خــــــــــطاب مــفتـــوح لــضبــة وامه الطــرطبة

11:29 AM August, 12 2017

سودانيز اون لاين
يوسف الحداد-جده
مكتبتى
رابط مختصر

بسم الله الرحمن الرحيم
يقول الله تعالى فى محكم تنزيله
انا اعتدنا للظالمين نارا احاط بهم
سرادقها وان يستغيثو يغاثو
بماء كالمهل يشوى الوجوه بئس
الشراب وساءت مرتفقا .
ويقول ايضا وهو احكم الحاكمين
ووضع الكتاب فترى المجرمين مشفقين مما فيه
ويقولون يا ويلتنا مال هذا الكتاب لا يقادر صغيرة
ولا كبيرة الا احصاها ووجدو ما عملوه حاضرا
ولا يظلم ربك احد ..

لاتنكرو حر انفاسى انى من قوم نسو الله
فسينسا هم الله يوم لا ظل الا ظله
ولا جناح علي فيما قلته او كتبته ...


خطــاب مفتـــوح لضبة وامه الطرطبة
***** ***** **** ******

انا يا رمرام سامى المقام منى المغامات تستلف
يكفينى انى اكون انا رمز الامانة والشرف
انا كان ومازلت القمر لايوم بيخسف لا خسف
حلم الصبايا المترفات فرح المساءات الترف
ولليلى تعشقنى النجوم بمزاجى اصرفا وانصرف
وفى العالى بى صهوة غناي لا قل عزمى ولا ضعف
وما بيملا عينى بلا التراب الدنيا خامشا بى طرف
ما عافى ليك تعبي وشقاي
لملم وخمخم واعتلف
اعرض وطول اختا النحول
اتخن واتقل لاتخف
مد الكرش وسع لها
وكبر جعبتك والكتف
***
برجاك لى يوم الحساب
يوم الخلايق واقفه صف
انتو وانا وامك وابوك اختك واخوك
وابناء عمومتك من طرف
وباقى العواليق المطاليق
والوساخات القرف
يوم كلو زول شايل كتابو
براهو يقرا ويعترف
يوم العرق شاديك لجام
لا تلقى تعطس لا تنف
فى الساعة ديك حقى بيجى
ساعة المنادى ينادى لي
ويدينى ليهو ظرف ظرف
بى جمبى امى وزوجتى
وقدامى ياسين والكهف ..
***
انا الدفعتو عرق جبين
ما كان هدية ولا سلف
كانت مشاركة بالعديل
فى كل حاجة اكون طرف
جايينى هسع يا سجم
يا جلفة يا باقى الجلف
تحلف تقول ما عندى حق
مين منكم فى الحق وقف
يا مجرمين يا حاقدين
من نار جهنم تمشو وين
المللى بتسفوها. سف
والعمرة ما بتمحى. الظلم
اللعنة ليكم والف تف
***
كان تسال امك فى الخفا
داسى الحقوق فى ياتو رف
والبيظلم ما بيخاف
وما بيهمو ولو حلف .
رحلة علاج للقاهرة
عارفنو كم فيها. انصرف ؟
ولا. الطواف. بى امكم
كت قايل الوسخان نضف
ولا الهدوم ولا الدهب
ولا. القروش يا للاسف
ويا خسارة والف مليون يا خسارة
الم نربيك فينا وليدا
انسيت يا بئس. الخلف ؟
***
مفروض عليكم فرض عين
تقيفو. لي تعظيم. سلام
وتقولو. لي يا مرحبابك ومت الف
جا رين تكابسو حلال حرام
طول السنين ريقكم. نشف
وفى الدنيا مشيول. حسكم
مين البيخجل وينكسف
والله راجيكم. كتير
المولى بنسفكم. نسف ....****
*** ***

شاعرنا الجميل الحداد ..
قاتل الله الظلم ..
وصف عميق ورائع قصيدة فيهاعظة وعبرة
ليت الظالمين يقرأون هذه القصيدة
أجزم أن أجسامهم سوف ترتعد من الخوف
لأن القصيدة فيها صدق وصورة مجسدة عن الظالم وجزاءه
شكراً شاعرنا على هذا الوصف والصورة ..

شهادتي فيك مجروحة ..

مودتي ..

لك التحايا العطرة
استاذنا على
وشكرا على المروروتعظيم سلام

شكرا على

اااا

شاعرنا الكبير الاخ يوسف الحداد
زمن منك وين الناس
تحياتي وكل عام وانت بخير
وتبا للظالمين ......

اخوى محمد عبد الله
شكرا لمرورك حبيبنا
كل عام وانت بخير

شاعرنا الكبير الاخ يوسف الحداد
زمن منك وين الناس
تحياتي وكل عام وانت بخير
وتبا للظالمين ......

انت رائع

دكتور محمد حسن
شكرا يا روعة
كل عام وانت طيب

اخوي محمد عبد الله الامين
تحياتى وتعظيم سلام

سلام أخي يوسف ..
الظُلم ظُلمات وأن شاء الله
لعنة الله عليهم وعلى كل اشياعهم.
رائعة ...

الاخت الفضلى
فاطمة الحاج
العيد مبروك عليك
شكرا لمرورك

وربنا موجود تحياتى