أعتقد ان شعر عاطف خيري هو الانسب لابتدار هذا الموضوع المهم
الخرطوم للبيع معروضة و ما معروف مين الشاريها الخرطوم اللعبة الطالت و مافي حكم صفّر ينهيها الخرطوم اللعنة الحلت فوق الناس السكنت فيها
وما بلغ من السطرين الاخيرين إلا مشاهداتي بعد جولة في تلك اللعنة
وسوف اسرد
Post: #2 Title: Re: الباحثين عن سكن: الخرطوم اللعنة الحلت فو� Author: عبداللطيف خليل محمد على Date: 08-24-2017, 11:15 AM Parent: #1
أسرد .. ما تدينا بالقطاعي ..
Post: #3 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 11:47 AM Parent: #1
الخرطوم عموما قبل الدخول للمخططات الجديدة التي ينشط فيها البيع الخرطوم عبارة عن قرية كبيرة وزد على تلك القرية رداءة البيئة والفوضى التي تغمرها خرجت من احد احياء بحري الى السوق المركزي الخرطوم ويعلم الله نتانة لم تفارقني دقيقة روائح منتشرة وشوارع خرابة وزحمة فوق التصور مختلف انواع المركبات والراجلين في فوضى غريبة ودون نظام واضح يتقيد به الجميع السير في شوارع الخرطوم ان كنت صاحب سيارة اوراكب مواصلات او برجليك يسبب ضيق شديد ويرفع كثافتك ويستحيل ان تكمل مشاويرك في يوم واحد تخصيص يوم لمشوار واحد فقط
على صعيد الخدمات استطيع ان اقول انها كلام فارغ واضحى البعض يسافر الى مدني والابيض للعلاج والغالب الى خارج السودان التعليم خدعة كبيرة اذا نظرنا الى ان المقصود هو التعليم الخاص للمرحلتين الاساس والثانوي وهنالك شكاوي كثيرة ومتكررة حول التعليم الخاص ولا اعتقد انه يتفوق على نظيره في الولايات لدرجة التضحية والاستقرار في الخرطوم الملعونة
يتواصل
Post: #4 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 12:00 PM Parent: #3
Quote:
أسرد ..
ما تدينا بالقطاعي ..
حباب عبد اللطيف
النت تعبان شوية لكن بنسرد ان شاء الله
Post: #5 Title: Re: الباحثين عن سكن: الخرطوم اللعنة الحلت فو� Author: أحمد الشايقي Date: 08-24-2017, 12:04 PM Parent: #4
يعني يا أخ ناصر مع التحيات في الأيام المباركات
كدا بجينا (حــوص)
المهم يا راجل ما تنسانا من صالح الدعوات
أحمد الشايقي
Post: #6 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 12:40 PM Parent: #5
Quote:
يعني يا أخ ناصر مع التحيات في الأيام المباركات
كدا بجينا (حــوص)
المهم يا راجل ما تنسانا من صالح الدعوات
أحمد الشايقي
هههههه لك العتبى وحاشاكالحوص
التحيات لك ايضا في هذه الايام الطيبة
........................
لا ادري سر تمسك المغتربين بالخرطوم كوجهة للسكن وعني وجدت نفسي دون ادنى تفكير ابحث عن ارض اوسكن في الخرطوم وانني لم اتوقف دقيقة للتفكير في سر الرغبة بالسكن في الخرطوم ولم اطرح خيارات اخرى لمفاضلات على كافة الاصعدة خدمات، استثمار، راحة، بيئة فقط وجدت انني انساق خلف متباعة العقارات في الخرطوم (قروبات فيس بوك، وقروبات واتساب) لمن تجيك لفة راس ومخططات ذات اسماء رنانة وعند زيارتها تجد انك ربما في ولاية اخرى ويغيب عنها الحنين ودفء المشاعر ناهيك عن اسعار (سوف اتي لمقارنتها ) .
ولكن عند زيارتي الاخيرة تلك ادركت انني بحاجة الى شويةرست وتفكير قبل ان القي نفسي في التهلكة (الخرطوم الملعونة) والتي اشك انتستمر وتكون عاصمة للسودان في حالة حدوث انفراجة اقتصادية للسودان فالخرطوم هذه يستحيل اصلاحها والاجدى هجرها والذهاب لعاصمة اخرى ان تحسن الوضع
Post: #7 Title: Re: الباحثين عن سكن: الخرطوم اللعنة الحلت فو� Author: محمد مجيدو Date: 08-24-2017, 12:52 PM Parent: #1
نصوووور ..
نحن نسكن الخرطوم مكان الرئيس بنووم .. والطيارة بتقوووم ..
وانتو ارجعو الاقاليم مكان ماجيتو ... مليتو لنا البلد ياااخ.. الله لا جاب عقابكم ( زي ما بقول خاالي المووج ) .
عااالم بطااالــــــــــــــــــــــــة ,,,
Post: #8 Title: Re: الباحثين عن سكن: الخرطوم اللعنة الحلت فو� Author: Dr. Ahmed Amin Date: 08-24-2017, 12:55 PM Parent: #7
هلا ناصر .. كيفنك ياخ صحيح الخرطوم لم يعد حالها يسر بس حلوه ياخ والله ...
Quote: وانتو ارجعو الاقاليم مكان ماجيتو ... مليتو لنا البلد ياااخ.. الله لا جاب عقابكم ( زي ما بقول خاالي المووج )
هههههههههههههه يا مجيدو بتبالغ .. ياخ فنانك الانت جايبو عشان يتخرطم ده ذاتو اقليمي .. هسه شفعك البيرقصوا ديل علاقتهم بالخرطمة شنو .؟ .. طبعا ما دايرين نهبشك انت .. ههههه .. مالا الأقاليم يأخ ! .. والله رغم إننا خرطوميين وكده .. لكن الخرطوم أصبحت شي لا يُطاق .. كلام ناصر صحي .. هسه عليك الله مابترتاح لامن تمرق منها ؟.. يمين الله انا كنت بشرد كوستي أو دنقلا .. بالشهور مش بالأيام واغتس هناك .. موبايلي ذاتو أغتّس حجرو .. والعايزيني الا يجيني بي لفة طويلة.. ده لو قريب من جوه الأسرة .. لو غريب او صاحب الله معاهو .. ماحيلم فيني لو صنقر الا أرجع براي .. يا ناصر الخرطوم شر لابد منه .. والله صحي .. الواحد انجبر يسكن فيها لانه الاهل تقريبا كلهم بقوا جواها .. نسوي شنو عاد .. أها انت شيل عزالك وابقى متخرطم .. أو كما قال مجيدو المتخرطم دي ..
كان تسمعوا كبارنا لمن يجوا من البلد .. بيقلوا عن الخرطوم وناسها شنو .. كان آمنتوا ذاتو ..
Post: #10 Title: Re: الباحثين عن سكن: الخرطوم اللعنة الحلت فو� Author: محمد مجيدو Date: 08-24-2017, 01:02 PM Parent: #1
Post: #14 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 01:19 PM Parent: #11
Quote:
هلا ناصر .. كيفنك ياخ صحيح الخرطوم لم يعد حالها يسر بس حلوه ياخ والله ...
سلام يادوكتور احمد
كانت حلوة درست بها الثانوي وسكنت بها فترة طويلة وفعلا حلوة وقتها اما الان ربما تكون جميلة وحلوة ان كانت البيئة المتردية والشوارع المنتهية والفوضى العجيبة في طرقها ومسالكها جميلة
اجزم ان الخدمات الاساسية (كهرباء وموية افضل بكثير في كوستي) ضض
Post: #15 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 01:24 PM Parent: #11
Quote:
زي ماقال ليك مجيدو ارجعو حسن علوب والله صحي كدة أنتو بترتاحو ونحن بنرتاح
عادل الباهي في جلباب توفيق عيسي مكي
ههههههههه في احد الروايات قال الراوي على لسان بطل الرواية (توجست خيفة مما سوف يكون) فسرها على راحتك اصلو عيال الخرطوم لا يستحون
المهم ياعادل منو اليمشي منها ..!!! الشغلة انبهلت جد حرم تزور الاحياء والمخططات الجديدة ده لمن (تأمن) وتعرف شي
مافي مرقة وعني ما جاييها
Post: #16 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 01:25 PM Parent: #11
Quote:
كاااف حسن كاااف
عااالم بطااالـــــــــــــــــــة ,,,
هههههههههههه
Post: #18 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 01:29 PM Parent: #11
Quote: زحمه في نعم
و سخ في نعم
علاج ما في تعم
تعليم غش و استهبال
بس ياخي جميله و حلوه ، تفتح النفس ، زي ام فت فت
لا ارى نعم وانما ارى انعام وهوام وسابلة من البشر كالانعام
القلتو ده كلووكمان حلوة يا الزبير ...!!!!
السكن في اعتقادي مثل الزواج واحة معزولة تجد فيها راحتك من عناء خارج تلك الواحة اذا صارت تلك الواحة عامة وتداخلت مع ماهو خارجها فسدت تماما وهنا يتوجب افراق والطلاق
الخرطوم اضحت غائب عنها الدفء وغائب عنها الاحساس بشي يربط ناسها
كدي تعال كوستينا وشوف ولا حقا سوف اسرد واقارن دواعي التمسك بالخرطوم كسكن
كريهة ما تعرف بالعاصمة المثلثة محمد الواثق نجض امدرمان
لا حبذا أنت يا أم درمان من بـلدٍ أمطرتني نـكداً لا جادك المـطر من صحن مسجدها حتى مشارفها حط الخمول بها واستحكم الضجر ولا أحب بلاداً لا ظلال لـــها يظلها النيم والهجلــيج والعشر
Post: #19 Title: Re: الباحثين عن سكن: الخرطوم اللعنة الحلت فو� Author: ادريس خليفة علم الهدي Date: 08-24-2017, 01:30 PM Parent: #12
مالهم كمان ناس حسن علوب لا هم الناس الرطينة ولا الخبوب حافظين كتاب الله وسبحتهم لالوب ما هم مجانين للطبيب لكن دراويش في الحبيب دايمين صلاة وذاكرين اكيد ناسا بتكرم للغريب اقيف بعيد واشخط شخيط ناس المسيد تقابة لا عند السما علوب سألت الله يسلما
لعناية الاحبة عادل الباهي و مجيدو
Post: #20 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 01:44 PM Parent: #19
---
Quote: ناصر الخرطوم شر لابد منه .. والله صحي .. الواحد انجبر يسكن فيها لانه الاهل تقريبا كلهم بقوا جواها .. نسوي شنو عاد .. أها انت شيل عزالك وابقى متخرطم .. أو كما قال مجيدو المتخرطم دي ..
اذهب اسبح في البِركه الفي موقف جاسكون وتعالي حلى بالجاكوزي بالظهره في الاقاليم اعمل جمبلغ هناك وعوملجي ..... في الخرطوم
Post: #22 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 01:45 PM Parent: #19
---
Quote: ناصر الخرطوم شر لابد منه .. والله صحي .. الواحد انجبر يسكن فيها لانه الاهل تقريبا كلهم بقوا جواها .. نسوي شنو عاد .. أها انت شيل عزالك وابقى متخرطم .. أو كما قال مجيدو المتخرطم دي ..
Quote: سويتو فوقها شنو بعد داك انت و ناس ( الإنغاز )
قباني ياحبوب والله زمان لمن البص الاصفر اب زيق يرفع الجماعة ديل علي أهلهم في الاعياد تالله الطقس والهواء زاتو بيتغير و ليهو طعم من رابعة العيد من يجو كاسرين زي السيل الدنيا تبوظ لو كنت المسئول نوعية ناصر دي برجعهم واديهم Benefits بس يرتاحو في مكانهم
Post: #24 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 02:02 PM Parent: #19
Quote: كريهة ما تعرف بالعاصمة المثلثة محمد الواثق نجض امدرمان
لا حبذا أنت يا أم درمان من بـلدٍ أمطرتني نـكداً لا جادك المـطر من صحن مسجدها حتى مشارفها حط الخمول بها واستحكم الضجر ولا أحب بلاداً لا ظلال لـــها يظلها النيم والهجلــيج والعشر
تحياتي خالد وكما قلت في هذا الشعر الجميل لا احب بلادا لا ظلال لها
الخرطوم كومة من النتانة والقذارة
والغريب ناسها عكس هوى البشر مخطط سكني يروج مالكوه انه قرب المطار وايمن الله ماشفتا فه زي ده الناس تتسابق تسكن تحت المطار وفي كل العالم الناس تهرب من المطارات وضجيجها
اعتقد يوجد فهم ششمخلوط مابين السكن والاستثمار وسوف افصل وادعو لقوانين تمنع بناء المتاجر في البيوت السكنية
Post: #25 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 02:04 PM Parent: #19
Quote: مالهم كمان ناس حسن علوب لا هم الناس الرطينة ولا الخبوب حافظين كتاب الله وسبحتهم لالوب ما هم مجانين للطبيب لكن دراويش في الحبيب دايمين صلاة وذاكرين اكيد ناسا بتكرم للغريب اقيف بعيد واشخط شخيط ناس المسيد تقابة لا عند السما علوب سألت الله يسلما
لعناية الاحبة عادل الباهي و مجيدو
هههههه ود الناظر ياحبيب الاصل في الارياف وحسن علوب منارة لا يفهمها مجيدو وعادل
Post: #26 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 02:09 PM Parent: #25
Quote:
اذهب اسبح في البِركه الفي موقف جاسكون وتعالي حلى بالجاكوزي بالظهره في الاقاليم اعمل جمبلغ هناك وعوملجي ..... في الخرطوم
حباب اباذر
هههههه عندنا بركة بط في كوستي للاسجمام والاسترخاء يتناول فيها البط القمح المسلوق مالي ومال جاكسون شوف الاسم ساي (جاكسون) يوضح الخرطوم وقعت في هوة نتنة
لوكان للسودان دبر ( تخرج به وفيه اوساخه ) فالخرطوم هي دبر السودان
Post: #28 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 02:14 PM Parent: #25
Quote: و الله يا ناصر لما فارقناها قبل 29 سنة خليناها جنة رضوان ...
سويتو فوقها شنو بعد داك انت و ناس ( الإنغاز ) ؟ ... :)
الحبيب قباني
اذا انصحك ان لا تعود وان جَبرت فتخيل اسواء مكان فوضجي في العالم فهي الخرطوم كي لا تباغتك صدمة
الخرطوم اضحت خرابة ولوكان سيد خليفة موجودا لتبراء من رائعته التي كانت تستحقها الخرطوم وقتها
فعلو بها الانقاذيين السبعة وذمتها وانا لمافعل اكثر من امر بها من المطار والى المطار
Post: #31 Title: Re: الباحثين عن سكن: الخرطوم اللعنة الحلت فو� Author: علي عبدالوهاب عثمان Date: 08-24-2017, 02:26 PM Parent: #29
حبيبنا ناصر .. مودتي حتى ناس ضواحي الدنيا أصبحوا قريبين بعد الزلط .. بين دنقلا والخرطوم ما بين ( 4 - 3 ساعات ونصف ) .. في قناة سودانية 24 قبل أيام مع الامطار وفي برنامج طاهر التوم صرح خبير بأن العاصمة لا يمكن معالجتها إطلاقاً .. والحل هو نقل العاصمة إلى كوستي .. وأمس وزيرة تقريبا إسمها ( ميادة ) حسب ما أذكر وهي وزيرة شابة في مداخلة لها في التلفزيون قالت ان سكان العاصمة اكثر من 8 مليون نسمة ما عارف هي وزيرة إتحادية أم ولائية ..
Post: #30 Title: Re: الباحثين عن سكن: الخرطوم اللعنة الحلت فو� Author: محمد مجيدو Date: 08-24-2017, 02:25 PM Parent: #1
Post: #32 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 03:12 PM Parent: #30
Quote: انت موش عندك بيت فى حلة حسن منو كدا ماعارف؟
ههههه حتى انت ياطوربيد
طيب ماتكمل جميل وقول كاف حسن كاف
عندي ارض سكنية و5 فدان مزرعة في الخرتوم الملعونة وعايز ابيعهن اليوم قبل بكرة وامشي كوستي
Quote:
حبيبنا ناصر .. مودتي حتى ناس ضواحي الدنيا أصبحوا قريبين بعد الزلط .. بين دنقلا والخرطوم ما بين ( 4 - 3 ساعات ونصف ) .. في قناة سودانية 24 قبل أيام مع الامطار وفي برنامج طاهر التوم صرح خبير بأن العاصمة لا يمكن معالجتها إطلاقاً .. والحل هو نقل العاصمة إلى كوستي .. وأمس وزيرة تقريبا إسمها ( ميادة ) حسب ما أذكر وهي وزيرة شابة في مداخلة لها في التلفزيون قالت ان سكان العاصمة اكثر من 8 مليون نسمة ما عارف هي وزيرة إتحادية أم ولائية ..
وصدق من قال لايمكن اصلاحها واسه بقولها للناس المنكبين فيها ديل وقسم يحصل انفراج اقتصادي يتم تغيير العاصمة الى مدينة اخرى بحيث تكون عاصمة
الخرطوم دي مجبورين على انها العاصمة بضيق الحال بس
وكده في الحالتين في ضياع اذا استمرت بالضيق الاقتصادي فهي مرشحة لمزيد من التدهور والتفكك واذا حصل انفراج سوف يدرك المسئولين ان اصلاحها مستحيل وسوف يتم تغييرها
.........
يامجيدو الفيديو مركب صور
اسه انا اصور ليك الحزب الشيوعي صور واعمل تحسينات تشوفو حزب اسلامي عديل كده
Post: #33 Title: Re: الباحثين عن سكن: الخرطوم اللعنة الحلت فو� Author: ناصر حسين محمد Date: 08-24-2017, 03:22 PM Parent: #30
أواصل
غالب المهمومين بالسكن وبالذات المغتربين تلقى فكرهم بيت وفيهودكان او اتنين او شقق بحيث يسكن احداهما ويعيش بعائد الاخريات ولا اكذب انا ايضا كان هم السكن موازي لهمتوفير مصدر دخل
ولكن عندما بحثت في الخرطوم وجدت المخططات الجديدة في الفيافي لا ينفع فيها سكن (دغري) لا ينفع فيها استثمار ورغم هذا اسعارها فلكية مليار ودقاقة تجاوزت الامر وقلت ان 200 متر في حي سكني جيد افضل بلا شكمن 800 متر في تلك المخططات ولكن عندما توقفت قليلا وبحثت في سبب الانقياد الاعمى للسكن في الخرطوم وجدت انه لاسبب يقبله العقل خلف هذا الانقياد
ووجدت ان كوستي افضل في ناحية استقرار الماء والكهرباء وذات بيئة ( رغم ردائتها) افضل من بيئة الخرطوم وانه بقليل مجهود ممكن تصير تحفة عكس الخرطوم التي لا تجدي اي مجهودات الى اعادتها الى مدينة
ووجدتان التعليم لا يكون سببا (لتقارب المستويات) للسكن في اللعنة الخرطوم
تبقى لي امران وهما مصدر الدخل والاسعار ومنطقيا وجدت ان الافضلية لمدينتي كوستي حيث ان المليار التي اشتري بها في فيافي الخرطوم ان زدتها قليلا يمكنني الشراء في منطقة استثمارية في كوستي ووجدت ان اجرة الشقق في كوستي متقاربة مع بعض الاحياء الجديدة في الخرطوم مثل الفيحاء ووالهدى واحياء جنوب الخرطوم
اواصل
Post: #34 Title: Re: الباحثين عن سكن: الخرطوم اللعنة الحلت فو� Author: على محمد على بشير Date: 08-25-2017, 02:24 AM Parent: #33
الحرب والنزوح للعاصمه ليها تاثيرها البالغ علي الخرطوم
بس كمان البينظر للقشره الخارجيه ما بيشوف الخرطوم كويس الا ينظر عميقا
الخرطوم لا يعرفها الا من اتولد واتربي فيها اسألوا اولاد الصحافات و الامتداد و الشجره وبري واولاد الشعبيه وشمبات والختميه والدناقله واولاد ابوروف وبيت المال وود درو والعباسيه وابوسعد والفتيحاب
اسألوا كل هؤلاء عن الخرطوم وشوفوها بعيونهم وعيشوها بوجدانهم واحسوها بمشاعرهم
الداير يعرف الخرطوم يغمض عيونه وياكل سمك في السبكي او يضوف فول ابو العباس او ياكل عيش الفرن الالي في سوق الشعبيه بحري او ياخد ليهو قعده عصريه في دار الرياضه امدرمان ويدي ضهرو للكوره ويسمع للحكي او يحضر ليهو حفله في بري او يعدي لي توتي بالمركب او يحضر ليهو مولد في امدرمان او يندفس في الواطه يتفرج كوره في ميدان عقرب او يفطر الكبده بالعدس عند النزير في سوق بحري او يكون وهو صغير قضي نهار العيد في كازينو النيل الازرق او يكون ركب بص ابورجليه او بص الكندا او ركب طرحه بالهيلمان 60 والهنتر او يكون استأجر عجله بالساعه واتاخر ورماها وهرول هارب او اكل التبش بالشطه قدام المدرسه ويكون استمتع بالدندرمه المتلجه بالعريب في درب المدرسه او او او او ........
الخرطوم مهما ازدحمت ومهما قلتوا عفنه وغليت ومهما جار عليها زمانها تظل مرتع الصبا وحبيبة القلب
Post: #35 Title: Re: الباحثين عن سكن: الخرطوم اللعنة الحلت فو� Author: يحي قباني Date: 08-25-2017, 05:39 AM Parent: #34
Quote: الداير يعرف الخرطوم يغمض عيونه وياكل سمك في السبكي
كلامك عن الخرطوم كلام موزون في محله يا محمد علي ...
للتوثيق فقط ... هي اسماك ( السُكّي ) و ليس السبكي صاحبها عمك عثمان سكي في الموردة ...
Post: #36 Title: Re: الباحثين عن سكن: الخرطوم اللعنة الحلت فو� Author: Muhib Date: 08-25-2017, 07:58 AM Parent: #35
امدرمان اعرق
اشتري في مدينه النيل
Post: #37 Title: Re: الباحثين عن سكن: الخرطوم اللعنة الحلت فو� Author: امتثال عبدالله Date: 08-25-2017, 09:32 AM Parent: #36
ناصر
الخرطوم مدينة ممكن تكون من اجمل مدن العالم لانها من المدن القليلة
في العالم البلتقي فيها نهرين عظيمين ،النيل الابيض والنيل الازرق، بل قول
ثلاثة انهر، معاهم نهر النيل،،هذا اذا كان هناك حاكم للخرطوم يهتم بنظافتها
ويهتم بتنويع معالم السياحة فيها وتنظيم قواعد المرور فيها وتنفيذ قوانين
صارمة لسير السيارات تصل الى حد مصادرة السيارة ونزع الرخصة من سائقها
عند المخالفات الكبيرة،،،
والله مرة مشيت اجازة الخرطوم لقيت العربات والناس والحمير وعربات الكارو
والركشات كلها ماشة في نفس الشارع،،وكبسيبة لا حد لها...وبعدين مافي حتة يمشوا
ليها...وكل يوم بالليل نمشي شارع النيل ونقعد قريب للصباح ونمشي نتعشى سمك
في امدرمان...قلت ليهن يا جماعة مافي حتة تانية بيمشوها في الخرطوم، عاصمة السودان
قالوا مافي،، وفي حتة اجمل من شارع النيل،،
معقولة يا ناصر في عاصمة السودان مافي حتة بمشوا ليها غير شارع النيل؟؟؟
ولا يكون في لكن اهلي البنزل معاهم ما بيعرفوا....
والملاحظ برضه ان جميع اهل الاقاليم تركوا مدنهم وقراهم وبواديهم وحضروا
الخرطوم وعملوا زحمة شديدة مافي داعي ليها،،،لكن برضه احتمال يكون عندهم
عذر لان الخدمات الاساسية من كهرباء ومياه نظيفة وعلاج صحي معدومة في الاقاليم
والخدمات الاساسية وعلى قلتها مركزة في الخرطوم،،، واظنهم بيسمعوا اغنية بغنوها
اطفال صغار بقولوا فيها (متين نشوف الخرطوم)..واحد خبير ينزل لينا الفيديو ده))
ومما بسمعوا الاغنية وجري على الخرطوم...
وبعدين اذا غيروا لقب حاكم الخرطوم من لقب والي الى عمدة او محافظ او حتى حاكم
يمكن الخرطوم كانت اتصلحت وتجملت وبقت تشبه مدن العالم الاخرى،،،لقب والي ده كان
زمن عهد الامويين في الدولة الاسلامية،، والنظام الحاكم وعشان ياسلم السودان والمجتمع
بقى يستعمل القاب العهد الاسلامي الاول بدءا بالوالي وانتهاء بالدرهم والدينار
وتخلصنا من الدرهم والدينار وفضل لينا الوالي....
ولهسع ما قرينا اجابة لسؤال عمنا ود قباني القال الخرطوم كانت جنة، واهل
الانقاذ عملوا فيها شنو؟؟
وطبعا الاجابة ان زاد الذباب والباعوض وتراكمت الاوساخ وانتشر الطاعون وساءت
احوال المدارس وانتشرت فوضى وعدم نظام في قيادة السيارات وتنظيم قواعد المرور
وضاعت هيبة رجال الشرطة وزاد نفوذ الجنجاويد حتى ان زعيمهم الان يهدد النظام
الحاكم بالويل والثبور،،،
( لكن بعد جه بقول ليك فسحة شارع النيل بالليل عظمة وقمة في الروعة..
وفي زيارتنا للخرطوم بنطبق الاغنية الجابها مجيدو ..نمشي الخرطوم ونحوم
بالليل....
واسفة للاطالة والخروج عن لب وجوهر الموضوع،،، ومع وافر الاحترام والتقدير..
