Post: #2 Title: Re: هباني استمع لهذه الأغنية قبال أمسحا الصبح Author: محمد محمد قاضي Date: 08-04-2017, 05:36 PM Parent: #1
محمد المرتضي حامد
الله يرضي عليك
Post: #3 Title: Re: هباني استمع لهذه الأغنية قبال أمسحا الصبح Author: Osman Musa Date: 08-04-2017, 06:03 PM Parent: #2
لا حولا يا استاذ محمد اكيد الفنانة دي عملت للأغنية دي مية بروفة . الصوت إبداع وعازف الفلوت مبالغة . و المسرح قمة الجمال .
Post: #4 Title: Re: هباني استمع لهذه الأغنية قبال أمسحا الصبح Author: محمد أبوالعزائم أبوالريش Date: 08-04-2017, 06:57 PM Parent: #3
ماسحا ليه يا مرتضى. يعني لو دخلنا بعد هباني ما كنا حنسمع؟
_______________
يا عثمان موسى، الآلة دي ما فلوت .... ده ساكسفون بس ما معوّج (سوبرانو ساكسفون)
Post: #8 Title: Re: هباني استمع لهذه الأغنية قبال أمسحا الصبح Author: Osman Musa Date: 08-05-2017, 06:49 AM Parent: #4
عزيز نا محمد أبوالريش سلامات وبارك الله فيك ياخ عان جاي يا اخوي . اخوك زول ضهاري ساكت . زي واحد سمع بي كلمة ( الكاونتر بوينت ) سمع بيها في المنبر ده قام بعد ما سمع بي سعر الطوب من صاحب كمينة الطوب . قالو . يازول ( الكاونتر بوينت ) التقد نعالك . تحياتي
Post: #11 Title: Re: هباني استمع لهذه الأغنية قبال أمسحا الصبح Author: محمد المرتضى حامد Date: 08-05-2017, 02:02 PM Parent: #8
عثمان، عاين، لامن محمد أبوالريش يتكلم عن الساكسفون ما تسكسك معاهو لأنو محمد لايتحدث من منازلهم فهو يجيد العزف على عدد من الآلات الموسيقيه و كل (عِدة الجمكسين) ومن ضمنها الساكسفون حبيب ألبي، محمد وشقيقه الأصغر السني بتاعين ساكس لايقلون في أدائهم عن الشفوت ناس فوستو بابيتي والشاب ناداف هبر والعجوز غيتاشو ميكورا بطل البارتون ساكس الجضَّم عزه في هواك زي ما كتبوها. لكن أنا المسغربني زول زيك يلفت نظرو المسرح وينسى فستان فكرياديس كيف؟ القماش دا يا عسمان زمان كان بنات العاصمه الماجدات، جيل كتائب مايو ، بيفصِّلن زيو فستان (ماكس) للسهرات والقماش إسمو الخرطوم بالليل ، قبل ما تبقى الخرطوم بالدكوه. لازم يكون (ماكس) وبدون أكمام لإظهار آثار التطعيم ضد الكوليرا والمتسولين، وفستان زي دا لامن يصادف (القوام اللادن والحشا المبروم ) طوالي الصباح تفتح الرادي وتسمع مارشات عسكريه وبيان رقم واحد ولامن يفشل كلنا نمشي الدِروه. نقطه.. كاونتر بوينت جديد.
Post: #5 Title: Re: هباني استمع لهذه الأغنية قبال أمسحا الصبح Author: محمد المرتضى حامد Date: 08-04-2017, 09:21 PM Parent: #2
آمين ياخ..
الله يرضى علينا كلنا يا القاضي..
مرات في حاجات بتتعبك لامن تخليها في ايدك براك
زي الجمره ..
والتلجه..
أما ماضي الحبايب داك إلا تمشي بيهو البحر..
ههه
Post: #6 Title: Re: هباني استمع لهذه الأغنية قبال أمسحا الصبح Author: هشام هباني Date: 08-05-2017, 02:20 AM Parent: #5
اخضر العقل والقلب واللسان حبيبنا( المتحوبش) مولانا ود المرتضي صاحب البيان.. كلنا مثلك مسكونون ب( بشير يوسي) مذ كنا اطفالا بين خالاتنا وعماتنا وهن مسكونات ب( الظار) بل لازالت موسيقانا لاطعم لها بلا صولات الاحباش وكذلك اكتافنا وصدورنا لاتطرب في الرقص من غير هزات الاحباش...وكذلك ساستنا لايحسنون معارضتهم الخارجية الا حينما يتجهون شرقا نحو الهضاب النجاشية الخضراء وهم يتمنون الا تسقط سيئة الذكر حتى لاتسقط قلوبهم وتسقط الحياة وكذلك اتجه اليها جدنا المك نمر ولم يعد حتى اليوم لانه قد وجد الحياة و( فتح) للسودان والاعداء ...وقبله خرج اول لاجئين باسم الاسلام من مكة الجافة صيفا وشتاء وربيعا ولم يعودوا اليها لانهم وجدوا فيها كتابيا حلو المعشر و(ركلسوا هناك ) .....تشكر يا جميل على الهدية الجميلة و( الفيك انعرفت) ايها النجاشي الجديد هههههههه
Post: #7 Title: Re: هباني استمع لهذه الأغنية قبال أمسحا الصبح Author: أحمد طراوه Date: 08-05-2017, 03:16 AM Parent: #6
وهكذا تنال اجر إخراج صحبك هشام هباني من وعثاء حالة الركود و الجذر الضارب حركة الجماهير و المعارضة ، الي رحاب الكون دا كلو ..
الي رحاب الاسترالوبيتكاس لوسي ( ام الناس ) بتاعت وادي هور الإثيوبي ...
أخد فينا الأجر يا أبوالعزايم ، جيب لينا حاجة بالساكسفون ( الالطو - عوج الدرب ) ماركة جورج بنسون
Post: #9 Title: Re: هباني استمع لهذه الأغنية قبال أمسحا الصبح Author: abas Date: 08-05-2017, 09:11 AM Parent: #7
غايتو ما عارفه بتقول في شنو
لكن مقعده قعيد جد
Post: #10 Title: Re: هباني استمع لهذه الأغنية قبال أمسحا الصبح Author: محمد المرتضى حامد Date: 08-05-2017, 11:27 AM Parent: #9
(والمسرح قمة الجمال)
زمان يا عثمان عندهم مكان إسمه كارمارا ، الكارامارا دا بيشتغل بين 6 مساء إلى 11 ليلا، مشيد على نمط تقليدي من القصب ويشبه المسرح الفي الفيديو أعلاه وفيهو بنابر وكنبات في شكل نصف دائره وتقدم على مسرحه عروض موسيقاهم ورقصهم الشعبي ويقدمون فيه الزغني والأنجيرا والزلزل والتبسي والقهوه. في إحدى زياراتي فاجأتنا مغنية حسناء بأغنية الراحله بيزونيش بيكيلي Hizib Le Hizib (الناس بالناس) وهي أغنية صافحت آذاننا منذ الصبا في سبعينيات القرن المنصرم حين غناها الرائع عبدالله دينق في فرقة جاز المدرعات لامن كان في السودان جاز ومدرعات، عبدالله دينق يترجمها على أنها أغنية (المانسونا) وكان عازفا ماهرا للساكس ويقدم صولات على أيقاع التمتم المُسكِر لكافة شعوب القرن الأفريقي وبلاد كوش ومن أزرى بهم الدهر في غفلة من التاريخ، أعادتني تلك الفتاة الجميلة إلى أيام بنكهة حلومر قيد العواسه في عصريات ما قبل رمضان ونحن بين الأهل لاشايلين هم لا عارفين بكرا الجايينا.. بكيت...
Post: #12 Title: Re: هباني استمع لهذه الأغنية قبال أمسحا الصبح Author: محمد أبوالعزائم أبوالريش Date: 08-05-2017, 07:09 PM Parent: #10
طبعاً الساكسفون البتعرفو الأوركسترا بتاعتنا (بما فيها العسكرية) هما الآلطو والتينور.
دي نماذج للساكسفونات المعروفة:
https://www.0zz0.com
أسمع الساكسفونات دي بتعمل في شنو:
Post: #13 Title: Re: هباني استمع لهذه الأغنية قبال أمسحا الصبح Author: محمد المرتضى حامد Date: 08-06-2017, 08:31 AM Parent: #6
أهلا بالناظر هباني، الذين تقدموا بطلبات اللجوء السياسي إلى النجاشي (سِمعت تِحت تِحت إنه سوداني)* ما كان عندهم خيار غير (يركلسوا) هناك، وعاد منهم إلى جزيرة العرب بعض القادة لنصرة الدعوه، لكنهم لم يكونوا وحدهم فكثير ممن أنعشهم دعاش الهضبه (كسروا ركبه) هناك يمنيين وطليان وتجار من أمدرمان ولي أصهار تزوجوا من هناك وكانوا ناس قيافه واتلموا على ناس قيافه فتلاقت قمم يا مرحى. بالله ياعمده ما تجرجرني في الإندياح ، انا نزلت أغنيه لفكرياديس نيقيتيب لاغير .
-
* باقي السالفه يكملها ليك حبيبنا د. أحمد طراوه فهو مهتم ب علم الفايلوجيناتكس والأنساب وحايطلِّع لينا ساره نورو بت عم شيقوق لَزَم.
Post: #14 Title: Re: هباني استمع لهذه الأغنية قبال أمسحا الصبح Author: ياسر السر Date: 08-06-2017, 12:58 PM Parent: #13
يا مولانا دي بمسحوها ؟؟؟؟ مبااالغه والله .. عليك الله يا مولانا زيدنا من دلك شوية ..
تحياتي : ياسر العيلفون ....
Post: #15 Title: Re: هباني استمع لهذه الأغنية قبال أمسحا الصبح Author: محمد المرتضى حامد Date: 08-06-2017, 10:35 PM Parent: #14
(وهكذا تنال اجر إخراج صحبك هشام هباني من وعثاء حالة الركود و الجذر الضارب حركة الجماهير و المعارضة ، الي رحاب الكون دا كلو .. )
الناظر من يوم عرفتو ياهو حالو، زي سيدني بواتييه في دور جون كين بفيلم ( الأخ جون) ..يغتس سنين ويرجع في الوقت الحاسم.. وأحد الأقارب يحتضر.. في بوست سابق قلنا ليهو الباقي ما كتير..تعال، وأهو شغال معانا كده لثلاثة عقود وتزيد.. بس الكويس يا طراوه مسارو عندي .. الله يديهو العافيه وانت معاهو يا أحمد
أبوالعزايم، شوف (عزه في هواك) عند قيتاشو كيف.. هو والدموع جيران..
Post: #16 Title: Re: هباني استمع لهذه الأغنية قبال أمسحا الصبح Author: محمد المرتضى حامد Date: 08-07-2017, 11:34 AM Parent: #15
(غايتو ما عارفه بتقول في شنو لكن مقعده قعيد جد)
مثلك يا عباس، علاقتي بلغة الأمهره (أعني المكتوبه والمنطوقه) كعلاقتي باللغه السنسكريتيه، أو كعلاقة حكامنا بقضايانا وهمومنا، لكن بقية لغاتهم أفهمها جيدا، جيدا جدا، سيما في المساءات مع الرذاذ ، وتحديدا الشهقة الشهيره المحفزه على الإستمراريه في الكلام.. تلك الشهقه قصيرة الموجه المحظوره دوليا ..
Post: #17 Title: Re: هباني استمع لهذه الأغنية قبال أمسحا الصبح Author: abas Date: 08-08-2017, 07:15 AM Parent: #16
وتحديدا الشهقة الشهيره المحفزه على الإستمراريه في الكلام.. تلك الشهقه قصيرة الموجه المحظوره دوليا ..
وحات نظري انا قايلها شهيق اول مره
Post: #18 Title: Re: هباني استمع لهذه الأغنية قبال أمسحا الصبح Author: محمد المرتضى حامد Date: 08-10-2017, 12:14 PM Parent: #14
ما بتتمسح يا ياسر .. الصباح لا يمحوه صباح مثله ، لو لقيت وكت شوف الحاجات المريحه اللي اشتغلوها ناس Nadav Haber و الشاب Yared Teferra ، عجيبين
Post: #19 Title: Re: هباني استمع لهذه الأغنية قبال أمسحا الصبح Author: محمد المرتضى حامد Date: 08-10-2017, 12:22 PM Parent: #14
ما بتتمسح يا ياسر .. الصباح لا يمحوه صباح مثله ، لو لقيت وكت شوف الحاجات المريحه اللي اشتغلوها ناس Nadav Haber و الشاب Yared Teferra ، عجيبين
Post: #20 Title: Re: هباني استمع لهذه الأغنية قبال أمسحا الصبح Author: محمد المرتضى حامد Date: 08-10-2017, 12:24 PM Parent: #14
ما بتتمسح يا ياسر .. الصباح لا يمحوه صباح مثله ، لو لقيت وكت شوف الحاجات المريحه اللي اشتغلوها ناس Nadav Haber و الشاب Yared Teferra ، عجيبين
