نصـــــــبوا لـي فخـــــــاً خــــــلـف الباب ….

لم أتوقع مدي فاعلية وأثر الكلمة علي المتلقي وخطورتها علي السلطة إلا ليلة البارحة فأيقنت ان صوت القلم اقوي من دوي المدافع وان صدي الكلمة أوقع أزيز الطائرات فهي تحفظ في النفوس ان صادفت هوي في نفس صاحبها وتقلق مضاجع من يحسونها جرما ارتكبوه ولكنة مخبأ في كهوف مصالحهم . ما تعرضت له يوم أمس لم يكن في الحسبان ولم يمر بخيالي يوما ...,

مصدر دهشتي اني لم أتوقع ان ينصب لي فخا في عقر داري وبين أهلي ولم ينصبة لي من يبادلونني عداءً يوما بل هم أصدقائي وأحبابي احملهم بين جوانحي وفي دواخلي ليل نهار ولكن لقنوني درساً لم أنساه ,
سارد عليكم تفاصيل ماحدث تعودت ان اقرع جرس بيتي قبل الدخول لأخبرهم بقدومي قبل ان افتح الباب وبينما افعل ذلك فيختبئ اطفالي الثلاثة خلف الباب وحينما الج البيت يقفزون علي أكتافي ليقبلونني ولكن يوم أمس كان مختلفاً تماما . قرعت جرس الباب فلم اسمع ضجيج أصواتهم كما كانوا يفعلون فارتجف قلبي ففتحت الباب فاذا بهم بصوت واحد يرددون :-
الشعب يريد إسقاط النظام .
الشعب يريد إسقاط النظام .
الشعب يريد إسقاط النظام .
ذهلت من هول ما سمعت متي حفظ أبنائي هذا الشعار وهل يدركون ما يقولون ولكن تبين لي اني لا افهم دور الإعلام في تأثيره علي الأطفال وتربيتهم واصبح الشعار الذي يرددونه مصدر قلقي لانه يسلبني سلطتي الأبوية كلما أريد ممارستها فاذا بالهتاف يقع أذني .
الشعب يريد اسقاط النظام .
الشعب يريد اسقط النظام .

خير يا أستاذ يوسف الحاصل شنو شفقتنا ,,,, إن شاء الله مافي عوجة ...

مررت أقول صباح الخير وأشوفكم كيفن أصبحتوا ،،،
تقبل سلامي وإحترامي ...



ياسر العيلفون

سلام يا يوسف,,

Quote: الشعب يريد إسقاط النظام . الشعب يريد إسقاط النظام . الشعب يريد إسقاط النظام

حفظ الله الثوار,,
أبعد عن أطفالك المخربين والمأجورين وأصحاب الأجندات الخفية وطلاب السلطة والعملاء,,,,


أو إستقيل,,,


النكتة تقول أن الرئيس المصرى طلب من الشعب المصرى أن يرحل وهو سيبقى ويحرسا ليهم,,

تحياتى,,,

الاخ ايمن الطيب
تحياتي

Quote: حفظ الله الثوار,,

آمين


جيل اليوم يختلف عن الاجيال الاخري معرفة وادراك لان وسائل الاتصال الحديث ساهمت في تنامي وعيه , ولكن ياعزيزي الثوار يستخدمون شعاراتهم التي حفظوها من ثورة الجماهير المصرية لتحقيق مطالبهم والحد من سلطتي الابوية فاشفقت علي اهل السلطة من وقع هذة الشعارات عليهم وقسوتها .

Quote: أو إستقيل,,,

انت عارف يا ايمن حاولت امس ان اعيد النظر في سياساتي الاسرية بدأت من الاجتماع في طاولة الغداء وحاولت ان اجري بعض الاصلاحات حتي لا اضطر للاستقالة فقررنا ان تكون رئاسة الجلسة دوريها كل يوم لواحد والمسؤليات تم تقسيمها لعلي اقلل من ركوب ابنائي لموجة الثورات هذة الايام .

الاخ الفنان ياسر السر
تحياتي

خير يا أستاذ يوسف الحاصل شنو شفقتنا ,,,, إن شاء الله مافي عوجة ...

شكرا للسؤال ونحن بخير والحمدلله تعرضت لفخ من ابنائي واصبح يشكل صوتهم في المطالبة بحقوقهم .

الاخ المناضل ..يوسف
يا اخي ما تعصر علي الشفع شديد كده..

الاخ المدافع فيصل الرشيد
سلام

Quote: يا اخي ما تعصر علي الشفع شديد كده..

الشفع ديل يافيصل ولدوا في زمن اصبحت فيه الحريه كالاكسجين الذي لايمكن ان يعيش الانسان بدونه لذا لا يتقبلون اي عصر او تسلط وياليت الحكام يعلمون ان التسلط وكبت الحريات لن يقبلة جيل يرفض التسلط من ابويه. الرسالة التي يجب ان يعلمها الجميع هي دور ورسالة الاعلام في توجية الاطفال .

فيصل لو عندك اطفال حتسمع منهم الشعارات التي تتردد في المظاهرات عبر القنوات الفضائية ولا حجبتها منهم .

Quote: الشفع ديل يافيصل ولدوا في زمن اصبحت فيه الحريه كالاكسجين

الاخ يوسف ..
ارجو شاكرا ان تحدثنا عن الحرية في قديم الزمن ..
في زمني وزمنك ..حين كانت غير مهمة كما فهمت من الاقتباس اعلاه ..

Quote: ارجو شاكرا ان تحدثنا عن الحرية في قديم الزمن ..

يااخي فيصل الحرية هي اساس كل الديانات السماوية , هي فطره الله سبحانة وتعالي التي فطر الانسان عليها فالطفل يولد هو حر كامل الحرية تشكلة وتقيد حريتة البيئة التي ولد فيها ولعل الاسلام مبني علي الحرية والادلة من الكتابة والسنة كثيرة , وحديث عمر ابن الخطاب متي استعبدتم الناس وقد ولدتهم امهاتهم احرار .
ولكن هذة الحرية سلبت بواسطة الحكام وممارساتهم علي مر العصور وسلط سيف الدين وكهنوتة علي حرية الشعب بواسطة الكنيسة واريقت الدماء وكبتت الحريات حينما هيمنت الكنيسة علي السياسية واصبح الظلم وكبت الحريات باسم الدين فضاعت الحرية بين غياهب التسلط وجبروت الحكم .

Quote: في زمني وزمنك ..حين كانت غير مهمة كما فهمت من الاقتباس اعلاه

لا اقصد ان الحرية غير مهمة بل اقصد ان دور وسائل الاعلام والاتصال في هذا الزمن بينت دور الحريه في ارساء دعائم الحكم واهميتها للشعوب وهذا كان مفقود في زمني الذي ولدت وترعرت فيه فلم نكن نعرف غير ابوكم مين نميري رئيسكم مين نميري واخير سير سير يابشير في كل الحقبتين لم نحس بطعم الحرية واهميتها لكن جيل اليوم التطور اتاح له التعرف جيدا علي اهمية الحرية ودلالاتهاوالدفاع عنها فشباب مصر الذي ترعر ع في كنف مبارك قد ثار علية مطالبا بحريتة وحقة في الحياة .

..
إذا كان يقود حركة التغيير دي ... السيد رامي .. فابشر بطول سلامـة في عــرشك
خاصة بعدما باع رامي قضية (الأخوان) وبقى مزيكاتي ..

الانسة ريناد .. عليك الله هي فاضية لي من المسلسلات التركية ..؟ .. رويد .. لم تتبين ملامحـه السياسية بعد، لكن اتوقع انو ح يعمل ليك مكتب لي (قرفنا) في البيت .. واتوقع في أقرب انتخابات جاية .. ح تتعذب عذاب الأرصفة .. او كما قال فائز القاضي ..

يا عمكـ
خليكـ حريف وجهّز الخطاب الختامي بتاعكـ من هسي!!!

Quote: خليكـ حريف وجهّز الخطاب الختامي بتاعكـ من هسي!!!

ما بياكلم الخطاب الختامي المزعوم دا ..

اللذ حاجة .. رامي كاتب في مدخل باب الشقة .. (منزل رامي)
عليك الله شوف الشمولية دي ؟؟

غايتو يوسف دا .. بيكنكش ليك كنكيشة .. اكنكش من كنكيشة حسني مبارك .. واتوقع ان يطلب دعم قريبا

غايتو تمبس عمكـ يوسف السماني دا من ناحية الكنكشة
فهو مكنكش متكنكش .. حتى نحسبه كنكوشا!!



غايتو الأولاد ديل يبقوا حُرفا ويدهو مكرفون!

Quote: غايتو الأولاد ديل يبقوا حُرفا ويدهو مكرفون!

يا زول اقوليك حاجة ..؟
المكرفون مني + اربعة قطع كررييتف .. عشان يقرا ليهم الخطاب بشكل جيد وواضح

غايتو أنا ممكن أعمل ليهم (ويكي ليكس)!!
أي حاجة تساهم في (ذهاب الطغيان) نحن معاها!!

يا كمان نمشي نعمل ليهم (بث مباشر) زي الجزيرة كـدا!
أبوكم الليلة مشى الما عاف شنو
هسي نحن شايفنو قاعد يشتري فلافل .. موديها وين؟
أبوكم عربيتو كانت في البطحاء بعد العصر .. جاب شنو؟

Quote: عشان يقرا ليهم الخطاب بشكل جيد وواضح

المقلب يقول ليهم في الخطاب (زي حسني مبارك) : سوف اقوم بعمل تغييرات جذريه في (الحكومه) , أما أنا فاااا باق باق باق

Quote: المقلب يقول ليهم في الخطاب (زي حسني مبارك) : سوف اقوم بعمل تغييرات جذريه في (الحكومه) , أما أنا فاااا باق باق باق

ياداليا هم حفظوا
الشعب يريد اسقاط النظام ما اعتقد انهم بيقبولي غير التغيير الكامل للنظام , تعرفي الكلام المدغمس مابنفع معاهم الشفع ديل بطلوعو مظاهرات علي طول وبيقولو يسقط ريسنا وبتعملوا من شعوب الدنيا كيف يثوروا علي الظلم طالما الثورات تاتيهم في بيوتهم وقاعدين يشادوها ويرددو معاها تعرف خطورة الموقف لوكان اولاد الريس يرددوا الشعب يريد اسقاط النظام .

الريس تاني حينوم كيف , وتمبس دا بشوف الويل بكرة .

Quote: بخ بخ وباق باق .

Quote: اخوك ضعيف ماذاكر كتير في الدروس دي .

Quote: غايتو تمبس عمكـ يوسف السماني دا من ناحية الكنكشة فهو مكنكش متكنكش .. حتى نحسبه كنكوشا!!

طيب ياعمك يخلوني اكمل 23 بعدين بعمل ليهم اصلاحات شاملة الحاجة التانية الكنكشة دي يود الصايم اتربينا عليها في عهد المشيرين واصبحت تركيبة جيل واسع انت مكنكش في البوست دا كدا مالك .

Quote: غايتو الأولاد ديل يبقوا حُرفا ويدهو مكرفون!

اكان ادوني مكرفون مافي مصلحتهم حاقوليهم حنطبق قوانين شرعية تحكم البيت وبعيد شوتين بقول ليهم ابعدوا من الخونة والمرتزقة وشقلانيتهم تخرب .

Quote: خليكـ حريف وجهّز الخطاب الختامي بتاعكـ من هسي

الاولاد ديل مابقتنعوا بخطاب ختامي ولا ميزانية عاوزين تغيير طوالي ولوحاولت اقول ليه يارامي البس النطلون دا بقول ماعاوزة انا عاقد ادخل في حاجاتكم طبعا بعمل اطرش بعد فترة ابقي احنس عشان خاطر ابوك وامك احيانا يقتنع وكثيرا لا يهتم .

أخي أبو رامي ،،

ربنا يحفظهم ويرعاهم ويباعد بينهم وبين الأفكار الهدامة ،،

ربي يحفظهم من كل شر ويحرسهم بعنايته ،،
==
تأكد يايوسف لا ينتابني أي إحساس ورب العباد غير أنهم أبنائي
وأتحمل مسئوليتي تجاههم بضرب المثل العليا ونزاهة القول والعمل
والقدوة الحسنة،،

كنت أود الرد عليك فيما يتعلق بنسبك قولي وفعلي كله للدكتور
كرار التهامي وكأنه الله رب العالمين!!

لن أفسد عليك فرحك بعيالك ، لكن خف الله فيما تكتب وتنسب ،،

ولك كل إحترامي وتقديري،،

طيب ووين دور تنظيمات المجتمع المدني .. ؟
ناس جـدو اولاد خالد سعيد .. هل بالامكان ان تنتقل لهم هذه الشرارة خاصة وأنهم متلاصقين بالحيطة

Quote: طيب ووين دور تنظيمات المجتمع المدني .. ؟

دور منظمات المجتمع المدني هو ان يتعرف رامي وغيرة من اطفال المهجر علي وطنهم وان يرتبطوا به ويمكن تشاهد ذلك في مجموعة الاطفال الذين اشتركوا في منظمات المجتمع الوطني فاطفالنا يحفظون عن ظهر قلب بلدا هيلنا بل يعرفون في عالم السياسية ما يجلة الكثيرون والموروثات والثقافات السودانية يعرفونها اكثر من اطفال الداخل ياتمبس ولذلك تجدني اكثر الناس تمسكا بهذة المنظمات التي يمكن ان تبني مجتمعا متحضرا ,

الاخ عبدالطيف بكري
تحياتي

Quote: تأكد يايوسف لا ينتابني أي إحساس ورب العباد غير أنهم أبنائي وأتحمل مسئوليتي تجاههم بضرب المثل العليا ونزاهة القول والعمل والقدوة الحسنة،،

شكرا لهذا الاحساس النبيل وتأكد اني علمتهم الصدق وشجاعة القول وكيفية اخذ حقوقهم من والديهم قبل الاخرين وحرية اختيار حياتهم وفقا للقيم واخلاق الاسلام التي تربيت عليها في بيت صوفي معتدل لايعرف الا سماحة الاسلام .

Quote: لكن خف الله فيما تكتب وتنسب

مخافة الله مسكنها القلب وممشاها السلوك ان وجدتني غير ذلك فقل الحق فهو اصدق من الصمت اما مايكتبة قلمي هي رؤيتي للممارسة السياسية التي تتارجح مابين العنف اللفظي والسماحة وفق متلطبات الخطاب السياسي الذي تناقشة .ولم افتري يوما كذبا علي شخص بل صادقا فيما اعبر عنه .
ونوافذ الحوارمفتوحة في مكان .
ولك مودتي

Quote: إذا كان يقود حركة التغيير دي ... السيد رامي .. فابشر بطول سلامـة في عــرشك خاصة بعدما باع رامي قضية (الأخوان) وبقى مزيكاتي ..

انت عارف ياتمبس رامي يبقي بتاع مزيكا مرة وامام مسجد مرة وواعظ احيانا كثيرة وشخصيتة قوية اذا اراد ان ينفذ شيئ لا يتردد وان كان يعرف انه سيجد عقابة لايبالي بما يحدث لة ومنصب نفسة راجل البيت حينما اقادر للعمل يبدا تسلطة امة ولكن ريناد شخصيتها قوية مابتخاف منة .
بعدين ماتشوف المزيكا دي رامي لم يتخلص من الاخوان في كثير من ممارساته.

Quote: باع رامي قضية (الأخوان) وبقى مزيكاتي

البركة فيكم وفي حملة وليد دارفور .

Quote: الانسة ريناد .. عليك الله هي فاضية لي من المسلسلات التركية ..؟

عارف ياتمبس ريناد دي عالم تاني وبت ابوها ويكمن تقود هي ثورة التغيير وليس رامي .

Quote: رويد .. لم تتبين ملامحـه السياسية بعد، لكن اتوقع انو ح يعمل ليك مكتب لي (قرفنا) في البيت

رويد ياتمبس متمرد علي كل شئ ان اراد شيئ يستخدم سلاح البكاء حتي ينال وان لم نستجب لمطالبة في اي سوق يتناول الحاجة العاوزة ويشيلها وما تقدر تقلع منة تاني وتنهزم قدام الناس وتحقق لية رغبتة وعندو وسائل انتقام غريبة مثلا يقول لي يابابا اناعطشان اقول لية امشي اشرب
طيب يقول لي امشي جيبها انت انادي ريناد اقول ليها جيبي لاخوك موية يشاكلها يقول ليها لا يجيب بابا وتنازل من العرش وامشي اجيب الموية واجي وهو يضحك ضحكات المنصر ملئ فمه

Quote: واتوقع في أقرب انتخابات جاية .. ح تتعذب عذاب الأرصفة ..

انت عارف امس اتعذبت لان الاحتجاجات كل مايكونو عاوزين حاجة الشعب يريد اسقاط النظام ويمدو اصابعهم علي فاستجيب للمطالب فورا والا الثورة مستمرة .

Quote: رويد ياتمبس متمرد علي كل شئ ان اراد شيئ يستخدم سلاح البكاء حتي ينال

بج بج بج .. النظريه دي ظررريفه .. الواحد زاتوو يجرب حاجه جديده

كامل تضامني مع رامي و أركان حزبه

***

ود الصايم

(ويكي ليكس)!!

دة عندو علاقة مع الـ ( ويكي ناشفة ) ؟؟؟ ( وجه مشلخ لاورا

الحبيب يوسف سلامات...

بين الثلاثي (رامي وتمبس وود الصايم) يعوضك الله في بوستك

Quote: البركة فيكم وفي حملة وليد دارفور .

.. ..
والله يا يوسف لو لما جلسات الاستنارة العملناها ليهو ابان حملة وليد دارفوور .. حسع دي كان تلقى (سيختـو) خمسطاشر لينيا .. يا تلقاهو عندو تلاتة اربعة احزمة ناسـفه خاتيها لليوم الاسود الزي دا
غايتو جزاو الله خير استجاب لمشروع الفرمطه العاجل وقتئذ .. وجلسات الاستنارة السريعة ..

Quote: والله يا يوسف لو لما جلسات الاستنارة العملناها ليهو ابان حملة وليد دارفوور

بالله ياتمبس تعاموها ويلقاكم رجعتوا مكانه حتقنعوه بلكلام دا كيف اسع , الطفل سريع التأثر بوسائل الاعلام المرئية ويحاول تقليد مايشاهدة اذا لم يجد من يتابعة ويبين له الاشياء دون ان يفرض علية شئ لذا علي حكام اليوم ان يتعلموا من تجارب الشعوب ان الظلم والكبت لم يخيف جيل اليوم الذي يعشق الحرية اصبحت مطلب الشعوب ومبتغاها .
وبقول كمان .
الشعب يريد اسقاط النظام .
الشعب يريد اسقاط النظام .
شعار وهتاف بسيط لكن معناه عميق وفيها داخلة تكمن حقوق الشعوب الضائعة في طوابق الارزقية في النظم الديكاتتورية .

الشقيق ابوالحسن
تحياتي

Quote: بين الثلاثي (رامي وتمبس وود الصايم) يعوضك الله في بوستك

ماتخاف ياالحبيب اخوك ممسك بتلابيب البوست .

Quote: كامل تضامني مع رامي و أركان حزبه

ابوجهينةمن المفترض ان تتضامن معاي انا لان نحن من جيل الوصايا عشنا في عهدين ديكتاوريين ولم نعي حقوقنا الا بين المشيرين ولكن رامي واصحابة يعيشون في زمن ثورة المعلومات وحرية الاعلام ودورها الفاعل في تحرير الشعوب من تبيعية الحاكم الاوحد .
وبرضو نردد

الشعب يريد اسقاط النظام
لعلنا نتعلم هذا الهتاف .

Quote: النظريه دي ظررريفه .. الواحد زاتوو يجرب حاجه جديده

تعرفي ياداليا دي اخطر نظرية عند الاطفال وسلاح ذو حدين بس عند الكبار مابتنفع لانها دموع تماسيح .

Quote: يااخي فيصل الحرية هي اساس كل الديانات السماوية , هي فطره الله سبحانة وتعالي التي فطر الانسان عليها فالطفل يولد هو حر كامل الحرية تشكلة وتقيد حريتة البيئة التي ولد فيها ولعل الاسلام مبني علي الحرية والادلة من الكتابة والسنة كثيرة , وحديث عمر ابن الخطاب متي استعبدتم الناس وقد ولدتهم امهاتهم احرار .

كلام جميل ..ومتفق معاك فيه ..

لكن ..

Quote: ولكن هذة الحرية سلبت بواسطة الحكام وممارساتهم علي مر العصور وسلط سيف الدين وكهنوتة علي حرية الشعب بواسطة الكنيسة

هذا اتهام صريح للكنيسه بأنها هي سبب انتشار الظلم ..هل توافق علي ما قلته اعلاه ؟؟
لأن لي رأي مخالف لما اتيت به لا ينفي كلامك لكن لا يحمل كل الخطأ للكنيسه كما تقول ..
هل كان الحجاج قسيسا في كنيسه ؟؟

Quote: حينما هيمنت الكنيسة علي السياسية واصبح الظلم وكبت الحريات باسم الدين فضاعت الحرية بين غياهب التسلط وجبروت الحكم .

صراحه الكلام الفوق ده ما اتبلع لي نهائي ..
حاولت اتماشي مع الجزء الاول لكن الاقتباس الفوق دق غلبني ابلعه والله ..
ارجو انك تشرح لينا بالبلدي كده انت داير تقول شنو ..؟؟
السؤال هنا هو ..مالنا ومال الكنيسه وما دخلها في حريتنا نحن السودانيين ديل؟؟

Quote: لا اقصد ان الحرية غير مهمة بل اقصد ان دور وسائل الاعلام والاتصال في هذا الزمن بينت دور الحريه في ارساء دعائم الحكم

انت تقول انه لولا وسائل الاعلام في زمننا هذا لما تبين الناس اهميه الحريه ؟!!
بمعني انه قبل وجود الانترنت والقنوات الفضائيه لم يكن الناس يشعرون بحاجتهم للحريه ؟؟
وتقول اعلاه ان الدين الاسلامي اول ما نادي بها الحريه ..وقد اتفقت معك فيه ..
وما علاقة الحريه بأرساء دعائم الحكم ؟؟ ارجو شرح هذه الجزئيه تحديدا ..
صراحه اخي يوسف ما جئت به اعلاه فيه من (الدغمسه) ما جعله صعب الهضم (مبدئيا كده علي انا براي) ..

Quote: وهذا كان مفقود في زمني الذي ولدت وترعرت فيه فلم نكن نعرف غير ابوكم مين نميري رئيسكم مين نميري

كيف كان مفقود ذلك الاحساس وفي زمنك هذا اسقط نميري بمسيرات شعبيه كالتي تجوب مصر الان و في زمن لم يكن فيه لا الانترنت ولا القنوات الفضائيه ولا تويتر ولا فيسبوك يعلمهم الا الله..
بل لم يكن هناك خطوط هاتف الا لقله من المواطنين والمؤسسات الحكوميه ..
كيف يستقيم هذا الكلام يا يوسف ؟؟

Quote: لم نحس بطعم الحرية واهميتها

يا اخي اذا حاولت الامساك بقطه او اي حيوان بري فانه سيفلت منك او يهرب بعيدا هذا اذا لم يدافع عن نفسه ..لماذا يا تري؟؟
هي الغريزه لا تحتاج الا فيس بوك ولا تلفزيون ..دعك من الانسان الذي كرمه الله جل وعلي ..

ــــــــــــــــــــــــــــــــــــــ
كدي يا يوسف تعال بالراحه كده ادينا كلام مقنع واجابات علي الاسئله الفوق دي ..
صراحه حسيت بيك خميتنا كده وما اديت صنقيرتنا دي اي اعتبار ..

Quote: هذا اتهام صريح للكنيسه بأنها هي سبب انتشار الظلم ..هل توافق علي ما قلته اعلاه ؟؟ لأن لي رأي مخالف لما اتيت به لا ينفي كلامك لكن لا يحمل كل الخطأ للكنيسه كما تقول .. هل كان الحجاج قسيسا في كنيسه ؟؟

كانت الكنيسة فس العصور الوسطي مصدر قوة الحكام المستبدين ونصرتهم فقامت الثورات في في الغرب لتقضي علي هذا الظلم وانتصرت , ايحانا تستخدم الكلمة لدلالة المعني وليس حرفيتة للذلك ليس المقصود ان الحجاج كان قسيسا ولكن ان افردت للعقل جناح التفكير لادركت المعني فالجحاج سفك دماء المسلمين باسم الدين وحكم وتسلط علي المسلمين باسم الدين كما يحدث في السودان الان مع الفارق الزمني , فتتشابة الممارسات الظالمة والمستبدةو المتدثرة بثوب الاسلام والاسلام منها برئ .
ساعود للرد علي ما تبقي

اهمية الرسالة الاعلامية علي المتلقي لها اثر بالغ وقد عشنا ايام الثورة المصرية كل هتافات الثورة التي صار يرددها الاطفال علي مدار الساعة . ثم كانت الثورة الليبة التي افرزت هتافات من نوع خاص ربما اثرها سيمتد طويلاً علي الابناء فمصطلحات الغذافي الخاصة اصبحت لسان حال الاطفال كلمة جذران وحشرات وثورة ثورة , عبرات يرددها الاطفال في البيوت .