Post: #1
Title: صباح حسن طه ... رجل ام امرأة ؟
Author: يحي قباني
Date: 08-11-2017, 04:01 AM
Parent: #0
03:01 AM August, 11 2017 سودانيز اون لاين
يحي قباني-فى الدنيا العجيبة
مكتبتى
رابط مختصر ؟ who cares
فلماذا الانصراف عن النقاش الجاد التذي جاءت به ... و التفكير بانها رجل لان كلامها غالب ؟
لماذا يفترض رجال العالم الثالث .. و خاصة السودانيين ...
ان لو جادلتهم شخصية مجادلة غالبة ... يذهب الافتراض انها رجل ؟
السودان الذي انجب فاطمة احمد إبراهيم ... و انجب سعاد إبراهيم احمد ...
و انجب د. ستنا حسن ... و د. خالده زاهر ... و الأستاذة احسان فخري ..
و كثيرات رفعن أسماء عائلاتهن و السودان اجمع فوق الرايات ...
لماذا سوء الظن ؟
بعض الاخوة خارج المنبر حتى ...
لفت نظرهم البوست المعني ... و منهم من اتصل بي قائلا مؤكد صباح رجل !!!!
انا شخصيا ... يكفيني انها أتت بنقاش مثمر و عن وعي وفهم ...
رجلا كانت ام امرأه ... هذا ليس المهم ...
____________________________________
عفواً ... لم اريد الكتابة في البوست المعني ...
لان لا رغبة لي في المجادلة ...
و لا اقصد هنا فقط صباح و من جادلوها ...
و لكنها فكرة أصبحت عامة ... و مدهشة و مؤلمة ...
خاصة عندنا نحن السودانيين ... التائهين عن هويتنا ...
النساء حكمن دول العالم يا ناس .... !!!!
|
Post: #2
Title: Re: صباح حسن طه ... رجل ام امرأة ؟
Author: حيدر حسن ميرغني
Date: 08-11-2017, 04:17 AM
Parent: #1
منهم من اتصل بي قائلا مؤكد صباح رجل !!!!
ياخبر أبيض 
-
ثُمَ إزيَك يا يحي
|
Post: #3
Title: Re: صباح حسن طه ... رجل ام امرأة ؟
Author: يحي قباني
Date: 08-11-2017, 04:38 AM
Parent: #2
Quote: منهم من اتصل بي قائلا مؤكد صباح رجل !!!!
ياخبر أبيض
-
ثُمَ إزيَك يا يحي |
صدقني يا حيدر يا حبيب ...
التأكيد نابع من نفس فكرة الرجال قوامون ... و ليس لمعرفة شخصية ...
حاجة عجيبة ... ما كده ؟
|
Post: #4
Title: Re: صباح حسن طه ... رجل ام امرأة ؟
Author: عبدالحفيظ ابوسن
Date: 08-11-2017, 05:20 AM
Parent: #3
تحياتي قباني
وضيوفه
البوست فيهو نقاش كويس وان جنح للمساجلة وحوار من يهزم من
صباح محاورة جيدة
ثم ما فرقت غايتو معاي بت ولد
افتراض صدق الاخر وعدم تخوينه
قالت إمرأة اوكي جدا حبابها
|
Post: #5
Title: Re: صباح حسن طه ... رجل ام امرأة ؟
Author: عبدالحفيظ ابوسن
Date: 08-11-2017, 05:22 AM
Parent: #4
إن المرء لا يولد إمرأة ... انما يصبح إمرأة
سيمون دي بوفوار
|
Post: #6
Title: Re: صباح حسن طه ... رجل ام امرأة ؟
Author: يحي قباني
Date: 08-11-2017, 05:39 AM
Parent: #4
Quote: تحياتي قباني
وضيوفه
البوست فيهو نقاش كويس وان جنح للمساجلة وحوار من يهزم من
صباح محاورة جيدة
|
حفيظ يا صاحب ...
الشاعرة الأمريكية و الكاتبة و المدافعة عن حقوق المرأة " Audre Lorde " قالت :
It is not our differences that divide us.
It is our inability to recognize,
accept, and celebrate those differences.
و نحن ما زلنا على غينا القديم ...
|
Post: #7
Title: Re: صباح حسن طه ... رجل ام امرأة ؟
Author: معاوية عبيد الصائم
Date: 08-11-2017, 06:04 AM
Parent: #6
الوعى السياسى
|
Post: #8
Title: Re: صباح حسن طه ... رجل ام امرأة ؟
Author: فرح الطاهر ابو روضة
Date: 08-11-2017, 06:40 AM
Parent: #7
عدم موضوعية
|
Post: #9
Title: Re: صباح حسن طه ... رجل ام امرأة ؟
Author: فرح الطاهر ابو روضة
Date: 08-11-2017, 06:40 AM
Parent: #7
عدم موضوعية
|
Post: #10
Title: Re: صباح حسن طه ... رجل ام امرأة ؟
Author: حاتم إبراهيم
Date: 08-11-2017, 09:36 AM
Parent: #1
Quote: عفواً ... لم اريد الكتابة في البوست المعني ...
لان لا رغبة لي في المجادلة ... |
هههه
قبة يا مثابر!
الدعم السريع جداً جداً
كنت تجي (عديل) وتقول لينا : (دعوها فهي مأمورة! )
بدل العذر المستعجل (غير المطلوب) بعدم الرغبة في (المجالدة)
لكن لو علي، بقول:
الأكتاف مستقيمة يبقى رجل
لأنو لو قلنا (مرة) برضو حارة عليها.
عملت لي شنو في موضوع ولدنا الدايرنو يبقى فنان؟
|
Post: #11
Title: Re: صباح حسن طه ... رجل ام امرأة ؟
Author: Deng
Date: 08-11-2017, 10:29 AM
Parent: #10
الأخ قباني وبقية الإخوة
سلام وتحية
في الحقيقة انا الذي طرحت هذا السؤال ولذلك الشخص، وبالمناسبة ! هذا سؤال قديم جدا ولقد طرحته لذلك الشخص منذ عدة سنين ، وقبل ان يلتحق بالمنبر هذا كل الذين تداخلوا في في البوست ومع احترامي لكم.
للقصة تاريخ طويل وبقية لم تختم بعد.
كلنا نعرف ان اسم صباح من الأسماء المشتركة، ولكن في الغالب ينسب الى النساء، خصوصا في السودان.
ولي عودة
|
Post: #12
Title: Re: صباح حسن طه ... رجل ام امرأة ؟
Author: عبدالغني محمد الحاج
Date: 08-11-2017, 11:03 AM
Parent: #11
حدثتني الأخت صباح التي عرفتني بها الأخت عبير خيري عندما كانت عمدة بورداب الخرطوم
بأنها قررت التوقف نهائياً عن الكتابة في المنبر
سأفتح بوست قريباً أكالب فيه دينق بعمل المثل والمطالبة بكشف شخصية الشبح حاتم
وإلا سيكون حسابي معه عسيراً
|
Post: #13
Title: Re: صباح حسن طه ... رجل ام امرأة ؟
Author: مني عمسيب
Date: 08-11-2017, 11:18 AM
Parent: #12
التحية للجميع .. واختص الحبيبة صباح والاخ عبد الغني .
وياها يا رجال الحوش دي الدايرنها لينا كل ما اشعلت
النار وطفيناها اشعلتوا آخري !!!!!!!!!!!!!!!
ويا عبد الغني الوصية في الذمة توصل للحبيبة صباح
الكلام دا .. وبتمني تكون هي متابعة بنفسها وافتكر كدا .
بأنها قررت التوقف نهائياً عن الكتابة في المنبر
يا صباح يا حبيبة البخليك تقيفي شنو ؟؟؟
وبالمناسبة ثقتي فيك اكبر من ناس القال والقيل وخليهم يقولوا .
ثم ثانيآ انتي ما عارفة جزء من رجال الحوش ديل ما بعرفوا
العيش بسلام ؟ ياها حالتهم يا حبيبة ! ههههههههه .
ثم رابعآ : كدي احسبي عدد البوست العدائية لبعضهم البعض !
في خلال الاسبوع دا فقط ؟
عمومآ الرجاء عدم التوقف لانك ما ملك نفسك ملكننا كلنا كنساء .
وانتي عارفانا اقلية وعايشين معاهم بضراعنا .
ولك الشكر يا حبيبة ..
ولو جدعتي لي تلفونك باجوة تكوني ما قصرتي .
تسلمن كلكن يا الحبيبات يا مستورات الحال .
|
Post: #14
Title: Re: صباح حسن طه ... رجل ام امرأة ؟
Author: قصي محمد عبدالله
Date: 08-11-2017, 11:26 AM
Parent: #13
أسماء مشتركة :
أمل ،
تيسير،
نضال،
فردوس،
جمال،
قمر،
ريان..
وفوق كل ذلك التسمية ليست خيار للشخص المولود.
|
Post: #15
Title: Re: صباح حسن طه ... رجل ام امرأة ؟
Author: مني عمسيب
Date: 08-11-2017, 11:37 AM
Parent: #14
قصي سلام ..
ما يخصنا بمعرفتكم للاسامي هذا رجل وهذه امراة .
لانه الحريص بالمعرفة يعرف من صيغة المخاطبة
دا رجل ولا امراة لانه اللغة النسوية باينة جدآ من
لغة الرجال .. دا غير الضمائر المختلفة بيناتنا ...
ما شكيت لحظة صباح رجل ... وكتير من الاسامي
المشتركة بعرفها من خلال صيغة الكلام والمخاطبة
فرجاءآ ما تفتعلوا عداء بيناتنا نحن في غني عنه
وكفاية الفينا مكفينا !
|
Post: #16
Title: Re: صباح حسن طه ... رجل ام امرأة ؟
Author: Maawya Hussein
Date: 08-11-2017, 12:08 PM
Parent: #15
لو الزاكرة ما خانتني قبل سنوات في لمة بورداب امريكا كان في صور من ضمنها عضوة للمنبر تحمل نفس الاسم صباح حسين
|
Post: #17
Title: Re: صباح حسن طه ... رجل ام امرأة ؟
Author: قصي محمد عبدالله
Date: 08-11-2017, 12:16 PM
Parent: #15
Quote: ما يخصنا بمعرفتكم للاسامي هذا رجل وهذه امراة .
لانه الحريص بالمعرفة يعرف من صيغة المخاطبة
دا رجل ولا امراة لانه اللغة النسوية باينة جدآ من
لغة الرجال .. دا غير الضمائر المختلفة بيناتنا ...
ما شكيت لحظة صباح رجل ... وكتير من الاسامي
المشتركة بعرفها من خلال صيغة الكلام والمخاطبة
فرجاءآ ما تفتعلوا عداء بيناتنا نحن في غني عنه
وكفاية الفينا مكفينا ! |
اي عداء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!
مداخلتي عكس تماما مما ذهبت إليه !
|
Post: #18
Title: Re: صباح حسن طه ... رجل ام امرأة ؟
Author: Deng
Date: 08-11-2017, 01:24 PM
Parent: #17
معاوية لا تخلط بين صباح حسين المعروفة في أمريكا وصباح حسين طه
|
Post: #20
Title: Re: صباح حسن طه ... رجل ام امرأة ؟
Author: عبدالغني محمد الحاج
Date: 08-11-2017, 01:33 PM
Parent: #18
صباح حسين طه يا معاوية كانت تكتب في المنبر باسم صباح حسين ولما دخلت الأخت صباح حسين
من منطقة فرجينيا للبورد ورغم أن اسم الأولى كان مكتوباً بالعربي والثانية بالإنجليزي فقد تمت
إضافة اسم طه لصباح حسين وهي أيضاً تقيم في أميركا ليست في فرجينيا ولأسباب تتعلق بأسرتها
لم تضع صورتها ولا معلوماتها في المنبر وهذا من حقها .. وتعرضت بسبب صراحتها لتعديات أكثر من مرة
ونفس التعديات حصلت لصباح فرجينيا التي إنسحبت من البورد كما إنسحبت كثيرات قبلها لنفس الأسباب
لكن صباح أنثى ومقيمة في إمريكا. أما دينق فأقول له سيكون للموضوع ما بعده
|
Post: #19
Title: Re: صباح حسن طه ... رجل ام امرأة ؟
Author: يحي قباني
Date: 08-11-2017, 01:31 PM
Parent: #17
Quote: الأخ قباني وبقية الإخوة
سلام وتحية
في الحقيقة انا الذي طرحت هذا السؤال ولذلك الشخص، وبالمناسبة ! هذا سؤال قديم جدا ولقد طرحته لذلك الشخص منذ عدة سنين ، وقبل ان يلتحق بالمنبر هذا كل الذين تداخلوا في في البوست ومع احترامي لكم.
للقصة تاريخ طويل وبقية لم تختم بعد.
كلنا نعرف ان اسم صباح من الأسماء المشتركة، ولكن في الغالب ينسب الى النساء، خصوصا في السودان.
ولي عودة |
دينق ي حبيب ...
فهمي لي ناس كتيره متخفية لأجندات واضحة ...
صباح و في البوست ده بالذات ... النقاش كان جميل و حجتها قوية ... نختلف او نتفق معاها في أي شيء تاني ...
ليه طوالي الناس افترضت انها رجل ؟
جايز انت عندك معاها خلفيات ... لكن الامر بقى عام و متكرر
الرجل السوداني بفتكر لو مرأة تحدث و كانت شرسة في نقاشها و ثابته في مبادئها ... انها رجل متخفي !!!
|
Post: #21
Title: Re: صباح حسن طه ... رجل ام امرأة ؟
Author: عبدالغني محمد الحاج
Date: 08-11-2017, 01:37 PM
Parent: #19
الغريبة أن دينق نفسه ظل طيلة هذه الفترة يكتب بغير اسمه الحقيقي ويعلق صورة (نعم هي تشبه الجنوبيين) لكنها ليست صورته
الشخصية، فلماذا؟ رغم أن كثير من المقيمين في فرجينيا يعرفون اسمه الحقيقي وصورته وما خفي أيضاً وكلها حرية شخصية
ولا ما كدا
|
Post: #22
Title: Re: صباح حسن طه ... رجل ام امرأة ؟
Author: يحي قباني
Date: 08-11-2017, 01:41 PM
Parent: #21
Quote: حدثتني الأخت صباح التي عرفتني بها الأخت عبير خيري عندما كانت عمدة بورداب الخرطوم
بأنها قررت التوقف نهائياً عن الكتابة في المنبر
سأفتح بوست قريباً أكالب فيه دينق بعمل المثل والمطالبة بكشف شخصية الشبح حاتم
وإلا سيكون حسابي معه عسيراً |
تحياتي عبد الغني ...
و الصديقة عبير خيري موجود و نشطة في المنبر ...
|
Post: #23
Title: Re: صباح حسن طه ... رجل ام امرأة ؟
Author: امتثال عبدالله
Date: 08-11-2017, 01:54 PM
Parent: #22
يحى قباني
ازيك ياخي يا رجل يا ملك،،،
كثير من الناس بيفتكروا ان المراة مش ناقصة دين وعقل بس ولكن ناقصة فكر
واحساس ومشاعر ،،، وبيفتكروا ان المراة لا تستطيع ان تجادل وتناقش وتكتب
في مواضيع اعتبروها حكرا على الرجال..وكما قلت انت يا يحى فان هناك نساء حكمن
دول ونساء عالمات ونساء اديبات ،،،وفي كل المجالات....ويحزنني دائما التشكيك الضار
من بعض الاعضاء ،،،
وصباح من الاقلام الممتازة في هذا المنبر الذي بدا يفقد بريقه ولمعانه من كثرة هذه
الماسي التي تحز في النفس...
وشكرا يا يحى فقد عبرت عنا جميعا ما لم نكن نستطيع البوح به ،،،
مع وافر الاحترام والتقدير،،،
|
Post: #24
Title: Re: صباح حسن طه ... رجل ام امرأة ؟
Author: Deng
Date: 08-11-2017, 01:58 PM
Parent: #22
قباني.
الاسلوب الذي تكتب به صباح حسين طه، لا يشبه أسلوب وطريقة كتابة النساء ، وذلك هو الشئ الذي لفت نظري من زمان.
أما عن الكتابات العنيفة القوية أو الجرئية في المنبر ، فهي كانت لبعض نساء المنبر أيضا، فهنالك عدة أمثلة ونحن لم نشكك فيها أبدا.
تراجي مصطفى
نجاة محمود (بيان)
لا أعتقد أن هنالك من شكك في هذين الشخصيتين ابدا.
|
Post: #25
Title: Re: صباح حسن طه ... رجل ام امرأة ؟
Author: Deng
Date: 08-11-2017, 02:01 PM
Parent: #24
أما موضوع الدفاع عن النساء وحقوقهم في هذا المنبر فأنا ليس من الذين يزايدون على مواقفهم في مثل هذا الأمر، المنبر يشهم مواقفي في الدفاع عن النساء وعت حقوق المرأئة، وفي أوقات كثيرة كانت الناس بتعمل حمد لبد، وما عاوزة تدخل المواضيع الساخنة لكي لا تخسر "أصدقاء"
|
Post: #27
Title: Re: صباح حسن طه ... رجل ام امرأة ؟
Author: عبدالغني محمد الحاج
Date: 08-11-2017, 02:11 PM
Parent: #24
هذه كلمة حق أريد بها باطل فانت تعرف أن دكتورة بيان وتراجي تواصلن مع البورداب وحضرن كل الفعاليات
لكن رغم ذلك هل تقدر أن تقول لي لماذا قررت بيان عدم الكتابة؟
وهل تنسي التنابذ الكان حاصل بينكما؟
على عكس صباح وكثيرات غيرها مثل اسمارت أنا قررن إخفاء أنفسهن
|
Post: #26
Title: Re: صباح حسن طه ... رجل ام امرأة ؟
Author: محمد محمد قاضي
Date: 08-11-2017, 02:10 PM
Parent: #1
تحياتي ود قباني وضيوف البوست الكرم
الحقيقة أنا من الناس إتداخلت وإتناقشت مع صباح وما كان هاميني
تبقي راجل أو امرأة والزول الوحيد اللي شكك في شخصيتها بصريح
العبارة هو دينق كما ذكر في البوست ده موش ناس كتار أو آخرين
متفقين معاها أو مختلفين وبعدين بصراحة حجتها ما كانت قوية ولا حاجة
وياريت كان كتبت حججها بلغة إنجليزية من الأول يمكن كان قدرت توصل
فكرتها بصورة واضحة بدل الخلط اللي كان حاصل ليها في لغتها ((العربية))
شخصيا بمجرد ما قالت لي لاتزوغ وتهرب وشنو ما عارف الكلام ما عجبني
وطوالي وقفت النقاش و((زغتا)) هههههه
بالنسبة لموضوع الأشباح والمتخفين فالموضوع ما جديد وكمان ممكن تلقي عضو/ عضوة
بيكتبو ليه/ ليها أشخاص آخرين وده ظاهر من أسلوب اللغة وساهل معرفته بس الناس بيعملو
غمرانين منها ههههه زي واحد لمن تغلبو الحيلة يجي يقول ليك من يكتب باسم دينق؟؟؟
|
Post: #29
Title: Re: صباح حسن طه ... رجل ام امرأة ؟
Author: Deng
Date: 08-11-2017, 02:20 PM
Parent: #26
اسمارت أنا، عمري لم اشكك بأنها رجل أو شخصية اخرى.
لقد أحترمت خصوصيتها، جدا رغم خلافاتي معها في بعض القضايا، ولم أهتم بذلك كثيرا ، لأنها كانت صادقة في ما أدعت.
ولكن اسم صباح حسين طه شككت فيه من أول نقاشاتي مع ذلك الاسم.
ملحوظة هامة.
تراجي وبيان في بداية كتاباتهم لم يكونو شخصيات معروفة بالنسبة لنا .
|
Post: #28
Title: Re: صباح حسن طه ... رجل ام امرأة ؟
Author: محمد محمد قاضي
Date: 08-11-2017, 02:16 PM
Parent: #1
نقطة أخيرة
صباح هي من نادتكم وناشدتكم حتي تنتصروا ليها تنصفوها في موضوعها بتاع
اللغة الإنجليزية مع حاتم وأعطتكم مهلة بتوقيت أمريكيا المحلي وإلا فالمغادرة
وها هي قد غادرت فلوموا أنفسكم وبس
|
Post: #30
Title: Re: صباح حسن طه ... رجل ام امرأة ؟
Author: عبدالغني محمد الحاج
Date: 08-11-2017, 02:28 PM
Parent: #28
هذا كلام عجيب يا جورج أن تقول تراجي وبيان في بداية كتاباتهم لم يكونو شخصيات معروفة بالنسبة لنا
|
Post: #32
Title: Re: صباح حسن طه ... رجل ام امرأة ؟
Author: عبدالغني محمد الحاج
Date: 08-11-2017, 02:32 PM
Parent: #30
إذا كنت من يهتمون بمعرفة هوية من يكتب لماذا يا جورج سكتت عندما طالب المطالبون بكشف الشبح حاتم/ماهر لهويته
وقد تسببت مشاركاته في هجرة أشخاص كانوا عمادة هذا المنبر
|
Post: #31
Title: Re: صباح حسن طه ... رجل ام امرأة ؟
Author: Deng
Date: 08-11-2017, 02:29 PM
Parent: #28
بكل صراحة الانجليزي اللي كان/ كانت صباح حسين طه بتكتبوا بي هناك ده كان دراب دراب.
الكتابة كانت عبارة عن زول بفكر وبعبر عن نفسه بالعربي ولكن الكلام كان مكتوب بلغة إنجليزية شبه مترجمة ترجمة غير جيدة.
|
Post: #33
Title: Re: صباح حسن طه ... رجل ام امرأة ؟
Author: عبدالغني محمد الحاج
Date: 08-11-2017, 02:35 PM
Parent: #31
إذا كنت من يهتمون بمعرفة هوية من يكتب لماذا يا جورج سكتت عندما طالب المطالبون بكشف الشبح حاتم/ماهر لهويته
وقد تسببت مشاركاته في هجرة أشخاص كانوا عمادة هذا المنبر
|
Post: #34
Title: Re: صباح حسن طه ... رجل ام امرأة ؟
Author: عبدالمنعم الطيب حسن
Date: 08-11-2017, 02:44 PM
Parent: #28
قباني يا منبثق،
سي سي لعلي دفع الله
سلام والمرور،
صباح دي/ا
ماعندها حجة بتعريفة حتى نصفها كونها قوية او ضعيفة....
ردودها انفعالية
وضحك في حاجات ما قاعدة تتضحك
وتسيب الموضوع الأساسي
وانت ياحاتم يا اهبل يا عوير....
ليه ما تتطرقوا للعبط دا؟
وَيَا حاتم شبح
غايتو حاتمنا دا بصراحة اكتر زول مفيد
في هذا المنبر من وجهة نظري
وكتاباته ياخ بتبسط بسط
وهو كاتبي المفضل....
وشخص شديد التهذيب
بنجم نجام قبورة
ويسخر لآخر مدى لمن تتكيف ذاتو
وفِي نفس الوقت لا يهاتر ولا ينبز
ولا يتجاوز اللائحة
حاتمنا نجم البورض
والكل معجب به بطريقة او اخرى
فشنو
صباح تقعد او تغادر ليس لها كتابات ذَا بال
فوجودها زي عدمو....
|
Post: #35
Title: Re: صباح حسن طه ... رجل ام امرأة ؟
Author: امتثال عبدالله
Date: 08-11-2017, 03:46 PM
Parent: #34
خوفي كمان يا يحى بجو الجماعة يقروا كلام الاستاذة امنة مختار في بوست ابوبكر
عباس وبوست محمد طه الملك ويقولوا ما معقول بنت تكتب كلام زي ده،،،ويقوموا بالتشكيك
الهدام،،،
تعليقات تفقع المرارة،،،،
مع وافر الاحترام والتقدير،،،
|
Post: #36
Title: Re: صباح حسن طه ... رجل ام امرأة ؟
Author: عليش الريدة
Date: 08-11-2017, 04:22 PM
Parent: #35
أمونة ما أصلا راجل،دي كمان حاجة يتغالطوا فيها؟
ما شفتيها بتكومج كيف...بتف تف أبولستك...
|
Post: #37
Title: Re: صباح حسن طه ... رجل ام امرأة ؟
Author: عبد الصمد محمد
Date: 08-11-2017, 04:33 PM
Parent: #36
أمونة خط أحمر
من أفضل من يكتب في المنبر وأشجعهم لكنها لم تسلم من مكرهم
سموها كابتال ليتر وبعضهم حاول تخويفها بالتغزل فيها وأخيراً
ضربوها ضرباً مبرحاً بالحديث مرة عن لبسها ومرة عن عمرها
غايتو مش البور إنما ثقافة الرجل السوداني حاجة كعبة شديد
لكنها تبقى عندي قامة شامقة
أتمنى أن تغفر معي للمرجوم وتقرأ معي الفاتحة على روحه
|
Post: #38
Title: Re: صباح حسن طه ... رجل ام امرأة ؟
Author: جلالدونا
Date: 08-11-2017, 05:23 PM
Parent: #37
دينق كلامو صاح يا قبانى .. صباح دى راجل و فتوة كمان
الدليل
طقطقت ليك عبد الظيم و المدعو حاتم و بشاشا
ديل سقوط مباشر
الاتهرشو عبد الصمد و عبد المنعم الطيب
عبد الصمد بعد مداخلة فى اول البوست جا راجع
لقى الموضوع ما ياهو أثر السلامة
عبد المنعم الطيّب جا يتلولو جابو ليهو سيرة المنصورة
قعد فى مقاعد المشجعين و قال بشجّع اللعبة الحلوة قال
المستنير جا تاوق شاف اللعب ما فى صالحو اتخارج و مشى فتح ليهو بوست ونسة ,, +++ ..
اصحابى ناس احمد محمد عمر و حافظ بشير ديل فهموها من الاول و عملوا نايمين من البورد كلو
ياخى دى لو استمرت فى البوست ده ود المشرف ذاتو كان بكون فى مرمى نيرانا
دينق الغتيت ادوها ليهو عربى و انجليزى
قام قال الزولة دى راجل .. يعمل شنو ياهو آخر ايدو
صباح امرأة بى الف راجل دينق
___
يا ريت نقرا افكار الناس دون جندرة
و قديماً قيل
وما التأنيثُ لاسمِ الشّمسِ عَيبٌ ولا التّذكيرُ فَخْرٌ للهِلالِ
|
Post: #39
Title: Re: صباح حسن طه ... رجل ام امرأة ؟
Author: قسم الفضيل مضوي محمد
Date: 08-11-2017, 05:47 PM
Parent: #38
معليش ترنيمة خارج السرب ...
(1)
امنة مختار مثال للانسانة المصادمة والتي لا تخشى في الحق لومة لائم ...
كسرت مقولة (المرة كان بقت فأس ما بتقطع الرأس) ولا تتبع لأي شلة وتميل مع الحق اين ما مال ...
وحذاري ان تكون في مرمى نيرانها ...
تجدنا نبحث عما تكتب اينما وجد ...
التحية لهذه المرأة الحديدية ولو كانت هناك رئيسة للسودان في المستقبل فحتما ستكون هذه الآمنة ...
.
.
.
________
(2)
نفس الكلام الفوق دا بينطبق على حاتم ابراهيم "تقريبا" ...
انسان مكرب شغله شديد وما عارف ليه الاخت صباح اخذت النقاش معاه بحساسية زائدة ...
فلو كانت تتبعت نقاشات حاتم فدي طريقته في الحوار ، السخرية من المحاور في حدود المعقول ...
نفس الاستايل بتاع المسخوت تبارك ...
.
.
.
قلمان مترعان بالمتعة والحيوية ...
المهم
|
Post: #43
Title: Re: صباح حسن طه ... رجل ام امرأة ؟
Author: جمال ود القوز
Date: 08-11-2017, 08:14 PM
من يكتب باسم صديقي قسم الفضيل مضوي .. هههه ..
ـــــــــــــــــــــــــــــــــــــــــــــــــــــــــــــ
يا قسم يأخ دي مداخلة شحمانة وتريانة جدا .. أشيد بها ..
لا اعتقد إنه من حق أي زول التنقيب وراء فلان ده منو ولا نفرو شنو ..
رغم عدم دعمي لطرح الاخت صباح جملة وتفصيلا ..
لكن أدعم حقها في الاحتفاظ بما تراه مناسب من معلومات تخصها ..
ولا أوافق على أسلوب التشكيك في هوية المشاركين في أي حوار ..
وأي محاولة في هذا الصدد أن بعتبرها حجة عاجز وضعيف ..
لكن أختنا صباح فقدت الكثير حين حاولت مجارات حاتم في سخريته ..
لأنه حاتم عنده معيار للمسألة دي ما مطلوقة ساي بلا حدود ..
وبيسوق المحاور بالعنية عشان يجيب آخرو ويفقد اتزانه وشغلته تجوط ..
وده سبب إنه الناس مابتقدر تمسك علي حاتم حاجة تذكر ..
كمان وبلا أي لازمة صباح دخّلت نفسها في شغلة الانجليزي ..
فوضعت نفسها في مرمى نيران من يقف ضدها في النقاش ..
ويملك الكثير من جودة اللغة الانجليزية وإتقانها ..
كحاتم - دنقس - ودينق من بعيد ..
من الحصافة والذكاء الزول يحارب بالسلاح المتمكّن منه ..
ولا يعوّل كثيرا على مساعدة ودعم الآخرين ..
بالذات الرافضين الدخول في البوست والمتابعين ليهو من بره ..
وكل زول بي سببه ..
تقديري لأختنا صباح كانت راجل أو كانت إمراة الموضوع ده مابهمنا كتير ..
وده أعتقد رأي قاعدة كبيرة ومعتبرة في البورد ..
ونتمناها ترجع تواصل النقاش عادي ..
ظهور قريبي الامير الكوشي بشاشا ( خيت الشلة ) ..
فرتق حافل ذاكـ البوست وجاطو جوطة العدو ..  ..
|
Post: #40
Title: Re: صباح حسن طه ... رجل ام امرأة ؟
Author: محمد محمد قاضي
Date: 08-11-2017, 06:27 PM
Parent: #1
(رئيسة للسودان في المستقبل )
والنعم ... تستاهل ... ما بعيد عند الله
لكن تراجي مالها
سلام يا قسم الفضيل
|
Post: #41
Title: Re: صباح حسن طه ... رجل ام امرأة ؟
Author: عبدالمنعم الطيب حسن
Date: 08-11-2017, 07:15 PM
Parent: #40
صديقي جلالدونا
ياخ نحن لينا اعتبارات وحدود
في التداخل مع الزميلات
ابوي وصديقو دوروا شكلة ليها ضَل
في البادية مع رجلين
مرة واحد فيهن شايلة سوط عنج وتضرب في
راس ابوي الحليق لتوه
صديقه أشار له بضرب المرة عشان تزح
ابوي رد :
انا ما بضرب مرة
دحين انا ما بقسو على اي ست
لذا اثرت السلامة
تحياتي
.......
قسم الفضيل ياخ انت كدة👍
|
Post: #42
Title: Re: صباح حسن طه ... رجل ام امرأة ؟
Author: Muna Khugali
Date: 08-11-2017, 07:28 PM
Parent: #41
وبالمناسبة السعيدة دي واحد في مكان غير المنبر غلبه الرد علي موضوع النقاش
ونهرني قال لي أسكتي يا (مره)
والغريبة كان في الأول عامل مثقف وفاهم وواعي وحساس كمان
اسه ده ما كان أخير ليه يقول بتفق او ما بتفق؟؟
وبنفس المناسبة السعيدة دي نقوليك مشتاقين أوي وأخبارك مقطوعة
وين صباح هي؟
|
Post: #44
Title: Re: صباح حسن طه ... رجل ام امرأة ؟
Author: نادر الفضلى
Date: 08-12-2017, 00:43 AM
Parent: #42
قبانى وشركاه
إنتو قايلين كل الناس زيكم مارى و قارى المقرر كلو
البوست المعنى ما تجيبو ليهو رابط بدل نقعد نفتش
ولو مشى الخور برضو كلمونا
غايتو المعلومة المفيدة الطلعتا بيها صباح حسين ما هى صباح حسين .. هن إتنين وتفرزن بى طه!
|
Post: #45
Title: Re: صباح حسن طه ... رجل ام امرأة ؟
Author: يحي قباني
Date: 08-12-2017, 01:36 AM
Parent: #44
Quote: عمومآ الرجاء عدم التوقف لانك ما ملك نفسك ملكننا كلنا كنساء .
وانتي عارفانا اقلية وعايشين معاهم بضراعنا .
|
بت عمسيب كيفنك ...
قريت عايشين معاهم بضراعنا ... اتخيلتك مكفكفة و طرف السكين نازل من ضراعك الشمال ...ههه
يا زولة بالراحة ... القصة بس الناس لازم تكون واضحة ...
الزول البتخفى ووراهو اجندة ده مرفوض بدون نقاش ...
و الزول الداير يجي يكتب و يغالط و يتغالط ... لازم يكون معروف هو منو ...
اما الداير يتاوق ساي اليتخفى ... لانه أساسا قاعد في الضل ...
|
Post: #46
Title: Re: صباح حسن طه ... رجل ام امرأة ؟
Author: Kabar
Date: 08-12-2017, 01:53 AM
Parent: #44
نعيدها
لاحقا
|
Post: #47
Title: Re: صباح حسن طه ... رجل ام امرأة ؟
Author: عليش الريدة
Date: 08-12-2017, 04:16 AM
Parent: #46
ياقسم..
هي لو بقت رئيسة إمورنا بتكون زابطة...
لكن لو يوم ساكت الشيطان غشانا قال أطلعوا مظاهرات..علي الحلف تكتلنا كلنا...
*الرئيس هو ود الزبير...عشان يصحا الصباح يقول :يا أيها (الشعوب) ماذا تريدون؟
:بيتزا...
:أنا في قمة التأثر أنكم أخيرا اتفقتم على شئ،لكم البيتزا والبركيب...
:هييييي،عاش الرئيس
|
Post: #48
Title: Re: صباح حسن طه ... رجل ام امرأة ؟
Author: Deng
Date: 08-12-2017, 08:07 AM
Parent: #47
أمنة مختار زولة معروفة بمواقفها الصلبة والواضحة من جميع القضايا.
و أيضا يجب أن لا ننسى هنادي يوسف وتماضر شيخ الدين.
فهل شككنا ولو للحظة عن حقيقة شخصياتهم؟؟
أكيد لا.
|
Post: #49
Title: Re: صباح حسن طه ... رجل ام امرأة ؟
Author: حيدر حسن ميرغني
Date: 08-12-2017, 08:09 AM
Parent: #47
في اعتقادي حاتم وصباح شخصيات حقيقية وعلينا ان نتعامل معهم بهذا التصور .. نتعامل مع مايطرحون من رأي .. ليس هناك رأي رجالي واخر حريمي كما هو الحال في الادب " معظم النقاد يميلون الى هذا الفهم عند نقد اعمالهم الابداعية "
ومثلما اكد اكثر من نفر معرفته للاخت صباح تمام المعرفة ، هناك من اكد ايضا معرفته بحاتم (زملاء دراسة)
اتمنى ان نتجاوز هذه التصنيفات التي لاتخدم النقاش بشيء
تحية لحاتم ولصباح في مدافراتهم مهما اختلفنا حولها
|
Post: #50
Title: Re: صباح حسن طه ... رجل ام امرأة ؟
Author: عليش الريدة
Date: 08-12-2017, 09:54 AM
Parent: #49
من هي عزة ؟
ولماذا يتغنى بها ولها السودانيون في أكثر من أغنية ونشيد وقصيد ..ويلهجون بذكرها ؟
( عزة في هواك )
( يا عازة الفراق بي طال )
(عزة قومي كفاك نومك )..إلى آخره من قصائد ومغنيات أخرى ..قديمة وجديدة !!
هل* عزة المعنية هي حقا : عزة محمد عبد الله ..قرينة البطل علي عبد اللطيف وأول امراة تمارس النشاط السياسي ضد المستعمر البريطاني ؟
أم الأمر أقدم من ذلك ..وأكبر !
وهل للأمر بعد تاريخي كما أزعم وأعتقد ؟
فلو تناولنا الأمر في فذلكة تاريخية لنعرف مصدر الإسم الشائع عزة ، فسنجد أن للإسم مصدرين تاريخيين قديمين جدا :
* إيزا أو إيزيس : وهي أشهر ( نتريت ) في وادي النيل ..والأكثر تقديسا بين النترو لدى شعوب وادي النيل . بل إن أهلنا البجا كانوا يقدسونها إلى عهد قريب ، وقد خاضوا حروبا مريرة مع الرومان لإستعادة حق الحج إلى معبدها القابع في جزيرة ( فيلة ) في (ألفنتين) أسوان الحالية .
كذلك كانت هي النتريت المفضلة لدى كل الكوشيين ( السودانيون قديما) والكمتيين ( شعب مصر القديم ) ، وإنتقل تقديسها إلى كثير من بقاع أفريقيا وآسيا وأوروبا ،* وقصتها مع عائلتها من النترو ( أوزير - أوزوريس ، و حر -حورس ، وست ، ونفتس ) تعد من أقدم الملاحم في تاريخ وادي النيل ..بل في تاريخ العالم أجمع .
والبعض يشبهها بقصة بني آدم هابيل وقابيل ..
* والنترو : في تاريخ وادي النيل هم كائنات بشرية خارقة تقوم بمهام إلهية عبر تحكمهم في قوى الطبيعة .
والكلمة إنتقلت إلى اللاتينية لاحقا لتعبر عن معنى الطبيعة . وذلك في إنتقال تكرر كثيرا لثقافة وادي النيل إلى الحضارات الإغريقية والرومانية ، نسبة لحالة الإنبهار التي سادت العالم القديم بإرث وادي النيل الثقافي .الأمر الذي عبر عنه مارتن برنال في سفره القيم ( أثينا السوداء Black Athena: The Afroasiatic Roots of Classical Civilization) .
* أما المصدر التاريخي الآخر للإسم فهو إلهة العرب القديمة في الجزيرة العربية ( العزى ) ..
وهي إلهة قديمة كونت مع رفيقاتها من المعبودات (اللات ومناة) ثالوثا أنثويا عبده أهل مكة ( قريش ومن والاهم ) .
والسؤال : من أين جاء القرشيون بمعبودتهم العزى ؟
وهل هي نفسها إيزا أو إيزيس ؟
الأمر غير مستبعد ..خاصة لمن يعلم الوشائج التاريخية والإثنية والثقافية التي تربط الجزيرة العربية( خاصة جنوبها وغربها) بأفريقيا ( خاصة شرقها وشمالها ) .
ولقد تناول هذه العلاقة ..بصورة عكسية في نظري وفي نظر كثير من متخصصي التاريخ ..دكتور على فهمي خشيم في سفره القيم المعنون ب( آلهة مصر العربية ) ..!
.....
المهم ، أيا تكن العلاقة وأيا يكن المصدر ..فلا شك أن الإسم يعود لإمراة عظيمة لعبت أدوارا تاريخية رائعة جلبت لها التقديس والتفخيم حتى لقبت ب(إست ) ..وهو لقب يعني السيدة عند قدماء المصريين.. وعند البجا كذلك .
وحتى لو خالطت الأساطير والخرافات سيرتها ..فهي سيرة تدل على الوفاء والتضحية والتفاني في حب الأسرة والزوج والإبن ،وكذلك على عزيمة حديدية وشجاعة فائقة وإصرار لا يلين .
فهل تذكركم هذه السيدة بأحد ما ؟
ألا تذكركم بأمهاتكم وقريناتكم وأخواتكم وبناتكم السودانيات الرائعات ؟ ..اللواتي يقدمن كل يوم درسا في الشجاعة والصبر والتفاني والكفاح.. وفي الحفاظ على الإرث السوداني العريق والثر من أن يتلاشى وتذروه رياح النسيان ؟
ألسن هن المخضبات بالحناء مجدولات الضفائر الملتحفات بثياب وادي النيل المتعطرات بالخمرة والصندل.. من يحرسن ثقافتكم القديمة أمام غزو المتطرفون الكارهون للنساء المحتقرون لبوابات عبورهم إلى الدنيا ؟
فبغض النظر عن التأليه والعبادة ..فعزة صارت هي الوطن والوطن هو عزة .
لا نعرف بالطبع متى إلتحم هذا اللقب بالوطن وصار يرمز له ..ولكن الأمر يستحق البحث حوله عبر حفر تاريخي ممنهج . وما كتبته هنا لا يعدو أن يكون فاتحة عصف ذهني مشجع لمزيد من البحث .
كما أن لي غرضا آخر ..ألا هو رغبتي وأمنيتي في أن يكون النشيد البارع ( عزة في هواك ) لخليل فرح هو النشيد القومي السوداني ..بدلا عن النشيد الحالي الركيك معنى ومبنى ولحنا ، والذي لا يصلح سوى أن يكون فقط جلالة من جلالات الجيش ، وهو في نظري يتقاصر عن تمثيل أمة عريقة ذات ثقافة وإرث يعدان من أقدم الثقافات ذات الموروثات المستمرة حتى اليوم رغم الغزو الثقافي الرهيب شرقا وغربا .
......
عزة هي عزتنا ، هي المرأة هي الأم الأفريقية التي أنجبت البشر فانطلقوا في كل بقاع الأرض ليعمروها كما أراد لهم الصانع..واستخلفهم فيها . ولذلك تعلقنا بها ليس صدفة .وولاءنا لها طبيعي و مغروس في جيناتنا ، ولذلك تفيض أعيننا وأعين بني عمومتنا الأحباش شجنا وطربا حينما نتغنى بنشيدها ..ليس تقديسا وإنما تبجيلا ..ففيها نقدس كل معاني الجمال والخير والعزة وإحترام الأرض والطبيعة .
ولذلك إنطلق نشيدها ليغزو الأرض فنا ولحنا ومعنى فتغنى به الروس والصينيون والأحباش والفرنسيون ..وأتوقع له مزيد من الإنتشار .فكل من يسمعه سيتعلق به ..فهو نشيد مؤهل للعالمية بما يحمله من معاني بسيطة جزلة وبلحنه الأوبرالي البارع .
،،،،،،،،
عزة في هواك ... عزة نحن الجبال
و للبخوض صفاك ... عزة نحن النبال
عزه مابنوم الليل محــــال
و بحسب النجوم فوق الرحال
خلقة الزاد كمل و أنا حالي حال
متين أعود أشوف ظبياتنا الكحال
عزه ما سليت وطن الجمــال
ولا إبتغيت بديل غير الكمــال
و قلبي لي سواك ما شفتو مال
خذيني باليمين وأنا راقد شمال
عزه ما نسيت جنــة بلال
و ملعب الشباب تحت الظلال
و نحن كالزهور فوق التلال
نتشابي للنجوم و أنا ضافر الهلال
عزة جسمي صار زي الخلال
و حظي في الركاب صابو الكلال
و قلبي لسه ما عرف الملال
أظنه ود قبيل و كريم الخلال
عزه ما إشتهيت نوم الحجال
و لا السوار بكى في يمينا جال
و عزه في الفريق لي ضيق مجال
قبيلة بت قبيل ملأ الكون رجال
عزة شفتي كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عزه في الفؤاد سحرك حلال
و نار هواك شفى و تيهك دلال
و دمعي في هواك حلو كالزلال
تزيدى كل يوم عظمه إزداد جلال
عزه في حدا الخرطوم قبال
و عزه من جنان شمبات حبال
و عزه لي ربوع أم در جبال
و عزه في الفؤاد دوا يشفي الوبال
آمنة أحمد مختار
|
|