جلالدونا ! .... كش ملك !!

03:48 PM October, 07 2017

سودانيز اون لاين
امير بوب-UK
مكتبتى
رابط مختصر

هذا البوست سريع
و قصير الأمد !
و ذو غرض محدّد !
لم أرد الكتابة في ذلك البوست لعدم رغبتي في حرف البوست عن مساره
و حتي لا أُتَّهم بالتخريب المتعمَّد !

أوجِّه فيه الدعوة للأخ جلال للحضور طالما انه متواجد في المنبر و يتداخل هناك !

....
مداخلتي الثانية هنا ستكون بعد ساعة
حتي أعطي الاخ جلال الفرصة الكافية !!
اعتقد fair enough

...

سلام

عفواً ، نسيت اقول ليك انو أجندة البوست هي كلامك دا

Quote: امير الكذاب شوف ليك كذبة ألحق بيها زولك

ثم نجرك الأخدر دا في محاولتك لتبرير بهتانك لي بالكذب :

Quote: د/ امير كدى اجيك لى حتة الكذب نعم تواصلت معاك بالماسنجر و طلبت منّك ايميل حاتم كلامك كان واضح ما عندك ايميل ليهو و بتتواصل مرة مرة معاهو بالفيس ودى اول مرة اشير للكلام ده .. بالمناسبة طلب الايميل كان لهدف محدد و لقينا الايميل و جاتو رسالة من زميل تانى ..ما منّى لكن ده المهم ارجع شوية لليوم داك و شوف حصل شنو بعد تواصلى معاك و يا ريت تحتفظ بالاجابة لى نفسك

!!!

طيب ، علي بركة الله !
...

زميل المنبر جلالدونا دا ، ليست بيني و بينه أيّ عداوات
و لا توجد بيننا سابق معرفة غير. هذا الإسفير ! بل لا يوجد حتي أصدقاء مشتركين بيننا !!
رغم انه قد سبق له و ان ارسل لي رسالة في المسنجر و رددتُ عليه و بعدها بفترة أرسلت له رسالتين داخليتين في المسنجر ! تماماً مثلما يحدث بين أي زميلين في المنبر العام ، حيث لا يتطلّب التواصل بالمسنجر سوى ان تحدد اسم العضو الذي تريد توجيه رسالتك له و تضغط علي زر الإرسال !
ولذلك ،قد اقول و بالفم المليان انه مافي معرفة شخصية و لا تواصل و إتصالات بيننا !
و قولي هذا بالتأكيد يعني لا يوجد اتصالات و تواصل حقيقي بيننا مبني علي معرفة شخصية و تواصل إجتماعي حقيقي !
و الكلام دا طبعاً واضح و منطقي لكل زول سليم الحس و ليس صاحب غرض !!

جلالدونا دا ، عندي زيّو زي باقي الزملاء ، كنت اتداخل معه في بعض البوستات و لا توجد مشاحنات بيننا !
و رغم الهنّات هنا و هناك ، و مثلي مثل غيري ، قد يكون لديّ انطباعي الخاص عنه و عمّا يكتب و عن مجمل سلوكه في المنبر ، و لكني لم القي له بالاً و لم يكن مثار إهتمامي في يوم من الأيام !
بدأت مشكلتي مع جلال في واحد من بوستات الزملاء ، و حيث كان النقاش حول شخصية الزميل حاتم ابراهيم و محاولات التقصي عنها !
و ذهب البعض لوجود علاقة تربطني بحاتم !
و ناس تانيين قالوا ياخ انا و حاتم شخصية واحدة !
و بعض الزملاء مثل معاوية حسين شكّكوا في وجود تآمر و تنسيق مسبق بيني و بين حاتم لإستهداف بعض الزملاء في المنبر !!
و تداخلت انا في ذلك البوست ، و اوضحت انو الكلام دا ما صاح و قلت انو لا توجد علاقة بيني و بين حاتم ابراهيم !
و اضفتُ ، لا توجد معرفة شخصية بيني وبينه
و علاقتي معه حدّها المنبر دا
و لا يوجد تواصل و إتصالات بيننا !
و هنا نطّ الزميل جلالدونا بكل خبث الدنيا !
محتجّاً علي كلامي حول عدم وجود معرفة شخصية بيني و بين حاتم و انه لا يوجد اتصالات و تواصل بيننا !! و بدأ جلال يصفني بالكذب ! مستندا علي معرفته الشخصية لمعلومة انني سبق و ان أرسلت إيميل لحاتم !! و صار يلمّح بهذا الأمر و كأنه وقع علي صيد ثمين !!
و بكل بساطة الدنيا ، اوضحتُ له انو ياخي مافي تناقض في كلامي حين اقول لا توجد معرفة شخصية بيني و بين حاتم و لا توجد اتصالات و تواصل بيننا ، و بين معلومة اني سبق ان أرسلت له إيميل حين تم توقيفه في المرة السابقة !!
و رغم وضوح مغزى كلامي و ما عنيته للجميع ، إلا انني وضّحته بصورة خاصة لجلال دا ، حتي أزيل أيّ استغلال و توظيف للحتة دي !
و لكن يبدو انو الراجل كان مبيّت النية !
حيث ضرب بتوضيحي عرض الحائط !
و بقي يخاطبني بأمير الكذّاب !!
و صار يروّج لكلامه و تهمته و يتعمّد كتابتها في أكثر من بوست !!
لم اهتم بالأمر في البداية ، و لكن الراجل إستمرأ الشغلانة و بقي ينقز بيها من بوست للتاني !
أحسستُ حينها انو الراجل غير صادق مع نفسه
و انه يتلذّذ بمطاردة الآخرين لحاجة في نفسه و ربما تستهويه أجواء المشاحنات و الشتائم و الإساءة للآخرين !!
و مما عضّد هذا الاحساس الأخير هو إستغرابي من سرعة تداخله في بوست عثمان محمد صالح المخصص لشتمي و الذي لم اتداخل فيه و قام الباشمهندس بكري بحذفه مشكوراً ، بل تجد ان جلال إستأذن صاحب البوست و بسرعة شديدة في نقل محتويات خطاب ع صالح المخصص لشتمي و نقله الي بوسته !! و قد فعلها !!
و قام فرحاً منتشياً بنقل شتيمة عثمان صالح لي و ألصقها في بوسته الخاص بمحاولة نسف الزميل حاتم !!

طالبته مراراً و تكراراً ان يكف عن فرية كذبي و ذلك لانه لن يستطيع إثبات إدعاءه و عليه ان يلتزم بشرف الخصومة ، هذا ان كانت هناك خصومة لي من جانبه !!
و لكن ...

قلت ليك يا جلال بالحرف الواحد ، حاتم دا إيميله كتبه هو بنفسه في المنبر دا اكتر من مرة
و هناك الكثيرين من الزملاء هنا راسلوه علي ذلك الإيميل و انت منهم يا جلال !!
و رغم ذلك لم يقول احد من هؤلاء الزملاء انه علي معرفة و اتصالات و تواصل مع حاتم !!
عشان كدا قلت ليك لو دي حتّتك المستند عليها في بهتي بالكذب ، فيا ريت تتراجع عنها بعد ان أوضحتها لك رغم وضوحها !
و لكنك إستمريت في المسلسل و مباريني بحكاية الكذب دي !!
عرفت حينها سوء دواخلك و عدم صدقك مع نفسك و انك صاحب غرض !!
و تحدّيتك في بوستك ان تثبت إدّعاءك !!
و طالبتك بالإعتذار لي !!

و بدلاً عن ان تتراجع عن بهتانك لي ، ذدت َ الطين بلة بكلامك في المقتبس التالي :

Quote: د. امير كدى اجيك لى حتة الكذب نعم تواصلت معاك بالماسنجر و طلبت منّك ايميل حاتم كلامك كان واضح ما عندك ايميل ليهو و بتتواصل مرة مرة معاهو بالفيس ودى اول مرة اشير للكلام ده .. بالمناسبة طلب الايميل كان لهدف محدد و لقينا الايميل و جاتو رسالة من زميل تانى ..ما منّى لكن ده المهم ارجع شوية لليوم داك و شوف حصل شنو بعد تواصلى معاك و يا ريت تحتفظ بالاجابة لى نفسك

!!!!


ودا كان كلامي ليه
جلال هنا قال انو أتواصل معاي بالمسنجر و طلب مني إيميل حاتم و قال انو كلامي كان واضح و انا قلت ليه
ما عندي إيميل حاتم و إني مرة مرة بتواصل معاه بالفيس !!

يا جلال ياخ اسمح لي و لأول مرة افول ليك انك انت الكذّاب !!
و غير جدير بالإحترام عندي بعد الان !
لانك شخص غير امين و يمكن ان تقول و تختلق أي شيء لتبرير موقفك !!
و الحمد لله انو إرشيف المسنجر موجود
يا جلال كل شيء ولا الكذب في حق الآخرين !
عيب و عيب كبير عليك !!
ان تتراجع عن غلطك في حقّي و تعتذر عن بهتانك لي
أفضل لك و أكرم لك من التمادي في الغلط ، لأنو الكضب حبلو قصيّر !!
و بهتان الناس ما حاجة ساهلة !!

انا أتحدّاك قدّام الناس دي كلها ان تثبت كلامك المقتبس دا و تحيب دليل عليه
و أتحداك ان تثبته !! عارف ليه ؟ لانه كذب و انت عارف إنك كضّبتٓ في حقّي !!
لذلك سوف لن ارحمك !!
أمامك ٢٤ ساعة ، اما ان تثبت كلامك الفوق دا و تثبت إني قلت ليك ما بعرف إيميل حاتم و إني أتواصل معه مرة مرة بالفيس !!
و إما ان تعتذر لي امام الناس دي كلها !!
دا تحدّي عديل يا جلال !!
و بعد مهلة ال ٢٤ ساعة ، سأقوم برفع محتويات المراسلات في المسنجر بيني و بينك !
ليعرف الجميع من هو الكاذب فينا!

و الان يا سيد جلال و انت موجود بالمنبر و لم تقدّم دليلاً عل بهتانك لي و عدم تتحلّى بفضيلة الإعتذار ، فأسمح لي بكشف حقيقة دواخلك السوداء مش برمي الكلام ساي و لكن بيان بالعمل !!
اولاً : قلت انك تواصلت معاي بالمسنجر و طلبت مني إيميل حاتم و انا قلت ليك ما عندي !!

ثانياً : إدّعيتَ اني قلت ليك انا علي اتصال مرة مرة مع حاتم بالفيسبوك !!

في المداخلة القادمة سأرفع جميع المراسلات الخاصة التي تمت بيننا عشان نشوف الكضب و النَّجر و التلفيق
و من ثم المكابرة و الْعِزَّة بالإثم دي حدّها وين !!

دا اول تواصل بيننا يا جلال:



انت من أرسلت لي هذه المسج في المسنجر تسأل عن وسيلة للتواصل مع حاتم !ودا كان ردّي ليك:


يعني قلت ليك اني أتواصل مع حاتم بالايميل و أديتك ليه !!
طيب ليه تكذب عليّ و تقول للناس انك طلبت مني الإيميل و انا قلت ليك ما عندي ؟؟؟؟
و وين انا قلت ليك اني بتواصل مع حاتم مرة مرة في الفيسبوك ؟؟؟
.....

المرة الثانية و الأخيرة يا جلال التي تم فيها تواصل بيننا ،
حيث كنت لا استطع دخول المنبر و كانت تصلني رسالة تفيد بعدم إستطاعتي دخول المنبر ،
و ظننتُ انا انني موقوف ، فأرسلت لك و لبعض الزملاء و من ضمنهم حاتم مستفسراً
إن كان عدم قدرتي علي دخول المنبر شيء خاص بيام انها مشكلة تقنية عامة !!
و لمّا أفادني الزميل حاتم بالايميل علي إستفساري ، أرسلت انا لك هذه الرسالة


هذا كل التواصل الذي تم بيني و بينك يا جلال !و لو كان عندك رسائل تمّت بيننا غيرها ، فلتأتي به يا جلال !!
أهو ، عملنا ليك فرش متاع !!يلا ، ممكن توريّنا ليه بهتّني بالكلام دا ؟ليه كذبتَ عليّ و إدعيت اني قلت ليك ما بعرف إيميل حاتم ؟
ليه قوّلتني ما لم اقله بخصوص وجود تواصل بيني و حاتم بالفيسبوك ؟من الذي يكذب و يحاول ان يتجمّل يا جلال ؟!
عموماً ، لا اريد منك إعتذاراً بعد الان !
فقط ارجو ان تكون صادقاً و أميناً مع نفسك قبل الآخرين !!
و هذا فراقُُ بيني و بينك !

سلام
.....
إنتهى !

الصور كدا أوضح

شكراً يا عظمة علي المساعدة في رفع الصور !

عشان بس الناس تعرف نفسيات و سلوك الناس المنصّبين أنفسهم آلهة في المنبر دا
...
من يكذب و لو مرة واحدة و يبهت الناس متعمّداً و لا يطرف له جفن
حقّ لنا ان نعرف دوافعه و سوء سريرته في كل ما يقول و يطرح
وإن إدّعي غير ذلك !!

...
بئس البائع و الشاري !!

شكراً !

انتهي العزاء بإنتهاء مراسم الدفن !

السلام عليكم أخ أمير ورحمة الله وبركاته
هذا اول تداخل لي في بوست يخصك ارجو الا أكون قد تجاوزت فيه حدود اللياقة معك
ولكن أسلوب نشر المكالمات والمساجلات الخاصة بين الأعضاء أراها من الخسة والنذالة مع يجعل التواصل الشخصي جريمة كبرى
أعتقد أن الرسائل الخاصة هي ملك للطرفين ولا يصح نشرها على الملأ مهما وصلت درجة الخلاف
اسلوبك هذا يذكرني بسلوك زوجين انفصلا حديثا وطفقا يسردان تفاصيل حياتهما الكئيبة والخاصة للآخرين ،
وأخشى أن يأتي يوما أحد الأعضاء بنشر خطاباته الغرامية مع زميلة البورد
آسف على تداخلي غير المبرر معك وأتمنى أن تعتبرها مجرد نصيحة أخوية، وان لم تقبلها لا ألومك ابدا

أمير سلام
ما كان في داعي لجلب أشياء خاصة للعام
أعتقد ده مخالف لي قوانين المنبر

اخونا عمر التاج
و عليكم السلام
يعني يا اخ عمر كل الذي لفت نظرك و إستفزّك هو نشري للرسائل الخاصة
و لم تكترث لكون الاخ جلال شتمني و ظل يبهتني بصفة الكذب و ظل يطاردني بها من بوست لآخر !
الم يلفت نظرك كون الأخ جلال نجر كلام علي لساني و قوّلني ما لم أقل في سبيل الإيحاء بصدق فريته ؟!!
كل ذلك و لم يفتح الله عليك بكلمة إدانة له ؟!!
او إستنكار لوجود مثل هذه الممارسة الخسيسة في حق زميل !
فقط إستنكرت نشري لمراسلاتي معه ؟؟
عموماً ، شكراً علي ملاحظتك !!
و لكن فلتعلم اخي عمر التاج انو الموضوع دا مدوَّر ليه كم يوم في البوست الفتحو جلال لحاتم
و قد طالبته مراراً و تكراراً بإثبات كلامه في حقّي او الإعتذار عنه
لان وصفي بصفة الكذّاب و الإصرار عليها ليست بالشيء السهل !
أكثر من ذلك إختلاق قصة و كلام لم يرد علي لساني !!
لا لشيء إلا لسبك بهتانه لي !!
كتبت له مطالباً بسحب كلامه او الإعتذار عنه او إثباته
و أعطيته الإذن بنشر جميع المراسلات التي تمت بيننا في الخاص و التي يستند عليها في بهتانه لي !!
لم يستجب لذلك !
أمهلته ٢٤ ساعة لسحب شتيمته لي او إثباتها و إثبات الكلام الذي إختلقه علي لساني
و سمحت له بنشر المراسلات و إلّا ، حينها انا من سيفعل ذلك !!
و لكنه ظل يكابر و عامل رايح !
اعتقد كنت و ما زلت fair جداً معاه !!
و لكنه لم يترك لي خيار لإثبات كذبه عليّ و بهتانه لي بما لم أقل !!

و بما إنني المتضرر ، و بعد ان إستنفدت كافة الطرق معه ، فأعتقد من حقي
ان اثبت براءتي مما حاول ان يلصقه بي
بالطريقة التي تضمن لي حقّي !

...
المباديء لا تتجزّأ يا اخ عمر التاج ، كنت اتمني ان تكون حصيفاً و اكثر حياداً
و موضوعية !

...
باقي الناس البتقول ما ظريفة اني اجيب حاجات خاصة
الناس دي وين من مضمون البوست و وجود شتيمة و بهتان في حقي ؟
كنتوا وين لما الزول دا مباريني امير الكذاب امير الكذاب ؟
أها ، الان رأيكم شنو في بهتان الزول دا لي ؟
خليتوا دا كلو ، و مسكتو لي في عدم ظرافة و لطافة عمليتي ، علماً بإنو جلال نفسو ورّيتو اني قد
إضطر اعمل كدا !!
زول واحد فيكم يقول الزول دا غلطان و يدين عمليتو دي مافي يا كافي البلاء !!
فعلاً ، منبر غريب !!
...

خالص التحايا

ليس هناك ما يمنع من نشر الرسائل طالما الهدف منها الايضاح
قوانين المنبر لاتمنع ذلك

Quote: أوجِّه فيه الدعوة للأخ جلال للحضور طالما انه متواجد في المنبر و يتداخل هناك !

دكتور تحياتي ..
علي حسب ما فهمتا من بوست معاوية المدير
جلال في طريقه الي كندا لحضور تكريم الفنان
عمر منصور ... هذا للمعلومية.
وشكرا"

من حقك يا أمير تنشر رسائل الماسنجر ..
طالما عايز تنفي تهمه وجهها لك جلال ..
بانك قلت انك ما عندك ايميل لحاتم ..
وانك بتتواصل معاه بالفيس بعض الأحيان ..
الآن مافي أي كلام بالشكل ده في الرسائل ..
عليه الاخ جلال لازم يجيب لو عنده رسالة ..
تمت بينكما تثبت كلامه القاله ..
والا مفروض يراجع نفسه ويعتذر ليك ..
ويقول لماذا فعل هذا الامر الغير مبرر ..
هل هو نسيان وحيعتذر أم التبس عليه الامر ..
حكمي مبني على الرسائل القدامي دي ..
بانه جلال غلطان عليك غلط كبير ..
وبهتك وادعاءه عليك باطل ..
اللهم الا يكون هناك رسائل أخرى بينكما..
ونحن لا ندري عنها شيء ..
هذا وأرجو تجاوز الامر ..
وربنا يصلح الحال بينكما ..

نشر الرسائل وفق الحاصل ده ..
شيء ضروري واضطراري ..
ولايمكن التحجج بالخصوصية هنا ..
لانه لايوجد أي طريقة لنفي التهمة ..

سلام يا حيدر

من غرايب المنبر دا ، انو حالة الإصطفاف و الشلليات
و العلاقات الإجتماعية ، يمكن بسهولة ان تؤثر في ردود افعال الناس و حتي تفاعلهم
بل و تُلجم البعض عن قول كلمة الحق !
و الإنحياز للحس السليم !

يعني زولك مهما غلط فمستحيل تقيف محايد و تقول ليه انت غلطان
الناس دي بتنصر أخاها ظالماً و مظلوماً لاكين حسب فهمهم هم !
و حينما لا تجد من يدين ما تتعرّض له من شتيمة و بهتان و بالدليل القاطع
و تلجأ لأخذ حقّك بالطريقة المناسبة بعد ان تكون قد إستنفدتَ كافة الفرص و الخيارات ،
تُفاجأ بمن يجيك متباكياً و يلومك علي طريقتك في أخذ حقّك !!
...
كشفي للمراسلات بيني و بين جلال تم بعلمه و تم تحذيره قبل يومين من إضطراري لذلك
و اخيراً فعلتها بغرض الإيضاح ، لأنو مافي طريقة تانية غير كدا
و هو لم يترك لي خيار آخر و عشان to cut the long story short
...
علماً بأنني طرف في هذه المراسلات و وبما بعض محتواها يتعلّق بوجهة نظري في سلوك الادارة
في فترة من الفترات ... و لكني لم أكترث لذلك !!
فالحق حق !
عشان كدا ما يجيني زول يقول لي دي خصوصية ! و انتهاك لوائح !
انا ادري ما افعل !!
خليكم من انتهاك قوانين منبر ، رأيكم شنو في انتهاك حق زميل ليكم و شتمه و بهتانه و الكذب عليه ، نجر أخدر عدييييل كدا !!
الخصوصية دي انا جزء منها و الخطوة دي الطرف التاني علي علم بفترة كافية و تم إبلاغه بها
و جاءت في سبيل الإيضاح و كشف المستور و تعرية لبعض الأقنعة التي يرتديها البعض !
...
أي زول داير يتكلم لي عن بعد اخلاقي في الحتة دي
يقول لينا رأيو في عملية الزول دا الما سبقو عليها زول دي
و بعد داك نشوف كلام خسوسيات دا 😉



.....

تحياتي يا حيدر !

Quote: و تعامل الادارة و اصطفافها اقذر

و الللللليييييلة

Quote: أمهلته ٢٤ ساعة لسحب شتيمته لي او إثباتها و إثبات الكلام الذي إختلقه علي لساني و سمحت له بنشر المراسلات و إلّا ، حينها انا من سيفعل ذلك !!

طالما اخطرته بأنك حتنشر المراسلات يبقى عداك العيب يا أمير
بس كان ممكن تنتظر شوية حتى تتأكد أنه كان بإمكانه الرد.

ود القوز سلامات
و اشكرك علي كلامك الموضوعي و حُسن تفهّمك
و قولك لكلمة حق يتزاوغ منها الكثيرون !
انا مثلك ، انتظر ان يأتي الاخ جلال برسالة أخري تمت بيننا او أي دليل يعضّد كذبه عليّ
و بهتانه لي ، و ان استطاع ذلك ، فأنا سأطلب حذف هذا البوست و أعتذر له علي رؤوس الأشهاد
و إن لم يستطع إثبات شتيمته لي و بهتانه لي ، فيبقي كلامي علي ما هو ليه
و أكون عملت العليّ في نفي كلام و تهمة منسوبة لي ... و لا اريد منه إعتذاراً .

....

اخونا صلاح الزبير

الاخ جلال علي علم بهذا الأمر منذ اكثر من يومين !
و تداخلتُ معه في بوسته طالباً منه إثبات كلامه او الإعتذار عنه !
و منذ يومين كتبتُ له في البوست بتاعو و طالبته بتوضيح
و أمهلته ٢٤ ساعة لإثبات كلامه او سحبه و الإعتذار عنه و لكنه لم يلقي بالاً للأمر !!
علماً بأنه ظل متواجدا بذلك البوست و تداخل فيه و آخرها صباح اليوم !!
فمبدئياً كدا ، حكاية انو مشغول و بعيد من المنبر لظروف سفره ، ما أعتقد سبب كافي !!

...

انت يا حافظ بشير هسّي في داعي يعني تركّز في الحتة بتاعت الإدارة دي !😜
ياخ انا جبت الرسالة و انا عامل ساتر ، و شغال ( و جعلنا من بين أيديهم سدا)
تقوم انت تقنطرني
كدا ؟
😜
يا زول هووي ، قوم علي حيلك ياخ
و ما أظنّك تقوم !!


تحياتي !!

يا أمير كلامك الكتير بتاع الاصطفاف والشلليات ده بينطبق عليك إنت أكتر زول. فياريت ما تعيده
لامن زول يغلط عليك ما ممكن الرد يتجاوز كل الحدود
بي هناك شابكننا خصوصية حاتم وبتاع
أها دي خصوصية برضو
إنت أظنك طبيب، أها لو جاك زول في العيادة برضو عندك ألحق ترد عليهو بالمعلومات العندك ؟

يا ايمن الفاضل يا خوي خصوصية شنو الجاي تكلمني عليها
الرسايل دي انا جزء منها و يمكن فيها حرج لي اكتر من الطرف التاني
و لذلك عرضتها ، لانو دي الطريقة الوحيدة الممكن تتعرف بيها الحقيقة !
و الطرف التاني علي علم بذلك
و تم إبلاغه بهذه الخطوة قبل يومين !!
و تطرق الاخ المسلمي لهذا الأمر في البوست الأصلي
و جميع كلامي كان علي الملأ و قدّام الناس !!

و لمّا لم اجد استجابة او مجرد إهتمام من الشخص المعني ، لجأتُ لما أخبرته به !
و كنت عادل جداً و موضوعي معه ، و حتي و إن لم افعل ذلك فليس لأحد الحق في لومي علي إتخاذ خطوة
أنفي بها شتيمة وجّهت لي و كلام منسوب لي ، و قد صمت الجميع عن إدانته او مطالبته بإثباتها !!

فياخي ما تكون زي الأعمي المسّكوه العكّاز ! و تشبكني خصوصية خصوصية
و انت ربنا ما فتح عليك بكلمة حق حول ما قرأت !
يعني لو ما أدنتَ الزول دا علي سلوكه دا ، علي الأقل إلتزم الحياد !

يعني ما ممكن ياخ اول مداخلة ليك في البوست دا تحدّثني عن الخصوصية و انتهاك قوانين المنبر !
و تعمي عن محتوي الكلام !!

قليل من الموضوعية لا يضير !

Quote: قليل من الموضوعية لا يضير !

أنا برضو شايف كدة
عموماً فرصة نعرف الناس ممكن تصل لغاية ياتو مستوى

عداك العيب يا دكتور
الواضح انو الاخ جلال بني اتهامو ليك
بالكذب علي حاجة حصلت بعد المراسلات
البينكم ذي ما اشار ليها في ما نقلته عاليه
تحديدا الحتة القال ليك احتفظ بالاجابة
لي نفسك
ثم ثانيا
الناس البتتكلم عن خصوصية رسائل الماسنجر
دكتور امير نشر رسائل عادية ليس فيها ما
يسئ له او للاخ جلال او اي طرف اخر

علا قنطر نفسو بس

كدي بالمرة وكت الموضوع جاب خصوصيات.

الجماعة بتاعين بيت البكاء النشطين ديل يجتهدوا ويعرفوا لي الزول المعجب بي دا منو؟



دي المرة التانية يظهر لي الفيسبوك، المرة الأولى كان باسم محمد أحمد.

لا يا أخ بوب ،مايصحش كدا...عيب عيب

غايتو أنا الرسائل البتجيني من جهتين
Robert Estrin
Gmail Team

وفي واحد صيني مجنون عايز يبيع لي كشافات LED للعربية، زندية ساكت

لكن تطابق التواريخ دا لزومو شنو؟
وأمجد دا أنا سويت ليهو شنو لسانو زفر كدة ههههههه

Quote: ثانياً : إدّعيتَ اني قلت ليك انا علي اتصال مرة مرة مع حاتم بالفيسبوك !!

أهاااااا
غايتو في الفيسبوك أنا جاتني رسائل محمد أحمد وابنه أمجد.
أمجد ياهو أبنضارات الفوق دا.

Quote: أمجد ياهو أبنضارات الفوق دا.

إحتمال يكون إسم وصورة ما حقيقية
زي معروف أبو الحسن كدا

Quote: إحتمال يكون إسم وصورة ما حقيقيةزي معروف أبو الحسن كدا

أوسكار ،أستاذ أيمن....

Quote: عثمان محمد صالح: نهاية شبحٍ توكسيك* ليس عاديّاً الخيط الجاري الذي أفرده أخونا الأكرم جلالدونا، في هذا الموقع، تحت عنوان (حاتم ابراهيم .. بوست تعريفي). كأنّي أسمع، وأنا أطالعه، قرع أجراس كنيسة في الريف تعلن وفاة أحد الرعايا. بتنامي الخيط يُدقُّ آخرُ مسمار في نعش الوجود الاسفيري لشبح يدعى حاتم ابراهيم. يحيا حياته الاسفيرية الغامضة بعوائد كديس الخلاء( منفرداً٬ ليس له رفيق ولاصليح، يلازم مكمنه في البراري الموحشة والأحراش٬ كاظماً زمجراته حتي تحين ساعة المكر والانقضاض دون أن يستثني أحداً، أو يوفِّر أحداً، بمن فيهم أولئك الذين زيّنوا له الأعمال، وأحنوا له الجباه)، مستظلاً باسمه المستعار وهويته المجهولة٬ مبهماً، متنعِّماً بما وصفه أسامة الخواض بامتياز الشبح، وهو وضع يتيح للمتخفِّي القدرة غير المحدودة على إلحاق الأذى بالآخر المكشوف، وهو في حِلّ من تحمّل تبعات الكتابة، آمناً على نفسه من الجزاء. تشكّل ثلّةٌ من الأعوان المنتفعين بقضيته طوقَ حماية وساتراً لشخص مجهول الهوية، بارع في المراوغة، أدمن استغفال العقول.. أن تكون سنداً وعضداً لمثل هذا الشبح بأن تعاونه على التمادي في الباطل، وتدبّر له المخرج مماهو فيه من الضيق وانسداد الافق، غير متورِّع عن مغالطة الحقيقة الغرّاء جاهداً لحجبها عن الانظار بغربال مهلهل، فانه لا يعني سوى أمر واحد وهو أنك بسلوك مثل هذا تكون قد تنكبت الطريق إلى حيث يتجمهر نظراؤك، ذلك أن مكانك الطبيعي ليس في صفوف المعارضة، بل في خندق سلطة "الانقاذ". ـهامش: *هذا الوصف مستعار من الأستاذ مصطفى مدثر. عثمان محمد صالح، تِلْبُرُخ - هولندا E-mail:[email protected] Mobile:+31-687566744

الاخ الدكتور امير بوب والزملاء الحضور والمتابعين
للعلم عندما كان اخونا جلالدونا موجود ومتابع البوست حقه بتاع حاتم وكم بوست اخر اخونا الدكتور امير بوب
جاء بلطف وطلب من الاخ جلالدونا عدم وصفه بالكذب وكرر المناشدة وبعد تكرار كلمة كذاب قام الدكتور امير
بكتابة رد اخر وفيه طلب من جلال حاجتين اثبات كذبه او الاعتذار وفي حالة عدم اثبات كذبه او الاعتذار تم
منح الاخ جلادونا مهلة 24 ساعة والا سوف ينشر المراسلات عبر الماسنجر هنا للجميع لاثبات عدم صحة كلام
الاخ جلالدونا .. لم يعتذر الاخ كمال او يثبت صحة الادعاء فانا اري ان الدكتور امير بوب لم ينتهك خصوصية
او يخالف قوانين المنبر او اي قانون في الدنيا .. ونرجو من الاخ جلالدونا اثبات صحة كلام الدكتور امير بوب ده
او نفيه

--------
يادكتور امير بوب علي قول احمد ولدي انا زعلان منك 😩😩😩😩😩

كامل تضامننا معك يا دكتور وانت تذب عن حياضك البهتان والإفتراء
مازال الطريق معبد امام الكبير جلالدونا للإعتذار اذا لم يكن موضوع الفيس بوك موثق
غايتو بعد تضامني انا ,شيخي المسلمي معاك لو بكري ما خمشك حاتثبت عليك فريه كوز وعميل اركز بس
::
:
:
:
:
:
:
مع التحيات لله الزاكيات

يا الخواض انت مش فاتح بوست حدادي مدادي بمداخلة صديقنا عثمان دي


ياخي مافي داعي تشيلا وتعرض بيها في كل البوستات

والله حركة سخيفة وبايخة وما بتشبهك زاتو


امير سلامات

عداك العيب يا امير في محاولة الدفاع عن نفسك ودا حقك المشروع

واذا جلال جا وما قدر يثبت من وين جاب كلامك البنى عليهو اتهامك بالكذب

فكامل الادانة له .. اي نعم هو صاحبي جداً لكن الحق حق يا حبيب

موقفك الى الان يا امير سليم مية في المية ولا يشوبه اي شيء

ولكن لاحقاق الحق بنستنى لحدي ما جلال يقدر يخش المنبر

لانه كما قال الاخ صلاح الزبير في طريقه الى كندا نتمنى له سلامة الوصول


تحياتي

Quote: المباديء لا تتجزّأ يا اخ عمر التاج ، كنت اتمني ان تكون حصيفاً و اكثر حياداً و موضوعية !

ولأن المبادئ ما بتتجزأ يا بوب فخطأ جلال- كما تعتقد-
لا يمكن معالجته بخطأ نشر رسائل خاصة على الملأ
بغض النظر عن الدوافع والاسباب
الموضوعية هنا تتطلب موافقة الطرفين وعدالة المحكمة
وهي عوامل لا أظنها تتوفر في بوستك هذا
خطأ جلال لم ألتمسه بعد ربما لعدم متابعتي الجيدة للمنبر
ولكن رسائل البريد الشخصي أو الماسنجر انما سميت خاصة
حتى لايطلع عليها بقية الاعضاء. نشر الرسائل والمساجلات يذكرني
بفضائح سارة منصور والهندي عز الدين .. كله ضرب تحت الحزام
وأخشى ان ياتي يوم من ينشر رسائل الهوت ميل وماسنجر الفيس
ونقع كلنا في ورطة هههه
.
.

جلال حتى وان كان مخطئا، فانصحه بالتالي..
أو لا : عدم التداخل في هذا البوست بتاتا
وعدم الظهور في الموضوع إلا عندما
تتم معاملته بالمثل في بوسته الشهير
وذلك بعد نصحكم لشبحكم بتسليم نفسه لا قرب بوست لجلال ..

ثانيا .. في حالة التداخل عدم عرض مزيد من الايميلات اذا كانت بحوزته مالم ينشرها امير
وبالله التوفيق

والله بصراحة أمير عندو حق بعد ما صاحبي جلالدونا
عمل ليهو أضان جلد من مناشداتو ..
ما في أية خصوصية تم انتهاكا هنا .. دي مراسلات أكتر
من عادية لا فيها حب ولا فيها دين قروش ولا فيها خطوبة ..
بل على العكس أمير شتم فيها ادارة المنبر ووصف تعاملا
بالقذر ويا ريت الريس بكري يشوفا ويعمل ليهو جلسة تأديب
واستجواب .
أمير ذاتو بقى ممل وردودو ومداخلاتو تشوبا بعض السماجة .. خخخخ

جلالدونا يا صديق الحق حق يا حبيب .

تحياتي امير
وضيوفه
أمر مؤسف جدا ان ننتهك قداسة الخصوصية
تحت اي ذريعة
ارجو يا امير وجلال ان تقرأوا ردي في سياق المودة والاحترام

الإخوة خالد زين العابدين
شيخ المسلمي
حمد صديق الحسين
هيثم غالي
طلحة
و باقي الزملاء
شكرا علي المرور و الحيادية و الموضوعية في مداخلاتكم
...
انا مثلكم تماماً ، اتمني ان يأتي الاخ جلال و يوضّح موقفه
و إن كانت لديه أي مراسلات بيني و بينه تدعم الكلام القالو في حقّي
فمرحب بيه.

...

يامسلمي ياخ كل شي و لا زعلك !
...
ياطلحة ، كان بإمكاني حذف الجزء المتعلّق بالإدارة
خاصة و انه ليس له علاقه مباشرة ، و لكنّي فضّلت إيراد
الرسالة كاملة حتي لا يتم الإيحاء بإنو هناك ما أخفيه !
...

تحياتي للجميع

Quote: كان بإمكاني حذف الجزء المتعلّق بالإدارة خاصة و انه ليس له علاقه مباشرة ، و لكنّي فضّلت إيراد الرسالة كاملة حتي لا يتم الإيحاء بإنو هناك ما أخفيه !

لو حذفتو مابكون في إيحاء بأن هناك ماتخفيه،بكون في فعلا هناك ماتخفيه.

الاخ عبد الحفيظ أبوسن
تحياتي
لا اريد تكرار كلامي الذي كتبته فيما سبق حول موضوع الخصوصية
الوضوع ليس رد فعل و لا هو قرار انفعالي لحظي !
الموضوع دا ليه أسبوع ، و دمغي بصفة الكذب ليست سهلة يا حفيظ
و نسب كلام و احداث لي و بهتاني بها ليست بالأمر الهيّن !
و جلال طاردني بشتيمته في اكثر من بوست
و طالبته بسحب كلامه و الإعتذار عنه و لم يفعل !
كنت اتوقّع إدانة له و لسلوكه من الزملاء و لم يفتح الله علي احد بكلمة بِغِم !
ثم ، لمّا كذب عليّ متعمدا في بوسته ، حذّرته و طالبته بالاعتذار او إثبات بهتانه
و كذلك لم يكترث و صار يلمّح الي ان هناك مراسلات بيننا و كأن هناك ما أخفيه !!
أمهلته ٢٤ ساعة للأتيان بما يدعم شتمه لي و بهتانه لي
و سمحت له بعرض مراسلات الخاص بيننا التي ألمح اليها
و أخبرته بأنه إن لم يفعل هو فسأفعل انا !
و لم يستجب ، رغم انه كان متواجد في المنبر حتي يوم امس و تداخل في اكثر من بوست !
...
حين صمت الجميع عن إدانة الشتم و البهتان
و حين يتجاهل هو طلباتي المتكررة له بالإعتذار او الإثبات
و حين أمنحه الوقت الكافي و كافة الصلاحيات ليدعم كلامه و لا يستجيب !
حينها ، بالتأكيد سآكل ناري براي و من حقّي ان أحسم الأمر بالطريقة التي أراها مناسبة !
لا توجد خصوصية في الأمر !!
و حتي و إن وجدت ، فهي ليست اهم من أخذي لحقي
بعد ان تم وصفي بالكذّاب و فبركة كلام و احداث علي لساني !!
....
تحياتي عبد الحفيظ و شكراً حرصك علي روح التسامح و الأخوّه !

...

يا عمر التاج ياخ لما قلت ليك المباديء لا تتجزّا
و قليل من الموضوعية و الحياد لا يضير ، فأنا أعني ذلك !
عارفين جلال صاحبك
بس كمان ياخ كلمة الحق دي أمانة كبيرة
جاي تكلمني عن ضبط النفس و احترام الخصوصية في موضوع تم وصفي
فيه بالكذّاب مراراً و تكراراً و بشكل متعمّد و في أكثر من بوست
و صاحبك كذب عليّ كذبة واضحة استطعت إثباتها بيان بالعمل
تخلّي كل دا و تكنكش لي في إحترام خصوصية صاحبك ؟!!
ياخ انت قبل شوية في بوست حاتم بتاع خط ميّة غرب ، لمجرّد انو حاتم
قال ليك لسانك زفر ، انت زعلتَ و إتحمقتَ و كدت ان توقف التحاور معه !!!
و عايز تلومني علي رد فعلي بعد كل العملو جلال !!!
مالكم كيف تحكمون ؟

....
عموماً ، تحياتي

..

الاخ عليش كيف حالك
بالتأكيد ليس عندي ما أخفيه
و لذلك حرصت علي إيراد الرسالة كما هي !!

شايفك قلت لي عيب !
بس ما وريتنا رأيك في عملية جلال دي !!

...
سلام

مافي الخاص في الخاص
والفي العام في العام
.....
كان تكملوا معاه هناك في الخاص موضوعك ده

بعض الناس يسكت دهراً
ثم ينطق كفراً !!

الناس البتحي تقول ما ظريفة و ما لذيذة
و انتهاك خصوصية و غيرها ، كنتو وين انتو
لماذا لم يخرج منكم فرد رشيد يدين سلوك الزول دا و يقول ليه عيب ياخ و إعتذر !!

الواحد فيكم ينظّر و يحاول يكون مثالي اكتر من اللازم في غير موضع المقالية !!
و لو هبشوه في نفسو و بأقل من ذلك ، تلقاهو إنتفض لنفسو زي الأسد و بلع كل التنظير دا !!
الزول دا طلّعني كذّاب و ينقز بيها في منبر عام
بقروه كل الناس و منهم أولادي و أهل بيتي و معارفي !
و فوق دا كذب عليّ و قوّلني ما لم أقل !!

تجي تقول لي ما صاح و خصوصية و بتّيخ !

Quote: شايفك قلت لي عيب ! بس ما وريتنا رأيك في عملية جلال دي !!

أفضل كان تهددو بنشر الرسائل خلال 24 ساعة او يعتذر...لكن تديهو فرصة 72ساعة..
لو عمل نايم وماجاب سيرتك نهائي لا بالخير ولابالشر،تكون نفذت غرضك بدون ماتوسخ يديك،مش كدا وبس،بكون كمان
عندك (طلقة) خاتيها للزمن...هسّ تاني عندك ليهو شنو؟
ح يجيك بعد كم وينطليك في رقبتك...
اها ح تقعد تعمل للبوست دا أب،اب،أب...وللا الفهم شنو؟

عيب قلتها لي كلامك دا

Quote: هذا البوست سريع و قصير الأمد ! و ذو غرض محدّد

ليه الديكتاتورية دي؟ ههههه
قوم ومااظنك تقوم

كذاب أشنع من مجرد نشر رسائل عادية لنفي هذه
الصفة البغيضة .

اختصر يا أمير ياخ اتا قلت بوست قصير الأمد
مالك بقيت زي جرجير ؟

يا امير عداك العيب؛
وعلى اخينا جلالدونا ان يأتي ليوضح
او ليعتذر
الاعتذار قيمة إنسانية تضيف للمتعذر
ولا تنقص من قدره شيئا

أمير بالله بعض الناس المابتفهم ما ترد عليهم!!!!
المتحرشين،،،

وانتهز هذه الفرصة لأسلم واحي حبيبنا
الحاتم سبانا أحب طرفو الكحيل؛

Quote: أفضل كان تهددو بنشر الرسائل خلال 24 ساعة او يعتذر...لكن تديهو فرصة 72ساعة.. لو عمل نايم وماجاب سيرتك نهائي لا بالخير ولابالشر،تكون نفذت غرضك بدون ماتوسخ يديك،مش كدا وبس،بكون كمان عندك (طلقة) خاتيها للزمن...هسّ تاني عندك ليهو شنو؟ ح يجيك بعد كم وينطليك في رقبتك... اها ح تقعد تعمل للبوست دا أب،اب،أب...وللا الفهم شنو؟

انت يا عليش يا خوي راكب حمار الضيفان ساي ولّا كيف ؟!!😜
يا زول انت وين ؟
الموضوع دا ليه أسبوع
و أديتو المهلة دي زماااان ٢٤ ساعة عشان يثبت كلامو او يعتذر عنه
و سمحنا ليه بطيب خاطر يعرض محتوي الرسائل القالها و إستند عليها !
و هو عارف انو بعد مهلة ال ٢٤ ساعة انا ح ارفعها لأثبت براءتي !!
...

البوست اردته قصير يا عليش
و غرضي منه هو تمليك الحقيقة للناس و دفع التهمة عن نفسي
إحتراماً لنفسي و لأولادي البقروا المنبر دا !

ما عندي غرض تاني !
أها برضك ما جاوبت ، رايك شنو في سلوك الزول دا ؟
لو صعبة الإجابة ، عفيتك منها !!

سلام

هههه

يا طلحة والله انا كلامي انتهي زماااان
و أنجزت مهمتي !!

البقنع اصحاب البطل ديل منو !!
خلّوا التور و مسكوا في البردعة !

تتخيل ، ما كنت قايل الشلليات و الاصطفاف و اصحاب اصحاب
ممكن تخلّي الزول يتنازل عن إنسانيتو و موضوعيته !
و عن قول كلمة الحق و لو علي نفسه !!

عليك الله شوف عينة عمر التاج دا
لا ادان كذب جلال الواضح في حقّي
لا قال ليه انت غلطان و إعتذر للراحل دا بعد ان أثبت براءته علي الملأ !
لا إستنكر علي جلال نجر كلام و أحداث علي لساني ! ثبت بطلانها !
لا قال ليه كذبت في حق الراجل و قلتا قال ليك ما بعرف إيميل حاتم في حين انك طلبته منه و أداك ليه !!
لا قال ليه من وين جبتَ حتة انو بتواصل مع حاتم بالفيس ؟!!

إتخيل !! ترك كل ذلك و إستفزته حتة الخصوصية دي
علماً بإنو لما حاتم قال ليه لسانك زفر ، حمبك و كاد ان يطق له عرق !
بس لما صاحبو يباريني بالكذّاب الكذّاب قدّام أولادي
و لما يبهتني ساي كدا ، ربنا ما يفتح عليه بالتكتح !!

و اغرب شيء ، نصح جلال بعدم التداخل في البوست
او إبداء اي رد فعل حتي يتم تسليم حاتم !!

لاقتك موضوعية اكتر من كدا ؟!!
بالجد disappointing

...
تحياتي
و ربما تكون اخر مداخلة فيها توضيح لما حصل
فكل الحيثيات مسرودة في البوست و في اكثر من موضع !
...

سلام

Quote: جلال حتى وان كان مخطئا، فانصحه بالتالي.. أو لا : عدم التداخل في هذا البوست بتاتا وعدم الظهور في الموضوع إلا عندما تتم معاملته بالمثل في بوسته الشهير وذلك بعد نصحكم لشبحكم بتسليم نفسه لا قرب بوست لجلال .. ثانيا .. في حالة التداخل عدم عرض مزيد من الايميلات اذا كانت بحوزته مالم ينشرها امير وبالله التوفيق

؟!!!!

سلام يا دكتور أمير

مع اني ما قريت كل البوست لكن أقول حاشاك الكذب .

و بصراحة لو علي انا ما تحصل مشاكل بين الأعضاء نهائيا

لكن آخر مرة حاولت الصلح بين متخاصمين ، أختفي أخ عزيز

من المنبر ثم أظهر شخص غالي علينا ضيقه بالوساطة .

لذا أعتذر لكل الاطراف في بوستات الخلافات عن تقصيري .

إنت مافهمتني، انا بنيت على إنك اديتو مهلة...لكن هل بعد المهلة دي تداخل او إتلادح معاك ؟ وللا عمل نايم؟
لو إتلادح معاك بوستيك دا لاغبار عليه...لو عمل نايم ونهائي ماجاب سيرتك،كان أفضل تتريث...دا مغزى مداخلتي...
عارفك بتهظر بمحاولة ابتزازي باني ماادنت جلالدونا...لكن برد عليك بجدية برضو،اقرأ مداخلتي تاني بتدبروشوف غدانتي ليهو،
هي الإدانة إلاّ تكون زي دي: انا عليش الريدة بكامل قواي العقلية وبحالتي المعتبرة شرعا،أ
دين سلوك الزميل جلالدونا تجاه الزميل د.امير بوب أخصائي النساء والتوليد بالريف البريطاني،كما ادين ايضا محاولة جلالدونا تشويه سمعة امير وبذلك
بمحاولة إثبات صفة الكذب عليه... وهذا منا للاعتماد...
اها قصرت معاك،اوعك تاني تقولي ليه ما ادنت فلان وماشجبت علان...هل انا قعد اطالبك بحاجات مماثلة؟

طبعاً لسانو زفر بدون شك!
زول يجيك (باسم القراد) دا يعتبر شنو!
دائماً في حد أدنى احتفظ به للاحترام وكذلك حد أعلى.

لكن في رأيي إنو أخيكم أبو لسان زفر يعاني من التهميش المنبري!
لأنو انتهز فرصة التداخل في بوستك ذي المشاهدات العالية ورفع تلاتة بوستات تخصه
عديمة الفائدة.

ويحدثنا عن (القراد).

Quote: ؟!!!!

تحياتي مجددا يا امير
الاقتباس الأخير ده تتضح فيهو روح الدعابة
وقصدت منه هذه بتلك ( غائب بشبح)
الأخ جلال -وكذلك أنت وكل أعضاء المنبر تقريبا-
لم يسبق لي التواصل معهم خارج اطار صفحات المنبر
لذا فانتم عندي سيان ،
وعليه أجد وصف جلال لك بالكذاب خطأ يستحق الاعتذار لا التبرير
ويبقى ماقلته سابقا كما هو
والعفو والعافية
.
.
.
في زول جاب سيرة القراد هنا يا جماعة
البوست ده دخل فيهو قراد
نسال الله العافية
أنصح كل واحد يتنفض كويس قبل ما يمرق
لأنه القراد الشبحي ده عكليته وما بتفك بسهولة

دكتور أمير،
السلام عليكم،
لا ريب أن موقف جلالدونا خاطئ،
إلا إن أتى باعتذار مقبول،
مثل أن يكون قد اعتمد على الذاكرة،
ونسي مضمون المراسلات بينه وبينك،
وده احتمال وارد بشدة،
فإن جاء وتعذر بذلك، فلا ريب له العذر،
وتظل المشكلة الكبيرة في اتهامه لك بالكذب،
من غير ما تثبت،
وإن لم يأتِ فالتهمة لابساو.
وإن لم يأتِ فالتهمة لابساو.

أختنا نعمات حمّاد
كتر خيرك علي المداخلة و إحساسك النبيل
بالتأكيد ، يا أخت نعمات ، المشاكل ما حبابا
و مافي زول داير أجواء المشاحنات و الزعل دي
بس كمان لما زول يدمغك بصفة زي كذّاب دي و يباريك بيها
في منبر عام يقرأه أفراد اسرتي و أولادي
و كمان تطلب منو الإعتذار يتمادى في الأمر و ينسب لي أقوال و افعال أنا منها برآء
اعتقد حينها ، لا بد مما ليس منه بد !!

خالص التحايا


...

اخونا عمر التاج
شكراً لتوضيح الأمر !

أنا كمان أتأسف لأيّ لغة حادة ربما أكون قد استعملتها تجاهك
...
تحياتي ، لاكين برضو باقي شكلتنا في البوست داك في محلها !😜

....
تحياتي للجميع

Quote: اسمح لي اقول ليك فيك خصلة ما جميلة ، و هي شغل النسنسة و الشمارات و التي من الواضح انك تجيدها و تعتمد عليها في إدارة نقاشاتك و صراعاتك في المنبر ! يعني الخلط بين الخاص و العام ، و إكمال دوائر النقاش و توجيهه من خلال مسارات اخري خارج نطاق البوستات !! و أعني شغل التلفونات و الاتصالات الداخلية و التهامس هنا و هناك و باقي الصفات الذميمة ! هذا واضح جداً يا جلال و إن حاولت التخفّي و راء ستار الإستظراف و محاولة الإنتشار في المنبر بصورة ملتوية كل ذلك و انت لا تسلك الأساليب السليمة المتعارف عليها بين الزملاء !! كل ذلك يجعلني أضعك في خانة الشخص الخبيث او الغتيت الذي يمكن ان يُوظَّف كل شيء في سبيل الإنتصار للذات ! ... ثالثاً ليك فترة و انت مباريني من بوست للتاني و انت تردد أمير الكذاب !! و كأنك تريد متعمداً ان تلصق بي تهمة و شتيمة ما ساهلة زي كضّاب دي ! و عن سوء الكلمة التي حاولت دمغي بها ، إلا انني لم اتصدّي لك بالقدر اللازم و أطالبك بسحبها و الإعتذار عنها !! و قد حاولت في البداية ان افترض فيك حُسن النية و آخذ كلامك علي سبيل الهظار او التدوير ، و لكني شايفك ماخد الشغلانة جد و إستمرأت إدّعاءك دا ! رغم انو في بوست سابق عرفت انك بتقول إني كذبت في القول بعدم معرفتي بحاتم معرفة شخصية و قولي بعدم وجود تواصل و إتصالات بيننا و انو معرفتي بحاتم لا تتجاوز هذا المنبر !! جيت انت و قُلت إني كذّاب !! ليه يا سيد جلال ؟ بديت تلمّح لاني علي اتصال مع حاتم و انك علي علم بذلك ! و أخذت تشير الي مراسلة في الماسينجر بيني و بينك بخصوص حاتم خلال فترة إيقافه السابقة ! يعني بنيت إتهامك لي بالكذب بناءً علي تواصل تم بيننا في الخاص انا و انت و رغم انو تلميحك بالحتة دي كان ما لطيف و فيه من الخبث ما فيه بالإضافة لخلط الخص و العام الذي تحدثتُ عنه ! بالإضافة لملمح الخسّة

سلامات دكتور
ياريت لو طلبت الاعتذار قبل هذه المداخله
كان يكون طلبك معقول

و عليكم السلام اخونا عمر دهب

المقتبس الذي أتيت به لم يكن أول تواصل لي مع جلال حول الأمر
و لكن هذا كان جزء من ردّي له بعد ان تمادي في الشتيمة و غضّ الطرف
عن مناشداتي له بالكف عن ترديد كلمة ( أمير الكذّاب)
و آخر المطاف ، بقي يطلب مني مغادرة بوستاته كمان !

اشكرك علي مساهمتك ، و رأيك محل احترام

...
تحياتي !

يا بوب لمن بكري فتح بوست بعنوان طلب افاده بالرأي
أنا جهزت رأيي السديد و دخلت
لكين بكري خذلني ياخي.

هههه
والله يا حافظ بشير لمّا بكري فتح البوست بتاع طلب إفادة بالرأي
قلبي أكلني ، قلت بكري دا عايز رأي الناس في ( ماذا نفعل في أمير بوب ؟) !!
هههه لاكين فعلاً ربك ستر !
رأيك انت بعرفو !
عشان كدا بطّل ملاوزات بالله !

بلاوي ياخ ربنا إبتلانا بيكم ! والله صحي !!
....
بكري دا ذاتو بلدياتي و ما بين الخيّرين حساب ! 😉

Quote: الزول دا طلّعني كذّاب و ينقز بيها في منبر عام  بقروه كل الناس و منهم أولادي و أهل بيتي و معارفي ! و فوق دا كذب عليّ و قوّلني ما لم أقل !!

لو كان النطاسي يتضايق من وصف الناس له بالكذب،

فلماذا مارس الكذب في الكلام التالي:

Quote: و الغريبة انو خاتّي راسه برأس القامة حميد و قدّال و غيرهم من الشعراء المجيدين و عايز يركب معاهم في سرج واحد

ماهو دليل الدكتور على "ختّة الراس القدّالية الحمّيدية"؟؟؟

ولو كان ذلك "نجراً "، و"تلفيقاً" من رأسه،

فهو كذّاب.

ولا يستحق الاعتذار,

لو ثبت أن جلالدونا مخطئ.

يا خواض ياخي بالجد شكلك بقي مزري و انت تتحاوم بين البوستات و شايل بقجة غباينك !!
حتي صرتَ اضحوكة بين الناس !!
نبّهتك كثيراً ألّا تهبّل بنفسك اكثر من ذلك !
كلامك البتقول فيه دا سبق لك و كرّرته كثيراً و انا رددت عليه
لكنك لا تريد ان تفهم !!
و سأظل أكررها لك و لو كرهت ، انا لا اكذب يا خواض !!
و لا أبادر بالشتائم و ذلك لإدراكي انها حيلك العاجز !
لستُ مثلك ، حين فقدتَ المنطق و بقيت تشتم يمين و شمال في سلوك صبياني سخيف
لا يتناسب و مكانتك بين أصدقاءك و لا مع سنّك !
لو كُنتَ غير امين مع نفسك ، ما بتفهم كمان ؟؟
أرجو ان لا تحاول ان تتذاكى و توحي للناس انو انا كذبتَ عليك و قوّلتك ما لم تقل
لانو حكاية انك خاتّي راسك برأس حميد و القدال واضح انها رأي ، و الرأي انا قلتو من خلال رصدي لسلوكك ! و إدّعاءتك المتكررة !!
و قد قدّمتُ نموذج لذلك من خلال عرض اقوالك فيما يخص قصيدة ماريل !!
رغم انو مافي زول أنكر مشاركتك بجزء من القصيدة ، و لكنك مش ختيت راسك برأس حميد فيها و بس
بل نسبت غالبية القصيدة لنفسك ، و إدّعيت انك كتبت المقدمة و الخاتمة و حصرت دور حميد في كتابة الجزء المكتوب بالعامية و هو عبارة عن بضعة أبيات !!
و عشان ما تقعد تلفلف و تدور ، و تنقز لي من بوست للتاني و انت شايل عرضحالك ، تاني دا كلامك بالنص القلتو حول ماريل و لو دا ما كلامك قول :

Quote: لكنني متأكد ان البداية و النهاية من تأليفي

و تمضي :

Quote: أما الجزء المكتوب بالعامية،فهو من تأليف حميد.

و لإستباق ي إستنكار لحصرك لدور حميد في حتة الأبيات العامية ، تقول في خبث مبرراً :

Quote: اشتهر حميد بكتابة العامية،

...
يا خوي انت مش ختيت راسك براسه هنا ، انت سلبتو حقو في القصيدة الأشهر
و من ضمن قصيدة تضم قرابة الخمسين بيت ، حصرت دوره في عدّة ابيات !!

وضّحت ليك كلامي دا في اكثر من موضع و بيان بالعمل ، لكنّك تصِر ان تتحاوم بين البوستات زي كديس المطاعم
و انت احاول ان توحي للناس انني قد كذبت عليك و قوّلتك ما لم تقله !!
للمرة المليون و الأخيرة ، انا لا أكذب يا خواض و لم أشتمك في شخصك
اقول آراء حولك تخصّني و أعبر عنها بلغتي و اسلوبي ، إذا كنت تعتبر انك غير قابل للإنتقاد فهذا أمر
و ان كانت كلماتي و فضحي لبعض جوانبك قد هبشك في خانة ال esteem زي ما قال ليك حاتم ، فهذه ليست مشكلتي
و لكنها مشكلتك الشخصية و بالتأكيد لن تعالجها بمحاولات التذاكي و الإيحاء للآخرين بأنني قد كذبت عليك او احقد عليك
مثلما ظللتَ تروِّج ، ثم جعلت من نفسك ( مراسلة) لإيصال شتائم صديقك عثمان محمد صالح و أخيراً ، لجأت لسيل من الشتائم و حتي للتلاعب بإسمي و غيرها مما لا ألقي له بالاً !!
و دي سكة لو واصلت معك فيها ، فسوف لن تستطيع معي صبرا !!
...
ارجو ان تتجنّبني يا خواض طالما تركتك في حال سبيلك !
و لو دايرني إتفرّغ ليك ، برضو مرحب !

ارجو ان تكون هذه آخر مداخلاتي معك حول هذا الأمر !!
...

و أرقد عافية !

Quote: و الغريبة انو خاتّي راسه برأس القامة حميد و قدّال و غيرهم من الشعراء المجيدين و عايز يركب معاهم في سرج واحد

أنت عزيزي البهلول تتهرب بالحديث عن ادعاء "ماريل" ،

وهو أيضا مفخخ بكذبات صغيرة، ينقصها التدقيق.

ما دخل "القدال" هنا؟

عليك باستشهاد من أقوالي، وليس بالزوغان إلى "فرمالتك" المنتنة ...

فيا جلالدونا،

لن أفرض عليك ما ستفعله،

لكن خصمك "كذّاب"،

و"جهلول" يفتخر ب"جربنديته"،

ثم بلا استحياء يدخل نفسه في ما لايجيده ، ولا يتقنه....

ما اظن في حاجة في استشهاد امير بالرسائل
واعتقد صادقا انو جلالدونا كتب من ذاكرة خذلته وودتو التوج

اضربوا الفلول.

للمرة المليون و الأخيرة يا خواض
ارجو ان لا تشتم !
و لو عندك رد منطقي علي كلامي قولو و أتحدّاك !
بس ياخي حكاية شتايمك الكتيرة دي حيلة العاجز
و لن ترد لك أيّ اعتبار !
علماً بأني غير عاجز عن مبادلتك الشتائم !
و لكنّي اترفّع عن ذلك !
ما أطرحه انا وجهات نظر ، بإمكانك مواجهتها و دحضها إن استطعت !
..
ارجو ان تضبط خطابك معي و ان تبعد عن الشتائم الشخصية و و صفي بالكذب !

Oh dear Osamos
You need a shoulder to cry on

سوء الخاتمة.

يا حاتم
الخواض فعلاً محتاج زول قريب يناصحو !
الراجل بقى زي المركب الكسرت دفّه !
يتحاوم من بوست لآخر يكيل الشتائم و يؤسس لفقه الضراط !
...

الخواجة فقد المنطق !
والله صحي !!

دعوه
فإنه مأمور.

حنني والله أصلو ما رضيتها للقارءات.

أيها الحكيم

لم أشتمك ، حتى عندما قلت عني :

Quote: متشوعر ودعي

رغم انك "كذبتَ" مرة أخرى ،

وقلت في رد على متداخل أنك لا تحاكم "شاعريتي"؟؟؟!!!

لم تفلح في إثبات "ختّة الراس القدّالية الحمّيدية" من استشهاد لي.

ومحاولتك "الماريلية الفرمالية"،

لا تستند على أبسط بديهيات و أبجديات "التأويل" الأدبي.

هي مجرد "تهيؤات شخصية" ،

كما قلت لك في بوست سابق.

وبلغة أوضح،

وأكثر دقّة:
أشبه بالهلوسات البصرية والسمعية.

جداً يا خواض !

Quote: جداً يا خواض !

هل هذا يعني تهديداً ،

كما سبق لك أن توعّدتني،

وهدّدتني بلغتك "السوقية":

Quote: حتّ القرض؟؟؟

Quote: هل هذا يعني تهديداً

ليس تهديداً يا خواض و لكن ترفّعاً !
انت بالنسبة لي اصبحتَ مثير للشفقة و زي ما قلت ليك ، بقيت زي كديس المطاعم
حايم بين البوستات ، شايل بقجة غباينك و مراراتك الشخصية !
ما عندك شيء غير الشتايم !
...
لذلك ، صرتُ ذاهداً في التداخل معك !
يا خواض ياخ انت بقيت مثير للشفقة و حالتك بطّالة !!
يا ريت تشوف ليك موضوع غيري
انت عندي غير مؤاخذ ! و لا تثريب عليك !!😉

أرجو ان لا تغمضوني حقّي ياخ!
🤔

الله يرحمك يا وائل بن سحبان
و يبشبش الطوبة اللي تحت نافوخك !

بقى ما محترم كلو كلو.

سلام يا حاتم
تصدِّق ، الراجل ( الأنتيكة) دا في بوست زكريا بتاع الشهادات داك رسّل لي بيان بقول فيه :
من العبد لله الي المدعو امير بوب السلام علي من اتّبع الْهُدَى !!

ههههه
...
طبعاً كنت داير اقول ليه كما قال يونس ود الدّكيم
انه من أمير بوب سندانة الخيل الي الخواض :
يومكو داك و بي الله كي نلاقوكو في لب الوادي
نتفّوكو تف و نمجغوكو مجغ و نشربوكو جووووووت !
و نتّرعوكو باااع !!

بس لعنت الشيطان ساي !


ياخ الخواض دا تُحفة !!

يبشبش الطوبة الخ الخ دي بتاعت المصاروة
خليناها سرقة القوقل كمان جابت ليها سرقة مسلسلات وأفلام ؟
خخخخخخخخخخخ
قلبت .

ههههه

يا طلحة طيب الحمد لله انك ما شفتا الكلام السارقو انا من ( فضّة المعدّاوي) 😜
.. ما تجيب لي هوا ياخ !
بندحّك معاكم ساي !!

...
تحياتي

يا سيد حلال
مادام حيت راجع المنبر و بديت تتداخل و نازل تقريع في عبد العظيم و باقي الناس هناك
تعال ورينا عملت لي شنو في موضوعي !
() ليه كذبت و قلت إني رفضت أديك إيميل حاتم و قلت ليك ما بعرفو ؟؟
(٢) ليه كذبت و قلت إني قلت ليك انا علي اتصال بحاتم عبر الفيسبوك ؟
(٣). لماذا كنت تلمّح لانو هناك موضوع ما في الخاص بيني و بينك و كأني كنت حريص علي إخفاءه ؟
(٤) هل توجد أي مراسلات خاصة بيني و بينك غير الرسايل التي عرضتها انا هنا ؟

(٥) لماذا تكذب يا جلال ؟؟

Quote: لذلك ، صرتُ ذاهداً في التداخل معك ! يا خواض ياخ انت بقيت مثير للشفقة و حالتك بطّالة !! يا ريت تشوف ليك موضوع غيري انت عندي غير مؤاخذ ! و لا تثريب عليك !!😉

لم أشتمك قط، حتى عندما قلت عني:

Quote: متشوعر ودعي، وكاتب الغفلة ...إلخ

لقد جردتني من كل رأسمالي الرمزي؟؟؟

وبعد هذا تقول انك :

Quote: ذاهد؟؟؟

Quote: لم أشتمك قط،

طيب يا خواض دي عينة بس من شتايمك !
بلا عِد :

Quote: المدعو أمير بوب الجهلول البهلول ، الذيل الذليل، حامل الإبريق الشبحي الدرويشي،

و دي كمان :

Quote: أيّها "النِّسْطاسُ

Quote: أيها "النطِّيس" أمير بوب

Quote: وهنا يثار سؤال غير مهم إطلاقاً عن الصدفة الهزلية المأساوية التي جعلتك تلتقي محمود دوريش. لا أشكك أبدا في انك التقيته جسدياً. ولكن للمرء أن يتساءل: "بأية صفة"؟

Quote: المهم من الواضح أنه عندما يجتمع "الجهل" مع "الغرض" و"الكراهية "، فهذه هي الحصيلة:

شوف دي برضو :

Quote: واتضح -في آخر الأمر-أن جرابك فارغ من اي طقم مصطلحي يقارب الظاهرة الأدبية المعينة. أعرف رقة حالك النقدي الأدبي "صناعة الأكاذيب الأميربوبية". هل "حقدك" و"غلك"، بسبب أنني وجدت مفارقة بين لغتك السوقية، وأنك متخرج من جامعة الجزيرة؟؟

Quote: فهذه أوصافك من كلامك وسلوكك الاسفيري، أضافة إلى الكذب وإدمانه

دا جزء بس و عينة من كلامك و شتائمك أيها الشاعر النحرير !

...
أسوأ شيء يا خواض ، إنو الزول ما يكون صادق في كلامه و مع نفسه !
و اجمل شي ، إنّو ارشيف المنبر موجود و يمكن بسهولة فضح إدّعاءاتك و لسانك الزفر !
و مستواك الحقيقي ! و إن إدّعيت غير ذلك و تسوّلت تعاطف الآخرين !!

..،
سبق و ان أتيت لك بدليل تغوَّلك علي ماريل ، بيان بالعمل و من كلامك بالحرف الواحد !!
إن كنت قد أُحرجت و تحاول ان تتملّص من إدّعاءك ، فهذا شأنك !!
و الان تدّعي بأنك لم تشتمني من قبل ، و ها قد أتيت لك ببعض النماذج مما شنّفت به آذاننا من شتائم !

أتت رجل غير صادق عندي

و بالفعل ، لم تعد لي رغبة في التداخل معك !

أرجو ان تبعد عن طريقي ما إستطعت !!

..،

سلام

يا أمير، الزول دا قال ليك:
"لم أشتمك قط"
قط بمعنى كديسة!

حسب الأقتباسات هناك شتائم متبادلة بيناتكم ، بخلاف ما إدعى كل منكما ، لأني قريت قبل كده يا د. أمير إنك ما شتمت الخواض ، و الاقتباسات الجابها دي دليل على شتمك ليهو ..
طالما المسألة تساوت في الشتم ، هل من حقنا كقراء أن نسمع منكم حواراً مثمراً بدون شتائم ؟
سؤال جانبي يا أمير : هل هناك علاقة أسرية بينك و د. محمد علي محمد علي بوب ؟
تحياتي

يا سيد محمد محمود محمد
الخوّاض لا يفرِّق بين توصيفي له و قناعاتي الشخصية حول إنتاجه الأدبي ر بين الشتائم !
يعني مثلاً ، حين اقول انو خاتّي راسو برأس حميد و قدّال ، فواضح انو دا رأيي من خلال رصدي لكلامه و سلوكه
و قد قدّمتُ دليل يدعم وجهة النظر دي بإستعراض تغوّله علي قصيدة ماريل و محاولته الإنتقاص من دور حميد فيها
و دعمت كلامي بإقتباسات من كلامه تدعم ما ذهبت انا اليه !
فما ممكن يجي يقول لي انت شتمتني و كذبت عليّ !!
انا ام اقل انو قال هو أفضل من حميد و قدّال ليكذّبني !
و لكني اقول ما اعتقده وفق مشاهداتي !!
و هكذا ، آصف ما أقرأه من أشعاره الركيكة ، بأنها شعيرية !
و هذه ليست شتيمة له ! و هكذا !!
فلا يمكن ياخ ان تساوي بين كلامي له و قناعاتي ( حتي و لو كانت خارّه) و بين شتمه لي شتايم شخصية من عينك
كذّاب و جهلول و حاقد و غيرها من الاوصاف !

..
مالكم كيف تحكمون !
عموماً ، و رغم ذلك ، انا لم أطالبه بإعتذار
و لكني ظللت اقول ما اعتقد في الهرجلة التي ظل يمارسها في المنبر !
سوف لن اتداخل معه مجدداً كما قلت
و اتمني ان لا يضطرني لذلك .

...
اجابة علي سؤالك الجانبي ، دكتور محمد بوب هو شقيقي الأكبر .

سلام

يا عزيزي أمير .. وصفك للخواض بأنو دعي و متشوعر ، إساءة .. قرينا في المنبر ده ناس بتسئ لآخرين بأنهم أغبياء و متخلّفين ولما إستنكرنا الإساءة دي ، قالوا دي ما إساءة ولا شتيمة ، ده توصيف للشخصية دي .
بالمنطق ده يا د. أمير ما حيكون عندنا معيار للإساءة ..عشان كدة أنا قلت الناس تحاول تبتعد من الحط من قدر المخالف ، على الأقل لا اعتقد أن فينا من يرضى أن يوصف بأنه شتام.
شكرا على الإجابة ، و تحياتي للأخ الخلوق محمد علي ، فهو زميل دراسة في المتوسطة و الخرطوم الجديدة الثانوية ..و كنا جيران أيام سكنكم بالمايقوما .
و تقبّل إعتذاري إن حدث تجاوز من جانبي في حقك .

🤔

أمير بوب بقيت شغال عفريتة ؟
عملتا لينا شنو في موضوع سرقة أقوال المسلسلات والأفلام المصرية ؟
خخخخخخخ

يا مراحب بالحبيب محمد محمود

Quote: عشان كدة أنا قلت الناس تحاول تبتعد من الحط من قدر المخالف

كلام جميل ودعوة راشدة والله
في بوست جلالدونا اعترضت بشدة على التصنيفات
والتوصيفات من لدن مصطفين ومدافعين ومبرراتية* وما عارف
شنو، لأنها تحط بشدة من قدر آراء الناس المخالفين لطرح البوست أياه
مع انو دا رأي وداك رأي لكن أغلب الناس القالوا حاتم مذنب ما معترفين
باراء القالوا ما مذنب واعتبروهم مجرد محامين ومدافعين ومصطفين
وما الي ذلك مما يمكن قراءته ( معر صين ) ودا تسفيه ما بعدو تسفيه
مع الوضع في الاعتبار انو بعض الأغلب ديل يمكن يكونوا برددوا
في الكلام دا بعفوية وما قاصدين حاجة.. و عندي شعور انك من الأبرياء
ديل في كلامك دا :

Quote: مبرّراتية حاتم

Quote: الكتيبة الدفاعية شغالة نظام ورديّات

وأتمنى يكون شعوري في محلو ..

طلحة كيفك !
قلت ليك انا غايتو قاعد اسرق كلام ( المعلمة فضّة المعدّاوي)
عشان كدا شايف حطيئة المنبر و أفضل كاتب نثر في السودان قالوا لغتي سوقية !!
...

غايتو جلال دا لو قافل علي الأرشفة عشان تنهي الموضوع دا ، يكون غلطان !
لأنو البوست دا ماشي معانا الربع الجاي !!

...
طلحة قوم علي حيلك ، و ما أظنّك تقوم !

يا عليش الريدة
كامل التضامن معاك !
يا خوي خمسينين ورا بعض حارات !
اعمل حسابك ما يجدعوك بايظ المرة الجاية

أحسن حاجة تعملها ، تمشي تدّسى عند خالك في البلد شهرين تلاتة
و ما تظهر في المنبر !

هههه

...
تحياتي !

Quote: ( المعلمة فضّة المعدّاوي)

ودي من تماثيل الاهرامات يا أمير ؟
ما برضو زول وعندو حقوقو الفكرية والمفروض كلاما
(يقوس) أو ( يقتبس) أو ( يتناص ) على أسوأ الفروض
مالكم كيف تسرقون ؟؟ خخخخخخخخخ

Quote: قالوا لغتي سوقية !!

غايتو اتا زول متمكن من لغتك .. سوقية كانت أم جامعية ..
وصدقني لما العبدلله يديك رأيو في أدب واللا فن واللا كورة
تاني ما تتلفت وراك .. لسبب بسيط جدا انو ما بجامل
وممكن بكرة القريبة دي ينيشك لو دفقت الزيت ..

يا طلحة ياخ انا فِضَّة المعدّاوي ما سرقت منها
تناصصت معاها بس !😜

انت كمان شن عرّفك بالتناص ؟!! و التضمين !!
انصحك تقرأ لمحمد بنيس !!
هههه

صيف 2003 يا أمير كنت مسافر بالخليجية من الخرطوم لتونس
قامت الطيارة بت الحنوت دي مشت بينا رحلة طويلة مرورا ب
أبوظبي، البحرين، كازبلانكا .. ومنها لمطار قرطاج ..
في كازبلانكا الطيارة البديلة اتأخرت لمدة ليلة وصبحية
فافترشنا رخام المطار وكنت شايل معاي كتاب لمحمد بنيس دا
أظنو ( الحداثة المعطوبة) واللا حاجة كدا .. بقرأ فيهو كدا
جاءت بنية مغربية حلاتا شديد وقفت تعاين فيني
بقرأ في الكتاب وأنا في البداية ما منتبه .. لما انتبهت ليها
( افتر فاها عن لؤلؤ مرصوص ) خخخخخ .. بالله بقيت اترجف كلي سيما وأنا الزمن
داك مستجد بتاع جكس وكدا .. أها سلام وحق الله.. قعدت تسأل
فيني من الكتاب ولقيتو وين وما عارف شنو .. طوااااالي طبقتو
أديتو ليها وقلتا ليها تستاهلي ويستاهلك ومعاها تعابير وش كدا
أنا متأكد بتكون ما فهمتا ولا فهمت كلامي لأنو أنا ظاااااااطو من الكبكبة
ما فاهم بقول واللا بعمل في شنو .. المهم على حس
أديتا الكتاب طارت وما ركت من الفرح .. ومشت جاءتني بعد دقيقة
جابت لي كيس تحفة فتحتو لقيت فيهو ساعة ( أنا غايتو فهمتها نظام
تهادوا تحابوا) .. خخخخخخ لكن بيني وبينك الرجفة ما خلتني أتصرف ياتو
تصرف عشان أحتفظ بالعلاقة الترانزيت دي .. فطارت
بينا الطيارة وطارت معها أحلامي ... خخخخ .. الساعة لغاية هسة محتفظ
بيها .. لكن تلفون البنية راح في حق الله .. من ديك بقيت أحب
الكتب والجرايد المغربية ..

زول فقُر انت يا طلحة !
هسّي بدل كبكبتك في البت المغربية دي
لو كان قريت كتاب محمد بنيس داك
مش كان ممكن تثبّت لينا الخواض دا ؟!
الراجل فاهم انو الوحيد السامع بيه !
تفتح خشمك معاه في الأدب و النقد ، يقول ليك انصحك تقرأ لمحمد بنيس !😜
..
لاكين يا صاحبي كبكبتك عينة
ضيّعتَ علينا فرصة في خواض الجن دا !

بركة الطلعتا بالساعة !
...

تحياتي !

مكرر

Quote: وأتمنى يكون شعوري في محلو ..

الأخ العزيز طلحة
من أول البوست ، كان رأيي إنو حاتم يجي يبرّر اللبس الحاصل ، مع تعاليهو على الرد ، إتفرغوا بعض الإخوة على تسفيه كل رأي إتكتب هنا ضد حاتم ، واعتبروا أي زول عندو رأي سالب ضد حاتم ، صاحب غبينة و ملدوغ منو .
لو كان حاتم شخصية عامة او غائب من البورد ، لوجدتَ مبرر للأخوة ديل ، أما في وجود حاتم ، بيبقا تصرفهم ده ، شيل وش القباحة .. أعجابهم بحاتم لا يجعل منهم (في نظري)..معرّ صين زي ما ذكرتَ ، ولا الفريق التاني بالطبع .
نقطة الوردية ، كانت في إطار المزاح فقط.
إن شاء الله براءة يا حبيب ؟😊

سؤالي عن محمد علي يا أمير ، فقط لأنو لفتني الإسم ، بس ما فهمتَ مغزى الوجه المحتار في ردك ؟
أقلاهو الناس بتقول في حالة بلغ سلامي لفلان .. يوصل .. ولو من باب المجاملة .

سلام اخونا محمد محمود محمد
عفواً ياخي ، الوجه المحتار ليست له علاقة بمداخلتك السابقة لا من قريب او بعيد !

فقط أردت رفع البوست و انا أفكّر في إحجام الاخ جلال عن الدخول في البوست !
وحبّيت أعبّر عن حيرتي عن تجنُّبه البوست بذلك الوجه !
يبدو انك تخيّلت الوجه حائر في أمر يخصّك ،. فعفوا ياخي !!
...

اما مداخلتك الثانية ، فعذراً ، و الله لم أنتبه لها ، و أكيد ليك الف حق !
...
عموماً ، ارجو ان لا تحمّل الأمر فوق ما يحتمل ، فليس بيننا إلا الاحترام المتبادل
و آسف علي أيّ سوء فهم.

بالتأكيد سأبلغ الاخ محمد بتحاياك
و أظنه سيفرح كثيراً بالعثور علي زميل دراسة من الزمن الجميل.

...
تحياتي

يا محمد محمود،
ما عندك تلفون محمد علي بوب دا؟
في شيء في الدنيا دي ما بتغيّر أثار
احترامك لأخوك الكبير

ادينا التلفون عسى ولعلى

أثار زائدة

Quote: دينا التلفون عسى ولعلى

للأسف آخر عهدي بيه كان في دولة أفريقية .. يا ريت أمير يوصلنا ليهو ..
تكون من حسنات البوست ده الوحيدة يا ابوبكر 😊

Quote: فقط أردت رفع البوست و انا أفكّر في إحجام الاخ جلال عن الدخول في البوست !

عارف يا أمير ، في البوستات المحتقنة ال زي دي ، الكلام الطيب بيشيلو الريح .. لذلك أنا مقدّر ما حصل .
العفو يا عزيزي .

يا كيشتي ، تلفون محمد علي بوب ما بحلّك !
زول زي محمد محمود دا ممكن إحترمو جداً
لاكين انت بطقطقك زي الترتيب !
😜
بالمناسبة ، عندي سؤال عندو علاقة بالبيطرة
داير اسألك ليه من زمان لاكين كل ما إتذكّر انك بتاع سواسيو بس
بخلّي السؤال ، دحين إتذكّرتو !

ضروري يا ولد نشكيك لأخوك

داير أقول يا أنير وحاتم كلام جادي من وحي مداخلات عثمان صالح:
الخواض والموصلي ناس عندهم إسهامات عظيمة في الساحة الثقافية السودانية،
ضروري جدا نحفظ ليهم مكانتم حتى لو غلطوا فيكم
أرجو يا أمير، وقف العداء ولو في إمكانية تعتذر ليهو
الرجل بالرغم مشاكستنا له، لكن لا بد من حفظ مكانته الأدبية

انا غايتو الموصلي رغم اقتناعي بعدم صحة رأيه ، لاكين إعتذرت ليه في بوست كامل عن المخاشنة !
بس الخواض و عثمان صالح ديل الفورة معاهم مليون !!
لا لشيء و لكن لأنو ما غلطت فيهم و هم من بادروا بشتمي !
و ما لم يعتذروا عن شتيمتي ، سأظل لاعب ضاغط معاهم !
و بالمناسبة، ما زلت استخدم نصف ترسانتي في التصدّي لهرجلاتهم !
...

غير كدا ، فأنا احفظ لكل صاحب حق حقّه !!

كونو يكتبوا معاك في مكان واحد، دا أكبر اعتذار يا مغمور

يا امير بوب. ماف مشكلة..استخدم ترسانتك كلها. المانعك شنو؟!.

سلام فور اول

اتهمنا النطاسي أمير بوب بشتمه.

وسأرد عليه للمرة الأخيرة رداً مطولا نسبياً من عدة أجزاء .

وبعدها لو واصل شتائمه ، أو أتى بسيرتي ،

سأهجوه بالعامية السودانية هجاءً سيلاحقه ويلاحق ابنه ، وابن ابنه إلخ ،

مثلما سيلاحق "الشبح" الضراط المنتن ، كشبيهه الشيطان....

والحاضر يكلم الغائب.

الجزء الأول من الرد "منقول من بوست "التقليل من الشهادات":
Re: التقليل من شأن الشهادات غير مقبول ( في اعت�Re: التقليل من شأن الشهادات غير مقبول ( في اعت�

لم يظهر اللنك بعد التعديل:

Re: التقليل من شأن الشهادات غير مقبول ( في اعت�Re: التقليل من شأن الشهادات غير مقبول ( في اعت�

المدعو أمير بوب ولغة الشَفّاتة

ساءني جداً ماتعرّض له أصدقائي وهم ينقلون رسائلي للمنبر أثناء فترة إيقافي عن الكتابة فيه ولايحصدون سوى السخرية والهزء. وأشدّ ما أغضبتني سخرية المدعو أمير بوب الذي كان كلما رأى رسالة منّي ترك فحوى الخطاب وأقصاه جانباً٬ شبّ للوسيط في حلقه وأخذ بخناقه. وقد تلفّظ هذا البوب بلفظة أجهل معناها هي ود باندية. كررها. فليأت أمير بوب٬ اليساري المتحلل٬ الذي إرتضى بدور حامل الإبريق. فليأتِ بلغته المغرقة في السوقية من قبيل : أحِتوا معاك قرض٬ وشعيرية إلى ما يحتويه قاموسه الزاخر بمفردات الشَفّاتة. فليأتِ أمير بوب الذي يشتكى الآن زاعماً أنني شتمته عندما طلبت منه الإعتذار لأسامة الخواض. أنا لم أشتمه٬ بل وصفتُ وصفاً دقيقاً لغته الظاهرة السوقية٬ وصنّفت دوره في هذا النزاع القائم : دور الحوار وحامل الابريق. فليأتِ أمير بوب ويشرح للقرّاء ما المقصود بودباندية ومن هو وباندية ولماذا ينعته بهذه الصفة؟.

عثمان محمد صالح

Quote: يا امير بوب. ماف مشكلة..استخدم ترسانتك كلها. المانعك شنو؟!.

يا عثمان م. صالح يا خوي انت حكايتك شنو ؟!
انا لا أعرفك ، و لم يسبق ان تداخلت معك في حياتي
رغم متابعتي لهرجلتك !
و ليس بيننا عداوات و لا حتي اصدقاء مشتركين
براك بديت معاي الغلط و بقيت تتحفني برسايلك المحمولة جوّاً
و تشنّف آذاننا بشتايمك !!
لا لشيء إلا لأنني انتقدت الخواض و اختلفت معه !!
يعني مجرد سلوك صبياني من عينة انا و صاحبي على الغريب !
حيادية ساي او استقلالية راي و موضوعية مافي ؟!!
غايتو لو كان غرضك هو ان تتملحس و تعمل موضوع رسايلك دا مطيّة للعودة
للمنبر ، فهنيئاً لك ، فقد حققت مرادك و تكللت مساعيك بالنجاح !!
و لو على حساب كرامتك !!
فأرجوك ياخ بعد دا خليني في حالي !
....

يا خواض ، انا ملفّك قفلتو و اوقفت التداخل معك!
فأتمني جاداً ان لا تضطرني لفتحه مرة ثانية
و حينها لن تستطيع معي صبرا !
هذه آخر مداخلة لي معك !!
....

تحياتي للجميع !

أوكي. اتفقنا يا أمير بوب. لك ماتريد. عثمان

اين جلال ؟!!

خخخخخخخخخ
أرفع يا بتاع فضة المعدية أو أيا كان اسمها .

يا أمير كل ما اتذكر ما حصل في مطار كزبلانكا
أكره أبو أهل أام الغشامة ..
بنيس قريت ليهو أكتر من كتاب وكتاب .

Quote: يا خواض ، انا ملفّك قفلتو و اوقفت التداخل معك!

لقد قلت هذه "الفرمالة" عدة مرات.

سأنهي مداخلتي بعد انتهاء أجزائها.

ولك الخيار بين "الهجاء العامي" الذي ترى أنه ركيك و...ووو، حتى نرى مقدرتك على مجاراته،

وبين الكفّ عن شتمي بعدّتك النقدية الصدئة..

سأعود لإكمال المداخلة كان الله هوّن..

وهناك كيس صغير جاهز للهجاء العامي.

وهو صالح للاستعمال فوراً،
في حالة اللجوء إليه....

الجزء الثاني من المداخلة الأخيرة مع الظاهرة الأميربوبية*:

في هذا الجزء سنكتشف جهل النطاسي، وسنطالبه باعتذار واضح على بهتانه لنا.

من ضمن الشتائم التي أوردها النطاسي الآتي نصها:

Quote: أيها "النطِّيس" أمير بوب

ثم "الشتيمة " التالي نصّها:

Quote:  أيّها "النِّسْطاس

وسيندهش القراء حين يعرفون ان تلك الشتائم تعني "طبيب"؟؟؟؟؟

وإليكم الدليل:

Quote: نطس (الصّحّاح في اللغة) التَنَطُّسُ: المبالغة في التطهُّر. وكلُّ من أدقَّ النظر في الأمور واستقصى عِلمها فهو مُتَنَطِّسٌ. وفي حديث عمر رضي الله عنه: "لولا التَنَطُّسُ ما باليتُ أن لا أغسل يدي". يقال منه: رجلٌ نَطُسٌ ونَطِسٌ. وقد نَطِسَ بالكسر نَطَساً. ومنه قيل للمُتَطَبِّبِ: نِطِّيسٌ، ونِطاسِيٌّ أيضاً نطس (لسان العرب) رجل نَطْس ونَطُسٌ ونَطِسٌ ونَطِيس ونِطاسِيٌّ: عالم بالأُمور حاذق بالطب وغيره، وهو بالرومية النِّسْطاسُ، يقال: ما أَنْطَسَه؛ قال أَوس ابن حجر: فهَلْ لَكُمْ فيها إِليَّ فَإِنَّني طَبِيبٌ بما أَعْيا النِّطاسِيَّ حِذْيَما أَراد ابن حذيم كما قال: يَحْمِلْنَ عَبَّاس بن عَبْدِ المُطَّلِبْ يعني عبدَ اللَّه بنَ عباس، رضي اللَّه عنهما. والنُّطُسُ: الأَطباء الحُذَّاق.

ايها "النسطاس" ،

عليك بالاعتذار لي فوراً..

النسطاس لا تعني النطاس

Quote: نطس (لسان العرب) رجل نَطْس ونَطُسٌ ونَطِسٌ ونَطِيس ونِطاسِيٌّ: عالم بالأُمور حاذق بالطب وغيره، وهو بالرومية النِّسْطاسُ،

يعني مثل "دكتور " بالانجليزية..

..و"ليكار" بالبلغارية ؟؟؟؟

لكنها لها معنى في اللغة العربية
كيف تطلب مني أن أفهمها بالرومية؟

لم اجد لها في العربية معنى غير هذا.

ويمكنك من سياق مخاطبتي للحكيم أن تعرف انها تندرج في أدب المخاطبة...

لم اجد في حياتي من يتباهى بالكتابة عن القمل والضراط سوى المتشوعر هذا.
حتى (نصوصه) لم تجد من يتابعها سواه
وكفى بذلك اعترافا
وعرفانا.

عليك أن تحفظ ماء وجه من يؤيّد شبحاً،

فهم سيذهبون جفاءً مع زبدك،،،،،،،

وإلا سينطبق عليك البيت الاسفيري الشهير:

Quote: وهربت ، يتبعك الضراطُ المنتنُ

مثل شبيهك الشيطان ؟؟؟؟؟

لا يوجد (شهير) هنا سواك يا أوساموس
سوء الخاتمة.

الرجل خرج معروط لا بلغاري يبل الشوق ولا إنجليزي يطمن
وانتهى مستشعرا بقولونه والاثني عشر.


لكن أين المكشوش؟

Quote: وانتهى مستشعرا بقولونه والاثني عشر.

غضب الشبح ، أنصع دليل على أن هذا الهجاء الاسفيري على الماشي،

هو مؤثر جدا...

بدل أن تهرب مطلقا لساقيك الريح، ولمعدتك الغازات،

ساعدْ "شيعتك " المزنوقين في ركن ضيق لن يخرج منه غير احتمالين:

-انك محتال أكاديمي كبير، تنتحل الالقاب الاكاديمية لشيئ في نفس المحتال الشبح،
ثم ترجع إلى اصلك كشبه امي، يهاجم "الألقاب الاكاديمية" !!!
أو :
٢-انك حرامي "صغير"،

أمران أحلاهم مر:
وهذا هو "الحلو مر " الاسفيري....

الجزء الثالث من المداخلة الأخيرة مع " الظاهرة الأميربوبية"*:

قال الحكيم مستشهداً بالآتي نصه باعتباره "شتيمة":

Quote:  وهنا يثار سؤال غير مهم إطلاقاً عن الصدفة الهزلية المأساوية التي جعلتك تلتقي محمود دوريش.  لا أشكك أبدا في انك التقيته جسدياً. ولكن للمرء أن يتساءل: "بأية صفة"؟

السيد الحكيم هو الذي أقحم درويش في هذه "الشكلة" ...

وبناءً على أقواله السالفة الذكر بأنه "جربندي" وليس "بشاعر أو ناقد"،
وبناء على لغته السوقية:

لنا أن نشك حتى في إمكانية تحقق ذلك اللقاء "التراجيكوميدي" بحق.

انا شاهدت درويش مرتين:
مرة في لقاء معه بقاعة الصداقة وقدّمت مداخلة عن خطابه ومشروعه الشعري.

المرة الثانية ، ذهبت مع مخرجة تلفزيونية لإجراء لقاء معه.

وفي الفندق سمعنا درويش يصرخ في مرافقه الفلسطيني صرخة جعلت الكثير من الناس في الفندق يخرجون لمعرفة ما يحدث:

Quote: سيبوني أنا عايز أنام

ولم يتم اللقاء.

أرجو أن يكون "الحكيم"شفّافاً، ويحكي كما حكيت:

كيف التقى درويش ؟؟

وماذا كان دوره في ذلك اللقاء"؟

وبأية صفة؟؟؟

*سناتي لاحقاً للحديث عن "الظاهرة الأميربوبية" في حينه....

من سياق مداخلاتك تعني التابع الإمعة

كيف لم تجد لها معنى بالعربي؟!
هل استعملتها ثم بحثت عن معناها؟
هل كنت تعرف معناها بالرومية حين استعملتها؟

يا استاذ خواض، انت أردت شتم أمير بها، أرجو أن تحترم عقولنا

كيف لم تجد لها معنى بالعربي؟!
هل استعملتها ثم بحثت عن معناها؟
هل كنت تعرف معناها بالرومية حين استعملتها؟

يا استاذ خواض، انت أردت شتم أمير بها، أرجو أن تحترم عقولنا

دي نفس ورطته المخجلة مع شيكان
بقى ما بستحي المغمور دا.
سيد درويش معاهو حق.

Quote: كيف لم تجد لها معنى بالعربي؟! هل استعملتها ثم بحثت عن معناها؟ هل كنت تعرف معناها بالرومية حين استعملتها؟ يا استاذ خواض، انت أردت شتم أمير بها، أرجو أن تحترم عقولنا

هذا ما تقوله القواميس، وقد أثبتنا كلامنا....

ههههههه
وطوالي رفع بوست الفيديوهات أبو ترجمة (مناصيص)
انت حقو تشحد الناس يشاهدوا بوستاتك بدل الخفة دي.

طيب، ماذا قصد قس بت ساعدة لمان قال:
"ومنايا دوان، ودهر خوان، كحد النسطاس ووزن القسطاس"
هل كان يتحدث بالرومية؟

ياخي انت الرسامين عندك (ملونين)
دي لو بتفهم في القواميس ما كنت (فرطتها) لينا.

Quote: ربما حدث ما لم يخطر ببالي، وهذا إحساس فقط، لكنني أحسست أن البوست المحذوف الذي لم أقرأه يحتوي تلميحات، غير مقبولة . ولذلك حذفت كلمة "شيكان" من الهجائية. وكذلك حذفت ما يتعلق بقوم لوط، وهي إشارة إلى ما يفعلونه من إطلاق للريح، وليس لأفعالهم الأخرى. وأصلا هي كانت محذوفة من النسخة المعدلة من "الهروب المشين".ربما حدث ما لم يخطر ببالي، وهذا إحساس فقط، لكنني أحسست أن البوست المحذوف الذي لم أقرأه يحتوي تلميحات، غير مقبولة . ولذلك حذفت كلمة "شيكان" من الهجائية. وكذلك حذفت ما يتعلق بقوم لوط، وهي إشارة إلى ما يفعلونه من إطلاق للريح، وليس لأفعالهم الأخرى. وأصلا هي كانت محذوفة من النسخة المعدلة من "الهروب المشين".

سوء الخاتمة وعدم الحياء.

طبعاً كالعادة الشينة منكورة و محاولة التذاكي و المخارجة ما بانفع لأنو الناس هنا ما عندها قنابير !
...
يا مستنير ، الغريبة إستخدام اخينا دا لكلمة نسطاس و غيرها بغرض الشتيمة لم تمر علي أحد !
بدليل انو اخونا السنوسي بدر و بمجرد ان استخدمها زولنا دا ، قال ليه يعني قصدك امير بوب ريشة ساي !!
معقولة بس ؟!!
نخلِّي الشيء الواضح و معروف و الغرض من إيراد الكلمة و بالعربي و لمّن الواحد يتعصر يحاول يتخارج و يقول انا قاصد معناها بالروميّة !!
...
عموماً ، دا معني النسطاس بالعربي و المعنى الذي اراده صاحبنا :
نسطس : في حديث قس : كحذو النسطاس ، قيل : إنه ريش السهم ولا تعرف حقيقته ، وفي رواية : كحد النسطاس .

أسوأ شيء في الوجود هو ان يكون الشخص شتّاماً و و يحاول التذاكي و إستغباء الآخرين !!

Quote: لم اجد لها في العربية معنى غير هذا.

خد عندك !!

يا جلال
أظهر و بان
عليك الأمان !

😜


* نداء الي متهم هارب

اخونا حافظ بشير

قوم علي حيلك !

ساي كداً و رفعاً للبوست !!

صديقي بوب يا جميل (تقراء شين 😂)
انا بعمل روحي وسيط زي امبيكي البشبه شرحبيل داك .
وعندي خارطة طريق بنودها كألآتي :-
1-حاتم يمشي يتداخل في بوست جلال
2- جلال يتداخل معاك بي جاي
وقدمت تداخل حاتم علي جلال لانو بوستك دا منبثق .
ولمن تتم الخطوة دي بعدها بتدخل الوسيط ؤ يفك الاشتباك قبال الارشفة
وتوتا توتا خلصت الحدوتة
كوووولكم ناس حلوين بس مرات بتتشكشكو شاي .فشنو بطلوها مش ملاحظين انكم اهدرتوا طاقات كفيلة بتحرير الجولان
واش دخل ام الجولان في خارطة الطريق دي 😂
المهم
يلا خلونا نبداء .
عشان نشوف المفتش كرومبو تاني بشتغل شنو 😂

هههه
علي دفع الله ياحبّوب

والله خارطة طريقك دي ياها البقولوا عليها
القسمة الضيزي ذاتا !
يا اخوانا انا شغلتي في حاتم شنو ؟
عشان كل زول يجي يقول لي جلال ما يعتذر ليك إلا حاتم يتداخل معاهم هناك !!
ياخ الناس ديل قصّتهم مع حاتم موضوع عام
و انا موضوعي دا شخصي ، يعني زول شتمني و وصفني بالكذّاب و هو نفسو كذّب فيني و قوّلني كلام انا ما قلتو
و كابر انو يعتذر لي ، جبت ليه بضاعتو في السهله هنا ، و المايشتري يتفرّج ، و عملنا فرش متاع لما كان يستند عليه و يلوّح به
و قدرت أثبت للجميع كضبو و نجرو الأخدر ، ما اتهام مني ساي و لكن بيان بالعمل !
و بعد دا كلّو عايز يكابر و يكبّر اللّفة !!
بعدين ياخ البوست دا ما منبثق من البوست داك !
لانو بادي من بوست ( تحياتي) القديم داك ، و هو إستمرأ الشغلانة و إضطراني لفتح هذا البوست !
...

انا يا علي دفع الله لا أكذب
و لا أبادر بشتيمة أحد !
و المتتبّع لكتاباتي و مداخلاتي ربما يلاحظ ذلك !
قد ألجأ للمشاكسة و التدوير احياناً ، و لكني لا أغلط في حق أي شخص
سوى قلة قليلة إضطروني لذلك !!
...
دحين يا خوي ، انت علي العين و الرأس ، لاكين خارطة طريقك دي يا ريت تراجعها!
لو إقترحتا لينا مباهلة كان أحسن ، انا جاهز اباهل ليك أي زول !
...

عامل شنبك الجبان دا !!😜

Quote: و قدرت أثبت للجميع كضبو و نجرو الأخدر

و معاهو كش ملك

طيب يا امير, في الشطرنح لو الملك ما لقي حته يمشي فيها بعد الكش, مش اللعبة انتهت. Game is over

و تيب

Quote: طيب يا امير, في الشطرنح لو الملك ما لقي حته يمشي فيها بعد الكش, مش اللعبة انتهت. Game is over

اخونا محجوب عبدالله
هههه
الملك هنا كان قاعد يتزاوغ و يفرفر جاي جاي
لاكين حسمناهو بي جندي وكيل عريف بس !

ال game اوفر من زمان !

...
تحياتي

المستنير الكيشة

قوم على حيلك برضو
و ما أظنّك تقوم !


...
أي زول بنوقّفو علي حيلو ،في المرحلة دي
يمشي يردّف و يجهّز كركاستو !

يا أنير، اتصل بي صديق
أول حاجة قالها لي:
أبكر إتّا حمار؟!
شنو البوقفك مع أمير ضد الاستاذ الخواض؟
الخواض دا يا حمار في وسطنا، لا يقل عن المتنبي في زمانو
كش
قفل السماعة

والله انت كيشة و صديقك دا أكيش منك !
يعني هسي عشان انت قلت للخواض انو نسطاس دي شتيمة و انو كان قاصد يشتم
تكون كدا واقف معاي ضد الخواض ؟!!

بعدين صاحبك التعبان دا يعتقد زي ما داير ، لاكين شكلو كدا ما بعرف المتنبي دا شنو !!
في ناس هنا برضو عندهم عثمان صالح دا من أنبغ كتّاب النثر في السودان
و هو ذاتو صدّق و بيتعامل علي أساس انو أديب !! مع انو عينة كتابتو المعلّبة دي
و الله انا في مجلة ( سمير). ما أقبل أنشرها ليه !!
...
بعدين يا مستنير الجن ، صاحبك البقول كلام زي دا
و يقفل السماعة ، نصيحتي ليك ما تصاحبو !😉

اين جلال ؟؟
...
الفيديو دا يلخّص ما يحدث في البوست !😜

😂😂😂😂

في شغل الدهابة في حاجة اسمها الكرتة،يعني التراب بعد مايطلعوا منو الدهب ،
بقوموا يراجعوهو مرة تانية،لو في المرة الأولى استخلصوا 90% مثلا من كمية الدهب الموجودة في التراب،
المرة التانية بطلعوا زي 7%،باقي النسبة بتكون فاقد...
بغض النظر عن أي شئ،وعن أي حروب وتكتلات في هذا الموضوع ،علاقة أمير بحاتم فيها كرتة غنية...
الاتنين بطبيعة الحال ليسا شخصا واحدا،لكن بالمقابل انا ح أضطر اغير من فهمي عن وحدة الإسلوب،
يبدو إنو ممكن يكون ــــ بطريقة او أخرى ـــ في اكتر من شخص بتشاركوا وحدة الإسلوب عينها..
لكن اختلاف الأهداف بموه على الوحدة دي.

عليش الريدة
قوم علي حيلك !

ياجماعة٬ لست أدري كيف أتصرف الآن مع السيد أمير بوب. هذا إنسان غريب بكل ما للكلمة من معنى: لاكلمة له ولاميثاق. إليكم الحكاية:

تساجلت مع السيد أمير بوب أول أمس٬ الموافق فخاطبني قائلاً:
يا عثمان م. صالح يا خوي انت حكايتك شنو ؟!انا لا أعرفك ، و لم يسبق ان تداخلت معك في حياتيرغم متابعتي لهرجلتك !و ليس بيننا عداوات و لا حتي اصدقاء مشتركينبراك بديت معاي الغلط و بقيت تتحفني برسايلك المحمولة جوّاًو تشنّف آذاننا بشتايمك !!لا لشيء إلا لأنني انتقدت الخواض و اختلفت معه !!يعني مجرد سلوك صبياني من عينة انا و صاحبي على الغريب !حيادية ساي او استقلالية راي و موضوعية مافي ؟!!غايتو لو كان غرضك هو ان تتملحس و تعمل موضوع رسايلك دا مطيّة للعودةللمنبر ، فهنيئاً لك ، فقد حققت مرادك و تكللت مساعيك بالنجاح !!و لو على حساب كرامتك !!فأرجوك ياخ بعد دا خليني في حالي !
( انتهى الاقتباس)

رددت عليه بالموافقة بتاريخ 13-10-2017 :
أوكي. اتفقنا يا أمير بوب. لك ماتريد. عثمان
( انتهى الاقتباس)

بعدها انصرفت إلى شأني، ملتزماً بكلمتي، موقناً أن المسألة قد انتهتعند هذا الحدّ. ولكن خاب ظني بالرجل٬ إذ وجدته ينقض غزله بيده ،ويخرق الاتفاق المبرم في كلمة وجهها للأخ أبي بكر عباس:

والله انت كيشة و صديقك دا أكيش منك !يعني هسي عشان انت قلت للخواض انو نسطاس دي شتيمة و انو كان قاصد يشتمتكون كدا واقف معاي ضد الخواض ؟!!بعدين صاحبك التعبان دا يعتقد زي ما داير ، لاكين شكلو كدا ما بعرف المتنبي دا شنو !!في ناس هنا برضو عندهم عثمان صالح دا من أنبغ كتّاب النثر في السودانو هو ذاتو صدّق و بيتعامل علي أساس انو أديب !! مع انو عينة كتابتو المعلّبة ديو الله انا في مجلة ( سمير). ما أقبل أنشرها ليه !!...بعدين يا مستنير الجن ، صاحبك البقول كلام زي داو يقفل السماعة ، نصيحتي ليك ما تصاحبو !
(انتهى الاقتباس)

أوع جلال يكون سمع نصيحتنا؟
.
.
.
المشكلة أنو الارشفة كبست، والزمن مافي صالحكم
فحقو ترضى بي مقترحنا ، وتقبلوا (المقايطة)
زولنا مقابل شبحكم

ورقة المؤتمر وين يازول؟

يا عمر التاج
في البداية كان البعض يتحجّج بسفر جلال لحضور حفل ما
و طالب بإعطاءه فرصة للحضور و الرد !
و الراجل جا المنبر و ظل يتداخل هنا و هناك و لم يملك الشجاعة الكافية للحضور و التأكيد علي ما أوردته من حقائق
تفضح وجهه الآخر و كذبه و تدليسه !
و لم يتحلّى كذلك بفضيلة الإعتذار !!

ثم و كمحاولة لإيجاد مخرج لجلال من الحتّة الشينة الدخّل فيها نفسو معاي
إقترح عليه البعض عدم الحضور هنا و تبرأة نفسه ما لم يحضر حاتم لبوست المطاردة داك !!
ورغم كوميدية الفكرة ، و لكن يبدو انو جلال عمل بها و آثر السلامة و إن كان ذلك علي حساب مصداقيته !!

و اخيراً ، تتم المراهنة علي الأرشفة !!
و كأن هناك مخرج لهذا المأزق بقفل البوست و أرشفته
و لكن :
هذا رهان علي الجواد الخاسر !
البوست دا منقول للربع الجاي ، حتي و إن لم يحدث ذلك ، فسيتم فتحه من جديد و بنفس المحتوى !!

و عليه ، لزم التنويه !!

Quote: ياجماعة٬ لست أدري كيف أتصرف الآن مع السيد أمير بوب. هذا إنسان غريب بكل ما للكلمة من معنى: لاكلمة له ولاميثاق.

انا من يحدّد متي افتح ملفّك و متي اغلقه يا عثمان صالح و لست انت !
انت من بادرت بالتعدّي عليّ من خلال خطاباتك المحمولة جواً
دون سابق معرفة و دون تداخل من قبل !!
فجأة و بدون مقدمات ، جيتني ناطي في البوست و شتمتني في صمّة خشمي
و وصفتني بما لا يليق !!
لا لشيء بيننا ! فقط لأنني اتهمت الخواض بإنتحال ابيات شعرية كان بإمكانه مساجلتي حول الأمر
و حسب إمكانيتي المتواضعة و يبيّن الأمر !
الموضوع يا خوي ما كان يتطلّب انك تنصّب نفسك محامي دفاع و تشيل وش القباحة ساي !
و تشتمني و تتصدّي للأمر و هو لا يعنيك !
و لم أتعرَّض لك فيه من قريب او بعيد !
لم تكتفي بذلك ، بل أتحفتني بمذيد من القاذورات في خطاباتك المرسلة و و صفتني بالسوقي و باليساري المتحلل و الضنب و التابع التعيس و غيرها !!
كل ذلك و انت لا تعرفني و لا تعرف إمكانياتي !!
ياخ كونك معجب بالخواض او صاحبو او غير ذلك
و عايز تدافع عنو ، يا ريت دا يتم بعيد عنّي و بلغة محترمة بدل شغل الحكّامات دا !
...

انت مدين لي بإعتذار علي تعدّيك عليّ و تداخلك الفظ و الغير مبرر !
و إلّا فلا تأتي هنا و تتشاكى !
او تطالبني بالكف عنك ، فأنا من يحدّد علاقاتي مع الاخرين
و مستوى الخطاب الذي ألجأ اليه !

ارجو ان تراجع نفسك و تشوف هل تعدّيت عليّ ام لا ؟
و لا اتوقّع منك إعتذاراً علي كل حال !

؟!

أضرب الفلول.

التحايا ليك يا أمير وان تلبست بروح الأشباح..


الزول الشبح :
ايدك معانا ياخ نوصل البوست ده الصفحة الرابعة
عارفين ايدك خفيفة وسريعة في نقل البوستات
.
.
.
قلت لي سويتها هنا ؟
هنا وين يا شراد
أمش جاوب السؤال الأخير وأعدك أنه ورقة المؤتمر أجيبها هنا بيها بعد الأرشفة ، والكشكفة .

المدعو أمير بوب٬

لستَ تملك من الأمر شيئا ذلك أنك في أول التحليل وآخره مجرد تابع صغير، محض مسمار في ترس حاتم ابراهيم٬ مجرد أحدٍ ماسكاه أم فريحانة بدوره كحاملٍ للإبريق٬ وبئس المصير.
أردتُ من سرد ماجري إماطة اللثام عن صفات قلمك الذميمة٬ أن تكون الحكاية عظة وعبرة ودرساً ينتفع به كلّ من يساجلك. باختصار: أنت رجل غير موثوق في كلمته. وغدار. وكاذب كما بيّن أسامة الخواض فيما يتصل بموضوع "ماريل". وقبل هذا كله تطفح لغتك بسوقية مثيرة للغثيان.

ثق بأن جلالدونا ليس من خلقه الكذب. وهو مصدق عندي وأبصم علي طيبته ونقاء سريرته دون أن أتشرف بلقياه حتى الآن.

لوك الصبر يازول .. اصطبر حتى يقرّر جلالدونا المشاركة في هذا الخيط٬ عندما تدقّ ساعة الحقيقة٬ وآمل أن يتكفّل وقتها بايصالك إلى عتبة باب دارك العامرة. عثمان محمد صالح

عثمان محمد صالح !
يا خوي انت مالك شايل غباين الآخرين !
كالعادة جيت شايل بقجة قازوراتك و شتايمك المحفوظة دي و جيت داخل !
و شنو حكاية شابكني لغتك سوقية لغتك سوقية !
اوعك تكون فاكر انك بكتابتك المعلبة و المكررة دي عاوز تثبت انك أديب !
انا جنّي و جن الراجل البشكّر الرجال !
شنو حركات الأطفال دي و انو إتعرّضتوا لأصحابي و عشان كدا نظام جاي تدافع عنهم بالحق بالباطل
و جاي شايل غباينك الغير مبررة و طاير !
قلت ليك يا خونا لا بعرفك و لا بتعرفني و لم أشتبك معك من قبل !
براك واقع فيني نبذ و شتائم !
يا زول هوي ، المحرِّش ما بكاتل !
و انت عندي زول بسيط جداً و غير مؤاخذ !
موضوع ما ريل انا حسمتو زمان ، و حبت جميع الاقتباسات التي تدعم كلامي !
خلاص قنعتَ من خيراً فيه ، عايز تندرع في موصوع جلالدونا !!
قلت لي هو صادق عندك رغم انك لا تعرفه ؟!!
و منتظر جيتو عشان يحسم الموضوع و يبيّن كذبي و يرضي اشواقكم !!

يا هو داك جلال ، حايم في المنبر ليه كم يوم و لم بعتّب البوست دا
و بضاعتو كلها معروضة في السهله !
لو مراهن علي صدقه ، عليك الله قول ليه يجي !!
لاكين اتحداك يا عثمان انت و ( بكتّة) من عينتك دي ، بي حبل سلبه
ما تقدروا تمرقوا الزول دا !!
كلماتي حارّة و بتزوزي بيكم لاكين
انا لا اكذب يا عثمان ، و لا أشتم
و دا الغايظكم في الموضوع !
حاولتوا كتير إتهامي بشتمكم و محاولات لجرجرتي لهذا المستنقع و لكني همّشتكم تماماً !
...
و اما بخصوص كتاباتي و لغتي ، فلتعلم ، انني يمكن ان اكتب لك بما يتجاوز امكانياتك و لغتك المضحكة دي
و بإمكاني لن اوريّك اللغة السوقية الجد جد !
ارجو ان تضبط خطابك معي و تحترم نفسك
بدل الهبل البتعمل فيه دا !
انت عندي شخص غير جدير بالاحترام ، و لا تتوقع مني غير ما تستحق
و علي نفسها جنت براقش !

....

الواحد ما دام شايف نفسو كبير و محترم و طارح نفسو أديب
و له معجبين و معجبات ، ليه ما يحترم نفسو و لا يهبّلها بين الناس بتسويقها
بالصورة المزرية دي !
لاكين لمّا الواحد يتناسى كل ذلك
و يعمل فيها صعلوق منابر و منتديات
و ينصّب من نفسو كلب حراسة و يتداخل فيما لا يعنيه و بلغة فجّة ! شايلاً وش القباحة !!
بالتأكيد سيلاقي من يتصدي له و لقلة الأدب دي دون وضع إعتبارات لأيّ شيء !
من لا يحترم نفسه يجب ان لا يطالب الآخرين بإحترامه !
...
لم يسبق لي ان تعدّيت علي احد
و لا اتشالق !
و لكن من يستهدفني دون معرفة ، فله ان يحصد ما زرع !
...
الواحد تسمع عنه و تشوفو تقول القبة تحتها فكي ، و في اول ملف تلقاه يتصرّف بعقلية طالب متوسّطة !!

كرهتونا المنبر و الألقاب المفكوكة ساي دي !!

المدعو أمير بوب٬

اكتبْ ياخي، الحايشك منو؟. اتحفنا بروائع كتابتك المغايرة ذات الجبروت. ولك منّي -إكرامية - وقت العالم بأسره. عثمان

طيب يا عثمان ياخي
الله معاك و العفو و العافية

...

إنتهي !

في أي فضاء احترافي أدبي يكتب هذا العثمان؟
ومن يعترف بذائقته سوى البعض المجامل هنا؟

كم ديوان نشر
وكم مقابلة مع قناة معتبرة
وفي كم من المسابقات فاز بما يكتب.

🤔

Quote: في أي فضاء احترافي أدبي يكتب هذا العثمان؟ ومن يعترف بذائقته سوى البعض المجامل هنا؟ كم ديوان نشر وكم مقابلة مع قناة معتبرة وفي كم من المسابقات فاز بما يكتب.

ياحاتم،الأدب مقايسو بتفرق عن مقاييس العلوم،عشان كدا كلامك الفوق دا مابيعتبر حجة في عدم أدبية عثمان،بالعكس كمان،
ممكن يعتبر حجة على تفردو،لأنو في أدباء كبار ماتوا مهملين والناس مافهمت ادبم إلاّ بعد موتم..
وديل بالذات النقاد بصفوهم بإنهم سابقين لعصورم..ودي صفة لو تأملتها بديعة جدا..
فاشنو
الاتهام بالكرتنة ممكن ينفع مع ناس العلوم لكن مع الأدباء لا...

ممكن أقبل بحجتك دي قبل ظهور الانترنت.

لكنه ممكن الآن ينشر في المجموعات الأدبية بالمجان
وممكن يشارك في المسابقات!
ونشوف رأيهم شنو.

إنما السودانيين البعرفهم ديل عادي ممكن يقولوا الخرطوم تاني جامعة في العالم
وإنو هم أحسن ناس يتكلموا عربي.

خلاف ذلك تبقى أمنيات.

دي ماحجتي كاملة،دا نصفها افقط..
النص التاني:احتمال أدب عثمان يكون مهمل او حتى مستهجن في هذا العصر،ومايتفهم ويقدر إلاّ بعد تجي اجيال جديدة..
في سوابق ادبية زي دي،والموضوع ماعندو علاقة بعثمان تحديدا..
انا اتحدث عن الفرق بين الأدب والعلوم ..ماتقيس الأدب بالكم

ويعني الجديد عنده شنو؟
خرج عن شنو الآخرين ما خرجوا عليهو؟

وبالتأكيد أنا ما بقيس بالكم، بس بقترح إنو يكون في معيار واضح للناس يحتكموا ليهو
و(عثمان) دا أنا لا شفتو في مسابقة أدبية ولا عاينت ليهو بيتلو في قصيدة في قناة
ولا عرفت ليهو منتج منشور أشاد بيهو فلان وفلان.

يبقى كلام الناس هنا دا مجرد انطباع شخصي
وقد يكونوا ما فاهمين مقاصده شنو هي ذاتا

بعدين إذا عصره لسة حيبدأ مع أجيال جديدة المستعجل ليها شنو؟
يقبع مع (انتاجه) ويوثق ليهو بطريقة محترمة نشراً وتنظيماً
بدل ما يطارد الناس ويثبت على نفسه تناقض أقواله وأفعاله

على أي حال نتمنى ليهو النجاح في مغامراته الأدبية
بس بنوصيهوا يبعد من شعر القولون بتاع زميله الفراط.

انا بتكلم معاك عن مواعين ادبية،وإنت بتتكلم عن عثمان تحديدا...
ماممكن استياءك من عثمان توظفوا لكسر المواعين دي..مالعثمان لعثمان وماللأدب للأدب..
بعدين انا ماقلت عصرو ح يبدأ مع اجيال جديدة،لانو ببساطة الأديب مابكون همو العصور الجاية،بكون مركز على عصرو وبس،لكن الحاجات دي قعد تحصل عفويا..
دي حاجات رغم إنها يجب ان تكون في الاعتبار،لكنها ضبابية..
فاشنو ياحبيبنا
الأدب تُر منو

Quote: انا بتكلم معاك عن مواعين ادبية،وإنت بتتكلم عن عثمان تحديدا... ماممكن استياءك من عثمان توظفوا لكسر المواعين دي..مالعثمان لعثمان وماللأدب للأدب.. بعدين انا ماقلت عصرو ح يبدأ مع اجيال جديدة،لانو ببساطة الأديب مابكون همو العصور الجاية،بكون مركز على عصرو وبس

مش ياهو كلامك التحت دا؟

Quote: ياحاتم،الأدب مقايسو بتفرق عن مقاييس العلوم،عشان كدا كلامك الفوق دا مابيعتبر حجة في عدم أدبية عثمان،بالعكس كمان، +++ النص التاني:احتمال أدب عثمان يكون مهمل او حتى مستهجن في هذا العصر،ومايتفهم ويقدر إلاّ بعد تجي اجيال جديدة..

وأنا ما مستاء منه ولا بفهم في الأدب أصلاً عشان تستشف استقباحي لما يكتب باسم (أدب)
في حياتي ما اطلعت على شيء ممكن تسموهوا (أدب) كتبه عثمان دا

أنا مستغرب للحملة الابتدرها ضدي ولنزوله الملعب بديل للفراط البقى لعبه (عفن)
ومستغرب للتوصيفات والألقاب الما مفهومة السمعتها عنه
وبالطبع أنا ضد الألقاب وهو ذاتو متفهم للنقطة وأشاد بيها وعجبتو، تاني شنو؟

Quote: ليس حاتم شبحا. وهو رجل مساواتي ( اقاليتاريست). ويعني هذا انه اشتراكي صميم لايضع وزنا للالقاب والمراتب، فكل الناس عنده سواسية. Re: نحو سيموطيقا للفضاء العام-حامد داباشي-ترجRe: نحو سيموطيقا للفضاء العام-حامد داباشي-ترج

إنت ليه جايب مقتبسين تبعي وفاصل بيناتن بسؤالك :(مش ياهو كلامك التحت دا)..
هل تلمح ياسيد حاتم لتعارض في مداخلاتي معك في هذه الجزئية؟
هل تبدو لك مداخلاتي لاتسير في اتجاه واحد؟
مافهمتك ..

راجعها.

ممكن اراجعها وما أصل لقصدك تحديدا،أفضل وأقصر كان توضح مأخذك بالتحديد..
لكن على أي حال،كلامي بالمجمل وبصورة أخرى كالآتي:الأديب قد لايجد حظا من الاحتفاء في عصره،
دا مابيعني إنو بالضرورة أدبو ح يموت مع عصرو، قد يكتشف لاحقا..
العملية دي مابتم بصورة مخطط ليها من الأديب بتحدث عادة بصورة عفوية...
ودا شئ بجعل مقاييس الدب مختلفة عن العلوم..
مداخلاتي معظمها كانت في الاتجاه دا،بعدّا إنت لوشايف تعارض في اي مداخلة ورينا ليهو...

حافظ بشير ، قوم على حيلك !

و ما أظنّك تقوم ... والله صحي !

يلا يا عليش انت بتتكلم بافتراض إنو المدعو عثمان (أديب)
ودا افتراض يقبل الدحض بكل سهولة من واقع المؤشرات السردتها أنا فوق
أما كونه يظهر جيل ينظر من زاوية مختلفة لما كتب فدا لا ينفي أنه غير أديب بمعايير عصرنا دا
ودي وجهة نظري، فإذن مافي داعي يتفرض علينا باعتبار ما يكون.
وكل شيء بوقته.

مافي مؤشرات بتدحض ادب الأديب،وخاصة زي مؤشراتك الذكرتها إنت دي (الانتاج والانتشار)...
في كاتبة إنقليزية اسمها إيميلي برونتي ـــ أخت شارلوت بتاعة جين إير ـــ كتبت رواية واحدة بس في حياتا كلها،ونشرتا قبل سنة من وفاتها..
الرواية واسمها مرتفعات وذرنغ،نجحت نجاح شديد،وجعلت من صاحبتها كاتبة مشهورة...ودا بعد موتها..
العقاد زي ماقرينا زمان كان بنقد احمد شوقي بطريقة قاسية جدا ومطلعو ماعارف التكتح في الشعر...
هل كلام العقاد اثر على موهبة أمير الشعراء؟
لو فرضنا إنو عثمان عندو قصة قصيرة واحدة بس،القصة دي تلقائيا بتجعل من عثمان أديب،ولو فرضنا كمان إنو النقاد شافوا القصة دي كلام فارغ ساكت،
دا برضو مابينفي إنو عثمان اديب...الحاجة الوحيدة البتدحض أدب عثمان هي إنو يكون عثمان ماكتب على الأطلاق شئ من الادب...

شوف المقطع دا من الويكيبديا

نشرت رواية مرتفعات ويذرنغ لاول مرة سنة 1847 في مجلدين من ثلاثة مجلدات واعتبرت فيما بعد من روائع الأدب الإنكليزي الكلاسيكي,
وعلى الرغم أنها تلقت أراء مختلفة عند صدورها ألا أنها غالبا ما كانت تدان لوصفها حالة الشغف والحب اللا أخلاقي والانتقام من الحبيب.
وفي عام 1850 نشرت اختها شالروت الرواية كاملة وبأعتبارها من مؤلفات اميلي برونتي.
ومن المفارق بألامر أن أميلي اختارت ليموت ابطال الرواية بسبب مرض السٌل ونفس المرض الذي كان السبب ليقضي على جميع افراد اسرة اميلي برونتي.
الوفاة

يا عليش إيميلي برونتي رغم انها كتبت رواية واحدة و هي مرتفعات ويذرنغ و إشتهرت بيها
لاكين كانت بتكتب قبلها بإسم راجل و عندها ديوان شعر !
يعني زولة الأدب جاري في دمها !
الشغلة بالكيف لا بالكم ، لاكين هناك شروط إبداعية لابد من توفرها !


...
تحياتي

الرواية نشرت باسم راجل نعم،عندها شعر نعم،لكن ابدا ماعندها رواية غير دي،ودي سبب شهرتها مش الشعر..
انا قبيل قلت لي حاتم الشغلة كيف ماكم..اها الكيف دا ذاتو الناس بختلفوا فيهو..
لوقلتو إنتو مابستذيقوا ادب عثمان،مافي زول ح يغالطكم...
لكن إنتو دار تنزعوا منو الأدبية حقتو لمجرد إنكم مابتستذيقوها ودا شئ خطأ..


*دار أقول شنو،هسّ حاتم مش شبح وماداسي الحكاية دي،اها انا حاتم دا ظاهر لي اكتر من ظهورك إنت..
من انت يارجل؟ هل انت موسوعي متنكر في شكل طبيب؟فيك ريحة أديب كيشة..
ذكرتونا أفلام الرعب بتاعت مصاصين الدماء البتنكروا في شكل ناس عاديين..

لم اعرف امير
ولم ادخل معه فى خلاف

وعندما طلب منى الصديق عثمان انزال مداخلته
كتبت قد لا اتفق ما كتبه

وفوجئت باطلاقه اساءة عجيبة عندما وصفنى بود باندية

لم ارد عليه حينها
والان استغرب لقوله انا لاابدا بالاساءة

ويطلب الاعتذار
فهل يعتذر عن اساءاته لى لا ايدى لا كراعى

يا عليش الريدة
نقطتك واضحة جداً، أنا ما قريت
شعر أو قصة لعثمان محمد صالح
قريت ليه ترجمة لنص بلغاري جميل جداً.
وممكن ما استسيغ كتاباته ولا اهتم بيها
الموضوع ذائقة شخصية بحتة

حاتم ممكن يقول أنا ما بعتبر فلان اديب
وبعتبر فلان الفرتكاني (ربّ الأدب).
دا رأي شخصي
لكن المقياس يكون بالكمية بتاعة
الإنتاج فدي ما عندها أي مقياس

قريت قصيدة بتاعة "وانجا" لي زول اسمه ايوب
سألت الناس عن باقي شعره ما في زول جاوبني
وما أظن عندو غيرها لكن القصيدة روعة. وقس على ذلك.

فعثمان أديب وبيكتب أدب
سواءاً أعجبنا أو لم يعجبنا، وسواءاً طبع كتبه أم لم يطبعها.

ولكل شخص أن يعتبر ما يكتبه عثمان "درر" أو "هُراء"
لا يهم.

Quote: في كاتبة إنقليزية اسمها إيميلي برونتي ـــ أخت شارلوت بتاعة جين إير ـــ كتبت رواية واحدة بس في حياتا كلها،ونشرتا قبل سنة من وفاتها..

مع أني في أول رد عليك قلت (ممكن أقبل بحجتك دي قبل ظهور الانترنت.)
ودلوقت أضيف ليك القنوات الفضائية والهواتف المحمولة إلخ
للأسف يا عليش، المدعو (عثمان) لديه ما يفوق إيميلي بقرون
حتى مجرد الورق والأقلام المتوفرة الآن لم تحلم إيميلي بامتلاكها
ولكن المسألة في رأيي موهبة وليست مجاملة أو كوار وخوار.


وما يظهر هنا لا يعدو مجرد مجاملات ومكايدات
رأي حاتم لا يهم نعم، لكن لم نسمع آراء الأدباء
ولم نجد أية جهة أعارت المذكور أذنا أو انتباها.

وفي هذا الزمان يقاس النجاح بالكم المتآلف مع انتاجك من الجهات المعنية
وهذا يظهر (في الأدب) في عدد المنشورات والمقابلات حتى على المستوى المحلي
لم نر أي من هذا.

تماماً كما أفتى بعضهم هنا بأن أغنية (عازة) طرقت العالمية!
وجدناها لم تفارق السودان إلا لإثيوبيا وعبر علاقة شخصية مع عازف
لكنها في الإعلام المتخصص صفر تماماً كصاحبكم المستمتع بديباجته.

السيد حاتم ابراهيم،

هذه مساجلة نافعة ربما ادلي فيها بدلوي، اذا اقتضت الضرورة.

لدي سؤال : كيف توصلت إلى أن - أقتبس عبارتك- مايحدث هنا لايعدو مجرد مجاملات ومكايدات"، في الوقت الذي لم تقف فيه بعد على كتابات" صاحبهم المستمتع بديباجته"؟!.
عثمان

أعتذر للقراء الكرام عن الظهور المباغت لهذا الوجه الأخضر الضحاك المهذار في أعلى مداخلتي السابقة. لست أدري كيف ظهر مع اني أكن له الكراهية حتى لو رأيته في مداخلات الآخرين.

Quote: حاتم ممكن يقول أنا ما بعتبر فلان اديب وبعتبر فلان الفرتكاني (ربّ الأدب). دا رأي شخصي لكن المقياس يكون بالكمية بتاعة الإنتاج فدي ما عندها أي مقياس

والله يا الصادق حاتم ما واضع للمذكور دا أي اعتبار من أساسو
لكن لما لقيتو مصر يتتبعني لغرض وبتحريض
اتلفت شمال يمين ما لقيت ما يعضد ديباجات الناس الخلعوها عليهو!

وبالتأكيد لم أجد شي كمي يخص معرفته بالأدب
لأني كنت أبحث عن (مجرد نماذج يتيمة) هنا وهناك
محاضرة واحدة، لقاء تلفزيوني في قناة ريفية، صفحة في موقع إلكتروني
ذكر اسم على لسان شخصية معروفة، غلاف كتاب، قصيدة منشورة في مجلة محترمة
مقال في صحيفة مغمورة... إلخ

إذا دا كلو معدوم هل نصدق ذائقة الصادق؟
أم وتوصيات الفراط شاعر القمل والضراط؟

Quote: كيف توصلت إلى أن - أقتبس عبارتك- مايحدث هنا لايعدو مجرد مجاملات ومكايدات"

بسيطة جداً
شوف كمية الرشاوي الانت قدمتها في شكل رسائل بذيئة موجهة لحاتم
وشوف مين رجعك بتوصية عشان تجي تواصل دورك هنا.
تفتكر ديك كانت (بيئة) صالحة للأدب؟
ولا الخالعين عليك الألقاب عندهم (تقدير) لموهبتك؟

شوف يا أخينا، الرخيس ظاهر واطي والغالي عالي.

اخونا Mohamed Said Ahmed

قد يكون فعلاً مافي سابق معرفة بيننا
و لم يسبق ان تداخلت في واحد من بوستاتك
و لكن يبدو لي انك واحد من المعجبين بالخواض و فيصل صالح و ربما تربطك بهم صداقات !
كل هذا لا يهمني في شيء ، ولكن حين تُنصّب نفسك كذلك مدافعا عنهم و تقحم نفسك في الأمر مستخفّاً بإنتقاداتي لهما
فذلك أمر آخر !
قبل فترة فتحت انا بوست بعنوان ( ما بين فن الشعر و شعبرية الخواض !)
و كنت انتقد فيه المستوى المتواضع و الركيك الذي يكتب به الخواض هجائيته في الزميل حاتم !
و رغم ان البوست كان عبارة عن رأيي الشخصي فيما أسماه الخواض شعر هجاء
و قد تداخل فيه الكثير من الزملاء ما بين مؤيد و معترض !
تداخلت انت يا اخ محمد بمداخلتين ، أبديت رأيك في الأمر في الاولي ، و لم أعلّق عليك بإعتبار ان ما قلته انت عبارة عن وجهة نظرك و عليّ إحترامها و إن إختلفت معها !
و لكنك بكل أسف ، لجأت للسخرية من البوست و وصفته بانه معركة خاوية !
و هذا جزء من كلامك :

Quote: يحزننى جدا استدراج اصحاب قدرات ابداعية عظيمة مثل اسامة وعثمان محمد صالح فى معارك خاوية تستنزف وقتهم وطاقتهم

و لم أرد عليك !!

و مرة أخري ، حين فتحت انا بوست ( اقبض حرامي!) ، متطرقّاً فيه بانتحال الخواض لبعض الأبيات الشعرية من البحر القديم
و رغم انو دي وجهة نظري و كان الجميع يناقشني فيها ما بين معارض و مؤيد ، جيت انت منتشياً خامّي شتيمة عثمان محمد صالح لي !
هذه الرسالة التي تقول بإنك قد اوصلتها ، لم تكن مكتوبة بالحبر السري و لم تكن مخطوطة في لفافة من جلد ماعز ! و لم تطّلع علي محتواها !
بالتأكيد انت قريت الرسالة و عارف مضمونها و الشتيمة و التعدّي الفيها !
كان بإمكانك ان ترفض إيصالها طالما انك علمت انو فيها تعدّي عليّ و شتيمة و ان لا تحمل وش القباحة ساي
و لكن يبدو انو حميّتك للخواض ، جعلتك تغض الطرف عن ذلك و جعلتك تستعرض الرسالة رغم علمك بمحتواها العدائي !
إذاً انت شريك فيها يا عزيزي ! لأنو مافي زول ضربك علي إيدك لتكون واجهة لقاذورات عثمان صالح و كذلك أقحمت نفسك و صرت طرف في السجال
بإيصالك لها و انت تعلم بمحتواها !!

...

انا ما زلت عند قولي ، انا لا أكذب و لا أبادر بالإساءة لأيّ شخص !!
ارجو ان تراجع نفسك و مواقفك ، و بعدها ستكتشف إن كنت حقاً قد بادرت بالإساءة !!

عموماً تحياتي !

يا جلال ياخ بدل تجي خاشي المنبر تتلبّد زي الحرامي كدا
تعال هنا إعتذر عن كذبتك و بهتانك لي و تدليسك
او تعال أدحض كلامي دا لو بتقدر !!

انا ما عارف حتكون زايغ كدا لمتين ؟!!

هذا الموضوع سوف لن يسقط بالتقادم

تعال ياخ و ما تخذل اصحابك و الناس العشمانين فيك
و المغشوشين فيك كذلك !!

ياحاتم ابراهيم،

لا تنس مخاطبة الناس بأسمائهم فإن تعمّدك إغفال الأسماء يدلّ على كِبر وتيه. خذها نصيحة مني.

لست محرَضاً ولامأموراً لأكتب رسائلي تلك الخالية تماماً من شوائب البذاءة. فلاتلصق بي صفة هي الأبعد منّي.

رسائلي تلك٬ هي على كل حال٬ قصيرة العمر، ستذوي وتموت بنهاية هذه الحكاية التي ولدتها. وهي مستبعدة نهائياً من إضبارة الكتابات التي قد يُقدّر لي طباعتها إن تبسّم الدهر ومُدَّ في الأجل. وإن إستحالت مشاهدتها مطبوعة تحتضنها أرفف المكتبات، فلاحزن، فان اصحابي سيقومون بالواجب بدلاً عني وأنا مكفّن بتربة اللحد. سأنشد في ذاكرتهم أغنية الفدائي البلغاري: إذا مِتُ أو قُتلت فلاترثوني، بل احتسوا النبيذ الملتهب، وأقرعوا الكؤوس، ودبّكوا يارفاقي الأوفياء للذي هلك وأودع في أيديكم جماع ما يملكه من كتابات متواضعة هي تركته الهائلة من الأرصدة المالية المكدّسة، والأطيان المبعثرة في القبل الأربع٬ والعقارات، وأساطيل السيارات النادرة الموديل، وأسراب اليخوت الهاجدة في المرافيء، والطائرات التي يحلق بها فوق سيرينقيتي٬ شأنه شأن الفقراء٬ الذين يولدون وفي أفواههم ملعقة من ذهب.

عثمان محمد صالح

Quote: في الوقت الذي لم تقف فيه بعد على كتابات" صاحبهم المستمتع بديباجته"

شفتها كتابتك الرشائية ذات البثور والجدري والصديد
والتي أتت متناغمة مع الخط العام لكفيلك الجديد.

وعليه لا اعتقد أن قلمك غالي ومستقل للدرجة التي تكفل بلوغك حد الإبداع
طالما كان يؤجر بمثل هذا الشح في القيمة المادية والمعنوية.

ضف لذلك أن الأدب يطير بأجنحته لا بالتوصيات والكراء.

يا حاتم ابراهيم ، سؤالي السألتك ليهو في وادي٬ وإجابتك في وادي تاني٬ ودي ياها طريقتك المألوفة : تقفز فوق أسئلة الغير وتلتف حولها٬ بينما تلحّ في الحصول على جواب لأي سؤال تطرحه على محاوريك حَمرة عين وكأن الناس أرقاء تملكهم ويأتمرون بأمرك.

Quote: ياحاتم ابراهيم، لا تنس مخاطبة الناس بأسمائهم فإن تعمّدك إغفال الأسماء يدلّ على كِبر وتيه. خذها نصيحة مني.

😂😂

يا حاتم كمان ما تنسى انو إستخدامك لمفردة (المدعو) فلان كنوع من التحقير و الاستخفاف بالآخر
يدل علي كبر و تيه برضو و عدم إحترام لمن تخاطبه و لنفسك !
فأرجو ان لا تكثر منها كذلك !

😜😜

Quote: لست محرَضاً ولامأموراً لأكتب رسائلي تلك الخالية تماماً من شوائب البذاءة. فلاتلصق بي صفة هي الأبعد منّي.

لا يا خوي بذيئة ورخيصة جداً، وهاك دا نموذج من الأنا شفتها، ونخلي أمير يجيب العندو

Quote: تابعت هنا مادار من سجال بين أخينا الباحث الأكاديمي محمد صديق عبد الله وبين الشبح الثرثار المدعو حاتم ابراهيم. +++ ووفي الجهة المقابلة يلوح الشبح متأبطاً كتابه العامر باللغو المهلهل البناء والمثير للرثاء بسوقية عبارته الجوفاء التي تنوء بثقل الأغلاط اللغوية الشنيعة التي لايقع فيها إلّا من حُرِم من نعمة تلقي العلم على نحو مدرسي ممنهج ومن هنا تنبع كراهيته الطافحة كبثور الجدري والتي تستهدف حملة الشهادات الجامعية. Re: إمتداد بوست الموسيقىRe: إمتداد بوست الموسيقى

Quote: رسائلي تلك٬ هي على كل حال٬ قصيرة العمر، ستذوي وتموت بنهاية هذه الحكاية التي ولدتها. وهي مستبعدة نهائياً من إضبارة الكتابات التي قد يُقدّر لي طباعتها إن تبسّم الحال ومُدَّ في الأجل.

إذن هي بذيئة طالما ندمت على كتابتها وتتمنى موتها.
وتقديراتي عن (موهبتك) المفترضة صحيحة وفي محلها
شيل إضباراتك وتوجه لأقرب نادي أدباء في مدينتك
وخلينا نسمع بيك على المستوى المحلي هناك، صعبة دي؟

_____
انتو الواحد ما عارف الرخسة دي مضرة قدر شنو؟

موضوعك انتهى معاي هنا يا أخينا، قدمت فروض الطاعة ولبوا ليك طلبك الرخيس
البوست دا ما مخصص ليك، ولو قررت تواصل بذاءتك بتفرغ ليك!
شتت.

بعد ان رفض التحلّي بفضيلة الإعتذار
ثم تم كشف كذبه و تدليسه علي الملأ في هذا البوست
ما زال حلال سادراً في غيّه و قد أخذته الْعِزَّة بالإثم
فها هو يصر علي الغلط و التمادي فيه قائلاً في بوست مجاور :

Quote: و مين قال ليك انا خ اعتذر فى حتة انك كاذب جاك وحى و قال ليك كده ولّ نزل عليك إلهام من لدن جن احمر

فعلاً كذّاب و عينو قوية !!

يا بوب أخوي (المذكور) دا جلبط روحو بالقاذورات وللأسف وقع تحت كرعين الخسيس واستغلاهو أسوأ استغلال وهو يهز في ضنبو!
وهسع جاي ينمق لي في الكلام ويشكل في الحروف شاحدني أقرأ كتاباتو

بعت روحك يا المذكور تمشي تشتريها من نفس النخاس، وخليهو يدي كتاباتك اعتبار
لكن الختيتها هنا ما بتموت، انت قايل الانترنت دي إضبارة تمعط منها أي ورقة ما عاجباك!
كنت تصبر ياخي وتضع اعتبار (لموهبتك) الأصلا ما موجودة.


أي جيل قادم حيطلع على كلامك البذيء ويعرفك انت كتبته مقابل شنو.
وأنا أخير تختاني، لو قبلت عليك بلحقك أوساموس البقى فقيه في هبوب القولون.

Quote: وأنا أخير تختاني، لو قبلت عليك بلحقك أوساموس البقى فقيه في هبوب القولون.

😂😂

انت يا حاتم خبارك ما بتسأل من شرادى من البوست ده
عيب عليك ما تدعموفى حتة شرادى دى
خاصة و الزول ده يذوب فيك وجدا ياخى
ما ممكن تكون مجافيهو كده
امنيتى تقيف معاهو ان شالله من باب
نظرة يا السمحة ام عجن
____
امير الكذاب, المداخلة دى من باب رفع عداد القرايات و كده

يا حاتم ابراهيم ،

اين البذاءة في المقتبس الذي عرضته؟.

اما بقائي او خروجي من هذا الخيط فأمره ليس بيدك انت بل هومتروك للمدعو امير بوب. ولك ان تتفرغ لما وعدت به.

أما عن عودتي فليس فيها تقديم فروض طاعة. لست انا من يقدم فروض الطاعة. دونك صاحب الموقع.سله. فلاتتوهم حدوث أشياء لم تقع.
تقول أنني معجب بنقدك للالقاب. بلى. قد حدث هذا قد ان يستفحل نقدك ويتحول الى ممارسة سادية استمرااتها في إذلال أصحابي الموصلي والخواص عاملا على تتفيه أعمالهم وفرك انوفهم بالتراب.
لك اخيرا ان تعلم أنني عندما تدخلت في بوست جمعت باسامة ابخواص خلطت بين اسمك واسم ناظم ابراهيم . وهذا كل مافي الأمر.

Quote: انت يا حاتم خبارك ما بتسأل من شرادى من البوست ده +++ المداخلة دى من باب رفع عداد القرايات و كده

أوووه جلال الفهم، يعني مصر تخترق جدار التهميش!
+++

بمناسبة العداد وكدة، لغاية قبل خمسة ساعات كان عامل 6 ألف
هل معقولة يبقى 12 ألف فجأة كدة؟
قالوا المجرم بيحوم في مسرح الجريمة، لو سكت ما كان في زول حينتبه للدفرة دي.

Quote: عاملا على تتفيه أعمالهم وفرك انوفهم بالتراب. +++ لك اخيرا ان تعلم أنني عندما تدخلت في بوست جمعت باسامة ابخواص خلطت بين اسمك واسم ناظم ابراهيم .

مافي زول تفه أعمال زول هنا، دا نقاش وأصحابك ما قبلوهوا
تعالوا عليهو، وقالوا على جدادة وتآمروا علي ووقفوني مرتين
ولو انت بتسمي النقاش فرك أنوف فأخير تبقى عشرة على أنفك، مش من التراب
لأنو فركتك حتكون بالبعر من النوع البيرميهو أوساموس كل مرة بيجاي وبيجاي
+++
فعلاً ابخواص !
ومن الخواص دي قدرته على إخراج المفردات من منفذين متناقضين
وما عندك مشكلة، أنا ناظم، أها حاتم إبراهيم دا شنو كمان الطالع ليك في صنقورك دا؟

يا صاحب الجلالة حاتم ابراهيم،

اخبرتك من قبل انك ميال للثرثرة، و ها انت ترفق ذلك بشطحات ماانزل الله بها من سلطان.العايز اقولو بالنسبة لبوست القديم الوصفك فيهو اسامة الخواض انك شبح. وأنا عارضته نتيجة خلط حصل لي من كثرة الاسامي في المحل دا، الخلط حصل بين اسمك واسم ناظم ابراهيم وهو من أعضاء هذا الموقع.

لاترغي وتزبد في الفارغة. نفذ.

الحرامى حاتم
ده لو ما جيت, ولو جيت و قلتا انا ما حرامى
يبقى كذّاب و شبح
عليك الله ما تحاول تبقى صاحبى و تفتح لى موصوع القرايات
لامن كتبت مداحلتى عدّاد القراية كان 12084
ياخى المفروض تسألنى انا شارد من البوست ده ليه
اقيف معاهو فى الجتة دى
الزول مجتاج ليك ياخى
و زاد وجدو
خليناها نظرة يا السمجة ام عحن
نشوف
لو بنظرة اوفى المعياد

ياحاتم ابراهيم،

حقا خلطت بين اسمك واسم ناظم ابراهيم في البوست المذكور. ليس مهما ان تصدق اوتكذب هذا. ولقد بهت اسامة الخواض حينها ولزم الصمت لثقته بي ، عندما عارضته في وصفك بالشبح ظنا منه بأنني اعرفك. وقد بينت لاسامة الخواص ماوقع من خلط في الأسماء بعد أشهر طوال.

اما المقتبس الذي جلبته مسرورا كأنه كشف عظيم، فان ردي على ماجاء فيه تلقاهو في مداخلة فوق.

يعني الكلام التحت دا انت كتبتو في ناظم البيتداخل في بوست أوساموس، مش؟

Quote: ليس حاتم شبحا. وهو رجل مساواتي ( اقاليتاريست). ويعني هذا انه اشتراكي صميم لايضع وزنا للالقاب والمراتب، فكل الناس عنده سواسية.

انت ليه ما بتحترم كتاباتك يا المدعو (عثمان)؟
ما تتوقع الناس تحترم ما تكتب إذا بتتهرب منه بطريقتك المقززة دي.

بذاءتك الغرضية المرحلية أثبتناها ليك، كمان عايز تتنصل من رأيك في (ناظم)؟

هو ذاتو مافي تشابه بين (ناظم) و(حاتم)، الأول بالناء نفاق والتاني بالحاء حبرتجي
والبيلخبط بيناتهم عادي ممكن يجمع (خواص) الاتنين.

نافقتك كيف يازول؟، وماذا تعني بحبرتجي؟

لما تشتم زول بدون غبينة وبكلام بذيء مع التوصيف
وتجي تنكر كلامك فدا ما عندو غير اسم واحد.

Quote: حقا خلطت بين اسمك واسم ناظم ابراهيم في البوست المذكور. ليس مهما ان تصدق اوتكذب هذا. ولقد بهت اسامة الخواض حينها ولزم الصمت لثقته بي ، عندما عارضته في وصفك بالشبح ظنا منه بأنني اعرفك. وقد بينت لاسامة الخواص ماوقع من خلط في الأسماء بعد أشهر طوال.

ولا حقا ولا كلام فارغ!
طالما في راصك اسم واحد اسمو (ناظم)
و(عارضت) سيد البوست الفي راصه واحد اسمو (حاتم)
وطول الفترة دي كلها المداخلة قاعدة قدامكم الاتنين وباسمي
وتقوم تنتظر (أشهر طوال) بدون ما تعدلها وتتفاجأ بوجودها بعد تورطك
ثم تقول كنت ملخبط الأسامي فدا يبقى كلام فارغ.

_____
دي محاولة سيئة السبك لا تختلف عن إنكارك لبذاءة رسائلك الموجهة لشخصي.

يا حاتم ابراهيم،

مللت من التوضيح : اذا أخذت حديثي عن الخلط الذي وقع لي بين اسمك واسم ناظم ابراهيم كان خيرا، وان عددته لغوا كان أيضا خيرا. ولا سبيل لك، مهما كتبت، لوصف رسائلي الموجهة لك او لغيرك بالبذيئة، ذلك انها خلو مما ينطبق عليه المعنى القاموسي للبذاءة.

دخلتك في البوست دا يعتبر غلط، والتوقيت الذي اخترته للهجوم برضو غلط، لأنو جاء بعد ما انا اعلنت في احد البوستات عن توقفي عن وصفك بالشبح، والشبح لاتصنف شتيمة، ناهيك عن ان تكون بذيئة. تعاملت معك في رسائلي كشبح مجهول الهوية. ولما بين لي بوست قديم وقفت فيه على احتفال نفر من اصحابك بك، ان اسمك هذا حقيقي. وليست بي رغبة للإضافة والله. ماتهيج ساكت في الفارغة.

Quote: امير الكذاب, المداخلة دى من باب رفع عداد القرايات و كده

Quote: Lالحرامى حاتم ده لو ما جيت, ولو جيت و قلتا انا ما حرامى يبقى كذّاب و شبح عليك الله ما تحاول تبقى صاحبى و تفتح لى موصوع القرايات لامن كتبت مداحلتى عدّاد القراية كان 12084 ياخى المفروض تسألنى انا شارد من البوست ده ليه اقيف معاهو فى الجتة دى الزول مجتاج ليك ياخى و زاد وجدو خليناها نظرة يا السمجة ام عحن نشوف لو بنظرة اوفى المعياد

يا سيد جلال
محاولة التمادي في الغلط و الاستمرار في وصفك لي بكلمك كذاب ، لن تفيدك في شيء
فجميع المعلومات التي إستندت عليها في إدّعاءك قد تم دحضها في هذا البوست !
غايتو إلا كان شغلك دا عضل ساي ! لاكين برضو ما بحلّك ، فقد تم كشف الحقيقة للناس هنا !

كما إنّو محاولة الإستظراف و التعامل مع الأمر بشيء مت الاستخفاف كنوع من تشتيت الكورة لن يفيدك في شيء !!
انت و مصداقيتك في محك هنا ، و انت مطالب بالاجابة علي الأسئلة التالية :
(١) لماذا كذبت و قلت انك طلبت مني إيميل حاتم و أنا قلت ليك ما يعرفو ؟
مع إنّو صورك المراسلات بيننا توضِّح انك طلبته مني و أنا أديتك الإيميل !!
(٢) لماذا قلت انني أخبرتك بوحود تواصل بيني و بين حاتم عبر الفيس ؟؟
(٣) هل توجد أي مراسلات أو اتصالات بيننا غير التي أوردتها أنا في هذا البوست ؟
(٤) لماذا إذاً كذبت عليّ و قوّلتني ما لم أقل ؟
(٥) لماذا أوحيت للزملاء بوحود شيء أخفيه أنا و تستند عليه انت في وصفي بالكذب ؟؟
(٦) من الكاذب فينا يا جلال ؟ و اذا كان عندك أي دليل علي إثبات قولك ، لماذا لا تبرزه ؟

هل تعتقد يا جلال إنّو التمادي في الغلط و الشتم دون مسوغات سيخرجك من هذا المأزق الاخلاقي و التجنّي عليّ ؟
انت مطالب بالاجابة علي الأسئلة أعلاه يا جلال ، و اتحداك ان تثبت انني كذبت عليك من قبل
اما كذبك انت و تدليسك ، فقد استطعت كشفه للعيان !

....

أرجو ان تتحلّى بالشجاعة الكافية و شيء من إحترام الذات و توضّح للناس لماذا كذبت عليّ و قوّلتني ما لم أقل ؟
و لتعلم ، إنّو التمادي في ارتكاب الخطأ و المكابرة ، سوف لن يكون لك مخرجاً !
فلا تحاول خلط الأوراق و إقحام موضوع حاتم في الأمر !
هذا أمر بيني و بينك فقط !
أرجو ان لا تحاول ان تتذاكى و تشتت الكورة بمحاولة الإستطراف و إظهار اللا مبالاه !!
أنا و غيري من الزملاء هنا في انتظار توضيح منك !
و الأسئلة أعلاه ستظل في انتظارك حيثما حللت !!

ياحاتم ابراهيم،

في أكثر من مداخلة - ان لم تخني الذاكرة التي اعتمد عليها فيما اورده- كتبت ان ايقافي من الكتابة في الموقع قد حدث لسوء السلوك. فهلا بينت للقراء طبيعة السلوك السيء الذي كان سببا في ايقافي؟!

انت جاي تلمع روحك.

Quote: حاتم سلام طيب خلاص ما تزعل الصور ما عندها أي علاقة بالنقاش الداير دا وأنا نزلتها بطريق الخطأ، وآسف (وجلّ من لا يسهو) Re: خبايا مشروع أبولو وخدعة الوصول للقمرRe: خبايا مشروع أبولو وخدعة الوصول للقمر

دي يا الصادق اللحظة البديت فيها الغبينة على حاتم.
ليه أي واحد نطلعوا غلطان يزعل؟

انت رجل بارع في المراوغة. عفيتك من الإجابة.

Quote: ياحاتم ابراهيم، لا تنس مخاطبة الناس بأسمائهم فإن تعمّدك إغفال الأسماء يدلّ على كِبر وتيه. خذها نصيحة مني.

!!

Quote: اما امر بقائي أو خروجي فمتروك للمدعو أمير بوب

🤔

ياامير،بوستيك دا مهم حقو توديهو الربع الجايي،لكن شايف فيهو اكتر من 200 مداخلة،قول لبكري يمسح المداخلات الزائدة...
لو مسح مداخلاتك كلها ،سيظل هذا البوست مهم..


*دار اقول شنو،عليك الله نزل لينا قصيدة من قصايدك،أعدك ح نقرا ونصمت..

تحياتي (شايفك الأيام دي قايم فيها جديد)

🤔

يا سيد جلالدونا
تهرّبك من البوست و عدم مواجهة الأمر
او محاولة الإستخفاف و إظهار عدم اللامبالاة
حول واقعة كذب و تدليس و بهتان واضح وضوح الشمس
فيه إستهتار و عدم إحترام لهذا المكان و لأعضاء المنبر و لنفسك في المقام الاول !

...
كل الحركات دي لا تفيد و لا تغيّر شيء
انت مطالب إما بالإعتراف بما أوردته انا هنا من حيثيات و أدلّلك دامغة تديّنك أخلاقياً
و إما ان تدحض أقوالي و براهيني و تأتي بما عندك و حينها سأعتذر لك !

😜

أستاذ عليش

سلامات

أعجبني دفاعك المجيد عن "الأدب"، وفرادة ماهيته..

وتستحق "أوسكار الأرشفة" على التالي نصّه:

Quote: لو مسح مداخلاتك كلها ،سيظل هذا البوست مهم.

يا امير قلنا ليك اصبر ياخى
بعدين اشمعنى انا متهرب و حاتم سافهنى بى هناك
قليل من الاتساق لا يضر

؟؟؟
باين عليك يا جلال سمعتا نصيحة عمر التاج !
الراجل قال كان بهظّر معاك ساي !!
معقولة بس ؟

يا زول علاقة البوست دا بمطاردتكم لحاتم شنو ؟؟
حاتم يدخل البوست داك او ما يدخل دا موضوعو !
و بعدين حاتم موضوعكم معاه شأن عام ... سرقة ادبية ، تشبيح او غيرها من مما يعتقد البعض !
موضوع البوست دا يا جلال موضوع شخصي ، انت متهم فيه بالتعدي علي زميل و شتمه و الكذب و التدليس
و تم إحضار بعض الأدلّة التي تثبت ذلك !
يعني مصداقيتك علي المحك و إحترامك لنفسك و للمنبر و للزملاء يستوجب عليك إما إثبات كلامك او الإعتذار عنه
دا هو الإتساق الحقيقي يا جلال و مواجهة الامور و ليس البحث عن مخارج و التحجّج بعدم دخول حاتم البوست بتاعك !!
قليل من الموضوعية لا يضير !
بعدين حكاية اصبر لي دي شنو ؟
ليك اكتر من اسبوعين متواجد في المنبر و تتداخل و ساكّي ليك مواضيع ميتة
و تتحجّج بالصبر مرة
و بعدم استجابة حاتم !!
عموماً , انا العندي قلتو ، و قدمت دفوعاتي
و رغم انني لم اكن اتوقّع منك إعتذاراً و لكن علي الأقل كنت اتمني ان تكون اكثر صدقاً مع نفسك و مع زملائك في المنبر
و تمتلك فضيلة الإعتذار و القدرة علي النقد الذاتي حين يتطلب الأمر و تتراجع عن خطأك بدل التمادي فيه ، و لكن
أحبطتني جداً و معي آخرين !
أسوأ شيء هو ان يكذب المرء يا جلال
و في منبر عام !!
و الأسوأ من ذلك ان يتمادى في الكذب و هو أعلم الناس بأنه يكذب
و يتحرّى الكذب ، حتي يكتب عند الله و الناس كذّابا !
...

اعتقد اني كنت عادلا معك ، و جدت لك الأعذار اولاً
ثم منحتك الوقت الكافي لإثبات كلامك و كل الصلاحيات و ظللت انتظرك هنا لأكثر من اسبوعين لأعطيك حق الرد ... و لكن !!
عموماً ، البوست بالنسبة لي أدّى غرضه و انتهى !
و لا رغبة لي في التداخل و الأخذ و الرد مستقبلاً حول الموضوع دا !
فأنت بكل أسف صرت بالنسبة لي كرت محروق !
سوف لن اتطرّق مجدداً للأمر ، و لتذهب عني غير مأسوفاً عليك !

هذه آخر مداخلة لي معك حول موضوع البوست دا ، و لن أستجيب لأيّ إستفزازات مستقبلية !
و ربنا يعدل طريقك و يصلح حالك يا زول !!

....

إنتهى !!

و تم إحضار بعض الأدلّة التي تثبت ذلك !
ــــــــــــــــــــــــــــ
وين باقي الأدلة...هل تريد تضليل العدالة؟

بعدين (انتهى) البتقولا دي،ياها ذاتا انتهى المعروفة وللا واحدتا خلافا؟

شكراًً يا عليش !

أيّ كلام ممكن يتقال حول موضوع البوست قد قيل
و تم إستنفاد جميع الفرص !
و عليه ، فإن البوست قد أدّى غرضه و انتهي !
الشكر لكل من قال كلمة حق او وقف علي مسافة واحدة و بموضوعية
و الشكر كذلك لكل من أحجم عن التداخل و قول كلمة حق ، فربما لهم من الأسباب و الدوافع ما نجهله !
....

يتم قفل البوست من جانبي و سوف لن اتطرّق للأمر مجدداً
و لن أستجيب لأيّ جرجرة مستقبلية و لن أتداخل في أيّ بوستات أخري حول نفس المضمون !!
فقد سبق السيف العزل !
هذه آخر مداخلاتي هنا كذلك !

...
تحياتي للجميع و العفو و العافية !

لالا يازول قلت ليك اصبر جاييك
حتى بالامارة قلت ليك شيل الصبر
مو ياها تهمة انك كذاب
من مداخلاتك بثبتا ليك
بس بصراحة هسى ما فاضى ليك
فى موضوع اهم من موضوع كذبك
شغال فيهو

عفواً للعودة مرة أخري للبوست بعد ان قلت انها ستكون آخر مداخلاتي !
و لكنها عودة للإعتذار لكل من تخاشنت معه
ليست لي عداوات و لا غبائن شخصية
ربما يكون اسلوبي مستفز أحباناً و فيه بعض التجاوزات
و لذلك أعتذر للجميع بدون فرز و بدون تفاصيل .
إعتذار خاص لأخونا محمد محمود محمد لأيّ سوء فهم او مخاشنة ( الراجل دا طلع صاحب أخوي) !
و للجميع العتبى حتي يرضوا !
اليوم آخر يوم للأرشفة ، و لذلك أردت توضيح نفسي و الإعتذار عن أيّ خطأ او هفوة في حق زميل !
سأغيب عن المنبر إبتداءً من اليوم
و سأتوقف عن الكتابة و المداخلات لفترة
و ربما اعود مستقبلاً.

التحية و التقدير للجميع
و ما بيننا إلّا المحبة و الاحترام المتبادل !

...
🌹🌹

تحياتي !

سأغيب عن المنبر إبتداءً من اليوم
و سأتوقف عن الكتابة و المداخلات لفترة
ـــــــــــــــــــــــــ

كداااااب....دي قلناها ليك عشان نديك فرصة لبوست الربع الجديد :عليش...كش ملك (مالقيت علامة التعجب في الكيبورد)

Quote: كفاية عليش وجماعتو

يا أستاذ عليش، ليه عمر دفع الله زعلان منك ومن"جماعتك"؟؟؟

خالص الاحترام