ميزة أن تكون شــــــبحاً..

05:13 AM October, 09 2017

سودانيز اون لاين
عمر التاج-KHT
مكتبتى
رابط مختصر

بالطبع لا يعنينا في البوست الشبح العادي
ولكن الحديث عن الشبح الالكتروني
يثير الفكر ويحفز الإحساس ويبعث الحوار
فهل منكم من يتمنى أن يكون شبحا في المنابر
ويمتاز بميزات الشبح الإلكتروني؟

أعتقد يا عمر، سحب مداخلاتك في بوست خط مية غرب سببو ضعف معلوماتك،
قصّة أساءك واستفزاك دي مكنة ساكت
انت من بدأ الاستفزاز بهناك

تعريف الشبح الالكتروني:
شبح الشئ هو ظله أو خياله ، تقول رأيت شبحا إذ عتر لك (أم بعلو) في الشارع
والشبح في الغالب لا يرى، بل تحس به (توشك)| عند الدخول في أي موضوع
وهو غالبا مايكون مقدمة لكارثة أو مصيبة ، تقول شبح الحرب ، شبح الموت ... الخ
الأشباح جمع شبه وهي أرواح غير مرئية، وكلمة اشباح من غير أرواح
تقال لمن كان كثير القفز ضعيف الفكر عديم المنطق .
والشبح الالكتروني : هو ( يوزر نيم) غير حقيقي ، يختبئ خلفه شخص أو أشخاص
لهم دور مرسوم في المنتدى الالكتروني أو الشات، بغرض التنصل من مسئولية الكتابة والتعبير
والحركات الأخرى.
.
.
المصدر : مصادر هذا البوست غير مرئية، لذا فـ (اقرأوا واكتبوا ساكت)

Quote: أعتقد يا عمر، سحب مداخلاتك في بوست خط مية غرب سببو ضعف معلوماتك، قصّة أساءك واستفزاك دي مكنة ساكت انت من بدأ الاستفزاز بهناك

مرحبا بكري ،
ليس من عادتي المبادرة بالاستفزاز أبدا ، والبورد يشهد
لذا قرأت مداخلتك هذه من باب انصر الشبح فازا أو مستفزا
المدعو حاتم هو من بدأ الاستفزاز من أول مداخلة تجاهي وحتى آخرها
لذا سحبت مداخلاتي وقبلها اعتذرت للقراء وحاتم عن أي سوء تعبير
بعد أن تأكد لي أن صاحب البوست معتاد على جر محاوريه لمثل هذه الطريقة المعتادة لديه
مداخلاتي معه لم تزد عن فكرة بسيطة حاولت اثباتها وسأتطرق لها في بوست الغلاط
ولكن تحول البوست إلى اساءات واستفزازات وألفاظ غير لائقة جعلني أتحول عنه مستغفرا..
في هذا البوست سأتناول ظاهرة الاشباح الالكترونية على وجه العموم ولا أنوي توجيهه لحاتم أو غيره ،

أول ميزة للشبح الالكتروني هي تحرره من قيود المسئولية الأخلاقية عندما يكتب أو يعبر في المنتديات الالكترونية
فالشخص أو الأشخاص الذين يختبئون وراء اليوزر نيم الشبحي لا يخشون عواقب كتاباتهم ومداخلاتهم
لذا يصبح من السهل عليهم طرح الآراء الغريبة والتعدي على حقوق الغير ووصف المحاورين بأقذع الأوصاف
دون أن يرمش لهم كيبورد أو يهتز لهم جسد ( ماعارف في حقوق ملكية في التعبير أم لا)
أذكر أنني في أول تواصل لي مع بكري طلبت منه تسجيلي باسم (عمر الحاج) وهو اسم العائلة
وصغت له مبررات منطقية جدا لهذا التحريف البسيط منها حساسية المكان الذي أكتب منه ، ولكنه أصر أن يسجلني باسمي الحقيقي
امتنعت عن التداخل كثيرا إلى أن أيقنت أن الشجاعة وأخلاق الكتابة تقتضي مواجهة العالم الأسفيري بوجه صادق ونية صادقة في الجدية ،
ولذا جعلت كل تعاملي الاسفيري فيما بعد باسمي ووصفي الحقيقي ولم أفكر الدخول في أي موقع أو التسجيل لأي بريد الكتروني باسم مستعار.
وبهذا أيقن تماما أن الكلمة المكتوبة مسئولية تقتضي الصدق واليقين بما تكتبه ، الاقلال منها خير ، والاعتذار عن خطئها والاستغفار لها واجب.
طبعا عملية التسجيل باسم مستعار والتعريف بالشخصية الحقيقة تحتها لا تدخل في معنى الشبح الالكتروني ، ولكني أعتبرها من أقل درجات الشفافية والوضوح.

Quote: تعريف الشبح الالكتروني: شبح الشئ هو ظله أو خياله ، تقول رأيت شبحا إذ عتر لك (أم بعلو) في الشارع والشبح في الغالب لا يرى، بل تحس به (توشك)| عند الدخول في أي موضوع وهو غالبا مايكون مقدمة لكارثة أو مصيبة ، تقول شبح الحرب ، شبح الموت ... الخ الأشباح جمع شبه وهي أرواح غير مرئية، وكلمة اشباح من غير أرواح تقال لمن كان كثير القفز ضعيف الفكر عديم المنطق . والشبح الالكتروني : هو ( يوزر نيم) غير حقيقي ، يختبئ خلفه شخص أو أشخاص لهم دور مرسوم في المنتدى الالكتروني أو الشات، بغرض التنصل من مسئولية الكتابة والتعبير والحركات الأخرى.

أخي الفاضل عمر التاج، أسعد الله أوقاتك.
التعريفات التي قدمتها للشبح أعلاه، تتضمن بعض التناقضات الداخلية والبينية، وتحتاج إلى مراجعة، فعلى سبيل المثال:
1 - إذا كان "شبح الشيء هو ظله" فهذا يعني ألا وجود للشبح إلا بوجود الشيء لأن الظل هو صورة Silhouette لشيء موجود.
2 - إذا كان "الشبح في الغالب لا يرى" فهذا قطعا ليس ظلا لأن الظل صورة كما ذكرت، إذن التعريف الأول يناقض الثاني.
3 - استخدام تعبير الشبح مجازيا ليدلل على المصيبة، غير مستمد من كونه ظلا أو غير مرئي، بل من كونه مقدمة لفعل أو حدث.
4 - قولك: "الشبح الحقيقي هو (يوزرنيم) غير حقيقي" ربما لم يكن دقيقا. هل هناك يوزرنيم غير حقيقي؟ اعتقد أن أي يوزرنيم هو حقيقة وفقا للاصطلاح وأي تحوير فيه أو خطأ في كتابته لن يؤدي وظيفته. (اعتقادي هنا غير مؤكد لأن الأمر قد يتطلب خبرة تقنية غير متوفرة لدي، لذا التركيز على تساؤلي عسى ولعل أن يأتي من يجيب عنه بنعم أو لا).

مرحبا اخي الدكتور محمد
وتالله لولا أنك عرفتك نفسك في المنتدى من قبل لقلت أنك شبحا الكترونيا
لأنك غالطت بعض معاجم اللغة عند نفيك لبعض التعريفات المذكورة
وقرينتي في ذلك الغلاط الغريب لأحد أشباح المنبر بالأمس في موضوع مثيبت لدى الكثيرين
ولكن الشبح دائما لا يرينا إلا ما يرى .
عموم وجهة نظرك عندي هنا مقبولة،
وأعتبر أن المعاني التي تصل للقارئ من مداخلتك عن الشبح الالكتروني هي نفسها ما قصدته أنا ..

Quote: مرحبا بكري ، ليس من عادتي المبادرة بالاستفزاز أبدا ، والبورد يشهد لذا قرأت مداخلتك هذه من باب انصر الشبح فازا أو مستفزا المدعو حاتم هو من بدأ الاستفزاز من أول مداخلة تجاهي وحتى آخرها لذا سحبت مداخلاتي وقبلها اعتذرت للقراء وحاتم عن أي سوء تعبير بعد أن تأكد لي أن صاحب البوست معتاد على جر محاوريه لمثل هذه الطريقة المعتادة لديه مداخلاتي معه لم تزد عن فكرة بسيطة حاولت اثباتها وسأتطرق لها في بوست الغلاط ولكن تحول البوست إلى اساءات واستفزازات وألفاظ غير لائقة جعلني أتحول عنه مستغفرا.. في هذا البوست سأتناول ظاهرة الاشباح الالكترونية على وجه العموم ولا أنوي توجيهه لحاتم أو غيره ،

عمر التاج سلامات

ياخي انت جيت للراجل في (بوستو) وشبكتو قرادة وما ادراك ما الكترونية

وبعد دا كلو عايز تقول انو هو البدأ الاستفزاز .. ياخي كدا ما صاح

طريقة ضربني وبكى وسبقني واشتكى دي ما حلوة


بعدين ياخي اعترف ما فوكا شي انو الراجل طقطقك في مجال الجغرافيا

غلبك التسوي ومعاهو ودا ما عيب .. منو الاتولد عالم


لكن العيب سحب المداخلات والانسحاب من البوست

وفتح بوست منفصل عشان تتفشى .. والله شينة


عموماً يا ود التاج كامل التضامن معاك في محنتك دي

لكن ما كان في لزوم تقول انا بموت في الجغرافيا (وجه باسم)

Quote: ليس من عادتي المبادرة بالاستفزاز أبدا ، والبورد يشهد لذا قرأت مداخلتك هذه من باب انصر الشبح فازا أو مستفزا المدعو حاتم هو من بدأ الاستفزاز من أول مداخلة تجاهي وحتى آخرها لذا سحبت مداخلاتي وقبلها اعتذرت للقراء وحاتم عن أي سوء تعبير بعد أن تأكد لي أن صاحب البوست معتاد على جر محاوريه لمثل هذه الطريقة المعتادة لديه مداخلاتي معه لم تزد عن فكرة بسيطة حاولت اثباتها وسأتطرق لها في بوست الغلاط ولكن تحول البوست إلى اساءات واستفزازات وألفاظ غير لائقة جعلني أتحول عنه مستغفرا.. +++ وبهذا أيقن تماما أن الكلمة المكتوبة مسئولية تقتضي الصدق واليقين بما تكتبه ، الاقلال منها خير ، والاعتذار عن خطئها والاستغفار لها واجب.

أول مداخلة:


____
ميزة أن تكون صادقاً ومحترماً.

ود التاج
حاتم لعب ليك باص لولبي جدا

بعدين يا حيدر، شفتا البصات دي كيف بين الحيران وشيخنا؟!
حالتو لسّ الكيشة، عظمة وقسم ما صحوا!!

المستنير الكيشة
شايفك بقيت شايل الإبريق
و عاصر التبروقه و مباري الشيخ !

...

والله يا عمر التاج من البداية عرفتك ح تتشال فوق و يدقّو بيك الواطه !
بس ما كنت قادر أحدد إحداثيات الوقعة وين !

...
تحياتي !

من طلب حذف بوست (خط مية غرب) ولماذا؟

Quote: هذا صحيح، استخدمت الاسم (علي ماهر) لتسجيل النطاق أيام الحظر في التسعينات. فما هي الأسماء الأخرى (في منتديات الحوار والفيسبوك)؟ وانتظر أيضاً بوست اللقيمات.

أعلاه مداخلة لعاتم سوناتا في بوست كشف الهويات لمعاوية الزبير .

هههههههههههه

++
ياهو داك تم كشف اسم اخر وهو معروف الرصافي ، امشي دافع عن نفسك يا شبح.

أمجد محمد أحمد دا منو يا شلبي؟

كمدنا خشمو فلين أبيض وطرور!
لا بتلاك لا بنبلع ولا بنزمط.

ميزة أن تكون ميت جغرافياً.
____
فلين أبيض: polystyrene

يا حاتم أسمع نصيحتي و امش أدخل علي بوست جلال المفتوح بإسمك و ما تتجاهلو.

المستنير و بوب و عبدالعظيم و ناس حمبرة و قباض الطير ديل بضيعوك بهناك.

Quote: كدي أدينا إن شاء الله اسم تالت بس عشان نتأكد من صدقيتك. بعدين إيه دخل الاحترام والأخلاق هنا؟

حاتم إبراهيم مواصلا في بوست كشف الهويات نفية لاستخدام أي اسم ثالث سوي حاتم إبراهيم وعلي ماهر !

ومعروف الرصافي كيف ؟؟؟؟؟

++

بالله ديك كانت نفخة ساي كدة ؟؟؟

الاخ حاتم انا واحد في هذا المنبر من قراءك ومعجب جدا بموسوعيتك ... لكن نصيحة مني ليك ارجو ان لا تتجاهل موضوع معروف وشخصك وان تبرئ نفسك بالحقيقة ... لانه صراحة السرقة الادبية في هذا البورد لا تسقط بالتقادم وستظل ملازماك الى الابد ... مع علمي التام بان اسلوب الموضوع واحد ونفس معروف هو الذي يكتب باسم حاتم ابراهيم لذا اتمنى ان لا تتجاهل هذا الموضوع ....

Quote: عمر التاج ياخي انت جيت للراجل في (بوستو) وشبكتو قرادة وما ادراك ما الكترونية وبعد دا كلو عايز تقول انو هو البدأ الاستفزاز .. ياخي كدا ما صاح طريقة ضربني وبكى وسبقني واشتكى دي ما حلوة بعدين ياخي اعترف ما فوكا شي انو الراجل طقطقك في مجال الجغرافيا غلبك التسوي ومعاهو ودا ما عيب .. منو الاتولد عالم لكن العيب سحب المداخلات والانسحاب من البوست وفتح بوست منفصل عشان تتفشى .. والله شينةvvv عموماً يا ود التاج كامل التضامن معاك في محنتك دي لكن ما كان في لزوم تقول انا بموت في الجغرافيا (وجه باسم)

يا هيثم غالي
بالله شفتا الطقطقة كيف؟
اموت انا في الجغرافيا؛
وخط مية غرب؛
..................
الحاتم سبانا احب طرفو الكحيل

Quote: ليس من عادتي المبادرة بالاستفزاز أبدا ، والبورد يشهد لذا قرأت مداخلتك هذه من باب انصر الشبح فازا أو مستفزا

هلا بقوات التحالف
وكمان ماما امريكا زااتا موجوده في البوست
حلت علينا البركات والله
وانا بقول الاشباح مختفية من بوست البكا ليه؟
أتاريها مهتمة بالقصف الالكتروني بي جاي ..
وبتمارس عمليا ميزة انها تكون شبحا؟

.
.
للأسف لسه في الشغل ، ولما اعود حا ارد على اتنين فقط من المتداخلين خارج اطار البوست
لذا أوجه الناس لبوست الغلاط لمناقشة أي مواضيع أخرى ..
بخصوص الكوت أعلاه ورغم إني تعهدت ما أتكلم مع شبح نهائي
إلا أني أخاطبه الان، متمنيا في البدء أن يستجيب لأهداف البوست ويكشف عنه القناع الذي يستتر به
يكفي أن يخبرنا هل هو حاتم أم معروف أم ماهر علي أم عبد الزمبار لنواصل معه الحوار وجها لوجه
فليس من المنطق في شيء أن نهدر أوقاتنا لمخاطبة الجمادات أوالاسماء الجامدة .
ثانيا: قلت في الاقتباس أعلاه ليس من عادتي المبادرة بالاستفزاز ،
والاستفزاز هنا بالطبع موجه للأشخاص الطبيعيين وليس الروبوتات
لان الروبوتات لا تشعر بالاستفزاز وإلا لاستفزتها كلمات حرامي، سارق .. الخ المبذولة في بوست جلال.
وحتى بالنسبة لهذا الشبح لم يكن وصف القراد الالكتروني هو ضربة البداية مني ، بل استفزازه المستمر في عدة بوستات
للعضوية المتداخلين في بوست جلال بما فيهم أنا ، وعدة بوستات أخرى هي البداية ، أوع واحد يقول لي ما حصل استفز واحد قبلي.
وصف القراد الالكتروني ليس من بنات افكاري في المنبر ولكنه أعجبني في وصف اشخاص غير طبيعيين ،
وهي أيضا نوع من الروبوتات تتصف فقط بالعكلته، بينما يتصف الجداد الالكتروني بالتجسس ونفي الاخبار
وهذا ما أوضحته في البوست المذكور بعد الاقتباس أعلاه بقليل، ثم اعتذرت عن كل الاوصاف الأخرى عدا هذا الوصف.
بقية الحلف سأكون معتدلا معهم كعادتي عندما أعود، لأني أرى فيهم أشخاص عاديين ومؤلفة قلوبهم ،
وحتى مداخلتي للمدافع الايسر عن الشبح (بكري) عدلت فيها عبارة (انصر شبحك فازا أو مستفزا) قبل ارسالها
لان الجو الهادي هو الذي يبعث على الحوار المريح والمثمر.

هيثم غالي وعبد المنعم ، فضلت فرصة واحد ، ماريكم دام فضلكم نضمكم في رد واحد :
الظاهر عندكم اهتمامات جغرافية ، طيب رايكم شنو نناقشها في بوست الغلاط أو بوست منفصل ،
طبعا حا القى فرصة على الأقل أثبت خطل الشبح أولا، وأوضح بعض الرؤى التي لن تجدانها في صفحات قوقل ،
طقطقة الشبح كدي خلوها اسه ، لانه قبل كده طقطق الموصلي والخواض وكبر وهلم جرا، ديل كلهن سمعت بهم سماع
وجاب من نافوخو موضعين خطيرين عن المال و تكويد الحروف ، مجال مهنتي الحالية وماقادر اناقشه فيهن، والله جد
يا اخ ده سمعته غطت الاافاق الى ان قال فيه دكتور غير سوداني :

Quote: ألا يمكنك أن تضع وجهة نظرك في أي موضوع دون أن تتحرّش بالناس؟ أم هي الطريقة المفضلة لديك لجلب الأضواء؟

يلا نبدأ هناك على بركة الله، وماتنسوا تزورونا في البوست وتقولوا رايكم في أهمية الاشباح في المنتديات

الشبح حاتم طالما كان هو الشبح الوحيد الدخل البوست حتى الان ،
خلونا نقدم ليه نصيحة تعتبر من صلبى البوست
يا السميت نفسك حاتم :
اسمع كلام الببكيك وماتسمع كلام البضحكك في البوست ده
حيدر وبكري وبوب ديل ما بفيدوك يوم قيامتك الالكترونية
وحايفروا منك يوم تضع كل ذات سرقة بوستاتها
أسمع كلام أسامة ونصائح حافظ في البوست ده، لأنه منظرك بقى يخجل بي هناك ..
يا اخ على الأقل رد على تهمة الكذب والسرقة، لأنها دي مصائب لا تقرب بشئ لوصف ( القراد الالكتروني)
أخونا حيدر، لو عندك واحدة من حالات التعديات الأنا استفزيت بيها
عضو حقيقي في البورد ده وذكرتها هنا حاتكون مشكورا اهديت لي عيوبي.

قالوا النمر كل ما يلقى القرد يقول ليه طاقيتي وينها؟ القرد يقول ليه طاقية شنو؟ طوالي النمر يمسكو يلطشوا ويدقوا كويييس
قام القرد اشتكى للأسد حكى ليه الحاصل
الأسد نادى النمر قال ليه ياخي انا ما بقول ليك ما تدقو لكن شوف ليك سبب منطقي يعني مثلاً لما تلقاهو في شجرة الموز قال ليه نزل لي موزة لو جابها ليك صفراء لطشو قول ليه أنا دايرها خضراء ولو جابها ليك خضراء كفتو وقول ليه أنا دايرها صفراء
النمر طوالي مشى شرك للقرد في شجرة الموز وقال ليه جيب لي موزة .. القرد قال ليه صفراء ولا حمراء ؟ :) قام النمر قال ليه يا زول الموز خليتو طاقيتي وينها ؟

دحين انت ما كنت ماشي كويس مع طاقية تشبيح حاتم الموديك ليه في شجرة الجغرافيا شنو ؟ هسة ان شاء الله لقيت طاقيتك!

عاين يا حبة .. ما يقرقوا فيك المستنيرين ديل
لست وحدك .. والله صحي
شايف العالمين الشايلة عكاكيزها وساكة حاتم من بوست لي بوست ديل! كلهم عملو زي سواتك دي
مغيوظين منه وشايفينو ما ناقش وحاقر بالمساكين واي واحد يقول بس هو كان الله داير يغطس حجرو اليقرب لي مجال اختصاصي .. وفيهم المحل ما يلاقيهو في ملف يصلح ليه سكين الضراع وينتكي فيه ويقول يا المهدي الخلقتني أها وحاتك أول ما يضوقهم يدو نبقى في البكائيات بتاعة يا بكري دقوني وشالوا قروشي

Quote: واي واحد يقول بس هو كان الله داير يغطس حجرو اليقرب لي مجال اختصاصي ..

عندنا يا احمد محمد عمر محركات لضغط الغاز الخام المصاحب
للبترول وتفكيكه بعد الضغط والتسخين والتبريد لي c1, c2, c3
c4 و c5 ..... وهي الايثان والميثان ...إلخ... اها ساعة يجو
يعملو الصيانة السنوية للمحركات دي وهي طبق الاصل من
محركات الطائرات بيجو 9 من مهندسي رولزرويس تم التعاقد
معهم سنويا" عشان يفكو المحركات دي ويعملو ليها الصيانه
ويربطوها مرة تانية ... اها ال9 ديل كلو واحد فيهم عندو شغله
محدده عارفا هو براهو بقوم بيها ... مافي تداخل اختساسات.
بما انك يا احمد ربنا حباك نعمة التعليم والتخصص هل بترضي
لي نفسك دي تشتغل شغله غير الاتخصصتا فيها ...
مرات كدا عندي احساس انو الطمباره بتاعين حاتم ديل زي
البدفرو فيهو للهاويه ... طبعا" يا عمر التاج بما انك ما مواكب
اخونا احمد من الطمباره الأوائل لي حاتم وأظنو من زمن
الكاونتربوينت او ما قبلها ...

Quote: هل بترضي لي نفسك دي تشتغل شغله غير الاتخصصتا فيها

عااااادي والله
ما عندي أي مانع أمشي اوربا اجدع شهادتي واسوق لي موتر بيتزا ديلفري .. المانع شنو !

يا تاج ياخ سيب المكابرة والغلات
واعترف بالهزيمة والطقطقة
ياخ حاتم دا طقطقك في جغرافيتك
وماعرفت ذاتو تقول شنو
سحبت المداخلات
وجئت جاري فاتح البوست دا
حاتم اريتو شبح السرور والعظمة ام دور
فشنو الناس دي عاقلة وبتميز
لو كنت مكانك لاختفيت من المنبر شوية
واستغليت وكتي في مراجعة الجغرافيا
تلك التي اموت فيها

يا تاج ياخ سيب المكابرة والغلات
واعترف بالهزيمة والطقطقة
ياخ حاتم دا طقطقك في جغرافيتك
وماعرفت ذاتو تقول شنو
سحبت المداخلات
وجئت جاري فاتح البوست دا
حاتم اريتو شبح السرور والعظمة ام دور
فشنو الناس دي عاقلة وبتميز
لو كنت مكانك لاختفيت من المنبر شوية
واستغليت وكتي في مراجعة الجغرافيا
تلك التي اموت فيها

Quote: يا عمر التاج بما انك ما مواكب اخونا احمد من الطمباره الأوائل لي حاتم وأظنو من زمن الكاونتربوينت او ما قبلها ...

ما مواكب انت دة

موضوع البوست ده ياعبد المنعم اذا ماقادر تعيش فيه ما بجبرك عليه
وقلت ليك لو عايز تناقشني في جغرافيتي أو حتى الشبح بتاعك ممكن اجيك في بوست متخصص
لانه المجال ده بالنسبة لي ما سطحي بالطريقة البتكلم بيها الشبح واقتباساته المن عينة لا تقربوا الصلاة دي
ده شغل هواه شغالين لسه بي جغرافية مرحلة الأساس ، وأنا بتكلم عن أوراق علمية مقدمة في مؤتمرات انية
وحتى انت وهو ماقدرته تميزوا بين المداخلات القلتها ليهو على سبيل التمشية على قدر عقلوا والقلت فيها رايي، شالها واعتبرها متناقضة شفت كيف ..
اخونا احمد للأسف ماقدرت اصل لخلاصة مداخلاتك لكن طالما موضوعها برضه خارج البوست ادعوك لبوست الغلاط ان امكن
نواصل عن ميزة ان تكون شبحا ..
وبالله المداخلات الجاية تناقش الظاهرة دي من غير تعيين شخص معين ..
ثانيا :
* اليوزر نيم غير الحقيقي من الممكن أن يأتي بألف سطر وورقة محكمة ، وعندما تكتشف سرقته عادي ممكن يقول انه ألف الورقة سابقا باسمه الحقيقي
*اليوزر نيم الشبح يفقد أعضاء المنابر ثقتهم في بعضهم ، و يكونون في حذر تام من التعامل في المنبر
* توجد خمسة ميزات أخرى ذكرتها في بوست جلال المشتعل داك ، ارجو الرجوع اليها لأني ماقادر أصلها الان ..

Quote: هيثم غالي وعبد المنعم ، فضلت فرصة واحد ، ماريكم دام فضلكم نضمكم في رد واحد : الظاهر عندكم اهتمامات جغرافية ، طيب رايكم شنو نناقشها في بوست الغلاط أو بوست منفصل ،

ابداً

ما عندي اي اهتمامات جغرافية ولا عمري قلت بموت فيها

طيب كويس
أدينا اسم الورقة العلمية القلت قدمتها في مؤتمر عالمي.

Quote: ميزة أن تكون ميت جغرافياً.

loooo
اها يا التاج تاني هبش سمح

اليوزر نيم حاتم بما أنه يمثل أحد حالات الدراسة
لموضوع الاشباح الالكترونية سأجعل له اخر مداخلة خارج موضوع البوست
أول مداخلة لك في بوست الختمية غرب اعتقد كانت عن مركز ثقل الأرض وعلاقته خط قرينتش
وهذا الموضوع فيه قياسات رياضية معقدة لها علاقة بالجاذبية وقوة الطرد وانحراف الدوران حول المحور وبيضاوية الشكل والدوران
الموضوع عن أن مكة مركز الثقل كانت موضوع دراسة معقدة مرتبطة بهذا الجانب كما أوضحت في بوستك المذكور
وعشان اناقش في موضوع زي ده ما عندي مانع اربطه بخط سير بوستك الثاني عن علاقة خط قرينتش بخط التوقيت الدولي زي ماعنونت بوستك الجديد
بس الموضوع عايز جدية في الطرح والنقاش ، والجدية تبتدئ من التعامل الواضح الشفاف بين الناس، وأول درجة الشفافية اعلان نفسك لنفسك عن نفسك
يا اخ أي بني آدم لما يخاطب يوزر نيم أكيد بكون متوقع كل حاجة، وبخت درجة معبنة من السوء ممكن يواجهها لكن طبعا ماللدرجة ديك
والاختلاف في الحتة دي بين اليوزر نيم المزيف والحقيقي أنه الأخير بكون وراءه انسان طبيعي خايف على سمعته وعلى سجله بعد الموت
لذا أنا أعتذرت في بوستك المحذوف عن الالفاظ ، وبعتذر الان عن وصف القراد الالكتروني إذا اتفهم خارج اطار الوصف الانا فسرته بيه ( العكلته)
لكن انت كيوزر نيم متخفي وراء اسم وشخص مختلف ما حاتجيك رغبة الاعتذار إلا خوفا أو طمعا ، وده الفرق
عشان كده أنا بدعوك تواجه نفسك وتقول انت منو ، وبي كده يكون أي حوار ليك في المنبر مفيد وليه ثمرة ويتسجل في سجلك
أسع كتابتك عن تكويد الحروف ده ينسبوه لي منو؟ ولو دعيتك لي مؤتمر حا اقدمك باسم منو ، وبالمناسبة بكره عندي مؤتمر قريب كمن مجالك الحقيقي،
لذا حا أغيب يومين ، لكن وكنت حا أكون سعيد جدا لو عرفتك حقيقة وتبادلت معاك الآراء بجدية، و هذا هو مايرجوه لك اغلب الزملاء من الخير
الظهور للعلن لا يعني بالتأكيد كشف الخصوصيات ، ولا شرط تغير اليوزر نيم ، فأنا مثلا ماعندي مانع أتخاطب باحترام مع يوزر نيم بعرف من وراءه،
يعني على سبيل المثال اتخاطب مع اليوزر المعروف بود الباوقة بكل ثقة، لأني عارفه بمثل شخص طبيعي اسمه عمر وهو شخص معروف،
ومن جانب الزميلات اتعامل باحترام مع (وضاحة) لأني موقن بأنها انسان طبيعي لا يتعامل إلا بكل احترام ، ن اختلف معاك أيا منهمت فان الاختلاف يكون بود
لذا سأكون سعيدا لو خرجت من هذا البوست باسمك الحقيقي فقط وحا يكون كثير من الأعضاء أسعد وبي كده نكون طوينا سيرة شبح عكليت في المنبر.
اعتذر عن سرعة الكتابة ومايصاحبها ..

Quote: أول مداخلة لك في بوست الختمية غرب اعتقد كانت عن مركز ثقل الأرض وعلاقته خط قرينتش وهذا الموضوع فيه قياسات رياضية معقدة لها علاقة بالجاذبية وقوة الطرد وانحراف الدوران حول المحور وبيضاوية الشكل والدوران الموضوع عن أن مكة مركز الثقل كانت موضوع دراسة معقدة مرتبطة بهذا الجانب كما أوضحت في بوستك المذكور وعشان اناقش في موضوع زي ده ما عندي مانع اربطه بخط سير بوستك الثاني عن علاقة خط قرينتش بخط التوقيت الدولي زي ماعنونت بوستك الجديد +++ بس الموضوع عايز جدية في الطرح والنقاش ، والجدية تبتدئ من التعامل الواضح الشفاف بين الناس، وأول درجة الشفافية اعلان نفسك لنفسك عن نفسك

أنا أخو التعقيد
جيب عنوان الورقة أو ملخصها أو النتائج وختها في أي بوست يعجبك
وقول إنو الكاتب دا انت، وما يهمني تبقى انت منو، المهم الطرح، إن وجد.
+++

مافي علاقة.
بقيت زي الكيك المرق كلام الله ركيك
داير يساومني جنس مساومتك دي، قايل رسالته مهمة وعندها قيمة، في السوق
في النهاية طلع لروحه خجلان منها.

أرح أدينا المفيد يا زول، الواطا مغربت.
قال عندو مؤتمر هههه
الزيك دا بتاع (نقطة الأصل) بيمشي ويقعد ساكت، وبتجيهو (الصحوة) وقت البوفيه

_____
انتو اسم حاتم إبراهيم ما عاجب النيس ليه؟

يا عمر انت داير جغرافيا ولا نسب؟
انت لما مشيت ليه في البوست المحذوف كان عندو اسم تاني غير حاتم!!
لولا إنك بكرعيك برااااك كدة مشيت عليه كان ممكن كلامك دة يتقبل لكن ما ممكن بعد الحصل ليك هناك تجي تقول طاقيتي وينها !
من وجهة نظري كمتابع انت المشيت لحاتم وانت الاعتديت عليه لفظياً في الأول فما تجي تسقط تصرفاتك عليه وتقول عمايلك الانت عملتها كشخص ما شبح (احتمال) هو يعملها بسبب الشبحية

فااا شنو أهو دة كيبورد بكتب بيوزر حاتم ابراهيم بتدور تناقشه في الجغرافيا ولا تعلن ندمك عن دخولك السابق ؟



_______________
مرات بتخيل لي الناس ملخبطين بين المنتديات والفيسبوك

الان يستطيع ابو حنيفة ان يمد رجليه
متجاوزا لهذا الميت في الجغرافيا
كون ان ابو حنيفة واثقا ان لن يفوته
ذَا بال في حالة كونه متجاوزا
شكرا
...............
الدخول في الشبكات
ومن ثم التامل في الخروج
بعض الناس تتلب في النار
تحسبو لعب شليل ترتار وقيرة
............
حاتمنا تسلم
الله يخليك ياخ الله يخليك
يا كايدهم!!!

Quote: الزيك دا بتاع (نقطة الأصل) بيمشي ويقعد ساكت، وبتجيهو (الصحوة) وقت البوفيه

وحاتندهش اكتر اذا عرفت اني بكره حا اقدم ورقة عندها علاقة بموضوع البوست
ودفاعك التعبان ( عبد العظيم) شايل موضوع الورقة يحاحي بيها في بوست الغلاط من امبارح
تكون مفيد يا (الاسمك حاتم، ومتأكد أنه ما حاتم) لو جيت انت وعبد العظيم في البوست داك
وشرحتما وجهة نظركما حول (الخصوصية)، بعيدا عن النواحي القانونية ،
وسأعود لمداخلاتكما هناك لاحقا عسى أجد فيها مايهمني،
الموضوع مهم جدا بالنسبة ليك وممكن تشرح فيه وجهة نظرك البتخليك تتجنب بوست جلالدونا
بقية المدخلات هنا كنت عايز أدعو أصحابها للتوجه لذلك البوست لولا أنه لا يحتمل السفه .
فتكم بعافية .

اسمها شنو الورقة؟
والمؤتمر عنوانه شنو؟

انت ياخينا ما شايف ثرثرتك كترت بدون فائدة نجنيها؟

عبد المنعم كيفك!
كدي شوف المآسي دي

Quote: بالمناسبة أخوك من مواليد كسلا، ختمية غرب، انت من وين؟

Quote: وعشان اناقش في موضوع زي ده ما عندي مانع اربطه بخط سير بوستك الثاني عن علاقة خط قرينتش بخط التوقيت الدولي زي ماعنونت بوستك الجديد بس الموضوع عايز جدية في الطرح والنقاش ، والجدية تبتدئ من التعامل الواضح الشفاف بين الناس، وأول درجة الشفافية اعلان نفسك لنفسك عن نفسك

ودا الكيك المرق كلام الله ركيك، نفس التفكير.

Quote: Mohamed Siddig Abdalla · مدرسة الدراسات الشرقية والإفريقية آخر قولي: أتعهد أمام الزملاء والزميلات بإرسال نسخة PDF من رسالتي إليك في بريدك الإلكتروني مقابل الكشف عن شخصيتك. فما قولك؟ Re: أثر الترجمة على اللغة العربيةRe: أثر الترجمة على اللغة العربية

انتو الناس دي ما بتعرف تناقش ولا قايلين المنابر دي بيوت عرس وبكا؟

Quote: جيب عنوان الورقة أو ملخصها أو النتائج وختها في أي بوست يعجبك وقول إنو الكاتب دا انت، وما يهمني تبقى انت منو، المهم الطرح، إن وجد.

كدة يبقى فلسكابة إلا ربع!
إيدك معانا دايرين نتم الصفحة.

ده كان زمان يا حاتم
هسّ بقيت أتابعك من قولة تيت عشان أعرف كيف بتبدأ المشاكل والغبائن والإحن..

الضمير في (بتبدأ) يعود لضميرك

طيب لو زمان كنت انت بتبداها بنص صفحة فولسكاب
هسع الحتبداها من قولة تيت دي شكلها كيف؟

ما بتهمني الكمية القريتها بقدر حجم المصداقية في التعبير والتبرير.

انتهينا من الجغرافيا الكاتلاك
بتقي نسمع عن الورقة القدمتها في المؤتمر قبل أيام
ما عندها اسم؟

ولا خايف تجيب سيرتها تطلع ميتان فيها برضو؟

اخونا عمر التاج
إزيك ياخ .....

Quote: طيب كويس أدينا اسم الورقة العلمية القلت قدمتها في مؤتمر عالمي.

ههههها جنس اقترا هو
كدى اديهو وصفك المهنى و درجتك العلمية عشان يديك ورقتو العلمية
اقتراج يا تاجو تديها لى د/ معروف ابو الحسن
على الاقل كان سنة 2010 طالب ماحستير جامعة الخرطوم ,هسى لو ما بروف بالتأكيد دكتور
____
اوووو عبد الكنعم ود الطيب ... شايف قرايتك فى مصر بوظتك
تموت فى الضرب على القفا

الغبينة غباء.
Re: الأحباش يمارسون تجارة البشر بالخرطومRe: الأحباش يمارسون تجارة البشر بالخرطوم

معناها (الأربعين) تمت ههههههه.

ميتة الجغرافيا رفعنا فراشها.

جلالدونا كيف كيف؟

الجبن عار ...
اضغط هنا ما تخاف 😂😂😂

أموت أنا في المؤتمرات.

والجغرافيا

انا زاتي بموت في :-
الحرامي و عينو قوية
و طالب الماجستير و لو بالزندية
و المتسلبط في جامعة شهاداتها كرتونية ...
😂😂😂😂😂😂😂😂

عمر التاج إزيك ياخ

مرحبا جلالدونا وأبو حسين وبقية الزملاء
كما تلاحظون فان كثرة تواجد الاشباح في هذا البوست ومحاولة جره عن هدفه
انما يدل على خوفهم من الضوء وتكثيف طوفهم لطمس حقيقة وجودهم كأشباح
كبير الأشباح في البورد لن يكون أول شبح يكشف أمره ويظهر عاريا على حقيقته
وأبناؤه الشبيحه سوف لن يستمعون الى النصح إلا ضحى كشفه ..
قلت لي عايز تعرف الورقة
ما لمن نعرف المادة المبذولة في بوست جلال حقت منو أولاً ..

التوابع غير النوابغ
حقو يسولهم حاجة مفيدة لانفسهم ان لم يكن للبوست
أقلاها نصح مرشدهم الخفي لاظهار حقيقته والدفاع عن نفسه فيما موجه اليه من سرقات
وأنا سأكون على العهد ، إذا طلع اسم حاتم يدل على مسمى حقيقي، وأثبت أن ما كتبه باسم معروف من أفكاره الخالصة
أترك المنبر وأتفرغ للتبرك حوله كما يفعل حواريوه الباركين في البوست.

تاني حاجة ما معلقة ليك ما تدليها.
ورقة مؤتمر قال.

عقد المؤتمرات واعداد ومناقشة الاوراق العلمية يسيرة على يسرها الله له
ومعاييرها لاتتطلب سوى الامانة والجدية والمعرفة والافصاح
والشهادة والعمل الصالح طبعا ..
اذمتى ماتوفرت لك بعض هذه الصفات يمكنك مناقشة كتاباتك الفطيرة في المنبر
وتحويلها الى اعمال جادة .. بس اسلوب النقاش حا يخونك اذا لم تغيير نظرتك لمن حولك..
الدخول في امر كهذا يتطلب شجاعة الظهور بالاسم الحقيقي .. وبعد الارشفة باذن الله اعد ايصالك لهذه المرحلة .. ايمانا بعكلتتك وارضاءا لحلفائك الذين انكروك
وخدمة للمنبر وعملا لوجه الله.
.
.
الفرصة مفتوحة ليك الان ترد على الاتهامات الموجه ليك بالتخفي والسرقة بكل جدية
.. وكل موضوع للنقاش معك بعد ذلك جلل

Quote: عقد المؤتمرات واعداد ومناقشة الاوراق العلمية يسيرة على يسرها الله له +++ اذمتى ماتوفرت لك بعض هذه الصفات يمكنك مناقشة كتاباتك الفطيرة في المنبر

معناها هنا (الله) ما يسرها ليك عشان كدة غالبك تدينا اسم الورقة وعنوان المؤتمر.
+++
فطيرة لدرجة أنك بتقول ميت فيها وبالفعل نلقاك ميت ميتة (الجاهلية).
الكديس لما غلبو يصل قال (هو ذاتو محمض)

وتتيسر ليك كيفن إذا دا مبلغ علمك:
- خط غرينتش رمز منتصف الأرض!
- خط غرينتش أطول واحد رأسيا!
- خطوط الطول متفاوتة!
- نقطة الأصل!

دي معلومات المرحلة المتوسطة بالمناسبة!
خجلنا ليكم

أسوأ بوستات المنبر هي التي يتم التداخل فيها أكثر من خمس مرات لتوضيح فكرة واحدة ،
وأسوأها على الاطلاق التي يتداخل فيها عضو واحد اكتر من صاحب البوست نفسه
لذا أصنف هذا البوست على اسمه تماما ، بوست الاشباح البلا أرواح ..
وبالمناسبة، انت ماعندك أشباح صغار ، أقصد ما عندك حاجة شاغلاك في الحياة غير المنبر
تواجدك الدائم في النت يثير الشكوك عند الكثيرين ، ويضعك في قائمة الجداد الالكتروني لا القراد.
يا اخ على الأقل استغل عطالتك دي وتعال للبوست التعريفي بتاعك داك، ممكن رفقاء السوء بتاعنك يخارجوك.

Quote: فطيرة لدرجة أنك بتقول ميت فيها

لو عندك حبة نباهة كان عرفت الورقة الجاري وراها دي من مداخلاتي السابقة ، لكن مشكلتك انك ما فاضي من العكلته ،
وأمال وصف (قرادة الكترونية) ده انت قايلني جبته من رأسي؟ قلت ليك مجالها قريب من اهتماماتك وماعرفتها ، أجيبلك فهاهمة تاني؟
بوستك بتاع الشتائم داك انت بديتو بي فكرة مركز الأرض، وبي قدرة قادر جليت الموضوع ومشيت فتحت موضوع محسوم من زمن الاغريق
بدأ واختتم بالغلاط ، عشان كدة أنا وصفته بالموضوع الفطير ، وختمت مداخلاتي فيه بهذه الفقرة :

Quote: يبدو أن النقاش مع الأشباح والعطالى لا ينتج غير إضاعة الوقت خاصة اذا كان الشبح لايملك من أدوات الحوار غير السب والشتائم ومشهود تاريخه بالنصب والسرقة ومغالطة المختصين وأصحاب المعارف لذا أعتذر عن التداخل وأجد نفسي مضطرا لسحب نفسي ومداخلاتي من هذا القاع النت الذي حاولت الوصول فيه لسقوط حاتم ولم استطع .. أي حديث في الموضوع يمكن أن أديره في مكان أكثر نظافة ..

.
.
.
.
قلت لي

Quote: خجلنا ليكم

مابصدقكم ..
خجلت لي بياتو يوزر نيم؟ حاتم ولا معروف ولا ماهر ولا شبح تاني؟
يا اخ انتو لو بتخجلوا كان خجلتوا للاتهامات الكتيرة الاتوجهت ليكم في بوستك التعريفي بي هناك
تخجل لي أنا مالي؟ حرامي ولا منتحل ولا شارد من بوست ؟
قصرو .. حاتحس وتخجل متين عشان تجي ترد على اتهامك بالسرقة الأدبية والانتحال والتعدي على حقوق الملكية؟
صحصح شوية يا زول .. وخلينا ننتهي من الموضوع ده عشان نمشي معاك لي قدام بعد الأرشفة ..

Quote: وبالمناسبة، انت ماعندك أشباح صغار ، أقصد ما عندك حاجة شاغلاك في الحياة غير المنبر تواجدك الدائم في النت يثير الشكوك عند الكثيرين ، ويضعك في قائمة الجداد الالكتروني لا القراد. +++ بوستك بتاع الشتائم داك انت بديتو بي فكرة مركز الأرض، وبي قدرة قادر جليت الموضوع ومشيت فتحت موضوع محسوم من زمن الاغريق +++ صحصح شوية يا زول .. وخلينا ننتهي من الموضوع ده عشان نمشي معاك لي قدام بعد الأرشفة ..

بس دا ما شغلك! بتدفع لي حق الاشتراك؟
لي 48 ساعة ما دخلت، خليك متابع، عشان المصداقية وكدة
+++
لأنو موضوع مركز الأرض مافي (عاقل) بيتكلم فيهو إلا انت، ومع ذلك ما شفناك
+++
ما تخاف، أدينا اسم الورقة وعنوان المؤتمر، أعدك بالتخفيف.


____
انتو الأعضاء القدام ديل بتبشتنوا قدام حاتم كدة مالهم؟

كلامك صاح
طيب الموضوع التعريفي كيف!؟

Done here!

زدنا ايضاحا
قبل ما تكمل كوتتنا ..

قرأت قبل قليل الصفحة الأخيرة من بوست الأخ قباني،
وهالني أن الشبح بذل معلومة بسيطة عن موقع عمله في البوست ..
وأعادت لي المعلومة خاطرة صغيرة كتبتها عن صديق قديم لي
في أول مداخلة لي في البوست التعريفي الشهير ، قلت فيها ..

Quote: شخصية حاتم تذكرني بشاب مثابر درست علي يده بعض كورسات البرمجة بعد التخرج من الجامعة علمت فيما بعد أنه غير محترف ولا يحمل أي شهادة ولا علاقة له بالبرمجة أو بالحاسب للحقيقة الرجل كان في غاية التواضع والتهذيب، جلست معه وحكى لي عن اجتهاده ونبوغه أخبرني أنه عاشق للغات لذا يقضي نهاره في العمل، ويسهر ليله باحثا على الانترنت متجولا بين المواقع الالكترونية المختصة في الحاسوب ومع تطور لغته الإنجليزية وجد نفسه دارسا جيدا ومستوعبا لتقنيات الحاسب ثم معلما لها ومع بعض علاقاته الحزبية أصبح يدرسها في بعض المؤسسات الخاصة كالتي التقيته فيها التقيته بعد فترة في وزارة الخارجية وأخبرني أن الوزارة عينته في إدارة التقنية ، ومع السفر الخارجي الكثير والاطلاع والاجتهاد اصبح مثل حاتم، لديه المام بكل شئ أتوقع ان ينطبق على حاتم ما تحقق لصديقي ، مع فارق بسيط، أن صديقي كان متواضعا للغاية ومفيدا لأقصى حد

الشبح يا ود التاج بلا معلومات ثره ..
تحقق ميزة معتبرة لشبحيته ..
بييكون مجردلقان لافي لا قيمة له ..
فهل الكلام ده حاصل ؟؟!! ..

اخونا جمال ود القوز ...
ازيك يا راجل وليك وحشة
الشبح الماثل أمامنا اتصف بعدة صفات أخرى، جعلته شبحا أكثر من أي وقت مضى

Quote: ولكن الراجح عندي أن حاتم مجرد يوزر نيم يبرره الآتي: 1- كل الفريق الذي يعمل ضده في هذا البوست لا يعرف حقيقته، ولم يسبق لأحد منهم أن رآه أو تخاطب معه مباشرة 2- المتحالفون معه وعلى رأسهم أمير وبكري لم يثبتو معرفتهم به عند سؤالي الصريح أعلاه ، وحتى اشد المدافعين عنه أمير نفى وجود تواصل مباشر مع حاتم بغير الايميل ، وهو بالتأكيد وسيلة لاثبات ان الشخص غير اعتباري 3- لم يعثر له على شبكة الانترنت أي موقع تعريفي له أو كتابة تعرفه أو تصفه 4- الكتابات التي يعتقد أنه كتبها أفي النت و اقتبسها تحمل تواقيع مختلفة وصفات عديدة ( معروف ،علي ، حااتم .. الخ) 5- أسلوبه الحواري يطغى عليه العنف الحواري والشتيمة والاستفزاز ، وكل مقالاته لا يثبت فيها حقوق الاخرين ، ونادرا ما يعترف أو يعتذر عن خطأ، وهذه صفات لا تتوفر إلا عند من يأمن عواقب تداخلاته وكتاباته 6- تواجده الدائم على الانترنت بصورة توحي بأنه أما على فراغ دائم، أو مجموعة متجانسه تعمل باسم واحدة.

أذكر أن آخر شبح عتر لي في المنبر ده كانت ست جميلة وفصيحة (حسب البروفايل بتاعها )
ورغم أني رحبت بها برفق يليق بالقوارير، إلا أنها تداخلت معي بخشونه في أول بوست لي حتى شممت منها رائحة الشبيحة ،
قرأت في بروفائلها أنها تسكن قريبا من موقع عملي فدعوتها لكوب قهوة نزيل به سوء التفاهم ، فهربت كمن سمعت قرآنا ..
بعد يومين وجدت بوستا فخيما لإحدى العضوات تقول أنها زارت الشبحة في بيتها الذي وصفته
فوجدته مجرد عمارة تحت الانشاء ولا يوجد فيه غير البنائين الاحرار ، ومن يومها ارتحنا منها ومن خشونة النساء .
ذاك ماكان بخصوص شبوحية النساء، أما الرجل الشبح ده فأنا متوسم فيه الخير لذا أدعوه للاستمرار باسمه ووصفه الحقيقي ..
طيب ممكن واحد يسألني، ليه أنت نكت المواجع وقلت الكلام ده والفوق منه ؟
سمح أقولكم ..

كنت في السودان قبل ثلاثة أعوام
وأحسب أن لدي معرفة واسعة بشركات البرمجيات البتتعامل مع المؤسسات الحكومة
وفي منتصف المسافة بين الخرطوم 2 والسجانة بالذات كنت أدير عملا مقترتا بالمجال
وبهذه الصفة أعرف كل موظفي الشركات الموجودة في المنطقتين ، والعاملة في البرمجيات
كما كانت لدي علاقات كبيرة بالمؤسسات التعليمية المختصة في العاصمة، وعملت في بعضها
كما أن اغلب زملاء إدارات التقنية في الوزارات زملاء بالنسبة لي ،
تربطني بهم علاقات كثيرة ومجموعات عديدة على وسائل التواصل الاجتماعي
وبهذه الإحاطة وبسؤالي عنه لدى أغلب معارفي خلال الأمس واليوم
أجزم تماما بعدم وجود أي شخص اسمه حاتم إبراهيم أو معروف أبو الحسن
أو علي ماهر له ارتباطات بمؤسسة في العاصمة تعمل في هذا المجال
وله علاقة بقواعد بيانات ما يتوقع أن يكون حكومة الكترونية.

انتهى البوست
ولكن لم ينتهي الغرض منه
نعد بعودة أكثر تفصيلا بعد الأرشفة باذن الله.