ما وريتنا سبب انتحار روبن وليامز....والصحف الامريكية كانت كتبت
ان سبب انتحاره انه كان يعيش حالة نفسية سيئة جدا واحباط في الشهور
الاخيرة. ..وما عليك سوى ان تخبرنا سبب الحالة النفسية...
وبعدين انت عشان دفعت بالدرهم احتمال تكون مقيم في دولة الامارات
او دولة قطر....اذا مقيم في دولة الامارات ممكن جدا تنتحر بسبب السياسات
الرعناء لقادتها ،،،اما اذا مقيم في قطر فسوف لن تفكر ابدا في الانتحار لان قادة
قطر يسيرون في الطريق الصحيح لتحقيق الرخاء للمقيمين قبل المواطنين....
مع وافر الاحترام والتقدير
Post: #4 Title: Re: اكتشفت سبب انتحار روبن وليامز Author: حيدر حسن ميرغني Date: 08-06-2017, 09:49 PM Parent: #3
الملك يابكور ... صندل البورد مداخلاته تغني عن الف بوست .
Post: #5 Title: Re: اكتشفت سبب انتحار روبن وليامز Author: أبوبكر عباس Date: 08-06-2017, 11:36 PM Parent: #4
ذكر زكريا أن صديق طفولته جادات كان له ميزة عجيبة، وهي إضفاء من خياله أشياء كثيرة على الحدث أو الخبر. هذه الميزة في مجال الأدب تخلق الإبداع في مجال السياسة تسمى الدعاية وهي تنسج بذكاء شديد وتسد فيها الثغرات،، أما إذا مورست ببساطة فإنها تثير الملل لأنها لا تثبت أمام أقل تمحيص، الحقيقة هذا كان شعوري تجاه كتابات جادات التي يعتبرها كثيرين كتابة نضال وقد تكون، إلا أن إضافاته غير الحصيفة كانت تفقدها الكثير المهم غير راضي عن نفسي من كيفية إدارة نقاشي معه ووجدت أن كثير من مداخلاتي معه كانت غبية جدا
المهم يا صديقي جادات، لو القصّة دي بهناك فيها حساب وصفوف وكدا؛ أعفي لي تشتشة النار دي صعبة كلما تحاول تبردها بهواء فمك؛ تزيد
جيت اشوف روبن ويليامز سبب انتحاره كان شنو بالضبط.. الزول دا كان صاحبي والله.
لقيت موضوع تاني أشبه ما يكون بجرد حساب متأخر!!!
Never too late
أن تأتي متأخرا برضو فكرة ما بطاله..
سلام .
Post: #7 Title: Re: اكتشفت سبب انتحار روبن وليامز Author: أبوبكر عباس Date: 08-07-2017, 00:08 AM Parent: #6
الأسطر الأخيرة بتاعت الملك يا حيدر، كانت بتعتذر لينا وتخصمنا وتقول لينا: عليكم الله، وخصمتكم بالرسول، أعفوا لي لو طولت عليكم وبدأ يتسلل إلى نفوسكم ملل، وحات الله بوصل فكرتي بسراع وذكاء تخيلت الملك شايل ليهو جهاز زي المحرار بقيس بحساسية درجة تفاعل الآخر الذي سلمك نفسو بفتح البوست، تكرمو بتجنب مللو
من زمان قلت لمعاوية الزبير، أكبر ساخر معفن هنا هو الزول دا، معفن هنا طبعا بطعم التركين عفن، لكن حلو حلا !!
Post: #8 Title: Re: اكتشفت سبب انتحار روبن وليامز Author: أبوبكر عباس Date: 08-07-2017, 00:29 AM Parent: #7
أعتقد إنّو أذكى تعليق انكتب في سودانيز أونلاين دي كتبو حسين ملاسي في بوست رحاب خليفة Oxymoron وهو يتحدث عن الجمع بين الضدين مثلا أن تقول: - حلو مر - الليلة بالصباح - كلام ساكت وهكذا حسين ملاسي كتب ليها: منبر الحوار الديمقراطي
تذكرت هذا البوست وأنا أصف كتابات الملك بالتركينج
Post: #9 Title: Re: اكتشفت سبب انتحار روبن وليامز Author: محمد على طه الملك Date: 08-07-2017, 02:54 AM Parent: #8
هههههه كلمو بالله يا حيدرنا .. إتا يا بكور ما تقول عديييل معجب بطريقة الفنانة اللبنانية السمحة ديك .. البتقول للزول لما يعجبها شغلو (يخرب بيتك) !! غايتو الأديب القاص شاهين اصلو ما عمل فينا معروف .. احكي ليك دي .. قالو واحد مغيوظ من زول ما بسلم .. دخل على جارو عايز يلوم ليهو الزول .. قال ليهو ياخي جارك دا قدر ما امد ايدي للسلام ما بسلم .. قال ليهو مش برد عليك بعليكم السلام ؟ قال ليهو أيوه بس ما بمد أيدو .. قال ليهو ياخي أنا جارو عشرين سنة ما طالني منو غير صباعين . : أيوه عارف الحكوة ما عندها علاقة بالبوست .. بس كمان البوست ما عندو علاقة بشيء غير السطرين الفوق ديل..
الكلام من عند المحاضر وليس من عندي.....وانا كتبت في نهاية كلامه..(انتهى كلام المحاضر)
وقد فهمت انه ضرب هذا المثل لان الطالبان الموجه لهما هذا الدرس عربيان مسلمان)...
وبا ريتني لو قلت انا هذا الكلام)..
وانا مثلك استغربت منه ات ياتي بهذا المثل العظيم...وسالناه ونحن مجموعة بعد المحاضرة
فعرفنا انه يعرف عن الاسلام اكثر مما نعرفه نحن المسلمين على الرغم من انه مسيحي...
ونحن لا نعرف عن الاسلام الا القليل الذي ورثناه عن ابائنا....ولا نقرا ولا نتبحر....ونعرف فقط
نقطة من بحر واسع.....
ولازم تعرف يا علي ان هناك مسيحيين ويهود يعرفون عن الاسلام ما لا نعرفه نحن....
ومع انني استغربت زيك..لكن برضي مستغربة ليه سالتني هذا السؤال...
مع وافر الاحترام والتقدير
Post: #13 Title: Re: اكتشفت سبب انتحار روبن وليامز Author: علي دفع الله Date: 08-07-2017, 02:22 PM Parent: #12
السيدة العزيزة امتثال والله سألتك السؤال دا ساي وحسيت بيه زي الناجراه بس بعد تأكيدك دا خلاص راح الاستغراب وفكرة كونو منجور برضو اتلاشت . مودتي
Post: #14 Title: Re: اكتشفت سبب انتحار روبن وليامز Author: محمد على طه الملك Date: 08-07-2017, 02:27 PM Parent: #12
بنتنا امتثال كيفك .. أسأل الله أن يوفقك في دراستك ويكتب ليك النجاح .. (ابننا) بكور بما إنو نجم شباك المنبر عايز يعمل دعاية لبوست المروفولوجيا بطريقتو .. سؤال اب شنب دا ما تشتغلي بيهو أصلو هو من جماعة الهجرة والتكفير عكس (السلفتوت).. كان هو كان نحن ذاتنا لما كنا شباب في عمرك كنا عادي بنتني ركبنا لأماتنا وأبواتنا وإخواتنا لحد ما يستوا على ظهر الدابة .. هسه اب شنب لما يكون طالع من الحواشة عادي بمد ايدو برفع معاه على التراكتر أي زول ماشي في اتجاهو.
Post: #15 Title: Re: اكتشفت سبب انتحار روبن وليامز Author: علي دفع الله Date: 08-07-2017, 03:10 PM Parent: #14
مولانا الملك ههههههههه طبعا المستنير كعادته بخش بالدالي وبمرق بالمزموم عشان كدة ما حا تقدر على ترميم بوستاتو هسي يجي يكتب ليه مداخلة و يختمها زي حتة ال51 درهم هههههه علي الحلف المستنير دا رجع للبنقو الكان بضربو زمان في حي البان ورى الترعة في مدني ..
Post: #16 Title: Re: اكتشفت سبب انتحار روبن وليامز Author: محمد على طه الملك Date: 08-07-2017, 03:53 PM Parent: #15
هههههه كلامك صاح يا علي .. ما أهو لإني عارفو بروة في طشت قنا احسن ادودرو كان بنفع .. لإنو حكاية روبن دي أكلت معاي جنبة بعد مرتو قالت كان بعاني من مرض دماغي غريب.
Post: #17 Title: Re: اكتشفت سبب انتحار روبن وليامز Author: ست البنات Date: 08-07-2017, 04:22 PM Parent: #16
سلام عليكم جت, أشهد بان أبوبكر عثمان كتااااب شديد!!!! ست البنات.
حتى وهو بيضحك ..ضحكته كان فيها وجع ما مفهوم وغامض ..!!
رحم الله صلاح جادات .
والملك هو الملك ..
Post: #20 Title: Re: اكتشفت سبب انتحار روبن وليامز Author: محمد على طه الملك Date: 08-08-2017, 01:49 AM Parent: #19
ههههه .. معقول يا أمونة تصومي من المنبر وتغيبي الغيبة دي كلها وتجي تفطري ببصلة بكور .. عجني موضوعك المكرب عن نشيد العلم المنشور في صفحة المقالات .. ياريت تعيدي نشره في المنبر لتوسيع النقاش.
Post: #21 Title: Re: اكتشفت سبب انتحار روبن وليامز Author: Kabar Date: 08-08-2017, 07:08 AM Parent: #20
هاتريك..!!!
الذ حاجة تجيب قون في ابكر الطويل..!!
واهلنا قالوا يا قريبي: الحي ابقى من الميت..!
روبن..عندي ليهو افلام في المكتبة بتاعتي..البنيات يرجعن ويجن يذكرني بالضحكة والنكتة..والطرفة المفارقة..ومش ده مهم..!
المهم يا ابكر الطويل ..سنة 2017 ، تكتشف انو فتاح السقيد لسع متوهج ومزبهل ياااااااااااااخ..!!..تتذكر ياتو جكس ولا ياتو ذاتو..!!
كل الحب لصديقي الجميل ..زميلي ..دفعتي استاذنا عثمان محمد الصادق..البيكتب في المنبر باسم (عثمان دغيس)..وكتها بعزف اكورديون وكم الة موسيقية..نقول ليهو دايرين نجيب على السقيد..يقول لينا:ياخي انتو ما جايبين خبر ساكت..اقعوا فتاح السقيد..!!..ولمن نقول ليهو فتاح منو يا عثمان..يقوم يعمل نايم..من دور ناس..انتو جابوكم من وين..!!
الى امونة الحليونة..وبت ابا امتثال..ويا امتثال..عليك الله جيبي ابتهال..واهو ديك الطرمبة ظاهرة..خليها تشتغل لينا ان شاء الله السلامو عليكم ساكت..!!
فتاح السقيد يا ابوبكر وفي سنة 2017؟..ياخي دي تخلي الزول يقوم جاري نص الليل يفتش ويفتش..كان يلقى نص ساكت..!!
هسع نطلب الغفران من منو ولا منو: ناس المنبر البتقرأ صاح ولا الجكس الكنا بنقشر بيهو باسم فتاح السقيد..!!
غايتو: كن الريدة كان ادت زول ، كان الريدة ادتنا..!!
والله يجازينا نحن الكنا السبب..!!!
وبرضو التحية لحبيبنا زكريا فضل..!!
كبر
Post: #22 Title: Re: اكتشفت سبب انتحار روبن وليامز Author: أبوبكر عباس Date: 08-08-2017, 08:38 AM Parent: #21
بمناسبة الoxymorons بتاع رحاب خليفة وقبل آمنة مختار تتداخل كنت ناوي أكتب مداخلة عن البجة:
لمان أهلنا البجة (الفظي وظي) في سواكن كسروا المربع الانجليزي، تخيلتهم أو حقيقي كانوا على ظهور الإبل البشارية، مجدههم الشاعر
Rudyard Kipling (1865–1936)
Fuzzy Suzy
WE ’VE fought with many men acrost the seas, An’ some of ’em was brave an’ some was not, The Paythan an’ the Zulu an’ Burmese; But the Fuzzy was the finest o’ the lot. We never got a ha’porth’s change of ’im: 5 ’E squatted in the scrub an’ ’ocked our ’orses, ’E cut our sentries up at Suakim, An’ ’e played the cat an’ banjo with our forces. So ’ere ’s to you, Fuzzy-Wuzzy, at your ’ome in the Soudan; You ’re a pore benighted ’eathen but a first-class fightin’ man; 10 We gives you your certificate, an’ if you want it signed We ’ll come an’ ’ave a romp with you whenever you ’re inclined.
المشكلة عشان أعقد مقارنة التضاد في فظي وظي داخل الشعر دا ، وأتذكر غلاطي القديم مع محسن خالد، والمعنى القديم لفظي وظي قبل إطلاقه على الهدندوة، القصة دي طويلة خلاص وأنا المود بتاعي اتغيّر فشنو؟ باركوا المداخلة دي كدا وباصروها
Post: #23 Title: Re: اكتشفت سبب انتحار روبن وليامز Author: محمد المسلمي Date: 08-08-2017, 08:45 AM Parent: #22
Quote: لمان أهلنا البجة (الفظي وظي) في سواكن كسروا المربع الانجليزي، تخيلتهم أو حقيقي كانوا على ظهور الإبل البشارية،
غايتوا مشهور في تاريخ البجا عندما هزم الإنجليز البجا صعد قائدهم الي الجبل وقال مسكين ادروب ماعارف عظمة الرومان 😩😩😩
أستاذنا الملك ...بوستات بكور دي البصلة البتظبط الحلة ..والعزابة قالوا شنو ؟
مشكور كتييير على الثناء على المقال ...مع إني ذاتي غلطت في عبارة ( كسلاما جمهوريا ونشيدا قوميا )فلم أنتبه للكاف وهي حرف جر هههههه ونشرته في صفحة المقالات تجنبا للجدال... فقد كبرت عليه وصرت في مرحلة أتحرى فيها الهدوووء...
ملاحظتك يا بكور على التضاد في هذه القصيدة جميل ..فهي حافلة به ، وأعتقد هذا أسلوب مبدعها روديارد كبلنغ المفضل ..كما فعل في روايته الأشهر جنغل بوك . كنت أتمنى ان تواصل و تتحفنا برأيك في النقاش مع محسن خالد حولها ..وأن لا تتحجج بالمود ...إنت فاكر دخول الحمام زي خروجه...؟
Post: #25 Title: Re: اكتشفت سبب انتحار روبن وليامز Author: أبوبكر عباس Date: 08-08-2017, 04:52 PM Parent: #24
يا حليلك يا أمونة، لحقتينا تفتشي في الهدوءءءء أوعة يكون الإضاءة الشديدة بالليل بتزعحك زيي؟!
التضاد في التعابير في القصيدة لم ألحظه أنا لاحظته واحدة انجليزية اسمها كيت في منتدى شعر إنجليزي، ساعدتنا رحاب خليفة بمعرفتها اللغوية الواسعة في تثبيت ملاحظة كيت، الزمن داك أنا يتدرب في سنة تالتة استنارة
Post: #26 Title: Re: اكتشفت سبب انتحار روبن وليامز Author: أبوبكر عباس Date: 08-08-2017, 04:54 PM Parent: #25
الإضاءة من زمان بتزعجني ..كان باليل وللا بالنهار ..خفاش بس . استنارة ذاتية وكدا ... :)
Post: #28 Title: Re: اكتشفت سبب انتحار روبن وليامز Author: حيدر حسن ميرغني Date: 08-08-2017, 07:29 PM Parent: #27
ياسلام ياخ الصديقة امنة بت مختار ... اديتي البوست بعد استناري اضافي دائما خليكِ قريبة من بوستات شيوخي بكور والملك - تصدقي كتبت المداخلة دي قبل اكثر من ساعة لكنها طشّت لبوست شاهين حلفت ما امسحا طالما فيه سيرة بكور الظاهر الاضاءة جهجهتني :))
Post: #29 Title: Re: اكتشفت سبب انتحار روبن وليامز Author: أبوبكر عباس Date: 08-09-2017, 01:54 AM Parent: #28
يا أمتثال، معقولة أنا ما عندي أوتوكيت؟! يا أخي، أنا.أبو الاتوكيت والحساسية ذاتو مشكلتي إنّو المداخلات والردود بتنزل عليّ من عل بدون ترتيب
Post: #30 Title: Re: اكتشفت سبب انتحار روبن وليامز Author: أبوبكر عباس Date: 08-09-2017, 02:08 AM Parent: #29
Fuzzy Wuzzy
Post: #31 Title: Re: اكتشفت سبب انتحار روبن وليامز Author: أبوبكر عباس Date: 08-09-2017, 02:10 AM Parent: #30
Post: #32 Title: Re: اكتشفت سبب انتحار روبن وليامز Author: الصادق اسماعيل Date: 08-09-2017, 04:04 AM Parent: #31
ابو بكر المستنير
الحلو مر هين
الغريب المثل داك البيقول (ان شاء الله يوم شكرك ما يجي)
ههههههههه شفت كيف؟ منر إيه وحوار ياتو الديمقراطي؟
Post: #33 Title: Re: اكتشفت سبب انتحار روبن وليامز Author: Kabar Date: 08-09-2017, 04:24 AM Parent: #31
ده شنو يا ول ابا ابكر الطويل؟..ياخي انا لمن قت (الذ حاجة تجيب قون في ابكر الطويل) كنت قاعد اهظر..تقوم تقع يمين والكورة تمشي شمال (عشان انا يساري وكده..!!)..
من هنا ندعو ول ابا الملك يجي يصرف ليك تلاتة (كيشة) من النوع ابو كديس..اما حيدر حسن ميرغني ..لو لقى فيك فرقة يديك شوال ذاتو..!!
انا بكتب ليك..وكل امنيتي انو هاشم الحسن يكون نايم ولا صائم من مطالعة المنبر..لأنو افتقد روح الجنون السمحة ديك..!!
لمن رمضان زايد يا ابكر الطويل ، غنى لأهلي مدني بمناسبة انتصارو على بانقي (عاصمة افريقيا الوسطى)..كان لا بس افركانو ملون..يعني شنو..قبال الجماعة ما تكتشف فكرة (سودان جديد وييييييييييييييي) وتقوم تملانا فقر في صمة خشمنا..! ويقول كده يجي فتاح السقيد..يقوم يلبس بنفس الطريقة ويغني كمان..!!!!!!
انتا يا قريبي استنارتك دي ما ادوها دروس (تجميع) ولا شنو؟..
لمن تعرض لي فتاح السقيد لابس بدلة وفي استديو..ده نظام افندية (مستلبين ساكت) من خراج ذوق امبراطورية انجلترا التي زعم اهلها ان الشمس لا تغيب عنها..!!
وانا (فظي وظي) يا قريبي..ولا دي ما قروكم ليها؟..
طيب..في شان خاطر بت ابا رحاب خليفة..نديك شوية نضم في (الفظي وظي)..!
شغل عمك كبلنق كلو تصنيفو كالآتي:
The Barrack-Room Ballads are a series of songs and poems by Rudyard Kipling, dealing with the late-Victorian British Army and mostly written in a vernacular dialect.
المصدر:خالتي ويكبيديا..
خلي بالك من حكاية (باراك رووم)..وده ياهو البركس الواحد داك يا ابكر..انت سكنت فيهو ..والملك سكن فيهو ..وكبر سكن فيهو..والله صحي..!!
شفت كيف عيال (الفظي وظي) اتجدعوا؟..
حصل قابلتك الملاحظة دي من قبل يا ول ابا؟..ده السياق الغايب عن ول ابا محسن خالد..وبت ابا آمنة مختار..في نقاشهم لقصيدة كبلنق..!!
ولكن..!!
ناس اليوم يا ابوبكر..من حقهم يسألوا: كيف تبدو ارض المعركة الدارت وطلعت عين الشاعر الإنجليزي كبلنق..ولا الأرض دي اختفت؟..
اخونا المخرج الشاب سيف الدين حسن ، انجز عمل كبير اسمو (ارض السمر) سلسلة تعرض ثقافات ، مناخات ، اراضي ، شعوب ، جمهورية امسودان..ومن ضمن الحلقات..كانت الحلقة رقم سطاشر واسمها اركويت..!!
اها يا كيشة..بدل تجيب صور الفظي وظي الصامتة ، ياهم ديل قدامكم في صور متحركة..!!!
يعني ، خلينا نقرب للأجيال الحديثة المسافات ، بدل نقعد نقدها ثقافة صوالين ونقة ووصف محتاج خيال واسع عشان يستوعب الحاصل..!
كبر
ـــــــــــــــــــــــــــــــــ
*لغير الناطقين او الدارسين بها: البركس هو مجمع ثكنات الجيش الإنجليزي..وشكلو واحد في الهند والسودان ونيجيريا..في السودان ، بعض من تلك الثكنات ، التي كان يتغنى بها الشاعر الإنجليزي كبلنق ، في الخرطوم العاصمة السودانية ، وتحولت الى داخليات طلاب جامعة الخرطوم (من ضمن سكانها: ، محمد احمد القرشي ، محمد على طه الملك ، ابوبكر عباس ، محمد النور كبر..الخ)..الآن ، مجمع البركس اصبح داخلية البنات بجامعة الخرطوم ، ويسمى مجمع (الزهراء)..يعني ناس الفظي وظي (السودانيين قاطبة) وصل بيهم الإنتقام ، وبعقلية ذكورية فظة ، ان تسكن بناتهم في البركس ، كيتا في عم كبلنق أو أي كان اسمو..!!
Post: #34 Title: Re: اكتشفت سبب انتحار روبن وليامز Author: الصادق اسماعيل Date: 08-09-2017, 04:34 AM Parent: #33
آمنة مختار كيفك يا زولة
ود ابوك كبر يا خي ليك وحشة
ركز على (الصقرية) البهناك دي كلامكو حُلُو انتا وابو زيد والخواض ومشتاقون برضه
والمشتهي المستنير يطير هههههه
Post: #35 Title: Re: اكتشفت سبب انتحار روبن وليامز Author: أبوبكر عباس Date: 08-09-2017, 09:01 AM Parent: #34
قبة السني وبيوتنا عبر حلقات الذكر
الذين يعلمون ببواطن الأمور يعلمون أن مدني مدينة روحانية زيها وزي قم عند الشيعة
منتصف التسعينات كنت مشروع جمهوري وكنت أتردد على مجالسهم واستمتع بانشادهم العميق، كان عندي شريط كاسيت للمرحومة اخلاص همد القصيدة البتقول فوقها: شقّ ثوب الوهم عن ذاتك ينشق غطاها أكون سمعتها ميات المرات
المداخلة دي كنت داير أعبر بيها لحتة، لكن محتاجة لدي أربعة أقواس حتى يفهمها غير المجنون
الجن هو نقصان أقواس
سنة ستة تسعين لقيت أمير طالب عائد من حرب الجنوب واقف في قاعة الفسيولوجي والطلبة يستعدون لمحاضرة، قال ليهم بصوت عالي: أنا ربكم الأعلى جاء واحد من الطلبة قال لي: أمير مانع بروف عوض الكريم يدرس المحاضرة جيت وقفت برّة القاعة ومن غير ما أتكلم جاني طالع ومشى معي صامتا للكافتريا قلت ليهو : الليلة بتمشي لشيخ الفاتح قريب الله بشمبات؟ قال لي: إتّا يعني ما ماشي معاي؟ قلت ليهو بمشي، لكن ما بقبل يدو
Post: #36 Title: Re: اكتشفت سبب انتحار روبن وليامز Author: أبوبكر عباس Date: 08-09-2017, 09:42 AM Parent: #35
مشينا الليلة، كل الحضور قبّل يد الشيخ ما عدا أنا، لمان سلمت عليهو قعدني جمبو، مع الصبح ونحن راجعين وفِي نص ميدان شمبات أمير سألني: الشيخ ليه قعدك جمبو؟ قلت ليهو بسخرية: نظام تجنيد وكدا سبّ لي دين وقال لي: عارفك جاهل سطحي عاطل القلب، وواصل اللفت نظرك في الليلة دي شنو؟ قلت ليهو ما في شيء ما عادي غير كشفكم قال لي بعد سبّ دين تاني: يكشف حالك يا جاهل، يا بليد، ما شفتّ ليك ولا ملاك؟ بشوف القلب يا أهبل الشيخ قعدك جنبو خائف عليك من زعل واحد من الملائكة
Post: #37 Title: Re: اكتشفت سبب انتحار روبن وليامز Author: حيدر حسن ميرغني Date: 08-09-2017, 11:05 AM Parent: #36
كل الحضور قبّل يد الشيخ ما عدا أنا والله يابكور انا عملت زيَك ) شالوا اقلامهم عشان الشيح (سر الفتوح) يباركها ليهم. بعد مرقنا .. من شدة الغيظ من النقاش (ليه ما قعدت على ركبي وقبَلت يده ) .. جدعت قلمي فوووو بعد كسرتو . الغريبة كلهم سقطوا إلا انا - جد والله .. - الواحد ماكان عارف نفسو مستنير من زماااااان
Post: #38 Title: Re: اكتشفت سبب انتحار روبن وليامز Author: حيدر حسن ميرغني Date: 08-09-2017, 11:07 AM Parent: #37
تراكا انت ما ساهل ،،،كمان خريج جامعة الخرطوم في العهد الذهبي
مع الشهيد القرشي،،، عندما كانت الجامعة تقف صفا واحدا مع اكسفورد
والسوربون وهارفارد،،
بس نصيحتي ليك ابعد من الشيوخ ديل،،ما يغطسوا حجرك ونيران حلقات
الذكر والقران تجهرك،،،
مع وافر الاحترام والتقدير،،،
Post: #40 Title: Re: اكتشفت سبب انتحار روبن وليامز Author: muntasir Date: 08-11-2017, 06:58 AM Parent: #39
سلام إمتثال دفعة الشهيد القرشي بكون عمنا قباني أبوبكر بكون دفعة علي عثمان والله أعلم
Post: #41 Title: Re: اكتشفت سبب انتحار روبن وليامز Author: يحي قباني Date: 08-11-2017, 07:06 AM Parent: #40
Quote: سلام إمتثال دفعة الشهيد القرشي بكون عمنا قباني أبوبكر بكون دفعة علي عثمان والله أعلم
انا قريت غردون التذكارية ...
منتصر ...
ركز في النقطة البيضاء ...
Post: #42 Title: Re: اكتشفت سبب انتحار روبن وليامز Author: عبدالحفيظ ابوسن Date: 08-11-2017, 07:15 AM Parent: #40
تحياتي بكري وضيوفه البوست دة قريتو واعدت قرايتو ما فهمت حاجة قلت قبل امرق احي الملك القامة التي تنزلت لمستوي فهمنا اقصد الملك ممكن واحد يغششني
Post: #43 Title: Re: اكتشفت سبب انتحار روبن وليامز Author: أبوبكر عباس Date: 08-11-2017, 07:33 AM Parent: #42
دي اسمها الكتابة بالتواصل
ما عندك receptors ليها، تكون مسطح تتفرج وتتحسس مسدسك
Post: #44 Title: Re: اكتشفت سبب انتحار روبن وليامز Author: عبدالحفيظ ابوسن Date: 08-11-2017, 08:09 AM Parent: #43
اتخارجنا
Post: #45 Title: Re: اكتشفت سبب انتحار روبن وليامز Author: محمد على طه الملك Date: 08-11-2017, 11:11 AM Parent: #44
واتا يا بكور فاكر ود ابوسن ما داخل بحقو ؟ عفوا يا أبوسن أنا لو ما قدرت تبقى استنارتي فرقها شنو من المستنير.. مر عليّ في بوست من بوستاتك كلام عن عزاء لأسرة عطا الله .. ياخي الذاكرة بقت خربة .. كان ما أخاف الكضب واحد من أولادهم كان جاري لصق في حي المغتربين بحرى قبال أمرق من البلد. حياك الله.
Post: #46 Title: Re: اكتشفت سبب انتحار روبن وليامز Author: عبدالحفيظ ابوسن Date: 08-11-2017, 11:42 AM Parent: #45
بكون حيدر محمد عطا الله .. توفي قبل سنتين . خريج اقتصاد الخرطوم 78 وشغال في وزارة التجارة زمان للملك دة بكري بقا يدغمس الحاجات سنارة بس
Post: #47 Title: Re: اكتشفت سبب انتحار روبن وليامز Author: محمد على طه الملك Date: 08-11-2017, 12:04 PM Parent: #46
بالضبط ياهو ذاتو لا حول ولا قوة إلا بالله .. أخو الأستاذ عمر عبد العاطي متزوج من شقيقته .. برضو عندنا واحد من قرابينا متزوج منهم .. خبر مؤسف رحمه الله وأسكنه فسيح جناته .. لما مرقت 1999 اولادو كانو أصغر من أولادي .. التعازي لأسرته.
أقاييب: سياسة الموسيقى وموسيقى السياسة عند الهدندوة، 1986 عبد الله علي إبراهيم (هذا مشروع ورقة لم تكتب. آمل أن تحمس باحثاً شاباً علقاً بالإثنوغرافيا لالتقاط خيطها واستكمالها بعمل ميداني. وأن تحفز هدندوي "جيبه كبير" لتمويله). تصف الورقة الظروف السياسية التي جعلت اتحاد أبناء الهدندوة (هدوت) يتخذ "وتر" (معزوفة على الزمبارة) أقاييب شعاراً موسيقياً له خلال نشاطه السياسي الانتخابي في عام 1986. فتصف الورقة استخدام هدوت السياسي للوتر في حشد الهدندوة وتأليبهم لانتخاب مرشحيه للجمعية التأسيسية. وتصف الورقة اعتراضات خصومهم على تسيس الوتر. وهي اعتراضات نظروا فيها إلى الأعراف الإثنية المرعية في استخدام ذلك الوتر. كما تذكر الورقة الوجوه التي رد بها هدوت على تلك الاعتراضات. خرج قطاع مرموق من شعب الهدندوة على مؤتمر البجا بعد انتفاضة ابريل 1985 ليؤسس هدوت، منظمة اتحاد أبناء الهدندوة. وقاد هذا الخروج الهدندوي بيت النظارة من آل ترك، وكادر الاتحاد الاشتراكي المنحل من أبناء الهدندوة. ولمعرفة أسباب هذا الخروج الهدندوي وجب الوقوف على نوع الأداء السياسي لمؤتمر البجا منذ قيامه في 1958. وهو الأداء الذي انطبع بصدام شعوب البجا فيه، وتحالفات جماعة الختمية الغالبة بين البجا وثقلها فيه، وفي سياق جماعة الأنصار المنافسة للختمية لاسترداد ولاء البجا التاريخي لها خلال الثورة المهدية. فقد انحل مؤتمر البجا كغيره من المنظمات السياسية بعد انقلاب مايو 1969. وكانت نزاعات شعوب البجا فيه قد سبقت إلى إضعافه. وتجددت هذه النزاعات بين هذه الشعوب في أطر الحكم الإقليمي واللامركزي التي ابتدعها نظام الرئيس النميري. وكان الختمية، المستترة والغالبة، في تقدير كثير من قادة العمل المايوي السابقين بين الهدندوة، تستعين بغير الهدندوة من البجا على الهدندوة. وحين اتيحت حرية التنظيم والتعبير بعد الانتفاضة خرج الهدندوة باتحادهم، هدوت، ضيقاً بالختمية وببقية البجا في ملابسات تستحق مزيد درس. ووقع اختيار هدوت على وتر أقاييب رمزاً له. وهو وتر يرسم بدقة متناهية الحدود بين الإثنية الهدندوية وما عداها. وللوتر وقع لاهب ساخن على الهدندوي ينساق له سوقاً. ويبرج على إيقاعه في حلقة العرضة وعروض السيف. وقد وقع هدوت على الوتر ك"سلام وطني" للهدندوة في مدينة كسلا في ملابسات لم أقف عليها بعد في تحرياتي. الأصل في هدوت أنه وتر خاص بفرع الشبوديناب من الهدندوة. وينسب تأليفه إلى فارسهم حسين محمدين، الذي ربما عاش خلال العهد التركي 1821-1885، الذي تعزى بعزف الوتر وهو يرى البشاريين البجا يسوقون إبله. وتحمس قومه بالوتر، وفزعوا لاستراد منهوباتهم. وكان هذا الأصل الشبودينابي حجة اتخذها خصوم هدوت من الهدندوة الختمية (وفيهم نفر من الشبوديناب) لشكوى هدوت للحكومة لاستخدام رمز مخصوص لفرع من القبيلة في ما لم يخصص له. وقد بلغ معارضو هدوت بشكواهم أجهزة الأمن في سنكات وبورتسودان التي اضطربت بين الإذن لهدوت بعزف أقاييب، أو حظره، أو تقييد استخدامه بضوابط. يعترف هدوت في مرافعته بأصل أقاييب بين الشبوديناب إلا أنهم يزعمون أنهم ليسوا أول من عممه على الهدندوة. فيقولون إن الشيخ موسى إبراهيم، ناظر الهدندوة في حوالي العقد السادس من القرن التاسع عشر، وظف الوتر في صراعه ضد الأتراك والبجا الآخرين. وقيل إن الأمير عثمان دقنة استخدمه أيضاً ليلهب حماس الهدندوة الأنصار وغيرهم في ساحات الوغى ضد الإنجليز والأتراك. ومهما كان صدق هذه الإشارات الباكرة في توظيف الوتر لعموم الهدندوة إلا أن الوتر، في واقع الحال، له وقعه الخطر على الهدندوة قاطبة. نعلق على هذا البحث أملاً في دراسة الإشارات التي تواترت من شرق السودان عن دور الموسيقى في رسم الحدود الإثنية وتبويبها. فقد ورد أن شعب الحمران يعدون من الخصوم من عزف وتراً مخصوصاً لهم وجبت رشوته للكف عن العزف به، أو الحرب. ويأمل البحث أن ينتقل من واقع الدراسة المخصوصة إلى أفق نظري حول الهوية والرموز الثقافية حسب رأي معاصر يقول إن الهوية ليست ثبتاُ معلوماً من الرموز المشتركة. بل هي الطريقة المميزة التي تناور بها الجماعة برمز ثقافي للتدقيق في رسم حدودها الإثنية، ولدفع صورتها الحسنة ومصالحها عندها قدماً. وهذا بعض ما فعله هدوت بوتر اقاييب في ملابسات انتخابات 1986. (وفر لي برنامج أبحاث البحر الأحمر التضامني بين جامعة الخرطوم وجامعة بيرقن عملي الميداني بين الهدندوة في عام 1988. له الشكر المتأخر)
Post: #50 Title: Re: اكتشفت سبب انتحار روبن وليامز Author: أبوبكر عباس Date: 08-14-2017, 09:14 AM Parent: #49
لقيتك يا منّا، متدين وشايفك راهنت على مقابلة الله في الآخرة!! المهم ما علينا، يا أخي، الكفار ديل كلما ما أمشي ليهم في بوست بهناك؛ يطلعوا مسدس وزير الاعلام بتاع هتلر داك ويدوني طلقة في نافوخي، ويقولوا لي: جلب بكافٍ بدل الجيم تلقى روحك زي جلب أجرب تحت سرير، جنبك كديسة والدا، تعاين تقلى واحد من جيرواتا برضع، تشوف الدود رفض يحلل أفكارك، تجي نملة من أقصى المدينة تدردق الأفكار وتمرق من الخرم الأحدثو المسدس في نافوخك
Post: #51 Title: Re: اكتشفت سبب انتحار روبن وليامز Author: muntasir Date: 08-14-2017, 09:30 AM Parent: #50
سلام يا بك الكيزان ديل شكلهم الترابي طلع ليهم تعميم قال ليهم عوسوا عواستكم القصة دي حدها هنا لأن عمايل الكيزان دي ما عمايل ناس خايفين من الله ولا حساب يسرقوا سرقة من لا يخشى لقاء ربه 😀
Post: #52 Title: Re: اكتشفت سبب انتحار روبن وليامز Author: أبوبكر عباس Date: 08-14-2017, 09:39 AM Parent: #51
عليك الله، يا منّا، حركات الشفع دي خليها حساب ومقابلة ونار دا كلام جديم بتاع أطفال ساكت هو اصلو لو برسل وداير يحاسب ويتشتش، كان رسل ليهو زي عشرين رسول للصينيين ديل
الكلام العندنا دا خيال يهود ساكت قبة الصخرة والهيكل والبراق والمبكى يهود خياليين ساكت أرض ميعاد وفومها وبقلها وعدسها هو العدي دا موش برضو بقوليات؟
يا أخي، عليكم الله، خلونا كدا ولّ مدا
Post: #53 Title: Re: اكتشفت سبب انتحار روبن وليامز Author: أبوبكر عباس Date: 08-14-2017, 09:40 AM Parent: #52
