Post: #1
Title: ا دروب قالوا لو حمد مات في أمريكا قال ليهم والله راحات
Author: Osman Musa
Date: 08-23-2017, 04:07 PM
03:07 PM August, 23 2017 سودانيز اون لاين
Osman Musa-
مكتبتى
رابط مختصر هههههها
شوف حد إعجاب البشر بي الحبيبة امريكا لي وين .
|
Post: #2
Title: Re: ا دروب قالوا لو حمد مات في أمريكا قال ليه
Author: علي عبدالوهاب عثمان
Date: 08-23-2017, 04:45 PM
Parent: #1
حبيبنا عثمان موسى .. مودتي ..
الامريكان ديل لو عايز تعرفهم كويس أشتغل معاهم ..
أنا عملت في قاعدة الملك خالد العسكرية معاهم حوالي 10 سنوات
أيام حرب إيران وكما حرب العراق وهم من بنوا القاعدة ..
ديل ناس محترمين محل الشغل ..
منظمين في أكلهم وشرابهم ومواعيد عملهم في كبير وصغير كل واحد في شغله ..
أكل مجاني ( مس هول ) ثلاث وجبات وأكل ممتاز ..
كان أيام الشباب .. لو عارفين الحكاية حتقلب بدري كنا مشينا هناك ..
الرواتب والبدلات والتذاكر في المواعيد ..
غيار الفرش والملايات وأكياس المخدة .. إلخ
بنيزين السيارة وعرباتهم كانت سمحة ( أمبالا ) ..
عايز المسبح كمان مع الحريم ما في مشكلة ..
وعندهم كمان المويات الثانية ديك خاصة بيهم .. غايتو مرة مرة كده هههههههه
حبيبناعثمان .. يا أخي مالك ذكرتني الايام الحلوة .. ليت ما عارفه إيه يعود يوماً هههه
مودتي عثمان .. معليش طولت عليك .. زول زينا كده أهم حاجة عندو الذكريات ..
|
Post: #3
Title: Re: ا دروب قالوا لو حمد مات في أمريكا قال ليه
Author: Osman Musa
Date: 08-23-2017, 11:08 PM
Parent: #2
عزيز نا أستاذ علي عبدالوهاب سلام شديد يا مك . دي بلاد عجيبة يا سيد علي
تالت يوم لينا في أمريكا قطعنا جسر بروكلين ليلة السبت نحو مانهاتن المدينة الساحرة .
قطعنا مع واحد أشد العارفين بي جخانين بطن المدينة . سا قنا لي دي سكو 33 طابق .
دخلنا 11 بي الليل و مرقنا منو 10 صباح الأحد . الناس المرقت قدر عمال سكة حديد
عطبرة عشرة مرات .
وكل زول في حالو . في ديك المرحلة من العمر يا شيخ علي لو خيروك بين الديسكو
حق مانهاتن وبين حش البلح و السحاب شايل حتختار دأك المكان . و محل ر هي
تنقد . مانهاتن يا علوي اخوي بت شيل مصار نيك و تخلي بالك كلو فيها . الأمريكان
شعب عظيم ياخ وانت أمك داعية ليك ال لقيت ليك فرصة شغل معاهم . شعب مريح
وبلد مريحة للمعاش والفسحة و البهجة و الموت زي ما قال ا دروب . تحياتي
|
Post: #4
Title: Re: ا دروب قالوا لو حمد مات في أمريكا قال ليه
Author: Osman Musa
Date: 08-24-2017, 07:40 PM
Parent: #3
شايف يا اخ علي في زول معرفة مرطب ترطيبة عجيبة عندو مزارع تباكو في ولاية
فرجينيا . هو من اصل ايراني و متزوج يهودية لكن هو مسلم . الزول ده اشتري قطعة
أرض 5 فدان زرع أطراف الأرض بي أندر أنواع الورود والأشجار . قال داير القطعة دي
تكون مقبرة للأسرة . المسلم من الأسرة بي جاي و اليهودي بي جاي . يعني كلام عمك
ا دروب مية مية . را حا ت .
|
Post: #5
Title: Re: ا دروب قالوا لو حمد مات في أمريكا قال ليه
Author: عزالدين عباس الفحل
Date: 08-24-2017, 08:41 PM
Parent: #4
بيوت الاستشاري الهندسي في الخليج .
متنوعة و لا قدر رفيع من الإحترافية.
و بملاحظة جميع الاستشاريين الهندسين .
انو مكاتب الاستشاري الهندسي الامريكي .
لا تضاها باي شيء.
من كل النواحي .
ضربت عمق الاستشاري الألماني.
و الانجليزي.
في الخليج ،
و ان كان التنافس حاد.
لدرجة الجنون.
الاستشاري الأمريكي عندو كل شي Systematic
وبراعين في اهم المسائل الهندسية.
بالأخص مسألة ال documentation
الموضوع طويل و شايك ،
***
حبابك الاخ الفاضل
قريبي عثمان موسي
عاطر التحايا
عزالدين عباس الفحل
ابوظبي
|
Post: #6
Title: Re: ا دروب قالوا لو حمد مات في أمريكا قال ليه
Author: Osman Musa
Date: 08-25-2017, 09:00 AM
Parent: #5
عزيز نا المهندس عزالدين الفحل سلامات
وكيف حالك يا قريبنا في العاصمة الجميلة أبوظبي المدينة الشهيرة في أمريكا بعد دبي
و الدوحة و جدة والرياض . الحديث عن الهندسة الأمريكية حديث شايك . و هندسة
المباني في أمريكا تختلف عن أي هندسة في العالم . يا ريت نلاقي واحد من الإخوان
يحدثنا عن هندسة الناطحات في أمريكا .
ألف شكر اخ عزو
|
Post: #7
Title: Re: ا دروب قالوا لو حمد مات في أمريكا قال ليه
Author: امتثال عبدالله
Date: 08-25-2017, 09:50 AM
Parent: #6
عز الدين عباس الفحل
المهندسين الامريكان منظمين لان عندهم تعليم عال المستوى ،، وحتى
السودانيين الاتعلموا معهاهم اصبحوا محترفين ومنظمين وذو مستوى عال
من المهنية والاحتراف وجودةةالعنل..وسمعت ان اجمل ناطحة سحاب مقابل مقر الامم المتحدة
في نيويورك صممها واشرف على بناءها مهندس سوداني.....ليه !!!!! لانه وجد البيئة الصالحة،،،
وواصل يا عثمان ،،،قربنا نبقى من عشاق امريكا...
وبالمناسبة انا ساكنة منهاتن..لكن ما برجوازية زي بسمات...لكن بنعمل شيرنق sharing في الايجار..
مع وافر الاحترام والتقدير
|
Post: #8
Title: Re: ا دروب قالوا لو حمد مات في أمريكا قال ليه
Author: Osman Musa
Date: 08-25-2017, 03:35 PM
Parent: #7
بتنا العزيزة أستاذة امتثال حبا بك و انتي قاطعة خليج بروكلين مرحب بيك في ديرة
حبيبنا جبران خليل جبران مرحب بيك و تمثال الحرية يلوح للمهاجرين المكدودين من
التصحر وقل المطر و ظلم الحكام . دي مانهاتن الخزانة المليا نة بي الاحلام السمحة
و الشهادات وصفات المستقبل . تحياتي
|
Post: #9
Title: Re: ا دروب قالوا لو حمد مات في أمريكا قال ليه
Author: عزالدين عباس الفحل
Date: 08-25-2017, 08:31 PM
Parent: #7
الاخ الفاضل عثمان
الاخت الفاضلة امتثال.
البوست رايع وجميل .
لكني علي سفر و ترحال .
عموما للفايدة .
جميع أو معظم المهندسين الشغالين.
مع بيوت الاستشاري الأمريكي في الخليج .
هم سودانيين علي درجة عالية من الإحترافية
اعني ال Leaders
مشوا علي منوال السيستم الأمريكي.
نواصل بعد السفر .
باذن الله تعالي ،
اشواقي .
عزالدين عباس الفحل
ابوظبي
|
Post: #10
Title: Re: ا دروب قالوا لو حمد مات في أمريكا قال ليه
Author: عبدالعزيز الفاضلابى
Date: 08-25-2017, 10:26 PM
Parent: #9
* سأله : الجيت منهن؟
and بخير
* وأبوك نعالُّو طيب؟
and ابوى مات
* بختو ربنا رَيَّحو من صلاة العِشا.
.......
كيفك ياقريبى ،، معليش ياخ ما قدرت تابعت معاك موضوع ضيوفك.
ان شاء الله يكونوا اتوفقوا؟
|
Post: #11
Title: Re: ا دروب قالوا لو حمد مات في أمريكا قال ليه
Author: Osman Musa
Date: 08-26-2017, 06:02 AM
Parent: #10
ود العم أستاذ الفاضلابي سلامات كل الناس بخير و مستمتعين جدا بي منظر الدميرة يا فاضلابي . نهر العطبراوي نازل و عاصر النيل و مقبقبو من كو ع مدرسة عطبرة الثانوية و لا حدي الفاضلاب . عاصرو عصر جد لكن انت خابر يا اخوي عضل النيل و طول روحو . المهم الناس بخير فوق عين الجبا يأت في موسم البرتقال . عليك الله بلغ شوقي وكل احترامي للحبيب مانهاتن .
|
|