العامل ياهو الضحية

05:09 AM August, 22 2017

سودانيز اون لاين
عبدالحفيظ ابوسن-no where
مكتبتى
رابط مختصر

الخرطوم (سونا) - أعلن اتحاد عمال ولاية الخرطوم إن قيمة الأضحية للعاملين بالولاية بالاقساط لهذا العام 2017م تبلغ 2145 جنيها لمدة عشرة أشهر تخصم إعتبارا من أول أكتوبر المقبل وأن زنة الاضحية مابين 37 الي 45 كيلو .
أعلن ذلك خلال المؤتمر الصحفي الذي عقده إتحاد عمال الولاية اليوم بمباني الاتحاد العام لنقابات عمال السودان .
وقال رئيس الاتحاد العام لنقابات عمال السودان بالانابة الاستاذ يحي الشريف إن سعر الاضحية مناسب مقارنة بالأسعار المتوفرة بالأسواق خاصة وأن العام الماضي شهد توفير 27256 أضحية لجميع العاملين بالولاية مثمنا جهود إتحاد ولاية الخرطوم في العمل المستمر لتوفير متطلبات العاملين بالولاية في مختلف المناسبات .
من جانبه قال رئيس القطاع الاقتصادي بوزارة المالية الدكتور عادل عبد العزيز إن الشراكة الذكية بين إتحاد العمال بالخرطوم وبنك العمال أثمرت في توفير كثير من السلع والخمات للعاملين بالولاية مطالبا بضروة أن تمتد الشراكة الي مجالات أخري بالاضافة الي سلة رمضان وتوفير خراف الاضاحي .
فيما اشار الدكتور محمد إقبال مدير بنك العمال الي أن البنك لعب دورا محوريا منذ عام 2011م في توفير الاحتياجات الاساسية مما أسهم في تثبيت الاسعار وتوفيرها بكل السلع بكل يسر، مؤكدا إن العام 2016م شهد توفير أكثر من 27 الف أضحية بتكلفة بلغت 60 مليون جنيه وأن نسبة التعثر في السداد ضعيفة جدا مما يؤكد نجاعة الفكرة ، وقال اننا استعدينا مبكرا لهذا العام لتقديم أفضل الخدمات خلال عيد الاضحي .
وقال الاستاذ الصادق عطا المنان رئيس محفظة قوت العاملين ببنك العمال إن جملة الذين تقدموا للعطاءات بلغ 17 جهة إعتبارية وأن هنالك مواصقات تم الاعتماد عليها لتوفير الاضحية من أهمها النوعية والسعر وأن هنالك فرقا قامت بزيارة مواقع تمركز الثروة الحيوانية وتعرفت علي الاسعار مما سهل كثيرا في الاتفاق علي توفير الاضحية بسعر مناسب .

ياخ اخجلوا
اختشوا
الواحد من الزعل يتراكم السباب في فمه فيقمعه ليتحول وجعا في القلب
بتكتلونا مغسة ساي

سعر 2145 ج
وقالوا مناسبة نسبة لإرتفاع الاسعار
ولأنهم لفو السوق وكدة
أكيد في لجنة طلعت ليها ميزانية ولفوا السوق وعرفو
ونشكرهم علي انهم يهتمون لأمر العامل .. وانهم حريصين علي شعيرة الاضحية البتجي كل سنة .. حريصين انو العامل علاقتو مع ربو تكون تمام لذا وفروا ليهو الخروف
وسبحان الله كانوا في الزمن بالظبط قبل الضحية
عاملين حسابهم جدا جدا

طيب وكت انتو حريصين قدر دة
هل دار بذهنكم انو المبلغ دة مقارنا مع ماهية العمال مناسب ليهم ؟
يعني يضحو؟
وكت حسابين كدة راجعتو اجور العمال وهل هي مناسبة لمعاشهم
وهل بتفتكروا خصم 220 ج تقريبا شهريا سيؤثر في ميزانية العامل
يعني بتحمل دة
انتو بتقولو 2145 ج للخروف
وحددتو الوزن كمان
اذا افترضنا دقة الارقام دي
هل دة مبلغ الشراء ولا البيع للعامل

المؤمن صديق
خلوني اعتبر انو كل الحاجات دى بتحصل بشكل نزيه وشفاف وواضح
يعني
البشتروا الخرفان ناس متخصصين وبشتروا بأسعار مناسبة . وبحاسبو المؤسسات بذات الاسعار وبياخدو عمولة مناسبة
والمؤسسة بتبيع للعمال بما يرضي الله ورسوله واحل الله البيع وحرم الربا
دة كلو تمام
لكن عندي ليكم اقتراح مبني علي واقع الحال

البحصل سنويا
وفي كوستي دي وحسب مشاهدتي
انو العامل بشيل الخروف من المؤسسة وبفكو في السوق وبخسر
بخسر مبلغ كبير ما شوية
وبشتري خروف اقل وارخس او ما اشتري اصلا فهو احوج للمال
العيد ماكلو خروف
ولا كل مشاكلو خروف
اقتراحي
وقت اصلو انتو هدفكم الضحية
بدل تخسروا لجنة طالعة نازلة
وترحيل
وقروش لسماسرة
وقومة وقعدة
وفي النهاية معظم العمال او نصهم بحول الخروف لقروش
ما تدوهم قروش من الاول اقلاها ما يخسرو
هذا هو الحل الانسب
والهدف هو مصلحة العامل !!

هل تعلم النقابة انو خروف العامل بنزل الاسعار
وسكر العمال في رمضان بنزل الاسعار
اسعار الخرفان والسكر
ممكن العامل يقدم لي خروفين ولا شوالين سكر
ماعارف ليه اللفة الطويلة دي
الهدف هو راحة العامل
طيب اقعدوا معاهم واسألوهم دايرين خروف ولا قروش الخروف
اذا كان اصلا الهدف راحة العامل
لاحظو اني ما خشيت في انها واجبة ولا مواجبة
وهل الرسول (ص) قال هذا عن امتي ولا فقراء امتي
ولا جبت كلام محمود محمد طه الذي يقول فيه انها لاتجب لا علي الفقراء ولا الاغنياء
الحساب معاكم هنا حساب مال
مصلحة ودنيا
مصلحة العمال وانتم ممثلين لمصالحهم مع السلطة