اصلا مافى زول متفلت فى الحزب غير الشخص دا وبعدين حركة الثرو باص مع الديكين والحيطة ثم نفش الريش بتلك السرعة لا يجيدها الا شخص مثله رجع الديك يا معاوية الله يزيلك
Post: #2 Title: Re: معاوية عبيد هو الشيوعي الذى ضرب بالديكين � Author: هشام عباس Date: 08-28-2017, 01:36 PM Parent: #1
فى بدايات عهد الانقاذ عندنا واحد فى الحلة كان عامل غلبة للجماعة لانه كان زعيم الحلة قبل مجئ البشير وانشاء المحليات واللجان الشعبية التى اتت بديلة للحكم الاهلي التقليدى ووجود شخص بمثابة العمدة والراجل كان مغيوظ من الحكاية دى وعامل شمطة وله شعبية بين الناس ففكر الكيزان فى طريقة لفض الناس من حوله فاطلقوا اشاعة انه شيوعيى .. الكلام وصل اخونا الزعيم وهو راقد فى حوش بيتو فقام طلع شايل عكاز وماشى المسجد والجماعة عندهم ليلة كيزانية يدور فيهم ضرب اثناء توجهه الى المسجد قابله واحد خالنا وساله عن سبب غضبه وعرف انو ناوى على مصيبة - مالك يا زعيم زعلان كدا والشرر فى عينك وشايل عصايتك ناوى على شنو - تخيل الجماعة قالوا علي شيوعي - طيب انت لو بقيت شيوعي ما تفرح - كيف الكلام دا ؟؟ - اصل الشيوعيين ناس ايدهم نضيفة ومثقفين ومفكرين وووووووووو عمنا الزعيم داب زى التلج واتحول من تور هايج لحمل وديع وقال لى خالنا : - خلاص بالله ما تنسي بكرة بعد صلاة الجمعة تنشر بين الناس انى شيوعي ومن كم وعشرين سنة عمنا مبسوط من حكاية انو شيوعي اسع بعد السنين الطويلة دى من الفخر عمنا دا لو سمع حكاية الشيوعي والديكين الوضع شنو ؟؟ يعنى بعد كم عشرين سنة من الثقافة والفكر يطلع بتاع ديك ساي
Post: #3 Title: Re: معاوية عبيد هو الشيوعي الذى ضرب بالديكين � Author: علي دفع الله Date: 08-28-2017, 02:05 PM Parent: #2
ههههههههه ابو الهش يا بتاع الديكة
التحية لي عمك واوعى تحكي ليه وصولنا لي مرحلة اكل الديكة الملبوعة بالحيطة .. كن بخير يا صديقي
Post: #4 Title: Re: معاوية عبيد هو الشيوعي الذى ضرب بالديكين � Author: حمزاوي Date: 08-28-2017, 08:15 PM Parent: #3
ديك العدة
Post: #6 Title: Re: معاوية عبيد هو الشيوعي الذى ضرب بالديكين � Author: هشام عباس Date: 08-28-2017, 09:00 PM Parent: #4
حمزاوى سلامات مسكاقمي
Post: #5 Title: Re: معاوية عبيد هو الشيوعي الذى ضرب بالديكين � Author: هشام عباس Date: 08-28-2017, 08:59 PM Parent: #3
الصنديد علي ازيك ياخى لينا كم وعشرين سنة وحاصرين عمك في حتة الفكر والثقافة لكن مع مواقع التواصل الانتشرت دي وتصريحات قادة الحوار الوطني وممثلي المهجر اكيد عمنا حيسمع بخبر الديك الملبوع ونكون دخلنا معاه في ورطة
اييييييه يا علي يا اخوى محن البلد دي كلما تقول بكرة افضل يجيك زى الناس ديل يسدوا نفسك من بكرة اسع دي عقلية ناس بتتحاور من اجل مستقبل وطن !!!
Post: #7 Title: Re: معاوية عبيد هو الشيوعي الذى ضرب بالديكين � Author: محمد أبوالعزائم أبوالريش Date: 08-29-2017, 06:30 AM Parent: #5
المواطن ده يا هشام حيرنا ...
يمعط الديك ... وياكل الفطيسة ... ويقوم يحج !!!!!!
Post: #8 Title: Re: معاوية عبيد هو الشيوعي الذى ضرب بالديكين � Author: محمد محمد قاضي Date: 08-29-2017, 07:11 AM Parent: #1
تحياتي العزيز هشام وضيوف البوست الكرام
ما عارف أقول ليكم كل سنة وإنتم بخير بتقبلوها ولا لا؟
موضوع عمنا الشيوعي ده لازم تحكيه باللغة النوبية زي ما حصل بالضبط وإلا ما ليه طعم بالعربي ههههه
سمعنا أنو في المدارس الإبتدائية عندنا في البلد (الحفير الإبدتدائية وأبو تعريفة في البرقيق) أن مدرسين محسوبين علي التيار اليساري (شيوعيين) خاصة هم من حملوا لواء تعريب لسان التلاميذ بالجلد والترهيب - فهل الكلام ده صحيح؟ علما بأن بعضهم ما زالو أحياء
Post: #9 Title: Re: معاوية عبيد هو الشيوعي الذى ضرب بالديكين � Author: معاوية عبيد الصائم Date: 08-30-2017, 02:26 AM Parent: #8
ديل الديكين وكت الضربة .بس ي هشام مفروض تكون امين مع نفسك لانو انا اصلا دقيت ملاية تقيلة على الحيطة شان تكون الضربة خفيفة ي وغد بعدين مفروض تحكى لعزيزى القارى لامن عزمت على دفع الله ع لحم شية ضان وطلعت لحمة خنزير
ثم ياخ مفروض برضك تحكى للناس العرس المشيت ليهو معاك فرح اب روضة والعريس الشيوعى كانت العروس خالتو اخت امو لزم ..
Post: #10 Title: Re: معاوية عبيد هو الشيوعي الذى ضرب بالديكين � Author: فرح الطاهر ابو روضة Date: 08-30-2017, 08:25 PM Parent: #9
قبيل كنت بتكلم مع المدام قلت ليها اها اشتريتوا الخروف قالت لي ايوه لكن والله هامين للزول البضبح لينا زحمة واي زول مشغول قلت ليها يا زولة ما تشيلي هم انحنا ابتكروا لينا سنن ضبح جديدة بس شوفي زول من المستعجلين ديل يكون معضل يضرب ليكم بيه الحيطة قالت لي محجوب شريف والله يا محجوب ابوك شكله الغربة جننتو قلت ليها الجن بداوى كعبة الانفزارة وقطعت الخط خليته بين الدهشة والاستغراب هذا الرقم لا يمكن الوصول إليه حاليا وكل عام وانتم بالف خير
Post: #11 Title: Re: معاوية عبيد هو الشيوعي الذى ضرب بالديكين � Author: علي دفع الله Date: 08-30-2017, 09:08 PM Parent: #10
ابو روضة انا غايتو مقدم عرض للجيران انو صاحبي عبد الوهاب الجزار ابعضل حا يمر عليهم بعد صلاة العيد بدل الضبح بي 200 ج حا يلم في الخرفان لبع بالحيطة واهو اختصار للزمن وتكلفة الخروف الملبوع 100ج وعشان يتقن العملية جربنا الطريقة في كم ديك وهسي الحلة مدورة😃😃 الديك المخبوط بالحيطة عليه جنس طعامة شكرا يا قريمان ان جعلت ذلك ممكنا 😃
Post: #12 Title: Re: معاوية عبيد هو الشيوعي الذى ضرب بالديكين � Author: كمال عباس Date: 08-30-2017, 09:13 PM Parent: #11
كتبت في بوست قريمان ((اها حسنا ! فلنفترض ان شيوعيا سكر واخر اكل لحم الميتة والخنزير كمان او قل كلهم فعلو ذلك! هذه ان حدثت فهي ممارسات ( دينيا بينهم وبين الله ) وهو هم من يتضرر منها اويتحملمسؤليتها !** ولكل ماذا عن من يرتكب جريمة في حق الغير ؟ من يسرق وينهب ؟!! من يدمر وطنا ومن يمزق نسيجه الاجتماعي ؟!! من يعذب ويشرد ؟!!من يشعل الفتن العنصرية والجهوية ؟!! من يفرط تراب الوطن وسيادته !! من يربط الوطن بالتطرف والارهاب !! من الغئ مجانية العلاج والتعليم ودعم السلع الاساسية !من افقر واجاع ! من مارس الكبت والديكتاتورية وهيمن علي مفاصل الوطن واقصئ الاخر وهمشه! من صادر الحريات وحقوق الانسان ! من حول الوطن لضيعة خاصة له ولشعيته ومناصريه ! من افسد واستبد ! ** الاسواء من هذا من ارتضي ان يبيع ضميره وانسانيته ويتحول لبوق سلطاني او يتحول لمسخ ~ بلا قيمة اوتاثير ~~يمسح الجوخ ويلعق الاحذية ويسترضي السلطان الجائر !* السئ والكارثي ان يتخفي الشخص ويمارس التقية ويتذاكي ~و يظهر الحياد ويبطن الولاء للانقاذ ~ يخذل عنها ~~ لابوضوح واستقامة ~ وانما بخسة وخبث وتذاكي مفضوح ** لانعرف شئيا عن (سكر الشيوعي واكله للحم الخنزير ولعبه الميسر ) ولايهمنا ذلك كثيرامايهمنا هو ما يضرنا ويدمر وطننا ويمزق نسيجه ويسرق وينهب ويفسد ويستبد لان ضررهوكوراثه ~ تمس الوطن والمجتمع وتدمره ! ** لانعرف شئيا عن (سكر الشيوعي واكله للحم الخنزير ولعبه الميسر ) مانعرفه هو ان شعبنايعرف استقامته وامانته وتكريس لحياته لوطنه وشعبه ٠٠ هكذا احب شعبنا نقد وفاطمة وحميدومحجوب شريف ٠٠ احبهم وتدافع في وداعهم وتشييعهم ~~ وهكذا عاشوا الخلود في موتهم ومات و سقط من ذاكرة الشعب ووعيه ~~ امثال البشير ونافع وسعاد الفاتح ومات وهم علي قيد الحياة واموات قيادات الجبهة ! وسقط ويسقط موتي الضميروفاقدي الاحساس **~ التاريخ وبمثل يرصد ويسجل باحرف من نورمواقف كل من انحاز لشعبه وصاح في وجه الظلم لا لا ! فانه يرصد مخازي من مكانهم سلة قذورات ومهملات التاريخ ومن سقطوا من ذاكرة الشعب وصفحات التاريخ المضئية!.
Post: #13 Title: Re: معاوية عبيد هو الشيوعي الذى ضرب بالديكين � Author: كمال عباس Date: 08-30-2017, 09:14 PM Parent: #12
قريمان مابين ديكة الحيطة وديك العدة ! من يباري الديكة بتوديهو وين ؟ بتوديهو الكوشة !! لماذا الان ياقريمان ؟ قريمان !! لو تحدث قريمان عن موقف الشيوعية من الدين وكمان رفع دمغة الشيوعية كافرة والشيوعية ملحدة لما لفت نظر احد فهذا الكلام المستهلك والممجوج - ليس جديدا ! **ولو تحدث عن ظاهرة السكر عند بعض الشيوعيين برضو ممكن يناقش ! * ولكن مالجديد ؟ الجديد هو ديك العدة اقصد ديك الحيطة ! يضرب الديك الاول بالحيطة فيموت الديك فورا!! يضرب الديك الثاني بالحيطة فيقضي نحبه علي طول ! الزول دا كان ممكن يعمل حاجة بسيطة يفصل الرقبة عن بقية الجسم بيده او بالسكين وماشرط ينوي --الذبح الشرعي ! يعني موضوع فصل الرقبة عن بقية الجسم دا اسهل وسيلة لانهاء حياة الديك وهي وسيلة ممارسة في البشرية قبل وبعد الاسلام و في مجتمعات لا علاقة لها بالاسلام! فلماذا يختار الطبيب الطريق الصعب ضرب الديكة بالحيط ويرتد الديك حيا كالكرة عدة مرات ! ؟ العملي والاسهل هو الذبح وقطع الرقبة وخصوصا وان عنق الديك يحتاج لقطع حتي قتله بالحيطة ونتف ريشه ! فلماذا التعب مرتين؟ الخلاصة!1مسالة ضرب الديكة بالحيط دي مسالة عبثية - وعبيطة وعويرة !انا شخصيا لااصدق هذه العوارة والعبط واعتقد انها لاتحترم العقول !وان الشخص الذي رواها او اختلقها - شخض ساذج ومغرض فما معني تردديها وطرحها كحقيقة ومسلمة ؟ بل والتعاطي معها كحقيقة مطلقة وطرح هذا السؤال بناء عليها !! سال قريمان
Quote: هل كل شيوعى .. يأكل الفطيس .. و يحتسى الخمر مثل ذلك الرجل .. و ان ذلك امر شايع بين اعضاء الحزب الشيوعي .. ؟؟ .
هل هذا السؤال برئ ؟ *وبعدين نسال قريمان الذي يطرح منه اسلامي وغيور علي الدين !انت قلت ان صاحبك قال(أنا كلامى .. ل الزويل ده .. الشيوعى المطرطش الكافر .. ده)صاحبك دا كفر معين اي شخص بعينو - دمغه بالكفر والخروج علي الملة هل تكفير المعين تكفير الدكتور صحيح ومستوفي لشروط التكفير ؟ علي اساس تم تكفير الدكتور؟ هل هذا التكفير يعبر عن رايك وقناعتك الدينية ؟ هل مثل هذا الشخص الذي يكفر جزافا وبلا ضوابط مصدر ثقة لك ؟ مصدر ثقة يؤخذ بكلامه ويبني عليه ؟ * السؤال الثالث لماذا لم تتحدث عن هذه القصة وترويها قبل حوار الوثبة ؟لماذا لم تطرح هذا السؤال قبل حور الوثبة
Quote: (هل كل شيوعى .. يأكل الفطيس .. و يحتسى الخمر مثل ذلك الرجل .. و ان ذلك امر شايع بين اعضاء الحزب الشيوعي .. ؟؟ .
لماذا الان ياقريمان ؟ لماذا الان ياقريمان ؟هل تسترضي جهة ما ؟ هل تحاول تتودد للحكومة ؟ ام ان تذكرت القصة صدفة وسردتها بلا غرض ولا اجندة ولا نية مبيتة ؟ هل سؤالك عن (هل كل شيوعى .. يأكل الفطيس ) ؟ سؤال برئ ومطروح فقط وفقط بغرص العلم؟ ببساطة ياقريمان ان كنت حقا تسترضي جهة ما او تتودد للحكومة فان هذه الاسلوب الساذج العبثي لن يحقق غرضك بل و قد ياتي بنتائح عكسية فقد تحتقرك الحكومة ولا تعطي كلامكقيمة او وزن ! اما تاثير كلامك علي القارئ فاعتقد ان سلبي -- سلبي وياتي خصما عليك ويحرق مصداقيتك !انت بهذا تحرق نفسك وتحتقر شخصك وتقلل احترامك !!ارفق بنفسك يارجل ! ضرب الديكة بالحيطة لقتلها !! والترويج لتكفير معين !!
Post: #14 Title: Re: معاوية عبيد هو الشيوعي الذى ضرب بالديكين � Author: كمال عباس Date: 08-30-2017, 09:24 PM Parent: #13
تماما وبمثل هذه العقلية وبمثل هذا النهج والأسلوب شارك قريمان في مؤتمر حوار الوثبة! ولاغرابة أن كان المؤتمر ساحة للضرب بالأيدي ! وساحة للمقاطعة والزعل بسبب وجبات الفنادق الفاخرة ! وميدان للمساومة (يفتح الله ويستر الله ) بسبب خلاف حول النثريات !
ولاغرابة أن تلقي بدرية سليمان بمخرجات الحوار في سلة المهملات ! ولاغرابة أن يتصدر جلسات الحوار ديك العدة وديك الحيطة ! ولاغرابة أن يحرد البعض بسبب المغانم والوزرات !
Post: #15 Title: Re: معاوية عبيد هو الشيوعي الذى ضرب بالديكين � Author: فرح الطاهر ابو روضة Date: 08-30-2017, 09:52 PM Parent: #11
على دفع الله كيف حالك ياخ اها على قول المثل يضع سرو في أضعف خلقو اها هسي الزول ده قصر معانا هسي اتجاوزنا حكاية الجزار باقي لينا الجلد ود حلال يفتح لينا الباب في طريقة السلخ كسرة والله وفد المنافع طلع نافع ههه
