Post: #1
Title: يا فاطمة دغرية ديل الحرامية ( قصيدة)..
Author: د.محمد بابكر
Date: 08-20-2017, 10:37 AM
09:37 AM August, 20 2017 سودانيز اون لاين
د.محمد بابكر-بحرى الشعبيه
مكتبتى
رابط مختصر Quote: يا فاطمة دغرية
..........................
يا فاطمة دغرية
ديل الحرامية
حلق الوطن مسكون
بي غنوة وطنية
غرد هتاف موروث
زفاك يا بنية
يا راحلة زي غيمة
في رحلة أبدية
يا باقية فينا زمان
جمرات نضالية
يا ملهمة يا فال
يا نسمة عصرية
ناحت طيور أم در
و الراحلة قمرية
و اليوم وفاك الكل
يا خالدة يا وفية
قطن البلد غطاك
و حداك طورية
عرق الكفاح يرويك
غيمات خريفية
يوم دمعتيك فاضو
عشان طفلة مرمية
يوم كبدك الحن
لي نازحة منسية
يا الشايلة هم الناس
كفيك حريرية
يا غيمة للأيتام
عز النهارية
يا خيمة للتائهين
يا لقمة بدرية
عمرك قضيتي نضال
و الفيك محرية
همك تعدلي الحال
و السارية متكية
ديك الشمس بانت
صبح المراكبية
قمح البلد بتق
عشم المزارعية
يا الزارعة فينا هتاف
حرية ......حرية
فتقت ورود يانعة
و المسألة قضية
يا غائبة من العين
في بالنا مرعية
.........
شاعر مجهول |
|
Post: #2
Title: Re: يا فاطمة دغرية ديل الحرامية ( قصيدة)..
Author: معاوية المدير
Date: 08-20-2017, 10:45 AM
Parent: #1
رحم الله فاطنة .
فقدتها سُوّح النضال .
سلآمات يا دكتور ؤ بركة الطلّة .
في بوست مجاور قدمت لي طلب ؤ بقولك
يا زول حبابك ألف ؤ سقطنا ما يرعبك مقدور
عليهو تب ...
|
Post: #3
Title: Re: يا فاطمة دغرية ديل الحرامية ( قصيدة)..
Author: د.محمد بابكر
Date: 08-20-2017, 02:29 PM
Parent: #2
تسلم يا صديقى لكن خايفين من الهضربة ..
|
|