Post: #2
Title: Re: براحة كدة قعدونا واطة
Author: عبدالحفيظ ابوسن
Date: 08-15-2017, 06:15 AM
Parent: #1
معلومة لازمة
انا موجود داخل السودان
وعايش بشكل دايم
ما بسافر برة
|
Post: #3
Title: Re: براحة كدة قعدونا واطة
Author: عبدالحفيظ ابوسن
Date: 08-15-2017, 06:18 AM
Parent: #2
في نقاشات سابقة
ونقاشات تختبئ داخل البوستات زي الرقراق
واشارات في بوستات
وبل
نقاش عديل ياهون داك حصل عشرة صفحات
حول
من نحن
|
Post: #4
Title: Re: براحة كدة قعدونا واطة
Author: عبدالحفيظ ابوسن
Date: 08-15-2017, 06:24 AM
Parent: #3
في نظرية سودانية حقت ابوالريقيع
ابوالرقيع ياهو الوطواط
بالمناسبة في قبيلة في جنوب النيل الازرق اسمها الوطاويط
اها
نظرية ابوالريقيع بتفترض انو الحيوانات دي يا تبيض يا تلد . وكل واحدة عندها خصايص
ابوالريقيع خالف المعلومة المترسبة
يعني بقا سبة
ف شنو
كبرنا وقرينا لقينا الحيوانات دي كتيرة واقسامها كتيرة
واحدات لا بلدن لا بمارسن جنس بتكاثرن براهن
وواحدات زيتهم في بيتهم
|
Post: #5
Title: Re: براحة كدة قعدونا واطة
Author: عبدالحفيظ ابوسن
Date: 08-15-2017, 06:30 AM
اها الزول داير يعرف نفسو
وكدة
مع انو الموضوع هنا في الداخل مازي ما بقولو
|
Post: #6
Title: Re: براحة كدة قعدونا واطة
Author: عبدالحفيظ ابوسن
Date: 08-15-2017, 06:32 AM
Parent: #5
اختنا انتصار قالت كلام مباشر وبسيط
امشي لي ناس فلان قول ليهم انتو زنوج
|
Post: #7
Title: Re: براحة كدة قعدونا واطة
Author: عبدالحفيظ ابوسن
Date: 08-15-2017, 06:36 AM
Parent: #6
طيب العوا دى كلها فوق ام كم
بالجد والله لا اقصد سخرية او استهزاء
يعني شنو
زنوج نتجه جنوبا وغربا ونحتو قرض مع ديلك
ولا عرب نتجه شمالا وشرقا ونحتو قرض مع البي هناك
|
Post: #8
Title: Re: براحة كدة قعدونا واطة
Author: عبدالحفيظ ابوسن
Date: 08-15-2017, 06:41 AM
Parent: #7
هنا داخل السودان زي المنبر دة !
بتكلمو عربي
ودون احساس بدونية
وبنرطن لكن في حدود ضيقة مع الاهل . وبرضو مع الاهل غالبا بنتكلم عربي
الرطانة مرات للقطيعة والسرية
وبرضو مابجينا احساس انو رطانتنا مضطهدة
بقانون طبيعة المجتمعات الامور ماشة بسلاسة
الرطانة زاتها بخش فيها عربي
والعربي خاشه فيهو رطانة
|
Post: #9
Title: Re: براحة كدة قعدونا واطة
Author: عمر عثمان
Date: 08-15-2017, 06:58 AM
Parent: #8
Quote: الرطانة زاتها بخش فيها عربي
والعربي خاشه فيهو رطانة |
معاك لاخر المشوار نغني
على وتر مشدود
والسودان
لاهو عربي
ولاهو افريقي
السودان هو السودان
وكفى
|
Post: #10
Title: Re: براحة كدة قعدونا واطة
Author: عبدالحفيظ ابوسن
Date: 08-15-2017, 07:44 AM
Parent: #9
في ظني ياهو السودان يا عمر
انا سوداني
بنقولها ولا بنفكر في اننا شنو
وحكاية عربي وغير عربي دي بقت نادرة ونادرة جدا . إلا ان نسمعها هنا
قانون طبيعة المجتمعات ماشي يصهر الناس بشكل متسارع
البيت الواحد خشت فيهو كم قبيلة
والاسر ذاتها تمددت قبليا
التصاهر ياهو القبول
قبول الاخر
بدت تتلاشي ولكن ما اتلاشت واقع الحال بقول كدة
المسائل بقانون طبيعي ماشي لي كدة
|
Post: #11
Title: Re: براحة كدة قعدونا واطة
Author: Asim Ali
Date: 08-15-2017, 11:55 AM
Parent: #10
الاخ ابوسن - سلام علكم
فى ناس تحب تطرح مواضيع لاجل النقاش دون اعاره حساسيه الموضوع انتباه .
استغربت اصرار مجموعه على اهدار مجهودها على موضوع كان ممكن يكون بدل عنو موضوع فاعل يمس الواقع.
وطرحت وجهه نظر فى مداخله الاصلى ومره اخرى فى موضوع الاخ على دفع الله المنبثق عن الاصلى
وممكن اعيد طرح سؤال طرحتو فى واحده من المداخلات دى
بدأيه أقدم سؤال بسيط الأبناء نتاج زواج الوالدين ينتموا لقبيلتين مختلفتين (جعليه ونوبة او شايقيه وشلك او فور وبنى عامر) هل يتفقون معكم في حوار إعطاء هويه واحده للسوداني وتهميش الأخرى؟
.
نقف على ارضيه ذات بعدين عربي وأفريقي وما يجب ان نقف على هذه الأرضية والعمل على تأكيد البعد الثالث اعتمادا على ارضيه متمازجة تشكل فيها الابعاد الثلاثة فضاء الهوية السودانية
.
محاوله وصف الوضع بقيامه على بعد واحد اما عربي او أفريقي يعنى تفكيك الجغرافيا والانقسام وضياع السودان كحاله لها تميزها الثقافي والاجتماعي عن المحيط الإقليمي والعالمي.
.
وضرورىنتقبل واقعنا خصوصا اننا نعيش عصر العولمه اللى ذابت فيه الحواجزالثقافيه بفعل تطور تقنيه الاتصالات
|
Post: #12
Title: Re: براحة كدة قعدونا واطة
Author: عبدالحفيظ ابوسن
Date: 08-22-2017, 06:02 AM
Parent: #11
مرحب عاصم
وحبابك
تعرف هسة في كوستي دي في حاجة ملاحظة
الثراء مابفرق بين قبيلة وقبيلة .. وايضا الفقر
والاغنياء تنمحي مابينهم الطبقات
وكذلك الفقراء فيما بينهم
الحاصل انو مشكلتنا ما العنصرية ابدا
ومعركة العنصرية دي لو رفعتها هسة في ظني ستقوم بتشظي الوطن
مشكلتنا الثروة والسلطة لو رفعنا عدالة التوزيع أكيد كل الناس الفقراء بقيفو في صف واحد من مختلف القبايل
وبرضو الاثرياء القابضين علي السلطة والثورة
الصراع دة واضح وكلاسيكي كمان
|
Post: #13
Title: Re: براحة كدة قعدونا واطة
Author: عبدالحفيظ ابوسن
Date: 08-22-2017, 06:14 AM
Parent: #12
ابن خلدون
مؤسس ورائد علم الاجتماع في العالم.
كتب في مقدمته الشهيرة
في القرن الرابع عشرالميلادي.
يقول فيها :
عندما تنهار الدول يكثر المنجمون والمتسولون.....
والمنافقون والمدّعون....
والكتبة والقوّالون.....
والمغنون النشاز والشعراء النظّامون..
والمتصعلكون وضاربوا المندل....
وقارعو الطبول والمتفيقهون....
وقارئوا الكفّ والطالع والنازل....
والمتسيّسون والمدّاحون والهجّائون وعابرو السبيل والانتهازيون...
تتكشف الأقنعة ويختلط ما لا يختلط..
يضيع التقدير ويسوء التدبير.....
وتختلط المعاني والكلام.....
ويختلط الصدق بالكذب
والجهاد بالقتل.....
*عندما تنهار الدول*....
يسود الرعب ويلوذ الناس بالطوائف..
وتظهر العجائب وتعم الإشاعة.....
ويتحول الصديق الى عدو
والعدو الى صديق......
ويعلو صوت الباطل...
ويخفق صوت الحق...
وتظهر على السطح وجوه مريبة.. وتختفي وجوه مؤنسة...
وتشح الأحلام ويموت الأمل..
وتزداد غربة العاقل
وتضيع ملامح الوجوه...
ويصبح الإنتماء الى القبيلة
اشد التصاقا......
والى الأوطان ضربامن ضروب الهذيان.
ويضيع صوت الحكماء
في ضجيج الخطباء.....
والمزايدات على الإنتماء..
ومفهوم القومية والوطنية
والعقيدة وأصول الدين.....
ويتقاذف أهل البيت الواحد التهم بالعماله والخيانة......
وتسري الإشاعات عن هروب كبير....
وتحاك الدسائس والمؤامرات.....
وتكثر النصائح من القاصي والداني...
وتطرح المبادرات من القريب والبعيد..
ويتدبر المقتدر أمر رحيله
والغني أمر ثروته......
ويصبح الكل
في حالة تأهب وانتظار.......
ويتحول الوضع
الى مشروعات مهاجرين.....
ويتحول الوطن الى محطة سفر...
والمراتع التي نعيش فيها
الى حقائب......
والبيوت الى ذكريات
والذكريات الى حكايات.......
|
Post: #14
Title: Re: براحة كدة قعدونا واطة
Author: الصادق عبدالله الحسن
Date: 08-22-2017, 07:32 AM
Parent: #13
=
| Quote: والسودان لاهو عربي ولاهو افريقي |
لن تبقى أفريقيا يا عمر هي أفريقيا أن سلخت عنها شمالها
وقطعت رأسها الذي يضم (مصر، ليبيا ، السودان، تونس، الجزائر موريتانيا، جيبوتي، الصومال والمغرب).
ولن يبقى العرب عرباً يا حفيظ إن اكتفينا بحصرهم وخنقهم في جوف الجزيرة العربية والشام والعراق..
ما يلاحظ أن هناك حالة توهان هوياتي لدى بعض المثقفين، وحالات استلاب "ينبثق" عنه مزيد من الاستلاب
وحالات عداء ومغالاة ضد العروبة من ناحية، وحالات تطرف وإنكار لجذورنا الأفريقية على الناحية الأخرى ..
محاولة الفصل بين ما هو عربي وما هو أفريقي ليست جديدة، وقد عملت عليها وبكل دأب
دول رأسمالية عظمى ودوائر استخبارية كُبرى كانت هي أول من ابتدعت سياسة فرِّق تسد Divide and Rule،
تلك الدول الطامعة هي التي اختارت لنا حُكامنا وجنرالاتنا،
وهي التي عملت على تدريبهم وتثبيتهم، وهي التي زودتهم بالسلاح والجبخانة ووظفتهم لمصلحتها.
وتلك الذئاب الغربية الشرسة والنهمة في التكالب على ثروات عالمنا الثالث
هي التي عملت على تفخيخ القارة الأفريقية من جنوبها إلى أقصى شمالها،
وهي التي نجحت في استغلال الفروقات التي لا يخلو منها أي مجتمع متنوع وأججت نيران الفتن،
ورمت الطُعم لبعض غلاة المثقفين فابتلعوه بسذاجة، ونجحت في زرع البغضاء بين الشمالي والجنوبي،
وفي بذر الصراع الكريه بين الهوتو والتوتسي، وفي الوقوف والتحريض على الاقتتال أحياناً داخل فروع
القبيلة الواحدة كما في حالة شقيقتنا المنكوبة مثلنا الصومال.
في الصومال يا عاصم لا يوجد صراع عربي/زنجي وبرغم ذلك تم تفكيك البلد وتقسيمها
وتفتيتها نتيجة صراع داخل القبيلة الواحدة، والتي للمفارقة تسمى (قبيلة الهوية) تتكون من فرعين رئيسيين هما (هابر جدر) و (أبغال).
على رأس فرع (هوية هابر جدر) كان يقف الرئيس الأسبق "فارح عيديد"،
وعلى رأس الفرع الآخر (هوية أبغال) كان يقف غريمه ومنافسه رئيس الوزراء الأسبق (علي مهدي محمد)
وقد تعاركا، وجماعة "المديدة حرقتني" Divide and Rule في الغرب (دقوا بينهم عطر منشم) ولم يكفوا
أو يتوقفوا لحظة عن تزويدهم وبيعهم السلاح النوعي حتى خرت جثة الصومال طريحة مقسمة على مذبح القبيلة الواحدة .
الإنسان العادي كما أشار عبد الحفيظ غير منشغل بهذا الترف..
فالمواطن الأغبش يُدرك أن الأفريقانية جزء لا يتجزأ من الهوية العربية والعكس صحيح،
وأن السودان عربي/افريقي مهما زايد غلاة المثقفين على الجانبين.
...
..
.
|
Post: #15
Title: Re: براحة كدة قعدونا واطة
Author: أحمد الشايقي
Date: 08-22-2017, 08:29 AM
Parent: #14
والله يا ود أب سـن
في السودان دا الناس الـ بفتحوا موضوع (الهـويـة) ديل ناس بصراحـة بتاعين
(لخبتـة)
ياخي بنمشي الزراعة وبنمشي السوق ومافي أي مشكلة كل الناس الـ ما هــم قراب
(قــربـهــم العمــل)
أحمد الشايقي
|
Post: #16
Title: Re: براحة كدة قعدونا واطة
Author: عبدالحفيظ ابوسن
Date: 08-22-2017, 09:34 AM
Parent: #15
مرحب الصادق
وحبابك
قصة نحن شنو دة اصلا ما ماخدة حيز في تفاعل الناس اليوماتي
اهو كلنا سودانين
|
|