Post: #1
Title: رسالة عاجلة الى مدير الادارة العامة للمرور.....
Author: ود الباوقة
Date: 09-17-2017, 12:32 PM
Parent: #0
11:32 AM September, 17 2017 سودانيز اون لاين
ود الباوقة-
مكتبتى
رابط مختصر هل يحق لسعادتك سحب رخصة لمخالفين لقانون
المرور ؟؟؟؟؟؟
حدثني احد الاخوان وهو سائق سيارة امجاد يكد
عليها لمعايش اسرته انه واخرين كانوا وقوفا بسياراتهم
بالقرب من مجمع عفراء التجاري حيث داهمهم مدير شرطة
المرور مصادفة حيث كان في ( جكة ) رياضية
وعندما شاهدتهم امر احد افراد الشرطة المتواجدين بسحب
رخص قيادتهم فاخذها وواصل في تمرينه الرياضي
دون الاخذ في الاعتبار ما سيجري لهم من تعطيل في كسبهم
وكدهم
كان الاجدى به تحرير مخالفات مرورية لهم بدلا عن الاجراء
الذي اتخذ ضدهم والذي ادى الى تعطيل اعمالهم تماما...
وحتى هذه اللحظة لا يعلمون اين توجد رخصهم
نحن مع ضبط حركة المرور وتطبيق اللائحة على المخالفين
وفق ما ورد في لوائح المخالفات
والله من وراء القصد
والله من وراء القصد
|
Post: #2
Title: Re: رسالة عاجلة الى مدير الادارة العامة للمرو
Author: علي عبدالوهاب عثمان
Date: 09-17-2017, 12:39 PM
Parent: #1
حبيبنا ودالباوقة ،،
كان في جكة رياضية .. المعبشة بقت جكة
حتى ما لابس رسمي
صدقني يا ودالباوقة الراجل وضع نفسه في حته بطالة جداً
التواصل والقروبات ما حتقصر ..
بكرة تلقاه هناك عندنا في الشمال في ضواحي الدنيا
لا عفراء لا جكة ..
مودتي الحبيب .. ود الباوقة
|
Post: #3
Title: Re: رسالة عاجلة الى مدير الادارة العامة للمرو
Author: ود الباوقة
Date: 09-17-2017, 03:20 PM
Parent: #2
اخونا وحبيبنا علي
رجل في هذا الموقع الرفيع كنا نتوقع منه ان يكون
اكثر حكمة ومرونة في تطبيق القانون
وفعلا ابن ادم مهما طالت عمامته يوما على الة حدباء محمول
مودتي بلا حدود علاوي
وشكرا
|
Post: #4
Title: Re: رسالة عاجلة الى مدير الادارة العامة للمرو
Author: ايمن الصادق
Date: 09-17-2017, 04:13 PM
الكارثه يكون واحد من الرتب الصغير أو المتوسطه حب يعمل حركة إظهار سلطه .. ودي مرات بتسبب كوارث ... لأنها قد تٌحدث ردات فعل غير متوقعه " وفي الغالب يا عمر حركة إظهار السلطه بتكون مستفزه ) .
- مثلآ العسكري لو ما نفذ ليهو أو استجاب ليهو " او ما عارف شخصيتو " ممكن يتنقل ، أو يتم توبيخه .
- والمواطن ممكن يقابل السلوك دا بحماقة ( بإعتباره مستفزآ )
للأسف مرات ممكن تلقى رجل مرور أو منتسب للشرطه بيكون عاكس الشارع ( إتجاه واحد ) أو بصورة عامه ما بيكون مثال جيد عند استخدامه للطريق ... وكأنه يقول البيسألني منو ؟!
-----
ليتهم يكونوا مثال جيد .
|
Post: #5
Title: Re: رسالة عاجلة الى مدير الادارة العامة للمرو
Author: ود الباوقة
Date: 09-17-2017, 04:25 PM
Parent: #4
اخونا ايمن
الرتب الوسيطة نادرا ما يحدث منها تجاوزات
ويفترض كلما زادت الرتب زاد التواضع
وحسن المعاملة
عكس ما نحن بصدده تماما
وشكرا
|
Post: #6
Title: Re: رسالة عاجلة الى مدير الادارة العامة للمرو
Author: بشير حسـن بشـير
Date: 09-17-2017, 06:19 PM
Parent: #5
سلام يا عمر وعلك بخير
اتمني لك طيب الإقامه في بلدك ووسط أهلك
وأشفق عليك لما ستقابله من عرقله وإستفزاز حتي وأنت تقود
سيارتك التربتيك
لان ما ستعايشه وتسمعه وهو حقيقي يقشعر له البدن
وأخص الأجهزه الشرطيه وخصوصا شرطة المرور
فحدث ولا حرج ولا وجود للقانون فالكل يعمل بمزاجه
أحكي لك حادثه حصلت معي في طريق مدني الخرطوم
السرعه محدده ب ٩٠ كيلومتر للسيارات الصغير
متعود أنا ألا أتجاوز ال ٩٠ هذه رغم أنني أعرف أماكن
الرادارات جيدا
جئت عند الرادار وسرعة العربه ٨٥ كيلو لأني ضابط
مثبت السرعه علي ال ٨٥ كيلو متر
هل تصدق تمت مخالفتي علي سرعة ١١٧ كيلو حنك ساي بس
طالبت ب القسيمه موضح فيها سرعة السياره كما كانت تظهر
قالوا ان الطابعه لا تعمل لذلك ادفع وروح اشتكي اذا تريد
جلست لأكثر من ساعه ولا فائده كما وضح لي يا تدفع يا حنشيل العده
دفعت مرغما علي ان اتظلم لاحقا لدي شرطة المرور مبلغ ٢٠٠ جنيه بالتمام والكمال
ذهبت لشرطة المرور وقدمت مظلمتي مذيله بعنواني وتلفوني والإيميل والواتس كمان
لي اكثر من سنه وانا انتظر اي اتصال منهم
بلد ينخر فيها السوس والرشوه والمحسوبيه من ساسها لرأسها
كن بخير عزيزي فأنت في السودان
.
.
.
|
Post: #7
Title: Re: رسالة عاجلة الى مدير الادارة العامة للمرو
Author: باسط المكي
Date: 09-17-2017, 06:35 PM
Parent: #6
كع
|
Post: #11
Title: Re: رسالة عاجلة الى مدير الادارة العامة للمرو
Author: ود الباوقة
Date: 09-18-2017, 06:55 AM
Parent: #7
السغيروني باسط
ماجي السودان تريبتك
وشكرا
|
Post: #9
Title: Re: رسالة عاجلة الى مدير الادارة العامة للمرو
Author: ود الباوقة
Date: 09-18-2017, 06:47 AM
Parent: #6
اخي بشير
لابد من معالجات سريعة
للعديد من التصرفات التي تحدث من بعض المسؤولين
وغيرهم
بارك الله فيك
|
Post: #8
Title: Re: رسالة عاجلة الى مدير الادارة العامة للمرو
Author: الطيب عباس
Date: 09-18-2017, 05:34 AM
Parent: #1
يا ق بق بكون شافو خالط ههه ومزه جامده كمان
يخ السواقه في السودان بقت كبير ياكل حقك ما حقك خش المهم تكتل الملف وتبقي حريف تقيف من غير إشارات تقيف في كل مكان المهم تقيف راجع البوست دا شان تتمتع رغم انو بوست باير لكن لايهم المهم كتبناو ووصلت الفكره
قانون السياقه الجديد في العاصمه 😒قانون السياقه الجديد في العاصمه 😒
|
Post: #10
Title: Re: رسالة عاجلة الى مدير الادارة العامة للمرو
Author: جلالدونا
Date: 09-18-2017, 06:54 AM
Parent: #8
Quote: ويفترض كلما زادت الرتب زاد التواضع
وحسن المعاملة |
و الافتراض ده الحمد لله شايفنو فى اكبر راس حاكم البلد
ناس تحت جزمتى و لحس الكوع
اذا كان رب البيت للشنو داك ما عارف
فشيمة اهل البيت شنو داك ما عارف
|
Post: #12
Title: Re: رسالة عاجلة الى مدير الادارة العامة للمرو
Author: عبدالحفيظ ابوسن
Date: 09-18-2017, 06:57 AM
Parent: #8
مرحبا باوقة
وضيوفه
اها دي واحدة من اسوأ انوع طريقة الحكم في السودان
وهي ما بتخص الضابط بس بل تنسحب علي كل المسؤولين
انهم هم القانون والدولة
وسلطتهم تبيح ليهم فعل اي شئ وفي اي وقت
هو الاول في صف الرغيف
وهو الممكن يخش اي محل مجانا
ويخش المحل الممنوع فيهو الدخول
وكلامو هو الفصل والاخير قبضك يعني اثبت التهمة عليك
مافي ضوابط مهنية واحترام للقانون
ويجو يقولو ليك قبضنا منتحل شخصية ضابط
ياخ لو قلتو ليهو اثبت لي انك ضابط قيامتك قامت . عشان كدة ساهل جدا انتحل شخصية ضابط
|
Post: #13
Title: Re: رسالة عاجلة الى مدير الادارة العامة للمرو
Author: ود الباوقة
Date: 09-18-2017, 08:25 AM
Parent: #12
لحين عودة
وشكرا
|
Post: #19
Title: Re: رسالة عاجلة الى مدير الادارة العامة للمرو
Author: ود الباوقة
Date: 09-18-2017, 07:58 PM
Parent: #12
الحبيب الاريب ابو سن
نسأل الله ان يصلح الحال
مع التقدير لشخصك الكريم
وشكرا
|
Post: #14
Title: Re: رسالة عاجلة الى مدير الادارة العامة للمرو
Author: ود الباوقة
Date: 09-18-2017, 05:13 PM
Parent: #8
طيب القوم
ربنا يجيب العواقب سليمة
مع الود والاحترام
|
Post: #15
Title: Re: رسالة عاجلة الى مدير الادارة العامة للمرو
Author: باسط المكي
Date: 09-18-2017, 05:45 PM
Parent: #14
ماجي السودان تريبتك..
........................
كلام ناس عجااااااااااااااااااز والكبر تملكهم
فال الله ولا فالك ..يالمسيخ ..السودان بنقدل في الضحي الاعلي
بعد زول الظلام ..الله لاكسبك انت والبشبهوك
|
Post: #16
Title: Re: رسالة عاجلة الى مدير الادارة العامة للمرو
Author: سيف الدين محجوب
Date: 09-18-2017, 06:04 PM
Parent: #15
باوقايلوجي
جزاك الله خيراً على سعيك لمساعدة هؤلاء المساكين
ولو أبو جكة دا ما رجع ليهم الرُخص
أديه بالحتة الفيها الحديدة طوالي ( كلم ليهو طه )
إحترامي سيدي
|
Post: #17
Title: Re: رسالة عاجلة الى مدير الادارة العامة للمرو
Author: Ali Alkanzi
Date: 09-18-2017, 06:34 PM
Parent: #16
سلام ود الباوقة
نجم المنبر
كنت بقرأ ليك بس اسا جيت بلحمي ودمي
اها انقول ليك بقت على الرخصة وسحبها؟
يا اخي دليل بسحبو الروح ذاتا
رغم ذلك اشهد لرجال شرطة المرور بجهدهم المقدر لكن اليد والواحدة ما بتصفق
اكثر ما يبهرني عمل شرطة المرور في رمضان
قلبي معهم يعملون وكت الشمس الحارة ووكت الناس بتفطر
|
Post: #18
Title: Re: رسالة عاجلة الى مدير الادارة العامة للمرو
Author: قصي محمد عبدالله
Date: 09-18-2017, 06:46 PM
Parent: #17
ود الباوقة تحياتي وتقديري،
ياخي لوحسابك اتهكر كلم بكري،
عادي ، ما فيها حاجة!
-----
|
Post: #20
Title: Re: رسالة عاجلة الى مدير الادارة العامة للمرو
Author: الطيب عباس
Date: 09-19-2017, 05:45 AM
Parent: #18
ههههههههههههههههه
Quote: ود الباوقة تحياتي وتقديري،
ياخي لوحسابك اتهكر كلم بكري،
عادي ، ما فيها حاجة! |
من الذي يكتب باسم باوقه هههههههه
تحيياتي يا باقبق ولضيوفك تاني
|
Post: #22
Title: Re: رسالة عاجلة الى مدير الادارة العامة للمرو
Author: Hassan Farah
Date: 09-19-2017, 07:00 AM
Parent: #18
ود الباوقة تحياتي وتقديري،
ياخي لوحسابك اتهكر كلم بكري،
عادي ، ما فيها حاجة!
-----..........................................................
هههههههههه....الله يدارى محنك يا قصى...
حتى انت شكيت فى صاحب البوست!!!!
اها يا بق بق خم وصر
|
Post: #24
Title: Re: رسالة عاجلة الى مدير الادارة العامة للمرو
Author: ود الباوقة
Date: 09-20-2017, 03:51 PM
Parent: #17
أستاذنا على الكنزي
صحيح لشرطة المرور مجهودات مقدرة
بالذات من يعملون عند تقاطع الطرقات واشارات
المرور ...النحية لهم ونسأل الله لهم الاعانة والسداد
مودتي
|
Post: #21
Title: Re: رسالة عاجلة الى مدير الادارة العامة للمرو
Author: ود الباوقة
Date: 09-19-2017, 06:59 AM
Parent: #15
..الله لاكسبك انت والبشبهوك
..............
السغيروني باسط
دا كلام شنو يا زول
وشكرا
|
Post: #23
Title: Re: رسالة عاجلة الى مدير الادارة العامة للمرو
Author: Deng
Date: 09-19-2017, 09:04 AM
Parent: #21
ود الباوقة.
دي جرعة بسيطة من ظلم الحكومة للمواطنين في السودان.
هنالك من يقتلون، ومن يعذبون ومن يشردون من ديارهم بواسطة هذه الحكومة المجرمة الفاشية.
الظلم الذي حدث لقريبك هذا لا يقارن أبدا بالذي يحدث في جبال النوبة.
هل رأيت منظر الأطفال وهم يختبئون بين الصخور من الهجمات التي تقوم بها طائرات الإنقاذ؟
ود الباوقة أختشي.
|
Post: #25
Title: Re: رسالة عاجلة الى مدير الادارة العامة للمرو
Author: ود الباوقة
Date: 09-20-2017, 03:54 PM
Parent: #23
الزغلباني دينق
انتو طبعا في الجنوب مرتاحين لامرور ولاهم بحزنون
3 عربات لي سلفا مع عربات رياك قاي وبعض الوزراء
يعني بالكثير 52 عربية
والباقي ابقار وقطط
فقط لاغير
وشكرا
|
|