المنبر العام .. الي نهاية محزنة بسبب بعض الاعضاء ..

اكثر من نصف المواضيع التي تطرح علي صدر المنبر ومن اعضاء اعطيت
لهم صلاحية الكتابة لاترقي الي مسنوي المواضيع الصحفية .. وهي مواضيع
مخجلة بمعني ارهاق القاريء واضاعة الوقت وهي حتي لاتنفع ان تكون
للتسلية؟ واليكم بعض العناوين :
1- فوفو شتمتني
2- لوشغال في مكتب الخطوط السعودية بالخرطوم اوبتعرف زول شغال هناك
3- انها فعلا حكومة المفنقسين
4- الحلة بصلة .. والمرة كرعين
5- باركوا لي بناتي التوام ..
6- اقسم بالله انك حقير ونذل وجبان وساقط يا....
7- كدي اتزرقوا لي غادي
وهي نماذج من عناوين خلال يومين فقط .. وتخيلوا معي هذه النسبة من
السقوط اللغوي وعدم احترام القاريء .. والهبوط الحاد في العمل
الصحفي الذي يمارسه علي الهواء كل عضو يمتلك حق الدخول ومخاطبة كل
قراء سودانيز اونلاين وهم عدد ضخم جدت في اليوم .. فكيف به حينما يفتح
المنبر العام ويجد البوستات غارقة في مثل هذا المستوي في مخاطبة القاريء
قمنا بمناشدة الاخ بكري ابوبكر للحد من هذا الاسلوب ونرجو ان يكون هناك
اشراف علي كل المواضيع ومحاسبة من يتجاوز الخط الاحمر .. وانا متاكد
ان اغلب الاعضاء مايدين لهذا الاقتراح .. ولكم الود والاحترام

بهاء الدين حسن/القاهرة/

الاخ بهاء بكري
من قال لك اولا اغلب الاعضاء مؤيدين لكلامك؟؟؟
ومن قال لك بوست زي

Quote: 3- انها فعلا حكومة المفنقسين

بيتناول قضايا زي بوست

Quote: 1- فوفو شتمتني

؟؟؟؟؟
ومن قال لك الناس عايزه الصحافه التقليديه ونمط الكتابه المتخلف العقيم داك؟؟؟؟
واتحداك بعدد الزوار لبوستاتنا ونجاح القضايا البنتبناها!!

يازول
كل فوله وليها كيال
ولولا اختلاف الاذواق لبارت السلع.
وتقديرنا لارائك ولكنها غير ملزمه.
بعدين انت ما تقرأ العايزه وتخلي الناس تقراء العايزنه.
ومنو قال لك مثلا نحن بنقرأ البوستات الانت بتقرأها؟؟؟



تخريمه:
العزيز سجيمان
بوست جاء من باب ضرب المثل فقط وليس مقصود في ذاته.
معزتي.

اخي تاجي مصطفي ..

لم اقصد ان احدد نوع للكتابة ولكني قصدت ان مايكتب داخل
البوستات فيه تلميحات واساءات وتقليل من البعض وهذا هو الذي
سيجرنا الي صراعات شخصية وقبلية وجهوية والدليل ان احدهم يسالني
من اين اتيت؟ في رد علي نفس البوست؟ هل يهم هذا؟واحدهم سمي المنبر
بالمستراح وشرح ذلك؟ هل تريد ارذا من ذلك حتي نتحدث وننادي بايقاف
مثل هؤلاء؟؟ لن ارد علي هذا التشبيه لان المستراح كما قال يلقي فيه
بالقاذورات ونحن لانقرا مثل هذا؟؟
وانت فعلا من الذين احترم كتاباتهم ولكن العنوان اثارني فقط؟
وان ننادي بترقية المنبر ليس بالعيب؟؟ ولك الود

بهاء//

بهاء عيسى

انت جيت متين ومن وين ؟؟؟؟

وفهمك شنو للمواضيع المفروض تتنشر ؟؟؟

وفهمك شنو أصلا للصحافة ؟؟؟

ومنو القال ليك دي صحافة ولا جبرا ؟؟؟

دا اسمو منبر عام ... يعني أي واحد يكتب بطريقتو ما دام لا يخدش احد
ولا يتعدى على احد ...

ومنو القال ليك بوست (الحلة بصلة والمرة كرعين) ما نافع

عارف القروهو كم لغاية الآن ؟؟؟

هذا ليس اقصر طريق الى الشهرة ؟؟؟

الاخ بكرى سلام وتحية.... انت القاليك منو انو كتاب المنبر ديل صحفيين .. المنبر ان صح القول عبارة عن مستراح بتعرف كلمة مستراح يعنى .. متل ادبخانة فى داخلية مدرسة اى واحد بجى بستريح وفى جدار الحيطة بكتب.. واحد يكتب احب فلان والاخر يكتب شنو ما عارف حايجو جماعة تانى اشرحوا ليك..يعنى نحنا ما صحفيين محترفين... وهذا هو الجمال الذى يميز هذا المنبر..

الاعزاء معتز، تراجي، سيف الدين

مع احترامي الشديد لدفاعكم عن بوستاتكم موضوع النقاش هنا .. والتي ادافع عما جاء فيها انا ايضا

ارى انه من حق الاخ بهاء طرح مايريد من رأى هنا ايضا... بغض النظر عن القبول والرفض

مبلغ قصدي من هذه المداخلة أن نتقبل النقد كفكرة ونشيع ثقافته حتى نرتقى بكتاباتنا الى ما نريد

احبكم جميعا



لتعديل اسم وحرف

اخي معتز ..
العنوان الشاذ دائما بيجذب القراء ولكنهم سيعودون فورا بعد
القراءة وهم غاضبين .. وعدد قراء البوست ليس المقياس؟ وهذه
المنابر تمثل صحافة وثقافة بلد وهو السودان ويمكن يطلع ليهه
اجانب غير السودانيين فلماذا لانكون صورة راقية في الكتابة؟
اما متي ومن اين اتيت فهذا ايضا ادرجه تحت الكلام النهاية
المحزنة للمنبر .. الجدية والطرح المؤدب وعدم المساس باحد
هو المطلوب؟ اغلب الحوار في المنبر لايرقي الي مستوي الحوار
الجاد ويخدش حياء القاريء؟؟

بهاء الدين

وانت الشجاعة الكاتلاك شنو؟ ما تتفرج ساي وتمشي ..

هي قول الحقيقة مطلوبة وليس السكوت ونحن نريد للمنبر ان
يكون منبرا نفتخر ان نكتب فيه لاموقعا نلقي فية بقاذوراتنا
كما اسماها احدهم؟
اذا اردت ان تسكت فافعل ولكننالن نسكت علي الاعوجاج؟

بهاء//

Quote: اخي تاجي مصطفي

يا اخي ؟؟

تراجي ماقال حاجة انت جاري تقول علي حطا كتابي؟؟
ارتفعوا عن هذا وذاك واكتبوا في المفبد ..

يا بهاء الدين
سلامات ..
تعرف فتحت على نفسك باب الجحيم من حيث لا تدري أو تدري ..
بصرف النظر عن روابط كل البوستات الاستدليت بيها هنا دا .. لفت نظري بوست الأستاذ محمد عبد الجليل .. عن ابناءه التؤام .. الموقع ده هنا يا بهاء فيهو اي حاجة بتتعلق بينا .. زول عندو جارو عضاهو كلب .. غنمايتو راحت .. مرتو ولدت .. نحزن هنا ونفرح جميعنا .. ونمارس عاداتنا الضارة والمفيده والسرية والجهرية دونما قيود أو حجر على راي الآخــر وهذى هي ميزة هذا المكان .. هذا المكان يا بهاء ليس بالموقع الصحفي ولا بصالة العرض الراقية .. ولا منطقة طيران محظورة .. هذا منبر يطرح فيه ما يطرح للنقاش .. إذا راقت لك فكرة .. تفاعل معها وإن لم أيضا تفاعل معها مع الاحتفاظ بحقك لنفسك ولغيرك ..
يمكنك أيضا أن تشتبك مع أحدهم بيدك .. وأن تلوح بدلالات يفهمها بعضهم أيضا بيدك ..
فقط اتمنى ان تبعد من ما من شانه أن تقيم كتابات الأعضاء بهذه الطريقة التي لن تجر لك إلا الكثير الذي تجهله تماما ..
ما وصل لبعضهم من انطباع تجاهك .. لن ينمحي . وميزة هذا المكان عن بقية الأماكن الأخرى ما يكتب به من سكارى، ومساطيل، ومجانين، وآخرين ببدل راقية وربطات عنق أنيقة الالوان .. وسيدات وآنسات بعطور باريسية فاخرة تتقدم طلعتهن البهية..
كل هذا نحتاجه لاستمرار دورة حياتنا اليومية .. هناك مواقع متخصصة للصحافة، للموسيقى ، للطب ، للهندسة ، للفلسفه والاجتماع ..إلخ ..
اتمنى ان أكون قد ساهمت في تعديل فكرتك عن هذا الموقع الغير صحفي .. والغير تابع إلى أي جهة .. لا معارضة ولاحكومة كما يتوهم البعض ..
الموقع ده يا بهاء .. بي اختصار موقع ساكت كدا .. والساعد على نجاحو .. الشئ الحاصل فوقو ده ..

بعدين يا بهاء ياخي إنت ما عارف الكائن الاسمو تراجي ده مرا والا شنــو؟؟
تراجي دي مرا ليها ضل .. وعندها حاشية .. ولوحات خلفية ، زولة مشهورة وجابوها في قناة العربية .. معقولة يا بهاء .. والله لما قريت كلامك بتاع الأخ تراجي اتفقعته من الضحك ..
ذكرتني عاطف ( فرنب ) صاحبنا كنا لاعبين دافوري وهو لاعب جناح يمين .. انفرد بالكورة وجات ( الجدادة ) طالعه من بيت ناس أحمد الطيب بدل ما يعكس الكورة .. قام توووف عكس (الجدادة) انا لا عرفت امسك ( الريش ) ولا عرفت امسك الجدادة عشان ما تبقع تكسر رقبته ..
غايتو واحد في الاتنين يا إنت زول بتعرف حاجات كتيرة جدا ..
يازول الله ساكت كدا .. زينا ..

ملحوظة:
والله بي صراحة يا تراجي بهاء ده انتهى منك خالص .. غايتو انا لو في مكانك ما بخليهو
ياخي ده طلعك راجل عديل كدا

Quote: تراجي ماقال حاجة

Quote: لفت نظري بوست الأستاذ محمد عبد الجليل .. عن ابناءه التؤام .. الموقع ده هنا يا بهاء فيهو اي حاجة بتتعلق بينا .. زول عندو جارو عضاهو كلب .. غنمايتو راحت .. مرتو ولدت .. نحزن هنا ونفرح جميعنا .. ونمارس عاداتنا الضارة والمفيده والسرية والجهرية دونما قيود أو حجر على راي الآخــر وهذى هي ميزة هذا المكان ..

ياسلام ياتمبس ياود امى
شوف بالله الكلام الفنان ده

وفرحتى لاتوصف بالتومات وسلامتهن وصحة امهن وفرحة اخونا محمد عبدالجليل

مع احترامى لصاحب البوست وهدفه النبيل فى ان نكتب مابفيد غض النظر عن وجهة نظرى فيما كتب ولكن الرسالة التى اراد ايصالها ايجابية

الاخ تمبس زالاخت اشراقة ..
طبعا بالضحك كنت داير اموت وبرااااي خاصة من كلام الاخ المقدر جدا تمبس
ولو كنت عارف البوستات دي بتجيب زي تمبس واشراقة كان قلت كلام افظع من دة
حقيقة ماعرفت تراجي ؟؟ وفرحة التومات اصابتني وخجلت من ذكري هذا
البوست مع العلم انني لم اقرا غير العنوان ..
ومازلت اصر ياتمبس ان لايكون الموقع ( مستراح ) .. يمكن ميولي الصحفية
هي التي اعطتني الجدية ولكن علمي ان هذا الموقع فيه معارك في غير
معترك وشتائم السلوك السوداني يرفضها ونحن في اي بلد معروفين وسط كل
الشعوب العربية والافريقية بالروعة والاحترام للاخر وعم الخصومة السياسية
والاجتماعية بالصورة السافرة ؟؟ فلنعطي صورة مشرقة للجميع .. والعتبي
للرائعة اشراقة حتي ترضب ..

بهاء //

والله غريبة انصاف المتعلمين والمثقفين بيورونا انو كتابتنا مخجلة وبعيدة عن الذوق وتصفية حسابات شخصية.
اولا الموضوع اللي كتبتة(لو شغال بالخطوط السعودية او بتعرف زول شغال هناك) ما موضوع صحفي دة استنجاد بالاخوان الموجودين علي المنبر لمساعدتي في مشكلة ممكن يكون حلها سهل عند بعض اعضاء المنبر وبعدين لو بتعرف انو في ناس تركو شغلهم وقاعدين يتابعو لي ويحاولو يحلو لي اموضوع دة كنت خجلت من بوستك دة.
ثانيا الاخطاء المطبعية الواردة في البوستات دة مردة الي الاستعجال ولانو كل واحد بيحاول يبسط في الموضوع ويكتب بالدارجي لانو هنا ماقاعة امتحان الامتحانات كملناها زمان وهنا مكان تنفيس ومكتب اخذ وعطاء وتبادل بن الاعضاء.
ثالثا بالنسبة لي انا شخصيا استفدت من سودانيز اون لاين وعرفت ناس كتار محترمين وتقدر تفتخر بمعرفتهم(ناس تمبس ومحمد عبد الجليل (وكل اعضاء جمعية سودانيز اون لاين بالرياض)والناس الاتصلو وسعوا يساعدوني في موضوع الخطوط السعودية
رابعا ما بقول ليك كل المواضيع الفي المنبر العام ضعيفة لانو نظرتك ومفهومك ليها البقيمها.والفنان يغني وكل يتذكر ليلاة.
عاوز دليل انك انطباعي ومستعجل وعاوز تورينا انك رسول الفضيلة ومدير شرطة النظام العام في المنبر الحر دة عاوز دليل علي كدة ارجع لكلامك وجرستك انك قريت العناوين بس وما قريت الموضوع كلة انت المستعجل ليها شنو لو ما عندك وقت جاي هنا تحكم علي الناس لي شنو ما تخليك في حالك

فهمت يا بهاء ولا لسة ؟؟؟

بصراحة أصبح العثور في المنبر على بوست جيد يستحق القراءة أمرا صعبا فقد هرب كبار المبدعين الذين كان يزدان بهم المنبر وازدادت كمية الـ junk posts على وزن الـ junk mail. اذا كان هذا المنبر ثيرمومتر لقياس الابداع السوداني فيبدو أن الشعب السوداني يمر بمرحلة تدني ابداعي خطيرة.

اتمني انكم تفهموا ؟؟

يا زول نحن فاهمين قبل ما نشوف اسمك علي البورد دة عاوزنا نفهم شنو زيادة انك تشتمنا وبعد داك تجي تقول والله اسف وما قريت كويس (معليش يا تمبس اسف يا اشراقة ويا تراجي ما قصدي والله)قصدك شنو كان اها فهمنا ولا طريق شهرة ساهل قلت النركبة ممكن يرفعنا شوية (والله انت المحزن وجرستك دي بس البتخلينا نرفع يدينا عنك)

الاخ/بهاء الدين
سلام وتحية
من حقك ان تكتب اخي وتطرح رايك ويكون جميل جدا لو كان الطرح مفيدويناقش بكل ود واحترام دون ايذاء من كتبوابمواضيع ربما تراها انت بعينك فقط غير هادفة
هذا منبر عام يحق لنا جميعا طالما اعطينا صلاحية الدخول ان نعبرونكتب وهذا لايعطينا حق فرض قرات ماكتبنا .هذا المنبر به اسس وضوابط علي حسب علمي نحترمهاجميعا .
التداخل الذي يتم من يثبت صلاحية الموضوع المطروح.
كل املي ان يتميز الجميع بادب الحوار والرد في الطرح بعيد عن المشحانات والخلافات وان يكون الجميع( اسرة واحدة(هذا شعار نرفعه داخل سوداتل)
نحن اسرة واحدة
وعلية نعمل ونختلف فاختلاف الراي لايفسد للود قضية
مودتي وسلامي

Quote: ونحن في اي بلد معروفين وسط كل الشعوب العربية والافريقية بالروعة والاحترام للاخر وعم الخصومة السياسية والاجتماعية بالصورة السافرة

دا كان زماااااااااان
سالنى احد الاجانب يوما عن جنسيتى
طبعا قلت بكل فخر انا سودانى
ترتب على اجابتى تلك مليون سؤال اخر عن دارفور والتطهير العرقى والاغتصاب وووو
الخارجنى منو انى قلته ليهو انا من دارفور وانى من ال( good guys )
هسى انا معرووف انى من south africa
اما موضوع البوست فقد قتل بحثا ونقاشا قبل مده .... وما وصلنا لى حاجه
لكن فى عباره قالا بكرى ابو بكر كم مره (( دا منبر عام للحوار وما غرفه شات ( chat ) ))
الناس حقو تفكر فى مغزى ومعنى العباره دى
و
تحياتى

يابها ياخوى الجاب ليك الهواء انك حددت اسماء بوستات ولكن عموما لا خلاف على التجويد وهى دعوتك على ما اعتقد وخلى روحك رياضية وقطعها فى بطنك والمرية الجاية بتتعلم من الايام كلنا خبطونا كدا لما الواحد بقى يخاف من ضلو

والله غريبة انصاف المتعلمين والمثقفين بيورونا انو كتابتنا مخجلة وبعيدة عن الذوق وتصفية حسابات شخصية.
-----
تحديد انصاف وارباع المتعلمين هو الذي نقصده والشتم الذي نخجل منه
يحدث في المنبر .. هذا هو الذي اقصده .. وعناوين بعض البوستات التي
حددتها لم اكن اعني ان مواضيعها سيئة ولكن هي اساليب والفاظ نرفضها
في منبر نتمني ان يكون راقيا .. وانا حينما اكتب موضوع لااتسرع حتي
اندم عليه وحقيقة بعض العناوين لم احبها ومحتواها لم اعرفه ولكن
الموضوع يجب ان يكون من الداخل والخارج كما يريد القراء .. والصحف
تعرف ان التهافت علي شراء الجريدة يكون من العنوان ودي الصحف الغير
واثقة من نفسها كما عناوين البوستات .. الدعوة للارتقاء بالمنبر هو
المطلوب وسيكون همنا وهدفنا فلياتي الهواء من حيث يشاء فنحن لانخشي
في الحق لومة لائم ..
ويااخي يوسف .. ليتنا نقاوم كل المخربين لسمعة السودان في الخارج
ونكون نماذج للوطن الطيب .. قبل ايام كان معي اخ مصري يتحدث عن السوداني
في السعودية وكانه يتحدث عن شعب الله المختار .. في الخلق والتعامل مع
بعضهم قبل الغير والجمعيات التي تتكون من السودانيين دون كل المغتربين
في المملكة .. التميز صفة محببة للسودانيين ونحن نريدها ان تلازمنا ؟؟


بهاء//

Quote: ذكرتني عاطف ( فرنب ) صاحبنا كنا لاعبين دافوري وهو لاعب جناح يمين .. انفرد بالكورة وجات ( الجدادة ) طالعه من بيت ناس أحمد الطيب بدل ما يعكس الكورة .. قام توووف عكس (الجدادة) انا لا عرفت امسك ( الريش ) ولا عرفت امسك الجدادة عشان ما تبقع تكسر رقبته ..

تمبس والله {فرنب} ده بالغ
أهأ الحصل شنوا واصل بالجد القصة شدتني

Quote: تمبس أهأ الحصل شنوا واصل بالجد القصة شدتني

والله العظيم انا برضو يا احمد موسي

تمبس دا اعندو تسلسل افكار بنكهة واقعية خاصة

الاخ بهاء عيسي
افتكر قصدك السليم وصل ولكن كما قيل لك من خلال الكثير من المداخلات السابقة كلمة منبر حر هذه جعلتني افهمها بانني حر ايضا في قراءتي للمواضيع المطروحة فان اعجبك العنوان دخلت علي البوست ومداخلاته وان لم يعجبك تنصرف عنه الي اخر .
ما اريد قوله ان الخيار خيارين للكاتب وللقارئ بالتالي لا تتعب نفسك مشقة المحاورة لمن ارتضي ان يكتب او يقرأ لغة هي من الركاكة والهيافة وعدم الاحترام للذات.
من يقول بان عدد الزوار هو مؤشر الي سمؤ البوست وكثرة التصفح مخطئ لانني شخصيا ازور بعض العناوين واخرج سريعا بعد قراءة المدخل الاول واعتقد ان مثلي كثيرون.
خالص مودتي واحترامي

الاخ الكبير .. مكي

ليتنا نجد فهما يداني الواقع لاهرجلة تضيع مجهودات الاخلرين
كنت اريد راي الاخ بكري ولكنه تاخر ولكني انتظره وانتظر بعض
الاراء المختلفة مهما كان الراي ..
ومازلت اصر علي رايي ان يكون المنبر هادفا اواعادة النظر فيه
وهذا رايي .. هم يريدون ونحن نريد ويبقي الحوار هو الفيصل
لا امثال انت جيت من وين؟؟؟؟
ولك الود


بهاء//

وعناوين بعض البوستات التي
حددتها لم اكن اعني ان مواضيعها سيئة ولكن هي اساليب والفاظ نرفضها
في منبر نتمني ان يكون راقيا ..

انت لسة مصر طيب يا جماعة هوي عليكم الله وروني وافتوني يمكن انا كتبت حاجة في العنوان فية حاجة مثيرة ولا فيها قلة ذوق ولا حاجة وانا ما عارف .يا جماعة عليكم الله افتوني انا كتبت بوست بالعنوان التالي(لو شغال في الخطوط السعودية في الخرطوم او بتعرف زول شغال هناك) دة عنوان البوست يمكن في كلمات في العنوان دة عندها معني تاني وانا ما عارف ، ما تستغربو السودان دة واسع ويمكن كلمة اتعلمناها في عطبرة او في حفير مشو علي انها كلمة عادية يمكن يكون عندها معني تاني في مدني او القضارف انا لغاية هسة ما عارف الغلط شنو في العنوان او المضمون عندي مشكلة والله قلت كدة النعرضها علي الاخوان في المنبر الواسع دة ممكن تتحل تقوموا تقولو لي الكلام الغريب دة( من انها اساليب والفاظ نرفضها في منبر تتمني ان يكون راقيا بالله ورينياارقيها كيف البسها كرفتة ولا انت من انصار الجلاليب والعمم ولا انت قصدك ما ريحتها بعطر حلو قبل ما ادوس زر اضافة البوست ) انا قلت ليك قبيل انت المحزن في الموضوع دة كله ( لكن يبدو انك من الذين تأخذهم العزة بالأثم) ولو عدت عدنا

لن اعود اخي الزبير للرد عليك الا من قبيل التوضيح ..
وفهمك للموضوع احترمه ولكني لم اعني ان العناوين التي
اتيت بها هي السقوط بالموقع .. ولكني اخترت امامي بعض
الامثلة؟ وفهمت من عنوانك انك نطلب واسطة؟ وهي في موقع
عام وبهذه الصورة الواضحة يمكن ان تكون مرفوضة-في نظري-
علي الاقل اي من ادبيات الكتابة حتي الحرة؟
واسالك اخي الزبير هل انت راضي عن الالفاظ والاسلوب الغريب
الذب بكتب به بعض الاخوة وماتقول كل واحد حر فيما يكتب؟
فاقول لك هل انا حر ان اتلفظ باي لفظ في مجتمع سوداني فيه
الرجل والمراة والبنت الصغيرة ؟ لماذا لا طالما انا اكتب
في موقع عام كما اريع وباي اسلوب اريد؟
المجتمع السوداني محافظ جدا فلا ندخل فيه مصطلحات والفاظ
نابية حتي في مواقع هي صحفية مهما اسميناها؟ ولك الود

بهاء//

ولكني اخترت امامي بعض
الامثلة؟ وفهمت من عنوانك انك نطلب واسطة؟ وهي في موقع
عام وبهذه الصورة الواضحة يمكن ان تكون مرفوضة-في نظري


انا قبيل قلت انك ماخداك العزة بالاثم يا زول انت بتقول انك اخترت عناوين ساكت وما دققت كويس نمشيها دي رغم انو مفروض يودوك لطيب الذكر المكاشفي طة الكباشي وانك بتظن اني بطلب واسطة طيب ما انت صاح هنا انا فعلا طلبت واسطة بالعربي عندنا في البلد فزعة بالدارجي جدا يا جماعة يدكم معانا المشكلة شنو الجاب الاسفاف للموضوع او العنوان شنو كنت عاوزني اجي لكل واحد في المنبر اهمس في اضانو ولا اعمل شنو بالله .انا بكون عادل معاك انت وريني الغلط ولا الشينة وينها في انو اطلب واسطة في موضوع زي دة ، انا ما فهمت والله ما فهمت. ولا انت فهمت انو انا بشحت فلوس ولا عاوز لي شغل ولا شنو بالضبط ما تفهمناخلينا نخلص

من أزعط* الحاجات الفي البورد - بعد ناس بقال و مصطفى محمود - حكاية الكتابة من فوق دي
كيف يعني؟
يعني الواحد يطلع في برج وهمي و يقيف يعاين للناس من فوق
و يبدا البري
دا أحسن زول يكتب و دا ما بعرف
دا موضوع جيد و دا هدر للباند سجم
دا ما مناسب للبورد
و كويس إنك أزلت جهل الكثيرين هنا
و دا شنو مابعرف
ونحو ذلك من وهمات و قد

يا خوانا أرحمونا , النصيبة دا إسمو "سودانيز " مش صحفييز و لا شعراءيز و لا موهبيز أون لاين
يعني حق كل السودانيين بكتابهم و درابهم و شعراءهم و خفراءهم و صحافييهم و سمكرييهم و موهوبيهم و موهوميهم الناشطين منهم و الكسلانين المفيدين و المضرين وسجمهم ورمادهم
ومن يرى أن البورد متجه للنهاية , فما عليه إلا القفز من السفينة الغارقة و اللحاق بأحد قوارب النجاة العديدة و المتوفرة في يم النت السوداني عسى أن يجد بها ما تشتهيه نفسه من صحافة و أدب و نقد و ليتركنا أونبورد مع قلتهم
سؤال لمن تحجج بمقولة عمك عن أن المنبر ليس للشات, هل إطلعتم على بوست الفول و الفتة؟

*أزعط : صيغة التفضيل من زعط , أي الأكثر زعطا أو الأقدر على الزعط بفعالية
الزعط لغة هو تقشير الشيئ كلحاء الشجر
و إصطلاحا يراد بها تقشير أمزجتنا و إفسادها
وأيضا تفيد البري

من ضمن الالفاظ التي لابد ان تبعد هي التي استعملتهااخي محمد
وياريت تكون الفاظك في البوستات افضل من كدة ودي ماصعبة؟
تقديرا لبعض الذين ركبوا المركب ولايريدون القفز منها؟ حتي
لانفقد ادبنا السوداني ومثاليتنا التي نفخر بها لا التي ننفجر
غيظا وخجلا منها .. قول رجعية وتخلف وتمسك باهداب ادب فقدناه
زماااااااااااان كما قال احد الاخوة الكرام هنا ؟

ولك الود ...... بهاء//

انت عارف يا مستر بهاء
البوست بتاعك ده فضيحة عديل كده
وبداية غير موفقه تماما الشباب هنا عملو ليك تنوير
وانت ولا على بالك ماسك ليك فى فلسفة عمياء لا بتودى
ولا بتجيب ياخى فرمل شويه وخلى البوست ده ينذوى فى القاع
وهات شى اخر لكى نتمكن من النقاش معاك وتفيد وتستفيد اوكى

[B]وانت ولا على بالك ماسك ليك فى فلسفة عمياء لا بتودى
ولا بتجيب



عرفت يا وليد يا اخوي بهاء دة مشكلتة شنو انا والله ما عرفت ، قدر ما فكرت بقدر فهمي القدري دة ما فهمت قصدة شنو. الموضوع ما موضوع مثل وقيم بيؤمن بيها، لا الموضوع موضوع بوست زي دة هو متاكد انو بس بعنوانو دة بيخلية في دقائق اشهر من سيد القهوة زاتها بدليل انو بعضمة لسانو قال انو ما قرا المواضيع بس ادي نظيرة كدة للعناوين ومسك رشاشة وفتح في النار ، بالله زي دة تقول علية شنو غايتو البتجي من السما بتحملا الواطا

تحياتى اخى الزبير

Quote: Re: المنبر العام .. الي نهاية محزنة بسبب بعض الاعضاء

قد يكون الاخ بهاء صدق بعض الشى لان الاخ بكرى اصبح يعطى

العضوية من طرف والا ما وجدنا بهاء يتبختر عن اليمين وعن الشمال

الاخ بهاء الشعب السودانى ده اخى الكريم كل كلام بتقال كتير منه مفيد ولو كان فى شكل نكته او ونسه اعتراضى عليك انك معترض وانا اعترض على اعتراضك لو عندك كلام سمح نحن نقبله ونستفيد منه بس ماتعترض على كلام ناس ود البصير . صدقنى اخى العزيز تحت السواهى دواهى .

Quote: يا اخي ؟؟ تراجي ماقال حاجة انت جاري تقول علي حطا كتابي؟؟ ارتفعوا عن هذا وذاك واكتبوا في المفبد ..

Quote: اخي تاجي مصطفي

فعلا كلام زي ده ما ممكن تقولو مرا!!!

Quote: انها فعلا حكومة المفنقسين

أرشح القصة دي لي نكته الفين وسبعة!!
دي عاملة زي البلنتي في الدقيقة ثلاتة وتسعين في كورة كاس!!!

الواحد ليهو زمن ما ضحك بهستريا زي دي!!!

Quote: ما تستغربو السودان دة واسع ويمكن كلمة اتعلمناها في عطبرة او في حفير مشو علي انها كلمة عادية يمكن يكون عندها معني تاني في مدني او القضارف

اخي خالد ..
صدقني انا مااعترضت علي كلام ناس ود البصير ولا ودابوقبورة
لانه دة تراثنا وكلامنا بنحبوا شديد بس المنبر اصبح فيه كلام
غير الذي نعرفه في شوارع امبدة والكلاكلة والصحافة والديم؟
الفظ لايمكن نشرها في موقع عام ومعني منبر حر اسيء فهمه من
قبل البعض وقلبوها منبر اصفر كالصحف الصفراء .. نكتب مانشاء
وباي اسلوب والانسان لازم يكون عنده ضابط جواه يحترم الاخرين
لايسيء اليهم .. ولما قلنا كدة القال حكيم والقال واعظ ؟
ولن اكل مادام الخطا يطل براسه كل لحظة .. لك الود

بهاء//

يا عمك
لو قاصد بالألفاظ الما عجبتك دي مفردة "أزعط" تكون بالغت يا كمان ما قريت الشرح التحت
المفردة في حد ذاتها لا غبار عليها , الغبار الكثيف على الذهنية البتأول حسب ما تشتهي
وكونك حارس فضيلة و متحدث من برج عالي كنت بفترض فيك حسن الظن و تاخد المعنى السليم في الكلام
أما إذا كنت قاصد لفظ آخر فدا شي تاني , ويا ريت لو لقيت لينا وقت - بعد تخلص حملتك الدونكيشوتية و تقضي على طواحين اللإفلاس و عدم الموضوعية في البورد - تقوم تدلنا على الألفاظ الما ياها
عموما إنت ليك فترة قصيرة نسبيا في البورد أتمنى تحافظ على المسوح المرتديه دا وما تقوم تغير لينا ستايل الفضيلة دا في أول لفة

ماخرجت به من قراءة هذا البوست :
بهاء يعترض على الاسلوب وليس على الطرح نفسه وهو محق في هذا
يمكننا ان نطرح ما نشاء من الافكار ولكن علينا تخير الالفاظ والكلمات والعبارات وكون المنبر عام وحر ليس معناها ان نستخدم فيه كلمات بذيئة وعبارات سخيفة لأنه ببساطة منبر عــــــام وليس خاص

المتداخلين معترضين على طلب بهاء منهم السمو بعناوين وكلمات بوستاتهم ويعتقدون انه يريد الحجر على افكارهم

هنا حدث سوء الفهم -------- أو ربما أسأت انا ايضا الفهم !!!!

الاخت شادية ..

ربما اسات الفهم؟؟ ابدا لم يحدث منك غير الفهم الصحيح ولكن
ان يكون احتكار الراي بهذه الصورة هي اساءة الفهم؟ انا قلت
ماعندي وان ياتي احد ويحاول فرض الراي وفرض اسلوب الشللية فهو
امر متروك لهم .. فليفعلوا مايشاءون وانا ليس في برج عاجي بل
في برج طين واريد للسوداني ان يسمو عن كل ماهو بغيض حتي في
طريقة كلامه؟ وان توفقت فهذا حسن وان لم اوفق فمحاولاتي مستمرة..
ولك الود والتقدير ..

بهاء//

بهاء !!!

ودي ,,,

شكرا على هذا التنبيه ,,, طبعا حرية الرأي مفكولة للجميع ولكن البعد عن المهاترات واجب ,,,

اختي الغالية عواطف ..

الروعة دائما تاتي معك .. شكرا لفهمك الراقي للتنبيه
ولاشك انني متابع ومنذ اعوام لمايحدث ولكن حينما يتحول
المنبر لجلسة امام ست شاي وتنطلق الاكلمات بمالايصح فسوف
نقول راينا .. ربما يغضب البعض ولكننا نتطلع للبعض الاخر
ولهم العتبي حتي يرضو .. ولك كل الزد والاحترام؟؟


بهاء//

Quote: 1- فوفو شتمتني 2- لوشغال في مكتب الخطوط السعودية بالخرطوم اوبتعرف زول شغال هناك 3- انها فعلا حكومة المفنقسين 4- الحلة بصلة .. والمرة كرعين 5- باركوا لي بناتي التوام .. 6- اقسم بالله انك حقير ونذل وجبان وساقط يا.... 7- كدي اتزرقوا لي غادي

شكرا لتقيم بوسطي فوفو في الtop ten..... وجا اللول

يا عاجبلك كتابتي كلها كدي وجنس النضم دا... وانت عشان جديد ما شفت بوسطات زي طهارة العوض ود ابقناية ..وقلة ادب الغنماية... والكديسة الرضعت نعلاتي... والخروف ابدومات الفضحنا مع الخواجات وعييييييييييك... اسوي كيعن عاد؟ دي قدرتي.. وبارك الله فيهو بكري الادانا الصفيحة دي وبقينا نسوي في جنس سواطتنا دي.....

امشي كدي يا متفلهم..... عامل وليدك الحليو دا.... ربنا يخليهو ليك

الأخ بهاء

اتفق معاك في الكتير من بعض جوانب ما كتبته لكن زي كلامك دا

Quote: ونحن في اي بلد معروفين وسط كل الشعوب العربية والافريقية بالروعة والاحترام للاخر وعم الخصومة السياسية والاجتماعية بالصورة السافرة

ياهو الجايب لينا الطراوة
برانا نشكر في نفسنا
نحن أكرم الناس
ونحن العملنا الاتحاد الأفريقي لكرة القدم
ونحن القمنا بالثورة المهدية
ونحن الناكل الويكة ونعمل حاجات تانية حامياني

ياجماعة والله غير وهمنا دا شي جايب لينا الجلاء مافي.
علليك الله بس امسك الخصومة السياسية دي وشوف السوتو فينا.


عارف انا زمان كان عندي بوست عايز أنزلو بعنوان
"باركوا لي بير السايفون بتاعنا جابت الموية"

لكن قبل ما أنزل البوست قامت بير السايفون اتهايلت اردروب
فصرفت النظر عن الموضوع.

يا بهاء البورد دا بيذكرني حيطة الطاحونة زمان. تجي تطحن عيشك وتشخبت زي ما عايز في الحيطة وتمشي.
أقرأ اليعجبك وخلي الما يعجبك ونحن أصول ما دافعين قروش ولا متسلفين لينا باندوث..
روق أعصابك باغنية نانسي عجرم
شخبط شخابيط.

الكتابة في حيطة الطاحونة او في مستراح الداخلية كانت ثقافة زمان
اي- سخافة زمان- وهي مرحلة يجب ان ننساها .. لانها بيست تراثنا او
قيمنا اي اخلاقنا واي واحد ماكان بيكتب علي الجدارات المخفية اي في
الظلام .. فهذا منبر حر علي الهواء يقرا من امريكا حتي جبرة الصحافة
ام بدة الحارة 1000 ؟؟ هي ثقافة الانتشار السريع .. ونحن في زمن
رديء جدا يجب ان نعطي القادمين من الشباب صورة حسنة وان نفرش لهم
ارضبة نظيفة يسيروا عليها حتي لايكون الشاذ هو الاصل ؟
واكرر انني اطالب بترك الجهوية والشللية والتنابذ بالالفاظ الدخيلة
علي المجتمع السوداني ..
هنا في مصر الشعب كله صغيرا وكبيرا رجالا ونساءا يستعملون الفاظ
لايمكن لسوداني ان يسنعملها وهذا لان الاجيال نوارثت من الكبار مثل
هذا الاسلوب واصبح متداولا بشكل طبيعي جدا .. لك الود


بهاء//

الأخت شادية الطيب
تحياتي انتي بتقولي انو بهاء بيعترض علي الاسلوب وريني طيب الاسلوب بتاع محمد عبد الجليل في فرحو ببناتة التوام فية شنو ولا مضمون لو شغال في الخطوط السعودية دة فية اسفاف وين أو عدم اتزان كيف ولا فية شبه ساكت ممكن تودية لي شارع فية محكمة النظام العام ساكت خلية من انو يدخل متهم في قضية خدش للذوق العام .بعدين انتي بتدافعي عن شنو الراجل بلسانة قال انو فهم انو انا قاعد اشحت رغم انو ما قال بشحت في شنو (وانا فعلا شحت ناس المنبر )(راجعي البوست كاملا) طيب انت استعجلت ارجع للحق وما تقعد تزايد وتصر في موضوع جانبك فية الحق لكن يبدو انو (الاختشو ماتو)

يا اخوي سجيمان ..
والله نحن مابنرفض الحاجات حقتنا ةلكن زي ماقالوا كل حاجة
ليها مكان .. زانا رفضي الاول للمهاترات والشلليات الغير
نافعة .. والالقاظ الدخيلة علينا؟ ولكن في ناس في المنبر
شغالة بي سياسة انا واخوي علي الغريب ؟

خاشية : الفي الصصورة دي بنية بس الشعر كان لسع شوية
وبارك الله فيل ..


بهاء//

انتو لسة شابكين معاهو ؟

والله انا قريت عنوانك ده يا بهاء افتكرت انو الموقع حا يضرب بدانة ولا واحد من اعضاء المنبر او اكثر حا يهكرو الموقع ..



همسة :

أقرأ ما تظن انه مفيد لك

رد على من تظن انه يستحق الرد

أكتب ما تحس بانه مفيد

عارض بفهم ولا تهاتر

مودتي

يااخي علاء .. انا ادعو الي نبذ الجهوية والمهاترات
وانا لم انزل هذا البوست الا لصالح كل الاعضاء؟؟

انا ادعو الي نبذ الجهوية والمهاترات
وانا لم انزل هذا البوست الا لصالح كل الاعضاء؟؟


حبوبتي الله يرحمها زمان قالت لي مثل بيقول (البيلعب مع الجريوات بخربشنة والبباري الجداد يودنة الكوشة).ودة طرفي منك يا مكابر عشان لغاية هسي بنقول ليك الاسفاف والجوية والمهاترات وينها في البوستات الحددتهم ليك ديل وتتضاير بجاي وجاي وما عاوز تقول
علي العموم مبروك لغاية هسي الشافو بوستك دة 1143 وكمان 53 مداخلة عدد ما اظنك كنت تحلم بية ولا في زول في حلتكم كلها ممكن يكون لم اصوات زي دي .
مبروك

العزيز بهاء
انت تنفخ في القرب المقدوده .فنحن شعب يحب الاقتداء بالنعام
وياهؤلاء المدافعون عن اسلوب الخرمجه والذهاب برغباتكم حتى حدود اللامسئولية
من قال أن حرية التعبير تتيح للمرء أن يقلل من شأن الأحرين عندما ينتقدوه
ومن قال لكم أو حاول أن يقنعكم بأن هذا المنبر برئ من الاسفاف والمهاترة والتنطع والاجندات الخفية..
المنتدى منبر حر يتفهم المسئولين عنه طبيعة أن يشارك كل الناس بلغاتهم .. واساليبهم ومزاجهم اللغوي ..فبكري لا يقف على اسنة اقلامنا ..انما من المفترض أن تكزن حدود الواحد منا المسئولية تجاه الاخرين ..فان تسئ للمرء هذا امر سهل ..ولكن الصعوبة أن تجد جملة مفيدة توصلها له..
ما قاله بهاء الحقيقة التي يهرب منها الجميع ..
فتراجي هذه مثلا تذهب بها رغباتهاللصعود بافكارها لحد ما لا يستطيع الناس فهمه
وسجيمان لا يمكن أن تتخيله جادا..
وناذر مستمتع كعادته بالردود على اصدقائه اللدودين
ونستا الساخر ..
وملاسي رجل النظام الأول
والرائع الاستاذ صلاح شعيب
والرائعة رانيا مامون..و..و..وو
المهم الاختلاف مشروع ..ولكن المنبر يحتضر من ناحية الجدوى والفائدة التي من المفترض أن تختار مكانها القصي في عقلنا الجمعي الذي نستطيع أن نؤسس عليه مجتمع سودانوي ..
فلتتربع العناوين الغريبة على واجهة ما يمنح بكري من اذونات صرف للتواصل
وليدافع عنها اصحابها حتي باللغة(المتزاعطة)هذه
وليسكبوا كل تميزهم بالقدم في الانتساب للمنتدي على وجه بهاء
وليقولوا ليرضوا نزعاتهم
ما من حلول عند المستاسدين بالغضب .. وماارخص المرء حين يدمن التلون على نفسه وما احلانا ونحن نبحث بشكل افضل عما يحفظ لكل من احترامه ..ويصون حقوقه وان عسف في الراي
صدقت يا بهاء ..
لنكن اكثر دقة ونحن نوصف اخطاء الأخرين حتى لا نفاجأ بها يوما وهي ترتدي ثوب اخطائنا
عذرا إن اطلت ..
ما من قصد تجاه احد ..فقط اقصد الجميع

لنكن اكثر دقة ونحن نوصف اخطاء الأخرين

نزار عبد الماجد يا رائع انت جبت التايهه دة البنقولوا لينا كم يوم كن اكثر دقة ووصف الاخطاء ورينا اخطانا وين وكيف عشان تاني ما نخطي ونتوب ونعتذر كمان لكل من تضرر من كتابتنا دي ودة كل المطلوب عليك الله كلم صاحبك بهاء دة يوضح لينا عشان نرتاح وهو يرتاح

الاخ الزبير قال ماقلته ولذا لن ارد عليه بل اطلب منه الوقوف
امام ((المهاترات)) في المنبر .. واقول للاخ نزار كيف تغفل عن
مايحدث في المنبر من هبوط في مستوي الاحترام والتقدي للاخر وفي
مستوي اللغة التي نتحدث بها والعناوين والاسلوب الجارح والخادش
للحباء واكرر نحن شعب يستحي من التحدث في امور كثيرة حياء وقد
ضربت مثل بالمجتمع المصري من قبل .. ولكن حتي في رد احد الاخوان
اتي بكلمة معروفة في السودان ولكنه فسرها علي طريقة العالم
عبد الله الطيب؟؟ وارجو ان لاتاخذ انني قصدت العناوين التي حددتها
وهي كانت امثلة وبعضها اكثر استفزازا من ذلك ولكني اخذت نماذج
قريبة بالتاريخ؟ اما موضوعك عن الخطوط السخودية فلايمكن ان نطلب
واسطة في موقع عام؟؟

Quote: فلايمكن ان نطلب واسطة في موقع عام؟؟

نقوم نطلبها فى موقع خاص؟؟؟؟؟؟

انت يا زول راميك جمل

الاخ بهاء
ان تدعو الي الرقي بالالفاظ ليتناغم مع مثل واخلاقيات الشعب السوداني فهذا شئ جميل جدا خصوصا وان جميع افراد الاسرة السودانية يطالعون
وبشكل يومي على صفحات سودانيز اونلاين والمواقع الاخرى، ولا اعتقد ان هناك غبار على ما تدعو. فقط ان تشخص عنواين بعينها على انها
نماذجا للكتابةالمنحطة او الكلمات غير اللائقة فهذا غير مفيد ولا يساعد على السمو والرقي بالكتابةلان كل شخص يسعى الي الدفاع عن نفسه
واسلوبه ولهذا لاقت دعوتك المقاومة وعدم الرضى على الاقل من الذين تداخلوا معك وغالبهم من اصحاب البوستات التي اوردتها كنماذج خاصة الاخ الزبير
الذي لا يندرج بوسته تحت قائمة الالفاظ الساقطة او كالذي يرجو مباركة توأميه، قد يندرجا تحت قوائم اخرى مثل (إجتماعيات) او خلافها
مع العلم ان هناك صفحة في السودانيز اونلاين للاجتماعيات. عموما دعوتك نبيلة وسامية فقط لم يجنابك التوفيق بايرادك لامثلة محددة، ويمكنك الاعتذار لاصحاب البوستات المنتقاة
حتى تنأى بنفسك عن الشخصنة ولتعم الفائدة
مع خالص الود

اخي معتصم .. تحية عطرة

اشكرك علي الادراك الواعي لهذا البوست والذي امل ان يتكرر
ردودكم حتي نصل الي الغاية المبتغاة .. هذا هو المقصود ..
اما العناوين التي اوردتها واوردها بعض الاخوة كامثلة فهي
لاتعني كل شيء وكما قلت فان الامثلة للالفاظ كثيرة ولم اكرر
الالفاظ والمهاترات السيئة حتي لااحمل وزر انني نقلت كلمات
هي بغيضة ..
لك الود والاحنرام ..

بهاء//

يهاء

احفظ بوستك دا الى سنة 2010 فى اى فولدر

سوف تجده جميل خالص ,, انت قايلها بعيدة
لكن ياربى انت سوف تقعد معنا الى ذلك التاريخ
نحن ياخى قاعدين نقصر فى الزمن

عموما نرحب بيك

انت يا زول راميك جمل


وليد لا الزول دة ما رامية جمل كان الجمل رامية كان قام نفض هدومة وادي الناس حقها وكفي المومنين القتال الزول دة عاوز لية شهرة بسب الناس انت ما سمعت بالسب الزعيم الازهري لمن سالوة لية قال ليهم انا انعرف كيف لو ما سبيت الهرم دة اسب لي نكرة البيعرفني منو وقام الزعيم قال ليهم خلوة (مع الاعتذار في التشبية فلسنا في قامة الزعيم الازهري رحمة الله ولكن للمقارنة في الاسلوب الردي) وعلي العموم انا بمشي مع مثل حبوبتي القالتو لي زمان البباري الجداد بيودنة الكوشة والزول دة ما جدادة وبس دة جدادة مفعمة بالسخرية والنرجسية وعدم الفهم والتسرع وسو التقدير وعدم المسئولية واللامبالاة وقصر النظر وانا ما بتاع كوش وحاجات زي دي.

اخي الزبير ..

هذا الاسلوب هو الذي نرفضه في هذا المنبر المقدر من الالاف ؟؟
ليس لانه الالفاظ الغير لائقة التي وصفتني بها ولكن كمبذا يجب
ان يطبق داخل اي عضو او نطالب الاخ بكري باخراج مثل هذه
الطلمات من المنبر حتي لاتنهار جدره؟
ثم انا لم اسب احدا ولايمكن ان انزل بنفسي الي مستوي السب؟
واعيد كلامي ( فلنترفع جميعا عن ساقط القول وصغائر الاشياء)
وادعو كل الاعضاء الي الوقوف معي حتي نرفع شعال الاصلاح بالعمل
ورفض كل مايمس اي شخص .. والعفو عند المقدرة ..

ولك رغم كل شيء الود والتقدير .. بهاء//

Quote: ان تدعو الي الرقي بالالفاظ ليتناغم مع مثل واخلاقيات الشعب السوداني فهذا شئ جميل جدا خصوصا وان جميع افراد الاسرة السودانية يطالعون وبشكل يومي على صفحات سودانيز اونلاين والمواقع الاخرى، ولا اعتقد ان هناك غبار على ما تدعو. فقط ان تشخص عنواين بعينها على انها نماذجا للكتابةالمنحطة او الكلمات غير اللائقة فهذا غير مفيد ولا يساعد على السمو والرقي بالكتابةلان كل شخص يسعى الي الدفاع عن نفسه واسلوبه ولهذا لاقت دعوتك المقاومة وعدم الرضى على الاقل من الذين تداخلوا معك وغالبهم من اصحاب البوستات التي اوردتها كنماذج خاصة الاخ الزبير الذي لا يندرج بوسته تحت قائمة الالفاظ الساقطة او كالذي يرجو مباركة توأميه، قد يندرجا تحت قوائم اخرى مثل (إجتماعيات) او خلافها مع العلم ان هناك صفحة في السودانيز اونلاين للاجتماعيات. عموما دعوتك نبيلة وسامية فقط لم يجنابك التوفيق بايرادك لامثلة محددة، ويمكنك الاعتذار لاصحاب البوستات المنتقاة حتى تنأى بنفسك عن الشخصنة ولتعم الفائدة

الأخ العــزيز معتصــم
ســلامات

راقني جدا هذا الطرح العقلاني ... لك الشكر يا حبيب

مودتي

عزيزي بهاء..
انت لم تفهم قصدي .. نحن نعاني من هذا الانهيار ولكن في مثل هذه المواقف بدلا أن ندفع الناس يجب أن نقودهم(قواده)..يعني نبدا بعملية ترميم داخلي للمنتدى من خلال طرح ما هو جاد والصبر على الأذي وهزيمة الباحثين عن النجومية ورابطة اصدقاء التهاتر والاسفاف واللاموضوعيين وجذب المزيد لما هو مجدي ..
ولنا التوفيق

اخي نزار ..
كلماتك موافقة لما ندعو له واتمني ان نوفق فيه ؟
وهنا ادعو ان يدلي الاخوان بكري ابوبكر والبروف المعز
عمر بخيت والصحفي الكبير الطاهر ساتي بارائهم .. حتي
نسمع منهم مايفيد الاعضاء جميعا .. وكل عضو يري في
الموضوع راي مهما كان متوافقا او رافضا فليقله .. ..
فلاخير فينا ان لم نقلها ولاخير فيكم ان لم تسمعوها

Quote: وهنا ادعو ان يدلي الاخوان بكري ابوبكر والبروف المعز عمر بخيت والصحفي الكبير الطاهر ساتي بارائهم

ديل اهل الحل و العقد بالمنبر وللا شنو؟

ا

Quote: لذي نرفضه في هذا المنبر المقدر من الالاف ؟؟ ليس لانه الالفاظ الهذا الاسلوب هو غير لائقة التي وصفتني بها ولكن كمبذا يجب ان يطبق داخل اي عضو

ضربني وبكي سبقني واشتكي شوف يا بهاء انا فهمت من كلامك انو انا بكتب عناوين مثيرة وفارغة وحددتني بالاسم انو انا ساقط قول وفعل ولكني اقول لك عيون الزول هي من تنظر الي ما هو مكتوب ومقدرة الشخص علي الفهم هي التي تقيم ما قراءتة العيون.دة تقييمك احنا ما عندنا اعتراض علية لكن البنعترض علية انو تفتكرنا هبل وعبط بانك تحاول تتملص مما سطرتة يديك باسباغ الصالح العام كهدف لهذا البوست الغريب .انت بذات نفسك قلت العناوين المثيرة بتجذب الناس وتودي للشهرة اي انك ركبت نفس الموجة التي تدعي (اكرر تدعي)انك تدافع عنها.ولله لم انبري لادافع عن نفسي الا لهذا السبب فلو لم ترد علي المداخلات الاولي بهذا الاسلوب لكفيتني بهذا التوجة منك ولكنك رفضت اما الاوصاف التي ذكرت انك تربا بها ان تكون علي البورد فانا لم اورد الا الحقائق فانت متسرع بدليل اعترافك هنا بانك لم تقرا ما بداخل البوستات التي اشرت اليها وما تلي هذا الوصف من اوصاف نتاج طبيعي للخطاء الاول فالتسرع يودي الي ان يرتكب الشخص كل الموبقات المذكورة اعلاة وانا لم اوفيك الا حقك

الاخ الزبير

انا لم ارد بمقالي شيء غير الحقيقة واردت فقط طرح موضوع للنقاش
وابداء الراي اما عبط وهبل فانا لااعتقد ان اي شخص به>ه الاوصاف
وان الله اكرم الانسان فلن اهينه انا؟؟ وموضوع البوستات المدكورة
انا لم اقل انني لم اقراها قلت بعض البوستات؟
واسالك سؤال لازم تجاوب عليه : هل انت راض عن الالفاظ والشتائم
والملاسنات التي تاتي (كثيرا) في كثير من المقالات؟

بهاء//

Quote: وهي مواضيع مخجلة بمعني ارهاق القاريء واضاعة الوقت وهي حتي لاتنفع ان تكون للتسلية؟ واليكم بعض العناوين : 1- فوفو شتمتني 2- لوشغال في مكتب الخطوط السعودية بالخرطوم اوبتعرف زول شغال هناك

Quote: الاخ الزبير انا لم ارد بمقالي شيء غير الحقيقة واردت فقط طرح موضوع للنقاش وابداء الراي اما عبط وهبل فانا لااعتقد ان اي شخص به>ه الاوصاف وان الله اكرم الانسان فلن اهينه انا؟؟ وموضوع البوستات المدكورة انا لم اقل انني لم اقراها قلت بعض البوستات؟ واسالك سؤال لازم تجاوب عليه : هل انت راض عن الالفاظ والشتائم والملاسنات التي تاتي (كثيرا) في كثير من المقالات؟

لقد سالتك قبل عدة ايام عن المخجل في كلامي شنو انت ذكرتة بالاسم انو مخجل ما هو المخجل فية، ما تقول لي ما مكانة والتراهات دي انت قلت مخجل، المخجل فية شنو ، وانت بتقول في ردك الاخير انك لم تقرا كل البوستات بل بعضها هنا انا بفهم انك قريت عنوان وموضوع البوست بتاعي وللان انك مصر انو مخجل عاوزين نعرف لية وشنو المخجل فية
واجي ارد علي سوالك عن رائي في الملاسنات والشتايم انت وريني ليها وينها هي بعدين بديك راي

اخي الزبير ..

كنت اتمني ان تناقش الموضوع من كل جوانبه وان لاتحصر
المشكلة في بوست واحد .. ولكني اقول لك طالما انت مصر
اننا لايمكن ان نطلب واسطة علي الهواء مباشرة وعلي صدر
موقع اعلامي مميز وياتي غدا اخر يطلب اعانة من القراء
وغدا اخر يطلب ثمن علاج .. ونذهب بالمنتدي الي منحي
اخر غير الذي يريده الجميع .. تمنيت ان تفهم ذلك من
معرفتك القديمة لاهداف المنبر .. ولكنك تمسكن بتوضيح
الخلل في عنوانك بل في موضوعك .. ومثلك اصر علي معرفة
ردك علي سؤالي المعلق ؟؟


بهاء//

اخي ييف النصر ..

لم اقل انهم الاولين والاخرين وانا طلبت راي الصغير
والكبير .. وارجو ان لايكون الفهم من مدخل واحد فقط
والنظر للموضوع من كل الابعاد حتي يكون النقاش مثمرا
ومفيدا .. وحتي نصل الي منبر حر زممتع ومفيد..ونظيف
وهو الهدف اما الذين ينظرون للامر من زاويةضيقة وشخصية
فانا لاالتفت اليهم ولا ارد عليهم .. والقصد هو النفع
للجميع والهدف سويا الي الصحيح .. ولك الود


بهاء//

الاخ بهاء لك التحية

يا حبيب رايك وقلتو..اجتهادك ووصلتو وليك اجرين اذا اصبت واجر اذا اخطاءت

وده جمال المنبر العام واحة تسع الجميع

لكن الاخ تاجي او تراجي ده زعلتو شديييييييييد من ديك وعيك تاني ما ظهر

الا تمشي تعتذر ليهو في كندا هناااااااك

وليك كل الود

Quote: كنت اتمني ان تناقش الموضوع من كل جوانبه وان لاتحصر المشكلة في بوست واحد .. ولكني اقول لك طالما انت مصر اننا لايمكن ان نطلب واسطة علي الهواء مباشرة وعلي صدر موقع اعلامي مميز وياتي غدا اخر يطلب اعانة من القراء وغدا اخر يطلب ثمن علاج .. ونذهب بالمنتدي الي منحي اخر غير الذي يريده الجميع

الاخ بهاء هذا الرد سيكون اخر رد علي هذا البوست فقد وصلت الي قناعة انك لم ولن تفهم يعني اية منبر عام ولم تحاول ان تدرك معني الاخوة علي هذا المنبر لانو يبدو انك بتتواصل عبر البوستات كاتب او قاري فقط لكن لو قدرت لك الظروف ان تكون ضمن مجموعة زي بورداب الرياض تتفاعل معهم تحس بالامهم وتفرح لفرحهم فبتحس انك ضمن اسرة ولكن ارجع واقول ليك لو لا قدر الله حصل لي الموضوع دة تاني ما بتوجهه غير لناس المنبر دة عارف لية لانو التفاعل الحصلتو من المنبر دة ما بقدر اوصفة ليك وفي حاجة مهمه كمان الموضوع دة ما اتحل الا عبر المنبر واعضاء المنبر ، واحدة من الاخوات الفاضلات الماجدات حلت الموضوع ببساطة.
اما عن حديثك باننا نذهب بالمنتدي منحي اخر غير الذي يريدة الجميع فما الذي يريدة الجميع وما ادراك انت ما الذي يريدونة هل عملت استفتاء او بالسليقة عرفت المطلوب ولا شنو بالضبط بعدين انا اقول ليك المنبر دة عندة ضوابط ولوائح وقوانين موجودة علي ايقونة اعلي الصفحة الرئيسية ممكن تطلع عليها وتقارن اذا كنت خرقت القوانيين دي ولا لا.
ولو شفت الايقونات الجديدة النازلة بتلقي ايقونة مكتوب عليها مساعدة لانو المساعدة بين اخوة المنبر العام دة واجبة علي اعضائة( اي نوع من المساعدات ) فما تجي انت وتفرض علي الاعضاء ما يجب وما لا يجب
اما عن طلبك بمناقشة الموضوع من كل جوانبة فاقول ليك اي جوانب تريد نقاشها انت اكدت علي الملا انو انا شاتم وشللي وعنوان البوست ومضمونة منحط ومنحل وما مفروض اولاد الناس الزيك يشوفوة رغم انو للان بسالك اية الغلط فية تقول لي المنبر ممكن ياخذ منحني اخر وتلف وتدور في حلقة مفرغة.
اما عن سوالك عن انو انا حاصر ردي علي بوست واحد ولازم اناقش الموضوع من كل جوانبة فيا بهاء يا فاهم انا بدافع عن نفسي واي واحد من اصحاب البوستات التي اشرت اليها كنموذج للانحطاط علي هذ المنبر هو الذي يدافع عن فكرة واراءة وكلماتة التي سطرها.كل الموضوع دة من الاول دليل علي التسرع وسوء الفهم والبحث عن شهرة زائفة من جانبك.

اخي العزيز بهاء تحياتي لك ومرحبا بك في المنبر واعذرني ان فاتني واجب الترحيب بك في اول يوم لإنضمامك للمنبر ..
اولا اعلم تماما ان ما دفعك لكتابة هذا البوست هو رغبتك الصادقة في ان يتناول المنبر المواضيع الجادة وان يلتزم بمهنية العمل الصحفي وادواتة وان يبتعد عن المهاترات والموضوعات السطحية والهايفة ..
دعني اقدم لك هذه النصيحة ولك الحق الكامل في الأخذ بها او رميها في سلة المهملات ..
واضح جدا انك لست متابعا جيدا لما يدور في هذا المنبر ودليلي على ذلك ظنك ان الأخت تراجي رجل واسمه تاجي، تعرف يا بهاء المنبر ده اي زول بينضم ليه اول اثنين بيعرفهم بكري ابوبكر لما يرسل ليه كلمة المرور والثاني طوالي الأخت تراجي مصطفى .. المهم نصيحتي لك كعضو جديد حاول ركز على القراءة في الفترة الأولى بدلا عن الكتابة حتى تكون فكرة واضحة عن المنبر وما يدور فيه وتتعرف على ملامح كتابة والمواضيع التي يتناولونها وطريقة معالجاتهم للقضايا المختلفة والمعارك التي تدور فيه من حين لآخر ..الخ كل هذا سيعينك وسيجعل من امر امتزاجك ببقية اعضاء المنبر سلسا وسهلا، بدلا عن الطريقة الخشنة التي ولجت بها الى هذا المكان ..
الحاجة الثانية حاول ربي نفسك على احترام حقوق الآخرين في اختيار المواضيع التي يتناولونها والطريقة التي يعالجون بها تلك الموضوعات واللغة التي يستعملونها .. ومن حقك تنبيههم اذا كانت تلك الموضوعات خادشة للحياء او فيها إساءة وتجريح او تقليل من شأن الآخرين، ولكن ليس من حقك منعهم من الكتابة او اختيار الموضوعات التي يتناولونها ..
اعرف تماما ان هذه مهمة عسيرة خاصة وإننا نحن السودانيين تربينا بطريقة عجيبة جدا، وكل واحد فينا لا يجد حرجا في التدخل في شئون الآخرين وتصريف امورهم نيابة عنهم، يعني ممكن التمرجي يكتب ليك روشتة دواء، والعسكري يدقك ويسجنك بدون سبب، وحبوبتك تسوق بنتك تطهرها دون علمك، وغيرها من مظاهر التدخل في شئون الآخرين التي نقابلها في السودان بشكل يومي، وبالتأكيد تحتاج قضية اثر التربية في إختلال ميزان الحقوق والواجبات الى بوست منفصل سأحاول فتحة اذا وجدت متسعا من الوقت، ولكن ما قصدته هو ان التربية الخاطئة هي السبب المباشر الذي ادى الى تداخل خطوط الحقوق والواجبات في ثقافتنا وفي تعاطينا لأمور حياتنا بشكل يومي، ويقع على عاتقنا إعادة تربية انفسنا من جديد ـ واعلم مشقة ذلك ـ وتعلم احترام حقوق الآخرين كبقية الشعوب المتحضرة ..
تعرف يا بهاء بدل فتح البوست ده لو كنت دخلت البوستات الجبتها كمثال دي بوست بوست وكتبت ليهم رايك في موضوع اي بوست او رأيك في لغته او عنوانه ما كان في زول حا يزعل منك، وما كان الموضوع حا يكون اكثر من رأيك الخاص في موضوع مطروح للنقاش امام خلق الله ..
لك الود

الصاوي

العزيز الزبير ..

ارجو ان لاتضيق من الحوار .. وان تصبر حتي تصل الي قناعة ان
السب والشتم في الموقع موجود وبكثرة وانت تعرف اكثر مني وانا
لم اقصدك او اقصد احدا بعينه ولكني انا وانت مقتنعون ان الاسلوب
المرفوض موجود لفظا في المنبر ؟؟ وانا ارجو ان يدور الحوار بفهم
عن المنبر الحر والحرية التي لاتفرض علي الاخر رايا غصبا .. وان
لايكون حديثنا عبثا وحوار طرشان ارجو ان نتحاور في الهدف الاكبر
من حديثي لا عن نقطة واحدة؟
وللعلم ان الاسرة التي تتحدث عنها لايمكن ان تتخاطب بهذا الاسلوب
والحديث مع العام وداخل الاسرة وبين صديقين وبين خصيمين مختلف
فلانخلط بين منبر حر وحديث يجب ان يدور في مقهي اد في سوق او
مدرسة؟؟
وانا لااقول ان رايي هو مايريده الجميع ولكني امل ان يدلي الجميع
بدلوه حتي نعرف التوجه الصحيح ..
زانا لم اقل انك شاتم او شللي بغيض .. لان الشللية المفيدة غير
مرفوضة .. وقلت بالواضح المرفوض (انا وابن عمي علي الغريب) هو
الذي نريده ان يختفي من وسطنا ..

ولك الود .. بهاء//

Quote: ونذهب بالمنتدي الي منحي اخر غير الذي يريده الجميع

هو المنحى -يا أخي الحبيب- الذي يريده الجميع..شنو؟
وكم عدد هؤلاء ال(جميع) الدايرين المنحى حق المنبر؟؟
وهل إتيانك بكلمة ال(جميع) واستثناء عدد مقدر من الأعضاء بل و ايراد بوستاتهم يجعلك (بضمير مرتاح) تطلق كلمة (الجميع) على فئة طرحت واستثنيت منها عدداً؟

تحياتي

بهاء عيسى سلام

ومرحب بيك

تعرف يا بهاء الحق مكفول للرأى والرأى الآخر

طرحك كان ممكن يكون مهضوم للمناقشة بالتطابق أو الإعتراض

المشكلة طرحته مغلف "بالوصاية"

يعنى أصبح ما رأى أو نقد ... أصبح توبيخ .. زجر .. إهانة

وكل يصله بشكل مختلف ..

والسبب تحديد البوستات وتصنيف طريقة الكتابة المفترضة وما دونها "زبالة"

أرجو أن تصلك وجهة نظرى بهدوء

ودى

الزول ما اتزعط كويس ..
كنت متوقع انه يتزعط اكتر من كده ..

عموما دردق روحو و يستاهل ...

يا وليد ده ما واقع من جمل ..
ده وقع فوقو جمل

الاخ رافت ميلاد ..

رايك مقدر وسبب تحديدي لبوستات تحدثت فيه كثيرا .. شكرا لرايك ؟

اما الاخ فيصل ..
فاقول له ان مثل الفاظ واقع من جمل ويتزعط .. هي الفاظ غير لائقة
لمناقشة اي موضوع مهما كان الموضوع .. وهي الاساليب التي نرفضها ..
والذي بسببه فتحت هذا الموضوع ..
لكما الود .. بهاء//

يا بهاء

الشافع دا نافوخو سخن
من الزعط دا
ممكن تغيرو بصورة تانية

لكن بصراحة عرفت تشتهر كيف

نوبي شخصيا عندك ... يا دي الهنا

الاخ قريش ..

ليتنا نترفع عن هذه الهنات .. والكلمات التي تحاولون فيه
التقليل من راي طرح للنقاش ..
واعتقد ان نغير مافي هذا المنبر شسء صخب جدا طالما ان البعض
متمترس خلف الفاظ واهانات يعتبرونها هي الاصل في المنبر ..
سيستمر الخطا قائما طالما ان البهض يعتقد انهم الاصل في المنبر
وان الاخ بكري اقام هذا الصيوان لهم ليبكوا فيه كما يشاءون لاكما
يجب ان يكون الوضع الصحيح .. عودوا الي رشدكم وراجعوا تلك الكلمات
التي يجب ان تخجلوا منها فنحن في السودان نحترم البعض ولايمكن
ان نتداول مثل هذه الاساليب بيننا .. ودمتم ..


بهاء//

يا عمكـ بهاء

انت لما ادوكـ العضوية قريت الارشيف ؟؟
كشفت في المنبر ده ولا جيت شايت ساي ؟؟؟

كدي كشف للبوست ده و تعال أدينا خبركـ ..

أمثالنا السرية ومفاتيح ثانية (بوست حذفته إدارة فور أوول)

اخي فيصل ..

مع احترامي الشديد لك فانا كنت ارجو ان لاتشير لهذا الرابط
في ردك لي .. بماذا انيت ؟ انه شيء اشعرني بالغثيان .. نحن
لانعتبر هذه امثال؟؟ وهناك امثال ادني من ذلك اذا اردت ونكات
ايضا اسفل من مااتيت به .. ولكن هذا لايبرر ان ناتي بها في هذا
المنبر المفتوح .. ولايمكن ان نفتخر بامثال كهذه .. حتي لوكانت
من القرون الوسطي .. نحن نختشي من مثل هذه الامثال ؟؟



بهاء//

يا فيصل أنا شايف صاحبك دا شايت ضفاري
وبرضو شايف البوست ماشي تمام
أها قلت يا نوبي أعلن عن بوستي دا هنا

رأيك شنو في الفكرة دي
كان يصيبنا بعضا من الشهرة

الحـلّـة بصلة .... والمَـــرة كرعيــــن !!!!

معتز سلامات ..
و تحيات زاكيات ...



يا بهاء ....
ما جاوبت لي
قريت الارشيف ولا لا ؟؟؟
اجابتك من ردكـ الفوق بتقول لا ..
و بذا نجد لكـ العذر يا صاحب ..

اخي فيصل ..

انا جاوبت عليك قلت انني احسست بالغثيااااااان ؟ اما البوست التاني
الحلة بصل ..... فهو كما قلت في السابق ..

Quote: انا جاوبت عليك قلت انني احسست بالغثيااااااان ؟

يا عمنا ركز معانا

Quote: قريت الارشيف ولا لا ؟؟؟

ليت الحوار لايكون هكذا .. ختي لانلهث وراء السراب؟ احسست
بالغثيان بعد قراءة الارشيف؟؟ وارجو ان تكون اكثر موضوعية
في تناول الامر .. تحياتي ............ بهاء//

كده انت ما قريت الارشيف كويس

شوف يا بهاء
الامر ببساطة
المنبر ده زي السوق
تلاقي فيو الغث و الثمين ..
علي حسب مزاجية الناس و علي حسب ظروفهم و علي حسب أهوائهم و هكذا دواليكـ
فانت عشان ترتاح
بوستكـ ده في ناس كتار كتبو زيو قبل كده و ما نجحو و لا ح ينجحو لنفس الاسباب اعلاه
بالدارجي كده و بدون فلسفة انت ريح نفسكـ و اقراء الدايرو و الما دايرو انساو

ما دام البوست الفوق ده اصابكـ بالغثيان
في البوستات اللي بتخليكـ تطرش من فوق و تحت كمان

عشان كده يا حبيب نصيحة اخوان ما تفرض الولاية علي الناس
يا اما تعبر ليهم عن رائيكـ في المكان الما بيعجبكـ يا اما تتخذ اضعف الايمان .

و عليكـ السلام يا حبيب .. ياها دي مرقة من هنا .. و العفو و العافية إن أصابكـ طشاش حروفنا ..
شكلكـ زول طيبان بالجد.

اخي فيصل ..

الحوار حينما يحتد لايجب ان يغضب احد الاطراف لاننا بهذا
الشكل نقترب من الهدف وهو منبر خالي من الشوائب الخادشة
لحياة مجتمعتا الحبيب .. ولاشاتم لاحد مهما كانت المسببات
فالحوار الهادسء العاقل هو المطلوب وانا لا اريد فرض راي
بل طرحت فكرة .. واري ان البعض يرفض الفكرة ويصر علي ان
يكون للراي الاخر مكانه البارز في المنبر ..
مهما قيل من قبل او من بعد فان الكثرة لاتبرر الخطا وان
المثل لوثلاثة قالوا راسك مافي اتاكد؟؟ هي امثلة تخطاها
الزمن فانا اكثر من اي اخر يقول لي ان راسي ليس في مكانه
فانا الحمد لله متاكد .. فطول الزمن وتكرار الخطا لايعطي
كبرر لاحلال الخطا للابد وجعله ديدن لنا ؟
والمنبر ولله الحمد ليس كالسوق او كما قال اخ من قبل كالمستراح
اوكحائط في مدرسة اوطاحونة نكتب فيه مانشاء ونذهب وهذا
الكلام لابد ان يصحح .. ولازم نفسك يكون طويل .. وتدي وتاخد
وحقيقة انا اريد ان اخذ اكثر مما اعطي .. ولكن لااريد ان اخذ
مثل ( تطرش من فوق وتحت) فالحياء مقدم علي اي كلام عندي..

ولك الود ............ بهاء//

5

Quote: - باركوا لي بناتي التوام

..

عليك الله اسحب دة من اللستة

مافى اجمل من فرحة اب بى اطفالة

لايوجد اجمل من الفرح ومن الاطفال حينما ياتوون كالشروق ..
والتهنئة تدخل الفرح اكثر واعمق .. وانا لاارفض الفرح
حينما يكون طفلا جميلا يضيء سماوات الابوين ..
ولكني قلت ان الهواتف والرسائل والزيارات تكفي لمثل هذه
التعابير ولم اقل غير هذا ..

Quote: سيستمر الخطا قائما طالما ان البهض يعتقد انهم الاصل في المنبر

يا بهاء
لقد وعدتك في الرد السابق ان تكون هذة المداخلة اخر رد ولكنك اجبرتني علي العود الاحمد
اولا انت بتقول ان البوستات السابقة اصابتك بالغثيان فاود ان اقول ليك انت الجابرك شنو.
ثانيا انت عامل زي الجار البيفطر فطور رمضان مع جيرانو في الشارع ومصر انو يديهم قائمة كل يوم بالفطور اليجيبوة بكرة شنو عشان دي اكلاتة المفضلة.
ثالثا لسنا نحن من نعتقد اننا الاصل في هذا المنبر بل انت الجاي هايج وعاوز تربينا وتورينا الادب والاصول بعد ما بقينا احنا زاتنا ابوات وبرنبي عيال. والله انا بتكلم عن نفسي عندي المقدرة انو اربي حتي ناس كبار زيك كدة.
ثالثا انت لمن عملت البوست دة اشرت لعناوين محددة وقلت انها مثال للشللية وسوء الكلمات والمعني وانها ما مفروض تتقال في منبر عام بمعني انه تخدش الحياء العام ولمن بدينا نناقش فيك قعدت تتبكي وتتعذر وتقول بس الحاجات دي ما مكانها هنا وممكن رسائل الموبايل او التلفونات تتحل بيها المواضيع الذي دي وكدة (بمعني اعتراف منك انو ما فيها حاجة تخدش الزوق العام لاكن انت بشتارتك وتسرعك لميت العناوين القدامك كيفما اتفق واسرعت مليت بيها البوست بتاعك دة لانو الهدف كان انك تعمل زوبعة تشتهر بيها ودة الحصل ونلت ما اردتة لكن بقول احنا ما قاعدين نسكت علي البطلعو علي اكتافنا وانا هنا بتكلم عن نفسي ، انا بقول ليك انت جيب لقيت الناس ديل كدة عجبك مرحب بيك بيناتهم ما عجبك رجع الباسويرد لسيد القهوة وريح بالك وريحنا وانت اكيد عارف احنا بوقتنا البنضاير فية بهنا وهنا دة اديناك اكتر من حقك.
ويا معتز القريش انت ما محتاج لشهرة ودعاية زائفة عشان تصل مرحلة تعلن عن بوستيك في البوست بتاع بهاء دة لانو انا متاكد انو في ناس كتار بيلفت نظرهم العنوان ولمن يقروا ليهم كلمتين بيقفلوة عشان كدة ما بيصلو مرحلة انو يقراو دعايتك في البورد دة لانها في اخرة وبعدين انا قبيل اشرت لمثل حبوبتي البباري الجداد بيودنة الكوشة ولا ما كدة يا معتز يا اخوي.

اخي الزبير ..

هذا الحوار معك اريده انا وتتضايق منه انت ؟ والحقيقة التي
ربما تخفي عنك لعدم معرفتك لي انني لم ادخل المنبر وانا البس
عباءة الطاؤؤس متكبرا .. ولم اكن ابحث عن شهرة زائفة زائلة..
ولكني احببت الحوار للوصول الي قناعات .. لااثبات انني الصح
وانت الخطا او انني الوحيد الذي يعرف والبقية لايفقهون شيء
ويجب ان يسمعوا نصائحي .. اذا فهمنا هدف المنبر بهذه الصور
فعلي المنبر السلام وخلوه يبقي زي ونسات السكر او القعدات
الحمراء كما اسماها احد الاعضاء وهذه التسبيه تقصر من قامة
هذا المنبر الكبير ..
اما انني اريد شهرة فانا كتبت مقالات كثيرة كهاوي في صحف
عدة من ضمنها الشرق الاوسط .. وامل ان لاتنتهي من الحوار في
كل الاحوال الا اذا وصلت لقناعة او تاكدت ان فكرتك وصلت للطرف
الاخر او كل الاطراف ..
وبالمناسبة انا لا احب كلمة انت الجابرك شنو واقرا اليعجبك وخلي
المابيعجبك .. دي كلمات مستسلمة .. انا اناقش رايا اراه خاطيء
واصفق لاخر اراه صائب .. الاخت عواطف ادريس مثلا والدكتور معز
عمر بخيت صفقت لهم كثيرا لروعتهم ..
اما البوستات التي ذكرتها في البدء قلت انها امثلة لسوء التقدير
وانني لم اقرا بعضها ولكن قلت ان العناوين سيئة والواجهة في كل
حاجة مطلوبة اكيد ..
وقلت واكرر ان المنبر ليس للتهنئة والونسة في امور لاتهم الاالطرفين
ولامجال في المنبر من الكلمات الجارحة والخادشة لحياء مجنمع ننتمي
اليه ونحترم تقاليده ..
ومايصح تقول انني جئت هائجا لاوريكم الادب واربيكم .. والله دة ماانا
وماممكن اكون كدة؟ ولك الود الكثير ..


بهاء//