انتو بس تشربوا وتجدعوا !!

Post: #1
Title: انتو بس تشربوا وتجدعوا !!
Author: دينا خالد
Date: 01-15-2010, 07:04 AM
Parent: #0

Post: #2
Title: Re: انتو بس تشربوا وتجدعوا !!
Author: دينا خالد
Date: 01-15-2010, 07:07 AM
Parent: #1

دينق شفت العبابير بتعمل شنو ؟؟

هسه ناس ود الباوقة الواحد يقعد فى السعوديه
لما يتلحس عشان يبنى بيت !!

Post: #3
Title: Re: انتو بس تشربوا وتجدعوا !!
Author: دينا خالد
Date: 01-15-2010, 07:10 AM
Parent: #2

Post: #5
Title: Re: انتو بس تشربوا وتجدعوا !!
Author: دينا خالد
Date: 01-15-2010, 07:14 AM
Parent: #3

Post: #8
Title: Re: انتو بس تشربوا وتجدعوا !!
Author: دينا خالد
Date: 01-15-2010, 07:20 AM
Parent: #5

Post: #10
Title: Re: انتو بس تشربوا وتجدعوا !!
Author: دينا خالد
Date: 01-15-2010, 07:25 AM
Parent: #8

اححححححححححححححى ياخ انا فترتا !!!

والله الحريم ديل مسلطات كيف ؟؟ اعوذ بالله ّ!!

Post: #4
Title: Re: انتو بس تشربوا وتجدعوا !!
Author: Amira Elsheikh
Date: 01-15-2010, 07:11 AM
Parent: #2

لووووووووووول يادينا

ديل فاضين شغلة ساى ,,,

ياخ ادينا اى انفورميشن عن الشغلة دى احتمال نعملها فكرة بيزنس..

_________________________

صاحية بدرى كدا مالك

Post: #7
Title: Re: انتو بس تشربوا وتجدعوا !!
Author: بدر الدين الأمير
Date: 01-15-2010, 07:17 AM
Parent: #4

دينا خالد
والبيتو من قزاز ياتيهى التلج من عند دينق

Post: #9
Title: Re: انتو بس تشربوا وتجدعوا !!
Author: محمد إبراهيم علي
Date: 01-15-2010, 07:20 AM
Parent: #2

دينا صباح الخير او Good Night

طبعا انتي عارفة اول من بنى بالعبابير دي منو

مزارعي مشروع الجزيرة في الخمسينات تم صرف مبالغ مهولة لهم فكان احدهم ياتي بالشري بالكراتين واستعملت الفوارغ في تزين جدران البيوت

لو مشيت السودان بحاول اجيب ليك صور لما تتحيري

المشكلة انهم كملوها كلها في الشري والذي منو مش كده وبس في واحد منهم لما بتاع التكسي وصلو وقال ليهو ما عندي فكة قال ليهو خلاص لف بي الحلة واضرب بالباقي بورى

لنا حقوق السبق بس ما كان في نت الزمن داك

Post: #6
Title: Re: انتو بس تشربوا وتجدعوا !!
Author: Dr. Salah Albashier
Date: 01-15-2010, 07:16 AM
Parent: #1

الأخت العزيزة دينا
لك التجية والود وعاطر الياسمين
ليس للإبداع حدود، "بس أخوك عامل دايت من ما ولدوني وما بقدر على نوع القزاز ده"
مع خالص تحباتي
د. صلاخ البشير

Post: #11
Title: Re: انتو بس تشربوا وتجدعوا !!
Author: بدر الدين الأمير
Date: 01-15-2010, 07:27 AM
Parent: #6

Quote: صاحية بدرى كدا مالك

بتفكر في ابتكار فكرة اخرى تستخدم فيها (المزة)

Post: #14
Title: Re: انتو بس تشربوا وتجدعوا !!
Author: محمد البشرى الخضر
Date: 01-15-2010, 07:38 AM
Parent: #11

بوست انصرافي وتوقيتو غريب يا دينا
البلد مقبلة على انتخابات و تقرير مصير و المحامين كانوا عايزين يسافروا على حساب الحكومة و هاييتي الزلزال حتاها حت و ايمان لندن الحبشي يبوسها على الملأ
وانتي تكتبي بوست زي دا في التوقيت دا

_____________________________
تعالي اتماسخي يلا

Post: #12
Title: Re: انتو بس تشربوا وتجدعوا !!
Author: HAYDER GASIM
Date: 01-15-2010, 07:36 AM
Parent: #6

أها نشرب ... ول نبوز,

قالوا في ناس عملوا قعدة وجهزوا
الخروف وشووهو وبقى جاااهز للعض,
بس نسوا حاجة واااحدة ... الرغيف.

فمرقوا نفير في الحلة وقدرما حاموا
ما لقوا ولا نص عيشة... فقال أحدهم
يا ناس كفاية, مش الخروف ده ... نبوزوا.

دينا... ياخ نحن دايرين نعمل ريساكل
للمفاهيم ... القزاز هين.

... وعلى خير نلتقي

Post: #13
Title: Re: انتو بس تشربوا وتجدعوا !!
Author: دينا خالد
Date: 01-15-2010, 07:37 AM
Parent: #6

ياخ ما تعفونى من الردود دى .. فترتااا ..
هو البيت ساهل !!

اميرة الشيخ ؟؟ لووووووووولين ياخ اووول ناس تاوقوا
الجماعه بتاعين الشراب انتى مالك يابتى؟ ... على فكرة
دا سفن اب ساااااى يا قول السعوديين بقولوا لى السفن اب سبعة فوق ..

بدر الدين هسه انت بالميييت كدا كان بكون عندك كم بيت ؟؟ لووووووب .

محمد ابراهيم !!!!

تقصد القزاز البكسروا يختوا فى الحيط عشان يجرح الحرامى ؟؟؟؟
5 لولات ياخ
نايس تراى !!

د. صلاح ضرب السلاح تح ترااااح

وهو المافى شنو ؟؟؟ هسه البيت دا نصو دايت !
شفت المرة الكبيرة الفى الصف الورا دى ؟؟ عندها سكرى اها !!

Post: #15
Title: Re: انتو بس تشربوا وتجدعوا !!
Author: بدر الدين الأمير
Date: 01-15-2010, 07:49 AM
Parent: #13

Quote: بدر الدين هسه انت بالميييت كدا كان بكون عندك كم بيت ؟؟ لووووووب .

من كان منكم بلا مشروب فل يرمى دينا بزجاجة

تنهدات : دينا شربنا كاسات الهنا دور منهن ودورمننا
وبرضو تقولو برج دبي اعلا بناية في العالم

Post: #17
Title: Re: انتو بس تشربوا وتجدعوا !!
Author: محمد إبراهيم علي
Date: 01-15-2010, 08:07 AM
Parent: #15

Quote: تقصد القزاز البكسروا يختوا فى الحيط عشان يجرح الحرامى ؟؟؟؟

لا داك واحد تاني مش حق الحرامية

لو انت في السودان اسألي ليك واحد من ناس الجزيرة بس يكون كبير في السن شوية كده

لوما خايف بدرالدين ده يزعل ويقول ليك انا ما كبير كنت بقول ليك اساليهو في اربجي ما بيوت زي دي

لا تاكلوا علينا حقوقنا الابداعية ياناس الخرتوم

Post: #16
Title: Re: انتو بس تشربوا وتجدعوا !!
Author: دينا خالد
Date: 01-15-2010, 08:05 AM
Parent: #13

حيدرنا يا باااااهى ..

صباحك ورد وعطر وحاجات حلوة
والله مشتاقين ..

عارف يا حيدر هو لو ما اتعمل الرى سايكل للمفاهيم فى الاول كان الشغل
دا جا ؟؟ دا ذاتو بغسل المفاهيم وبغيرها لانو (اعادة الانتاج للمفاهيم) دى
بلموا فيك الشيوعين و تانى يحلنا بله، يقولوا ليك بتعيد فى انتاج الازمة . لوووووول .

شفت ما نقعد ننتظر ، شغل ذى دا ببدا يغسل فى مفاهيم كتيره اولها
قيمة العمل نفسه ..
مش قاعدين على الرصيف ومفلهمين !!

اى فكرة هنا بتغسل المفاهيم البالية .. وبترفع من قيم كتيرة
هسه انا قوووول جبت الاسمنت ... وجبت بورداب الخرطوم القاعدين يتلموا خسارة ديل
عشان يناولونى .. ويجلطوا هنا يرحموا الكيبوردات بتاعتهم يا قول طيفور منزوعة
الرحمة دى ... اها البدووور لى الغرفة دى مدووووووره كدا شنو ؟؟ انعام حيمورة
دى ولا بتعرف تدوور ولا بتعرف تطلع فى السلم ..
وهبه دا ما بضمنو يقوم يفخخوا لى .. لوووووووووول
ملاسى داك ممحووووووووق ما تشوف فصاحتو دى ..

ــــــــــــــــــــ
وعمر الفاروق منننن سعوديتو يقول ليك دا بجيبوا البياض !!

Post: #18
Title: Re: انتو بس تشربوا وتجدعوا !!
Author: دينا خالد
Date: 01-16-2010, 08:37 AM
Parent: #16

وووووووووووووو ود البشرى ؟؟
ياخ بقيت ذى الحاجه السمحه والله !!
تانى ما تعمل كدا عشان ما يفصلوك .. ياخ روق الروقه بى قروش

Quote: البلد مقبلة على انتخابات و تقرير مصير و المحامين كانوا عايزين يسافروا على حساب الحكومة و هاييتي الزلزال حتاها حت و ايمان لندن الحبشي يبوسها

تعرف هسه غير انو انو البلد مقببله على انتخابات دى وهاييتى اوول يوم .. ولااااااا
واحده من الباقيات ديل شمارها ما عندى !!!
قلت لى دا كلو حصل ؟؟ لوووووووووووووول والمشكلة كانت فى انو حبشى ؟
ولا وين ؟

Post: #19
Title: Re: انتو بس تشربوا وتجدعوا !!
Author: العوض المسلمي
Date: 01-16-2010, 08:52 AM
Parent: #18

دينا كيفك وصباحك خير ,,
عارفة قبل فترة طويلة وقبل انفتاح شركات المنجات الصناعية لتعبيئة العبوات البلاستيكية كانت النساء عندنا يمنين انفسهم
بمواعين لعطورهم الخاصة من خمرة ودلكة وكركار ..
وبعد هذه العبوات الكبيرة والصغيرة والكثيرة فان الفائض منهن قد بلغ الشوارع ومرمي النفايات ...
هؤلاء القوم الذين انزلتي صورهم يفكرون بعقولهم وكثيرون منا يفكرون ببطونهم . والفرق كبير بين العقل والبطن !!
احسن تفكير وصلنا اليه هو اننا نضع فيها العرقي والمسكرات البلدية !!!

Post: #20
Title: Re: انتو بس تشربوا وتجدعوا !!
Author: Emad Abdulla
Date: 01-16-2010, 09:03 AM
Parent: #19

غايتو زمن ( المعا قزاااااز ) لا كنا بنجدع لا حاجة ..
تديها طراوة و تلِم العدة .. و باكر تاخد الأمنِية في أمانة الله ..
و ..الكمدة بالرمدة .

.....
بركات الإنقاذ .. ضيّعَت بركات القزاز ..
إييييييه ... دنيا .

Post: #21
Title: Re: انتو بس تشربوا وتجدعوا !!
Author: دينا خالد
Date: 01-16-2010, 09:30 AM
Parent: #20

العوض !!!

Quote: احسن تفكير وصلنا اليه هو اننا نضع فيها العرقي والمسكرات البلدية !!!

شنو نون النحنا دى ؟؟ لوووووووووول يا شيخنا

يا عمده .. الصورة دى فاتتنى جديده ؟

كلامك كلو بقا كمد ورمد .. اها وهسه بتجدعوا ؟؟ لووووب

Post: #22
Title: Re: انتو بس تشربوا وتجدعوا !!
Author: Emad Abdulla
Date: 01-16-2010, 10:23 AM
Parent: #21

Quote: اها وهسه بتجدعوا
لا ..
بتجدع انا .

Post: #23
Title: Re: انتو بس تشربوا وتجدعوا !!
Author: العوض المسلمي
Date: 01-16-2010, 10:28 AM
Parent: #21

Quote: شنو نون النحنا دى ؟؟

نحن الشعب السوداني البطل لوووووووول !!

Post: #25
Title: Re: انتو بس تشربوا وتجدعوا !!
Author: محمد عبد الماجد الصايم
Date: 01-16-2010, 10:46 AM
Parent: #23

أجدعوني مع عماد دا!

Post: #24
Title: Re: انتو بس تشربوا وتجدعوا !!
Author: محمد حيدر المشرف
Date: 01-16-2010, 10:36 AM
Parent: #21

طبعا ما حضرنا زمن ( قزاااز .. يلا قزاااز ) بتاع عماد عبدالله ..
مما قمنا ياها أكياس الجيلانى .. وللكيس عبوتين ( قزازه ) و ( نص ) حسب الحاله الماديه
ويوجد معيار ثالث وهو ( الكبايه ) .. والاخير يقدم ساخنا فى مواقع الانتاج ..
تطورت المسأله تطورا ثوريا وملحوظ عند إنتشار عبوات الكرستال فى السوق السودانى
فأستبدلنا الاكياس بقارورة الكرستال .. وتستهلك ( الحله ) الواحده ما بين قاروة كرستال واحده الى إثنتين كأقصى حد
وقد يستخدم شباب الحله ذات قارورة الكرستال لعدة أيام ..
يعنى لو عاوزين يلموها عشان يبنوا بيها ربع حيطه , بالميت عاوزين ليهم خمسه سنين عاشم الحب
وياهو ده السودان .. ياهو دى
تحياتى يا دينا ..

Post: #26
Title: Re: انتو بس تشربوا وتجدعوا !!
Author: Emad Abdulla
Date: 01-16-2010, 10:56 AM
Parent: #24

ود المشرف ..
زمنكم أكياس ؟؟
يعني كنتو ح تبنوا كيف كان الحكاية جابت ليها بنيان بـ " الفاضي " ؟؟

جيل " شفاف " صحي .
حقو الواحد يجدعكم معانا أنا وود الصايم .

......
و انتي يا زولة انتي ..
تعالي امسكي البتاع بتاعك ده قبل ما ننبهل .

Post: #27
Title: Re: انتو بس تشربوا وتجدعوا !!
Author: محمد عبد الماجد الصايم
Date: 01-16-2010, 11:17 AM
Parent: #26

والناس البتستخدم حُقن؟
طب قوووووولي إنتي بقىىىىىى

Post: #28
Title: Re: انتو بس تشربوا وتجدعوا !!
Author: محمد حيدر المشرف
Date: 01-16-2010, 11:19 AM
Parent: #26

موضوع ( البنا ) يا عمده كان منظورنا ليهو شويه مختلف ..
جيلنا الشفاف ده بنى بالاكياس علاقات بينيه وممتده ومبتوره وأخري منقطعه بشواكيش ما أنزل الله بها من رحمه ..
قاتلهن الله , كلما تمنعت إحداهن .. إزدهرت تجارة ( جبون ) ست الشى زاتو و.. عمك الجيلانى

Post: #29
Title: Re: انتو بس تشربوا وتجدعوا !!
Author: عمر الفاروق
Date: 01-16-2010, 11:27 AM
Parent: #28

غايتو الحمد لله نحن لا بنشرب لا بنجيب القزاز ..

قال ليهو والله حاجة غريبة الواحد مرات يشرب جركانة عرقي كاااملة وما يسكر لكن مرات بس تجغم ليك جغمة من كباية تسكر سكر الجن ..
التاني رد ليهو وقال ليهو : السكر ده توفيق..

تخريمة :
ما عارف لكن احساسي قوي إنو دينا قاصدة ليكم البيبسي والكولا ومعاكم لحدددددي البيزيانوس

Post: #30
Title: Re: انتو بس تشربوا وتجدعوا !!
Author: محمد الامين محمد
Date: 01-16-2010, 11:27 AM
Parent: #28

Post: #31
Title: Re: انتو بس تشربوا وتجدعوا !!
Author: احمد التجانى احمد
Date: 01-16-2010, 12:04 PM
Parent: #30

الدخول فى بيت دينا حق الفتايل دة
بيستوجب حد معاقرة الخمر
وفى احسن الاحوال بجيب جشاء (الحاجة القبيحة ديك)

Quote: زمنكم أكياس ؟؟
يعني كنتو ح تبنوا كيف كان الحكاية جابت ليها بنيان بـ " الفاضي " ؟؟

قبل زمن الاكياس
كنت دايما لما اصحى الصباح فى بيوت الاعراس القى الارض مغطية بورق قصدير لونه احمر
مع سدادات الفلين

لكن اكثر ماعون مفيد هو الجركان لانه يستعمل كدلوكة بعد نفاذ المشروب

Post: #32
Title: Re: انتو بس تشربوا وتجدعوا !!
Author: محمد عبد الماجد الصايم
Date: 01-16-2010, 12:19 PM
Parent: #31

Quote: قبل زمن الاكياس
كنت دايما لما اصحى الصباح فى بيوت الاعراس القى الارض مغطية بورق قصدير لونه احمر
مع سدادات الفلين

دينااااااااااااااكـ!
الزول دا من زمن ما قبل الأكياس!

Post: #33
Title: Re: انتو بس تشربوا وتجدعوا !!
Author: Emad Abdulla
Date: 01-16-2010, 12:30 PM
Parent: #32

Quote: كنت دايما لما اصحى الصباح فى بيوت الاعراس القى الارض مغطية بورق قصدير لونه احمر
مع سدادات الفلين
قصة عجيبة .. !!!
أحمد يا ود يا بريء إنت يا بتاع الصباح بدري ..
ورق .. و كمان " قصدير " ؟؟ و لونو أحمر ؟؟
يكون حق حلاوة حربة يا ربي ؟؟

تستاهل ..
إنت بالمصحيك بدري شنو وكت الدنيا كلها " فلين و قصدير " .

......
ود الصايم ..
أونكل أحمد ده يكون قاصد " قصطير " الفُلة بتاعت ابو تور ؟؟

Post: #34
Title: Re: انتو بس تشربوا وتجدعوا !!
Author: محمد عبد الماجد الصايم
Date: 01-16-2010, 12:48 PM
Parent: #33

Quote: إنت بالمصحيك بدري شنو وكت الدنيا كلها " فلين و قصدير " .

تعرف يا عمدة
الحمد لله بقت فلين وقصديرّ!
الزمن داكـ بكون ما اخترعو الاسمو شنو داكـ!!
الشغل كان على الهواء مباشرة!!

Post: #35
Title: Re: انتو بس تشربوا وتجدعوا !!
Author: ياسر بيناوي
Date: 01-16-2010, 12:49 PM
Parent: #33

تعرفي يادينا
كناساكنين عزابة
اها في البيت عندنا شجرة نشيل ونجدع في الفاضي تحتا
اغرب حاجة في يوم الدنيا سخانة والبلد كاتمة مافي ايي هواء
عاينت للشجرة لقيتا تتلولح في خلاها

يكون من شنو ...؟

ياخ كان عندنا الفكرة كان بنينا فيللا

خالص الود

Post: #36
Title: Re: انتو بس تشربوا وتجدعوا !!
Author: منتصرمحمد زكى
Date: 01-16-2010, 12:55 PM
Parent: #33

معليش على المقاطعة .. اسمو ( ساسوى ) تم استبداله بالأسلاك الشائكة
بيوت جميلة والفكرة عبقرية واقتصادية .. لكن أول شكشاكة بتموصا .. رغم وجود الاسمنت
فالباقات البلاستيكية .. حا تعمل عازل ....... للجميع تحياتي

Post: #37
Title: Re: انتو بس تشربوا وتجدعوا !!
Author: محمد عبد الماجد الصايم
Date: 01-16-2010, 01:01 PM
Parent: #36

Quote: لكن أول شكشاكة بتموصا

مسكينة القزازه!
باللاي نحن نموص والشكشاكة تموص!

Post: #38
Title: Re: انتو بس تشربوا وتجدعوا !!
Author: احمد التجانى احمد
Date: 01-16-2010, 01:10 PM
Parent: #37

Quote: قصة عجيبة .. !!!
أحمد يا ود يا بريء إنت يا بتاع الصباح بدري ..
ورق .. و كمان " قصدير " ؟؟ و لونو أحمر ؟؟
يكون حق حلاوة حربة يا ربي ؟؟

والله ياعمدة البراءة حارسانى ومباريانى
علا حضرنا زمن فندق رمادا كان طلمبة الدوحة

Post: #39
Title: Re: انتو بس تشربوا وتجدعوا !!
Author: سلمى الشيخ سلامة
Date: 01-16-2010, 01:23 PM
Parent: #37

Quote: بتفكر في ابتكار فكرة اخرى تستخدم فيها (المزة)

يابدر دا اوسكار

دينا ازيك مشتاقين ياخ
انتى عارفة انك زولة من احلى الناس

Post: #40
Title: Re: انتو بس تشربوا وتجدعوا !!
Author: محمد سنى دفع الله
Date: 01-16-2010, 01:30 PM
Parent: #39

لك كل الجمال
يا ناشرة الجمال
محبتي لك اكيدة

Post: #41
Title: Re: انتو بس تشربوا وتجدعوا !!
Author: ابراهيم عوض عمر
Date: 01-16-2010, 07:49 PM
Parent: #40

بالله البوست دة لازم يكون فوق دايماً عشان يساعد فى بناء السودان الجديد
ونسخة منو لياسر عرمان

...

Post: #42
Title: Re: انتو بس تشربوا وتجدعوا !!
Author: عمران حسن صالح
Date: 01-16-2010, 08:02 PM
Parent: #41

Quote: قصة عجيبة .. !!!
أحمد يا ود يا بريء إنت يا بتاع الصباح بدري ..
ورق .. و كمان " قصدير " ؟؟ و لونو أحمر ؟؟
يكون حق حلاوة حربة يا ربي ؟؟
عماد يا مسخوت ..
ياخي شوقتني أقرأ ليكـ ( شكله ) هنـــا ... تكرِب فيها النضم ..
الله يزرع الضحكه في داركـ طوالي ياخي ..

Post: #43
Title: Re: انتو بس تشربوا وتجدعوا !!
Author: دينا خالد
Date: 01-16-2010, 11:10 PM
Parent: #42

Quote: بالله البوست دة لازم يكون فوق دايماً عشان يساعد فى بناء السودان الجديد
ونسخة منو لياسر عرمان

ووووووووب يا ابراهيم عمر .. داير تموص لينا السودان الجديد ؟؟

ما سمعت منتصر قال بتماص بى الاسمنت برضو
السودان الجديد هو ال حيساهم فى بناء البيوت دى وانت الصادق
لووووووول

عماد والصايم ؟؟

شنو يعنى الواحد ما يزح من بوستو يجى يلقى قلبتو لى

.............. ؟ اكياس شنو ياخ ؟ شكلكم كدا حضرتو البارات !!!

ذى ما قال ليكم فاروق فى حاجه اسمها بيبسى ياخ ما سمعتو بي ؟
واحد بعد الانقاذ دى دورت جابو لى تمر وفول فى واحده من اللمات
نطط عيونو فى الشياله كداااا
قال ليهم اووووول مرة اعرف انو البلح دا بياكلو !!!

Post: #44
Title: Re: انتو بس تشربوا وتجدعوا !!
Author: دينا خالد
Date: 01-16-2010, 11:20 PM
Parent: #42

وسللللمى يا سلامة رحنا وجينا بالسلامة ..

ياخ انتى متكيفة منى ولا من الفاضى دا ؟ .... هسه فى امريكا
دى بتودو الفاضى وين؟؟ بتبدلوا بى العده ؟؟ لوووووول

السنى يا بهجة .... ياخ انت راجل جميل ومزاج
وبنقيف لد هنا قالوا القطر بقى فيه مفتشش !! لولييين .

عماد رجع الصورة دى سريييييع !!

عمران ؟؟؟؟
دكان عرور قااااااااااااافل !!

Post: #48
Title: Re: انتو بس تشربوا وتجدعوا !!
Author: دينا خالد
Date: 01-17-2010, 06:37 AM
Parent: #44

حيدر المشرف !!

حلتكم كانت بتستهلك قزازه واااحدة فى يومين

فى الزمن الغابر .. هسه دى سنة 2010 ياخ ناس حلتكم
بقوا بنتحو 13 صندوق و5 عائلى !

وبحكوا الاسكراتش لتلفوناتهم ويكونوا جدعوا كمممم فاضى كدا
دا قبل ما ح يفطروا شنو والعيش ما عندهم !!! اصحى يا مشرف
فى عولمة افقرت الناس الحلة لم تعد هى الحله !!

احمد التيجانى .. اها دا لما كنت صغيير ..
كدا احكلى لينا لما كبرت ؟ لووول

بيناوى ... قلت لى كنت بنيت فلل
دا حالتو فى السودان القديم ؟ فى السودان الجديد دا
بكون عندك بياوى سيتى .. لووول على وزن نفيدى سيتى

Post: #45
Title: Re: انتو بس تشربوا وتجدعوا !!
Author: عاطف عمر
Date: 01-17-2010, 04:59 AM
Parent: #1

ديل ناس مساكين يا دينا
أى والله مساكين عديل كدا
تلقي طن الأسمنت عندهم بى ستماية جنيه ( بالجديد )
وتلقي طن الحديد عندهم بي ألفين وخمسمية جنيه
وسوق أسود كمان

نحنا نحمد سيدنا الحديد والأسمنت عندنا على قفا من يشيل
وعااااادي من مصروف البيت اليومي بنطلع حق الغرفة ولا الغرفتين
وكمان يجيبوا ليك الحديد والأسمنت لحاااادي عندك ( هوم ديلفيري ) زى ما طلبت بالظبط

وبعدين نحنا ( نسوانا ) جنس ناااااعم
كأن مشيتها من بيت جارتها مر السحاب لا ريث ولا عجل
ما بنعرضم لى بهدلة زي نسوانم ( محمد ولد ) ديل

ياخ معقولة الزوول يعرسو ليهو مرة شغالة طلبة ؟؟؟

Post: #46
Title: Re: انتو بس تشربوا وتجدعوا !!
Author: د.نجاة محمود
Date: 01-17-2010, 05:24 AM
Parent: #45

سلامات يا دينا

والله ببوستك دا تدي الرجال اولاد الذينا عذر كبير جدا

يمشو يشتروا كراتين من الخمور لما المرة تحتج يقولو ليها
بين الشهيق انت..هيق. ما.. هيق.... عايزة.. هيق... تبني بيت..هيق هيق ولا قصتك شنو هيق هيق هيق؟

في كاركاتير لعز الدين فيه راجل جايب كرتونة شيري بيشرب فيها
عشان يشرك بيها للحرامي يجرحو..

والله بوست سمح جدا

Post: #47
Title: Re: انتو بس تشربوا وتجدعوا !!
Author: عمران حسن صالح
Date: 01-17-2010, 06:35 AM
Parent: #46

Quote: عمران ؟؟؟؟
دكان عرور قااااااااااااافل !!
ألحقيني بالترجمة الله يجبر بخاطركـ ياخي

Post: #49
Title: Re: انتو بس تشربوا وتجدعوا !!
Author: محمد عبد الماجد الصايم
Date: 01-17-2010, 07:06 AM
Parent: #47

دندون .. إنتي قاعدة تشربي؟

Post: #50
Title: Re: انتو بس تشربوا وتجدعوا !!
Author: Emad Abdulla
Date: 01-17-2010, 08:33 AM
Parent: #49

Quote: إنتي قاعدة تشربي؟
بركة ياخي الدينا خالد ما بقت حبوبتك الزلال ..
كان سؤال زي ده طوالي صرفت ليك إجابتو ظييييطك كرت :
تشرب الشرمبيته و وجع الـ ..
كبريته .

Post: #51
Title: Re: انتو بس تشربوا وتجدعوا !!
Author: BitAlhana
Date: 01-17-2010, 08:46 AM
Parent: #50

دينا كيفينك

اها فتحتي لينا فتوح نحن ما قدره
كان قلنا كدي و لا كدي يقولوا الفكره من دينا

غايتو علي الله ...

لكن فكره حلوه شديد و شوف عيني كان ما بكره واحد من الاخوان (الحلوين) يتبناها
و يكسب منها الملايين

وانتي تكوني قاعده مبوزه هنا و تبوزي معانا

Post: #52
Title: Re: انتو بس تشربوا وتجدعوا !!
Author: محمد عبد الماجد الصايم
Date: 01-17-2010, 09:15 AM
Parent: #51

يا كمنضان سرّكـ باتع والله
باللاي عرفت حبوبتي اسمها الزلال كيف؟

____
آووووو نُوْرْ!

Post: #53
Title: Re: انتو بس تشربوا وتجدعوا !!
Author: Isamil Hussein
Date: 01-17-2010, 03:38 PM
Parent: #52

دينا,,,

أهم حاجة إنه القزاز كان

فيه بيره خالية من الكحول أو

أي مشروب مباح.

Post: #54
Title: Re: انتو بس تشربوا وتجدعوا !!
Author: دينا خالد
Date: 01-17-2010, 10:41 PM
Parent: #53

اهااااااااا
سمعتو عصام الحسين طلع لينا بى فتوى ح تهدد الفكرة !

قال البيت لازم يكون شرعى !! يعنى لازم يكون مبنى
من مشروبات خالية من الكحوول !! دى عوجه دى معناها
وبدون زكر اسماء كل المتداخلين فى هذا البوست سيصبحوا بلا
بيوت من بعد ان راودهم الحلم بالاستقرار .. وداعبت خيالهم
الامنيات بالضل ..

ياخ انا هسه بشيل ليك الفتوى دى للقرضاوى احللها
وارجع !!

عاطف صاحبى !

هسه عليييييييك الله ديل مساكين ؟
ديل جن مصرم ياخ .. قلت لى نسوانكم قدر دا !!
تبت لله .. او يكون نبوية دى جارتكم بالحيطة وبتصلها العصر ؟

عمران ...
يعنى مزاج مشاكل ماااااااااااافى ..
دا لما الزول يقصد لى شكلة مع زول ..

عماد ود عبد الله !!
الملافظ سعد ياخ .. ساعدنا بالالفاظ تربت يداك ..
لوووووووووووووووووول من الزلال دى ..

هىىىىىىىىىىىىى يا د. نجاة !!
ما تبهتى ناس ود الصايم ديل ساى
هيق هيق دى شنو كمان؟ .. ياخ انتى معلوماتك فى الموضوع دا
ضاربة شكلها بالحكى ساى ..

Quote: إنتي قاعدة تشربي؟

حدد نوع المشروب ؟ مش قالوا كلو واشربوا

بت الهنا .. عاد الاخوان دا شعرا ما عندهم لى قزاز !! لوووول
دايرا تصيعى الجماعة
يازولة اقول ليك هم بجيبو الشرابين يشربو ليهم ويدوهم الفاضى
هسه سمع اضانى قالوا الصايم مقدم للوظيفة دى
ما شفتى بقى يساسق على السودان ؟ اها بجى للمعاينات

Post: #55
Title: Re: انتو بس تشربوا وتجدعوا !!
Author: احمد التجانى احمد
Date: 01-17-2010, 11:19 PM
Parent: #54

Quote: احمد التيجانى .. اها دا لما كنت صغيير ..

لما كنت صغير عاينى يمينك وامنى على كمية البراءة
المدفقة دى

Quote: كدا احكلى لينا لما كبرت ؟ لووول

لما كبرت دى بتحتاج منك تجى تبذلى ليك عمرة (استيكة)
تمسحى بيها العملتيه والما عملتيه لحد ماقبل البوست دة
وح تشوفى اخوك لما كبر (مباشر)
وspecial offer فوق لشوفتى كبير ح نشوفك اساسى لما كان
صغير وهسة لما كبر كمان

Post: #56
Title: Re: انتو بس تشربوا وتجدعوا !!
Author: محمد عبد الماجد الصايم
Date: 01-18-2010, 06:47 AM
Parent: #55

Quote: حدد نوع المشروب ؟ مش قالوا كلو واشربوا

هسي زي عماد دا داير ليهو تحديد
ما طوووالي طاااخ جا ختاها لينا في حنان حنانا زاتو!

أشربي ياخ!
إن شاء الله شاي!

Post: #57
Title: Re: انتو بس تشربوا وتجدعوا !!
Author: Emad Abdulla
Date: 01-18-2010, 11:09 AM
Parent: #56

Quote: جا ختاها لينا
بطل صلبطة يا مواطن ..
ختيت ليك شنو ؟؟

هو أنا لو ختيت ليك كان ده حالك ؟؟

Post: #58
Title: Re: انتو بس تشربوا وتجدعوا !!
Author: محمد عبد الماجد الصايم
Date: 01-18-2010, 11:29 AM
Parent: #57

عارفو ختّك يا معلم .. خت السـرور
لكن ما لكـ أبيت لينا بيهو

Post: #59
Title: Re: انتو بس تشربوا وتجدعوا !!
Author: محمد عبد الماجد الصايم
Date: 01-20-2010, 08:44 AM
Parent: #58

بما إنو الليلة الأربع .. ونص شهر
وماشين كمان على الخميس والجمعة

يبقى .. سفن آب!

Post: #60
Title: Re: انتو بس تشربوا وتجدعوا !!
Author: دينا خالد
Date: 01-24-2010, 00:19 AM
Parent: #59

ود الصايم !!

اها فى الخميس والجمعه ديل ما غفلت ناس
الامر بالمنكر والنهى عن المعروف و بنيت ليك بيت ؟؟؟

ـــــــــــــــــ
مش مفتوح حلال ؟

Post: #61
Title: Re: انتو بس تشربوا وتجدعوا !!
Author: Elmuiz Haggaz
Date: 01-24-2010, 03:33 AM
Parent: #60

Quote: انتو بس تشربوا وتجدعوا !!

سلامات دينا...
هو نحنا لاقيين حتة نجدع فيها?
والله قاعد هنا يبنى ليهو حيطة مما تعدون(قصدى تصورون)
كدى ينوبك ثواب لو جدعتي إيميلات البنايين ديل....

Post: #62
Title: Re: انتو بس تشربوا وتجدعوا !!
Author: Yassir Tayfour
Date: 01-24-2010, 04:24 AM
Parent: #60

عندي جار، أجاركم الله من جيرته، يلاقيك كل يومين تلاتة دافر عربية الشوبينق مليانة قزاز فاضي، شي Canadian، وشي Budweiser وشي Heineken، وشي ماتعرفو، كرِن كرِن كرِن، يكشكش زي حمار الحلب؛ وريحتو تعمل قعدة والجمل ماشي، لو ربنا رضيان عليهو، كان عِرف قيمة الفاضي، وهسي كان يكون بنى ليهو دار من الفاضي، غير دار آل البلال، لو يوم لاقيتو صاحي، وفي كامل قواه العقلية، بقنعو بي فكرة بناء ديم، نطلق عليه ديم القزاز..
___
بيت من الفاضي خير دعاية للـWaste management

Post: #63
Title: Re: انتو بس تشربوا وتجدعوا !!
Author: Elmuiz Haggaz
Date: 01-24-2010, 05:21 AM
Parent: #62

Quote: عندي جار، أجاركم الله من جيرته، يلاقيك كل يومين تلاتة دافر عربية الشوبينق مليانة قزاز فاضي، شي Canadian، وشي Budweiser وشي Heineken،

سلامات ياسر...
ياخ أجاركم الله بتاعت فنيلتك ? ما سمعت المثل البقول
من جاور السعيد يسعد?
Quote: نطلق عليه ديم القزاز..

ديم القزاز دي بتذكرنى ديم القراي (عارفك بتعرفا من شعرك
المنفوش ودمك الحار دا) إشتغلت هناك يا ياسر وكانت تجربة
كشفت لي الكثير من تصرفات أهلك المفترين بالفطرة يا صديق...

Post: #64
Title: Re: انتو بس تشربوا وتجدعوا !!
Author: دينا خالد
Date: 01-25-2010, 05:50 AM
Parent: #63

لكن يا ياسر ما قلت لى جارك دا بسوى بالفاضى شنو ؟؟
ياخ انت ساكن وين اصلو ؟؟
حتتك دى ماااااا طمنتنى .. يا ود امرق من القرافه دى .
انشالله اهلك والعروس ما يقرو الكلام دا .

حجازى !!

قلت لى داير ايميل منو ؟؟؟ لوووووووووووول
الليلة زكرتنى حركات زول ظريف كدا كان بكتب
معانا هنا فى البورد ! اظنو مات من الحركات !

Post: #65
Title: Re: انتو بس تشربوا وتجدعوا !!
Author: دينا خالد
Date: 01-29-2010, 08:34 AM
Parent: #64

ود الصايم طممنننا على الفاضى !

غايتو ود البشرى مرتاااااح ومبرد اضانو

الا يفصلوا فى حاجات تانية !!!!!!!!!

ـــــــــــــــ
هو بقى مسكين كدا لييه ؟؟ باى ذا واييى
كتبوهو تعهد ؟ لوووووووووول ود الذين امنوا .
بس هو امن يادووب

Post: #66
Title: Re: انتو بس تشربوا وتجدعوا !!
Author: احمد التجانى احمد
Date: 01-29-2010, 10:09 AM
Parent: #65

الفاضى دة لسة مدور فى المنبر الهامل دة ؟؟؟

Post: #67
Title: Re: انتو بس تشربوا وتجدعوا !!
Author: محمد البشرى الخضر
Date: 01-29-2010, 10:46 AM
Parent: #65

لا مافي تعهد , لكن ضوقونا ليه بعيد عنك

_______________________________________

بطنك غريقة يادندون ...
كان تعلقّي في محل حكمة الله بتعرفونا و نعرفكم
ههههههههه

Post: #68
Title: Re: انتو بس تشربوا وتجدعوا !!
Author: Yassir Tayfour
Date: 01-29-2010, 10:54 AM
Parent: #63

ودحجاز سلامات يا دكتور،
قلت لي أهلي مفترين باي نيتشر ! ياخ الناس ديل ما منهم، من الطبيعة القاسية والشمس الما بترحم..
___
مناطق شدة يا عمّك..

Post: #69
Title: Re: انتو بس تشربوا وتجدعوا !!
Author: محمد سنى دفع الله
Date: 01-29-2010, 11:08 AM
Parent: #68

واحد خلى لينا الكاس وشال القزازة

لكن قسما لو لقينا النوع ده كان بنينا ابراج منو مش بيت ده قزاز فاخر ما بنكسر

طيب الكاسات نبني بيها التكل

Post: #70
Title: Re: انتو بس تشربوا وتجدعوا !!
Author: كمال سالم
Date: 01-30-2010, 02:54 AM
Parent: #69

إستغفروا ياقوم وأسألوا الله التوبه
فهذا البوست يرغب فى أم الكباير ويدعو
لإحتسائها بل يروج لفوائد مابعد ( الطشمه )
بأن تبنى بيتا من ( الفاضى ) يذكرك فى كل
لحظه وأنت تقطنه بأن تحتسى المزيد لتبنى
المزيد من الغرف المخموره المترنحه ,,
بدر الدين الأمير وعماد عبد الله إنى أربأ بكم
من معاقرة هذا البوست وأنتم تقيمون الليل
وتصومون الإتنين والخميس .
فأخرجوا من هذه الخماره وأستغفروا الله وأسألوه
الهدايه يرحمكم الله .

ولصاحبة البوست أقول : أسأل الله لك الهدايه
وحسن الخاتمه ,, وبوست غير موفق ,, ومشتاقيييين ,,

Post: #71
Title: Re: انتو بس تشربوا وتجدعوا !!
Author: دينا خالد
Date: 01-31-2010, 07:22 PM
Parent: #70

كمال سالم !
ياخى مشتاقين جد جد تصدق الليلة لو اتزكرت لى مليار
انت برضو احسن منو .... قمت من الصباح قلت افتح بوست اسال
من كمال سالم وعادل عثمان ! ياخ والله مشتاقين
طبعا انا اكتشفت انك انيق بشكل استثنائى ..

السنى دفع الله ..

ذى دا لا بجدعوا لا ببنوا بى ..
ذى حقك دا عنهم بى شغل تاااااااااانى ..... لووووول

Post: #72
Title: Re: انتو بس تشربوا وتجدعوا !!
Author: دينا خالد
Date: 01-31-2010, 10:39 PM
Parent: #71

ومناطق الشدة دى مش فيها حوافز زيادة ؟؟

ـــــــــــــــــ
طيب انت التلج والشكولاتا ديل ما جابوا فيك فايدة لييه ؟؟
تفترى يمين وشمال ,, شعرك ما عايز تحلقو !!

Post: #73
Title: Re: انتو بس تشربوا وتجدعوا !!
Author: كمال سالم
Date: 02-01-2010, 00:36 AM
Parent: #72

Quote: كمال سالم !
ياخى مشتاقين جد جد تصدق الليلة لو اتزكرت لى مليار
انت برضو احسن منو .... قمت من الصباح قلت افتح بوست اسال
من كمال سالم

أخخخخخخخخخخخخخخ ,, الله ينعل أبو الإستعجال ذاتو ,,

Post: #74
Title: Re: انتو بس تشربوا وتجدعوا !!
Author: عفاف ابوكشوه
Date: 02-01-2010, 01:22 AM
Parent: #73

يسعد مساكم.. وصباحات ندية

صاحبة البوست والمتداخين

اللذيذين

ضحكتوني شديد لما بكيت من الضحك

سعدت كتير بمتابعة البوست حتي اخر مداخلة

مودتي وتقديري

ساعود مجددا لادلي برأي حول الفكرة الرائعة

غلبني النعاس الساعة الان3 وربع صياحا

Post: #75
Title: Re: انتو بس تشربوا وتجدعوا !!
Author: عفاف ابوكشوه
Date: 02-01-2010, 01:26 AM
Parent: #74

تصبحون علي الف خير

مودتي

Post: #76
Title: Re: انتو بس تشربوا وتجدعوا !!
Author: Elmuiz Haggaz
Date: 02-01-2010, 02:03 AM
Parent: #75

البوست دا يغطس الإسبوع كله تجى تلقا قدامك في الويك إند!!!!
الله لا بارك فيكم..

عندنا قريبنا يا أستاذ السنى العينة الكل يوم بتكلوه لي حد السرير
أها قام تاب (عقبال جارك يا ياسر) وبقي يمشى كل يوم الجامع لى حدي
ما إترقا وعينوه إمام يا زول بقا يصلي بي الناس بى السور الطويلة بس
(آل عمران وإنت طالع مافى سورة قصيرة خالص) .. يوم كدا أمه بتصلي
في الجامع وهو الإمام أمه من الوقفة الطويلة طاخ دقت الدلجة الناس
شالوها البيت .. بعدالصلاة جاء يشوفها بقت كيف عاينت ليهو كدا وقالت
ليهوا: يا ولدى سكرك مخالف ودينك مخالف:.

Post: #77
Title: Re: انتو بس تشربوا وتجدعوا !!
Author: mustafa mudathir
Date: 02-01-2010, 05:42 AM
Parent: #76

بوست طريف ومسلي ومتداخلوه دمهم
شربات رغم انو بعضهم نسبة الدم
في كحولهم عالية شوية!!
يعني يا داليا عايزة تعلمينا
التصعير وادارة الخد الآخر على
أساس انو البيت ح يكون من قزاز؟
انحنا من غير كدا ناس فلنرابل
vulnerable
بعدين في العنوان انتي قاصدة
تجدعوا يعني ترموا ولا تجدعوا
بمعنى تاخدوا راحتكم خالص؟
عموما افكار زي دي عايز وعي
معماري عالي.
زمان خرج علينا في السبعينيات
مهندس معماري بفكرة قائمة على
بناء بيوت الطين ولكن بترتيبات
جديدة بدت مدهشة ولكن لم يحصل أو
ماشفنا نماذج متحققة من فكرة
عثمان الخير واعتقد ان هذا
هو اسمه. وبعد عشر سنوات أو
أكثر من فكرة هذا المهندس
وقعت على مقال مصور عن احياء في
المكسيك استفادت من الطين والآجر
والسجيل. أيوه السجيل داك بتاع
فجعلهم كعصف مأكول! وتأكدت انو زولنا
السوداني كان كلامه صاح لكن يا دينا
الزول دا أصلو ما جاب سيرة للقزاز!
أمكن لانو القزاز كان راقد يا عيني!!!

Post: #78
Title: Re: انتو بس تشربوا وتجدعوا !!
Author: محمد عبد الماجد الصايم
Date: 02-01-2010, 06:38 AM
Parent: #77

Quote: ود الصايم طممنننا على الفاضى !

يعني .. ممكن نسقف الدور الأول!

Post: #79
Title: Re: انتو بس تشربوا وتجدعوا !!
Author: Emad Abdulla
Date: 02-01-2010, 06:58 AM
Parent: #78

Quote: الدور الأول
إنا لله ..
هو بالله خلاص .. بقوا يسقفوه ؟؟

.......
ياخي الحيكومة دي شديدة شدة .

Post: #80
Title: Re: انتو بس تشربوا وتجدعوا !!
Author: أبو ساندرا
Date: 02-01-2010, 07:09 AM
Parent: #79

يجازي الله محن المدعو عماد اديب ده
قال :
Quote: بركات الإنقاذ ..

ده اخو نجاة الإنقاذ ؟

Post: #81
Title: Re: انتو بس تشربوا وتجدعوا !!
Author: أبو ساندرا
Date: 02-01-2010, 07:14 AM
Parent: #80

كتب عماد الأديب
Quote: تشرب الشرمبيته و وجع الـ ..
كبريته .

وجع جد جد بتاع الكبريتة ده
خاصة لمن ينقر عليها ابوداؤود
وينقرشها

غايتو يوم بتكتل ليك زول
او
تقرمشو

Post: #82
Title: Re: انتو بس تشربوا وتجدعوا !!
Author: أبو ساندرا
Date: 02-01-2010, 07:18 AM
Parent: #81

Quote: هو أنا لو ختيت ليك كان ده حالك ؟؟

كر
ده عماد ولا معلم جمرة

انت رجعت الديم تاني يا عماد هيمت ؟!

Post: #83
Title: Re: انتو بس تشربوا وتجدعوا !!
Author: محمد عبد الماجد الصايم
Date: 02-01-2010, 07:23 AM
Parent: #81

Quote: وجع جد جد بتاع الكبريتة ده

يعني يا عمكـ عشان قمت زايغ من الـ أأأحححح!

Post: #84
Title: Re: انتو بس تشربوا وتجدعوا !!
Author: كمال مبارك
Date: 02-01-2010, 08:07 AM
Parent: #83

حيدر المشرف

Quote: ويوجد معيار ثالث وهو ( الكبايه ) .. والاخير يقدم ساخنا فى مواقع الانتاج

وفى روايه أخرى يقولون ( المساحه ) ،،

البيت غير شرعى يا دينا ،، محتاج أفتاء وين هيئه علماء السودان !!!

Post: #85
Title: Re: انتو بس تشربوا وتجدعوا !!
Author: دينا خالد
Date: 02-01-2010, 08:28 AM
Parent: #83

العزيز الشاعر الكبير
صديق مدثر ..
تشرفنا بزيارتك وياخ نوووور بيتنا وشارع بيتنا !

انت مفروض كان يكون عندك كم بيت ؟ ولا انت من انصار النجيلة ؟

ابو ساندرا !!

هسه انت المغترب ليها شنو ؟ البيت وخلاص فكرتو وضحت

ود الصايم ..
انت جيت من بناء الحزب الشيوعى الجديد بى جاى ؟ خلاس انتهيت
النجيييصة مفروض يدفعوا ليك يومية بنا بى هناك و طلبة بى جاى !!
ياخ امنع الفوضى .. كتلتنا بالضحك .. لوووووووووول

Post: #86
Title: Re: انتو بس تشربوا وتجدعوا !!
Author: محمد عبد الماجد الصايم
Date: 02-01-2010, 08:49 AM
Parent: #85

دندون .. الحبشي لقاني قادي إنجليزي داير يضيّعني
ما تجي تساعدينا بالترجمة!!

بالمناسبة .. بتاع الحزب الجديد دا
داير يبنيهو مونة حرّة ولا قزايز؟
غايتو لو كان وافق على الاستنتاج بتاعي
الواحد كان لقى طريقة يسب دين لأبو ساندرا!
مش حيكون بقى لا ديني وكــدا؟

Post: #87
Title: Re: انتو بس تشربوا وتجدعوا !!
Author: tmbis
Date: 02-01-2010, 08:58 AM
Parent: #86

Post: #88
Title: Re: انتو بس تشربوا وتجدعوا !!
Author: عمر الفاروق
Date: 02-01-2010, 03:15 PM
Parent: #87

عندي سؤال يا دينا ..
أسة نحن بيتنا بلدي خالص أوي ومعروش بي سعف النخيل ..
فهل ممكن يكون بيتنا وبيوتكم الهنا دي بيتشابهو من حيث المواد مع اختلاف في طريقة البناء ولا حقنا جالوص وبيوتكم دي عمارات ؟؟

تخريمة :
ما رأي الدين في بناء المنازل من مخلفات الشربوت ؟ هل يجوز مع الكراهة أم هو حرام حسب إجماع الأئمة الأربعة

Post: #89
Title: Re: انتو بس تشربوا وتجدعوا !!
Author: حسام هارون
Date: 02-01-2010, 04:58 PM
Parent: #88

Quote: العزيز الشاعر الكبير
صديق مدثر ..

دينا.....فكي القزازة

Post: #90
Title: Re: انتو بس تشربوا وتجدعوا !!
Author: mustafa mudathir
Date: 02-03-2010, 05:15 AM
Parent: #89

Quote: دينا.....فكي القزازة

Post: #91
Title: Re: انتو بس تشربوا وتجدعوا !!
Author: Hussein Mallasi
Date: 02-03-2010, 09:12 AM
Parent: #90

هذه بتلك

Post: #92
Title: Re: انتو بس تشربوا وتجدعوا !!
Author: دينا خالد
Date: 02-03-2010, 02:14 PM
Parent: #91

حسين يا عسسسسسسسسسسسسسسسسسسسسسل ..

قوية قوييييييييية .. ياخ لما اتكيفتا ..
انت النوع الكان بطلع الفروقات السبعه فى ثانية واحده
وفضولى داك بتمرقوا مغمض .. ياخ خليك جنبى طوالى ..
ضباع المنبر دى مافى زول غيرك بفحمها ..
ومنى انا دكتوراااااه .. الماجستير الشوييه دا
ح اقيف وراك حتى يسبق اسمك بروفسير دكتور مهندس حسين ملاسى ..
لوووووووووووووول .. تقول لى (الشاعر) الكبير !!!!

حسام ... اها خلى مصطفى يفك قزازتو انا بفك .. لووووووووب .

تمبس !!
قلت ليييك .. كلممممممممتك .. ما سمعت الكلام
نقذتا العرس العرس .. اها اتبكمتا ! كدا كويس ؟؟؟

الفارع الفارووغ ..

مشكلتك ما ح تلقى حته تخت فيها الجالوص ولا القزاز
بارى لى فى الفتاوى حلال وحرام لما تودرنا ..
استفتى قلبك ياخ .. استفتاه عليك الله ,,
سمعت قلبك قالو بقى تقيييييييل الايام دى !!
هسه شلت ليك الهم .. لو موتتا بكرة .. البورد ساهل
بكرى بسودو لكن نحن نكتب شنو ؟؟ الا نكضب ياود امى !

Post: #93
Title: Re: انتو بس تشربوا وتجدعوا !!
Author: دينا خالد
Date: 02-03-2010, 05:39 PM
Parent: #92

............ يهمنا رايك والله !!

Post: #94
Title: Re: انتو بس تشربوا وتجدعوا !!
Author: دينا خالد
Date: 02-04-2010, 08:30 AM
Parent: #93

ود المبارك البيت شرعى والله

لانو شفافيتو عالية ...

لو ليستو ببقى ما شرعى .. محتاج اذن ذى التظليل بتاع العربات ..

Post: #95
Title: Re: انتو بس تشربوا وتجدعوا !!
Author: ندى عثمان حسن
Date: 02-04-2010, 08:34 AM
Parent: #94

Quote: لو ليستو ببقى ما شرعى

دينا , سلامات

ليستو دى ختى معاها ترجمة على الشريط

Post: #96
Title: Re: انتو بس تشربوا وتجدعوا !!
Author: اسامة دفع الله ابوالحسن
Date: 02-04-2010, 09:04 AM
Parent: #93

دينا
الفكرة بتاعة الاستفادة من الفاضي دي
قديمة قدم الكسرة (بضم الكاف) في السودان
انتي ماسمعت قصيدة ود بادي بتاعت (سكان القصر العالي سلام)
والمقطع البقول :-
نحن ادونا الفاضي هدية
تشيلوا ام احمد تغسل بطنو وضهرو
ومالازماها وصية
ينفع كوز مربوط في سبيل
او دلو نشال
للبير ام سبعة رجال
ولو سمحتو بالمناسبة دي
واحد من المخضرمين
ينزل لينا القصيدة دي كاملة
تخريمة :-
يعماد عبدالله
انت زمان كان في مفتاح صلصة
عامل كدا زي الزردية
فيه من قدام
راسين مدببات
واحد لفتح العلب
والتاني لفتح اغطية الزجاج
ومن ورا في حاجة كدا زي البريمة
قدر ماكنت اسأل الوالدة
ياأمي انتي السلكة الملولة دي بعملوا بيها شنو
ماكنت اجد ليها اجابة
اها يطول الزمن ويقصر
القاها ليك عندها ياخ فايدة عظيمة
طلعت دي فتاحة الفلل بتاعت القزاز
شفت شدة الحكومة دي كيف
تحياتي

Post: #97
Title: Re: انتو بس تشربوا وتجدعوا !!
Author: داليا حافظ
Date: 02-04-2010, 02:49 PM
Parent: #96

تكتبوا إنتو ونحن نتجدع ..

Quote: يعني يا داليا عايزة تعلمينا

سداااية ورضاية ..

Quote: العزيز الشاعر الكبير

صديق مدثر

برضو سداية و رضاية ..لولين ..

Post: #98
Title: Re: انتو بس تشربوا وتجدعوا !!
Author: دينا خالد
Date: 02-04-2010, 06:26 PM
Parent: #97

ندوية حسن

ياختى ما دام انتى فهمتى الديناصورات ديل
ما بتجيهم عوجة !!
تسلمى

اسامة دفع الله ...

مداخلتك بى البوست كله .. اكتب ياخ
مالك مقل ,, والعجب لما تسمعها بى صوت ود بادى ..
قلت لى القصر كان من الفاضى !!

دلوية ... لووووووووووووووووول
لقيتك حسين ملاسى بس ,,
الراجل دا لو ما محوش الفاضى زحى منو !! لووووب

Post: #99
Title: Re: انتو بس تشربوا وتجدعوا !!
Author: دينا خالد
Date: 02-05-2010, 11:50 AM
Parent: #98

عفاف ابو كشوة !

كيف حالك .. خليك قريبة انشالله دايما

ضاحكة ومتونسة .. بالمناسبة القلبة بقت كيف ؟؟

تانى اركبى فى كرسى الشهيده !!

Post: #100
Title: Re: انتو بس تشربوا وتجدعوا !!
Author: محمد الجزولي
Date: 02-05-2010, 12:55 PM
Parent: #99

بعد ده ياتخُتوا لينا العشاء ولا ورونا البلاعة وين عشان نمشي نَطرّش فيها ..

ـــ
إنتو ماشفتو رجاء خدر ولا شنو؟! .. المنبر ده موش فيهو بيت بكاء ؟

ــ
وبرضو زي غيرنا مشتاقين يادينا ..

Post: #101
Title: Re: انتو بس تشربوا وتجدعوا !!
Author: mustafa mudathir
Date: 02-05-2010, 08:39 PM
Parent: #100

عشا مافي يا محمد لكن أمكن الصباح بتاع "المعا قزاز"
يجي ماري نسل لينا كم قزازة وياريت من حيطة غرفة
النوم المطلة على الشارع. كم قزازة كدا بيفطرونا
قالت دينا
Quote: ياختى ما دام انتى فهمتى الديناصورات ديل
ما بتجيهم عوجة !!

منو ديل الدنصورات ديل؟
والله انحنا أشد منكم
ضغط مافي
سكري مافي
كوليسترول مافي
مصل ماس وبون دينستي تمام
تستسترون أو تستهترون عال العال
الباب سمير Pab smear ذاتو تمام!!
وكان للشعر صبغة بيجن Begin بي سنتات هنا!
أها وروني انتي وندوية البلود ويرك Blood work
بتاعكم جاب شنو!
دنصورات قال!

Post: #102
Title: Re: انتو بس تشربوا وتجدعوا !!
Author: دينا خالد
Date: 02-12-2010, 07:28 AM
Parent: #101

محمد الجزولى سلامات ..
معليش اتقلبت فيك الصفحة نعمل ليك شنو
من يومك كج ...

عموما وللضمان كدا برضو مشتاقين !!

مصطفى مدثر ... هاهاهاهاها اااااااا

طيب انا برضو ممكن اعدد ليك التمام كلووووو
واسكت عن الما تمام . لووووب .. المشكلة وين ؟؟

يا تعدد كويس يا تسكت ..

Post: #103
Title: Re: انتو بس تشربوا وتجدعوا !!
Author: محمد عبد الماجد الصايم
Date: 02-13-2010, 07:47 AM
Parent: #102

دندون .. سوعال:
لو اختلفت المشاريب دا ممكن يؤثر
على ميلان المطر بتاع الدور التاني؟

Post: #104
Title: Re: انتو بس تشربوا وتجدعوا !!
Author: tmbis
Date: 02-17-2010, 08:01 AM
Parent: #103

الرائد: ضبط شحنة خمور مستوردة خصصت لتمويل الحملة الانتخ...أحد أحزاب المعارضة!!
ياريت بلاي يا كاريوكــا .. تتصرفي لينا في الكميات دي ..
أنا عايز لي دكـان ناصية .. افتحو عجلاتي .. مش إنت كمان بتعرفي اي حاجة ..؟
علي شرط:
(السكينة) حقت الحيطة .. كسري لي فيها (فتيلين) ويسكي ..

لاحظي .. قلت ليك فتيلين .. كان ممكن اقوليك قزازتين ..

إنت قايله بيغلبني اقوليك قزازتين ..؟

Post: #105
Title: Re: انتو بس تشربوا وتجدعوا !!
Author: tmbis
Date: 02-17-2010, 11:10 AM
Parent: #104

يا شيريهــان ..
إنت الحملة الانتخابية الجايبين ليها الطشمة دي مش احتمال يكونو عاملنها في (مغلق)..؟
.
.
والله أنا لو في مكان بتاع العربية دا .. كان بشيل اللنك بتاع البوست دا .. وبديهو لي البوليص في ايدو
واقوليهو مرسلاني دينا خالد الشهيرة بي دينا خالد من موقع سودانيزاونلاين .. عندها بنيه تحتية ..

بالمناسبة:
أنا حاجز الفاضي بتاع الجماعة ديل .. من حسع دي كلمتك

Post: #106
Title: Re: انتو بس تشربوا وتجدعوا !!
Author: فيصل نوبي
Date: 02-18-2010, 02:13 PM
Parent: #105

الزول ده دخن 3000 سيجارة و الله أعلم علي حسب الايميل الوصلني
و عمل منهم ديكور لمحل سكنه

Post: #107
Title: Re: انتو بس تشربوا وتجدعوا !!
Author: فيصل نوبي
Date: 02-18-2010, 02:17 PM
Parent: #106

الـ 3000 سيجارة بـ 150 علبة من أبو 20 سجارة ممكن الزول ده يكون دخن 3000 باكو أو الزول المرسل الايميل لتخها من رويستو ساي

Post: #108
Title: Re: انتو بس تشربوا وتجدعوا !!
Author: ياسر بيناوي
Date: 02-18-2010, 02:22 PM
Parent: #107

Quote: الـ 3000 سيجارة بـ 150 علبة من أبو 20 سجارة ممكن الزول ده يكون دخن 3000 باكو أو الزول المرسل الايميل لتخها من رويستو ساي

احتمال يكون قاصد تلاتة الف علبة ما سيجارة

خالص الود

Post: #109
Title: Re: انتو بس تشربوا وتجدعوا !!
Author: فيصل نوبي
Date: 02-18-2010, 02:23 PM
Parent: #108

Quote: احتمال يكون قاصد تلاتة الف علبة ما سيجارة
إنت يا ياسر مرشح لحزب شنو ؟

Post: #110
Title: Re: انتو بس تشربوا وتجدعوا !!
Author: ياسر بيناوي
Date: 02-18-2010, 02:29 PM
Parent: #109

Quote: إنت يا ياسر مرشح لحزب شنو ؟

مستقل

Post: #112
Title: Re: انتو بس تشربوا وتجدعوا !!
Author: فيصل نوبي
Date: 02-18-2010, 02:36 PM
Parent: #110

بالتوفيق يا ياسر ياخ
بس بالله ركز شوية علي ناس المطقة و من هناكـ بتفوز
بصراحة كنت داير ( أدوركـ ) لكن ردكـ ده خلاني أرجع و أقول ليكـ حتي لو كان قاصد 3000 علبة برضو شوية
لأنه الـ 3000 علبة ديل ما بيعلو حيطة من الحيطان الشايفاها عيني في الصورة دي ..

_
كمال سالم
عندكـ تسجيل إنتخابات إنت !
ولا قصدكـ في البوست بتاعكـ داكـ !
في زول بيسجل إعجاب بنفسه ؟
حمانا الله و إياكم شر الغرور و الإعجاب بالنفس ياخ.

Post: #111
Title: Re: انتو بس تشربوا وتجدعوا !!
Author: كمال سالم
Date: 02-18-2010, 02:30 PM
Parent: #109

Quote: إنت يا ياسر مرشح لحزب شنو ؟

أتوقع أن يرد ياسر قائلا :

مش شغلك .

يانوبى يأخ ماتجى تسجل .

Post: #113
Title: Re: انتو بس تشربوا وتجدعوا !!
Author: ياسر بيناوي
Date: 02-18-2010, 02:44 PM
Parent: #111

حبيبنا كمال سالم
Quote: مش شغلك .

يانوبى يأخ ماتجى تسجل

تعرف عندي حبوبتا لي قالت لي اوعك تستعجل علي الفسالة
اها انا شغال بنصيحتا دي
يعني هسه كان رديت علي نوبي دا ردا ماسخ من ردود اهلنا ديك
وطباع الرد قاعد في طرف لساني ومو دايرلو كواسة
كان زي ما قال حيجي ويدورني ليك
اها اجي انا وهاك ياشكل
وانت طبعا عارفني زول الله ساااااااااااكت
عشان كدة قلت الطيب احسن واهو شفت النتيجة

تحت تحت :
زي ناس نوبي ديل شن قدرنا بيهم والدنيا انتخابات كمان

خالص الود