Post: #1 Title: زعـمطـة .. من لا يخشى المـطر!! Author: محمد عبد الماجد الصايم Date: 07-19-2010, 07:03 AM Parent: #0
حيييييييي أنا! البفتح خشمو بجيب ليهو الديش!
عاد الحبيب المنتظر .. عاد عاد عاد عاد! عاد دا كلام يا جماعة .. القصة بقت سلّم خُماسي!
غايتو لو كان المطرة صبت أمس كان شافو شغل موباااالغة كمان!!
بعدين ليه يعني .. تلفوني دا أمس ما فيهو إلا رسالة واحدة من جنابو .. ما لقيتو التقولوهو!!
Post: #2 Title: Re: زعـمطـة .. من لا يخشى المـطر!! Author: محمد عبد الماجد الصايم Date: 07-19-2010, 07:04 AM Parent: #1
بعدين مباراة الرد شوفو تقرير الإرصاد قبل ما تمشو! ناس الديش ديل هنا طلعوا ديشكم .. هناكـ إلا يأجزولكم!
Post: #3 Title: Re: زعـمطـة .. من لا يخشى المـطر!! Author: بشير حسـن بشـير Date: 07-19-2010, 07:09 AM Parent: #2
. .
النجيضه .............
أعزف يا عمك خماسى سداسى سباعى زاتوووووووووو
. . .
Post: #4 Title: Re: زعـمطـة .. من لا يخشى المـطر!! Author: محمد عبد الماجد الصايم Date: 07-19-2010, 07:11 AM Parent: #3
بشير يا عمكـ .. هو عزف نصاح! ناس تعزف ألحان .. وناس تذرف دموع!
Post: #6 Title: Re: زعـمطـة .. من لا يخشى المـطر!! Author: معاوية المدير Date: 07-19-2010, 07:14 AM Parent: #4
Quote: بعدين ليه يعني .. تلفوني دا أمس ما فيهو إلا رسالة واحدة من جنابو .. ما لقيتو التقولوهو!!
يا عمّكـ، هوووووووووووس إنت زآتك خُت الخمسة فوق الأتنين...
Post: #5 Title: Re: زعـمطـة .. من لا يخشى المـطر!! Author: المكاشفي الخضر الطاهر Date: 07-19-2010, 07:12 AM Parent: #3
وانضم كاسروكا الى قبيلة المواسيييييييييييييير
Post: #8 Title: Re: زعـمطـة .. من لا يخشى المـطر!! Author: almulaomar Date: 07-19-2010, 07:22 AM Parent: #5
ود الصايم مبروك الفوز وبصراحة أنا توجست خيفة بعد هدف الهلال الأول السريع لأسباب يأتي في مقدمتها أن جماعتنا بعد نهاية كأس العالم إستعانوا بتيس عمك عبد المعروف تيمناً ومحاكاة للأخطبوط بول ، لكين الحمد لله فقد قهرت أهداف سادومبا ورفاقه تيس عبد المعروف والدجاجة الصغيرة الحمراء و###### عبد الجليل زاتو ، فقد روي صاحب التيس الوهم أن من يحرز هدفاً أول في مباريات الكونفدرالية لا يمكن أن يفوز بنتيجة المباراة ويا دووووب يكوس لي الدرون إن شاء الله بي نيران صديقه. مبروك الفوز - المعز دا كان ما بطل عوارتو دي بجيب الكفوة للهلال.
Post: #7 Title: Re: زعـمطـة .. من لا يخشى المـطر!! Author: عمران حسن صالح Date: 07-19-2010, 07:14 AM Parent: #2
مبروووووووووووكـ يا مان عندي ليكـ حاجات عجيبة بس خلي الدنيا تصبح وافتشم ليكـ من شريط المباراة خاصة رقصة معز ( بالمكوه )
Post: #9 Title: Re: زعـمطـة .. من لا يخشى المـطر!! Author: محمد عمر جبريل Date: 07-19-2010, 07:25 AM Parent: #7
برضو لمن يكون في مباراة رد ما تفتح بوست
كااااااااااااااااااكـ
Post: #10 Title: Re: زعـمطـة .. من لا يخشى المـطر!! Author: محمد البشرى الخضر Date: 07-19-2010, 07:26 AM Parent: #7
مبروك حمووودي ومبروك العرض - الشوط الأول -قبل النتيجة رجعت فيه ملامح من كورة الهلال الزمان ون تو و باصات دقاق وعزف مموسق عجيب إن شا الله ميشو كراعو خدرا علينا
Quote: خاصة رقصة معز ( بالمكوه )
لا عليك الله يا عمران رقصة المعز و الهوبة المعشكبة القلبها كاريكا أسّي ناس مزمل و بابكر سلك يخلّو اي شي و يكتبو فوقهن
Post: #11 Title: Re: زعـمطـة .. من لا يخشى المـطر!! Author: معاوية المدير Date: 07-19-2010, 07:29 AM Parent: #10
Quote: جماعتنا بعد نهاية كأس العالم إستعانوا بتيس عمك عبد المعروف
عيك الله يا مولا عمر بتعرف تيس عبد المعروف من وين؟ يعني العرّفك بتيس عبد المعروف شنو؟ يعني إنت من السيالة، والا من خِليّوة؟؟؟
Post: #15 Title: Re: زعـمطـة .. من لا يخشى المـطر!! Author: جعفر محي الدين Date: 07-19-2010, 07:35 AM Parent: #11
مبروك ود الصائم وكل مشجعي الهلال العظيم والود بشة رجع لينا أيام تنقا تنقا تنقا أو تنقا أتمنى تكون النغمة الجديدة بشه بشه بشاااا أو بشه
Post: #12 Title: Re: زعـمطـة .. من لا يخشى المـطر!! Author: عابدون محمد عابدون Date: 07-19-2010, 07:30 AM Parent: #10
Quote: المعز دا كان ما بطل عوارتو دي بجيب الكفوة للهلال.
Post: #16 Title: Re: زعـمطـة .. من لا يخشى المـطر!! Author: فتحي الصديق Date: 07-19-2010, 07:37 AM Parent: #12
الليلة مزمل أبو القاسم وصحبه حيركزوا تركيز شديد في كلام الرشيد المهدية عن عدم صحة ضربة الجزاء ..
ود الصايم ...بالله نقص الهدف الجا من ضربة جزاء وشوف الباقي كم ....
Post: #13 Title: Re: زعـمطـة .. من لا يخشى المـطر!! Author: فدياس نجم الدين Date: 07-19-2010, 07:31 AM Parent: #10
ودالصايم وقبيله الأسياد
سلام
من الحاجات الحلوه في كوره أمبارح طريقه إحتفال سادومبا مع عمر بخيت
حركات زي بلدياتنا في هارلم .. ضربه كف وضربه كتف وحاجات بس تقول لاعبين كره سله
يس مان
Post: #14 Title: Re: زعـمطـة .. من لا يخشى المـطر!! Author: عمران حسن صالح Date: 07-19-2010, 07:35 AM Parent: #10
Quote: لا عليك الله يا عمران
خليناها يا ود البشرى ياخي كان تحنِس ولا تقول لو سمحت بدل الحليفة القوية دي
Post: #17 Title: Re: زعـمطـة .. من لا يخشى المـطر!! Author: السيد أحمد إبراهيم Date: 07-19-2010, 07:43 AM Parent: #14
ياعمك الزعمطة دي
دايرنها للرشيد المهدية ..
الزول ده من زمان يشلت في الكورة
ماشغالين بيهو الشغلة ..
لكن أمس عملها ظاهرة
Post: #18 Title: Re: زعـمطـة .. من لا يخشى المـطر!! Author: فدياس نجم الدين Date: 07-19-2010, 07:52 AM Parent: #17
ياالسيد الرشيد المهديه عنده مشكلتين
الأولى عايز يرضي جمال الوالي ويتقرب ليهو عن طريق التقليل من الهلال
ورفع شأن المريخ والناس متذكرها كلامه الموسم قبل الماضي لمن قال
لن يهزم المريخ إلا المريخ
وتبع ده بالتقليل من إنتصارات الهلال والناس برضو متذكرها
لمن الهلال فاز بالأربعه على آسيك
طلع الرشيد في الأستديو وقال الأقوان ما ملعوبه
مشكلته التانيه أظن تراكمت ومرارات لفترته اللعبها في الهلال
ودي ما حضرتها وما قريت عنها
لكن سمعت كلام إنه مشي الزمالك بدون موافقه إداره الهلال في الوقت داك
المهم ..... الرشيد الآن أصبح مكروه من كل جماهير الهلال وكان الله في عونه
Post: #19 Title: Re: زعـمطـة .. من لا يخشى المـطر!! Author: محمد سنى دفع الله Date: 07-19-2010, 08:03 AM Parent: #18
ابو الزعاميط
Post: #20 Title: Re: زعـمطـة .. من لا يخشى المـطر!! Author: فدياس نجم الدين Date: 07-19-2010, 08:05 AM Parent: #19
زعمطني حاول حس بي
يأخي الزول الراسه زي طاقيه سائقي الدراجات الهوائيه ده ما ساهل كلو كلو
Post: #21 Title: Re: زعـمطـة .. من لا يخشى المـطر!! Author: almulaomar Date: 07-19-2010, 08:35 AM Parent: #20
Quote: عيك الله يا مولا عمر بتعرف تيس عبد المعروف من وين؟ يعني العرّفك بتيس عبد المعروف شنو؟ يعني إنت من السيالة، والا من خِليّوة؟؟؟
يا معاوية تحياتي طبعاً تيس عبد المعروف دا فرع بحري يا أخوي وإنت قايل الموضوع إحتكار ولا تشفير كمان فهناك واحد فرع الملازمين وآخر فرع الشجرة وعيييك قدله بدون رنة صفارة: أنا الغايظني شطب منبر بكري أبوبكر لكلمة كلــــــــــ ـب التي سبقت عبد الجليل ما لو عيبوها لي الدوغ ما لو ما صديق الإنسان وأكثر وفاء من الكثير من بني البشر لأنه لا بدي ماسورة لا بلحس قروشك ويشتت حتى أن الشاعر جاغوم قال لصاحب العظمة أنت كالدوغ في الوفاء وكالتيس في نص الأغنام الحلوب (جابت ليها زريبة). مبروك فوز الهلال والفريق ما زال في حاجة إلى مراجعة حساباته في موضوع المعز ، وفي مستوى هيثم مصطفي وفي توظيف طاقات وإمكانيات علاء الدين يوسف وفي الإستفادة من إمكانيات سيف مساوي في مركزه الأصلي وفي إيجاد ظهير أيمن بمستوي الظهير الأيسر.[/B]
Post: #22 Title: Re: زعـمطـة .. من لا يخشى المـطر!! Author: tmbis Date: 07-19-2010, 08:39 AM Parent: #20
.. أمبارح جنابو رسل لي رسالة حزينة جدا ... بعدما قريته طوالي قعدته أبكي .. جاء فيها: (بيضت ليكم في قفص يا عمك) .. قربت اكتب ليهو .. (بنادي ليك الديش) .. لكن حنني والله وهو يمشي تحت المطر .. ..
Quote: لا عليك الله يا عمران رقصة المعز والهوبة المعشكبة القلبها كاريكا أسّي ناس مزمل و بابكر سلك يخلّو اي شي و يكتبو فوقهن
.. والله يا بيضة بقيت تحلل كويس .. لاني انتبهت لي الهوبا بتاعت كاريكا دي .. قلت اكيد مزمل ح يخلي اي مطرة صابة ويجي يرش في الهوبـا دي .. والله انا لو في مكانك .. ادق كاروشة لي طلحـة تنظير واجيبو البوست دا وأعمل ليهو شريط اخباري واقلب ليهو هوبا .. واكشح فوقو جردل موية .. بي اعتبار إنو المطرة صبت .. وبي كدا تستعيد بعض من حقك ..
Post: #23 Title: Re: زعـمطـة .. من لا يخشى المـطر!! Author: Hassan Senada Date: 07-19-2010, 08:48 AM Parent: #22
نسيتوا الخمسة بتاع لفة الراس ورش النجيلة جو المقابر وبعدين تعال دا فريق من ليق السجانة كان قلبو اكثر من الهلل
Post: #26 Title: Re: زعـمطـة .. من لا يخشى المـطر!! Author: محمد البشرى الخضر Date: 07-19-2010, 08:56 AM Parent: #23
Quote: نسيتوا الخمسة بتاع لفة الراس ورش النجيلة جو المقابر وبعدين تعال دا فريق من ليق السجانة كان قلبو اكثر من الهلل
وين يا شيخ سنادة أنا شخصيّا ما نسيت وإن كنت بحاول بجدية أهو خمسة أمس مع اتنين الجيّاشة ح يساعدوا ويقرّبوا المسافة
أها عرفت لينا العمدة كان قاصد شنو بقولة الطابور الخامس في الهلال ولاّ نرجى مزمّل أخير
Post: #24 Title: Re: زعـمطـة .. من لا يخشى المـطر!! Author: Omar Bob Date: 07-19-2010, 08:50 AM Parent: #22
يا ود الصايم مبروك صاحبي من الجماعه اياهم رسل لي رساله لمن القون الاول جا قال لي سادومبا كان متسلل والله عرفت انو الدخلت في الناس ديل من الجياشه تاني ما تمرق باخوي واخوك يا ود البشري وتمبس الليله مزمل حرد عديل.... علي الاقل في الفيرشن بتاع الانترنت ________________________________ الله يطراك بالخير يا المحلل الرياضي والناقد الفني عمر الفاروق اسع كان قال الكوره ما سمحه والهلال شكلو ما مطمن
Post: #25 Title: Re: زعـمطـة .. من لا يخشى المـطر!! Author: محمد البشرى الخضر Date: 07-19-2010, 08:51 AM Parent: #22
تمبس يا عمك وينك أمس يعني معقول تفوّت مولد الجيّاشة ولاّ اظنك خايف كنت من كورة الهلال , تلقاك ترجف كنت كيف ما انتبهت لهوبة كاريكا ياخي بالغ عديل كدا لمن خجلت ليه تنظير رسّلت ليه رسالة تحتوي على اتنين (زوووووط) بعد قون الجياشة التاني راح عاملها مداخلة رفع بيها بوست الماتادور الغاتس و قعد ينظّر كالعادة
Post: #27 Title: Re: زعـمطـة .. من لا يخشى المـطر!! Author: tmbis Date: 07-19-2010, 09:13 AM Parent: #25
Quote: نسيتوا الخمسة بتاع لفة الراس ورش النجيلة جو المقابر وبعدين تعال دا فريق من ليق السجانة كان قلبو اكثر من الهلل
يا جماعة .. الزول دا غطــو من المطرة .. .. ..
Quote: الله يطراك بالخير يا المحلل الرياضي والناقد الفني عمر الفاروق اسع كان قال الكوره ما سمحه والهلال شكلو ما مطمن
.. .. والله لكن يا بوب دي بالغت فيها .. عشان كدا بقترح عمر الفاروق يقدم كمتعاون في قناة الشروق على الاقل يقعد لينا الرشيد المهدية دا في علبـو .. ..
Quote: ولاّ اظنك خايف كنت من كورة الهلال , تلقاك ترجف كنت
والله يا عمك الخوفه كانت حاصلة .. والرجفه وخمت النفس .. ياخ الكورة بتاعت الهلال البتجي بعد كورة المريخ دي بقت تجهجه الواحد .. يعني لو لعب الهلال أول بتكون عندك أفضلية الرش حتى ولو كان من تحت المطر .. .. لكن تخيل حسع يكون موقفك عامل زي ناس حسن سناده دا .. وهارون وجنابو النفاي .. وأميرة الشيخ .. واساسي .. وعبد الماجد تربيع .. البتكتبو يغلبك .. ياخ الهوبا بتاعت كاريكا يا عمك ناس التلفزيون غايتو ساعدونا فيها شوية بحيث إنو في الاعادة بي الحركة البطيئة بجيبوهو لحدت ما اخد ليهو جرية وقلب الهوبا .. لكن باقي السيناريو ما بجيبوهو .. غايتو الحمد لله طلحة تنظير ما ترسل ليهو زوووط مليانه .. طلحة دا ترسل ليهو رسالة فاضية وترجاهو تاني يوم في البورد .. شوفو يجي يتجلى ليك كيف ..؟ إنت بي طريقتك دي مديهو براك فرصة فوقك .. كل يومين عامل ليك فرش متاع وأنا اصحابي يجو يقولو لي عليك الله عاين طلحة تنظير عمل شنو في صاحبك البيضة .. الواحد زاتو عايز يعيد النظر في بعض القضايا الكروية دي .. حيث لا يعقل إنو طلحة تنظير لحدت الآن ما يظهر وإنت المسؤول عنو مسؤلية مباشرة في صبيحة يوم زي دا ..
Post: #28 Title: Re: زعـمطـة .. من لا يخشى المـطر!! Author: محمد البشرى الخضر Date: 07-19-2010, 09:20 AM Parent: #27
Quote: لكن تخيل حسع يكون موقفك عامل زي ناس حسن سناده دا .. وهارون وجنابو النفاي .. وأميرة الشيخ .. واساسي .. وعبد الماجد تربيع
لاحولا ... مالك علي يا يابا
Post: #29 Title: Re: زعـمطـة .. من لا يخشى المـطر!! Author: abuguta Date: 07-19-2010, 09:58 AM Parent: #28
زعمطنى,,, فى رشة مطر دردقنى من اعلى الحجر اغشى بى خضرة نجيلة تقلل كدمات الخطر
Post: #30 Title: Re: زعـمطـة .. من لا يخشى المـطر!! Author: فدياس نجم الدين Date: 07-19-2010, 10:06 AM Parent: #29
تمبس وودالخضر وودالصايم زاتو
إنتو منير الأنتر مسيحي ولا أنا شوفي بقي كعب
أصلي شايفه وهو داخل عامل حركه الثالوث المقدس
Post: #31 Title: Re: زعـمطـة .. من لا يخشى المـطر!! Author: abuguta Date: 07-19-2010, 10:12 AM Parent: #30
فدياس
الولد قايلها تقليعة عاوز يتدرب عليها عشان بول حقنا قال نحن فى النهائى 2014
Post: #32 Title: Re: زعـمطـة .. من لا يخشى المـطر!! Author: فدياس نجم الدين Date: 07-19-2010, 10:25 AM Parent: #31
أبو قوته
لا يأخي بالجد أنا بسأل من الحته دي
لو في زول ما ناس أمبده يفيدنا ولو في زول قريب من لاعبي الهلال برضو يفتينا
لأنه لو ما كان مسيحي وعمل حركته دي فراح يكون عنده أميه مبالغه فيها
ونحن ما بنقبل ليهو الكلام ده
Post: #33 Title: Re: زعـمطـة .. من لا يخشى المـطر!! Author: معاوية المدير Date: 07-19-2010, 10:31 AM
Quote: يا معاوية تحياتي طبعاً تيس عبد المعروف دا فرع بحري يا أخوي وإنت قايل الموضوع إحتكار ولا تشفير كمان فهناك واحد فرع الملازمين وآخر فرع الشجرة وعيييك قدله بدون رنة صفارة:
يا مولي تحياتي ومبروك للهلآل. يعني زي حلواني بحري وكدا. مُش؟؟؟
Post: #34 Title: Re: زعـمطـة .. من لا يخشى المـطر!! Author: Hassan Senada Date: 07-19-2010, 10:40 AM Parent: #33
والله سبقتنى فى السوال منير الانتر مسلم ولامسيحى والله هو مفتكر اى لاعب يتدخل الملعب يسوى نفس الحركة
وعوارة ما بعدوا عوارة من المدعوا المعز رقصة عجيبة وغريبة اناءلله وانااليه راجعون
Post: #35 Title: Re: زعـمطـة .. من لا يخشى المـطر!! Author: فدياس نجم الدين Date: 07-19-2010, 10:44 AM Parent: #34
Quote: وعوارة ما بعدوا عوارة من المدعوا المعز رقصة عجيبة وغريبة اناءلله وانااليه راجعون
سناده مش أحسن من رقصه أولادكم الفي اليوتيوب ديك
نسيت بله جابر وطيب الذكر أكرم الهادي
يا زول أولادنا وعاجبننا يرقصو .. يقلبوا هوب غلط
المهم في الآخر بيفرحونا
Post: #36 Title: Re: زعـمطـة .. من لا يخشى المـطر!! Author: عبد اللطيف السيدح Date: 07-19-2010, 10:45 AM Parent: #33
الرشيد يا جماعة لو ما قال كده حايطرد من شروق الوالي
المهم مبروك
وكل الحلوين والمميزين في المنبر ( أهلة ) تاني القاعدين ليها شنو ؟
Post: #37 Title: Re: زعـمطـة .. من لا يخشى المـطر!! Author: tmbis Date: 07-19-2010, 10:56 AM Parent: #36
Quote: وعوارة ما بعدوا عوارة من المدعوا المعز رقصة عجيبة وغريبة اناءلله وانااليه راجعون
إنتو يا جماعة الزول دا قبيل ما غطيتوهو من المطرة الصابه دي ..؟ ..
Quote: تمبس وودالخضر وودالصايم زاتو إنتو منير الأنتر مسيحي ولا أنا شوفي بقي كعب أصلي شايفه وهو داخل عامل حركه الثالوث المقدس
.. والله يا فدياس أا برضو لاحظته للحاجة دي .. غايتو كان مسيحي بي جازو .. لكن لو بقى مسلم وعمل الحركة دي وقايله حركة بيعمله الواحد لما يغيروهو .. والله حقو يشطبوهو طوالي ... وأخير منها كان يقلب هوبا زي بتاعت كاريكا دي .. ..
Post: #38 Title: Re: زعـمطـة .. من لا يخشى المـطر!! Author: فدياس نجم الدين Date: 07-19-2010, 11:19 AM Parent: #37
Quote: غايتو كان مسيحي بي جازو .. لكن لو بقى مسلم
تمبس
إنت مافي زول هنا من أمبده ولا مافي زول قريب من لاعبي الهلال
يأخي معلومه بسيطه زي ده ما نقدر نلقاها
وين ناس المصادر ههههههههههههههههههههه
Post: #39 Title: Re: زعـمطـة .. من لا يخشى المـطر!! Author: إدريس محمد إبراهيم Date: 07-19-2010, 11:20 AM Parent: #33
ياخي الهلال دايما خطر
هذا الهلال دايماً خطر ... لا يخشى (ديشاً) أو مطر ... يهدي الملايين الجمال ... لا كلّ يوما لا فتر ... شوف (الخليفه) بسوي كيف ... يتهادى زي أسداً نتر سادومبا زول مدهش عجيب .. سوّاها (بالهاتريك) ظفر ... كاريكا كان مسك الختام .. والخامسه زي لسع الجمر .. وعمر بخيت كم صال وجال ... طرّانا أيام النقر ... هيثم ولد مايسترو ... أطربنا بي عزف الوتــر ... شوف المهند كيف يصول .. رقصاتو بتسر النظر .. الفرقة بس فرقة اسود .. إبداع بفوق وصف البشر ... جمهورنا كان افضل سفير .. بركان وفي الملعب هدر .. لا قال (عواليق) يمشو (ليق) .. وعمرو ما قذف (الحجر) ... هذا الهلال دايما خطر .. لا يخشى (ديشاً) أو مطر ...
إدريس محمد إبراهيم الرياض 19/07/2010م
مع خالص تحياتي وحبي للجميع ... ومن نصر مؤزر إلى انتصارات أوسع وأكبر بإذن الله ...
Post: #40 Title: Re: زعـمطـة .. من لا يخشى المـطر!! Author: حاتم كاهن Date: 07-19-2010, 11:34 AM Parent: #39
Quote: والود بشة رجع لينا أيام تنقا تنقا تنقا أو تنقا أتمنى تكون النغمة الجديدة بشه بشه بشاااا أو بشه
والله جعفر أنا قلت كلامك ده بعد الكورة الوديه مع الإسماعيلي .. الزول ده ثبت خلااااااااااااااص
كاهن
Post: #42 Title: Re: زعـمطـة .. من لا يخشى المـطر!! Author: keiga2000 Date: 07-19-2010, 11:49 AM Parent: #40
انا غايتو الأيام دي ما فاضي حزنان على عيون خالي ودالموج
عشان كدا ما كتبت اي بوست ولا حاجة
لكن ايقنت تماما أنو أنتصار الهلال وتعادل المريخ أحدى علامات الساعــة عشان كدا وحدوووووووووووووووووووووووووووه
Post: #63 Title: Re: زعـمطـة .. من لا يخشى المـطر!! Author: Abd Alla Elhabib Date: 07-19-2010, 06:41 PM Parent: #62
زعمـطــــة الســـــــرور ياناس !!
Post: #64 Title: Re: زعـمطـة .. من لا يخشى المـطر!! Author: محمد آدم النور Date: 07-19-2010, 07:17 PM Parent: #63
يا ود الصائم أين تقع هذه المقولة من الأحداث الكروية الحالية ما بنطير برانا معليش يا جماعة أنا خاشي غلط خلاص نزلوني و أدوني الباقي بتاعي
Post: #65 Title: Re: زعـمطـة .. من لا يخشى المـطر!! Author: عمر علي حسن Date: 07-19-2010, 08:30 PM Parent: #64
Quote
شكـلك من الناس الدقتهم المطـرة ياعمنـا عمر
غير كــدا مــــافى شئ بخليك مــتفرج...........
تحياتى ,, Unquote
الاميرة بت الشيخ
لا والله .. لكن بعاين لشيء يعلمه الله
عمك عمر علي حسن (رئيس نادي الهلال الاسبق)
Post: #66 Title: Re: زعـمطـة .. من لا يخشى المـطر!! Author: عابدون محمد عابدون Date: 07-20-2010, 04:40 AM Parent: #65
ياود الصايم الفريق دا شكلو كدة مزعمط وماعنده حاجة واعمل حسابك المستوى الحقيقى لو اصلا فى كورة المستوى الحقيقى بيظهر لما نلعب مع فرق زى شمال افريقيا والكاميرون وغانا ونيجيريا لكن لما نلعب مع المجموعة دى يعنى بالكتير مزعمط غلب مزعمط ..
Post: #67 Title: Re: زعـمطـة .. من لا يخشى المـطر!! Author: محمد عبد الماجد الصايم Date: 07-20-2010, 07:30 AM Parent: #66
عمنا عمر .. شرّفتنا والله! حبابكـ ألف في مدارات الزعمطة الإسفيرية والسلالم الخُماسية الموغلة في الدهشة!
_ ياخ أرجع رئيس تاني!! ما دام الله حلاّنا من صلاح إدريس!!
Post: #70 Title: Re: زعـمطـة .. من لا يخشى المـطر!! Author: عمر علي حسن Date: 07-20-2010, 08:02 AM Parent: #67
مروة مافي وبقينا obsolete عمر علي حسن
Post: #71 Title: Re: زعـمطـة .. من لا يخشى المـطر!! Author: محمد عبد الماجد الصايم Date: 07-20-2010, 08:11 AM Parent: #70
يا عمو عمر الله يديكـ الصحة والعافية القصة ما محتاجة مرّوة .. محتاجة الرأي الصائب!! محتاجين للتخلص من الرأي الفردي والعمل الفردي .. والسيطرة الفردية على نادي ملكـ لجماهيره وليس لأحد!!
الله يديكـ الصحة وطولة العمر!
Post: #72 Title: Re: زعـمطـة .. من لا يخشى المـطر!! Author: عمر علي حسن Date: 07-20-2010, 08:59 AM Parent: #71
مش قالوا العقل السلبيم في الجسم السليم .. وتيب !
حواء الهلال ولود .. ما تخاف ابدا
وبعدين قصة انتخابات الاتحاد دي اديها يومين كدة عشان تعرف النجيضة ما يحدث الان مناورة ذكية (لزعمطة) احد المرشحين .. وربما (زعمطة) المفوضية ذاتها .. الناس دي مابتلعب ..
عمر علي حسن
Post: #68 Title: Re: زعـمطـة .. من لا يخشى المـطر!! Author: فدياس نجم الدين Date: 07-20-2010, 07:55 AM Parent: #57
Quote: للتوضيح يا شباب منير أمبدة مسيحي على حسب رواية زميله صدام حسب ما قرأت في منتدي كورة سودانية
شكراً يا خالد العبيد على المعلومه القيمه دي
Post: #69 Title: Re: زعـمطـة .. من لا يخشى المـطر!! Author: معاوية المدير Date: 07-20-2010, 08:02 AM Parent: #68
Quote: فى شنــو??
ما قلت ليك بتعمل لينا صبغة. عليك الله ختيها لينا المشروبات والمأكولآت إذا وُجدت...
Post: #73 Title: Re: زعـمطـة .. من لا يخشى المـطر!! Author: الفاتح ميرغني Date: 07-20-2010, 09:00 AM Parent: #69
سلام ياعمك ياخ. تصدق قريتها زعمطة من لا يخشى الفقر. انا قلت ود الصايم دي بقى يشتت في الريالات من هسع. مش قالوا البت بتجي برزقها؟.
