من كلمة ( شريط ) ألفي العنوان لازم تعرفوا إنّو موضع قديم من زمن الڤي إتش إس
الخلاني اتذكرو .. اعلان في التلفزيون قبيل ... اعلان عن احمر شفايف ... رووج عديل كده ...
و الإعلان يجيبو وش ألَّبت مقسوم اتنين بالطول ... نص الشفة مصبوغ و النص التاني بدون
في محاولة لإظهار جمال احمر الشفايف ... و طبعا جابو بنات بيض و سمر و و شقر
و ظابطين الأمور تمام ... و فجأة اشوف ليكم وش راجل ( مجازاً ) مقسوم اتنين ...
و كأن شيئاً لم يكن ... على أساس عااااادي إنّو الراجل ألما راجل ممكن يصبغ ... المافي شنو ؟
فقلت يا ود .. الدنيا أمانة ما اتغيرت ... و في سري ضحكت على صاحبنا الساخر الزمان ...
اها الحصل في نص السبعينات ... سنين المراهقة و الشباب ... عندنا صاحبا لينا جا صاحبو من أوروبا كان في اجازة
جاي فرحان يهلل و شايل شريط فيديو في ايدو ... و قال و يلوح بالشريط ...
جبت ليكم أحدث شريط سكس نزل في السوق ... آآآخر حاجة نزلت ...
فرد صاحب آخر ساخرا ... و قال:
أحدث شريط سكس يعني شنو ؟ مش ياهو الجنس ولا في حاجة اتغيرت !!
الْيَوْمَ ...بعد اعلان احمر الشفايف ... و انا شامتا في ذلك الصديق الساخر الذي أضحكك الجميع وقتها .. أقول :
أمانة يا صديقي ما القصة اتغيرت و جاطت جوطة عدوك ...
Post: #2 Title: Re: جبت ليكم أحدث شريط ( سكس ) نزل في السوق ... Author: يحي قباني Date: 08-31-2017, 07:00 AM Parent: #1
قبل كم يوم زرت صاحبنا ببيع عربيّات ...
دخلت عليو في مكتبه لقيته يرشرش و يمسح في مكتبه و في كراسي الضيوف
سالتو يا زول مالك ؟ في شنو ؟
قال لي أبدا ... بس في اتنين كأنو قاعدين في الكراسي دي جو وقعوا و استلمو عربيتهم ...
قلت ليهو ... و بتنضف بي وراهم مالك؟ كانو مزكومين ؟
قال لا أبدا ... بس الظاهر انهم Gays
ضحكت و قلت ليو ،، و انت بتنضف في شنو حسي؟ ڤيروس الخناثة ؟
قال لي ... ياخ ما بتعرف ... جايز ...
و سكت ...
Post: #3 Title: Re: جبت ليكم أحدث شريط ( سكس ) نزل في السوق ... Author: MOHAMMED ELSHEIKH Date: 08-31-2017, 07:09 AM Parent: #2
امس كنت في صيدلية بابها لشراء ادوية. حضر شاب سعودي للسؤال عن كريم معين ولم يجده. بعد خروجه ابلغني الصيدلي اليمني ان هذا كريم لتبييض الوجه. وعندما راى استغرابي قال لي ياخي عادي. في شباب بشترى كريم اساس Foundation!
Post: #4 Title: Re: جبت ليكم أحدث شريط ( سكس ) نزل في السوق ... Author: يحي قباني Date: 08-31-2017, 07:25 AM Parent: #3
Quote: امس كنت في صيدلية بابها لشراء ادوية. حضر شاب سعودي للسؤال عن كريم معين ولم يجده. بعد خروجه ابلغني الصيدلي اليمني ان هذا كريم لتبييض الوجه. وعندما راى استغرابي قال لي ياخي عادي. في شباب بشترى كريم اساس Foundation!
أُمٌك ...
الظاهر بقينا رجعيين يا دفعة ...
Post: #5 Title: Re: جبت ليكم أحدث شريط ( سكس ) نزل في السوق ... Author: جلالدونا Date: 08-31-2017, 07:28 AM Parent: #3
اقسم بالله العطيم مداخلتك دى يا محمد الشيخ ما فهمت فيها اى حاجة يعنى شنو كريم اساس ؟و بيعملو بيهو شنو؟ __ قريبك على ود الباوقة قابلنى و انا نازل من العربية قدام بيتنا و جايى من المطار بعد غياب يتعد بالسنين و قعدنا نتونس شويتين كدى قلعت الجلابية و بقيت بالسروال و العراقى و لبست سفنجة ود اخوي .... سفنجة نخرتا مقطوعة و مربوطة بى حبل بلاستيك .... و خمشت منّو علبة برنجى و الكبريتة و كيس التمباك و شربت من السبيل بالكوز المقدود داك و برضو مربوط بى حبل صاحبك على ضحك ضحكتو التاريخية ديك و قال لى على بالطلاق الما عارفك جايى من وين يقول جايى من اللعوتة _ قبانى بالغ ياخ و تجى انتا تبالغ معاهو .. ياخى نحنا الجلسرين شايفنو عيب .. تجو تعملوها لينا فاونديشن
Post: #6 Title: Re: جبت ليكم أحدث شريط ( سكس ) نزل في السوق ... Author: Asim Ali Date: 08-31-2017, 11:26 AM Parent: #5
السلام عليكم فنان كوميدى من تشاد انتقد الشباب الزى ديل بشكل جرىء فى اعماله المعروفه ب ( الحاج توا توا ) . 1