Post: #1
Title: محبي الاكشن والاثارة.. هناك فيلم لا يفوتكم
Author: ombadda
Date: 08-09-2017, 04:45 PM
Parent: #0
03:45 PM August, 09 2017 سودانيز اون لاين
ombadda-السودان
مكتبتى
رابط مختصر الفيلم في نهاياته ووصل الصفحة السابعة..
ادخل الفيلم من الصفحة السابعة واستمتع بالاكشن..
اكتر من كدة ما بصرح
بس خبت زي الخبت
وعينك ما تشوف الا النور
شي استشراق وشي مثقفاتية وشيء انجليزي
حتى يشاشا عاد من منفاه الاختيارى
قراءة ممتعة
|
Post: #2
Title: Re: محبي الاكشن والاثارة.. هناك فيلم لا يفوتكم
Author: عبد الصمد محمد
Date: 08-09-2017, 04:48 PM
بشاشا براو يا دكتور دا حتى دينق جا داخل الله يكون في عون البنية
|
Post: #3
Title: Re: محبي الاكشن والاثارة.. هناك فيلم لا يفوتكم
Author: جلالدونا
Date: 08-09-2017, 06:05 PM
Parent: #2
سلام د/ امبدة و عبد الصمد
تصدّق لابد لى بوست منبثق عشان افش غبينتى
ح تقول لى ما تفتحوا براك ؟ ح اقول ليك ود البشرى ياااخ
ح يجى ناطى بى ياها عادتك و يموت منو داك و صوابعينو بتلعب
هرشنا ياااخ
و تصدّق تانى
لما نجرت مصطلح الاستمناء البيزينطى البوست ده كان فى البال
لو رجعنا للمصطلح ... الهوية ...فهو مشتق من هو و مكوناتا بسيطة
الرقعة الجغرافية
التاريخ
العادة و التقليد
المنظومة الاخلاقية
النشاط الاقتصادى
طيّب ... فى حالة السودان .. شنو المشترك بين مجموعاته السكنية كرقعة جغرافية
فى التاريخ فهو مشترك اذا بس رجعنا لى الحكم التركى للسودان ودولة المهدية
ثم الاستعمار الانجليزى المصرى و ما بعد الاستقلال
العادة و التقليد و اراها برضو عامل مشترك فالكرم و النفير و نصرة المظلوم و التكافل
كلها اشياء مغروسة و بعمق
كما ان المنظومة الاخلاقية و الدين احد ضوابطها و ليس اساسها
بها الكثير من المشترك بين جميع شعوب السودان
اما النشاط الاقتصادى و ده متفق عليه بأن مجموع سكان السودان يمتهنون الزراعة و الرعى
و لو سألتنى عن اللغة فهى معبِّر عن هذه الهوية و ليس احد مكوناتها
طيّب الحل وين .. الحل فى نظام الحكم و اللغة الرسمية للدولة و اللغة الثانية للاقليم
حكومة للسودان تختص بالامن و الدفاع فقط
و ريع دخلها من ضريبة محددة تدفع لصالحها من الدخول الشخصية و المعاملات التجارية
حكومة الاقليم مسئولة من الصحة و التعليم و النشاط الاقتصادى و الثقافى
اللغة الاولى لغة الدولة الرسمية اللغة الثانية لغة الاقليم و تضمّن فى المنهج الدراسى للاقليم
و يعترف بها فى المعاملات الرسمية للدولة
بى كده بنحل العديد من معقدات السودان
الاستلاب بتاع بشاشة و التهميش بتاع كبر و عقدة الدونية بتاع اسماعيل
___
لكن انا كشايقى ح تكون عندى مشكلة ... ما عندى لغة تانية ... و بى كده بحس بى انى مهمّش
و لو اتعلمت لغات الاقاليم التانية بعتبر ده استلاب و بالتالى ح احس بالدونية
عشان كده
لغتى التانية ح تكون اللغة الهيروغليفية
و اخوانا المدكورين الفوق ديل غصباً عنّهم يجيبو خبراء اجانب عشان يدرّسونى ليها
و ألّا فالتمرّد
|
Post: #4
Title: Re: محبي الاكشن والاثارة.. هناك فيلم لا يفوتكم
Author: ايمن الصادق
Date: 08-09-2017, 07:08 PM
Parent: #3
أحسنت الظن جدآ وقلت وجدتها ( فيلم لخميسي ) ولكن ...!
فضلآ العنوان يكون "مسلسل " بدلآ عن " فيلم " ( لتعدد الصفحات ) .
|
Post: #5
Title: Re: محبي الاكشن والاثارة.. هناك فيلم لا يفوتكم
Author: Deng
Date: 08-09-2017, 07:15 PM
Parent: #4
""بشاشا براو يا دكتور دا حتى دينق جا داخل الله يكون في عون البنية"""
الأخ عبد الصمد.
هل أنت متأكد أنو دي بنية؟؟
كده راجع طريقة الكتابة والعنف اللفظي كويس.
يا أمبدة.
النقاش اللي في البوست ده أنا دخلتوا زمااااان ، وفي الحقيقة فترنا من ترديد الكلام .
لكن شايف حاتم لياقتو مية المية المية والجديد شديد.
|
Post: #6
Title: Re: محبي الاكشن والاثارة.. هناك فيلم لا يفوتكم
Author: عبد الصمد محمد
Date: 08-09-2017, 10:25 PM
Parent: #5
يا دينق انت نسيت بيان ماهي برضو كانت بت
وتراجي ما هي برضو بت
ولله انتو الما بترضو عنو تطلعوا الجن الأحمر
وبصراحة انا شايفها مسحت بحاتم الأرض
ودا الخلاك انت وبشاشا تسرعو للبوست
عشان تستفزوها
وبعدين انت بصراحة اتعديت عليها
|
Post: #7
Title: Re: محبي الاكشن والاثارة.. هناك فيلم لا يفوتكم
Author: محمد البشرى الخضر
Date: 08-10-2017, 05:55 AM
Parent: #6
تحياتي د. أمبدة
غايتو بس ياهو آكشن الحيرة! للأسف مافي غيره لكن كان سألتني أخير منو إعادة قراية قفشات بوست الدرويشة!
بوست بايخ وآكشن معسّم و اللخ فيه ما على حسب الأصول
|
|