بُكرة النِقة ...

09:22 PM October, 17 2017

سودانيز اون لاين
معاوية المدير-بكندا محافظة البرتا
مكتبتى
رابط مختصر

بكرة النقة، بكرة النقة، بكرة النقة،
بكرة النقة، بكرة النقة،
بكرة النقة ... إلخ

يا يوم بُكرة ما تسرع
تخفف ليّ نار وجدي





أو زي ما قال الغناي ...

مما جبت الرشاس الجديد ما كتبت بوست،
ؤ هسّع غالبني أصبر .


يا بكري رجاءً ما تنقل المنشور دا ...

عندي بوست تحت عنوان (الجدادة المفقسة)
فترقبوه ...

الما شاف الفلم دا يشاهدو،
عاجبني قلت أعملو دعاية .

شوفوهو عشان تعرفو الأمريكان
بيظعطو الفارات كيف،

ثم وبكرة النقة ...

نباصر في الدغت والسكري
اليومين ديّل حوش بكري زادلهن النحار .


لا يفوت عليكم البوست دا بتاع نقة،
وهذا للتنبيه ...

انت وكت جدادك لسه راكض الشفقة العليك شنو ؟ خلها تشرق ..
عودا حميدا وكل ارشفة وانتم بخير.

وإنت بخير يا ملك .
وحات الله ضايق ضيّق أكعب من ضيّق بِت العطا
اللحقوها سجما في المقابر .
الجدادة ياها دِيييييك تسمع في كلآمك حافرالآ حفرة
جنب الصاج في التُكُل ؤ حاضنا البيض ...

غايتو عندى غبينة حالف ما بخليها مع المدعو محمد حيدر المشرف
بمشى ابحتا ليهو و اوريهو المكشّن بلا بصل

يا جلالدونا إنتظرونا ؤ مشكور علي الزيارة والأيام الجميلة
القضيتا معانا، والمرّة دي البوستات لا عن طريق التلفون
ولا حاجة بالدرب العدييييل كدا، خلّي ايّ مستنير أو مُدعي
إستنارة يجي يلوي حنكو ...

اللخو دا ما يفكلنا الشغلآنية دي يخلينا
ننِق !...

مرحبا ود المدير ( مرحبا دي حسب قلاصتكم يا ناس البارات )
بعد الأرشفة عندي بوست ( النجار والنبلة ) روج لي معاك ليهو هنا .
خخخخخخخخخخخ
جلالدونا قوم لف .

مرحبا يا طلحة (بعد بقينا نكُب التلج للحمر ثم وتركنا المريسة
التكمّل نفسك بعد تكون إتخطيت مرحلة الرغوة لشفطة).

(النجار والنبلة) منتهى الإثارة، الواحد لو ما كشف نفسو من بدري
هسّع كان عملت فيها شبح الربع الجديد . حبوبتي من سغيّر بتقول
لي، إنت طايحة فوقك شفقة بت العطا .

يا أهل الحوش أعينوا أخوكم طلحة بحُجار النبلة ...