أي زول يتكلم عن الشاعرة أماني فليتحمل المسؤولية

11:13 AM August, 09 2017

سودانيز اون لاين
طلحة عبدالله-
مكتبتى
رابط مختصر

الشاعرة أماني صاحبة الرائعة ( تبا لك أيوه المغرور )
حسب ما وردني من صديق في الواتس كتبت في حسابها ما معناه :
أي زول يتكلم عنها ح تهجيه هجاء قاسي ولا عذر لمن أنذر
وللحقيقة وحتي لا نظلمها فقد كتبت كما وردني يتكلم ( اتلكم )
ولا عذر لمن أنذر كدا ( لا عزر لمن أنزر )
وكلو لله ..
المهم تيك كير منك له أقيف بعيد وأعمل شخيط
الشاعرة أماني خط أحمر ..
وبرضو لا عزر لمن انزر
خخخخخخخخخخخ

يذكر أن الشاعرة أماني صاحبة الرائعة
( تبا لك) وهي من أروع ما جادت به القرائح
ووجدت رواجا مبالغا فيه في الأسافير ونواحي الفيس بوك ..
رغم أني ما فاهم فيها أيتها حاجة .

سلام ايوه المغرور

دي بتاعة صفاط الرصول

تبا لها شديد

ما عارف والله يا حمدوف ...
أنا أول مرة أسمع بيها لكن حتما ستكون حديث المجالس ..
تبا لأي مغرور
ان شاء الله ما يشوف لا هناء لا سرور
رأسو كبير فيهو قنبور
عاينلو عامل كيف العولاق الكرور
الخ الخ الخ
خخخخخخخخخخ

تهههههههه
الله يجازي محن الميديا

يا أباذر اتحمل المسؤولية

ويا دكتور أبوكساوي
الضحكة دي أظنها تريقة على الشاعرة
غايتو أنا براءة مما تعمهون خخخخخخخخخخ

تبا لأي مغرور
ان شاء الله ما يشوف لا هناء لا سرور
رأسو كبير فيهو قنبور
عاينلو عامل كيف العولاق الكرور
الخ الخ الخ

دي من تأليفي هوى
عشان ما تظلمو الشاعرة
ححححح

تهههههههه
الله يجازي محن الميديا

الحاجة الشاطبة راسي
مغرور المكتوبة صاح

الحمد لله لقيتك يا طلحة
أماني دي شايف سخرية منها وكلام طاشي
وما سألت منها
مالها
ينوبك ثواب

سلام يا معتصم
لو كانت واقفة على الأخطاء الإملائية
كان الناس احتفلت بيها ههههههه

مراحب يا عبد الحفيظ
الشاعرة أماني موقفة الدنيا على رجل واحدة
بسبب رائعتا ( تبا لك ) اللآفة في الأسافير
وجاءت قعدت الدنيا مرة أخرى عندما
توعدت كل من يتلكم ( يتكلم ) عنها وأكدت أنه
(لا عزر لمن أنزر ) ..
بالنسبة لتقييم عصيدتا نفسها فدي إلا تتطلع عليها
انت هيم سيلف لأنو لو لا اختلاف الناس لبارت
العصائد .. خخخخخخخ

الزيها راااااااااااااقد ...
لكن برضوا ما نظلمها
احتمال الأخطاء دي من كاتب الجريدة

والله يا عمر جرايد تنشر وتحتفي بمثل هذه العصائد
ما أستبعد تكون الأخطاء منها
تبا لهكذا جرايد
تبا جدا والله

حبيبنا طلحة مودتي يا جميل ..
كنت في إنتظارالقصيدة ( المعلقة ) ..
فأتى بها الحبيب ( سلمة )
شكراً عمر ..
طلعتنا من هم الكفيل ورسوم المرافقين وزحمة القبح في الاغتراب
ضحكتنا أضحك الله سنك ..
يا سلام لهذه المجيدة نريد المزيد من هذه الكوميديا ..
ما قصرت البنية دي ..
صدقني يا الحبيب طلحة عمك علي ( أنا ده ) ومعاي زميلي في مكتب
أنبسطنا جداً .. إذا كان الموضوع في زمنا داك قبل أكثر من نصف قرن
كان تعرضت لمحاكمة ليست أدبية .. جنائية ..

مودتي الحبيب طلحة ..

ما شاء الله عليها
قصيدة من عيون شعر البنات
لو سمحتو شعر دى اقروها صاح
ماتودناش فى داهية

سلام عمنا العزيز علي
الله يديم عليكم الانبساط ويجعل أموركم سهلة
وميسرة ويديكم الصحة والعافية أجمعين
العصيدة لآفة من فترة ما قصيرة وشخصيا
قريتا وأنطميت وحتى أنني لم أتداخل في كذا
بوست سخر منها وانتقدا ( من العصيدة طبعا
وليس من البنت) لاعتبارات كتيرة .. لكن بصراحة
حركتها بتاعت التهديد والوعيد الفكتا في الأسافير أخيرا
دي حركت فيني نزعة الشر وروح المغامرة
وإن شئت حب الشهرة .. خخخخخخخ
يعني شاعرة مجيدة زي دي لما تخصص ليك
عصيدة تهجيك فيها أكيد دي شهرة مجانية .
خخخخخخخخخ.
تحياتي لصاحبك ومن يليك يا العزيز

سلام أخونا جلالدونا
كيفنك يا زول ؟
وين الحي بيك ؟

حبيبنا طلحة .. مودتي ..
شاعرة حقيقية .. بس نحن لم نفهم شعرها ..
هي تقصد الجناس التام مثال :

عباس عباس إذا أحتدم الوغى .. والفضل فضل والربيع ربيع

وهي تردد مغرور على سبيل الجناس التام
وتقصد .. بمغرور ( الذي غرر به )
ثم تقصد .. بمغرور ( المتعالي رافع نخرتو في السما )
بالله السودان لا عربي لا نجليزي ..

غايتو نحن عندنا خط رجعة .. نوبيتنا ..

وقد أجاد حبيبنا جلالدونا عندما إستخدم مصطلح ( نقنتود )

بوست جميل .. دمو خفيف .. شكراً كثير طلحة ..

كدي خلونا من قصيدة اماني
الجملة الفوق
الكهرباء من الواواق دي شنو

وكمان هاك دي من عيون عيون شعر البنات

http://www.up-00.com/

دي ماسورة زي علي كبك😂😂

أنا غايتو عجبتني حتة الأنوار المعلقة في المواسير دي
أصلاً هي بلاغة التشبيه بتجي من بعد المشبه من البلاعة أقصد الماسورة

السلام عليكم
ماتستغربوا اذا كان (استاذ جامعى) فى محاضره عن الاثار الاسلاميه كنت اسمعها على اذاعه اكاديميه
عن القاهره ليعرف معنى الفسطاط فى اللغه فقال هو بيت من الشعر --بكسر الشين --احد ضروب الادب--
بغد ترديده لها عده مرات انتبه او تم تبيهه عدل فى النطق دون ان يعتذر هو بيت من الشعر -- بفتح الشين وهو الصوف الصوف--
عشان كدا زى ناس ايوه المغرور معذورين كان خربانه من كبارها

Quote: دي ماسورة زي علي كبك

تفسير مريح والله يا علي دفع الله.

لكن في الجرايد؟

ما كفاية عليها الفيسبوك؟

مع التحية للحبيب طلحة ... بوست رائع ..
حبيبنا عمر السلمة .. واصل النقل .. أضحك الله سنك
في الانتظار ..
حلوة : صوصوة العصافير .. أذكر قبل 60 سنة الاولية في حاجة إسمها شقشقة العصافير ..

مودتي للجميع .. طلعنا شوية من أحزان جادات رحمه الله

سلام يا طيبين

عزيز نا طلحة سلامات
عادي يا اخ طلحة . ياخ أصلها كتابات الحب في زمن الإسهال بتكون كده . ههههها

ابراهيم عبد الوهاب عوافي

Quote: الكهرباء من الواواق دي شنو

دا وين دا ؟

شكرا على جهودك في إثراء البوست يا عمر السلمة
كل التقدير يا حبيب

علي دفع الله يا صديقي
ربنا يصبركم على فاجعتكم في جادات
ويرحمه رحمة واسعة وينزله منزلة مباركة في عليين
.............
البشوف كترت المواسير في البلد ما يشوف قلة الموية ..خخخخخخ

أحمد محمد عمر سلامات يا رجل
المواسبير المعلقة دي حسن تعليل زي ما قال عمنا العزيز علي عبد الوهاب
المستغرب ليهو بالجد هو احتفاء الجرايد بعشاق المواسير ...
اتوقع انو الجريدة الجابت الشاعرات ديل نيتا سليمة و قاصدة خير .. خخخخخ

يا عاصم والله أنا واحد من الناس ما قاعد أستغرب من أيتها
نادرة أو أساطير تحدث في بلد النيلين
بصراحة كدا ناسنا ديل ما أدونا أية فرقة نحاول نتقرب
بيها منهم .. الواحد كل ما يفكر ينزغم مع ناس الحوار الوطني
يتذكر الحاجات الزي دي يقمز مخلوع زي الكان في كابوس.. خخخخخ
وصلنا مرحلة متأخرة ياخ .

Osman Musa
أبلغ ما قرأت في الواتس قال ليك :
المواطن السوداني
زي عمود الشاورمة
وشو للنار وظهرو للسكين
وطول عمرو على الحديدة
خخخخخخخخخخخخخخخخخخ
هسة عليك الله الكلام الفوق دا
واللا ناس أيوه المغرور ديل ؟؟

ولّ داك يا طلحة القال
البلد اى حاجة فيها زفت فى زفت الا الشوارع

سلام يا طلحة و حمدلله على السلامة

تحياتي عبرك للاستاذة أماني فهي خفيفة الدم و شجاعة كمان

فالسخرية لم تخيفها . واصلي يا أستاذة و استعيني بمدرس/ة عربي .

تذكرت الشاعر بتاع أبيض اللون ، الله يطراه بالخير .

تحية وتقدير
في رايي المتواضع ( منوية ) ماغلطانة
والجريدة ماغلطانة
انا شخصيا بحمل المسئولية للحيوان المغرور ( تبا لك )
فهو سبب كل هذا الطمام
فلو سارت قصة الحب على ما يرام
ربما لاكتفت الشاعرة المخضرمة اماني بابتسامة عابرة
لكن تمرد المغرور ( وصفاطه ) هما من اصابا متابعي النجمة اماني بالصدمة
واخرون امثالنا ب ( متلازمة ) الغثيان

هجمة مرتدة
وتعيد الماء للازهار في صحراء عمري ( هذه مجرد ابتسامة )
الا تكفي هذه الكلمات من نصف بيت لعلاج كل المصابين باللوكيميا في العالم ؟؟؟
قال قلبي نده قال !!))