Post: #1
Title: حكاية كريمة بت الصول....هههههههه
Author: هشام المجمر
Date: 07-26-2017, 10:40 AM
Parent: #0
09:40 AM July, 26 2017 سودانيز اون لاين
هشام المجمر-QaTar, Doha
مكتبتى
رابط مختصر كريمة بت الصول
في تلك الناحية القصية من مدينة عطبرة عاشت و برزت كريمة بت الصول.
سميت ببنت الصول نسبة لابيها الذى كان صولا شهيرا فيى المدينة العمالية الصغيرة وكانت كريمة ابنته الوحيدة ...اسماها تيمنا بمنطقته واعتزازا بها......
كان يدلل كريمة كثيرا على عكس شهرته كعسكري صعب المراس......
شبت كريمة و استوت صبية ذات جسد انثوي بارع و شعر طويل يحاكي الليل......لها لون قمحي مشرب بحمرة عجيبة.....
قالت لي ضاحكة: اكثر ما يجذب الرجل في المراة جسدها.....
عندما قابلتها كانت على مشارف الخمسينات....لكنها ما تزال تحتفظ بذلك الجسد الباني الفارع....ولا حتة لحم زائدة وكانها لا تاكل...في تلك السن يعد هذا معجزة بكل المقاييس....
كريمة كانت من نساء عطبرة المعروفات فقد كانت جريئة فكهة تمشي في الاسواق وترد علي من يشاغلها من التجار الرجال بصوت عالي و بسخرية لطيفة فيضحك كل من بالسوق ...
لكن لم يكن هذا فقط سبب شهرتها ....السبب الذى دعاني اسعي لمقابلتها انها في تلك السن كان قد تزوجت نحو طاشر رجل و طلقتهم جميعا....
قلت لها : لماذا تطلقين الرجال
فقالت: وانت دايرني انتظرهم لما يموتو ؟
قلت مبتسما: من الطاشر ديل ما حبيتي ليك واحد يقنعك بالبقاء معه؟
سكت برهة و كانها تفتش عن شئ ولا تعثر عليه ثم قال: ابو الوليد يمكن شوية
طيب يا كريمة ليه بتعرسيهم لو كنت ما بتحبيهم.....قلت انا..
ردت علي ضاحكة ...لبعض الوقت هم مسلون .....لكن لما يقدموا بيصيرو مملين يكررون نفس الكلام و تظهر عاداتهم الرديئة...وانا جني و جن الملل ما بطيقو....ضحكت و اخذت تحكي فلان داك كان كده و الاخر تركته بعد شهر العسل لذلك السبب
اسباب مدهشة و مقنعة لكني لم ولن انشرها لكي لا اغضب اصدقائي من الرجال.....
تركتني كريمة و هي تقول ضاحكة انا حسه خاطبني اتنين .....هههههههههههه ...مش قلت ليك الجسد هو كلمة السر...
|
Post: #2
Title: Re: حكاية كريمة بت الصول....هههههههه
Author: Khalid Elsayed
Date: 07-26-2017, 10:58 AM
Parent: #1
كريمة هي احدي الانماط الشخصية الموجودة في المجتمع السوداني .. كشخصية بت الريس في رواية موسم الهجرة للشمال
وانت كانت بت مجذوب تختلف عنها في الإباحية المطلقة التي تتحدث بها وشربها للخمر والسجاير .
|
Post: #3
Title: Re: حكاية كريمة بت الصول....هههههههه
Author: هشام المجمر
Date: 07-26-2017, 11:06 AM
Parent: #2
كلامك صاح يا خالد لكن كريمة كانت غير بت مجذوب فقد كانت مشهورة بتهذيبها الشديد رغم سخريتها
من اشيائها العجيبة ان امهات البنات كانو يبعثون ببناتهم لها قبل الزواج لتعلمهم اصول شغلة الزواج وكن يقضين الليالي الطوال يتدخن معها و يتسامرن
|
Post: #4
Title: Re: حكاية كريمة بت الصول....هههههههه
Author: هشام المجمر
Date: 07-27-2017, 06:02 AM
Parent: #3
لم يتطرق احد للحياة الخاصة بنساء بلادي و دورهن المحوري و الشديد الاهمية فى حياة الناس جعل مشاعرهن و حياتهن الخاصة بل و احلامهن تتوارى خلف خضم الكم الهائل من المسئوليات الملقية على عاتقهن..خاصة هذه الايام....
|
Post: #5
Title: Re: حكاية كريمة بت الصول....هههههههه
Author: مني عمسيب
Date: 07-27-2017, 02:53 PM
Parent: #4
التحية لكم .. ود المجمر .. وود السيد .
البوست دا يعتبر سيد البوستات قولوا لي ليه ؟
لانه بوست كامل الدسم بخصائصه المتعددة .
ولي كم رأي يجب ان اوضحهم بهذا الخصوص :
اولآ من ميزات المرأة السودانية وبذات في العلاقة
الزوجية هي السعي وراء الاستقرار . عكس الكتير
من نساء العالم !! لو مسكنا نساء يعبدن تعدد ازيجات
هي المرأة الصومالية !!! لم اكن اتوقع في هذا العالم
الملئ بتعدد الاجناس والجنسيات من الجنسين .......
وبالمليارات ان اجد اكتر نساء العالم تعدد للزيجات
هي المرأة الصومالية التي نافست حب التعدد عند
الرجال !! حقيقة لم نعرفه هل اكتشاف حقائق !!!!
متاخرة كما ذكرت بطلة البوست ( كريمة بت الصول )
ولا ملل وقرفة زوجية بتصيب هولاء الصوماليات
الغلبن التحليل والمنطق !!! والكلام البقول فيه دا كلام
من موقع الواقع الحاصل اسه وانا بكتب ليكم وجاراتي
الصوماليات جميعهن متزوجين فوق للخمسة رجال
ومن غير زيادة كلام كلهن البالغ عددن الخمستاشر
جارة حولي !!! حتي فيهم متزوجات من هولندين ...
وجنسيات آخري احتمال يكونن للتغيير غالبآ لكن
لو فرضنا للتغير هل يعقل ما لقن في الرجال الاجانب
ضالتن ؟ لما اصل مرحلة اتزوج خواجة دي مرحلة
بعيدة كل البعد للبحث عن استقرار فقدت فيه الامل
والعشم لدرجة من بني جنسي لدرجة لجآت لي خواجة
ههههههههه ولكن بعد الخواجة البكون الرابع بتكون
طلقته رجعت لي ابناء جنسيتها !!
الطريف : هههههه
جارتي صومالية اتزوجت هولندي طبعآ الهولندين صادقين
في اي شئ قامت اقنعته اسلم عشان تتزوجه طبعآ هم ...
ناس ساهلين جدآ وممكن ببساطة يسلموا اها لما اسلم ..
واتزوجوا وباركنا ليهم بعد فترة بسيطة طلقتو سالتها
قلت ليها الزول دا طيب ومطيع وما بتلقي تاني زيو مالك
طلقتيهو قال لي : ويشهد الله علي ما اقول :
قالت لي كرهني بصحني كل يوم للصبح حاضر وحذرتو
طبعآ هم جادين ما زينا بذات في التزماتهم في اي شئ
لو مسكتهم الدرب ما بفكوهو ههههههه اها لما بقي اصحيها
ويحسها علي اوقات الصلاة طيرت معاهو مشكلة ههههههه
وطلبت الطلاق طلقها للأسف واتزوج زولة تانية .
فعلآ هي غلطت كونها تتزوج هولندي لانهم الهولندين لو دخلوا
الاسلام من الجنسين رجل ولا امرأة تشيل شيلتك وتبقي في
النجاض دا والتطبيق الممل دا .. صلاة في مواعيدها وتطبيق
بالدقة والدقيقة اها الصومالية ما فاضية حدها حجابها البلكضب
دا والباقي تاماهو علي كيفها ههههههه .
ولي عودة لباقي القصص المثير ههههههههههه.
مشكور يا مجمر بوست في السلك .
|
Post: #6
Title: Re: حكاية كريمة بت الصول....هههههههه
Author: هشام المجمر
Date: 07-31-2017, 09:02 AM
Quote:
الطريف : هههههه
جارتي صومالية اتزوجت هولندي طبعآ الهولندين صادقين
في اي شئ قامت اقنعته اسلم عشان تتزوجه طبعآ هم ...
ناس ساهلين جدآ وممكن ببساطة يسلموا اها لما اسلم ..
واتزوجوا وباركنا ليهم بعد فترة بسيطة طلقتو سالتها
قلت ليها الزول دا طيب ومطيع وما بتلقي تاني زيو مالك
طلقتيهو قال لي : ويشهد الله علي ما اقول :
قالت لي كرهني بصحني كل يوم للصبح حاضر وحذرتو
طبعآ هم جادين ما زينا بذات في التزماتهم في اي شئ
لو مسكتهم الدرب ما بفكوهو ههههههه اها لما بقي اصحيها
ويحسها علي اوقات الصلاة طيرت معاهو مشكلة ههههههه
وطلبت الطلاق طلقها للأسف واتزوج زولة تانية .
فعلآ هي غلطت كونها تتزوج هولندي لانهم الهولندين لو دخلوا
الاسلام من الجنسين رجل ولا امرأة تشيل شيلتك وتبقي في
النجاض دا والتطبيق الممل دا .. صلاة في مواعيدها وتطبيق
بالدقة والدقيقة اها الصومالية ما فاضية حدها حجابها البلكضب
دا والباقي تاماهو علي كيفها ههههههه .
ولي عودة لباقي القصص المثير ههههههههههه.
مشكور يا مجمر بوست في السلك .
|
شكرا يا منى و آسف على التاخير فى الرد نسبة لظروف وفاة اخينا المناضل صلاح جادات
|
|