يا وزارة التربية و التعليم في السودان ،، حصلي التعليم الانترناشيونال

12:12 PM August, 24 2017

سودانيز اون لاين
الزبير بشير- السودان - ام درمان
مكتبتى
رابط مختصر

نهب مسلح

اصحاب المدارس ما معروفين وين

ادارات ما جايبه خبر

مدرسين من ادغال افريقيا

رسوم خرافيه و الترحيل كلامه براه

تجربه خضناها و ندمنا عليها

السلام عليكم يا خليفة
ماهي المدرسة أو المدارس التي تعاملت معها؟
صديقي المحترم جداً
محمد البشير صالح محمود إسماعيل
أكيد بتعرفه له ولأسرته مدارس معروفة في العاصمة
لماذا لم تذهب لها؟
يا خليفة إنت ما عارف المدارس دي الناس بدخلوا ليها
بالنبي نوح؟
الجاتك في مالك سامحتك
كيف أخبارك؟
____
الحليلة

الاستاذ الفاضل الشيخ الزبير بشير .. تحياتى و تقديرى و اشواقى ..

لوزارة التربية ان تعيد النظر فى نهج و طريقة و ابنية المدارس الخاصة كلها .. فى الحقيقة القليل جدا منها ما ينطق عليه مواصفات المؤسسة التعليمية ..

و لو كنت وزيرا للتربية لاتخذت قرار باغلاق كافة المدارس الخاصة التى لم تنطبق عليها المواصفات ..

و لاهلت و فتحت مزيد من المدارس العامة الحكومية و جعلتها اكثر جذابية من المدارس الخاص ..

و لرفعت مرتبا المدرسين و جعلتها الاعلى على مستوى الدولة .. و لاعدت النظر فى المناهج والسلم التعليمى ..

شكرا

الطيب رحمه قريمان

الله لا كسّب الحكومة خرّبت التعليم ولعبت في المناهج ..
وناس المدارس الخاصة عبارة عن اقطاعيات كل زول شغال على هواه ..
اصلا موضوع الرسوم الخرافية الغرض منها ابتزاز المواطن ..
رفضت اودي صغاري مدارس الخاصة كم سنة رغم اعتراضهم ..
ليس عن قلة مال أو شح لكن كنت عايز انتصر لمبدا جواي ..
في النهاية رضخت لاحتجاج صغاري واعتراضهم الشديد ..
الشغلة بقت مباهاة وحندكة بين النسوان والجيران ..
والضحية رب الأسرة تدفع ملايين لا أول لها ولا آخر ..
وياريت لو بي فايدة المحصلة تعليم زي الطين ..
فالحين بس في المكيفات والاكل السمح واللبس النضيف ..
والترحيل ياهي دي فلاحتهم ناس المدارس الخاصة ..
التقول فنادق .. الاكيدة ده استثمار بترعاه أيدي في الخفاء ..
بتدفع لجهات متنفزة مبالغ طائلة مقابلها بتزيد الدرجات وبتديها جك موية ..
عشان كده المدارس الخاصة متصدرة الاوائل في السودان ..
لكن راس خريجيها فاضي لو بس عملت أي مقارنة بتعرف الفرق ..
مع خريج مدرسة حكومية جيدة وفيها مدرسين كويسين ..
وده كلام انا جربته بنفسي ..

المصيبة الأكبر الاستثمار في المستشفيات الخاصة..
ده موت راسه عديل ..
غايتو أخير المدارس الخاصة النتائج الكارثية بتجي لي قدام ..

في قطاعات أصلا حرام تتفتح لاستثمار أصحاب رؤوس الاموال ..
الصحة .. التعليم .. نظام عايش جربندية على قفا المواطن ....

سلام للجميع
دي الخرطوم
سعر الروضة قدر مصاريف الجامعة
واصلا الرأسمالية الطفيلية مربوطة بالنفوذ السياسي
تجفيف المدارس الحكومية
وعدم تقديم الدعم لها