Post: #1 Title: مشهد مؤثر لي مهاجر عايد من أمريكا يلتقي بايعة كسرة Author: Osman Musa Date: 08-06-2017, 05:38 PM Parent: #0
04:38 PM August, 06 2017 سودانيز اون لاين Osman Musa- مكتبتى رابط مختصر والله مشهد جد مؤثر . الزول سلم علي بايعة الكسرة . الحاجة في الخمسين بتبيع كسرة و وملاح قدام بيتها في بحري . سلم عليها بي الحضن . هو انفجر بالبكاء وهي انفجرت بالبكاء . قال ليها انا م م . حصل جيتك من امريكا هنا قبل 3 سنوات ومعاي بناتي الاتنين . . حبو ك شديد لما انتي ا بيتي تشيلي مني فلوس الوجبة . في الأيام ديك . كانوا واحدة عمرها 7 والتانية 9 . . قال ليها : وهو لسع بيبكي . اها الآن لما نويت أجي السودان البنات قالوا لي لابد تمشي تسلم علي الخالة و تديها هدية مننا .
Post: #2 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-06-2017, 09:40 PM Parent: #1
مشهد جد مؤثر . مشهد يخليك جد فخور بي مهاجرين امريكا السودانيين . والمشهد يخليك جد فخور بي سيدات بلد ك المجاهد ا ت في سبيل لقمة الكسرة الحلال . انا زاتو خنقتني الحاجات .
Post: #3 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-07-2017, 06:18 AM Parent: #2
والله ندما ن . عشان في ديك اللحظات الحنينة ما تعر فت عليه من ياتو ولاية . كان مفروض ا تعرف عليه . النوع ده أصبح نادر . بناتو الحلوات حافظات الجميل طول ديك السنين و متذكرات الخالة ( الهيرو ) الرفضت تشيل حق الكسرة .
Post: #4 Title: Re: مشهد مؤثر لي مهاجر عايد من أمريكا يلتقي با Author: Abd Alla Elhabib Date: 08-07-2017, 06:34 AM Parent: #3
انا زاتو خنقتني الحاجات . -------------------- تعبير بسيط وصادق ووصاف جدا الأيام دي خانقاني الحاجات كل يوم مشاهد حزينة لكنها مترعة بالنبل وبالإنسانية !!
Post: #5 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-07-2017, 10:17 AM Parent: #4
الأخ العزيز عبدالله ابن فانكوفر البار سلامات . الحمد لله يا عبدالله الشباب المهاجرين ما زالوا محافظين علي الطبع الحار السمح فوق عين جليد الشمال . صاحبك نفذ وصية البنيات الشبن خلف (الاتلنتك اوشن ) وكان مرتاح للتنفيذ ولي شوفة الحاجة المتعففة . مشهد كان مدرسة .
Post: #6 Title: Re: مشهد مؤثر لي مهاجر عايد من أمريكا يلتقي با Author: امتثال عبدالله Date: 08-07-2017, 01:29 PM Parent: #5
فعلا مشهد كان مدرسة. ...
مدرسة واي مدرسة....مدرسة الحياة ..مدرسة عاداتنا وتقاليدنا السودانية السمحة...
ياخي مالك علينا يا عثمان نزلت الدموع من عيونا من اول الصباح...
مع وافر الاحترام والتقدير
Post: #7 Title: Re: مشهد مؤثر لي مهاجر عايد من أمريكا يلتقي با Author: ست البنات Date: 08-07-2017, 03:46 PM Parent: #6
يا اخوانا ما تورونا الفيديو !!! بالله زول يختو لينا مشكور . ست البنات.
Post: #8 Title: Re: مشهد مؤثر لي مهاجر عايد من أمريكا يلتقي با Author: ابراهيم عبد الوهاب Date: 08-07-2017, 04:17 PM Parent: #7
ست البنات ما حنوريكي الفيديو حتبكينا تاني الواحد بقى يبكي طوالي يمكن في اليوم تلاته اربع مرات
Post: #9 Title: Re: مشهد مؤثر لي مهاجر عايد من أمريكا يلتقي با Author: بشير حسـن بشـير Date: 08-07-2017, 04:29 PM Parent: #8
يا ست البنات العربي ده أصله زول مبهل ودايما جايينا وناسي العروض
دايما فاتح بوستاتو إيد وراء وإيد قدام
فترنا من نقل الصور والفيديدهات
وش ضاحك يا عثمان يا أخوي والمثل بيقول عدم العروض جفاء
Post: #16 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-08-2017, 06:02 AM Parent: #9
الأخ بشير سلامات في اللحظات ديك ما كان في أي طريقة للتصوير . اللحظات مشت مليانة بالصدق والمحبة . انسان طول من البلد و مشتهي كل شي .
Post: #10 Title: Re: مشهد مؤثر لي مهاجر عايد من أمريكا يلتقي با Author: ست البنات Date: 08-07-2017, 04:30 PM Parent: #8
الاخ ابراهيم . سلامات, انا هسي قاعدة ابكي !! الله بس براهو يفرحنا نحن السودانيين ويحن علينا !!! كدي وريني الفيديو خسمتك , ست البنات.
Post: #11 Title: Re: مشهد مؤثر لي مهاجر عايد من أمريكا يلتقي با Author: ابراهيم عبد الوهاب Date: 08-07-2017, 05:16 PM Parent: #10
الله يسلمك يا ست البنات
تعرفي البكاء دا بقي مرتبط بالكبر والغربه كلما الواحد يكبر ببكي كتير وكمان الغربة بسبب وبدون سبب تلقي الزول جااااااك يقعد يبكي قسمن مرة سائق في مكان خلا صحراء عديل كدا ظهر لي سوداني شايل ليهو بطانية واقف في الشارع جاااااااااك قنبت ابكي وقفت ليهو وبرضو ببكي سالتو وانا ببكي ماشي وين الزول انخلع افتكرني مطفوش قال لي امش امش انا ماشي هنا ، قايتو هنا دي في الصحراء دي ما عرفتها وين فاااااا الفيديو في موبايلي وما قادر انزلو هنا
Post: #12 Title: Re: مشهد مؤثر لي مهاجر عايد من أمريكا يلتقي با Author: Asim Ali Date: 08-07-2017, 05:41 PM Parent: #11
الام مدرسه الكفاح الكبرى ودايما الام والوطن وجهين لعمله واحده لما الواحد يكون فى غربه
Post: #17 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-08-2017, 08:01 AM Parent: #12
الأخ عصام سلامات و مشكور كتير علي وضع الأغنية الجميلة و المعبرة . والله يا اخ عصام من أول يوم فتحت فيه البوست لي الليلة التلفونات ما وقفت . الناس كلها بتسال عن الحاجة المتعففة و عن المهاجر الرجل الاجواد الحنين .
Post: #35 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 09-13-2017, 05:02 PM Parent: #10
سلام اليوم مشيت مطعم الحاجة و ح أقوم بي تنزيل صور الحاجة الكريمة وهي تحكي عن طيبة المهاجر الشاب البار .
Post: #15 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-08-2017, 05:00 AM Parent: #8
الأخ إبراهيم سلامات بعد ما فات المهاجر من مسرح اللقاء أي واحد من الناس الحضروا لحظة اللقاء . كان يردد في كلمة يا حليلو .
Post: #14 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-07-2017, 11:52 PM Parent: #7
حباب بتنا ست البنات . المشهد كان عبارة عن قمة في الرقة و قمة في الإنسانية . انسانة مكافحة بكت بي شوق بنات صغار عبر ن من عند ها جلسن يا حلا تن في دي البنابر . سالتو بي تنهيدة من جوه انتوا وين يا اخوي ؟
Post: #13 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-07-2017, 09:29 PM Parent: #6
بتنا العزيزة امتثال طالبة جامعة كولمبيا المجتهد ة . سلامات وكيف حالك . ندما ن شديد في فوتان ديك اللحظات . وانا ساكت لا صورة لا لا اخد منو رقم تلفون . كنت صامت صمت عجيب وسار ح في ديك السنين الطوال الراحن من ده المهاجر الحنين . لمحت في يدو ظرف بني كبير مكتوب عليه جزيرة بدين مكتوبة باللغة العربية .
Post: #18 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-08-2017, 04:28 PM Parent: #13
انشاءالله أحاول اوافيكم بي صورة الحاجة المجاهدة ست الكسرة واحتمال منها نصل لي أخبار المهاجر الكلس . واحتمال لسع يكون في السودان .
Post: #19 Title: Re: مشهد مؤثر لي مهاجر عايد من أمريكا يلتقي با Author: Yasir Elsharif Date: 08-08-2017, 09:04 PM Parent: #18
سلام يا عثمان وشكرا جزيلا والتحيةللحاجةوالمهاحر السوداني وبناته
Post: #20 Title: Re: مشهد مؤثر لي مهاجر عايد من أمريكا يلتقي با Author: عمر دفع الله Date: 08-08-2017, 09:44 PM Parent: #19
بالله يا اسامة ارجع للمرأة بائعة الكسرة واسألها عنه .. امكن عندها تلفونه او تقدر تتحصل على اسمه فهذا الشخص فعلا من النوع المهدد بالانقراض في سوداننا الفضل ونحنا زاتنا عازين نتعرف عليهو ..... تحياتي
Post: #24 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-09-2017, 10:03 AM Parent: #20
عزيز نا عمر دفع الله سلامات انشاءالله ح تسمع أخبار سارة من طرف أحد المهددين بالانقراض . ح تصلك أخبار حلوة . و المفرح جدا الرجل عندو زهرتين حافظات لكل عهد قديم . ربنا يحفظ ويبارك .
Post: #31 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-12-2017, 04:20 PM Parent: #20
الأخ عمر دفع الله بعد السلام احتمال كبير أجيب ليك خطاب بنات المهاجر . الخطاب المرسول للحاجة
Post: #22 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-09-2017, 06:10 AM Parent: #19
عزيز نا ياسر الشريف عمدة نيوجرسي الرجل الكريم سلامات . أول مره اعرف انو الغربة البعيدة والطويلة بتر صع المهاجر بي دبابير كلها حية وحنان و عشم في التكاتف . تحياتي
Post: #23 Title: Re: مشهد مؤثر لي مهاجر عايد من أمريكا يلتقي با Author: Yasir Elsharif Date: 08-09-2017, 09:39 AM Parent: #22
بنيوجيرسي أظنك تقصد العزيز صبري الشريف، له التحايا.
Post: #26 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-09-2017, 03:37 PM Parent: #23
الف شكر اخ ياسر الشريف
Post: #21 Title: Re: مشهد مؤثر لي مهاجر عايد من أمريكا يلتقي با Author: سامى عتبانى Date: 08-08-2017, 10:15 PM Parent: #18
عثمان موسي سلامات يا بركه ياخ الواحد عيونو رقرقت انت وين الدنيا بيك طمنا عليك اكتر
Post: #25 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-09-2017, 12:09 PM Parent: #21
عزيز نا عتباني . الصديق الفرجيناوي الذي نزح الي بنسلفينيا . سلامات وأرجو أن يكون قد طاب لك مقام الجليد . والله عارفك وانت بي دأك الأقدام قادر علي الجليد . اضرب عدس الوابل هههها تحياتي
Post: #27 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-09-2017, 07:55 PM Parent: #25
انشاءالله في اليومين ديل ارجع تاني اقابل ست الكسرة . وانشاءالله تكون هي موجودة وتكون بخير . انا ما عندي معرفة في نقل الصور لكن بحاول إرسال الصورة لي واحد من الإخوان وهو بي دورو يضعها في البوست . واكيد ح اشيل منها اسم الأخ زميل الغربة المهاجر م م .
Post: #30 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-11-2017, 01:47 PM Parent: #4
Post: #28 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-10-2017, 03:20 PM Parent: #2
كان عندو إصرار عجيب عشان يقابل الخالة ( الهيرو ) زي ما و صفوها البنات . والمهاجر في طريق الرحلة كلها كان خايف يجي و ما يلاقي الخالة . كان شايل همها . في ده الزمن العوارض بقت كتيرة . وبر ضو كان بفتش لي سعادة بناتو لما يسمعوا خبر انو الحاجة قاعدة في سلام ( بيس ) وبي صحة
Post: #29 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-10-2017, 09:33 PM Parent: #1
نتابع ما دار في المشهد
Post: #32 Title: Re: مشهد مؤثر لي مهاجر عايد من أمريكا يلتقي با Author: Abd Alla Elhabib Date: 08-12-2017, 04:39 PM Parent: #29
ياعثمان ياجميل .. وصلنا من السودان قبل 3 أيام والله لو عارفك هناك كان لاقيتك وسالمتك حاجات السودان السمحة والناس السمحين ما زالو في ودا الشي البطمن الزول .. إن شاء الله نحافظ عليها منتظرين اخبارك الحلوة .. ومعاكم بنشكر ذلك الرجل الرهيف وبنياتو الحفظن الجميل وردنو بي أجمل منو !!
Post: #33 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-14-2017, 05:49 AM Parent: #32
وحيات الله يا اخ عبدالله كنا فرحنا بي الزيارة الكريمة انا موجود في قلب سوق ليبيا .
Post: #34 Title: Re: مشهد مؤثر لي مهاجر عايد من أمريكا يلتقي با Author: Osman Musa Date: 08-18-2017, 09:17 PM Parent: #1