Post: #1
Title: كلاب بوليسية لتفتيش بائعات الشاي
Author: زهير عثمان حمد
Date: 10-01-2017, 12:09 PM
Parent: #0
11:09 AM October, 01 2017 سودانيز اون لاين
زهير عثمان حمد-السودان الخرطوم
مكتبتى
رابط مختصر التغيير: الخرطوم
اطلقت الشرطة مساء امس كلابا بوليسية على بائعات شاي جنوب الخرطوم ،وقالت انها تبحث عن مستخدمي المخدرات الذين يتحلقون حولهن .
وشهد الاسبوع الماضي حملات واسعة ضد بائعات الشاي (كشات من المحليات ) بعد صدور قرار من ولاية الخرطوم بمنعهن العمل بعد السادسة مساء في جميع انحاء الولاية .
وقالت (ح) للتغيير أنها وعدد من زميلاتها رفضن الانصياع للقرار لأنهن يعلن اسرهن من المهنة وأن العمل مساء هو الاجدى .الا أن الشرطة حضرت اليها امس واطلقت كلابها البوليسية في الزبائن بصورة مستفزة بحثا عن مخدرات وسطهم .
وكانت صورا قد انتشرت في وسائل التواصل الاسبوع الماضيي لعقار الترامدول الطبي الذي ييستخدم كمخدرويل انها وجدت افي شارع النيل في اماكن تواجد بائعات الشاي وشكك مدافعون عن حقوق المرأة في صحة الرواية وقالوا انها مجرد فبركة ايذانا بحملة جديدة ضد بائعات الشاي اللائي تستهدفهن السلطات منذ عشرات السنوات وتعتبر أن تواجدهن في الشارع يسهم في نشر ال################ة والفاحشة .
وتستهدف شرطة النظام العام والمحليات فئة بائعات الشاي بالكشة والضرب وتتم محاكمتهن بالسجن والغرامة بسبب عملهن الذي يعولن به اسرهن الفقيرة .
وتعمل اكثر من 13 الف أمرأة في بيع الشاي حسب دراسة اعدتها وزارة التنمية الاجتماعية في العام 2012 .
|
Post: #2
Title: Re: كلاب بوليسية لتفتيش بائعات الشاي
Author: عمر التاج
Date: 10-01-2017, 04:26 PM
Parent: #1
ليهن الله ستات الشاي يا زهير
بقت عليهن الكلاب الرسمية والكلاب الحقيقية ، وكله باسم البوليس؟
|
Post: #3
Title: Re: كلاب بوليسية لتفتيش بائعات الشاي
Author: Basamat Alsheikh
Date: 10-01-2017, 04:39 PM
ابو الزهور
قول لي ناس ولاية الخرطوم ..والله ما عندكم موضوع...
وامشوا شوفو ليكم شغلة تانية،،،
ودمت بخير
|
Post: #4
Title: Re: كلاب بوليسية لتفتيش بائعات الشاي
Author: ابراهيم عبد الوهاب
Date: 10-01-2017, 04:50 PM
Parent: #3
الاخت بسمات
السلام عليكم
لو كان التفتيش دا لضبط مروجي المخدرات
فيعتبر العمل دا عمل جميل جدا
والوقاية خير من العلاج
|
Post: #5
Title: Re: كلاب بوليسية لتفتيش بائعات الشاي
Author: جمال ود القوز
Date: 10-01-2017, 05:18 PM
Parent: #4
ممكن جدا التفتيش بدون استفزاز الزبائن ..
مافيها حاجة ..
المخدرات داء افسد اجيالنا ..
ولابد من القضاء عليه ..
اعتقد محاربة المصادر التي تورد هذا البلاء ..
أفيد وانجع ..
يعني ما معقولة يسيبوا المخدرات تخش البلد بالكونتينرات ..
ويقعدوا يفتشوا ليها بالسجارة والحبة والحبتين ..
لابد من تجفيفها من مصادرها ..
عشان كده الدول الجادة في محاربة المخدرات ..
مابتهتم كتير بي المستهلك للمخدرات والقبض عليه ..
كاهتمامها بالمورد وتجار الجملة والموزعين الكبار ..
الحيتان الكبيرة لازم تتشال اول ..
بعد داك المخدرات حتختفي من الشوارع والجامعات ..
لكن يتشطروا على البردعة ويسيبوا الحمار يبرطع ..
ده كلام ميت ساي !! ..
|
|