Post: #1
Title: هههههههههههه.....سودانير تقدم لركابها سندويتشات فول و طعمية من كشك خارجي
Author: هشام المجمر
Date: 08-21-2017, 08:22 AM
Parent: #0
07:22 AM August, 21 2017 سودانيز اون لاين
هشام المجمر-QaTar, Doha
مكتبتى
رابط مختصر Quote: فى أول واقعة من نوعها وسط شركات الطيران العاملة بمطار القاهرة قامت الخطوط الجوية السودانية مساء يوم السبت 19 أغسطس الجاري بتقديم وجبة فول وطعمية لركاب رحلتها المتجهة إلى بورسودان بعد تأخر إقلاعها حوالى 5 ساعات.
وقالت مصادر مطلعة بمطار القاهرة انه بعد إنهاء إجراءات سفر ركاب رحلة الخطوط السودانية رقم 105 والمتجهة إلى بورسودان تلقى مكتب الخطوط بمطار القاهرة إشارة بتأخر الطائرة لأكثر من 5 ساعات وطبقا لقوانين الطيران الدولية يجب على الشركة تقديم وجبة للركاب.
وقرر مسئول الشركة شراء ساندوتشات فول وطعمية من أحد المطاعم العاملة بحرم مطار القاهرة وخارج الدائرة الجمركية التى تقدم أسعارا رخيصة جدا مقارنة بالمطاعم الموجودة داخل الدائرة الجمركية وتقديمها للركاب الذين تناولوا الوجبة بدون ضيق حيث إستأنفت الطائرة رحلتها بعد تأخير حوالى 5 ساعات.
صدى البلد |
|
Post: #2
Title: Re: هههههههههههه.....سودانير تقدم لركابها سندو
Author: هشام المجمر
Date: 08-21-2017, 08:23 AM
Parent: #1
شر البلية ما يضحك
وصلنا تحت الحضيض
|
Post: #3
Title: Re: هههههههههههه.....سودانير تقدم لركابها سندو
Author: هشام المجمر
Date: 08-21-2017, 08:26 AM
Parent: #2
الكارثة انو لما عملوها ..عملوها قدام اخوانا المصريين
طبعا الخبر اتنشر لاول مرة فى موقع مصري
فضحونا فضيحة
ههههههههههههههههههه
|
Post: #6
Title: Re: هههههههههههه.....سودانير تقدم لركابها سندو
Author: ابراهيم عبد الوهاب
Date: 08-21-2017, 08:53 AM
Parent: #3
مره ركبت الخطوط السعودية ادونا فول قلابة (فول بالصلصة) معفن
|
Post: #8
Title: Re: هههههههههههه.....سودانير تقدم لركابها سندو
Author: هشام المجمر
Date: 08-21-2017, 08:58 AM
Parent: #6
| Quote: مره ركبت الخطوط السعودية ادونا فول قلابة (فول بالصلصة) معفن |
معقول يا ابراهيم؟
|
Post: #20
Title: Re: هههههههههههه.....سودانير تقدم لركابها سندو
Author: ابراهيم عبد الوهاب
Date: 08-22-2017, 08:18 AM
Parent: #8
معقولة ونص السيد هشام
في خيار وفقوس في تعامل شركات الطيران
مع المسافرين
|
Post: #23
Title: Re: هههههههههههه.....سودانير تقدم لركابها سندو
Author: هشام المجمر
Date: 08-22-2017, 01:54 PM
Parent: #20
Quote: معقولة ونص السيد هشام
في خيار وفقوس في تعامل شركات الطيران
مع المسافرين |
بتقصد يا ابراهيم عشان الطيارة كانت ماشة السودان؟
لو كده تبقى حقارة واضحة
|
Post: #27
Title: Re: هههههههههههه.....سودانير تقدم لركابها سندو
Author: ابراهيم عبد الوهاب
Date: 08-23-2017, 05:28 PM
Parent: #23
يوجد تميز
وفي كثير من الاحيان استغفال
اتزكر مرة في مطار المنامة تم تاجيل رحلتنا
للسودان ونحنا في المطار ، قالوا خلاص نوديكم فندق
طبعا مع الفندق مفروض يصرفوا لينا اقل حاجة مئة دولار
عملوا نايمين ، انا مشيت لمسئول طيران الخليج
قلت ليهو وين لازم تصرف لي مقابل مالي لي وللركاب
قال لي تصرفوا في الخرطوم قلت ليهو لا اصرفوا هنا
صرف لي ، لكن ما صرف لبقية الركاب
يتم استغفال كثير من الركاب لعدم المامهم بقوانين الطيران
|
Post: #4
Title: Re: هههههههههههه.....سودانير تقدم لركابها سندو
Author: Frankly
Date: 08-21-2017, 08:35 AM
Parent: #1
ما فيها أي حاجة بالعكس تماماً دا هو المطلوب
من ناحية الجودة كل الطعام المصري فاسد
من ناحية السعر لماذا يدفع السودان أموال للمصريين بدون فائدة في حين أن الشركة السودانية تستطيع أن توفر مبالغ بشراء نفس الجودة من الطعام على بعد أمتار؟
أعتقد دي الفهلوة المطلوبة من السودانيين في التعامل مع المصريين
برافو سودانير 
|
Post: #5
Title: Re: هههههههههههه.....سودانير تقدم لركابها سندو
Author: هشام المجمر
Date: 08-21-2017, 08:41 AM
Parent: #4
Quote: ما فيها أي حاجة بالعكس تماماً دا هو المطلوب
من ناحية الجودة كل الطعام المصري فاسد
من ناحية السعر لماذا يدفع السودان أموال للمصريين بدون فائدة في حين أن الشركة السودانية تستطيع أن توفر مبالغ بشراء نفس الجودة من الطعام على بعد أمتار؟
أعتقد دي الفهلوة المطلوبة من السودانيين في التعامل مع المصريين
برافو سودانير |
انت بتتكلم جد يا كمال؟
و الفول و الطعمية ديل جابوهم من واق الواق ما من مصر ذاتها وكمان من كشك خارجي يعني احتمال تلوث الطعام فيه كبير جدا غير المرافق التي تقدم الطعام بداخل المطار فهى خاضعة لمقاييس و معايير الاطعمة داخل المطارات
يعني زولنا ده حسب كلامك ده عرض حياة الركاب للخطر الشديد
|
Post: #7
Title: Re: هههههههههههه.....سودانير تقدم لركابها سندو
Author: هشام عباس
Date: 08-21-2017, 08:57 AM
Parent: #5
يا هشام اخوى ما تتعب روحك
كمال دا لو كان الخبر بيقول اكلوهم كديسة ميتة حيقول ليك برافو برافو دا الصح ويعدد ليك الفوائد الاقتصادية والغذائية من اطعام الناس كديسة ميتة
|
Post: #10
Title: Re: هههههههههههه.....سودانير تقدم لركابها سندو
Author: قصي محمد عبدالله
Date: 08-21-2017, 09:24 AM
Parent: #7
المفروض تكون الأكلات كسرة و عصيدة وقراصة وتركين وقدوقدو وملاح شرموط وملاح روب ، وجميع المفروكات.
والمشروبات الأبري بلونيه ، وما إلى ذلك...
عشان الركاب ما يسرحو و ينسو إنهم راكبين خطوط سودانيىة ...
------
سودنة داخلية وخارجية
|
Post: #24
Title: Re: هههههههههههه.....سودانير تقدم لركابها سندو
Author: هشام المجمر
Date: 08-22-2017, 01:55 PM
Parent: #10
Quote: المفروض تكون الأكلات كسرة و عصيدة وقراصة وتركين وقدوقدو وملاح شرموط وملاح روب ، وجميع المفروكات.
والمشروبات الأبري بلونيه ، وما إلى ذلك...
عشان الركاب ما يسرحو و ينسو إنهم راكبين خطوط سودانيىة ...
------ |
و تسمع ارقد يا عيش و كاااااع
|
Post: #15
Title: Re: هههههههههههه.....سودانير تقدم لركابها سندو
Author: هشام المجمر
Date: 08-21-2017, 12:03 PM
Parent: #7
Quote: يا هشام اخوى ما تتعب روحك
كمال دا لو كان الخبر بيقول اكلوهم كديسة ميتة حيقول ليك برافو برافو دا الصح ويعدد ليك الفوائد الاقتصادية والغذائية من اطعام الناس كديسة ميتة |
ههههههههههههههههههه
|
Post: #9
Title: Re: هههههههههههه.....سودانير تقدم لركابها سندو
Author: Frankly
Date: 08-21-2017, 09:14 AM
Parent: #5
أنا ما فاضي ليك يا مجمر
قلت لي عرض حياة الركاب للخطر الشديد؟؟
أنت زول لقطة
الركاب ديل راكبين من وين مش من مصر دي ذاتها وكانوا وقتهم كله بياكلوا من طعام مصر خارج المطار ذا الخطر الشديد
بعدين قلت لي طعام داخل المطار خاضع لمعايير الأطعمة؟؟
خلاص أي سوداني يزور مصر أكله من داخل المطار وتعمل خدمات توصيل طعام المطار للفنادق واللكوندات والشقق المفروشة
قال مقاييس ومعايير قال
دي حاجة المصريين ذاتهم ما بينكروا عدم وجودها ولا حتى في أعتى مصانعهم
|
Post: #11
Title: Re: هههههههههههه.....سودانير تقدم لركابها سندو
Author: مهدي صلاح
Date: 08-21-2017, 09:48 AM
Parent: #9
دي فضيحة كاملة الدسم
وبلاش غلاط وخرخرة
|
Post: #12
Title: Re: هههههههههههه.....سودانير تقدم لركابها سندو
Author: مني عمسيب
Date: 08-21-2017, 09:54 AM
Parent: #11
التحية لكم اخوتي ..
طبعآ فرانكلي بعمل اذا اساءوا الناس نسئ !
شوفوا منطق خاتف اللونين انصار السنة والكوز
فرانكلي الفالت المعايير جميعها !
فعلآ امثال هذا الرجل المدعي التدين والاخلاق هم
الوصلونا هذه المرحلة من الانحطاط المتنوع الالوان
والاشكال !!!
ياربي فرانكلي دا قلبو بقول ليهو شنو ؟؟؟؟!!!!!
|
Post: #13
Title: Re: هههههههههههه.....سودانير تقدم لركابها سندو
Author: أحمد الشايقي
Date: 08-21-2017, 11:24 AM
Parent: #12
Quote: يا هشام اخوى ما تتعب روحك
كمال دا لو كان الخبر بيقول اكلوهم كديسة ميتة حيقول ليك برافو برافو دا الصح
ويعدد ليك الفوائد الاقتصادية والغذائية من اطعام الناس كديسة ميتة |
شكرا عزيزي
هذا النموذج من المشاركات يكشـف لك مدى فقدان العلاقة مع الحق والحقيقة
نوع من الناس يكتب مؤيداً حتى ولو اتضح تماماً أن الصحيح عكس ما يكتب
لا تنتظر من هؤلاء أي حقيقة أو شهادة بحــق
أحمد الشايقي
|
Post: #14
Title: Re: هههههههههههه.....سودانير تقدم لركابها سندو
Author: عبد الباقي الجيلي
Date: 08-21-2017, 12:03 PM
Parent: #13
أخوي كمال ....
كلنا تاخذنا الحمية على مؤسساتنا الوطنية ....
لكن الــ catering بتاع الطيران ده بتحكمو شروط دولية ...
لأن الركاب المفترض فيهم أن يكون فيهم مختلف الجنسيات ....
والإياتا لابد أن تحافظ على صحة ركابها في كل الأحوال ..
لذلك فإن وجباتهم لابد أن تكون من جهات معروفة وتستطيع أن تحاسبها لو حدث أي مكروه
جهات تحرص على سمعتها
هذا هو المقصود يا كمال ..
وليس كشك طعمية وفول من الناصية ..... ممكن بكرة تلقاهو مافي ....
|
Post: #16
Title: Re: هههههههههههه.....سودانير تقدم لركابها سندو
Author: Frankly
Date: 08-21-2017, 12:23 PM
Parent: #14
يا عبدالباقي يا حبيب
الإياتا ما عندها دخل الركاب يأكلوا شنو ومن وين ومتين
إذا حدث مكروه للركاب بمختلف جنسياتهم (فليس لغير السوداني فضل على السوداني) من يُحاسب هو شركة الطيران سودانير التي فرضاً تحرص على سمعتها.
أكشاك المطار نفسها ممكن بكرة تلقاها مافي
يا حبيب دي مصر وليست تشاد قمة الاستهبال والغش والإحتيال
|
Post: #26
Title: Re: هههههههههههه.....سودانير تقدم لركابها سندو
Author: هشام المجمر
Date: 08-23-2017, 01:20 PM
Parent: #12
Quote: التحية لكم اخوتي ..
طبعآ فرانكلي بعمل اذا اساءوا الناس نسئ !
شوفوا منطق خاتف اللونين انصار السنة والكوز
فرانكلي الفالت المعايير جميعها !
فعلآ امثال هذا الرجل المدعي التدين والاخلاق هم
الوصلونا هذه المرحلة من الانحطاط المتنوع الالوان
والاشكال !!!
ياربي فرانكلي دا قلبو بقول ليهو شنو ؟؟؟؟!!!!! |
حاجة تحير يا بت عمسيب
|
Post: #25
Title: Re: هههههههههههه.....سودانير تقدم لركابها سندو
Author: هشام المجمر
Date: 08-22-2017, 01:57 PM
Parent: #11
Quote: دي فضيحة كاملة الدسم
وبلاش غلاط وخرخرة |
كلمو عليك الله يا مهدي
|
Post: #17
Title: Re: هههههههههههه.....سودانير تقدم لركابها سندو
Author: Khalid Elsayed
Date: 08-21-2017, 12:39 PM
Parent: #1
فضيحة والركاب مساكين
اذكر ونحن مجموعة كبيرة من الطلبة مسافرين من الخرطوم لبنغازي على الخطوط الليبية ..وبعد عمل الاجراءات اكتشفو ان ان الطائرة بها عطل .. بتاعين الخطوط الليبية زاغو فكلمنا مشرف الصالة عمل رايح .. طوالي وقفنا صف طويل وقررنا الخروج من المطار والرجوع للمنازل .. نص ساعة بس جات الباصات ودتنا فندق قصر الصداقة بحري ( عشاء بوفية مفتوح ومبيت لغاية ما الطيارة اتصلحت)
|
Post: #18
Title: Re: هههههههههههه.....سودانير تقدم لركابها سندو
Author: امتثال عبدالله
Date: 08-21-2017, 01:13 PM
Parent: #17
ابراهيم عبد الوهاب
على الرغم من ان مرارتي عاوزة تنفقع من سياسة السعودية تجاه دولة قطر
وتعاونها مع الامارات ومصر لتركيع قطر لكن..
لكن الحقيقة يجب ان تقال ،،،انا عادة بركب الخطوط القطرية ،لكن العام الماضي ما لقيت
حجز وركبت الخطوط السعودية للسودان عن طريق الرياض....ووجدت عندهم افخم الوجبات
على الاطلاق،، وبعد الوجبة الاولى فتحوا بوفيه مفتوح به ما لذ وطاب من جميع انواع الاطعمة
الفاخرة ما لا اذن سمعت ولا عين رات ولا خطر على قلب بشر،، وبعد ده كله المضيفات لافات في
الطائرة الضخمة على مدار الساعة لتقديم ما يطلبه الركاب وبدون اية تذمر او شكوى....
وعشان كده استغربت لمن قلت الخطوط السعودية قدمت وجبة ما تمام،،
مع وافر الاحترام والتقدير
|
Post: #19
Title: Re: هههههههههههه.....سودانير تقدم لركابها سندو
Author: نادر الفضلى
Date: 08-22-2017, 03:07 AM
Parent: #18
إمتثال
تحياتى
السفريات طويلة المدى وعابرة المحيطات غير ... الوجبات فيها ممتازة وكرم مبالغة
لكن الرحلات القصيرة تحتلف.
هشام سلام .. عملت سودانير فضيحة ... المصريين فى تعليقاتهم أكيد قالوا (طعمية) ولم يقولوا (طعمية سخنة)
لمن يوروا يعظموا الطعمية بيقرونها بسخنة !
الخازوق الفواتير تكون من كبابجى أبو شقرة أو كافتيريا المطار هههه
|
Post: #21
Title: Re: هههههههههههه.....سودانير تقدم لركابها سندو
Author: ابراهيم عبد الوهاب
Date: 08-22-2017, 08:48 AM
Parent: #18
الانسة امتثال السلام عليكم
زي ما قلت لي الاخ هشام
يوجد خيار وفقوس في تعامل شركات الطيران
المسافرين لاوربا وامريكا يتم التعامل معه بعناية فائقة
ويتم تقديم اجود انواع الخدمات ، والناس المسافرين
لدول العالم الثالث من شاكلة السودان والهند ومن لف لفهم
يتم تقديم خدمات درجة ثانية لهم تحصل لدرجة الفول والرز
التميز حتي في ركوب الطائرات والبوابات
ناس اوربا وامريكا عندهم بوبابت معينة
والرجرجة والدهماء عندهم بوابات في ركن قصي
الحكاية شفتها في مطار دبي
حتي المضيفات الاختيار للرحلات فيهو خيار وفقوس
وهكذا دلاليك
|
Post: #22
Title: Re: هههههههههههه.....سودانير تقدم لركابها سندو
Author: عثمان عمر صالح
Date: 08-22-2017, 09:55 AM
Parent: #1
غايتو مسئول الشركة ذكرني (الصادق الاطرش) ..
رئيس (الكلة)المجموعة والمسئول عن المقاولات في اعمال البناء والصب بالخرسانة اذا كانت اسقف او غيره ..
بعد الساعة تفوت تلاتة ظهر يختفي من غير سابق انذار ويجي شايل كرتونة ما مهم كرتونة شنو ..
كرتونة صابون .. معجون .. حتى لو كرتونة بف باف المهم يجيب السندوتشات للغداء ..
اول ما اتبادر الى الذهن بعد قراءة الخبر كرتونة صحبي الصادق ..
الفرق انو سندوتشات الصادق بالشاورمة مع الشطة ..
ونسبة لاضانو تقيلة لو قلت شكرا ساي يقول ليك: لا والله تاكل اكل ياخ .. ويديك محاضرة عن الخوة والكرم.
بعرف لو كان حسي كان ح يجيبو طعمية بالفول نسبة لندرة الفول في ذلك الزمان عند وجبة الغداء ..
الفول فقط كان في الفطور والعشاء وبعيد من حرم اي مطار ..
المهم:-
فرحة الركاب الطيبين في مطار بورسودان بعد ان وصلو بالسلام ..
الاهم :-
الوجبة ما مشكلة الحمد لله عندنا طيران وخطوط جوية الباقي هين .
.
|
|