أعطف علي ياريم .. طلعها في توب جديد يرقش . واحد من المعجبين ب الأغنية المعلقة وبر ضو من المحبين للشربوت البلدي . كان قاعد في الزاوية البعيدة . بعد ما انتهي مأمون من الأغنية . عمك زول الزاوية البعيدة طنطن . ومن كلماتو الواضحة قال . بعد ده الحظر الامريكي يترفع ما يترفع مش مهم ههههههها ارجو التكرم بوضع الأغنية مع جزيل الشكر
Post: #2 Title: Re: مامون سوار الدهب يكسر الدنيا في اغنية أعط� Author: Osman Musa Date: 10-06-2017, 01:54 PM Parent: #1
في المقطع التاني يبتدي تكسير الدنيا وتبتدي الزاويات البعيدة في التبشير . و التهليل و التكبير . الأغنية فارهة و حنجرة الشاب ذهبية . و مهما كانت و عود ترامب جميلة فهي لا تساوي جمال نفور غزالة في بوادي الكبابيش .
Post: #3 Title: Re: مامون سوار الدهب يكسر الدنيا في اغنية أعط� Author: جمال ود القوز Date: 10-06-2017, 04:10 PM Parent: #2
Post: #4 Title: Re: مامون سوار الدهب يكسر الدنيا في اغنية أعط� Author: جمال ود القوز Date: 10-06-2017, 04:20 PM Parent: #3
بعيدا عن مرامي البوست يا عثمان .. عليك الله شوف الطيب مدثر ده جلع الأغنية دي كيفن .. شيء عجيب يأخ .. هما من نفس المدرسة .. غنا بدون أي تكلّف ولعب في المنطقة الغليظة .. ما أي زول في المنطقة دي عنده صوت طروب .. الفنانين البيلعبوا في الحتة دي قلال جدا .. خت معاهم عثمان مصطفى كمان ...
Post: #5 Title: Re: مامون سوار الدهب يكسر الدنيا في اغنية أعط� Author: Osman Musa Date: 10-06-2017, 04:25 PM Parent: #3
كابتن القوز يا رجل يا محترم ياخ الله يبارك فيك . .. يا العالي صدرك مال .. وضميرك الهزانلان يوم عيني تنظر خد ك .. لو مت ما زعلان .. في المقطع يا يا القوز زول ك طلع العتبات العالية . يا سلام .. ألف شكر علي الدعم الجميل
Post: #6 Title: Re: مامون سوار الدهب يكسر الدنيا في اغنية أعط� Author: سيف الدين محجوب Date: 10-06-2017, 04:38 PM Parent: #5
جيمي ود القوز ود حلتنا كلامك الفوق دا بيثبت بأن ناس الديوم الغربية خاصة الحلة والقوز والرميلة ناس ما هينين في كل مجالو مُبدعين ،، خاصة المزيكا يكفينا فخراً الموسيقار عثمان مصطفي والراحل المُقيم المبدع الملحن / عازف الطرمبة / المؤلف سليمان أبوداؤود ( طيب الله ثراه )
تخريمة : لي أسه أنا ماخد في خاطري منك عشان شنفت لي الإسطورة نيمار الله يسامحك ،، وبس
معذرة لصاحب البوست للتخريمة مع مودتي
Post: #9 Title: Re: مامون سوار الدهب يكسر الدنيا في اغنية أعط� Author: جمال ود القوز Date: 10-06-2017, 04:59 PM Parent: #6
Quote: جيمي ود القوز ود حلتنا كلامك الفوق دا بيثبت بأن ناس الديوم الغربية خاصة الحلة والقوز والرميلة ناس ما هينين في كل مجالو مُبدعين ،، خاصة المزيكا يكفينا فخراً الموسيقار عثمان مصطفي والراحل المُقيم المبدع الملحن / عازف الطرمبة / المؤلف سليمان أبوداؤود ( طيب الله ثراه )
تخريمة : لي أسه أنا ماخد في خاطري منك عشان شنفت لي الإسطورة نيمار الله يسامحك ،، وبس
معذرة لصاحب البوست للتخريمة مع مودتي
سيف القوز يازول جميل ونبيل .. يأخ والله زعلك ما بدورو .. نيمار لاعب فنان ويستاهل .. يكفي انه اندفعت فيهو الملايين دي كلها ..
يا سلام على القوز وناسها .. زمان كنا نجي نلصق اضنينا في الباب .. ونقعد نستمع للبروفات بتاعة الراحل المقيم .. الموسيقار الجميل والملحن سليمان أبوداؤد .. نحن صغار لكن قطعا كانت الموسيقى الجميلة .. تجذبنا ومن ينفتح الباب نقوم جارين صوف .. هههه .. زمن يأخ .. حفلات القوز ما بتتنسى .. الواحد يمشي يحضر الحفلة .. وعارف راجياهو جلدة من النوع أبو كديس .. لمن يرجع البيت آخر الليل .. تفتح الباب برااااااااااااحة .. وتقعد تتسحّب جنب الحيطة .. وخلاااااااص تقرب تصل سريرك .. وتحس بالطمأنينة وأنه مافي زول حاسي بيك .. فجأة تلقى الصوت شغال يرن في ضهرك ..هههههه.. بعد ده برضو كنا بنكتل أي حفلة .. مهما كانت بعيدة في الحلة أو الديم أو السجانة .. كنا مسلّطين يأخ .. طبعا الطيب مدثر ده .. كان من أساطين حفلات القوز .. والخالدي رحمه الله برضو .. ناس القوز فن .. وكورة .. بلا أي منازع ...
تسلم كتير .. وتقديري لشخصك الجميل ..
عثمان موسى ياراقي .. يأخ يكفي انك جبت لي سيف الدين ده .. دي براها بالدنيا ..
Post: #7 Title: Re: مامون سوار الدهب يكسر الدنيا في اغنية أعط� Author: جمال ود القوز Date: 10-06-2017, 04:41 PM Parent: #3
شوفوا هنا في ثوب الطيب مدثر .. والاصل ما ببقى الصورة ... بس المعاهو ده منو ؟ .. برضو عجبني اداءه ..
وهاك صاحب اغنيتي المفضلة بلا أي منازع ... الاغنية دي تودي الواحد القوز راس .. تجي بي لفة القوز .. تمرقا بي مظلة مرتضى .. تجي مشاقق بي النص .. ياكا في النهاية تخش القووز توشك .. حاجة عجيبة يأخ .. تسلم كتير على سحب بكرة ذكريات أيام جميلة .. مع هذه الاغنية الرائعة ذات اللحن الشجي .. رحم الله الشاعر الجميل حسن الزبير
Post: #8 Title: Re: مامون سوار الدهب يكسر الدنيا في اغنية أعط� Author: جمال ود القوز Date: 10-06-2017, 04:45 PM Parent: #7
تسلم حبيبنا عثمان انت برضو ما قصرت .. هززت فينا معين ذكريات ثره .. وايقظت بنداءك كوامن ما بدواخلنا .. فانبهلنا .. فمعذورين نحن أكيد ..
لك التحية يازول جميل ..
Post: #10 Title: Re: مامون سوار الدهب يكسر الدنيا في اغنية أعط� Author: Osman Musa Date: 10-07-2017, 06:02 AM Parent: #8
مرحب الأخ سيف حباب زيارتك لمسرح الغزلان
Post: #11 Title: Re: مامون سوار الدهب يكسر الدنيا في اغنية أعط� Author: Osman Musa Date: 10-07-2017, 10:55 AM Parent: #10
في الدقيقة اتنين من زمن المقطع التاني كان الفنان الشاب يحسب في دقايق الليل بي طريقة مختلفة عن كل الجرد وكل الحسابات القديمة . روعة ما بعدها روعة
Post: #12 Title: Re: مامون سوار الدهب يكسر الدنيا في اغنية أعط� Author: بدرالدين بابكر مصطفى Date: 10-08-2017, 07:17 AM Parent: #11
والله يا عثمان شقاوة الولد دا جابتلو ود القوز والطيب مدثر بعدين فيهو حاجة كدي فيها صوت .. يا إما بأخر حاجة يا بقدم حاجة .. أنا ما خبير لكن حاسي إنو في غلطة غااااايسة كدي والولد عاجب الناس عشان جديد وعشان الساحة الفنية بقت تعج بي الدلاهات من شاكلة كبك وحمادة بت فاصبح لابد من الاحتفاء بشاب ملتزم قليلاً عسى أن يخرجنا من هذا المستنقع
الحقيقة والنصيحة لله .. أداء الطيب مدثر للأغنية كرومة ذاتو ما بلحقو
ولكم التحايا مثنى وثلاث ورباع
Post: #13 Title: Re: مامون سوار الدهب يكسر الدنيا في اغنية أعط� Author: Osman Musa Date: 10-10-2017, 10:28 AM Parent: #12
الأخ بدرالدين سلامات و حباب مرورك بي نادي الغزلان . تحياتي
Post: #14 Title: Re: مامون سوار الدهب يكسر الدنيا في اغنية أعط� Author: Osman Musa Date: 10-14-2017, 06:26 PM Parent: #13