حتي لايصبح المنبر ساحة للاخبار الغير صحيحة ..

الاخوة الزملاء .. .. ..

بعد احداث تشاد وردت في المنبر عشرات البوستات التي تحمل مواضيع
في هذا الشان كخبر .. مرة دخول القوات المتمردة الي القصر ومرات
الحكومة تسيطر علي القصر ومرة اسر دبي ومرة مقتل دبي .........الخ
وكل الاخبار غير صثحيحة .. فالتسرع في ايراد مثل هذه الاخبار يوقعنا
في اخطاء وتعطي القاريء انطباع ان الخبر في الموقع غير صحيح؟

وحتي لانوصم بالكذب او بايراد اخبار وهمية فلنتريث كثيرا ..
فوكالات الانباء والاذاعات والفضائيات هي التي تاتي بمثل هذه
الاخبار والتحليل لاغبار عليه في المواقع مثل هذا الموقع ..
فالقاريء لايبحث عن خبر في الموقع بقدر ماهو في حاجة الي
تحليل او تعليق علي خبر .. .. ..

بهاء عيسي،

الصاح والطبيعي والمنطقي كده.

لاوصاية علي المتلقي، ولا لاي شبهة توجيه للاعلام.

للاسف فهمكم سلطوي.

عايز كل شئ يكون صادر من جهة ما او اسلوب ما، مركزي، بيروقراطي، فلت من قلم الرقيب. كل انسان حر ياخد البياخدو او يجدع البجدعو.

حقيقة، مفاهيم الحرية، غريبة جدا علي وجدانا، كافارقة!

كمال بشاشا يخربنى كان فهمت حاجه !!!!!
أنت قاصد

Quote: الصاح والطبيعي والمنطقي كده.

جميل
ولا قاصد

Quote: للاسف فهمكم سلطوي.

ديل منو ديل !!!
ولا قاصد

Quote: عايز كل شئ يكون صادر من جهة ما او اسلوب ما

!!
ولا القفله الأخيره دى

Quote: حقيقة، مفاهيم الحرية، غريبة جدا علي وجدانا، كافارقة!

كل واحد يتكلم على نفسو و بس ما تتكلم بلسان زول تانى لانو مافى واحد مفوض ليهو واحد يتكلم بأسمو (كما ذكرت أنت سخصيا فى بوست أخر)

و لا تكون قاصدهم كلهم لانى حقيقه حبيت أفهم

تحياتى أخ بهاء

محمد على

اخي الكريم محمد علي .. تحية طيبة :

للاسف تفسير الحرية او الفهم الخاطيء للحرية موضوع كبير يجب مناقشته
باسهاب شديد حتي لانفسر الحرية بالفوضي او بالعنترية ؟؟ فهل الحرية
ان نشتم اي واحد وباي اسلوب وفي اي مكان؟ ولماذا لم يعتبر الاخ بشاشا
كلامي هذا حرية شخصية فانا حر ان اكتب ما اريد ولو ماعجبو يجدعو؟ بنفس
فهمه ؟ هذا خطا ولن افهم الحرية بهذه السطحية .. فانا اعتبر التعدي
علي اي احد باي صورة تعدي علي الحرية ..

Quote: حقيقة، مفاهيم الحرية، غريبة جدا علي وجدانا، كافارقة

وهذه النقطة لم افهمها وتركتها للحرية الشخصية؟؟

اخي يشاشا .. تحية طيبة :

يااخي اين هي الوصاية؟ وماهي السلطوية في الفهم الذي تتحدث عته؟
قلت ان ايراد الاخبار بصورة عشوائية ومتسرعة توقعنا في الاخطاء وفي
الكذب في ايراد الحقائق وطالبت بتوخي الدقة والتروي فنحن لانبحث عن
سبق صحفي هنا ؟ ماهي السلطوية هنا؟
كل انسان حر؟؟؟ نعن هو حر والحرية للجميع ولكن للحرية حدود وفهم
وفي الحرية خطا وصح؟؟ فلايمكن ان اكتب اي كلام واقول انا حر؟؟ يجب
فهم حدود الحرية قبل الحرية نفسها حتي لانتعدي الخط الاحمر من حقوق
الاخرين؟؟ والحرية مافيها افارقة واوربيين فلاتخلطوا الامور ولايكون
الفهم للحرية ان نشمر ونفعل مانشاء وكما نشاء؟
انا طلبت ان لانسوق الكلام كما نهوي فلايعقل ان اسمع كلام من شخص
واجري للموقع وبعنوان مثير .. مقتل دبي داخل القصر؟؟ لك الود

محمد البشير سلام،
نعتذر اولا لعدم وضوح كلامنا.

بهاء عيسي، محتج علي تضارب الاخبار، اوعايز يتلافي ما يسميه ساحة للاخبار الغير صحيحة.

نمط التفكير ده غلط.

ده المقصود بي عبارة سلطوي.

الصاح، هو الحاصل الان. انو كل زول وصلو خبر ينشرو، كان صاح كان غلط، والحكم متروك للقارئ، مش جهة، مركزية محددة، تفكر بالنيابة عن المتلقي، لحمايتو من الاخبار الكاذبة.

وقع ليك قصدنا؟

شكرا.

Quote: بهاء عيسي، محتج علي تضارب الاخبار، اوعايز يتلافي ما يسميه ساحة للاخبار الغير صحيحة. نمط التفكير ده غلط.

وماالمانع ان لانورد اخبار خاطئة في المنبر؟

Quote: الصاح، هو الحاصل الان. انو كل زول وصلو خبر ينشرو، كان صاح كان غلط،

سبحان الله .. وانت تفرض راي ونحن سلطوي ومايوي .. والفاظ تطلق كما تريد؟؟ نمط جديد
من التفكير تسميه حرية؟؟ اعتقد ان زمن رفض اي توجيه او راي يدعو للصواب هو هذا
الزمن الرديء .. فالحرية ان تشتم اي احد وتتطاول علي اي قامة مهما طالت؟؟ عجبي

Quote: وقع ليك قصدنا؟

القصد وقع و ما وقع
يعنى أسع لو واحد جانا بخبر أنو بشاشا كادر أمنى و كان فى زياره لصلاح قوش لتلقى أخر وسائل أثاره الفتن و معلوم أن أخونا بشاشا كان فى السودان نقوم طوالى نقول أنو النزل الخبر ده حر و الما عاوز يشترى يقعد يتفرج و لا شنو

فى البدايه ماهو الخبر !! و ما الذى يجعله خبرا أذا أنتفت صفه المصداقيه منه و سمح لكل من هب ودب أن يأتى بما يروقه من تلافيق و يقدمها للناس على أنها أخبار
لو كان الكلام ونسه بس ده بيقتضى بعض المصداقيه ناهيك عن أخبار تتعلق بمصائر بعض العباد وممكن بعض البلاد و كثيرون صار المنبر مصدر أستقاءهم للاخبار

تعرف فهمك للحريه غريب شويه

تحياتى
محمد على

محمد البشير،
off point
معليش!

Quote: وماالمانع ان لانورد اخبار خاطئة في المنبر؟

بهاء عيسي،

خاطئة بي ياتو معيار؟

المشكلة هنا في الزيك البعينو روحم الفوات او مصححين، كما رقيب الامن في صحافة الانقاذ، الصفراء.

ماهو خاطئ بي معيارك، ككوز مثلا او جلابي، فهو صحيح بمعياري.

لهذا قنا، بطلو وصاية، والقراء ما تلاميذ روضة لياخذ السلطويين امثالك، بايديهم، او يقولو للقارئ، ده "كاكا" او ده "اوفا" بتحرقك!

لي متين، مثل هذا النمط من التفكير؟

ياخي كل زول بي طريقتو، او بي معاييرو هو، يتوصل لماهو خاطئ او سليم، مش انت، او انا، او اي شيطان رجيم.

في شنو هنا غريب ولا ما مفهوم؟

حولا ولاقوة!

لي متين، كلنا نسمع اذاعة واحدة، "هنا امدرمان" تلفزيون واحد، مسلسل واحد، قائد ملهم، واحد، اتحاد اشتراكي او مؤتمر وطني واحد، جلابية لونا واحد، بيضاء، وهكذا!

شعب اقرب ما نكون لي قطيع الابقار او اسراب الطيور!

تور واحد قدر يتقدم القطييع، خلاس البقية كلها تتبع هذا التور!

اقلية بعينها تمسك زمام الامور في البلد، خلاص البقية كلها، يصبحو مجرد ضيوف في بلدم!

هناك خلل اساسي وبنيوي في طريقة تفكيرنا، المعادية للفردية!

الاخ الاكرم بهاء عيسى
السلام عليكم و رحمة الله
بهذا المنبر هنالك من يستطيع ان يتصل رأسا بالرئاسة التشادية لتأكيد او نفي بعض الاخبار و ببعض الوزراء في حال صعوبة الاتصال بالقصر الرئاسي.
هل تريد من مثل ذلك الشخص ان يحلل ما تتحفنا به قناة الجزيرة من تلفيق اوهام( الغرض منها معروف لدي الجميع) او القنوات الاخري من اخبار نصف القيمة ( الاخبار الناقصة) ؟
يا اخي المسألة ليست بالبساطة التي تراها انما معقدة جدا
I mean it is not like that one!O

يا ربي وقع ليك ... انشاءالله يقع ليك ببركة الرمضان الجاي

Quote: بهذا المنبر هنالك من يستطيع ان يتصل رأسا بالرئاسة التشادية لتأكيد او نفي بعض الاخبار و ببعض الوزراء في حال صعوبة الاتصال بالقصر الرئاسي.

ورغم ذلك وجدنا كميات من الاخبار الكاذبة .. وكاننا قناة فضائية
تبحث عن اخبار سريعة؟ انا اطالب بالتريث في ايراد الخبر حتي لانورد
اخبار كاذبة كل مرة فيفقد القاريء مصداقية الخبر علي الموقع ..

Quote: ماهو خاطئ بي معيارك، ككوز مثلا او جلابي، فهو صحيح بمعياري

اخي بشاشا .. ياريت اول درس في الكتابة يكون واضح بالنسبة ليك
وهو احترام من تخاطب او علي الاقل لاتضعه في خانة الاقل منك فهما
انا لم ارفع العصي في وجه اي احد وقلت رايي .. ولم اصف احد
بكوز او جلابي .. وما المشكلة ان ينتمي اي احد لاحد حزب او قبيلة
كوز او صفيح؟؟

Quote: المشكلة هنا في الزيك البعينو روحم الفوات او مصححين، كما رقيب الامن في صحافة الانقاذ، الصفراء.

اسلوب ارفضه لي ولغيري فان كان التخاطب والحوار بهذا
الاسلوب فان لا انزل الي هذا المستوي .. فعذرا فان عرضت رايا
يمكنك ان ترقضه - ان لم تستطع مناقشته- باسلوب مقبول

Quote: لهذا قنا، بطلو وصاية، والقراء ما تلاميذ روضة لياخذ السلطويين امثالك، بايديهم، او يقولو للقارئ، ده "كاكا" او ده "اوفا" بتحرقك! لي متين، مثل هذا النمط من التفكير؟

هذا التمط سيستمر طالما ان الوضع يتطلب ذلك .. ولك الشكر

Quote: تفكر بالنيابة عن المتلقي،

المتلقى دا تلقى خبر .. يقعد يفكر فى شنو؟؟؟؟
متلا : جانا خبر مفاده انو بشاشا انتحر نقعد نفكر فى شنو
ولا يمكن قاصد نقعد نفكر انو يمكن انتحر بى سكين
وفقوم نلصق خبر انو انتحر بى سكين
يجى زول غيرى يجيب فكره حلوه ويقول لا انتحر بى مسدس
قليل من التامل فى ما تكتبون لن يضير شيىء يا هؤلاء

الاخ يوسف والي .. تحية طيبة :

انا ماعارف انت قريت موضوعي ولا برضو دخلت بي ردك من العنوان بس
انا قلت الاخبار الغير صحيحة مثلا في اخبار كثيرة وردت في المنبر
انه الرئيس التشادي قتل ومرة اعتقل ومرة القوات دخلت العاصمة ومرة
الفرنسيين دخلوا القصر الرئاسي .. وهكذا اخبار كلها غير صحيحة ولا
اريد ان اقول اخبار كاذبة .. وتحليل الاخبار ليس التفكير يااخي؟

معك يا بهاء في التثبت قبل نقل الأخبار
ولكن أجد العذر قليلاً في احداث تشاد في التخبط الذي حدث فمثلاً يوم أمس نجد أن دخول المتمردين للمدينة صحيح وعدم معرفة مصير ديبي كذلك ، ثم خبر خروجهم الى اطراف المدينة واستمرار المعارك كذلك صحيح. على كل حال طرحك عام وأنا اتفق معك كلية.
مؤونة عام من الود

شكرا اخي محمد .. فعلا احداث تشاد كثرت بشانها الاخبار والتاويلات
ولكن هل المنبر يحتاج لسبق صحفي حتي يتسرع البعض في ايراد الخبر
قبل التاكد؟
ومارايك اخي محمد في الحرية التي تجعل بشاشا يتحدث بمايريد ونحن
لا؟ وتفسير الحرية برايك وخاصة ان التنظير في هذا الشان اصبح كثيرا
في المنبر .. وحتي الشتم والسب ادرج تحت بند الحريات الشخصية؟
لك الود .. .. ..