
_______________________
سلامون رجوية
|
Post: #41
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد عبد الماجد الصايم
Date: 07-05-2010, 10:23 AM
Parent: #40
شنو دايرين تكلفتوا الفُراش دا سريع سريع!
|
Post: #42
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: احمد محمد بشير
Date: 07-06-2010, 00:08 AM
Parent: #41
Quote: حقو الزول ينضم لراوية في تشجيع الألمان عشان ينكشحو بالمرة ويجوا نمرة 4.. هههههههههه
|
كفايه  يا رجاء بالله خليكي مع الفِـرق الإنتي بتشجعيها ...
و شجعي عمر البشير زي ما قالو ليكي عشان يآآآمن بالمرّة
ولو لقيتي طريقة شجعي لينا الهلال ده برضو لانو مغلبنا
ود الصايم .. من أكبر الكجاجين بس مافي زول جاااايب خبروا
___
حمد الله علي السلامة و القاهرة كيف معاك.
|
Post: #43
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: HAYDER GASIM
Date: 07-06-2010, 00:37 AM
Parent: #42
رجوية ... كيفنك,
لا أحس من بعد بطعم لكأس العالم ... تصدقي,
فالمفاجآت الكثيرة وسريعة لا تترك في اللب قلب
ولا العكس. كانت هناك أربعة وعشرين ساعة حاسمة
إنقلبت خلالها كل الموازين. خرجت البرازيل في
غير المتوقع, أصرت غانا على الخروج وتشييع كل
الأمال التي إرتبطت بها, خاصة بعد خروج البرازيل.
والتالتة وقعت بخروج مهين للأرجنيتن من المنافسة.
ربما لم يتبق غير أن أتمنى لهولندا الفوز ... فشقيقي
هناك .
وفي كل الأحوال ... كوني بخير
|
Post: #44
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: Kostawi
Date: 07-06-2010, 05:30 AM
Parent: #43
السلام عليكم و رحمة الله تعالى و بركاته
Friede sei mit euch und Gottes Gnade und Segen sei mit euch
|
Post: #45
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد عبد الماجد الصايم
Date: 07-10-2010, 08:08 AM
Parent: #44
شنو يا جماعة الصيوان دا ما ترفعوهو!
|
Post: #46
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: Raja
Date: 07-23-2010, 10:23 PM
Parent: #45
الحبيبات:
دوما..
مايا..
عفاف..
هدير..
رشا..
وسوميتا (عزوز)
الأحباب:
نصًار..
حبيب نورا..
محمد الملك..
إبراهيم..
عمر..
ود الصايم سيد البوست..
أحمد..
محمد شقدي..
أبو قوتة..
ود البشرى..
عاطف رميتي..
أبو أمنبة..
عاطف عمر..
حيدر..
والكرمبا الألماني (:
سلامات ومحبة..
عارفة بعد العيد ما بيتفتل (كعك). لكن تشجيعنا وريدتنا للفرق دي ما حيكون أبدا موسمي. واليونيفورم بتاعي إتغسل وإترفع في الحفظ والصون لغاية ما نمشي البرازيل كان الله حييانا بعد 4 سنين..
طبعا يوم مباراة الأرجنتين والمانيا الشينة كنت بين بلدين. وحضرت المباراة على آخر نفس وعافية. ومن الوقت داك وأنا في حالة بحث عن بيت ومحاولة إستقرار وعمل إقامة....الخ. وما كان في بالي ابدا إني أتجاهل مداخلاتكم الحلوة الفوق دي.. وأهو الليلة الله اذن..
شكرا ليكم جميعا. وإتضح في النهاية كلنا (كج).. هههههههه
* ود الصايم.. في يوم لمحت بوست جابو ليك بنيًة.. قدر ما فتًشتو الليلة ما لقيتو عشان آكل "الماكنتوش" واشرب "السفن آب"
مبروكة البنوتة. وحمد لله على سلامة مامتها. وتتربى في عزكم هي وإخيًاتها العسل.. وبختك يا عم. الجنة مضمونة بعد البنيات ديل ((:
ودي الـوافــر للجميع الفوق
|
Post: #47
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: محمد عبد الماجد الصايم
Date: 07-24-2010, 01:00 PM
Parent: #46
راجا .. حمد لله على السلامة ياخ!
دا ما كان عزا دا .. عملتيهو حداد عدييييل!
الله يسلمكـ .. تسلمي ويديكـ العافية
البت التالتة ما شاء الله قولي!
البوست وزّعنا البارد والحلاوة والجماعة ماقصروا
غايتو ودّعنا آخر مباركـ ورفعنا البوست في المكتبة!!
تسلمي والله!
|
Post: #48
Title: Re: بالله يا ود الصايم والجماعة الكج* بكرة تاخدو نص إجازة من متابعة كأس العالم.
Author: Rawia
Date: 07-24-2010, 02:29 PM
Parent: #47
هههههه
(ز)كريات كأس العالم
|
|