أهل جادات صبروا وناس عرفات كفروا....

07:37 AM August, 10 2017

سودانيز اون لاين
Hassan Makkawi-
مكتبتى
رابط مختصر

يا عرفات ارحمنا ياخ....
ورحم الله صلاح جادات

ما بخليك اصلو إلّا يلقى ليه سبوبة تانية يحشش بيها ويجيب سيرة أخوه الشريف و حكومة "المقهى"
انت قايل قصته المرحوم! أبدا الفكرة التحشيش بس
اسّي يلقى ليه موضوع تاني بمسك فيه وبجلّي سيرة المرحوم.

Quote: الفكرة التحشيش بس

سلام ود البشرى
عبارة ( قاشر ) بالموضوع...!!!!

سلام مكاوي وضيوفه

رحم الله جادات وجعل الجنة مثواه ، يتخيل لي لو قام من مرقده وقال أنا مت موت طبيعي في ناس ما ح تقتنع .

مع إيماني التام بأنو كل شيء جايز ، لكن طريقة تناول موت أخونا جادات عليه الرحمة تضر أهله وتسيء لهم

المشكك يشتغل في صمت ويبحث ويفتش ويشتكي ويرجع بالنجيضة ويدينو مليانات إثباتات دا الكلام النجيض مو ني

الله يهدي الجميع

التحية لمكاوي ..

كما ذكر الحبيب يوسف : طريقة تناول موت أخونا جادات عليه الرحمة تضر أهله وتسيء لهم

نعم حبيبنا يوسف .. تخيل معي ( والدة جادات ، الاخوات ، العمات ، الخالات .. إلخ ) وكما تعلم يا يوسف
مجتمعنا في السودان .. ممكن واحدة تسال أخت جادات بدون اي تردد ( قالوا أخوكم مات مقتول .. صحي ؟ )\
وهمس ولمز ومعاناة الأهل والاحباب ..
بعدين في التراث والموروث السودان طريقة الموت أحياناً تصبح وصمة على الاسرة مثال ( دا أبوه مات من ... ده أخوه مات ..)
لدينا في الشمال في تراث نوبي مسمى بمعنى ( الموت الجميل ) لدرجة أن أحياناً الناس يخبئوا سبب الموت ..
نعم كما ذكرت تضر بالأهل وخاصة الاناث .. يكونوا عرضة للمهز ولمز ..
نعمل إيه ده السودان وربنا خلقنا كده ..

شكراً مكاوي .. وجميلة مداخلة يوسف

قال علي عبد الوهاب: ممكن واحدة تسال أخت جادات بدون اي تردد ( قالوا أخوكم مات مقتول .. صحي ؟ )\
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
إذا مات مقتول لانو كان بناضل من أجل وطن يسع الجميع تسود فيه الحرية والديمقراطية أظن دا فخر لأختو
ولأسرتو كلها ... له الرحمة والمغفرة ...

أخونا الجميل علي عبد الوهاب
كيف حالك
نسأل الله أن يهدينا جميعاً للصواب ويا ريت بعد بوست أخونا عادل إبراهيم حمد ومداخلته اللي أفاد فيها بوجود أحد أقارب جادات وهو من قام بغسله وتكفينه الناس تشوف مشروع خيري يذهب صدقة لروح أخونا جادات
بير موية ، مدرسة ، سبيل .. الخ ، والناس تساهم كل بقدر استطاعته ولو الأمور تيسرت إن شاء الله منظمة خيرية

وشكراً على التعريف بثقافة أهلنا في الشمال..

الأخ أمير محمد احمد
كيف حالك
معليش خليني أرد نيابة عن أخونا علي

إذا مات مقتول لانو كان بناضل من أجل وطن يسع الجميع تسود فيه الحرية والديمقراطية أظن دا فخر لأختو ولأسرتو كلها ... له الرحمة والمغفرة ...
في نقطتين مهمات :
الأولى : هل مات صلاح مقتولاً ؟ ومن الذي يملك أدلة قاطعة على أن صلاح مات مقتولاً ؟ وهل يجوز نتكلم كدا ساي ونقول صلاح مات مقتولاً ؟!
الثانية : لو مات مقتول بسبب نضاله في وجه الإنقاذ برضو أسرته هي المسؤول الأول عن التحري والتدقيق والبحث عن القاتل وتقديمه للمحاكمة مهما كانت المسوقات فأسرته أولى به من الناس جميعاً حتى لو افترضنا أن صلاح لم يكن متواصلاً معهم في حياته برضو في حالة وفاته مقتولاً الأسرة لن تتهاون في أن تعرف قاتل ابنها ؟!

رحم الله جادات ورحم كل من رحل من أخواننا في المنبر وأمواتنا جميعاً

Quote: اسّي يلقى ليه موضوع تاني بمسك فيه وبجلّي سيرة المرحوم.

لقاهو يا ود البشرى

انطفاءة مشكاة المرأة السودانيه ورمز شموخها
 انطفاءة مشكاة المرأة السودانيه ورمز شموخها  انطفاءة مشكاة المرأة السودانيه ورمز شموخها