فيديو فاحش وقبيح

فيديو فاحش وقبيح


08-09-2017, 01:48 PM


  » http://sudaneseonline.com/cgi-bin/sdb/2bb.cgi?seq=msg&board=490&msg=1502282939&rn=0


Post: #1
Title: فيديو فاحش وقبيح
Author: عبدالحفيظ ابوسن
Date: 08-09-2017, 01:48 PM

12:48 PM August, 09 2017

سودانيز اون لاين
عبدالحفيظ ابوسن-no where
مكتبتى
رابط مختصر

معقول وصلنا لي كدة

Post: #2
Title: Re: فيديو فاحش وقبيح
Author: عبدالحفيظ ابوسن
Date: 08-09-2017, 01:57 PM
Parent: #1

فيديو لافي في الواتس
من برنامج تلفزيوني
بين امراتين كمقطع مسرحي
تم حذف المحادثة الحقيقة وتركيب محادثة اخري فاحشة

Post: #3
Title: Re: فيديو فاحش وقبيح
Author: عبدالحفيظ ابوسن
Date: 08-09-2017, 02:29 PM
Parent: #2

من قام بهذا الفعل اعتبره مجرم
ولا اخلاق له
واشانة سمعة
وقذف
قد لا يتأتي لكثيرين معرفة دبلجة هذا الفيديو
وعشان شنو ؟ يضحك الناس !
الفيديو غير مضحك ويثير الغثيان
اي درك وصل إليه البعض

Post: #4
Title: Re: فيديو فاحش وقبيح
Author: Mahir Mohammed Salih
Date: 08-09-2017, 03:14 PM
Parent: #3

يا عبدالحفيظ سلام وتحية

أرنا لنحكم

Post: #5
Title: Re: فيديو فاحش وقبيح
Author: abas
Date: 08-09-2017, 03:14 PM
Parent: #3



والله العظيم من اقبح ما شفت في الواتس اب

لا حولا ولا قوه الا بالله


سلام ود اب سن

Post: #6
Title: Re: فيديو فاحش وقبيح
Author: عبدالحفيظ ابوسن
Date: 08-09-2017, 03:30 PM
Parent: #5

حبابك ماهر
تصدق بجيك في محلك
لافي
وستتمني لو انك لم تشاهده

Post: #7
Title: Re: فيديو فاحش وقبيح
Author: عبدالحفيظ ابوسن
Date: 08-09-2017, 03:36 PM
Parent: #6

اي والله يا عباس
من اقبح ما شاهدته
شوف الزول ولا الزولة ولا الازوال ديل تعبو قدر شنو في انجاز العمل القبيح دة

Post: #8
Title: Re: فيديو فاحش وقبيح
Author: امتثال عبدالله
Date: 08-09-2017, 04:12 PM
Parent: #7

عبد الحفيظ ود ابو سن

الفيديو ما وصلنا،،،يمكن احتمال السلطات الامريكية بتحجر الفيديوهات

الفاحشة والقبيحة من فضاء الواتساب الامريكي....

نزل لينا الفيديو هنا لمدة بسيطة وبعدها امسحه عشان نحكم بمدى فاحشيته

والشمار قتلنا عشان نعرف الناس ديل قالوا شنو(ههههه) ونعرف مدى السقوط

الحاصل في المجتمع الخرطومي.

مع وافر الاحترام والتقدير

Post: #9
Title: Re: فيديو فاحش وقبيح
Author: احمد التجانى احمد
Date: 08-09-2017, 04:30 PM
Parent: #8

ود ابسن سلام
يا ريتك لو ما جبت سيرته
الاخوان و الاخوات البسالوا عنه متفهم موقفكم لكن لما تشوفوه ح تندموا وليس الندم بسبب سماعكم لذلك الحوار ولكن بسبب حزنكم على الفتيات اللاتى ظلمن بسبب الدبلجة التى قام بها انسان حقير لا يمكن ان يكون بنى ادم سويا

Post: #10
Title: Re: فيديو فاحش وقبيح
Author: قسم الفضيل مضوي محمد
Date: 08-09-2017, 04:40 PM
Parent: #9

انا الى الان لم اشاهد الفيديو ...
لكن اعتقد انه يمكن الوصول الى ذلك الشخص بكل سهولة ...
وبالعدم يمكن الوصول الى من أول من انزل الفيديو على الواتس اب وياخذ جزاءه العادل ويكون عبرة لكل من تسول له نفسه بمس اعراض الناس ...
غايتو الاخترع تطبيق الواتس اب ما كسب فينا خير كلو كلو ...
اصلا في ناس عطالة لا شغل ولا مشغلة والواتس اب وقع ليهم في جرح ...

Post: #11
Title: Re: فيديو فاحش وقبيح
Author: صديق مهدى على
Date: 08-09-2017, 05:01 PM
Parent: #10

السلام عليكم اخواتى واخوتى غايتو انا شايف ما فى داعى شيخ عبدالحفيظ
أب سن ينزل بوست زى دا بدون دليل مما يجعل شيخ عبدالحفيظ أب سن من مروجى الشايعات ههههه
صديق مهدى على
تخريمة
بس ود أب سن دا حارس سودانيز لصرف الاعضاء عن الامور المهمة وهى قضايا الوطن الحبيب

Post: #12
Title: Re: فيديو فاحش وقبيح
Author: حيدر حسن ميرغني
Date: 08-09-2017, 05:21 PM
Parent: #11

بالامكان مخاطبة ادارة اليوتيوب وحذفه
اذا كان في جهة مسؤولة في الدولة تتولى امر مثل هذه الامور لابد ان تتحرك وتقبض على الجاني وتعاقبه
سبق ان تعرضت زميلة عزيزة في هذا المنبر لدبلجة صور فاضحة من قبل هكر لعين لا استبعد ان يكون عضو في هذا المنبر
المؤسف ان هذه الاخت غادرت المنبر حفاظا على كرامتها

Post: #13
Title: Re: فيديو فاحش وقبيح
Author: Asim Ali
Date: 08-09-2017, 05:40 PM
Parent: #9

السلام عليكم
قبل يومين تلاته قريت فى الفيس بوست يكشف شخصيات تدير قروبات اباحيه فى الفيس
وتروج وتبيع افلام اباحيه غبرقروبات فى الواتساب. لكن مافى ذكرلى انو هل فى اجراءات جنائيه تجاههم ام لا
حسب ماورد فى البوست انو بعضهم مقيمين خارج السودان.

Post: #14
Title: Re: فيديو فاحش وقبيح
Author: قصي محمد عبدالله
Date: 08-09-2017, 06:56 PM
Parent: #13

غايتو يا أبوسن ناس الشمارات الليلة بقلبوا النت فوق تحت بحثا عن مشهدك المزعوم،
بالطبع غالبا لن يجدوه ، ولكنهم سيشاهدوا عشرات المقاطع ربما أفظع مما أشعت وأشرت له.
-------
الإشارة إلى أن هنالك شئ ما - سواء كان حقيقة أم كذبا - تجعل المرء يبحث عن الشئ ، وربما وجده، وربما لا،
ولكن بلاشك سيجد ما يقوم مقامه، وربما أكثر...
-----
شفت كيف؟

Post: #15
Title: Re: فيديو فاحش وقبيح
Author: جلالدونا
Date: 08-09-2017, 07:02 PM
Parent: #13

الفيديو الاصلى يشير لمشاكل الاسرة من وجهة نظرها
و الغريب انها حملت المرأة المشكلة
شاهدت الفيديو التانى و هو اول لقاءفى الفيديو الاصلى
زولنا ده حاول يحمّل الرجل المسئولية فى تقصيره تجاه زوجته
و كانت الحتة المدبلجة دى
لكن خانو التعبير
ناخد الجانب الفكاهى فى الحتة دى و نقعد واطا
فى النهاية المدبلج ده اشار لى واحدة من مشاكل الاسرة
___
يا ساتر استر
ال نمشى اشوف لى حتة اتضارى فيها

Post: #16
Title: Re: فيديو فاحش وقبيح
Author: معاوية المدير
Date: 08-09-2017, 08:04 PM
Parent: #15



دا الفيديو الأصلي، تمّت دبلجة المقطع الأوّل .
يا صديق مهدي بقيت متلقي حِجج !...

Post: #17
Title: Re: فيديو فاحش وقبيح
Author: امتثال عبدالله
Date: 08-09-2017, 08:28 PM
Parent: #16

والله يا صديق مهدي انت بالغت في كلامك...

المعروف ان عبد الحفيظ ابو سن هو اكتر واحد بيكتب عن قضايا الوطن الكبير السودان وقضايا

ومشاكل وطنه الصغير كوستي،،،وانت لم تنصفه ابدا بكلامك الغريب هذا....

وبعدين مثل هذا الفيديو الفاحش والقبيح الا تظنه يندرج في صميم قضايا الوطن حيث اصبح

المجتمع السوداني يسير نحو الهاوية السحيقة والدرك الاسفل من بين المجتمعات المحافظة في

ظل هذا النظام العقيم الذي يثبت فشله كل يوم ،،،،

Post: #18
Title: Re: فيديو فاحش وقبيح
Author: سيف النصر محي الدين
Date: 08-10-2017, 01:10 AM
Parent: #17

انتو اريزونا دي ما فيها عنقريب؟

Post: #19
Title: Re: فيديو فاحش وقبيح
Author: عبدالحفيظ ابوسن
Date: 08-10-2017, 04:43 AM
Parent: #18

الشكر والتحية
امتثال
احمد التجاني
قسم الفضيل
حيدر حسن
عاصم علي
قصي
جلال
ودالمدير
سيف النصر
وكتر خيركم والله

Post: #20
Title: Re: فيديو فاحش وقبيح
Author: عبدالحفيظ ابوسن
Date: 08-10-2017, 04:56 AM
Parent: #19

من الحاجات المدهشة تجيني قصيدة قديمة جدا في الواتس من شخص
ما تتم ساعة الا تكون وصلتني من كم زول وقروب
فيا قصي دي حاجة تحير في سرعة انتقال الواتس
لاحظ قصيدة قديمة خليك من خبر
لو صنعت انت زاتك خبر بلف ويجيك كم مرة
الحاجة الملاحظة انو في الواتس لا يتم تعديله
بحولو بس
البوست محاولة استباق لتبرئة هوءلاء البنات

Post: #21
Title: Re: فيديو فاحش وقبيح
Author: Muhib
Date: 08-10-2017, 05:01 AM
Parent: #19

امتثال ,,,,

دي ما الصين .....دي امريكا ...

تعليقي علي تعليقك ...


الفيديو ما وصلنا،،،يمكن احتمال السلطات الامريكية بتحجر الفيديوهات

الفاحشة والقبيحة من فضاء الواتساب الامريكي....


ما في الاحتمال دا ...شركات التك رافضه تمام موضوع التدخل في الخصوصيات ولا تنسي حادثه شركه ابل الشهيره ضد الحكومه الفدراليه
عندما رفضت الشركه فك شفرات تلفون احد المتهمين ( هو في الحقيقه قام بالفعل الاجرامي ) ..




Post: #22
Title: Re: فيديو فاحش وقبيح
Author: shaheen shaheen
Date: 08-10-2017, 05:10 AM
Parent: #19

تشكرات كتيرة وكبيرة ليك يا استاذ / عبد الحفيظ .
وتعظيم سلام .
بوستاتك بالنسبة لى شخصياً , تشرح وتُشرح الواقع اليومى الاجتماعى .
التفاصيل الصغيرة صغيرة دى , هى التى تقود اى انسان يكتب او ينغمس فى الشأن العام الى رسم لوحة كبرى .
هناك عالم اجتماع مصرى , كتب موسوعة هامة للغاية عن العبارات التى يتم كتاباتها على ظهر العربات والناقلات الثقيلة والمحلات وعربات الكبدة الصغيرة , وقام بتشريح الشخصية المصرية من خلالها , متى تسود العبارات الدينية , ومتى تسود النكتة وخفة الدم , ومتى تسود التعبيرات الجنسية الفجة , ولماذا ؟ .
التفاصيل الصغيرة هذه من الناس التافهـين امثالى وامثال استاذ / ابوسن , يا استاذ / صديق مهدى تجعلكم انتم كبار الوطنيين تضعون خرطة الطريق الكبيرة .
التفاصيل الصغيرة صغيرة , هامة وحيوية , والتعليق والطرق عليها , مفتاح مُحترفى فتح ابواب التغيير .
من اجمل ما قرأت فى الاسبوع الماضى , شابة سودانية فى الاحفاد تتحدث عن البصق فى الشارع العام , والمواصلات العامة , وحتى على ارضية المطاعم , هذه الشابة انتبهت الى ملمح يحتاج للتغير والطرق عليه بشدة فى الشخصية السودانية , ملمح لم تنتبهوا له يا بتوع التغيير يا متعلمين يا بتوع المدارس .

Post: #23
Title: Re: فيديو فاحش وقبيح
Author: محمد البشرى الخضر
Date: 08-10-2017, 05:47 AM
Parent: #22

تحياتي ود اب سن
الفيديو المدبلج مكتوب عليه اسم ورقم تلفون قد يكون للوقح الذي قام بالدبلجة, اتمنى ان تقوم الممثلة أو الجهة المنتجة للعمل أو حتى قناة الخرطوم التي أخذ عنها الفيديو الصلي بمقاضاة صاحب هذا الرقم إن لم يكن ه قد يقود لمن قام بالتعديل أقول ربما
نحتاج حقيقة لرفع مستوى الوعي بثقافات معينة تغيب عن مجتمعنا منها ثقافة الحقوق و حقوق النشر و الملكية الفكرية لكن الثقافة الأهم هي ثقافة المحاققة و التريث و التفكير المنطقي, كل من شاهد الفيديو أعلاه للوهلة الأولى صدم لمثل هذه اللغة لكن قليل من التفكير يقود في اتجاه الفبركة فمن المستحيل أن تقدم مثل هذه اللغة على قناة فضائية تخضع لضوابط وزارة الإعلام وحاصلة على ترخيصها منها
و الأهم من هذا وذاك هو عدم النشر, للأسف صار زر الـ share و الـ forward أول ما نفعله تلقائيا قبل اكمال القراءة أو المشاهدة حتى !
دا يعود بي لنقاش قبل فترة عن نشر الشائعات, أنا مع طوفان الفبركات المؤذية ارى ان ناقل الكفر اصبح كالكافر في زمنا دا

شكرا ود اب سن على البوست و على التنبيه

Post: #24
Title: Re: فيديو فاحش وقبيح
Author: عبدالحفيظ ابوسن
Date: 08-10-2017, 06:09 AM
Parent: #23

مرحبا استاذ شاهين
وكتر خيرك
الشيطان يكمن في التفاصيل ! تفاصيل الحياة اليومية .. ومشوار الحياة اليوماتي لنعرف تلك الصورة الكبيرة
تلك التفاصيل الصغيرة التي تبين إلي مدي وصلنا
لندق ناقوس الخطر
وبالضرورة انتباهنا للدمار الحاصل سيقودنا للسبب الرئيسي له
ذكرتني بتلك النكتة ان الرجل قال انه يهتم بالقضايا العظيمة وتهتم زوجته بالقضايا التافهة

Post: #26
Title: Re: فيديو فاحش وقبيح
Author: عبدالحفيظ ابوسن
Date: 08-10-2017, 06:12 AM
Parent: #24

حباب ودو
اتفق معك فناقل السوء اشد سوءا
تدوير تلك الا و س اخ لتنتج و س خ ا اخر
اتمني ان يتم الاهتمام بالامر كما صدعوا رؤوسنا بقانون الاشاعة

Post: #25
Title: Re: فيديو فاحش وقبيح
Author: حيدر حسن ميرغني
Date: 08-10-2017, 06:09 AM
Parent: #23

بالفعل يامحمد ناقل مثل هذه القاذورات كافر كفر صراح
استغرب كيف الناس تحيل مثل هذه الفيديوهات لشخص اخر عبر share و الـ forward
الحمد لله لم يصلني الفيديو موضوع البوست.

Post: #27
Title: Re: فيديو فاحش وقبيح
Author: علاء سيداحمد
Date: 08-10-2017, 06:39 AM
Parent: #25

للمطالبة بحـذف المقطع من اليوتيوب الرجاء اتباع الخطوات التالية :
( وان يكون سبب المطالبة وجيهاً ومقبولا ) لان ادارة اليوتيوب لاتحذف
الفيديوهات الا لسبب وجيه .

تحت الفيديو ستجد : Add to Share More

اضغط على : More

ثم اضغط على Report

ثم اضغط على سبب المطالبة بالحذف

ثم Submit للارسال


Post: #28
Title: Re: فيديو فاحش وقبيح
Author: علاء سيداحمد
Date: 08-10-2017, 07:53 AM
Parent: #27

لم اشاهد الفيديو المذكور .

Post: #29
Title: Re: فيديو فاحش وقبيح
Author: عباس محمود
Date: 08-10-2017, 10:19 AM
Parent: #28

السلام عليكم عبد الحفيظ أبو سن

الحمد لله لم يصلني هذا الغثاء ولم أشاهد المادة الموجودة في البوست ... أثق تماما في قراءاتك

أحييك علي مجمل كتاباتك وفيها الكثير الذي يهم الناس والوطن عامة ووطنك الصغير .


Post: #30
Title: Re: فيديو فاحش وقبيح
Author: muntasir
Date: 08-10-2017, 10:52 AM
Parent: #29

المزعلني في البوست ده هو رد الاستاذ شاهين على صديق وهذا كمن ينثر درره على ال... صديق مهدي ده زي ما قال عمر جميل في نهاية تقرير الترقية الشهير لدى منتسبي الشرطة (لا أوصي بترقيته ولا بعزله ولا بسؤاله عما يفعل )

Post: #33
Title: Re: فيديو فاحش وقبيح
Author: Nasser Amin
Date: 08-10-2017, 11:09 AM
Parent: #30

سلامات اب سن
هدفك مؤكد سامي للتنبيه علي عدم تداول الفيديو و علي تبرئة البنات المساكين
بسبب صعاليك و مرضي
فما تلتفت للاصوات النشاز و ناس خالف تُعرف
كتاباتك قيمة و تعجبنا

Post: #31
Title: Re: فيديو فاحش وقبيح
Author: Munir
Date: 08-10-2017, 10:54 AM
Parent: #29


أعتقد أن أساس العلة هو صفة الفضول وحب الإثارة فى الشخصية .. وأؤكد أن الشخصية السودانية لها نصيب مفرط فى هتين الصفتين المدمرتين ..
وزمان كتبت بوست عن "ذهنية الخبر العاجل" حيث ذكرت أن صاحب هذه الذهنية إذا وجد فيك فرصة سيجعلك خبرعاجل إنت ذاتك !!..
لم أشاهد الفيديو ولأنى عشان عارف ده حيحصل ما حاولت أسعـى الواتس أب ولا حتى سمارتفون إلاّ قريب ده .. ورغم أنى لست مشتركاً فى قروبات إلاّ واحدة ــ دفعة دراسة ــ إلاّ أنى اتردمت ردم تقيل بمواد أكون شاهدتها أو قرأتها عدة مرات ..
فأنا ماعارف لييهههه الناس مصرة ترسل وتشير مواد بدون الوضع فى الحسبان أن المرسل إليه يمكن يكون هو ذاته عارفها وفايتة قعر أضانه ؟؟ ..
النقطة التانية أشار ليها محمدالبشرى وهى عدم إحترام الخصوصية .. ياخ فى واحدين يلقى صورتك أو تلفونك أو أى شئ يخصك يقوم بدون إذنك يوزعه يمين شمال حسب هواه بدون ما يراعى محاذيرك..
أعتقد أن إنفتاح المجتمع على مصراعيه مقروناً مع صفتى الفضول وحب الإثارة هما السبب فى هذه السبهللية والفوضى الحاصلة ..



Post: #32
Title: Re: فيديو فاحش وقبيح
Author: muntasir
Date: 08-10-2017, 11:05 AM
Parent: #31

لأنك شخص بعيد من الواتس أحب أنقل ليك البشارة أن الناس زهجت من جمعة مباركة وجلتها لكن مصرين لسة على العربية وتذاكر القطرية المجان والدعاء الذي لم تحوله لعشرة بتلحق السمحين ولو حولتها أي حاجة تتمناها بتحقق دون حوجة لليلة القدر والتلتله

Post: #34
Title: Re: فيديو فاحش وقبيح
Author: Munir
Date: 08-10-2017, 01:11 PM
Parent: #32

غايتو يا منتصر لو الناس بقت قدر الحكم والمواعظ والأذكار البينشروها فى الأسافيردى كنا وصلنا مرحلة المدينة الفاضلة ذاتها .. لكن الواقع يكشف زيف النفوس ..
مرات تلقى واحد فى صفحة عامة فى فيسبوك، واللـا سجم، شغال يتلفظ وينبذ فى الناس.. تمشى تخش صفحته تلقاها كلها حكم وأدعية وآيات وأحاديث ووو ..

Post: #35
Title: Re: فيديو فاحش وقبيح
Author: امتثال عبدالله
Date: 08-10-2017, 02:00 PM
Parent: #34

عزيزي محب

اظنك فهمتني غلط....لاني كنت بهظر مع ود ابو سن....

لان ما نشاهده ونسمعه في القنوات التلفزيونية الامريكية فان ما يتحدث عنه

ود ابوسن من الفيديو الفاحش بيعتبر حشمة وغاية في الادب وحسن الاخلاق....

فالفضاء لامريكي مفتوح لكل شئ ،،، بس هذا الفضاء محروس بصواريخ دفاعية

قوية تجعل ما يهرج به شافع كوريا الشمالية من تهديد للمدن الامريكية ودكها في لحظات

نكته سخيفة،،، لان امريكا باستطاعتها مسح كوريا الشمالية من خريطة العالم قبل ان تصل اي

من صواريخها للفضاء الامريكي،،،

مع وافر الاحترام والتقدير

Post: #36
Title: Re: فيديو فاحش وقبيح
Author: عبدالحفيظ ابوسن
Date: 08-11-2017, 06:12 AM
Parent: #35

تحياتي
محب
ودو
حيدر
علاء
عباس
منتصر
ناصر
منير
وكتر خيركم

Post: #37
Title: Re: فيديو فاحش وقبيح
Author: عبدالحفيظ ابوسن
Date: 08-11-2017, 06:54 AM
Parent: #36

تشكر علاء
لكن اظن الواتس والفيس بوك يمكن من خلالهما رفع اي فيديو مباشرة دون نشره في اليوتيوب
السؤال الداير في ذهني
هل حسب من اخرج الفيديو مقدار الضرر البحصل منو ؟
ولا ما كان في بالو ؟