قريت العنوان .... قايلك عايز تقول ده عدد الفنانين المسجلين في الإذاعة منذ نشأتها.
قلت معقول يكونوا كتيرين كده؟
Post: #13 Title: Re: 260 فنان Author: حمد عبد الغفار عمر Date: 10-15-2017, 12:38 PM Parent: #6
حيدروف لا هذا ولا ذاك بل الشهادة والعمل الطيب لو سمعتا البشرية دي بتغني
Post: #9 Title: Re: 260 فنان Author: حمد عبد الغفار عمر Date: 10-15-2017, 05:49 AM
تعرف يا عليش انا بعد رديت لامجد قررت انوم وانا بستحم عندي غنية بغنيها بس في استحمام الصباح بس تعرف في نص الاغنية اتذكرت موضوع الشهادة بتاع البوست دا سالت نفسي يا ربي كتبتها السهادة السودانية ول خليتها مفتوحة على مصراعيها واهو زي ماشايف لقيتوها على مصراعيها
لو مافيها تدخل في الخسوسيات،دار نعرف الغنية شنو... لو بقت واقف براك والدش عصف،بكون انا حاوي عديل كدا
Post: #11 Title: Re: 260 فنان Author: Osman Mahmoud Date: 10-15-2017, 07:23 AM Parent: #1
التحية لك ولضيوفك الكرام ..
كل الفنون الابداعية لو صح التعبير متوقفة ان كانت ادبية او رياضية وغيرها .. تكاد لا تجد غير الغناء والموسيقى مرحبا بهم على طريقة المثل " الجفلن خلهن اقرع الواقفات" ..
---------------------------- قناة انغام هي الراعي للمسابقة ام الجهة المنظمة لها ..؟ وهل المسابقة في تأدية مجموعة اغاني محددة يتسابق فيها المؤدون ..؟ اخشى ان تكون مسابقة لإجازة الاصوات والاداء بعيدا عن الجهات الرسمية التي يجب ان يكون منوط بها مثل هذه الاعمال لو كان من اتحاد الفنانين او اتحادات شبابية او غيره من الجهات الرسمية ..
.
Post: #12 Title: Re: 260 فنان Author: حمد عبد الغفار عمر Date: 10-15-2017, 11:11 AM Parent: #11
هلا ايمن الصادق الواحد دا منقصو مالك. رغم انو الواحد ما ضد الجديد والتجديد لكن بشتنة الغناء دي بتعمل لي نفسيات في لحظتها الجديد مفروض لو ما اتفوق على القديم على الاقل يكون زيو او قريب منو على امل التفوق مستقبلا السنة الفاتت حصرت كم نموذج من نجم الموسم دا شيء ما مستساغ ابدا
Quote: 99.9 أنصاف مواهب ، خدمتهم الواسطات . ! ما هو بنعيش اختلال المعايير في كل شئ . سلامات يا حمد .
كنت قايل دي المهنة الوحيدة في دنيتنا اليوم, الواحد بجيبها بضراعو او حنجرتو. اوه نسيت الرياضة ___________ ياها كفر و وتر
Post: #16 Title: Re: 260 فنان Author: حمد عبد الغفار عمر Date: 10-15-2017, 04:41 PM Parent: #15
عزيز الفنان كيفك
Quote: مثل هذه المسابقات مهمة جداً ولكن تحتاج للجان متخصصة ودقيقة جداً وصارمة حتى يتم الاختيار بإمكانيات جيدة تستطيع المساهمة في خارطة الغناء والموسيقى..
كويس انك حضرت اليوم الختامي وبرضو قلت ضعيفين أنا حضرت الحلقات الأولى تتخيل كانوا كيف؟ مافي أي صرامة ولا تخصص ياخ معقول يتفتح المجال لآلاف المتسابقين باسم فنانين أي زول قال انا بغني يخلو يغني في وسائل الإعلام اتوقع يتنافسوا 30 -50 متسابق في اختبارات صوتية قصيرة يختارو منهم 20 مثلا عشان يبتدوا المنافسة وبنماذج غناء مختلفة عشان تقدر تتطلع ليك منهم 2-3 فنانين تقول عليهم كويسين
Post: #17 Title: Re: 260 فنان Author: حمد عبد الغفار عمر Date: 10-15-2017, 05:04 PM Parent: #16
أبو الريش كيفك
دا غير ناس نجوم الغد وأغاني وأغاني وفنانين رمضان انا لو لقيت طريقة ح أحاول في البوست دا قبل الأرشفة أحصر الفنانين الظهرو من الأربعينات لحدي الثمانينات
المشكلة وين تعرف؟ الكم الهائل دا كلو مدور في أداء بالكتير 30 أغنية من الغناء السوداني تكرار مبالغ فيهو
Post: #18 Title: Re: 260 فنان Author: حمد عبد الغفار عمر Date: 10-15-2017, 05:27 PM Parent: #17
مرحبتين عثمان محمود
Quote: اخشى ان تكون مسابقة لإجازة الاصوات والاداء بعيدا عن الجهات الرسمية التي يجب ان يكون منوط بها مثل هذه الاعمال لو كان من اتحاد الفنانين
يا سلام على الجملة دي لخصت كل الأمر بدون جزم، احتمال جدا يكون في غياب تنسيق بين هذه القنوات ووزارة الثقافة واتحاد المهن الموسيقية كجهات اختصاص تضم المهتمين بترقية الفنون ممن يمتلكون القدرة على التقييم السليم لمثل هذه الحالات. وبرضو معاك نرحب بكل صاحب موهبة حقيقية
Post: #19 Title: Re: 260 فنان Author: حمد عبد الغفار عمر Date: 10-15-2017, 05:39 PM Parent: #18
هلا وليد هاو آر يو
Quote: قصدك أكتر من المستمعين !
لو ما أكتر، شكلو الخطة الخمسية الجاية حيكون فنان لكل بيت
Post: #20 Title: Re: 260 فنان Author: حمد عبد الغفار عمر Date: 10-15-2017, 05:44 PM Parent: #15
الحبيب محجوب هلا بيك
Quote: كنت قايل دي المهنة الوحيدة في دنيتنا اليوم, الواحد بجيبها بضراعو او حنجرتو.
للحقيقة من زمان فيها الواسطات والمساعدات لكن زمان الواسطة ما بتقدم إلا زول متأكدة منو (الواسطة زاتها كانت بضمير) لأنو الناس كانوا بستمتعوا بالغناء بالتالي زول بخرب المزاج الواسطة ما بتفيدو
Post: #21 Title: Re: 260 فنان Author: حمد عبد الغفار عمر Date: 10-15-2017, 05:57 PM Parent: #20
Quote: لو مافيها تدخل في الخسوسيات،دار نعرف الغنية شنو... لو بقت واقف براك والدش عصف،بكون انا حاوي عديل كدا
يا عليش ياخ أنا أقوم من الصباح أغني واقف براك والهم عصف معقول ياخ واقف براك دي بتذكرها لما تكون واقف قدام الكاشير والشاشة عاملة 400 ريال ولسه نص الحاجات بما فيهن حاجات الحاجة ما دخلن على الباركود
لكن على رغم من خصوصية الخاص على قول أبو سن طلبك غالي
هلا بالعزيز حمد عبد الغفار خلعتنا بالعنوان انا قلت خلاص عملت لينا أرشفه حلوه بس انت لو بتصدق أن الفنانيين اليوم أصبحوا أكثر من الآلات الموسيقية الزمن ده اي زول عنده خاله أو عمه او اخوه او صحبه في قطر او الامارات جاب له أورقن طوالي عاوز يبقي فنان وين زمن الفن وين زمن القصائد ..................... ولكم خالص تحياتي
Post: #23 Title: Re: 260 فنان Author: حمد عبد الغفار عمر Date: 10-15-2017, 08:24 PM Parent: #22
هلا حامد الغبشاوي
Quote: بس انت لو بتصدق أن الفنانيين اليوم أصبحوا أكثر من الآلات الموسيقية الزمن ده اي زول عنده خاله أو عمه او اخوه او صحبه في قطر او الامارات جاب له أورقن طوالي عاوز يبقي فنان وين زمن الفن وين زمن القصائد
الله يقطع الأورغن رغم حبي ليهو لكن مستخدم بشكل سيء مع ناس ضعيفي المهارات الغنائية في آخر إجازة لي كان عندنا حفلة حنة بفنان صاحب أولادنا مع أورغن بغني في حب الناس بتاعة الخالدي في آخر مقطع بتاع ما أصلو البزورو الريد حب الناس بزور قلبو عسّما تعسيم وزمنو فرق كنت جنبو قلت ليهو جيب رشيتها ليهو لما بتاع الأورغن قعد يضحك وطلب مني أديهو أغنية تانية
زمن الغناء السمح ولى خلاس نحن ماسكين من الكاشف لحدي سيف الجامعة وبس
Post: #24 Title: Re: 260 فنان Author: حمد عبد الغفار عمر Date: 10-16-2017, 07:05 PM Parent: #23
كدي نحاول نبدأ فناني الحقبة المتقدمة في الغناء الحديث
الكاشف- أحمد المصطفى- حسن عطية- رمضان حسن - التاج مصطفى - عبدالدافع عثمان- عثمان حسين- الخير عثمان - اسماعيل عبدالمعين
عثمان الشفيع - عبيد الطيب - محمد حسنين - عبيد عبدالرحمن.
ديل 13 فنان كحقبة متقدمة في الغناء الحديث قدموا أروع الغناء الذي لا يزال يُردد
