ماساة حجاج الجزيرة يا مدير الحج

07:35 PM August, 24 2017

سودانيز اون لاين
waleed dawash-بلجيكا
مكتبتى
رابط مختصر

تعالوا شوفو حجاج السودان
حسبنا الله ونعم الوكيل مافي شي يتقال تاني ..
يا جماعه ناس الحج الفوج رقم 27 القيام من ولاية الجزيرة مدينة ود مدني ..
الناس ديل قالو ليهم السفر يوم السبت الحضور لمقر الحج والعمرة الساعه 12 ظهر والفوج ح يتحرك 3 ظهر لمطار الخرطوم .. الحصل كالآتي : الناس جات من 12 بتجرجرو معاهم لحد ما الفوج اتحرك وكانت الساعه 5.45 قلنا ما مشكلة الله يوصلهم بالسلامة اصلا الحج تحمل وصبر ..
الناس ديل وصلوا الخرطوم الساعه 10 تقريبا الحصل شنو؟؟قالو ليهم ما ح نمشي المطار الرحلة اتاخرت ح ننزل في استراحة لغاية ما نشوف حل .. نزلو وين ؟ استراااحة جامعة أفريقيا الحمامات زباله ومافي تكيف والحجاج ديل قاعدين وين ؟ في الأرض !! قادرين تتخيلو انتوا انه في ناس كبار في السن وناس مريضه وغيرو وغيرو ؟! جابو ليهم شنو ياكلو؟؟ فوااكه 😂 وهم لا متغديين لا متعشيين قلنا ما مشكلة بتعدي الناس دي نامت صحت الصباح لا شاي لا قيامة رابطه جات مواعيد الفطور برضو ولاااا أي شي لحد ما ناس الخير جابو ليهم اكلو. . بعد كده الناس بتسال عن الحاصل قالو ليهم لسه اصبروا ماف جديد ! عارفين بجرجرو فيهم لحد الساعه كم ؟ للعصر قالو ليهم الحضور للمطار الساعه 8 ونحن ح نتحرك من 7 عشان نصل .. الحصل شنو ؟الناس صبرت عدا الزمن واتجهزو ولبسوا تاني الساعه 7 جات مافي شي 😑 8 جات ولا أي شي برضو يا ناس انتوا في شنو؟
مشينا إدارة الحج مدني قالو لينا بالأسلوب ده ' أي فوج يطبع مننا ما مسؤولين منو.. المسؤول مدير إدارة الحج بالخرطوم '
مدير الحج ولاية الخرطوم عمل شنو؟؟ قال ليهم جاي عليكم حضرتو جا عمل شنو ؟؟قال ليهم ادوني ساعه بحل الموضوع ! الأهالي يتصلو بيه يقول السفر بكره الساعه 11 كل زول يقول ليه كلام ..'
الحصل شنو في النهاية؟ السيد المدعو مدير الحج ده بقول كلام بهدي بيه الناس بس للاسف طلع اصلا مافي حجز للحاج ديل ورامينهم في استراحه مقرفه لا تليق بيهم حسبي الله ونعم الوكيل
الناس دي طلعت من طورا وقالوا ح يمشوا يعتصموا في المطار بنفسهم ..
اجروا حافلات عشان يتوصلوا بيها وللان مافي حجز للحجاج ديل وبما أنه مافي حجز من البلد دي أساسا يبقى حتى إذا وصلوا مكه ح يكونوا بدون حجز فنادق وغيرو وغيرو
عليكم الله وصلوا الكلام ده للمسؤولين قولوا ليهم خافوا الله في حجاج بيته ديل الناس دي دافعه دم قلبها عشان تتبهدل بالطريقه دي ؟؟ يا جماعه شيرو البوست ده و وصلوا للعالم ده كلو ياخي انا قلبي واجعني عديييييل عليهم
حسبي الله ونعم الوكيل فيهم حسبي الله ونعم الوكيل فيهم
#تعديل:
للأسف اقنعوهم انه السفر بكرا الساعه 11 وقعدوا في الاستراحة.
منقول