Post: #1
Title: للمرة الثالثة دبلوماسي سودانى يتحرش بضحية من نوع تانى ....
Author: عمر دفع الله
Date: 10-11-2017, 11:23 AM
10:23 AM October, 11 2017 سودانيز اون لاين
عمر دفع الله-
مكتبتى
رابط مختصر اقتراح للسيد وزير الخارجية :
نتمنى من معاليكم ان يكون السفراء والدبلوماسيين بمختلف وظائفهم من النساء والنساء فقط
ولكن ليس كل النساء وذلك من باب درأ الشبهات ، فبين نساء الحركة الاسلامية توجد
( كباتن ) اي والله كباتن عديييييل وذلك بشهادة الكثير من النساء عندما كُنّا في مرحلة التعليم الجامعى ومن ناحية
اخرى يا معالي الوزير فتحرش النساء بالنساء اخفّ قدرا من من تحرش الرجال بالنساء
وقد لا تنطوى عليه عقوبات قانونية والله اعلم ... بس في احسن الاحوال لا تترتب عليه فضائح وصحافة وشيل
حال وحاجات من النوع دا كما هو الحال في سفارتكم في نيويورك.
نرجو تعميم هذه التجربة في سفارتكم في هولندا سيما وان سفيرتكم هي امرأة
وللامانة مما جات ما سمعنا ليها حس ولا خبر . سيدة في حالها وبس مرة واحدة اتّصورت قدام
كوفي شوب بالغلط ومن اليوم داك مافي زول شافها . يا اريت لو تقوم بإرجاع كل الضكور في سفارتكم في هولندا
الى الخرطوم وإحلالهم بسيدات محترمات ليس لديهن سوابق مع حسان الخرطوم
لانه بصراحة كدا ، يا سيد قندور ، هولندا دي فيها نسوان سمحات ويشهد الله من نوع ( حلاوة مولد )
ولكم جزيل شكرنا
وادامكم الله عينا ساهرة على سُمعة السودان الفضل والشعب الفضل .
https://www.0zz0.com
|
Post: #2
Title: Re: للمرة الثالثة دبلوماسي سودانى يتحرش بضحي�
Author: Basamat Alsheikh
Date: 10-11-2017, 01:01 PM
Parent: #1
عمر دفع الله
والتصوير قدام كوفي شوب حرام ولا شنو؟!!
مالك عاوز تخوفنا...نحن تقريبا كل يوم بنمشي مقهى
استاربكس ، كوفي شوب، ومش بس بنتصور قدامه ولكن
بنجلس داخل المقهى وكمان بنقعد بالساعات ونحل الواجبات
المدرسية.....
تراهو ده الفضل كمان يا عمر عاوزين تحرموا لينا شرب القهوة
اها بعد كده تعالوا حرموا لينا المويه( وجه ضاحك)،،عشان نموت
من العطش،،،
ودمت بخير وصحة وعافية
|
Post: #3
Title: Re: للمرة الثالثة دبلوماسي سودانى يتحرش بضحي�
Author: Ahmed Alim
Date: 10-11-2017, 01:26 PM
Parent: #2
Quote: يا اريت لو تقوم بإرجاع كل الضكور في سفارتكم في هولندا
الى الخرطوم وإحلالهم بسيدات محترمات ليس لديهن سوابق مع حسان الخرطوم
لانه بصراحة كدا ، يا سيد قندور ، هولندا دي فيها نسوان سمحات ويشهد الله من نوع ( حلاوة مولد ) |
ياخ بوستيك دا مسكني ام فريحانة ههههههههه
مفترض كلامك دا يبقى مذكرة للخارجية نجمع ليها توقيعات :)
|
Post: #4
Title: Re: للمرة الثالثة دبلوماسي سودانى يتحرش بضحي�
Author: عمر دفع الله
Date: 10-11-2017, 01:54 PM
Parent: #3
هههه هههههههههههه
ضحكتني يا بسمات
صورة سعادة السفيرة قدام الكوفي شوب
دا قبل سنتين او تلاتة قام المرحوم صلاح جادات جاب صورة
لسعادة السفيرة رحمة عبيد امام كوفي شوب ومحلات الكوفي شوب
دى في هولندا محل لبيع المخدرات الناعمة وعادة ما يأتى الشباب الاوروبى
لتعاطيها لانو هولندا هي الدولة الوحيدة التى تسمح بذلك.
التصوير امام الكوفي شوب ليس حراما
لكن الطرافة ان سعادة السفيرة اخدت صورة امامها فكانت موضوع تسلية بين
السودانيين في هولندا وبعد داك الموضوع مشى عادى .
انا يا بسمات ما قاعد اشرب بنقو ولا عندى راي في ناس البنقو بما فيهم نائب الرئيس زاتو
لكن حصل كم مرة كدا دخلت الكوفي شوب وشربت قهوة ولو جيتي هولندا
تدخلي الكوفي شوب وتشربي قهوتك وتتصوري كمان
ليه السفيرة احسن منك في شنو !
|
Post: #5
Title: Re: للمرة الثالثة دبلوماسي سودانى يتحرش بضحي�
Author: muntasir
Date: 10-11-2017, 02:34 PM
Parent: #4
وما بتدخن بنقو مالك رافض الإندماج في مجتمعك الجديد فوق كم ، ما خاتي عليك الزنديق
|
Post: #6
Title: Re: للمرة الثالثة دبلوماسي سودانى يتحرش بضحي�
Author: عمر دفع الله
Date: 10-11-2017, 03:55 PM
Parent: #5
Quote:
وما بتدخن بنقو مالك رافض الإندماج في مجتمعك الجديد فوق كم ، ما خاتي عليك الزنديق |
اول ما دخلت كلية الفنون لقيت في طلبة كتيرين بدخنو بنقو
فقمت حاولت زي كم يوم كدا لكن ما نفع معاي وفي واحد خبير
من قدامى المدخنيين في قسم التلوين ، نصحني ابعد منه لانو راسى
في البنقو خفيف ... يا اريت لو كان عندى راس نائب الرئيس يا منتصر
ما كنت سألتني السؤال دا !
|
Post: #7
Title: Re: للمرة الثالثة دبلوماسي سودانى يتحرش بضحي�
Author: أبوبكر عباس
Date: 10-11-2017, 04:09 PM
Parent: #6
لو الأمر بيدي يا منتصر، كنت أرسلت الزنديق الكبير علي دفع الله للإقامة بهولندا وأرجعت هذا المتأسلم لسنار.
خلي الكجيك يفرم ليهو بطنو
التحيّة للمستنير علي دفع الله وهو يعاني من جحيم المعيشة وسط ناس العصر الحجري
نقول شنو؟
الله بدّي شنو للما عندو شنو كدا
|
Post: #8
Title: Re: للمرة الثالثة دبلوماسي سودانى يتحرش بضحي�
Author: عمر دفع الله
Date: 10-11-2017, 08:51 PM
Parent: #7
Quote: نقول شنو؟
الله بدّي شنو للما عندو شنو كدا |
والله فاتت علينا الاندماج بالبنقو دا
انا كنت قايل ( ابيض ضميرك ) دا كفاية
وبدل المريسة والكوجومورو بتاع الحلة الجديدة ، بقينا بنشرب الهينكان
زي ما قال السفاح : البيرة البااااااااااردا .. بالمناسبة انت عايش وين ؟
|
Post: #9
Title: Re: للمرة الثالثة دبلوماسي سودانى يتحرش بضحي�
Author: عمر دفع الله
Date: 10-11-2017, 09:02 PM
Parent: #8
| Quote: مفترض كلامك دا يبقى مذكرة للخارجية نجمع ليها توقيعات :) |
ومن هسي يا ابوحميد انا بختار ليكم الاسم :
وزارة الجنادر والله قادر ....
حاجة غريبة ياخي مافي اسلامي واحد بيكتب عن ظاهرة التحرش
في عهد الانقاذ دى والانحدار الاخلاقي للاسلاميين . وين الافندى والطيب زين العابدين وتجانى عبدالقادر
والمحبوب عبدالسلام وصديق محمد عثمان ؟ . يعنى هم حتى لو بتاعين مواضيع كبيرة
بس نحنا عايزين تفسير للظاهرة المنتشرة دي حتى لو من وجهة نظر فلسفية لو حبوا كدا ....
|
|