Post: #1
Title: يا ود الصائم تعال شيل صورتك دي لو سمحت
Author: زهير الزناتي
Date: 09-24-2009, 06:42 PM
Parent: #0
يا ود الصائم كل سنة وإنت طيب
صورتك اللذيذة الفيها الضحكة دي كنت عايز أعملها في البروفايل
بتاعي ، بعدين خفت تقوم تشتكتيني عند الجماعة بتوعين الملكية
الفكرية ،، ولا تدق لي جرس زي بتاع ناجي الملك لجريدة الأخبار ...
الليلة في بوست ناس الزقازيق أجدع ناس ... جاتنا الصورة براها
ماشة بكرعينها ما عرفنا الضحكة دي فينا ولا تحية عيد ....
|
Post: #2
Title: Re: يا ود الصائم تعال شيل صورتك دي لو سمحت
Author: زهير الزناتي
Date: 09-24-2009, 06:49 PM
Parent: #1
ناس الزقازيق ... أجدع ناس ..
يا عمك عملنا للصورة كوبي في الجهاز عشان بعدين ما تقول ما جيت ودا ما انا ...
أظرف حاجة المداخلة تخص رابطة أبناء دنقلا بالزقازيق ،،، يعني عادي ممكن تجي تعتذر للجماعة
باللغة النوبية ....
** تم تعديل كلمة رطانة بعبارة اللغة النوبية عشان ما يجينا عبد الحكيم نصر
يدينا علي راسنا
|
Post: #3
Title: Re: يا ود الصائم تعال شيل صورتك دي لو سمحت
Author: زهير الزناتي
Date: 09-24-2009, 11:54 PM
Parent: #2
يبدو أن هنالك مشكلة في رفع الصور للموقع أيضاً حيث فشلت في
رفع أي صورة خلال هذا اليوم ..
|
Post: #4
Title: Re: يا ود الصائم تعال شيل صورتك دي لو سمحت
Author: زهير الزناتي
Date: 09-25-2009, 09:34 AM
Parent: #3
ود الصائم ما جيتنا والصورة أتغيرت
جابت ليها هنود عديل كده ...
يا جماعة ورونا الحاصل في الصور شنو
منبر بلا صور ،، ما نافع معاتا
|
Post: #5
Title: Re: يا ود الصائم تعال شيل صورتك دي لو سمحت
Author: محمد عبد الماجد الصايم
Date: 09-25-2009, 11:29 AM
Parent: #4
بركاتكـ يا ود الصايم!
|
Post: #6
Title: Re: يا ود الصائم تعال شيل صورتك دي لو سمحت
Author: محمد عبد الماجد الصايم
Date: 09-25-2009, 12:12 PM
Parent: #5
تعرف يا عمكـ
بكري أب روسينا كبير دا من أمس
جهجه ليكـ باكات الصور كلها!
باللاي تدخل بوست إفطار واشنطن تلاقي هارون دياب قاعد
تخش إفطار بورداب الخرطوم تلاقي كوستاري متفرجخ في النص!
هسي شوف البوست دا وعاين الصورة الفيهو! يا محمد عبد الماجد الصائم صورة بروفايلك دي غيرها ياخ ولا أعمل ليك صورتين
|
Post: #7
Title: Re: يا ود الصائم تعال شيل صورتك دي لو سمحت
Author: حيدر حسن ميرغني
Date: 09-25-2009, 12:20 PM
Parent: #6
زيناتي اللغم
صورة ود الصايم مامشكلة وين ما ركت
بس بالله حرَص على عفش حوشنا الصغير
ما تطير منو برة حتى نيجاتيف
دي مشكلة البيت الناصية
_
ود الصايم لملم عددك
|
Post: #8
Title: Re: يا ود الصائم تعال شيل صورتك دي لو سمحت
Author: محمد عبد الماجد الصايم
Date: 09-25-2009, 12:39 PM
Parent: #7
حيدرنا
عددي ما مشكلة
تعرف صحبكـ أب صلعة دا لو دقس في لخبتت الصور
دي وجات مارقة ليكـ صور الهكر بتاعت زمان ديكـ!
تعال بقى شوف صور إفطار البورداب!
صورتين إفطار والتالتة .. عفش في السهلا!
|
Post: #10
Title: Re: يا ود الصائم تعال شيل صورتك دي لو سمحت
Author: حيدر حسن ميرغني
Date: 09-25-2009, 12:48 PM
Parent: #8
تصدق يا عمك مرة لقيت في بروفايلي يافطة مدرسة
عشان كده خليتو فاضي
اي حاجة يجيبا هكروز ما مشكلة
بس يختانا من الهبايب ديك
_
واحد صاحبي لصَق ليهو واحدة مهببة في بروفايلو
وقال ده الهكر
|
Post: #9
Title: Re: يا ود الصائم تعال شيل صورتك دي لو سمحت
Author: زهير الزناتي
Date: 09-25-2009, 12:43 PM
Parent: #7
يعني يا عمك نطمئن عبد الدائم النضيف والدناقلة بتوعينه
ديل ونقول ليهم يا جامعة الزول دا منكم وفيكم والضحكة دي
جات بالصدفة ...
|
Post: #11
Title: Re: يا ود الصائم تعال شيل صورتك دي لو سمحت
Author: محمد عبد الماجد الصايم
Date: 09-25-2009, 12:54 PM
Parent: #9
غايتو يا عمكـ
لو لقو زول مقلّع مولاي كما خلقتني دا بكون ما أنا
غيرو أي حاجة ما مشكلة بنقدر نتخارج منها!
سلم عليهم باللاي!
|
Post: #12
Title: Re: يا ود الصائم تعال شيل صورتك دي لو سمحت
Author: زهير الزناتي
Date: 09-25-2009, 01:08 PM
Parent: #11
Quote: زيناتي اللغم
صورة ود الصايم مامشكلة وين ما ركت
بس بالله حرَص على عفش حوشنا الصغير
ما تطير منو برة حتى نيجاتيف
دي مشكلة البيت الناصية
_
ود الصايم لملم عددك |
يا حنين زي ما قلت صورة ود الصايم ما مشكلة
لكن حاجات الحوش دي نحرسها كيف مع الهكر الأسفيري
دا إلا نجيب لينا أنتي فايرس نسميهو ود الجعلي ..
طيب يا خي ما تكلم لينا بكري دا يدينا بيت
تانية ناصية ولا في آخر الحلة عشان ندس فيهو ...
|
Post: #13
Title: Re: يا ود الصائم تعال شيل صورتك دي لو سمحت
Author: زهير الزناتي
Date: 09-25-2009, 01:10 PM
Parent: #11
يا ود الصايم دا الكلام الخايفين منه ذاته
يجينا في البداية زول ببدلة وكرفتة وبعد شوية
يجي واحد تاني بكرفته بس ، خاصة إنه حوشنا
بقي فيهو جنس ناعم وكدا ، وعايزين نحافظ
علي التنوع الجندري دا ...
|
Post: #14
Title: Re: يا ود الصائم تعال شيل صورتك دي لو سمحت
Author: حيدر حسن ميرغني
Date: 09-25-2009, 01:16 PM
Parent: #13
| Quote: أنتي فايرس نسميهو ود الجعلي |
ويكون بسف صاعوت كمان
عشان يتم الناقصة
_
لو رجعت للصور القديمة في حوشنا
حاتلقاها كلها مناظر طبيعية
تقول مشترك معانا بتاع الناشيونال جيوغرافك
|
Post: #15
Title: Re: يا ود الصائم تعال شيل صورتك دي لو سمحت
Author: حيدر حسن ميرغني
Date: 09-25-2009, 01:25 PM
Parent: #14
تعرف يازهير
مرة في زول لغم كبير جدا وقليل ادب
قنطر ليهو صورة فاضحة وقعد يجرَبا في "شاهد قبل نشره"
قوووم يالماوس جلَي وانقز على "أضف رد"
على باليمين طرش الغدا زي ماهو
ولو ما لحقتو كان دخل جووه البرواز عشان يقلع الصورة
هسع ليهو سنة ما دخل المنبر
|
Post: #16
Title: Re: يا ود الصائم تعال شيل صورتك دي لو سمحت
Author: محمد عبد الماجد الصايم
Date: 09-25-2009, 01:26 PM
Parent: #15
|
Post: #17
Title: Re: يا ود الصائم تعال شيل صورتك دي لو سمحت
Author: زهير الزناتي
Date: 09-25-2009, 01:27 PM
Parent: #14
يا حنين والله البورد 60% فيهو من مداخلاتي دي صور الف
وأجي بعد فترة القاها بقت كروسات ساكت ...
بعد دا إلا نقوم نرفعها في موقع تاني ونجيب الكوت بتاعها
|
Post: #18
Title: Re: يا ود الصائم تعال شيل صورتك دي لو سمحت
Author: حيدر حسن ميرغني
Date: 09-25-2009, 01:38 PM
Parent: #17
واحد من مشايخ البورد
كان فاتح بوست عن الرقية الشرعية
السونامي جاب ليهو صورة جكسوية لابسة من غير هدوم
كرَفس البوست واتخارج
قال "المؤمن مصاب"
|
Post: #19
Title: Re: يا ود الصائم تعال شيل صورتك دي لو سمحت
Author: زهير الزناتي
Date: 09-25-2009, 01:49 PM
Parent: #18
يا حنين
الله يجازي محنك ، والشقي يقع في أيدك ...
دي إسمها الشلاقة . ودايماً الزول الشليق
الله بيجازيه ,, شايف البوست مشي قائمة
بلير بعد شوية خايفه يمشي الخور ..
|
Post: #20
Title: Re: يا ود الصائم تعال شيل صورتك دي لو سمحت
Author: محمد عبد الماجد الصايم
Date: 09-25-2009, 02:14 PM
Parent: #19
Quote: واحد من مشايخ البورد
كان فاتح بوست عن الرقية الشرعية
السونامي جاب ليهو صورة جكسوية لابسة من غير هدوم
كرَفس البوست واتخارج
قال "المؤمن مصاب" |
براحة علينا يا حنين!
|
Post: #21
Title: Re: يا ود الصائم تعال شيل صورتك دي لو سمحت
Author: حيدر حسن ميرغني
Date: 09-25-2009, 02:39 PM
Parent: #20
كنت ولا زلت أعشق كتابات الوغد دكين "أخوي البحمل فسوي"
ذات مرة وخلال حديث تلفوني مع صديقة كانت تعمل في منظمة دولية
حبيت أفك دبرستها من خلال الاطلاع على مايجود به هذا الوغد
كنت ارسل لها الكتابات بالفاكس في غارها البعيد اقصى شمال سريلانكا
ما كان عندهم كهرباء بعد الساعة السادسة مساء
لذلك كانت تستعين بفاكس المكتب في ساعات العمل
أها .. يوم اتصلت غضبانة وزمجرت فيني لمَن الموبايل وقع
- انت القاليك انا عاوزة اعرَسك منو؟
- يازولة الحاصل شنو
- ده شنو الرسلتو لي مع كوم الورق
- رسلت شنو
- رسالة عن زواجك ومرسلو لامك في السودان
- اعذريني يازولة .. جات بالغلط والله وماقاصد اتلخبطت الاوراق مع بعض
_
من ديك وعيك ..
_
اخر ابداعات الوغد في بوست مجاور
Quote: واحد صاحبنا من اولاد توتي وكان بيتهم في اقصى الناحية الشمالية لتوتي لدرجة انك تكون قاعد في حوش بيتم وتسمع الجهر في صلاة المغرب من ناحية بحري ..
اها اخونا ده كان معانا في المقرن الثانوية ..وكان في الكديت ..ومن ادب الكديت( التدريب العسكري بالثانويات) انو لو لاقاك سنيرك بره المدرسة او في اي ناحية في الخرطوم تحييهو وتبذل ليهو التحية العسكرية..
وكان الطلبة يفخرون بتلك التحية، ادائها واستلامها ..
وكانت القشرة حقت الكديت خايلة وبتدي الزول احساس بانو ملازم في المظلات مظلي جد جد ..
البوريه الكبدي بالجنبة والقاش الكبدي والبنطلون بي جيوب والبوت يستلم البنطلون في اربطة مميزة..
المهم اخونا ده كان في سنير مطلع دينو ..محل مايلاقيهو في المدرسة يشبكو ليك (خلف در)..
الود يكون ماشي يصحح ورق من شعبة العلوم يشبكو ليك خلف در..الود يبطل وييجي الصول يجلدو لانو ما صحح..
اها اولاد توتي كانو برجعو مع بعض وكانت بينهم مودة وافرة .. ماوجدت لها مثيلا واغلب ظني انها مودة الذين يقعون تحت الحصار الطويل والقلق والمصير المشترك ..
صاحبنا يوم راجع مع اولاد توتي بي قشرتو بتاعة الديش وملمع البوت ومؤقت مع زمن رجعة بنات توتي .. بس جنب المشرع بتاع البنطون شاف ليك السنير بتاع خلف در..
بس بقا يتضاير ورا الحمير المعدية خوفا من انو السنير يهبل بيهو قدام البت..
طبعا اللبس العسكري منمق ولافت للنظر.. اها البنطون كلو بقا بعاين ورا الحمار ..
والسنير داك ماجايب خبر صاحبنا..قام صحبو شاف ليك حبيبتو وسط البنات المعديات وكان اسمها سارة (ستقبل لاحقا ضمن طالبات جامعة الخرطوم) بس مشى على السنير في طرف البنطون بعد وصل نص الموية وقال ليهو .. بالمناسبة مهند ورا الحمار داك..
اها بس السنير عجبتو التعرصــة وصلح ليك البوريه بتاعو واتنحنح بشد في حنجرتو واتلفت بعاين لي بنات توتي مجهز نفسو للغرور..
ورفع ليك صوت جهور ( انتا ياعسكري الحمير هناك انتبـ.....
بس مهند ده من سمع كلمة الحمير دي - وقبل ما اخونا يتم النداء بتاع الانتباه - جمبلغ مهند قلب راسو جوة الموية ..
وبس الجكس ده قعد يقرقر ..
اها فجاة نسمع ليك صوت واضح قوي جاي من جهات السماء.. تاريهو سواق البنطون شايف الحاصل من البداية وكان راجل لابس ابرول ازرق كده:
اها قام قال بي صوتو الواضح وهو بعاين لي مهند البتمها عوم لحدي القيفة البعيدة:
يامهند ( كان اهلك فنقسوك الغرباء بنخسوك)
والبنطون كلو قعد يضحك..
الشاهد انو مهند خشا الكلية الحربية لاحقا واستشهد في معارك دارت في مناطق غرب النوير..يقول رفيق سلاحه فايز الريح ( الان قايد حامية في جهات منسية جنوب النيل الازرق) انو حين اتشتت السرية تحت جنح المطر الغزير كان مهند يحمل فوق كتفيه جريحان وعتاد طبي وكلاشنكوف نفدت ذخيرته |
|
Post: #23
Title: Re: يا ود الصائم تعال شيل صورتك دي لو سمحت
Author: Mustafa Mahmoud
Date: 09-25-2009, 05:11 PM
لافاش كيري
|
|