سارقت النفس في ازقة الصبر المطلع ديني ...

06:53 AM September, 22 2017

سودانيز اون لاين
مني عمسيب- هولندا
مكتبتى
رابط مختصر

من روائع الفيسبوكين !

إتحزمت بى باقى العفار الفينى
سارقت النفس فى ازقة الصبر المطلع دينى
رئتين
وضبلن من شحيح نسام
سموم وسخام ...
وقفصى الصدرى ما آآويها
ما حامينى
من هذا العتام..
إتحزمت بى كل العكار الفينى
لا تلومينى
لا تلاوينى
كسرة بموية بتكفيك
وبتكفينى
يا بت الكرام....
وبرد الحاجة والعوز الشديد إن قرا
هب علينا فى هذا الصقيع البرا
حنك لي وحنى عليكى
بيغطيك وبيغطينى
فى رضا وإنسجام...
وإن جادت كمان
طلبى الدايرا من الطير:
لبن
.
.

ومن
كان بلاكى الدنيا ليها طعام..
وسيبى الآهة
تفرش لى قفاها
العاهة..
لا تباريك ولا تبريها
حت لو إنتى كنتى مطيها
لو تنسيها تجدعى بى وراكى وشيها
باقى السكة ما فضلن سوى
خطوين وح نقضيها ضحكى ودين
من الجايينا
من باكر حنان وسلام..

ولو تضحكى
الوردة نطت من عبيرا وباستك
لو تضحكى
اللحن فى وتر الكمنجمة بينسجم
والغنوة بالحب عاستك..
لو تضحكى
تقصر شوارع الوحشة والخوف والمتاهة..
وتضحك الأشجار تغرد
للطيور العايدة من هجرة أساها..
وتضحك السمكة وتنطط فوق مياها
من خطر عمق إنتماها..
بس أضحكى
خلينى أتحدى الوساوس
وما أداوس
غير طنين الغربة فى
فى الزمن الدلاهة ..
وأبقى جنبك يا سلامى ويا ختامى ويا المنام.
بس اضحكى

عثمان ود بشارة .

إتحزمت بى باقى العفار الفينى

سارقت النفس فى ازقة الصبر المطلع دينى

رئتين
وضبلن من شحيح نسام
سموم وسخام ...

وقفصى الصدرى ما آآويها
ما حامينى من هذا العتام..

ازقة الصبر المطلع دينى..
.....
لا أتوقع أنه مر بأزقة الصبر.... فإن كان كذلك لما طلع دينه.
....
البصمة الشيويعة واضحة في الكاتب. .... والناقل..

هههههههههههههه
علي الطلاق عرفتك بتجئ طاير يا شيخ قصي
سلام ليك ولست البوست

ههههه
مافيها دين كيف ما بيجي طاير مولانا قصي.
القصيدة سمحة والله يا بت عمسيب وفيها نفس حلفاويين .

كلام مجوبك لفظيا، كمية من الأخطاء ...
أبسط مثال المورجغ لا يستطيع التفريق حتى بين الألف المقصورة، أو الياء المرسلة، وبين الياء..
فالحروف هي التي تسوق إلى المعاني من خلال تكوينها لكلمات، ومن ثم عبارات وجمل مفيدة..
فانهيار جدران الحروف يعني ركام من اللفظ المبعثر، المتراكم فوق المجهول المعنوي....
ووصل به الأمر لأن يتبرأ من الهبالة والبلاهة ، بل وينسبها للزمن ، سابا بها الدهر، وواصفه بالدلاهة،
في قوله:
"طنين الغربة فى
فى الزمن الدلاهة"
.. وقد نهانا الله عن ذلك، فقد ورد في الحديث القدسي:

عن أبي هريرة رضي الله عنه قال:
قال رسول الله صلى الله عليه وسلم: "قال الله تعالى: يؤذيني ابن آدم يسبّ الدّهر وأنا الدّهر أقلّب الليل والنهار"، وفي رواية: "لا تسبّوا الدّهر فإنّ الله هو الدّهر.
...
قال القصيدة سمحة قال!...
يمكن صدقت في وجود النفس الحلفاوي فيها،
بل ومتغلغل بشدة وفائح بنكهة خُزعبلات Bashasha.
شفت كيف؟

Quote: يمكن صدقت في وجود النفس الحلفاوي فيها، بل ومتغلغل بشدة وفائح بنكهة خُزعبلات Bashasha.

معقول كلامكم ده ياناس .. !!! ..
كدي اقروهو تاني ..

صحيح الزول الكتبها -وقد يكون غير مؤلفها- لخبط بين الياء و الالف المقصورة
بس يا شيخ قصي ما تنسى انو نوع القصائد دي الأصل فيها انها مسموعة وليست
مقروءة. اما حكاية سب الدهر دي ما فهمتها، فرغم أن الحديث موجود في الصحيحين
ولكن يعني شنو "انا الدهر"؟ يهني هل الله هو الزمن؟ وحتى ده ذاتو يعني شنو؟
و يا جمال القوز ما تتضايق ياخ حكاية الحلفاويين دي هزار ساكت:).

السلام عليكم يا قصي ..

لو انت بتفهم كلام زي دا ما كنت بقيت سلفي ؟
كلام مجوبك لفظيا، كمية من الأخطاء ...
دا كلام تورية وبلاغة اكيد ما اي زول حا افهمه .بعدين
حتت الاخطاء الاملائية دي سيبنا منها ! طيلة ما انتوا ما عندكم
لغة عربية اصيلة بتتحدثوا بيها كناطقي اللغة العربية وغيركم
من الاعراب وكل واحد قاطع ليه لغة من راسه ومسميها العربية
دا معناتو مافي اخطاء املائية ولا لفظية الكل بكتب حسب مابنطق
وما يمكن ان يقرأه المتلقي بالصورة البفهما الاتنين كما لكم دينكم .

ونكتفي بهذا الكم من مداخلاتك لانه البوست عنوانه قصيدة
وليست دروس عن الفقه واللغة العربية .

وسعيك مشكور ,,,

دكتور سيف لك التحية .


اهو القصائد دي معمولة عشانكم يا دوك .
القصيدة سمحة والله يا بت عمسيب وفيها نفس حلفاويين .
واحب الحلفاوين انا واحب فيصل خليل ذاتو ههههههه .

واهو يا دوك بهديك المقطع دا :
حنك لي
وحنى عليكى
بيغطيك وبيغطينى
فى رضا وإنسجام...

مافي كلام تاني !

طلح لح سلام بنكهة الشوووق .


توقعك في محله اي محل فيه دين دي الحالة !
علي الطلاق عرفتك بتجئ طاير يا شيخ قصي
اها اسه الطلاق دا اخير منه الدين سيب الطلاق وخلينا في الدين .

ومشكور يا فردة .

إتحزمت بى كل العكار الفينى
لا تلومينى لا تلاوينى

كسرة بموية بتكفيك وبتكفينى