Post: #1 Title: أفــــــــــراح عصـام .. تـــــونا! Author: محمد عبد الماجد الصايم Date: 05-08-2010, 09:28 PM Parent: #0
الإعـــلان دا كان في تلفزيونا بس ولا شفتوهو؟
حاجة غريبة خلاس!! الكـورة انتهت جرّيت اللابتوب وقاعد أرش في الجماعة ديل! أسمع ليكـ إعلان تونا تونا .. وصوت ماااا بغباني .. المهم ما بين مصدق وما مصدق أرفع راسي أشوف ليكـ أفراح عصام .. ياها زاااتا .. بتغني في إعلان تونا .. توووونا
Quote: يا عمكـ .. أفراح عصام عاملة إعلان بتاع تونا!
و إنت أفراح عصام دي حتى في الإعلانات متابعة و كمان مساهر ليها لغاية أسي علشان تكتب ليها بوست
Post: #14 Title: Re: أفــــــــــراح عصـام .. تـــــونا! Author: سيف الدولة كامل Date: 05-08-2010, 09:54 PM Parent: #13
تونا نونا جننتونا. نحن مغبييييين ما شايفين حاجة أحكي لينا.
Post: #17 Title: Re: أفــــــــــراح عصـام .. تـــــونا! Author: محمد عبد الماجد الصايم Date: 05-09-2010, 06:18 AM Parent: #14
Quote: تونا نونا جننتونا. نحن مغبييييين ما شايفين حاجة أحكي لينا.
والله يا عمنا سيف .. حاجة غريبة خلاس! الكـورة انتهت جرّيت اللابتوب وقاعد أرش في الجماعة ديل! أسمع ليكـ إعلان تونا تونا .. وصوت ماااا بغباني .. المهم ما بين مصدق وما مصدق أرفع راسي أشوف ليكـ أفراح عصام .. ياها زاااتا .. بتغني في إعلان تونا .. توووونا
تحية تونية .... يا ود الصايم ولا يهمك ... ما سمعت بالمثل ... تطلع من الفسيخ شربات ... بس عايزين يقولو ليك ... البنت السمحة دي بتطلع من التونا شربات ... ولا شامبيون مش عارف وتونا ما أحلاك تونا .... المصيبة شعبنا المصاب بسخرية لاذعة تتشكل في إطلاق الألقاب ... أكيد أفراح تونا ... لو تقبلته ستدب حمرة خجل ... تتحول مع الأيام إلى حمرة غضب عارم من ذلك الاعلان الكارثة ... كان من الأفضل أن تختار إعلان يلصق بها لقب رشيق ... مثل ... مناديل فاين التي تتفتت في وجه مستخدمها في السودان..."أفراح فاين" أو إهي هي هي كلين .... "افراح كلين" ...
يا مين عبدالماجد الصايم ...مالك ومال البت دى بالرغم من اعلان التونة الا انها لا زالت صوت شجى وفيهو تطريب عالى ...النصيحة لى الله اسمع ناس المشاهير فاتحين بوست بعنوان دعوة الشريف بتاع نيجيريا لافراح ومعاها واحد تانية والله يكضب الشينة .....وشاييف هنا قى بوست بعنوان منع شفر الفنانات الشابات الى الخارج ما عارف قصدهم شنو عبدالمنعم
Post: #51 Title: Re: أفــــــــــراح عصـام .. تـــــونا! Author: محمد عبد الماجد الصايم Date: 05-10-2010, 08:34 AM Parent: #45
Quote: بالرغم من اعلان التونة الا انها لا زالت صوت شجى وفيهو تطريب عالى ...النصيحة لى الله اسمع ناس المشاهير فاتحين بوست بعنوان دعوة الشريف بتاع نيجيريا لافراح ومعاها واحد تانية والله يكضب الشينة
منعم يا عمكـ ماف اختلاف على قصة الصوت والتطريب والكلام دا ولو ما الحاصل دا ما كان اشتغلنا بيها الشغلة! يعني الفنانين الظهروا في نجوم الغد شوية؟ أها لو بقت فيها قصة الشريف .. تكون كملت وسفرجت وأي حاجة! تبقى عليها قصة مبسوط من فني!
Post: #50 Title: Re: أفــــــــــراح عصـام .. تـــــونا! Author: محمد عبد الماجد الصايم Date: 05-10-2010, 08:33 AM Parent: #44
Quote: المصيبة شعبنا المصاب بسخرية لاذعة تتشكل في إطلاق الألقاب ... أكيد أفراح تونا ... لو تقبلته ستدب حمرة خجل ... تتحول مع الأيام إلى حمرة غضب عارم من ذلك الاعلان الكارثة ... كان من الأفضل أن تختار إعلان يلصق بها لقب رشيق ... مثل ... مناديل فاين التي تتفتت في وجه مستخدمها في السودان..."أفراح فاين" أو إهي هي هي كلين .... "افراح كلين" ...
والله يا عثمان يا عمكـ .. كلين دي ريّحتني راحة!
ياخ إعلان شنو القايمة عليهو من هسي؟ محتاجة قروش مثلا؟ حفلة حفلتين .. إن شاء الله عشرة حفلات وانتهى الموضوع! ليه تعمل خطوة ممكن تندم عليها وهي فعلا محسوبة عليها؟
غايتو .. بقت عليها أفراح تونا! وحليل أفراح الشعب!
Post: #48 Title: Re: أفــــــــــراح عصـام .. تـــــونا! Author: محمد عبد الماجد الصايم Date: 05-10-2010, 08:29 AM Parent: #42
Quote: بقينا ما فاهمين زاتوو .. وفقدنا عنصر الدهشه ..
بت الصادق .. أنا غايتو عنصر الدهشة دا ضربني ليكـ كف في وشّي لما شفت الإعــلان دا!
ياخ عنصر الدهشة زاتو انتدهش!
Post: #46 Title: Re: أفــــــــــراح عصـام .. تـــــونا! Author: محمد عبد الماجد الصايم Date: 05-10-2010, 08:27 AM Parent: #40
Quote: والله يا محمداتخيل سبحان الله انا من زمان بسمع لتونه دي
أكرم يا عمكـ .. أخباركـ ياخ! إنت قايل المطلّع روحنا شنو غير السمح للبت التونا دي! لو ما كـدا ما كان اشتغلنا بالموضوع الشغلة! ما ياهو صحبكـ فرفور شفط الشامبيون زي ما قال عمران!!
Post: #58 Title: Re: أفــــــــــراح عصـام .. تـــــونا! Author: عمران حسن صالح Date: 05-11-2010, 06:30 PM Parent: #57
Quote: ندي القلعة ... ودعاية ( الحلو مر )
الفن كما يقول السمؤل خلف الله ضرورة لحياتنا فالساحة السودانية تعج كل فترة بجيل جديد ربما يقول البعض انه جيل الفن التجاري وهذا ماجعل كل من يحفظ اغنية يسير علي خطى الفن وزي ماعرفنا زمان ان الوصول لهذه القمة صعب شديد .. وزي مابيقول احد الاصدقاء الان تقوم من النوم علي طول علي ساهور ودي ليها يوم براها كمان لكن الذي دعاني ان اكتب هو اتجاه الفنانين للاعلانات الدعائية وبالذات الباحثين عن الشهرة لكن هل اي اعلان يمكن ان يجعلني كفنان في قمة الشهرة مثلا جمال فرفور قبل فترة في دعاية عن شامبيون وهو مشروب نافس رئيس الجمهورية في الانتخابات، امبارح وانا اشاهد في قناة النيل الازرق وعلي الفور ارى مجموعة تنتظر علي صفرة الطعام وتقول وين التونة؟؟ وانا زاااااتي بقيت اتلفت لمن طلعت ( افراح عصام ) شايلة بالتونا وعرفت دعاية التونة وعرفت التونة دي ليه عاملين ليها دعاية غايتو انا قلت التونة ربما تكون تحتاج لطعم وطعموها بافراح كنوع من التشهير وده بيديني احساس بانو سوق التونا في السودان نايم ) اها ياربي القادم من الاعلانات سيكون شنو .. غايتو انا فكرت ان اقوم بفكرة دعائية وتكون عن المشروب الشعبي ( الابري) او (الحلو مر) بس اختار ليه منو عشان اكسب مبلغ كبير، رايكم شنو في ( ندي القلعة)بس مايجيني ود الحاج ولا صبري يقول ليك دي ضد المؤتمر الوطني ناطين، انا عايز البت دي تقوم بالدور علي الاقل نساهم في زراعة الذرة وانتشاره في كل ربوع السودان .. وممكن الفكرة تكون سببا في عودتي للسودان نهائي ؟
البنية لقت حتة فيهاعضه .. تاكله وتقش خشمها ولا تقول لا والله ماباكل تونا؟ اديها خاطرك ...يمكن الايام دي عندها ظروف.
ولا كيف؟
Post: #76 Title: Re: أفــــــــــراح عصـام .. تـــــونا! Author: محمد عبد الماجد الصايم Date: 05-13-2010, 00:14 AM Parent: #74
وليد يا عمكـ .. عضة شنو ياخ! البت دي مفروض تكون فهمت إنها نقلت نفسها من حتة أفراح (في بيتهم) وأفراح الشعب! يعني عاوزة تطلع لينا بإعلان مهبب زي دا مفروض تراعي شعورنا ياخ! أصلوا الصلعة دي جات من شوية!
المشكلة لمن جات دعاية التونا جريت شديد قفلتا الغنيه الفوق ويا ريتني ما قفلتها الله يخرب بيتك يا التونا ... المفروض ننقاش بوست خدر بتاع مطبخ النجوم اقصد استديو النجوم ود الصائم يا لماح انت معانا في السعودية دي من وين بتجيب الزمن تحضر التلاتات ومعاها كمان الدعايات
Post: #79 Title: Re: أفــــــــــراح عصـام .. تـــــونا! Author: محمد عبد الماجد الصايم Date: 05-13-2010, 00:54 AM Parent: #78
ود الجمام يا عمكـ والله لا وكت ولا حاجة! ياخ قاعد في المجلس في أمانة الله ولا شغال بالتلفزيون فيهو شنو زاتو! يجيني ليكـ الصوت الما بغباني خاشي في صحن تونا!
