Post: #1
Title: أيهما أفضل في الدراسات العليا في القانون السودان أم مصر
Author: محمد الحسن حمدنالله
Date: 09-08-2017, 10:19 AM
Parent: #0
09:19 AM September, 08 2017 سودانيز اون لاين
محمد الحسن حمدنالله-برستول بريطانيا
مكتبتى
رابط مختصر من ناحية جودة الدراسة والمدي الزمني والتكلفة المالية تم قبولي هنا في مدينة بريستول في جامعة غرب إنجلترا في في العام ٢٠٠٤ لعمل ماجستير في قانون حقوق الإنسان لكن لظروف خاصة طلبت من الجامعة التأجيل إلي العام التالي وافقت إدارة الجامعة لكن الكسل منعني من المواصلة😀 في العام ٢٠١٣ قدمت لنفس الكورس لكن في جامعة برستول في نفس المدينة وكان رد إدارة الجامعة الإعتذار عن القبول والنصيحة من خلال السيرة الذاتية أن أُقدِّم لماجستير في أعمال الشرطة! طبعاً أصلو داير لي سبب زوغة والحمدلله توفّر😀 أهه تأكد لي بما لا يدع مجالاٌ للشك أني لن أتمكن من إتمام دراستي هنا لمشاغل مدارس الأطفال وغيرها وأفضل الخيارات بالنسبة لي هما السودان ومصر بالمناسبة غرضي من الدراسات العليا فقط زيادة المعرفة وليس الشُغُل
|
Post: #2
Title: Re: أيهما أفضل في الدراسات العليا في القانون �
Author: قصي محمد عبدالله
Date: 09-08-2017, 11:56 AM
Parent: #1
المسألة زمنية..
أقرب فرصة أدحل فيها... لا تقاوم المتوفر المتاح بالتمني المجهول.
|
Post: #3
Title: Re: أيهما أفضل في الدراسات العليا في القانون �
Author: محمد الحسن حمدنالله
Date: 09-08-2017, 04:37 PM
Parent: #2
العزيز قصي محمد عبدالله التحية والإحترام ممنون وشاكر النصيحة وسأعمل بها بإذن الله مودتي. تقديري
|
Post: #4
Title: Re: أيهما أفضل في الدراسات العليا في القانون �
Author: حيدر حسن ميرغني
Date: 09-08-2017, 04:54 PM
Parent: #3
طالما اصلا مراجعنا في القانون مصرية
وبالنظر لحال الدراسات دي في السودان في الوضع الراهن
افضل مصر طبعا
لكن رأي قبيلة القانونيين في المنبر سيكون افيد من الرأي بتاعي
وجهة نظر إنطباعية لاغير
|
Post: #5
Title: Re: أيهما أفضل في الدراسات العليا في القانون �
Author: محمد الحسن حمدنالله
Date: 09-08-2017, 06:16 PM
العزيز حيدر حسن ميرغني التحية والإحترام مرحب بيك وبرأيك الذي سأضعه في الإعتبار وهناك من القانونين من نصحني بذلك مودتي وتقديري
|
Post: #6
Title: Re: أيهما أفضل في الدراسات العليا في القانون �
Author: Muhib
Date: 09-08-2017, 08:58 PM
Parent: #5
بريطانيا
طالما انت مقيم هناك
|
Post: #8
Title: Re: أيهما أفضل في الدراسات العليا في القانون �
Author: محمد الحسن حمدنالله
Date: 09-08-2017, 10:10 PM
Parent: #6
العزيز Muhib التحية والإحترام شاكر النصيحة وسأضعها في الإعتبار
|
Post: #7
Title: Re: أيهما أفضل في الدراسات العليا في القانون �
Author: محمد على طه الملك
Date: 09-08-2017, 08:59 PM
Parent: #5
سلامات يا محمد وزوارك الأفاضل ..
ما فهمت أنت عايز تعمل ماجستير في حقوق الإنسان أم أعمال الشرطة ؟
إذا كان الأول كيف تختار السودان أو مصر وأنت عندك برستول أو أي جامعة أوربية ؟
وكان التاني ممكن السودان لإن للشرطة جامعة متخصصة أو كمان أحفر قبلك .
|
Post: #9
Title: Re: أيهما أفضل في الدراسات العليا في القانون �
Author: محمد الحسن حمدنالله
Date: 09-08-2017, 11:08 PM
Parent: #7
العزيز محمد علي طه الملك التحية والإحترام سعيد بوجودك هنا وسعيد بنصيحتك أنا ما عندي رغبة في عمل ماجستير في أعمال الشرطة لكن دا كان إقتراح الجامعة عندما رُفض طلبي بتاع ماجستير حقوق الإنسان طبعاً كسلت من موضوع القراية هنا بعد الرفض الأخير لذلك فكرت عملها في السودان أو مصر وبجهد أقل كثير من هنا
|
Post: #10
Title: Re: أيهما أفضل في الدراسات العليا في القانون �
Author: Basamat Alsheikh
Date: 09-09-2017, 01:30 AM
Parent: #9
السودان افضل ..وابعد من مصر...
ويا ريت في جامعة الخرطوم...وعلى الرغم من اقوال البعض ان مستواها
تدهور ، الا انها افضل جامعة في السودان...لانها جامعة لا تعين اساتذة
الا بعد تمحيص للشهادات التي تحصل عليها الاستاذ المرشح للعمل فيها..
..ولكن اذا وجدت فرصة الماجستير والدكتوراة في بريطانيا فهذا افضل
بكثير....احد اقاربي كان استاذا في جامعة الخرطوم واخبرني مرة ان الدراسات
العليا، ماجستير ودكتوراة ، اسهل في اوروبا وامريكا من السودان والدول العربية.
مع امنياتنا لك بالنجاح والتوفيق ، ويبدو انك ذو ارادة قوية لانك وبعد تركت الفكرة
كل هذه السنوات فانت مصر على تكملة الدراسات العليا.
ودمت بالف خير
|
Post: #11
Title: Re: أيهما أفضل في الدراسات العليا في القانون �
Author: Asim Ali
Date: 09-09-2017, 09:06 AM
Parent: #10
السلام عليكم
من واقع التجربه الشخصيه طالما انك خارج السودان فالافضل ليك الاستفاده من كل الخيارات المطروحه ليك على امتداد العالم
|
Post: #13
Title: Re: أيهما أفضل في الدراسات العليا في القانون �
Author: محمد الحسن حمدنالله
Date: 09-09-2017, 11:07 AM
Parent: #11
العزيز Asim Ali التحية والإحترام شاكر المرور والنصيحة سأضع ما قلت نصب عينيّ تقديري
|
Post: #12
Title: Re: أيهما أفضل في الدراسات العليا في القانون �
Author: محمد الحسن حمدنالله
Date: 09-09-2017, 10:18 AM
Parent: #10
العزيزة Basamat Elsheikh التحية والإحترام سعيد بمرورك وسعيد بنصيحتك نعم جامعة الخرطوم وبرغم الدمار الذي ألحقته ثورة التعليم العالي بالتعليم الجامعي إلا أنها لا تزال الجامعة الأفضل في السودان سأضع وصيتك في الإعتبار وشاكر التشجيع وإستنهاض الهمة شكري وتقديري
|
Post: #14
Title: Re: أيهما أفضل في الدراسات العليا في القانون �
Author: Kabar
Date: 09-09-2017, 12:28 PM
Parent: #12
ول ابا محمد الحسن..حبابك
ما عندي فكرة كبيرة عن الجامعات سواء سودانية او مصرية..ولكن رؤوس خيوط احتمال تساعدك:
الجامعات المصرية:
جامعة القاهرة تمنح دبلوم حقوق عالي وتعمل بنظام المقرارت (كورسات) وماجستير ودكتوراه..ولم توضح الزمن والمصاريف..عندهم 11 برنامج دبلوم اضافة ل 4 تسمى دبلومات دراسات تطبيقية في الحقوق..عناوينهم الى حد ما جيدة..
الجامعة الأمريكية بالقاهرة:ايضا لم توضح المصاريف والزمن سواءا للماجستير او الدكتورة ، لكن من ضمن برامج الماجستير:ماجستير القانون الدولي وحقوق الإنسان وماجستير القانون الدولي المقارن.
جامعة الزقازيق: ودي الجامعة الوحيدة التي وضعت الرسوم بصورة واضحة: بالنسبة ليك كقادم من الخارج رسوم القيد لدبلوم الحقوق العالي 1200 استرليني اضافة لرسوم سنوية بمقدر 1000 استرليني في السنة..اما الماجستير فرسوم القيد 1200 استرليني ثم 1200 سنويا..والدكتوراة رسوم القيد 1200 استرليني و2000 سنويا
ولم تحدد جامعة الزقايق طبيعة الدراسات ..يعني حقوق وبس..
بالنسبة للجامعات السودانية:
جامعة الخرطوم: ودي عندها مشكلة اساتذة..وبتمنح دبلوم القانون العالي (نظام كورسات) وحاليا (حسب المعلومات الواضعنها) غير متوفر..
مافي حديث عن برنامج الماجستير في القانون..
اما الدكتوراة في القانون فهي موجودة (قانون عام فقط)..وبنظام البحث..وبتكلف 8350 دولار في حالة تسجل كأجنبي ، اما كسوداني فهي 30000 جنيه سوداني..
وفي كل الأحوال مشكلة الدراسات العليا في القانون بجامعة الخرطوم ، انو شرطها عند التسجيل لازم تضمن وجود مشرف..!
جامعة امدرمان الإسلامية: تبدا بتمهيدي ماجستير لمدة سنة..والماجستير سنتين..والدكتوراة سنتين لأربعة سنين..وبرنامجها موضوعاتو (اصول فقه ، الفقه المقارن ، والقانون المقارن)..
ولا معلومات عن التكلفة والرسوم..
جامعة افريقيا العالمية (المركز الأفريقي سابقا): عندها برنامج ماجستير في القانون العام ، وماجستير في القانون الخاص..
ولا معلومات عن الزمن والتكلفة..
اتمنى ان تفيدك هذه النثارات..
ودمت..
كبر
|
Post: #15
Title: Re: أيهما أفضل في الدراسات العليا في القانون �
Author: محمد الحسن حمدنالله
Date: 09-09-2017, 04:22 PM
Parent: #14
الحبيب ول أبا Kabar التحية والإحترام ممنون وشاكر هذا الكم المفيد من المعلومات عن الدراسات العليا بالسودان ومصر وقطعاً قد أجابت علي الكثير من التساؤلات التي تدور في رأسي وستساعدني قطعاً في إتخاذ القرار السليم دمت بعافية مع مودتي وتقديري
|
|