قاعدات يجنو برجلينهن!

قاعدات يجنو برجلينهن!


10-14-2017, 02:00 PM


  » http://sudaneseonline.com/cgi-bin/sdb/2bb.cgi?seq=msg&board=490&msg=1507986008&rn=43


Post: #1
Title: قاعدات يجنو برجلينهن!
Author: أيمن محمود
Date: 10-14-2017, 02:00 PM
Parent: #0

01:00 PM October, 14 2017

سودانيز اون لاين
أيمن محمود-etganonline.com
مكتبتى
رابط مختصر

لا غصب .. لا احتيال!
قروش بس!

بالغات وعاقلات!

Post: #2
Title: Re: قاعدات يجنو برجلينهن!
Author: أيمن محمود
Date: 10-14-2017, 02:16 PM
Parent: #1

والا فما الدعارة؟!!

Post: #3
Title: Re: قاعدات يجنو برجلينهن!
Author: Mahjob Abdalla
Date: 10-14-2017, 02:20 PM
Parent: #2

يا مان
بوستيك ماشي في اتجاه غلط

كدا فكر في الفكرة مرتين و بعد داك واصل

Post: #4
Title: Re: قاعدات يجنو برجلينهن!
Author: حامد بدري
Date: 10-14-2017, 02:26 PM
Parent: #3

ده زول مبتز وتافه ومريض
مرحبا ياهندسة

Post: #5
Title: Re: قاعدات يجنو برجلينهن!
Author: Hatim Alhwary
Date: 10-14-2017, 02:43 PM
Parent: #4

لو "قاصر"...
كلام رضاها وما رضاها...مردود

Post: #6
Title: Re: قاعدات يجنو برجلينهن!
Author: سيف النصر محي الدين
Date: 10-14-2017, 02:52 PM
Parent: #5

17 سنة ما عندها اي رضا في مواجهة رجل خمسيني.

Post: #7
Title: Re: قاعدات يجنو برجلينهن!
Author: كمال عباس
Date: 10-14-2017, 02:54 PM
Parent: #6

الناس في الغالب هنا)لا تتحدث عن ممارسة جنس بالتراضي وبلا مقابل مادي بين راشديين إنما عن ممارسة بغاء ودعارة -- ممارسة البغاء بين راشدين = الجنس بمقابل مادي !
أو إيغواء الفتيات وإيقاعهن بالشباك وشراء المتعة بوهج الفلوس ورنين العملة ! والبعض يتحدث عن مطلق ممارسة الجنس بين راشد وقاصر !

Post: #8
Title: Re: قاعدات يجنو برجلينهن!
Author: محمد البشرى الخضر
Date: 10-14-2017, 06:18 PM
Parent: #7

اضف لذلك يا أيمن استغلال النفوذ و تعطيل العدالة و النتيجة هروبه خارج البلد قبل المحاكمة

Post: #9
Title: Re: قاعدات يجنو برجلينهن!
Author: عبدالحفيظ ابوسن
Date: 10-14-2017, 06:23 PM
Parent: #8

تحياتي ايمن
وضيوفه
الخيار يحتاج لحرية الاختيار دون قيد

Post: #10
Title: Re: قاعدات يجنو برجلينهن!
Author: مهيرة
Date: 10-14-2017, 06:32 PM
Parent: #9

والجابتها أختها الطبيبة وانتظرتها برة عشان تاخد التمن

دى ذنبها شنو فى رأيك؟!!

تحياتى

Post: #11
Title: Re: قاعدات يجنو برجلينهن!
Author: جمال ود القوز
Date: 10-14-2017, 09:08 PM
Parent: #10

بتبالغ ! .. يا أيمن ..
الجمع هنا معيب جدا ..
فلا رضا لقاصر
ولوجات برجولها
واقرت برضاها وموافقتها ..
أختها الطبيبة
تتحمل كامل المسؤلية ..
وتتسجن لتغريرها بقاصر ..
كان ليهو هو المفروض يتعلق في ميدان عام ..
لانه ده افساد في الأرض ..

المخزي أن من استدرجتها هي أختها !! ..
بئس الاخوة .. أي درك سحيق هذا ! ..
فأي محاولة للتبرير يا أيمن ..
بتضعك في خانة لن تقبلها لنفسك ..
فضلا عن إنه ما بنرضاها ليك ..


غايتو كان ادوني أحاكمو كنت حاعلقه من كرفتتو ..
العفن ده ..
الله أداهو قروش ما يعرس يأخ ..
ولاّ بس عايز يعيث في الأرض فسادا ..





Post: #12
Title: Re: قاعدات يجنو برجلينهن!
Author: Sulaiman Adam
Date: 10-14-2017, 09:16 PM
Parent: #11

تبرير فطييير...زول مريض وجبان ليس الاتغرير بقاصر واستغلال الحوجة لممارسه حيوانيه لشخص بعمره

Post: #13
Title: Re: قاعدات يجنو برجلينهن!
Author: Hafiz Bashir
Date: 10-14-2017, 10:16 PM
Parent: #12



Quote: والا فما الدعارة؟!!


أظن ايمن نقل الكلام الفي العنوان و الفي اول مداخلة من مكان ما

و استنكر ما نقله في المداخلة التانية



Post: #14
Title: Re: قاعدات يجنو برجلينهن!
Author: امير بوب
Date: 10-15-2017, 01:05 AM
Parent: #13

Quote: غايتو كان ادوني أحاكمو كنت حاعلقه من كرفتتو ..


😜😜

....

ود القوز قوم علي حيلك !

Post: #35
Title: Re: قاعدات يجنو برجلينهن!
Author: جمال ود القوز
Date: 10-15-2017, 10:26 AM
Parent: #14

Quote: ود القوز قوم علي حيلك !


كان علقتو .. والله صحي ..

قوم عليك حيلك اتا ده يا بوب ..
وما أظنك تقدر تقوم ذااتو .. هههه ...

Post: #34
Title: Re: قاعدات يجنو برجلينهن!
Author: أيمن محمود
Date: 10-15-2017, 10:16 AM
Parent: #13

Hafiz Bashir
Quote: أظن ايمن نقل الكلام الفي العنوان و الفي اول مداخلة من مكان ما
و استنكر ما نقله في المداخلة التانية


Post: #37
Title: Re: قاعدات يجنو برجلينهن!
Author: جمال ود القوز
Date: 10-15-2017, 10:40 AM
Parent: #13

Quote: أظن ايمن نقل الكلام الفي العنوان و الفي اول مداخلة من مكان ما

و استنكر ما نقله في المداخلة التانية



يا حافظ يا مستنير ..
قوم على حيلك يأخ ..
وما ظنيتك تقدر تقوم ذاتو ..
يا طماع داير تكاوش اللين كلو مش كده ..
يلا قوم على حيلك سريع ... هههه ..




Post: #33
Title: Re: قاعدات يجنو برجلينهن!
Author: أيمن محمود
Date: 10-15-2017, 10:12 AM
Parent: #10

Quote: والجابتها أختها الطبيبة وانتظرتها برة عشان تاخد التمن
دى ذنبها شنو فى رأيك؟!!


من ناحية ذنب وما ذنب فلو كانت طفلة فبشتركو الاخت والرجل في الذنب وان كانت بالغة فذنبها وحدها يا مهيرة - ده من ناحية غير دينية!

Post: #21
Title: Re: قاعدات يجنو برجلينهن!
Author: أيمن محمود
Date: 10-15-2017, 06:23 AM
Parent: #9

مراحب يا ود ابوسن
Quote: الخيار يحتاج لحرية الاختيار دون قيد

انا مهتم شديد بمعرفة وجهة نظرك في الحتة دي تحديدا - حرية الاختيار دون قيد
ممكن تشرح لينا الحتة دي بالنسبة للبنات ديل؟!

Post: #20
Title: Re: قاعدات يجنو برجلينهن!
Author: أيمن محمود
Date: 10-15-2017, 06:19 AM
Parent: #8

Quote: اضف لذلك يا أيمن استغلال النفوذ و تعطيل العدالة و النتيجة هروبه خارج البلد قبل المحاكمة

ده براو وده براو يا ود البشرى
الرشوة والهروب ديل قضيات منفصلات عن القضية الرئيسية ومافي خلاف انهن جرمين يجب ان يحاكم عليهما ويعاقب

مسألة استغلال النفوذ وتعطيل العدالة في السودان ظاهرة منتشرة جدا .. معظم السودانيين لما يكون عندهم مصلحة في مؤسسة حكومية او خلافها بفكر لو عندو زول يقوم يستغل ليهو نفوذو ... من استغلال غفير المستشفى لحدي الوزراء

Post: #19
Title: Re: قاعدات يجنو برجلينهن!
Author: أيمن محمود
Date: 10-15-2017, 06:13 AM
Parent: #7

Quote: الناس في الغالب هنا)لا تتحدث عن ممارسة جنس بالتراضي وبلا مقابل مادي بين راشديين إنما عن ممارسة بغاء ودعارة -- ممارسة البغاء بين راشدين = الجنس بمقابل مادي !
أو إيغواء الفتيات وإيقاعهن بالشباك وشراء المتعة بوهج الفلوس ورنين العملة ! والبعض يتحدث عن مطلق ممارسة الجنس بين راشد وقاصر !


البغاء والدعارة منتشرات في الخرطوم وعندهن شارع باسمهن
بمارسوها الاثرياء وغير الاثرياء - يخيل لي انت اغفلت اهم حاجة اثارت الناس وهي لأنو زول ثري!

Post: #17
Title: Re: قاعدات يجنو برجلينهن!
Author: أيمن محمود
Date: 10-15-2017, 06:08 AM
Parent: #5

Quote: لو "قاصر"...
كلام رضاها وما رضاها...مردود

صحيح يا هواري .. صحيح
لو قاصرات!

Post: #16
Title: Re: قاعدات يجنو برجلينهن!
Author: أيمن محمود
Date: 10-15-2017, 06:06 AM
Parent: #4

هلا يا حامد
Quote: ده زول مبتز وتافه ومريض

ممكن يكون مريض فعلا - لكن وين الابتزاز في انو عرض عليهن مبالغ مالية وقبلن؟!
الابتزاز لو ماسك عليهن حاجة!

Post: #15
Title: Re: قاعدات يجنو برجلينهن!
Author: أيمن محمود
Date: 10-15-2017, 06:04 AM
Parent: #3


Quote: بوستيك ماشي في اتجاه غلط

فقط ان ثبت انهن قاصرات حسب القانون السوداني وفي الحالة يرقى لأن يعتبر اغتصاب حتى لو برضاها!

Post: #18
Title: Re: قاعدات يجنو برجلينهن!
Author: Asim Fageary
Date: 10-15-2017, 06:12 AM
Parent: #15


سلام مربع

هل تعلم أنك إن كنت مدير في منشأة ومارست الجنس أو مقدماته مع اي موظفة تحت سلطاتك الوظيفية تعتبر متحرش ؟

حتى لو كانت راضية .. لأنك مديرها ببساطة لو ما وافقت هذا يعني أنك لن تنصفها في أدائها في العمل !

هذا ليس من عندياتي وإنما وفقاً لدورات تلقيتها في أنواع التحرش الجنسي من ضمن بعض الدورات القانونية في مجالات إجتماعية.

أنا علماني وضد ممارسة الجنس بمقابل مادي !

لماذا؟

أعتبر الجنس بمقابل مادي إضطهاد لإنسانية المرأة .. وإذا تكفلت الدولة بالمسؤولية الإجتماعية لما إحتاجت إمرأة أن تتكسب من جسدها مضطرة!

أما إذا كان الخيار بين البالغين الراشدين برضا تام دون مقابل مالي فهذا شأن آخر يندرج تحت الحريات الشخصية ولن يعرفه غيرهما إلا إذا كانت هنالك محاكم تفتيش وتجسس داخل المنازل .. ما نرفضه ولا نقبله لأنه تدخل في حريات شخصية !

مع تحياتي،،،

عاصم فقيري


Post: #22
Title: Re: قاعدات يجنو برجلينهن!
Author: أيمن محمود
Date: 10-15-2017, 06:29 AM
Parent: #18

عاصم سلامات ياخ ومراحب
Quote: ما إذا كان الخيار بين البالغين الراشدين برضا تام دون مقابل مالي فهذا شأن آخر يندرج تحت الحريات الشخصية ولن يعرفه غيرهما إلا إذا كانت هنالك محاكم تفتيش وتجسس داخل المنازل .. ما نرفضه ولا نقبله لأنه تدخل في حريات شخصية !

ليه يا عاصم ما اعتبرت البغاء حرية شخصية؟

هسا احنا امام قضية تفتيش وتجسس وتلصص كاملة الاركان تقوم بها شرطة الفضيلة

Post: #23
Title: Re: قاعدات يجنو برجلينهن!
Author: حامد بدري
Date: 10-15-2017, 06:38 AM
Parent: #18

صباح الخير عليكم

Quote:
الابتزاز لو ماسك عليهن حاجة!

مكتوب انو قاعد يصور الضحايا واغلب المبتزييين جنسيا بستغلو الصور
ظاهر الابتزاز هنا بالطبيبة المنتظرة تحت لو في تحقيق ونيابة تخاف الله كان ظهرت حقيقتو مو معقول واحدة تودي اختها وهي نفسها داعرة في استغلال هنا بي قروش بي كمبيالات بي صور جوال
المهم ابدا ماف تراضي

Post: #24
Title: Re: قاعدات يجنو برجلينهن!
Author: Asim Fageary
Date: 10-15-2017, 06:49 AM
Parent: #23


سلام أخي أيمن محمود

راجع كلامي .. وبعدين أديني تعريفك للبغاء .. إذا كان تعريفك للبغاء هو ممارسة الجنس بمقابل مالي فأنا أعتبر هذا ممارسة المرأة للجنس بسبب الحاجة للمال للتكسب من أجل العيش، لذلك أرفضه لأني مع توفر نظام يكفل المسؤولية الإجتماعية لكل أفراد الشعب ويحقق العيش الكريم الذي لا تحتاج المرأة تحت ظله بالتكسب من جسدها لأني أعتقد ان التكسب من الجنس مهانة للمرأة.

في ذات الوقت قلت رأيي في ممارسة الجنس (لا أسميها بغاء) إن كانت بالتراضي بين البالغين الراشدين دون مقابل مالي (Making love just as a need for love ) هنا أرفض التفتيش على الممارسين وأرفض التدخل في الحرية الشخصية .. هنالك إختلاف كبير بين ممارسة وممارسة من أجل المال !

راجع ما قلته أنا وهو هنا أيضاً أدناه في المقتبس:


Quote: سلام مربع

هل تعلم أنك إن كنت مدير في منشأة ومارست الجنس أو مقدماته مع اي موظفة تحت سلطاتك الوظيفية تعتبر متحرش ؟

حتى لو كانت راضية .. لأنك مديرها ببساطة لو ما وافقت هذا يعني أنك لن تنصفها في أدائها في العمل !

هذا ليس من عندياتي وإنما وفقاً لدورات تلقيتها في أنواع التحرش الجنسي من ضمن بعض الدورات القانونية في مجالات إجتماعية.

أنا علماني وضد ممارسة الجنس بمقابل مادي !

لماذا؟

أعتبر الجنس بمقابل مادي إضطهاد لإنسانية المرأة .. وإذا تكفلت الدولة بالمسؤولية الإجتماعية لما إحتاجت إمرأة أن تتكسب من جسدها مضطرة!

أما إذا كان الخيار بين البالغين الراشدين برضا تام دون مقابل مالي فهذا شأن آخر يندرج تحت الحريات الشخصية ولن يعرفه غيرهما إلا إذا كانت هنالك محاكم تفتيش وتجسس داخل المنازل .. ما نرفضه ولا نقبله لأنه تدخل في حريات شخصية !

مع تحياتي،،،

عاصم فقيري


مع تحياتي،،،

عاصم فقيري


Post: #25
Title: Re: قاعدات يجنو برجلينهن!
Author: عبدالحفيظ ابوسن
Date: 10-15-2017, 06:57 AM
Parent: #24

يا ايمن حرية ان تختار دون ان تكون مجبرا
وان تتوفر لك الظروف التي لا تجعلك تضطر مجبرا

Post: #26
Title: Re: قاعدات يجنو برجلينهن!
Author: عبدالعظيم عثمان
Date: 10-15-2017, 07:02 AM
Parent: #25

سلامات يا أيمن

الموضوع هنا علاقته بالحرية الشخصية ضعيفه
لانه زي الزوول المعفن دا هو من وغيره تسببوا
في إفقار البنات ديل , منظومة الفساد في البلد الشغاله تنهب
هي من تسبب في هذه الحالة من الضعف للبنات وطلقت زي المعفن
يسرح ويمرح وتتم حماتيه وتهريبه وتاركا ضحاياه يواجهن
ظلم السلطة والمجتمع ...
الفقر والنفوذ والمال (عوامل رئيسية في الكيس دا بتقدر تسقطها)

Post: #27
Title: Re: قاعدات يجنو برجلينهن!
Author: Asim Fageary
Date: 10-15-2017, 07:04 AM
Parent: #25

Quote: يا ايمن حرية ان تختار دون ان تكون مجبرا
وان تتوفر لك الظروف التي لا تجعلك تضطر مجبرا



نعم ودأبوسن .. هذا الذي أقصد .. هنالك فريق بين ممارسة وممارسة من أجل المال (الحاجة التي تجبرك على فعل ما)

مع تحياتي،،،

عاصم فقيري


Post: #28
Title: Re: قاعدات يجنو برجلينهن!
Author: محمد أبوالعزائم أبوالريش
Date: 10-15-2017, 07:23 AM
Parent: #27


ببساطة، ممارسة الجنس مع من هن دون السن القانونية - أياً كانت الوسيلة للوصول إلى ذلك - تعتبر اغتصاب.

Post: #29
Title: Re: قاعدات يجنو برجلينهن!
Author: الهادي الشغيل
Date: 10-15-2017, 08:11 AM
Parent: #28

الراجل ده طلع عن طريق مطار الخرطوم وما بعيد يكون غادر عن طريق صالة الـ VIP بعد أن دفع المعلوم وبعد أن أتت التعليمات العليا بعدم التعرض له بل وتسهيل إجراءات سفره وما بعيد يكون تسابق الجماعة في المطار بسرعة ختم جواز سفره وإنهاء إجراءات المطار وحمل شنطته (صحبة راكب) ومساعدته بتوفير سيارة من الصالة إلى الطيارة مش باص زي الجماعة الغبش . ولو في رجال كان يوضع هذا المجرم على القائمة السوداء ويمنع من مغادرة البلاد ، ولو في رجال كانوا طالبوا دولة الأمارات بتسليمه ، ولو في رجال كانوا أبلغوا الإنتربول بضرورة تسليمه كمجرم هارب . لكن المسألة تم تسويتها في الخفاء ودبر الأمر بليل دون النظر إلى الدماء التي سالت والعروض التي انتهكت .
والله الواحد بطنو فايرة على الوغد ده .

سؤال يطرح نفسه لماذا ركز هذا الوغد على القاصرات مقابل دفع مبالغ خيالية ؟ تحليلي للموضوع هو أن الحقد أعماه ودفعه إلى ذلك وهو إسالة دماء بكارات القاصرات والتمتع بذلك لإرضاء غرور في داخله ، فربما يكون قد تعرض هذا الوغد المجرم لإغتصاب في طفولته ولد فيه كل هذا الحقد على المجتمع وها هو ينتقم بفض بكارات العذارى .
هذا مريض نفسي ويحتاج لإعادة تأهيل ولا يبرر مرضه مثوله أمام العدالة والاقتصاص منه ...
الله ينتقم من كل من ساعده في تسهيل هروبه من البلاد .

Post: #30
Title: Re: قاعدات يجنو برجلينهن!
Author: أحمد الشايقي
Date: 10-15-2017, 08:50 AM
Parent: #29



الاخوة الكرام

القانون الجنائي السوداني 1991 ورث قانون العقوبات الجزائية لعام 1983 (قوانين سبتمبر)

ولم يختلف عنه كثيراً سوى في طريقة الترقيم وبعض فروض الصياغة

هذه القوانين غيرت القاعدة عن قانون العقوبات الجنائية السابق لها ولم تعــد تهتــم بـــ

(رضـــا الطرفين) لذلك فأي علاقة جنسية لا تدعمها ثبوت واقعة الزواج تعتبر (جريمــة)

وأصبحت القاعدة لتنزيل العقوبة هي قاعدة الاحصان وغير الاحصان فالزاني المحصن

عقوبته الإعدام وغير المحصن عقوبته الجلـد

أما ما يفيد في حالة البنت في ما دون سن البلوغ فهي اعتبار الرضا (اغتصــاباً) وهنا يتأكــد

تشديد العقوبة في حالتي الزاني المحصــن أو حتى غير المحصــن

أحمــد الشايقي

Post: #31
Title: Re: قاعدات يجنو برجلينهن!
Author: Asim Fageary
Date: 10-15-2017, 09:53 AM
Parent: #30


سلام مربع

هن كمان قاصرات ؟

دا موضوع تاني .. إذا هي قضية مركبة قاصرات ومدفوع لهن المال وكمان في واسطات (قوادات) .. القوادة نفسها قد تكون تمت بإستدراج أو إبتزاز إما أن تكون القوادة نفسها واقعة تحت الإبتزاز من المجرم الرئيسي أو أنها تمارس الإبتزاز على الضحايا .. غايتو القضية يبدو أنها مركبة !

دا كله كوم والحكومة البتهرب المجرمين دا كوم براااهوووو !

قال حكومة ذات مشروع حضـــــاري !


مع تحياتي ،،،

عاصم فقيري


Post: #32
Title: Re: قاعدات يجنو برجلينهن!
Author: مني عمسيب
Date: 10-15-2017, 09:58 AM
Parent: #31


التحية للجميع ...

يا ود البشري !!!!!!! معقول بس ؟
اضف لذلك يا أيمن استغلال النفوذ و تعطيل
العدالة و النتيجة هروبه خارج البلد قبل المحاكمة

يا ود البشري يا صديقي ! شنو الردود المزدوجة دي ؟
في بوست وضاحة كاتب كلام وهنا كلام بختلف !!!!
موش دا نفس الرد الادنتي بيهو هناك ؟

Post: #36
Title: Re: قاعدات يجنو برجلينهن!
Author: أيمن محمود
Date: 10-15-2017, 10:39 AM
Parent: #29

سؤال يطرح نفسه لماذا ركز هذا الوغد على القاصرات مقابل دفع مبالغ خيالية ؟
Quote: سؤال يطرح نفسه لماذا ركز هذا الوغد على القاصرات مقابل دفع مبالغ خيالية ؟

يا الهادي الشغيل
هل الشرطة قالت انهن قاصرات؟
هل لو جاء راجل يتزوجهن عشان "يسترهن" القانون بيمنع؟

Post: #38
Title: Re: قاعدات يجنو برجلينهن!
Author: عبدالحفيظ ابوسن
Date: 10-15-2017, 10:56 AM
Parent: #36

الجريمة 45ب
وليست 154
54ب من قانون الطفل
اغتصاب قاصر
العقوبة 20 سنة
حتي موافقته لا يعتد بها
ولا تعتمد

Post: #39
Title: Re: قاعدات يجنو برجلينهن!
Author: أيمن محمود
Date: 10-15-2017, 12:28 PM
Parent: #38

بالنسبة لي الموضوع فيه انة كبيرة جدا

يقال انو الشرطة متابعاه ليها شهور وهو شغال في البيعمل فيهو!!
والخلاصة حتى الان بنت واختها الطبيبة!

Post: #40
Title: Re: قاعدات يجنو برجلينهن!
Author: Hafiz Bashir
Date: 10-15-2017, 01:23 PM
Parent: #39



سلام يا ود القوز

هو أكان ما مشابرة مني أنا الوداني أشرح و أحلل شنو
لا عرفت ابلع لا عرفت امسح

غايتو يا أيمن حسن ظني فيك ما نفع كلو كلو.



Post: #41
Title: Re: قاعدات يجنو برجلينهن!
Author: Hafiz Bashir
Date: 10-15-2017, 01:34 PM
Parent: #40



Quote: الموضوع هنا علاقته بالحرية الشخصية ضعيفه
لانه زي الزوول المعفن دا هو من وغيره تسببوا
في إفقار البنات ديل , منظومة الفساد في البلد الشغاله تنهب
هي من تسبب في هذه الحالة من الضعف للبنات وطلقت زي المعفن
يسرح ويمرح وتتم حماتيه وتهريبه وتاركا ضحاياه يواجهن
ظلم السلطة والمجتمع ...
الفقر والنفوذ والمال (عوامل رئيسية في الكيس دا بتقدر تسقطها)


تشكر عبد العظيم
عبرت عني تماماً

ملحوظة: أتفاقنا هنا لا يعني تقارب في وجهات النظر في أي مكان آخر غير هذا البوست.
يعني الغبينة راااقدة في محلها


Post: #43
Title: Re: قاعدات يجنو برجلينهن!
Author: Asim Fageary
Date: 10-15-2017, 01:59 PM
Parent: #41

Quote: الاخوة الكرام

القانون الجنائي السوداني 1991 ورث قانون العقوبات الجزائية لعام 1983 (قوانين سبتمبر)

ولم يختلف عنه كثيراً سوى في طريقة الترقيم وبعض فروض الصياغة

هذه القوانين غيرت القاعدة عن قانون العقوبات الجنائية السابق لها ولم تعــد تهتــم بـــ

(رضـــا الطرفين) لذلك فأي علاقة جنسية لا تدعمها ثبوت واقعة الزواج تعتبر (جريمــة)

وأصبحت القاعدة لتنزيل العقوبة هي قاعدة الاحصان وغير الاحصان فالزاني المحصن

عقوبته الإعدام وغير المحصن عقوبته الجلـد

أما ما يفيد في حالة البنت في ما دون سن البلوغ فهي اعتبار الرضا (اغتصــاباً) وهنا يتأكــد

تشديد العقوبة في حالتي الزاني المحصــن أو حتى غير المحصــن

أحمــد الشايقي




سلام يا احمد الشايقي

أرجو إنه صاحب البوست ما يزعل لو حرفنا البوست عن مساره

يا أخوي يا أحمد الشايقي أنا غايتو عقوبة الإعدام للزنا دي في الإسلام أرى أنها غير واردة في نص قرآني لذلك لا أوافق عليها

وطبعاً هنالك تفاصيل كثيرة لمناقشة هذا الأمر

الإعدام من حيث هو .. حتى في قتل القاتل إن عفا عنه أهل الدم فليس هناك إعدام !

مع تحياتي،،،

عاصم فقيري



Post: #44
Title: Re: قاعدات يجنو برجلينهن!
Author: كمال عباس
Date: 10-15-2017, 02:10 PM
Parent: #41

سلام أخ أيمن كتبت
(بالنسبة لي الموضوع فيه انة كبيرة جدايقال انو الشرطة متابعاه ليها شهور وهو شغال في البيعمل فيهو!!والخلاصة حتى الان بنت واختها الطبيبة!)
أولا البغاء أو الدعارة = التصرف في الجسد (جنسيا)بغية الإنتفاع بعائد مادي ممارسة لاإنسانية - يرفضها الحس الإنساني والضمير الحي ! لهذا سميت بالرق الأبيض ! وبعدين بمناسبة الرق - كان هناك ي زمن الرق من يبيع حريته مقابل فلوس تعود لأسرته وأهله ومن يبيعه أهله برضاه ومن يسترق وفاء لدين مالي ! فهل تبرر وتبيح هذه المعطيات العبوديةوالرق ؟ هل يبيح التراضي الإسترقاق؟
* صحيح أن البعض وأن عظمت ثروته لايفلت من يد القانون وإنه قد يكون القبض والضبط تم نتيجة لتصفية حسابات ! * وأن المتهم أو الممارس لهذه الفعلة كان لينجو ببساطة وماكان لأحد أن يجروء علي إعتقالهم وماكان الأمر يصل لتدوين بلاغ لو كان المتهم - نافذ سياسيا أو له ضهر في الحكومة -فالقانون لايطال رموز وقيادات الإنقاذ وأسرهم ! ( يحدث في أحيان نادرة-في إطار الصراعات علي النفوذ وتصفية الحسابات في الحزب الحاكم -
أن يتعرض كوز للمسآلة القانونية)
having said that
ولكن كل هذا لايقلل كارثية وخطورة ممارسة البغاء والدعارة والإيغواء وإمتهان إنسانية الإنسانولايقلل من كارثة مواقعة القصر ! أقول هذا بصورة عامة - !

Post: #42
Title: Re: قاعدات يجنو برجلينهن!
Author: Basamat Alsheikh
Date: 10-15-2017, 01:55 PM
Parent: #40

يا ايمن
ما تدافع عن هذا الداعر الذئب ساكت،،،
اذا الشرطة بتقول انها متابعاه ليها شهور وانت بتقول ان الخلاصة هي بنت واختها
الطبيبة فليس معنى هذا انه لم يرتكب غير هذا الجرم الشنيع وهو، كما تصور ود بدري،
انه رلما كان يبتز هذه الطبيبة لاسباب شتى واجبرها على فعلتها القبيحة،،،
والصحف تقول انه كان يتصيد القاصرات وصحف اخرى تقول انه كان يدير شبكة دعارة
وسوف لن تظهر الحقيقة كاملة اذا لم يقف امام المحكمة يدافع عن نفسه والاتهام ياتي
بالادلة القاطعة الواضحة،،
وحتى ذلك الحين فهو في نظر المجتمع مذنب ويستحق كل هذا التشنيع بسمعته ما دام هو
هارب من العدالة...
برضي في البداية ، وزي ما قال حافظ بشير، ظننت فيك حسن النية وانك جيت تستنكر وتقول
اذا دي ما دعارة ،الدعارة حتكون كيفن!!! لكن وجدنا انك جاي تدافع عن الافعال القبيحة التي
كان يرتكبها هذا المجرم ،،بس لانه غني اراد استغلال الضعفاء واشترى الذمم ليهرب،،،
ودمت بخير وعافية




Post: #55
Title: Re: قاعدات يجنو برجلينهن!
Author: أيمن محمود
Date: 10-16-2017, 06:08 AM
Parent: #42

يا بسمات
Quote: اذا الشرطة بتقول انها متابعاه ليها شهور وانت بتقول ان الخلاصة هي بنت واختها
الطبيبة فليس معنى هذا انه لم يرتكب غير هذا الجرم الشنيع وهو، كما تصور ود بدري،
انه رلما كان يبتز هذه الطبيبة لاسباب شتى واجبرها على فعلتها القبيحة،،،

شكلك ما فهمتي كلامي كويس
الخلاصة:
اذا كانت الشرطة متابعاه شهور وهو برتكب في نفس الافعال دي فما المغزى من السماح له بارتكاب عدد كبير من هذه الافعال؟
بيفرق شنو لو اتقبض من اول فعلة؟
بعدين اذا كان في كجموعة كبيرة من الضحايا لماذا الحديث فقط عن الطبيبة واختها وتجاهل البقية؟!!

Quote: برضي في البداية ، وزي ما قال حافظ بشير، ظننت فيك حسن النية وانك جيت تستنكر وتقول
اذا دي ما دعارة ،الدعارة حتكون كيفن!!! لكن وجدنا انك جاي تدافع عن الافعال القبيحة التي
كان يرتكبها هذا المجرم ،،بس لانه غني اراد استغلال الضعفاء واشترى الذمم ليهرب،،،

برضو للمرة التانية كلامي معناهو انو دي دعارة عديل كده - ارجو انك تراجعي كلامي
دعارة فيها طرفين ما طرف واحد - والناس ما تطلع البنات ضحيات ساي وهن شريكات اصيلات في الحدث!

Post: #47
Title: Re: قاعدات يجنو برجلينهن!
Author: جمال ود القوز
Date: 10-15-2017, 05:10 PM
Parent: #40

Quote: سلام يا ود القوز

هو أكان ما مشابرة مني أنا الوداني أشرح و أحلل شنو
لا عرفت ابلع لا عرفت امسح

غايتو يا أيمن حسن ظني فيك ما نفع كلو كلو.



صدقني ..
ولا ينقّص من استنارتك هللة واحدة يا حافظ ..
إتا قايل شنو ! .. انت عملت العليك ..
وختيتا ليهو ونحن معاها فوق كوم مقنّطر ..
ومنو والقون .. أبا يشوتنا شاتك ااتا ده ..
أيمن راقد ليهو فوق راي مخالف لزاوية رؤانا..
فما اتعب نفسو كتير بمداخلاتنا الشافها مشاترة ..
يأخ ده جلّا مداخلاتنا اول الوست ..
وعفص ليها عشان ما وافقت رؤاه ..
حتى ما حاول يناقشنا ..
أها تاني شنو ليك !! ..

يا أيمن يأخ السويتا رقدت .. والله صحي ..
غايتو كان مرقنا من بوستك ده ..
بي تهديفة بوب .. واسكرو المستنير حافظ ..
تكون ماقصّرت معانا ..



Post: #53
Title: Re: قاعدات يجنو برجلينهن!
Author: أيمن محمود
Date: 10-16-2017, 05:59 AM
Parent: #29

Quote: سؤال يطرح نفسه لماذا ركز هذا الوغد على القاصرات مقابل دفع مبالغ خيالية ؟ تحليلي للموضوع هو أن الحقد أعماه ودفعه إلى ذلك وهو إسالة دماء بكارات القاصرات والتمتع بذلك لإرضاء غرور في داخله ، فربما يكون قد تعرض هذا الوغد المجرم لإغتصاب في طفولته ولد فيه كل هذا الحقد على المجتمع وها هو ينتقم بفض بكارات العذارى .


(إِنَّا أَنشَأْنَاهُنَّ إِنشَاء* فَجَعَلْنَاهُنَّ أَبْكَارًا* عُرُبًا أَتْرَابًا)[الواقعة: 35-37]
(فِيهِنَّ قَاصِرَاتُ الطَّرْفِ لَمْ يَطْمِثْهُنَّ إِنسٌ قَبْلَهُمْ وَلَا جَانٌّ* فَبِأَيِّ آلَاء رَبِّكُمَا تُكَذِّبَانِ* كَأَنَّهُنَّ الْيَاقُوتُ وَالْمَرْجَانُ)[الرحمن: 56- 58]
(وَكَوَاعِبَ أَتْرَابًا)[النبأ: 33]
يلا الزول ده بكون حدد المواصفات بناءا على مواصفات الحور العين .. لو دققنا ممكن نلقاهن (كَوَاعِبَ) برضو!
ولا مرض نفسي ولا اغتصاب
منطق والا ما منطق؟

Post: #52
Title: Re: قاعدات يجنو برجلينهن!
Author: أيمن محمود
Date: 10-16-2017, 05:49 AM
Parent: #23

مكتوب انو قاعد يصور الضحايا واغلب المبتزييين جنسيا بستغلو الصور
Quote: ظاهر الابتزاز هنا بالطبيبة المنتظرة تحت لو في تحقيق ونيابة تخاف الله كان ظهرت حقيقتو مو معقول واحدة تودي اختها وهي نفسها داعرة في استغلال هنا بي قروش بي كمبيالات بي صور جوال
المهم ابدا ماف تراضي
يا حامد بدري ما جبت اي دليل على انو مارس عليهن ابتزاز عشان يوافقنه!


Post: #45
Title: Re: قاعدات يجنو برجلينهن!
Author: محمد حيدر المشرف
Date: 10-15-2017, 04:55 PM
Parent: #1



ايمن وعاصم سلامات..

اثيرت كم فكرة هنا ..
احداها وردت في كلام العزيز عاصم المطمئن جدا الى انو الفقر هو الدافع لممارسة البغاء وبالتالي يخرج البغاء من اطار الحرية الشخصية ..

صحيح قد تكون الحاجة والفقر سببا من اسباب احتراف البغاء ولكن ..
ماذا لو لم يكن الفقر هو الدافع ..
بمعنى ان احداهن تمارس البغاء لا لفقرها ولكن سعيا وراء مزيد من الاموال وزيادة الدخل الخاص والحلى والمجوهرات والعربات الخ ..

هل يكون الامر حينها حرية شخصية ؟!
ماذا سيترتب عن ذلك من تكييف قانوني بالنسبة للعلمانيين السودانيين؟!


Post: #46
Title: Re: قاعدات يجنو برجلينهن!
Author: Asim Ali
Date: 10-15-2017, 05:09 PM
Parent: #45

Quote: ماذا لو لم يكن الفقر هو الدافع ..
بمعنى ان احداهن تمارس البغاء لا لفقرها ولكن سعيا وراء مزيد من الاموال وزيادة الدخل الخاص والحلى والمجوهرات والعربات الخ ..

اضافه الى ذلك البغاء مقابل الترقى او فرص السفر لمشاركات خارجيه او كوسيله لانجاز صفقات اواتفاقات.
ودى برضو كتيره فى زمنا العجيب دا

Post: #48
Title: Re: قاعدات يجنو برجلينهن!
Author: حمد عبد الغفار عمر
Date: 10-15-2017, 05:11 PM
Parent: #45

سلام يا أيمن والمشاركين

الزول دا ما ممارس عادي لل################ة
خطورتو في الإنتقائية واستهدافو لفئة محددة (مكتملات العذرية) مع سبق الإصرار والترصد
هنا الأمر بتحول لسلوك إجرامي يعمل على هدم المجتمع

Post: #49
Title: Re: قاعدات يجنو برجلينهن!
Author: حمد عبد الغفار عمر
Date: 10-15-2017, 05:16 PM
Parent: #48

المشطوبة ال رز يلة

Post: #50
Title: Re: قاعدات يجنو برجلينهن!
Author: كمال عباس
Date: 10-15-2017, 06:00 PM
Parent: #49

البغاء والدعارة ممارسة مرفوضة سواء ان كان الدافع البغاء هو الحوجة او الجشع من قبل الفتاة او شراء المتعة واستغلال الفتاة من قبل الرجل !!
موضوع الحرية الشخصية المطلقة. موضوع خلافي. بين أنصار الديموقراطية وانصار الليبرالية . الليبرالي يقدس الحربة الشخصية ويرفض تقييدها بينما الديموقراطي يشذب الحربة الشخصية. ويسيجها بحد أدني
من القيود والتشريعات !!
من هنا تجدني دوما أناصر الديموقراطية وأتعامل مع الليبرالية بعقل نقدي يثبت علي الإيجابي. ويرفض السلبي. !!
لست مع الليبرالية الاقتصادية المطلقة والاقتصادي الراسمالي المنفلت وإنما أقف مع الاقتصاد المختلط. !!وهذه نقطة خلاف جوهرية مع الليبرالية!
**. لست مع الليبرالية في مسالة البغاء وحرية التصرف في الجسد /٢/ ولست مع اباحة المخدرات ٣/ ولا الانتحار كخيار شخصي / ولا التعدي الصارخ والصريح علي حقوق الاخر باسم الحرية الشخصية
** البغاء كما الرّق يرفضه الحس الإنساني والضمير الإنساني السوي
** ممارسة البغاء والدعارة مقننة ومشروعة في بعض الدول ومحظورة ومرفوضة في دول ديموقراطية اخري مثلها مثل المخدرات العشبية !!

**. ممكن. جدا ان تكون علماني وديموقراطي وترفض الدعارة والمخدرات وتعترض علي الاقتصاد الراسمالي المطلق. ويمكن كذلك ان تظل ديموقراطي ليبرالي وعلماني وتثبت علي البغاء والمخدرات الخ
** مسالة الدعارة تحكمها إنسانيتك وضميرك بمثل ما تصدت الانسانية والضمائر الحية للرق حينما كان مشروعا بسلطة القانون ومباحا ومحللا بواسطة الأديان !

Post: #51
Title: Re: قاعدات يجنو برجلينهن!
Author: جمال ود القوز
Date: 10-15-2017, 06:10 PM
Parent: #49

كلام دعارة .. ده ما جاي ..
لان اختيار الزول المريض ده يقتصر على العذراوات ..
دعارة مارسنها متين يعني ؟ ..
قبل يفقدن عذريتهن !! ..
ده تغرير واستدراج واغتصاب ..
لا يعفيه شرع ولا قانون وضعي عن العقوبة المغلّظة ..
وهو اصلا عارف وضعو مطين ..
عشان كده أخدا من قاصرها واتخارج بره البلد ..

الفساد فساد نظام بي حاله ..
أفقر شرائح من المجتمع وجعلها تبيع اعز ما تملك ..
لقاء بريق حياة زائفة ولقاء مايسد رمقهن ..
فكان لابد ان النظام يهرّب المجرم ده بره البلد ..
لان هذا هو حصاد عبثهم بثوابت المجتمع وافقاره المتعمّد ..
وهم عارفين كده كويس ..
لها الله هذه الشرائح التي اندهكت وراحت اوانطة ..
واتماصت في موية مشروع حضاري أسنة ومعفنة ونتنة ..
لتمنح قوة وسلطة لمريض مثل هذا وتضع في يده مال ..
آتته له السلطة نفسها ليبتز ويعبث باعراض الأبرياء ..
بكل استهتار وصلف ..
دي راسمالية وسخة أحضرها النظام ..
من قاع المجتمع السوداني ومن أسفل سافلين ..
تحتشد بكم هائل المرضى النفسيين ..
والمرابين وميتي الضمير ومنعدمي الانسانية ..
لتجعلهم السلطة راسمالية بلد ليعينوها في الفساد والافساد ..
وزي ما قلت يا أيمن الدعارة ماليه البلد ..
الزول ده ما يمش شارع عبيد ختف وشققه ويقضي وطره ..
السآله منو ؟ .. والحيقبضو منو ؟ ..
ده لو أصلا ما يحركه هو وطره ..
هذا افساد في الارض ولابد من ملاحقته وعقابه ..
المعضله ان الفتيات هن من بُئن بشر صنيعه ..

هذه الملايين التي اندفعت ..
والمليارات التي تم الوعد بها لقاء غشاء بكاره ..
ولم تكن وبأي حال من الاحوال ..
مقابل دعارة لا تكلف الواحد بضع آلاف ..
فالناس حقو تفرّق قبل ان تاتي بحجة الدعارة دي ..
لانه دي ما دعارة ولا حاجتين ..

آسفين يأخ فرضنا نفسنا عليك يا أيمن ..
وانت ما شايف أي لازمة لي قاعدنا في بوستك ده ...
فاسمحا لينا في وشينا الشين ده ,, هههههه ..





Post: #54
Title: Re: قاعدات يجنو برجلينهن!
Author: Hatim Alhwary
Date: 10-16-2017, 06:08 AM
Parent: #51

تحياتي يا ايمن وضيوفه الاعزاء

مشكور يا كمال عباس على التنوير المعتاد

تصريح "الدولة" لعمل مؤسسات البغاء وتقنينه قد يكون هو الحل العملي وعن تجربة

البغاء كان موجود بالسودان وله مؤسساته والتي تخضع لشروط القانون ومتطلباته

البغاء المحترف والمؤسس يمنع حدوث كثير من الاختراقات والممارسات الخاطئة التي تمت خلال العقود السابقة نتيجة منعه وقفل دوره منع المحترفات من ممارسة المهنة

تسرب "البغاء والبغايا" الى الشارع والاوكار السرية كانت نتائجه كارثية في المجتمع

Post: #57
Title: Re: قاعدات يجنو برجلينهن!
Author: عمر دهب
Date: 10-16-2017, 06:12 AM
Parent: #51

المؤلم اكثر حكايه اختها الطبيبه القدمتها
ياريت الكلام دا مايكون صحيح

Post: #56
Title: Re: قاعدات يجنو برجلينهن!
Author: أيمن محمود
Date: 10-16-2017, 06:11 AM
Parent: #45

ود المشرف وفرت علي كلام كتير

Post: #58
Title: Re: قاعدات يجنو برجلينهن!
Author: أيمن محمود
Date: 10-16-2017, 06:17 AM
Parent: #56

مداخلة مخصصة للتأكيد على تجاهل ود القوز ومن لف لفه

Post: #59
Title: Re: قاعدات يجنو برجلينهن!
Author: درديري كباشي
Date: 10-16-2017, 06:42 AM
Parent: #58

سلام أيمن والأخوة
بناءا على ما ذكر هذا يعني أن الطبيبة لم تحضر أختها الصغرى من أجل المال فقط ..
طالما أن هذا السفاح يصور ضحاياه معناه ممكن يكون هددها بصوره معها واشترط عليها إحضار أختها العذراء

وهنا تبقى المصيبة مركبة وليست مزدوجة فقط فيها ابتزاز مثل ما قال حامد
وطالما هذا سلوكه معناه أيضا أوقع شقيقات كثر بنفس هذا الاسلوب لذلك حتى أخفاء جواله من ضمن المعروضات يعد مشاركة في جريمة أكبر

Post: #60
Title: Re: قاعدات يجنو برجلينهن!
Author: احمد التجانى احمد
Date: 10-16-2017, 07:01 AM
Parent: #58

كل الاحكام والشتائم التى طالت المتهم بنيت على رواية ركيكة مهزوزة فى الصحافة البائسة التى فى معظم الاحيان هذه الايام تخطى فى الايات القرانية وتخلط الحديث بالاقوال المأثورة مع كلام الله , توالت منذ الرواية الاولى قصاصات صحف على صفحات الفيسبوك تناقض المنشور الاولى , مثلا ثبوت عدم ممارسة الجنس حسب التقرير الطبى عند الكشف على الفتاة , شهادات الشهود من الذين يعرفون المتهم والتى تنفى ما نسب اليه من تهم قدرت فضه لبكارات 700 قاصر !!!! وكذلك نفى اي صلة له بالمؤتمر الوطنى كما دحضت قصاصات اخرى علاقة الوزير احمد سعد عمر بالضمانة للمتهم واتجاهه لتحريك بلاغات ضد من اقحموا اسمه فى الوسائط , شخصيا لا اثق فى الصحافة و ما تاتى به من اخبار و كذلك توجد اقوال متوازية تشير الى فرضية و جود مكيدة مدبرة بعناية من جانب اصحاب نفوذ سلطوى لابعاد المتهم عن ساحة السوق واضعافه اقتصاديا وحرقه اجتماعيا , كل هذا الحديث به احتمالات الصاح و الخطا لذلك يجب التريث و عدم اطلاق الاحكام بكل ثقة ؟

Post: #61
Title: Re: قاعدات يجنو برجلينهن!
Author: هشام المجمر
Date: 10-16-2017, 07:04 AM
Parent: #60

Quote: الخرطوم: نادر عطا

أصدرت أسرة “الزيات” بياناً رفضت فيه التشهير الذي يتم لابنها عبر مواقع التواصل الاجتماعي، وتأسفت للمعلومات المغلوطة التي وردت في الأخبار المنتشرة.

وأدانت بشدة في بيان ممهور بتوقيع “هاشم سليمان الزيات” أمس (السبت)، التشكيك في أخلاق ابن الأسرة “عماد الزيات”، وأكدت لمن يُحاولون الإساءة للأسرة الكبيرة بالتشكيك في ابنها البار وصاحب المبادرات الإنسانية المشهودة والتي يعلمها الحاسدون والشُّمّات، والأشخاص الذين وقف معهم ومَدّ لهم أياديه بيضاءَ وحقّق لهم أحلامهم، فتطاولوا علية وكان جزاء الإحسان التشهير والتشكيك في الأخلاق، كما أكدت الأسرة أنّ “عماد” سيظل كالجبل لا أحدٌ يستطيع أن يهزّه، و ما يُكتب بواسطة أصحاب النفوس الضعيفة لا يزيده إلاّ قوةً، والكل يعلم أنه مثال للشموخ والصمود لا يرتجع عند الأزمات المُصطنعة من قبل الحاقدين عليه، أصحاب النفوس السيئة المُشبّعة بالشائعات والفتن والتضليل. وأوضحت أسرة “الزيات” أنَّها قامت برصد من يدير الحملة المسعورة المكشوفة، وستقدمهم للقضاء لرد الشرف وإيقاف المتطاولين عند حدهم وإيقاف المُحاولة البائسة لإلحاق العار بسُمعته والنَّيل منه. وتحسّرت الأسرة على ما ورد زُوراً حسبما ذكرت وأوضحت، بأنّ المعارك الخاصة بين الأشخاص لا تُدار بالأساليب القذرة، الهادفة لتدميره وسط المُجتمع وتفكيك أسرته برميه بالإفك والكذب الصريح، ونحن كأسرة يعرفها القاصي والداني بطيب الأخلاق والكرم الفَيّاض.

التيار









هل من الممكن ان يكون فى الامر مؤامرة؟

Post: #62
Title: Re: قاعدات يجنو برجلينهن!
Author: هشام المجمر
Date: 10-16-2017, 07:15 AM
Parent: #61



الرجل هرب لخارج السودان و هروبه اما لانه متورط او يعلم بان الجهة التى استقصدته لا يمكن الفرار منها

عموما المحكمة هي التي تحكم فى النهاية ......

لكن الاسئلة المشروعة هل ضبط هذا الرجل متلبسا.....
الشريعة تقتضي رؤية المرواد فى المكحل تحديدا.....او عند توقيع الكشف الطبي يثبت ممارسة الجنس
هل هذا ما حدث ؟
الثابت ان كل هذه المعلومات توجد في يومية التحري وهي وثيقة رسمية ممنوع نشرها على انه يمكن ان يتسرب بعض ما جاء فيها...هل ما رشح من المعلومات من يومية التحري؟ ام انه مجرد تخمينات و شائعات

الضرر الذى حدث لهذا الرجل لو كان مذنبا او بريئا قد حدث.........

لكن اين الحقيقة؟
هل فعلا هناك عشرات البلاغات المفتوحة ضده من قبل ؟ كيف استطاع التهرب منها و هي بلاغات جنائية و استمر فى ممارسة هوايته؟
كيف تم تنفيذ الكمين ؟
من اين اتت المعلومة؟ المفترض انها سر خاص جدا بين الطبيبة و المتهم؟

قضية محيرة فعلا

Post: #63
Title: Re: قاعدات يجنو برجلينهن!
Author: Asim Fageary
Date: 10-16-2017, 09:32 AM
Parent: #62

Quote: ايمن وعاصم سلامات..

اثيرت كم فكرة هنا ..
احداها وردت في كلام العزيز عاصم المطمئن جدا الى انو الفقر هو الدافع لممارسة البغاء وبالتالي يخرج البغاء من اطار الحرية الشخصية ..

صحيح قد تكون الحاجة والفقر سببا من اسباب احتراف البغاء ولكن ..
ماذا لو لم يكن الفقر هو الدافع ..
بمعنى ان احداهن تمارس البغاء لا لفقرها ولكن سعيا وراء مزيد من الاموال وزيادة الدخل الخاص والحلى والمجوهرات والعربات الخ ..

هل يكون الامر حينها حرية شخصية ؟!
ماذا سيترتب عن ذلك من تكييف قانوني بالنسبة للعلمانيين السودانيين؟!



سلام مربع أخي دكتور محمد حيدر المشرف

سؤالك وجيه، طبعاً ممارسة البغاء بمقابل مادي أن لا أربطها بالفقر فقط بالرغم من أني إستدللت بالفقر هنا كحالة ربطتها بعنوان البوست محل النقاش!

ممارسة الجنس بمقابل مادي أنا أعتبرها إمتهان لكرامة الإنسان سواء كان بسبب الحاجة للمال الضروري للعيش أو بسبب جشع المرأة للمال مما يحدو بها للتكسب من ممارسة الجنس، لأني أعرف الجنس وممارسته هو تعبير جسدي وحسي للحب .. فهل يشترى الحب ويباع ؟

ولكن تحت ظل دولة القانون من يمارسون الجنس من البالغين الراشدين بالرضا التام بين الطرفين سواء بمقابل مادي أو بدون فلا سلطان عليهم لأني كما ذكرت نحن ضد الدولة التي تمارس التفتيش لتعرف من مارس الجنس مع من طالما ليس هنالك إعتداء ولا متضرر فهي حرية شخصية .. هذا من زاوية قانونية.

أما من الزاوية الإنسانية الأخلاقية الإجتماعية السلوكية أنا ضد ممارسة الجنس بمقابل مادي من مبدأ تكريم الإنسان وأنه ليس له مقابل مادي فالمقابل المادي يعني التعويض وأنا أعتبر هذا إنقاص لإنسانية الإنسان!

أما كوني رأيت أن الفقر والحاجة إذا دعت المرأة أي أجبرتها لممارسة الجنس بمقابل مادي تخرج عن إطار الحرية الشخصية فهذه حقيقة كونها مجبرة للتكسب من ممارسة الجنس فهذا يعني أنها لا تملك قرارها ولذلك فهي كالرقيق الذي يشترى ويباع لذلك كما ذكرت من هذه الجزئية تحديداً تكون مسؤولية الدولة في توفير الحماية من خلال المسؤولية الإجتماعية .. ولكني أتفق معك ليس الفقر فقط بل هنالك عوامل أخرى كما أوضحت أنت أن تكون المرأة من حبها للمال ورأيي في هذا كما أوضحت.


أرجو أن تكون وضحت الرؤيا أخي دكتور المشرف

أنا علماني وضد كافة أنواع الفساد الأخلاقي وضد كافة كلما يحط من قدر الإنسان .. أحترم القوانين العلمانية الديمقراطية وأحترم الحريات الشخصية ولكني أنادي بالتحرر أيضاً من كلما يحط من إنسانية الإنسان ويجعله سلعة !

مع تحياتي،،،

عاصم فقيري


Post: #64
Title: Re: قاعدات يجنو برجلينهن!
Author: Saifaldin Fadlala
Date: 10-16-2017, 10:01 AM
Parent: #63

المشكلة انه لا توجد شرطة نزيهة ولا قضاء مستقل
لذا الحقيقة والعدالة هما الضحية

Post: #65
Title: Re: قاعدات يجنو برجلينهن!
Author: الطيب عباس
Date: 10-16-2017, 10:47 AM
Parent: #1

سلامات ايمن والضيوف الكرام

الموضوع شيين فُل والله ..

سمعت كان ما انا غلطان من الله خلق الخليقة ماف جريمة زنا ثبتت بي 4 شهود .. طيب كلام فضضان البكارة دا جابو من وين كان في 4 شهود حاضرين ولا حنك واتس ساي ولا بلاغات كيديه ولا شنو .. ؟
واختا دي قواده يعني ولا في ابتزاز ولا الموضوع كلو كيدي في حاجه ما مفهومة والله .. المهم اللهم استر علينا وعلي ولاّيانا

Post: #66
Title: Re: قاعدات يجنو برجلينهن!
Author: Ali Alkanzi
Date: 10-16-2017, 08:29 PM
Parent: #65

الاستاذ ايمن
سلام
الستر انفع واصلح
قول خارج النص ولكن في فحوى القضية

عارف الركابي
المسبح دائماً للأخرين تملقاً
لا أحد ينكر على الشرطة جمعاء بذل جهودها لامن المجتمع ولا مزايدة في ذلك
وما قاموا به هو واجبهم ليس اكثر
ولكني أعيب عليهم أنهم فضحوا ضحية واحدة من عدة ضاحيا مع هذا الرجل أو غيره
وهي البنت التي غر بها ومن ما ينشر علمنا أنها ظهرت في المحاكم؟
لماذا هي بالذات وقد نجا غيرها من هذه الفضيحة
الاسلام يأمر بالستر اكرر يأمر بالستر
ومن كان منكم بلا خطئية فليرمها بحجر
وما هان شرف النساء إلا للفقر والعوذ والحاجة التي المت بهم
فكان عليك أيها الداعي لكلمة الحق أن تنصح أولاة الامر برفع الظلم والغبن والعوذ والحاجة من الناس
خاصة النساء والشباب منهم على وجه الخصوص
وإن نسيت فإني مذكرك وغيرك بحديث نبي الرحمة في قوله: " من ستر مؤمناً ستره الله في الدنيا والأخرة"
ومتى يكون الستر إن لم يكن في مثل هذه الامور؟
وإن كان ولا بد من تقديم من اغترفت يداه للمحاكمة فعلى الدولة إنشاء محاكم سرية لمعالجة مثل هذه الامور

Post: #67
Title: Re: قاعدات يجنو برجلينهن!
Author: أيمن محمود
Date: 10-18-2017, 01:32 PM
Parent: #66

يبدو فعلا ان انو الموضوع اخد اكبر من حجمة
واعتذر لرجل الاعمال فيبدو انها ربما لم تكن الا حادثة واحدة