إلى حين ميسرة

06:30 AM July, 25 2017 سودانيز اون لاين
محمد عبد الله الحسين-
مكتبتى
رابط مختصر
لماذا بعض المتداخلين: متلقّين حِجج و يميلون للاستحقار و الترصّد ، التنمّر..إنها عُقَد ليس إلا:‏
أقول هؤلاء بعض المتداخلين...‏و لا انسى لايقوين (من لايوق) ويكة او سلسيون أو ملاح ورق....
و ديل يسلموا‏(الويكة و السلسيون و ملاح الورق)
ارجو المعذرة للأوصاف و المعذرة لمن لا تنطبق عليهم تلك الأوصاف.....
....و لكن لأنها كترت كترة شينة و الموضوع ماشة زايدة...
يعني فاكرينها فلاحة و الا رجالة و الا ذكاء..بس ده ما محله

روّقوا دمكم ....أقول هؤلاء بعض المتداخلين...‏
و في المقابل هناك البعض يدخل لكي يصطاد الأخطاء ..يعني متربصين...و متصيدين للأخطاء..‏
و هناك أناس لو اختلفت معاهم يكيدوا لك كيدا و يخرجون أقبح ما في دواخلهم...الله لا يوريكم..‏
و هناك أناس يصرون على أن يبلّعوك كلامك ..و أن يختلفوا معاك ..‏

و هناك أناس يصرون على أن يبلّعوك كلامك ..و أن يختلفوا معاك ..‏
‏...و طبعا ده ممكن و مسموح ..
و لكن ليس بإصرار ..حتى بعد ما يتبيّن لهم أن تلك هي وجهة نظرك و مقتنع بها..‏مهما كانت فهي تمثلك و يجب احترامها و كما يحترمك
لكن لأ..بدلا من ذلك
‏.يتداخلون في لياقة (لايوووقة) بتاعة زول متلقي حجج و فاضي و يمستعد يرابط ساعات و أيام لكي
يجعلك تتراجع عن وجهة نظرك ...دي الرجالة يعني؟
‏

طبعا المتوقع في مثل هذه الحالة أن يقوم المتداخل بعرض وجهة نظره بكل ذوق و احترام ...‏
‏.... و إذا وجد أن الموضوع فيه اختلاف بيّن يتوقف عن التداخل (و أن لا يصِر) أو (يتلايق)‏
يعني المفروض بعد ما يوضح وجهة نظره ثم يتراجع و ينسحب..‏
و يمكنه بدلا من ذلك أن يفتح موضوع يتضمن وجهة نظره في بوست تاني جديد...‏
‏.... فأرض الله واسعة...ده شنو ده اللياقة دي؟

يعني المفروض بعد ما يوضح وجهة نظره ثم يتراجع و ينسحب..‏
و يمكنه بدلا من ذلك أن يفتح موضوع يتضمن وجهة نظره في بوست تاني جديد...‏
‏.... فأرض الله واسعة...ده شنو ده اللياقة دي؟
‏ ياخ يا انت البوست ده ما بتاعك انت..افتح بوست حقك و قول العابيز تقولوا ...‏
و هناك أناس آخرون..يحبون التريقة و استحقار الآخرين و التقليل من شأنهم...‏
و ديل كلهم بينطلقوا من عقدة نقص و عُقَد و من موقع ضعف و ليس من موضع قوة
كما يظنون...‏

لا أقصد شخص بحديثي هذا بعينه
و لكنها مجموعة من الملاحظات العامة

لذلك بعض الأعضاء يؤثرون السلامة
‏ و يختارون موضوعات خفيفة ‏
و ناعمة ‏
و غير مثيرة للخلاف و الجدل المفضي للزعل ..‏

لذلك بعض الأعضاء يؤثرون السلامة
‏ و يختارون موضوعات خفيفة ‏
و ناعمة ‏
و غير مثيرة للخلاف و الجدل..‏
لأنه في ناس متلقّين حِجج
و فاضيين و ما عندهم شغل
و مستعدين يقعدوا ليك أيام و ليالي ‏
و يتحدوك كمان أكان وقفت من الرد عليهم ..
..ده شنو ياخ؟‏
في بجاحة و قوة عين اكثر من كده؟

بعض المتداخلين: متلقّي حِجج وبهم جلافة و استحقار و تكرارو ترصّد ، تنمّر...كلها عُقَد ليس إلا:‏

أقول هؤلاء بعض المتداخلين...‏
و لا انسى لايقوين (من لايوق) ويكة او سلسيون أو ملاح ورق....و ديل يسلموا‏
ارجو المعذرة للأوصاف و المعذرة لمن لا تنطبق عليهم تلك الأوصاف

روّقوا دمكم ....أقول هؤلاء بعض المتداخلين...‏
و في المقابل هناك البعض يدخل لكي يصطاد الأخطاء ..يعني متربصين...و متصيدين للأخطاء..‏
و هناك أناس لو اختلفت معاهم يكيدوا لك كيدا و يخرجون أقبح ما في دواخلهم...الله لا يوريكم..‏
و هناك أناس يصرون على أن يبلّعوك كلامك ..و أن يختلفوا معاك ..‏
‏...و طبعا ده ممكن و مسموح و لكن ليس بإصرار حتى بعد ما ينبيّن لهم أن تلك وجهة نظرك و مقتنع بها..‏
‏.فيتداخلون في لياقة لايوقة و يرابطوا ساعات و أيام لكي يجعلوك تتراجع عن وجهة نظرك
‏
طبعا المتوقع في مثل هذه الحالة أن يقوم المتداخل بعرض وجهة نظره بكل ذوق و احترام ...‏
‏.... و إذا وجد أن الموضوع فيه اختلاف بيّن يتوقف عن التداخل (و أن لا يصِر) أو (يتلايق)‏
يعني المفروض بعد ما يوضح وجهة نظره ثم يتراجع و ينسحب..‏
و يمكنه بدلا من ذلك أن يفتح موضوع يتضمن وجهة نظره في بوست تاني جديد...‏
‏.... فأرض الله واسعة...ده شنو ده اللياقة دي؟
‏ ياخ يا انت البوست ده ما بتاعك انت..افتح بوست حقك و قول العابيز تقولوا ...‏
و هناك أناس آخرون..يحبون التريقة و استحقار الآخرين و التقليل من شأنهم...‏
و ديل كلهم بينطلقوا من عقدة نقص و من موقع ضعف و يحملون عُقَد و ليس من موضع قوة كما يظنون...‏
لا أقصد شخص بعينه و لكنها مجموعة من الملاحظات العامة

لذلك بعض الأعضاء يؤثرون السلامة
‏ و يختارون موضوعات خفيفة ‏
و ناعمة ‏
و غير مثيرة للخلاف و الجدل..‏
لأنه في ناس متلقّين حِجج و فاضيين و ما عندهم شغل و مستعدين يقيموا معاك أيام و ليالي ‏
و يتحدوك كمان أكان وقفت من الرد عليهم ..ده شنو ياخ؟‏
في بجاحة و قوة عين اكثر من كده؟

اقول ديل هؤلاء هم بعض المتداخلين....‏
و ليس الكل
لأنه هناك أعضاء.. ما شاء الله ‏
‏....قمة في الذوق الفهم و الكياسة ‏
ناس يريدون أن يفيدون أو يستفيدون..‏
هناك أناس ظريفين... يريدون كتابة أشياء جميلة و مفيدة ‏
‏....أو حتى التسلية و قضاء أوقات فراغ بشكل جميل باستخدام عبارات محببة..‏
و خفيفة على المعدة

يا ساتر!
دي زعلة شديدة يا محمد :)

صدقت وأوفيت

الشكر للأخ محمد المهدي بشرى و للأخ الصادق عزالدين
في الحقيقة ما كتبت ليس رد فعل لشيء حدث لي شخصيا ..
و لكنها قراءة عامة في المنبر ..
...و هي في رأي سبب مباشر في تحقيق المنبر لمراميه .. و هي كما أظن:
التعارف و التقارب و التآلف و عرض مختلف الآراء و الأفكار و الاستفادة من بعضنا البعض...و تقوية و توجيه علاقتنا الاجتماعية لحل مشاكلنا..
يتم كل ذلك في أن يعرض كل وجهة نظره ليس كشيء حتمي أو نهائي أو حاسم.. و لكن كشيء قابل لأن يكون كذلك أو عكس ذلك..
و إلا يكون الشخص يود فرض رؤيته و كأنها لا يأتيها الباطل من يديه أو من خلفه..
طبعا ليس كل الأعضاء سواسية او متساوون أو مكملون ...و الكمال لله..
....فلكلٍ سقطاته و كبواته و سؤاته و انكساراته و نقاط ضعفه و نقاط قوته و عُقَدِه...
لكن يجب أن يكون هناك الحد الأدنى من احترام و قبول الآخر...
يجب في البداية و النهاية أن نحترم كل فكرة و رأي سياسي أو اجتماعي.

الاستاذ/ محمد عبدالله الحسن
والله كلامك صحيح بتزكر زمان لم الواحد لو اختلف في رأي يطلعوهو ص ع ل و ك ساي ومرات مرات لو اختلف مع واحد من معارضي النظام يطلعوهو كوز وجك وحتما اختلاف الرأي مرات سمح ومرات الواحد بعملا يخالف الجماعه كبرنامجياخ لو الواحد كتب بوست نسي حرف في كلمهيطلع امي وينادو ناس اللغه العربيه
يحليل الزمن الجميل
الواحد ماكان مشغول متل الزمن ده فبجي داخل عشان يناكف ده ويغيظ داك
بوست جميل ..
وانا حقيقي لي زمن من المنبرسلام

سلام اخوي محمد وضيوفه الاكارم

كلام صحيح مليون في المية

هناك بعض من ينصبون انفسهم اولياء على اراء الاخرين
وللاسف كثير منهم يدعون للديمقراطية وهم ابعد الناس عنها..

تخريمة: مرة كتبت رأيي في مسألة معينة...واحد من هؤلاء وللاسف يحمل درجة علمية عالية قال لي (انت عبيط؟)..
هههههههههه

مع ودي

مرحب الأخ سامي عتباني
و الأخ ياسر منصور
فعلا زي ما ذكرتم فهي ظاهرة ليس منتشرة فقط بل متنامية..
نتمنى أن تقل هذه الظاهرة
لكما الود و الاحترام و التقدير

نقلت المداخلة للأسفل لتعديل خطأ في كود الإقتباس

Quote: و هناك أناس يصرون على أن يبلّعوك كلامك ..و أن يختلفوا معاك ..‏ ‏...و طبعا ده ممكن و مسموح .. و لكن ليس بإصرار

يعني إنت عايزهم يصروا بدون إصرار؟

Quote: و هناك أناس يصرون على أن يبلّعوك كلامك ..و أن يختلفوا معاك ..‏ ‏...و طبعا ده ممكن و مسموح .. و لكن ليس بإصرار ..حتى بعد ما يتبيّن لهم أن تلك هي وجهة نظرك و مقتنع بها..‏مهما كانت فهي تمثلك و يجب احترامها و كما يحترمك لكن لأ..بدلا من ذلك ‏.يتداخلون في لياقة (لايوووقة) بتاعة زول متلقي حجج و فاضي و يمستعد يرابط ساعات و أيام لكي يجعلك تتراجع عن وجهة نظرك ...دي الرجالة يعني؟

يا محمد عبد الله الحسين هذا منبر للحوار الحر.
أنت تطرح وجه نظرك مهما كانت و من حق الآخرين الإختلاف معها و رفد البوست بالمداخلات التي تدعم وجه نظرهم و تدحض فكرتك.
و كما أنك ترى أن لك الحق في طرح ما تشاء من أفكار و وجهات نظر فللآخرين الحق في طرح وجهات نظرهم المضادة بالطريقة و الأسلوب الذي يروق لهم طالما أبتعدوا عن السباب و الإساءات الشخصية.

وصف إصرار محاوريك على مقارعتك الحجة و دحض حجتك باللياقة و وصفهم بأنهم لواييق و متلقي حجج و فاضين و عاطلين ما هو إلا ضيق منك بالرأي الآخر المخالف لرأيك.

ما قدرت أفهم علاقة الرجالة بالموضوع شنو.. ؟

مداخلة مكررة

محمد عبد الله الحسين

صدقت في كل ما قلته..

ولكني اؤكد لك ان معظم اعضاء المنبر العام ممتازين جدا في كل ما يطرحونه وفي كل تعليقاتهم ومداخلاتهم

ما عدا خمسة اعضاء فقط ينطبق عليهم كل ما قلته هنا... واطباعاتي عن هؤلاء الخمسة جاءت فقط من ملاحظة

ردودهم وتعليقاتهم المثيرة للشفقة والازدراء والترصد على غيرهم من الأعضاء ،، وانا لم الدغ منهم بعد سوى واحد فقط ألجمني واثار دهشتي من اول

بوست كتبته بعد أن اصبحت عضوة كاملة العضوية, واساسا كنت في بر الامان اكتب من منازلهم واقرأ من منازلهم ولكن بعد

طلب من زملاء افاضل ان اكتب بصورة رسمية طلبت العضوية ، ولم اندم حتى الآن،،،

واؤكد لك ايضا ان كلامك هذا بالفعل ينطبق فقط على هؤلاء الخمسة ، إلا انه يمكن القول انه وبسبب افعال القلة لا يمكن وصف هذا الموقع الأسفيري

الرائع باي شئ سلبي بل نؤكد على انه صوت من لا صوت له ومكان نتنفس من داخله نسائم المعرفة والصداقة والود والعشرة الجميلة وواحة نتكئ عليها عندما

تتكاثر علينا هموم الدنيا ومصائبها فنجد من يواسينا وينصحنا في غربتنا الداخلية والخارجية ،،

وآسفة للإطالة

مع وافر الاحترام والتقدير

غايتو جهجهتي افكارنا يا امتثال بالمغامرين الخمسة ديل, انا غايتو خمّنت اتنين و اظنهم هم
كدي ادينا hint طيب!

تحياتي صاحب المنشور الجميل،
ولو أن كل رأي هنا يصب في جدول الموضوع "تلقي الحجج"
لا أحد يستطيع أن يحدد أن المداخلة مشاركة أو تلقي حجج لأن هذا التقييم يعتمد على عناصر أساسية، مثلا:
1/ خلفية العضوين المنبرية (صاحب الرأي و صاحب الرأي الآخر).
2/ الترسبات القديمة بينهما.
------------
ليس من حق عضو أن يحكم على مداخلة العضو المعني بأنها تلقي حجة أم غير ذلك،
لأن ذلك أيضا يعتبر ..... تلقي حجج... شفت كيف؟!

ود البشرى
و
قصي

أي واحد فيكم يلبس الطاقية المفصلة على مقاسه ويتخارج

سلام اخونا محمد عبد الله
والله والله داير اخش البوست ده لكن حايف يعدونى فى التلاتة الباقين
ود البشرى ياخى ما تعمل فينا خير و تورينا الاتنين بتاعنّك ديل منو
عبد المنعم الطيّب سلام من اريزونا و كده

معقولة يا قصى يااخ

Quote: ليس من حق عضو أن يحكم على مداخلة العضو المعني بأنها تلقي حجة أم غير ذلك، لأن ذلك أيضا يعتبر ..... تلقي حجج... شفت كيف؟!

فى بوست اخونا صدّيق جيت بى لستة حكمت فيها على مجموعة من الزملاء
بأنهم من جهلاء المنبر و جايى بى جاى تحتج على على الحكم على مداخلة واحدة بتلقى الححج
او لايوقة ... اها جنس التناقض ده يقولو عليهو شنو !!!
___
يا د/ امبدة .. ود البشرى هيّن ,الكلام شيخ قصى ده

جلالدونا تحياتي،
ود البشرى ده عندو مقعد محجوز بهناك في قائمة جهلاء المنبر،
فقط تحت المراقبة لحين التأكد، وترتيبه،
والسبب خليه لوقته ، سبب لا يفند .
Ombadda شايفو بقى المتحدث باسم صاحب المنشور، محمد عبدالله الحسين.
ومن حقه أن ينداح بأريحية ...

بالنسبة للجهلاء أنا كاتب عبارة:

""بالنسبة ليك أو لغيرك ممكن يكونوا عباقرة ""
يعني تصنيف شخص، خاص بي كي أتعامل مع القائمة المعنية بطريقة معينة.
--
هنالك مقاعد محجوزة، ومطالبات مني لزيادتها لـ 25 كمرحلة أولية.
ففتــــــــــــــــــــــح عينك وقول يا لطيـــــــــــــــــــــــــــــف

يا دكتور امبدة الطاقية هنا واحدة ومفصلة مش فقط على مقاس حافظ بشير بل مطرّز فيها اسمه عديل كدا خخخخخخ

يا جلّي عبد المنعم واحد ودينق اتنين التلاتة الباقين غلبني و الله كان علي بصرف ليك انت وقباني و عبد الحفيظ لكن ما أظن

غايتو يا قصي عصرت علي عصرة شديدة خلاص بالنظر لباقي القائمة, بحق الملح و الملاح أطالب بفرز عيشتي و تعمل لي قائمة براي ! وإذا كان لابد فا ممكن تضيف لي فيها ناس حلوين انا بختارهم

الإخوة المتداخلين الكرام
ود البشرى
قصي
حافظ
امتثال
جلالدونا
شكرا
خففت بمداخلاتكم الظريفة من حدة النقاشات..
أنا ما كنت قاصد شخص محدد ..لكنها ملاحظات عامة..
الأخت امتثال حددت الجماعة بإنهم خمسة. مرات بيكونوا خمسة و مرات سبعة و ثمانية ..يعني في خمسة ثابتين و في اثنين ثلاثة متحركين..
الأخ حافظ حارد على تعليقك..بس عايز القفشات دي تاخد وقتها لأنها من الأشياء الظريفة و المحببة و خير من التجهم.

Quote: غايتو يا قصي عصرت علي عصرة شديدة خلاص بالنظر لباقي القائمة, بحق الملح و الملاح أطالب بفرز عيشتي و تعمل لي قائمة براي ! وإذا كان لابد فا ممكن تضيف لي فيها ناس حلوين انا بختارهم

ود البشرى إتلومت معانا ياخ،
قائمة قصي دي أنا أول واحد فيها ....... تعال حلّيها لينا إنت.
_______

بالنسبة لموضوع البوست، أقول لصاحب البوست: مرحباً بك في سودانيزأونلاين

الأخ حافظ

شكله زي طرف السوط لمسك..‏
‏(يا محمد عبد الله الحسين هذا منبر للحوار الحر‎.
أنت تطرح وجه نظرك مهما كانت و من حق الآخرين الإختلاف معها و ‏رفد البوست بالمداخلات التي تدعم وجه نظرهم و تدحض فكرتك‎.
و كما أنك ترى أن لك الحق في طرح ما تشاء من أفكار و وجهات نظر ‏فللآخرين الحق في طرح وجهات نظرهم المضادة بالطريقة و الأسلوب الذي ‏يروق لهم
طالما أبتعدوا عن السباب و الإساءات الشخصية)‏
‏------------------------------------------‏
انت هنا ما جبت جديد..ده كلامي ذاتو.‏‎.
أما تعليقي على قولك التالي:‏‎
‏(وصف إصرار محاوريك على مقارعتك الحجة و دحض حجتك باللياقة و ‏وصفهم بأنهم لواييق و متلقي حجج و فاضين و عاطلين ما هو إلا ضيق ‏منك بالرأي الآخر المخالف لرأيك)‏
‏----------------------------------------‏
فعلا في ناس مهمتهم ليس فقط طرح وجهة نظرهم و لكنهم ( يصرّوا) في ‏موضوع بتاع رأي شخصي حول (الصادق المهدي) أو تراجي أو عبدالله ‏علي ابراهيم أو د.حيدر ابراهيم...
هل هذه بتحتاج لأنك الرأي المعارض ‏يقعد تلاثة أو أربعة يوم و يدخل قوقل و يستشهد و و عشان يصر إنه ‏يغيّر رأيك؟ ده بتوصفوا بي شنو؟ إنت قول رأيك المعارض و خلاص ‏أطلع
و إذا الموضوع حارقك ما تصر إنك تغيّر للزول قناعاته.. لكن ‏ممكن تعمل ليك بوست تاني تقول فيه وجهة نظرك و إن شاء الله تقعد فيه ‏شهر... بعدين الموضوعات حول التفضيلات الشخصية
كالتاي ذكرتها ‏اعلاه ما بتحتاج للجهد ده كله..و إلا تكون بتشبه الجماعة البيجو داخلين ‏بي عكاكيزهم في خيمة الانصار أو الختمية في المولد..‏
نعم هناك موضوعات بتحتاج لإنك تقتبس و تجتهد و تصر على رأيك فيها ‏لأنه مواضيع بتتعلق بالأفكار و ليس الشخصيات..زي الانتماء العربي أو ‏الأفريقي و الهوية السودانية و ما إلى ذلك..‏‎.
أما كلامك( ما قدرت أفهم علاقة الرجالة بالموضوع شنو..)‏
‏---------------------------------------‏
بتوصف بي شنو الزول اللايوق المصر إنه يقيف ليك في حلقك و يصرف ‏زمن كتير في موضوع أصلا بيتعلق برأي حول شخص ..( يعني ما ‏موضوع اساسي و بغيّر التاريخ، أو
موضوع أخلاقي)و يبالغ في إصراره و ‏‏..و .. شغال في ده كم يوم فقط عشان يثبت إنه رأيه هو الصحيح..هل ‏ده احترام للراي الآخر؟
احترام الرأي الآخر إنك تعرض وجهة نظرك بكل احترام و أدب.. و بشكل ‏معقول و بعد داك تتخارج...لكن ترابط و إلّا تغيّر رأيه؟ ياخ ده رأيه و انت ‏قلت رأيك..
بعد ده إذا الموضوع بيهمك شديد أو حارقك شديد أو بتعتقد إنه ‏موضوع محوري بالنسبة ليك امشي افتح بوست حقك برااك .. و قول كل ‏الكلام العايز تقوله..‏

يا جماعة دى مصيبة شنو دى
قصى هرشنى و ودّو لصقنى فى لستة الخمسة
_____

Quote: يا جلّي عبد المنعم واحد ودينق اتنين التلاتة الباقين غلبني و الله كان علي بصرف ليك انت وقباني و عبد الحفيظ لكن ما أظن

يا ودّو ياخى لستتك دى تخلو من الجنس اللطيف ..
يعنى مافى احتمال و لو 0.5 % اللستة دى تشمل زميلة عشان نتخارج من الورطة دى
غايتو فى الشى الشايفو ,انت و قبانى جوّه الجك و احتمال كبير المستنير ..
اما انا و صاحبى ود اب سن بريئين براءة هملاج من دم يوسف
____
هههههههها

Quote: مرحباً بك في سودانيزأونلاين

يا دووووووبك

اظن

اول ما قريت البوست دا
حسيت انو مقصود بيهو بوست اللمين البشاري
عن اخونا محمد سليمان وتداعيات ذلك البوست
وما آل اليه

فشنو ...
كل من شارك في ذلك البوست يلبس من سكات

Quote: و احتمال كبير المستنير ..

معقول !! لا ياخ اي نعم عندو ثقالة كدا لكن ما أظن, المستنير حنين مع الجكس

يا ابو العزايم معليش ياخ فوّتها المرّة دي لستتكم صعبة النصيحة لله ما بتقعد معاها في محل واحد , اللستة الجاية ان شاء الله بجاملكم :)

يا علي بشير راجع بوست لمحمد عبدالله عن تسجيلات تراجي حتلقى طاقية حافظ المطرزّة

Quote: و هناك أناس آخرون..يحبون التريقة و استحقار الآخرين و التقليل من شأنهم...‏ و ديل كلهم بينطلقوا من عقدة نقص و عُقَد و من موقع ضعف و ليس من موضع قوة كما يظنون...‏

أهم عقد النقص:

1-عقدة "النقص الأكاديمي"
2-عقدة الإحساس بالدونية

وعلى رأسهم "النجم الصاعد الواعد"،

الذي آل إلى "رماد خامد"،

بفعل الخسائر الاسفيرية المتلاحقة هههههههههههه

وحيجيك طائر بعد شوية ويقول ليك "أنت قاصدني أنا" ههههههههههههههههه

Quote: يا دووووووبك

يا جلالدونا أقراني صاح ياخ،

عايز أقول ليهو ده حال المنبر.

هههههههههههههه

عجبتني حكاية الخمسة دي..

امتثال عليك رصي اللستة وريحي الناس ديل

البوست بدا يجيب اصحاب بقج القباين البقت زي السافوتة

لازم سيرتها تجي حتى لو الموضوع عن الطبيخ


ود الحسين سلامات

حافظ دا زول حبوب ياخي بس شكلك ما قاريهو صاح

Quote: يا جلالدونا أقراني صاح ياخ،عايز أقول ليهو ده حال المنبر.

قاريك صاح .. يعنى الا كتبا يادوب وقع ليك
يا هو حال المنبر و ما اظن يغباهو
____
حاتم يا هوارى السترة واجبة ياااخ .. كان اسمى بقى فى اللستة زى ما قال ودّو
هناى ما بريحنى

الغريبة يا جلّي ... وِدّو عدانا و نسى روحه ...

حكمة و الله و حكاية ...

ود الحسين ازيك ياخي ...

Quote: الأخ حافظ شكله زي طرف السوط لمسك..‏

قولوا واحد
واحد الله

أها تموا لينا باقي الأربعة


___________
يا حافظ قول لصاحب البوست :
((مشكلتك معاي شنو ؟!! ما الذي تمثله انت لتجربتي في الحياة ؟!!
يا زول انا بطني انضف منك انت ده من بره .. واسمع الكلام ده كويس ..
قرينا الجامعة مع بعض ولا انت اسمح مني
وانت منو ذاتك ؟!
يا زول اعرف انت بتخاطب منو واعرف حدودك كويس ..))
ولا تأخذنك به رأفة

احمد عمر جاطها جوطة جد
دا براه ودا براه الله يهديك ياخ!

أصلاً هي موية دميرة وعكارتها في السماء
ما فوكّا حاجة كان الواحد جاب ليه سنارة

كل إناء بما فيه ينضح
سلاما قولا من رب رحيم..‏نزولا على قول المولى عزّ و جل (و إذا خاطبهم الجاهلون قالوا سلاما) اقول سلاما من هذه النوعبية من الجاهلين.
‏الذين جمعوا قذارة الداخل و الخارج فلن تستطيع التفريق بينهما إلا أن تسد أنفك.
‏الأصناف التي ذكرتها ستظهر واحدا واحدا
اعوذ بالله من الشيطان الرجيم.
ما هذا المستوى!‏ لا أدب لا ذوق لا أخلاق؟
لغة تشبه من ينطق بها.‏
الإخوة المحترمين:
لم أقصد بالبوست شخص معين بل سلوك ..
و لكن ما ذنبي إذا أعلنوا عن نفسهم؟
اعتذر عن أي إساء يكتبها مسيء ‏و الاحترام للجميع
البذاءة و القباحة و الوقاحة ما تغلب زول لإارجوك احترام نفسك أولا لأني لم أذكرك و لا أشرت إليك.زفإذا انت متلقي حجج كما ذكرت أنا و فاضي و عواطلي..
روح سشوف اللي بيشبهوكززلأنه أنا ما شبهك..
و بعدين جامعة شنو و سماحة شنو؟؟
و الله هزُلت!

Quote: لغة تشبه من ينطق بها.‏ البذاءة و القباحة و الوقاحة ما تغلب زول روح سشوف اللي بيشبهوكززلأنه أنا ما شبهك.. و بعدين جامعة شنو و سماحة شنو؟؟ و الله هزُلت!

دة رد على الكلام البي الأحمر ؟
قول والله

هوووي يا أحمد عمر , شيل سنارتك ولاّ شبكتك أمش بيها ترع تانية ما تخرب علينا البوست الظريف دا
على الأقل لحد ما نعرف التلاتة الباقين

وحاة الحلف من لقيتو بتكلم في حافظ بشير عرفتو من النوع البجليها واقفة

_________
غايتو انت وحظك
شايل لي زوووووط في طرف الكيبورد أكان ظبطت بشيل لحافي وافرش عند ود الباهي هناك 3 يوم لحدي ما نرفع العزاء
وكان ما ظبطت بعمل فيها ما شفت البوست داك وأجي أتفشى بيجاي

عجبني ليك محمد أجمد عمر عشان تاني ما تتخابث

الشهادة لله صاحب البوست من أودع الناس في المنبر ودائماً يسعى للسلام بس إتمنى إنه تماسكه وميله للسلم يغلب على طبيعة الإنفعالات البتستوجبها المداخلات في المنبر
كل هنا يعبر عن نفسه فكن كما انت

عجبني ليك محمد أجمد عمر عشان تاني ما تتخابث

الشهادة لله صاحب البوست من أودع الناس في المنبر ودائماً يسعى للسلام بس إتمنى إنه تماسكه وميله للسلم يغلب على طبيعة الإنفعالات البتستوجبها المداخلات في المنبر
كل هنا يعبر عن نفسه فكن كما انت

يعجبك السمح يا عبد الصمد
أنا ذاتي ردو عجبني
بس كمان الناس تفرق .. هو رد على الكلام الكاتبو أنا ما رد علي في شخصي

ههههها
يعني يا محمد البشرى الاتنين ديل خلاص محسومين؟
تصدق يا ود البشرى كنت مش عاوز اتداخل خالص لكن قتا ما اخذلك
وفِي النهاية القصة بسيطة وزي ما قتا لو الناس اتقابلت يذوب الجليد الصناعي وتبقى الاصالة السودانية الاصيلة
انا غايتو رضيان من منطق اذا اتتك مذمتي من ناقص .......
.............
بعد كدة اي واحد ينزل لستتو،
وتكون كمان قابلة للتعديل اضافة وزيادات وكدة!!!!
بس الاشباح يمتنعون؛
او تلك اي كان اسمها!!!
.......
والله البورض دا فيها حاجات مضحكة كيف...
وفيها اشباح مغشوشة في نفسا كيف!!!
.......
وبالمرة مش عاوز رسايل داخلية من اي شبح!!!
......
ويديكم الصحة والعافية؛

Quote: الشهادة لله صاحب البوست من أودع الناس في المنبر ودائماً يسعى للسلام

أنا كنت مغشوش زيك كدة لدرجة فكرت اعتذر عن مخاشنتي معاهو في بوست لا زلنا في انتظار سائق التوك توك السوداني: لا زلنا في انتظار سائق التوك توك السوداني:
وكتبت الكلام دة في المنبر

Quote: اتذكرت محمد عبد الله الحسين الانشبكت فيه قبل كدة .. فكرت ارسل اعتذار لمحمد بالماسينجر عن خشونتي معاهو واللي قابلها بتهذيب وطولة بال الله يديني زيها

Re: بوست عبد الحفيظ أبو سن الهادئRe: بوست عبد الحفيظ أبو سن الهادئ

لكن فاجأني ليك بالكوت دة

Quote: لو تذكرون كنت قبل شهور أنني أتمنى لو يظهر عندنا سائق توك توك سوداني ..‏ ‏....فانبرى بعض مدعي الوطنية الكذَبة و المتنطعون الزائفون و المتلفعون بعباءت هي أكبر من مقاسهم و رافعي راياتها ‏الكاذبة من أصحاب الألسن القبيحة المخبر و الخبيثة المظهر و الجوهر.. على اعتبار أن ما ذكرت أن ذلك يقدح في ‏سودالنيتهم..‏

تسجيلات تراجي هل تكون مثل تسجيلات الخميني:أشد وقعاً و تأثيراً مما نظن و يظنون؟تسجيلات تراجي هل تكون مثل تسجيلات الخميني:أشد وقعاً و تأثيراً مما نظن و يظنون؟

عرفت تهذيبو داك كان مزيف ساي .. ما عارفو عشان كان معصور ولا عشان جديد :)

معليش يا أحمد محمد حقك علي ولله ويشهد الله انت ذاتك زولاً فيك كمية من السماح والسماحة ربنا يهدي الخواطر يا حبيب

الحاصل شنو ياجماعة ..
الناس دي كلها لابسه كدارت كدايسها كدايس خلا ليه ..
دي دفسيبة من أمها ..

غليتو والله أعلم يتخايل لي الباقي زول وااااحد بس .. ..
ياربي يكون ده منو ؟ ...

غايتو ده ما أنا ....

ــــــــــــــــــــــــــــــــــــــــــــــــــــــــــــــــــــــــــــــــــ

ياجلالدونا يأخ ده هيثم غالي مش الهواري ..
حقو الواحد يتم بيك اللستة عشان اللوري ده يتحرك . ..

حسب ظني نعم محسومين يا منعم, كن بالطبع الغنا سمح في خشم ستو! هي الممكن تحدّد إذا كانت قرايتي في محلّها ولاّ مجلّية

😁😁😁
هههها ياود البشرى
تسلم يا صديقي،

الحجج لمن تكون موضوعية ومرتبة ومقنعة ما بطالة
هسع شوف ود البشرى ده .. حجاج وحاج يوسف كمان
المشكلة انو بقنعك

Quote: غايتو انت وحظك شايل لي زوووووط في طرف الكيبورد أكان ظبطت بشيل لحافي وافرش عند ود الباهي هناك 3 يوم لحدي ما نرفع العزاء وكان ما ظبطت بعمل فيها ما شفت البوست داك وأجي أتفشى بيجاي

يازول جيب زوطك وتعال بي يجاي ساي ..
لسببين :
أولا : بوست ود الباهي الزوط ما ظنيت تتقسم ليك فيهو ..
ياخ انت درافين الهلال بشتنوك ..
جاري تقايض في كبار الترجي ..
ثانيا : أنت زول أساسي في اللستة ..
فاشنو ..
تعال بي ظوووووطك ساي .. ههههههههههه ...

تحياتي صاحب البوست وضيوفه
كسرة بالله انت يا قصي فاكر في المنبر ده جاهل ومنحط اكتر منك في
ولا فاكر انت الواحد ما متابع متهبب في شنو
في البوست البهناك شايفنك
والواحد متجاوزك بي مزاجو
عارف ليه لأنه على اليمين انا بالتحديد ما شايفك اصلا
من أعضاء المنبر ديل عضو
جاهل ولا غيرو
كل تصنيفي ليك ضمن كيمان الزبالة الموجودة هنا
وانت اصلا لو ما كرور وكوم زبالة
ومنحط ما تلبد وسط بوستات الأعضاء وتقعد تقطع
دي صفة كريهة وبتساهم في تخريب بوستات الآخرين
خليك زول شجاع وقود معاركك مع الآخرين بي طريقتك وفي بوستاتك
عامل ديقنك الزي فحل الغنم دي الله يقرفك ويقرف اللمانا فيك
بعدين عايز أسألك سوال
من رجعت المنبر ده يا قصي وين انا اتداخلت
معاك في مداخلة أو رديت على بوست
بخصك
مع انك بتتحشر وممكن أجيب ليك كم مداخلة بقطع وتهمز وتغمز
يعني الصفات الفي البوست ده كلها بت بتنطبق فيك
وما غيرك انا شايف كده
الرد ده اعتبروا في الحركات العملتها في بوست ود الباوقة ومحاولات قولك أبو روصة
اعتدى على أسرة ود الباوقة يعني متدين بتاع فتن
والدين منك براءة
وبرضه رد على البوست الذكرت فيه اسمي بدون ما أسألك
ورد على تلميحاتك الهنا قال أنا عملت شنو ياخ انت شنو اصلا تعمل ولا ما تعمل
والآن لو الواحد قبل عليك بتقوم بتملا المنبر كواريك
عايز اشتكي وعايز اتنيل
قوم لف لفتك داهية تجيب خبرك

سؤال اخير
انت يا قصي مطرود من كم موقع سوداني
وفي المنبر ده كم مرة موقوف وكم مرة تم تحديد مشاركاتك
واسباب الايقاف شنو بالله
ما تجي تدور مكنتك الما بتقسم عندنا ديك
مستهدفني وشنو ما عارف
ومع انك مارق كيت بالنسبة للتقيم الاداري فيما يخص تواجدك بالمواقع
برضه بتدي نفسك الحق في تقييم الأعضاء
أبدا بنفسك أولا
واقعد زيك وزي أي عضو هنا متواضع القدرات وكل رأسماله انه متطبلاتي
وفضينا من رأسك زي ما الواحد مفضيك
ولعلمك انا والله العظيم عندي المقدرة لو لقيتك ميت في المنبر ده
ما أقول للمعزين فيك ماجورين ولا البركة فيكم
فياخ شوف ليك شغلة تنفعك غير أبو روضة

هسي في ذمتك :
الرد الأول ده:

Quote: تحياتي صاحب البوست وضيوفه كسرة بالله انت يا قصي فاكر في المنبر ده جاهل ومنحط اكتر منك في ولا فاكر انت الواحد ما متابع متهبب في شنو في البوست البهناك شايفنك والواحد متجاوزك بي مزاجو عارف ليه لأنه على اليمين انا بالتحديد ما شايفك اصلا من أعضاء المنبر ديل عضو جاهل ولا غيرو كل تصنيفي ليك ضمن كيمان الزبالة الموجودة هنا وانت اصلا لو ما كرور وكوم زبالة ومنحط ما تلبد وسط بوستات الأعضاء وتقعد تقطع دي صفة كريهة وبتساهم في تخريب بوستات الآخرين خليك زول شجاع وقود معاركك مع الآخرين بي طريقتك وفي بوستاتك عامل ديقنك الزي فحل الغنم دي الله يقرفك ويقرف اللمانا فيك بعدين عايز أسألك سوال من رجعت المنبر ده يا قصي وين انا اتداخلت معاك في مداخلة أو رديت على بوست بخصك مع انك بتتحشر وممكن أجيب ليك كم مداخلة بقطع وتهمز وتغمز يعني الصفات الفي البوست ده كلها بت بتنطبق فيك وما غيرك انا شايف كده الرد ده اعتبروا في الحركات العملتها في بوست ود الباوقة ومحاولات قولك أبو روصة اعتدى على أسرة ود الباوقة يعني متدين بتاع فتن والدين منك براءة وبرضه رد على البوست الذكرت فيه اسمي بدون ما أسألك ورد على تلميحاتك الهنا قال أنا عملت شنو ياخ انت شنو اصلا تعمل ولا ما تعمل والآن لو الواحد قبل عليك بتقوم بتملا المنبر كواريك عايز اشتكي وعايز اتنيل قوم لف لفتك داهية تجيب خبرك

والرد التاني ده:

Quote: سؤال اخير انت يا قصي مطرود من كم موقع سوداني وفي المنبر ده كم مرة موقوف وكم مرة تم تحديد مشاركاتك واسباب الايقاف شنو بالله ما تجي تدور مكنتك الما بتقسم عندنا ديك مستهدفني وشنو ما عارف ومع انك مارق كيت بالنسبة للتقيم الاداري فيما يخص تواجدك بالمواقع برضه بتدي نفسك الحق في تقييم الأعضاء أبدا بنفسك أولا واقعد زيك وزي أي عضو هنا متواضع القدرات وكل رأسماله انه متطبلاتي وفضينا من رأسك زي ما الواحد مفضيك ولعلمك انا والله العظيم عندي المقدرة لو لقيتك ميت في المنبر ده ما أقول للمعزين فيك ماجورين ولا البركة فيكم فياخ شوف ليك شغلة تنفعك غير أبو روضة

هسي في داعي تكتب كلام قدر ده لزول ما عندك ليه قيمة ؟!
انت زول أهبل بس!
---
وما تتدخل في شؤون إدارات المنابر،
ولو قاصد المهلهة بتاعتكم أم شعب مشققة ومسوسة،
فليكن في علمك عندي فيها كم حساب،..
وزمااااااااااااااان تداخلت وطلعت،،، وحساباتي الثمانية كلها شغالة..
أجر كلم جماعتك يا .............

يمين بالله ما عندي ليك أي قيمة
لو اصلا انا عندي ليك قيمة
ليك شهرين بتنبح وبتطاعن وبتتعافن
شفت يوم انا رديت عليك
ياخ انا لو شايفك بتستحق بناديك وبكتب ليك بوست عديل
بوش الباب مش مطاعنات وتخريب بوستات
الأعضاء
انا فاهم كويس انك بتعمل في شنو
بتحاول تندمج في المنبر بعد رحلة من العزل والطرد من الكثير
من المواقع وحتى دي ما عارف ليها كيف
ممكن نقترح على إدارة المنبر تعمل قسم بتاع إعادة تأهيل
لعملية اندماج أكثر انسجاما ولباقة
يا قصي زي ما قلت ليك فضي أبو روضة من رأسك
وتواجد تواجد جيد في المنبر بدون مطاعنة وقطيعة
وخليك زول كلس حتى في خلاقاتك
أبو روضة ما شايفك انت ولا المعاك
وقع ليك
شي اخير اقوله ليك
لما تقطع ليك في بوست ولا تتعافن
ما تفتكر الناس ما شايفنك
لكن البليد الزيك كده
بقنطروه وبصبروا عليه
وبعد داك بودوه الكوشة
فتك بعافية
قلت لي ما أدخل في إدارة المنبر
سالناك من سبب اقيافاتك المتكررة لأنه الخمسة الذكرتهم ولا الان بتطاعن فيهم ما فيهم عضو مطرود منابر فتك بعافية

Quote: سالناك من سبب اقيافاتك المتكررة

عارف الأسباب ياجلـــفوط..

الحساب الأول :(قصي محمد عبدالله)
والثاني (عبدالواحد)
والثمانية البقية عند اللزوم..
ياجلفوط والله تتابعوني إلا أسجل فيها بـ 500 حساب
وأوزع هذه الحسابات ، وأديهم دروس عن طريقة الكتابة في المنتديات
وما أكثر القروبات المغلقة ، وتقعدوا تطاقشو مع بعض !
هي الإيملات بقروش ولا الأسماء بتكمل؟!
أجر يا ........ كلم جماعتك
-------

شنو يا جماعة الخير
سيد البوست يكوس و البوست متروس
كويس غنه الموضوع حرك الناس لمناقشة الموضوع.
لكن للاسف برضه نقل سوءات و سلبيات المواقع التاني للبوست..
بالله يا جماعة نحن بناقش موضوع جاد و ليس موضوع هزلي..
برضه يا جماعة صفوا خصوماتكم بعيد بعيد
نحن بنحاول نلفت الانتباه للسلبيات دون شخصنة و لكن أظن الداء مستعصي على العلاج..
أنا ليس لد\ي غبينة مع أحد فأرجو العنده غبينة مع زول يعتذر أو يصمت
أرجو من الأخ أبو روضة و الأخ قفصي الكف عن المناتلات ....مع احترامي لهما... فهذه المساحة ليس لتفية خصومات..


و لا أنسى أن أخص بالشكر الأخ عبدالصمد لأنه الوحيد الذي انصفني رغم كثرة المتداخلين..
مع احترامي لكم أجمعين

والله يا محمد عبد الله الحسين ..
قريت ليك ردود هنا لامن اندهشت ..
معقول يأخ ..
انفعالك على البعض كان غير مبرر ..
غايتو أنا حسيته انفعال مصطنع ..
ليه ؟ .. ما عارف والله ..
لكن ده الاحساس الجاني ..
ليك زمن بتفتح بوستات ..
تكاد تشارك فيها وحدك ..
( لا أقصد تبخيسا لكن ربما لبعد المواضيع عن اهتمام الناس هنا ..
وربما ده عيب مش فيك او في المواضيع .. بل في أغلب العضوية ..
التي تميل للمواضيع غير الجادة ..
لكن هذه هي الحياة الزول بيجي هنا ملان هموم عايز يفرّق )
فلمن يجوك الناس ويشاركوك بوستاتك ..
يبقى ليك صعب !! ..
هل فتح البوستات للعضوية صعب للدرجة دي ! ..
عشان تقول لي زول امش افتح ليك بوست حقك ..
حاول تضع للآخرين هامش يتحركوا فيهو ..
المهم تحملنا يأخ ..
كنوع من اريجية وطيب نفس وردود عهدناها فيك ..

ولاّ رايك شنو يأخ ؟ ..

اعترف إنه قرائي ليسوا كثيرين و ده لا يقلقني.
ممكن اكتب بوستات بتجيب الناس من كل حدب و صوب..و لكن بالنسبة لي ده ما هدفي.هدفي اكتب مواضيع مهمة و مفيدة ..
و حتى لوا كانت بوستاتي ما بتهم الناس ... العدد البيجي و يقرأ كفاية بالنسبة لي.
يعني ما زعلان اكان ما جوني و لا حأفرح لو كتروا علي..
أما بالنسبة لكلامك إنه قلت للعضو يمشي يفتح بوست .....حقوا لو قريت الكلام كويس ..لو قريته كويس ما أظن كنت حتحتج..
كلامي للمنوضوعات بتاعة التفضيلات الشخصية كما ذكرت..فلو الشخص عرض وجهة نظره المعارضة و انتهى تاني عايز يعمل شنو ؟ اللت و العجب و التكرار ليه؟
إذا كان وجهة نظر الشخص المعارض بتهموا جدا إنه يدافع عنها و يعرضها بعد ما عرضها في البوست الأصلي..خلاص كفاية ...يمشي يعرض وجهة نظره دي في بوست تاني..
و أنا حصل عملت كده.. يعني مش ضروري الزول المعارض يجيب عكاز و يعمل خيمة و يقعد في بوسشتي و إلا يخليني أغير وجهة نظري..
ياخ كل حاجة عندها حد.. ده بالنسبة لبوستات الرأي الشخصي .
في بوستات فيها طرح لأشياء علمية زي الهوية و زي هل نحن عرب أو افارقة ..دي ممكن تطول و يحصل فيها سجال..
بالنسبة للبوستات بتاعي أنا الواحد تدخل باحترام و يعلق ويرد بعدة مداخلات و بكل ادب و احترام...
....و إذا ما اقتنعت ما ضروري. ما اقتنعت في بوستيعندي أمشي أفتح بوست قول وجهة نظرك..
لكن أنا مثلا قلت رأي في تراجي..و ده رأي شخصي ما حاجة مهمة يعني إذا قلت أنا مؤيدها أو لا..لكن يجي واحد يستخدم كل لياقة و كمان عدم احترام لرأي كما قال و يصر في عدة مداخلات إنه يسأل و يسأل ثم في النهاية يقوول وجهة نظره؟؟ ده مش تضييع وقت؟
أنا ما عندي وقت للناس اللوايق..عشان كده بطرح المواضيع و بعلق فيها و يعلقوا لي فيها بشكل معقول و أنتهى الموضوع..
أما الزول الفاضي و متلقي الحجج ما عنده ليه مكانة و لا روح..
و بصراحة أنا ما محتاج لشعبية في بوستاتي...اكان دايره كنت بعملها ..لكن ما بضيع وقت الناس في هزل و مطاعنات و فكاهة و ونسة لا بتودي و لا بتجيبز.
مع خالص احترامي لشخصكم و للإخوة المتداخلين

من حسنات هذا البوست الماكنت متوقعها...إنه بقيت أعرف بعض خيوط العلاقات و الاتصالات الما كنت بقي لها بال..‏
و أنا دايما في كل محاوراتي بحاول استخدم أفضل العبارات و لا أحاول إحراج أحد.. و احترم الرأي و الرأي الآخر بكل اريحية ...
.........و أحيانا بمد ‏حبال الصبر لما ألقى الواحد بيستخدم لغة ذات اشارات متعددة و يستخدم عبارات تحتمل عدة معاني.
لكن لا أتسرع في ‏رد بضاعته الكادسدة له..إلا إذا تمادى ..لأنه اللداحة و اللؤم ما شكر لي زول..دي اسهل شيء..‏

بعدين في شللية واضحة في المنبر و دي عادية... لكن المشكلة في ال شللية الخفية المختبئة ..التي لا تكشف عن نفسها بشكل واضح...
......و لكنها من خلال المداخلات بتتضح الشللية الخفية و مؤازرة ‏الصديق...عند الضيق ...‏

عطفاً على تعليق الأخ ود القوز ..أجد نفسي أسائل نفسي هل كثرة المتداخلين ‏يعني أن الموضوع مهم؟ أو مفيد؟ في اعتقادي لا.‏
‏ الناس بتحب الموضوعات الخفيفة و الموضوعات المثيرة للانتباه و الجدل و ‏الموضوعات المتعلقة بالاغتيالات و الفضائح الموضوعات المتعلقة بالجنس و ‏الجرائم. و الموضوعات الفكاهية..
ده بشكل عام..‏
و في المقابل الموضوعات المتعلقة بالتحليلات السياسية و الموضوعات العلمية ‏و النقاشات الجادة هذه كلها لا تجد الإقبال إلا من مجموعة ضئيلة ..هذه ‏معروفة..‏
بالنسبة لي أنا شخصيا و ةدي فرصة أتكلم عن نفسي.. أنا لا أبحث عن الشهرة و ‏لا أن أكون نجم للمنبر
...لكن بحاول من خلال طرح ما اعتقد إنه مفيد ‏و لافت للنظر أن أبني علاقات جيدة و أكسب الناس و لكن ليس على حساب ‏حاجات أخرى أهمها الاحترام و التنازل عن
وجهة نظري في كوني عضو في ‏البوست..‏
و لا أذيع سرا أنني أحيسانا أحاول أن أرى ردفعل الأعضاء حول بعض الكتابات ‏الخاصة بي.. و هذا ليس عيب.. و اعترف إنها في كثير من الاحيان لا تجد شعبية ‏تذكر حتى مرات
أضطر لإعادة تكرار عرض الموضوع ب(فوق) أو ‏‎(up)‎‏..‏
‏ لقد اطلت الحديث و لكنها فرصة لكي أعيد تعريف و تقديم نفسي للناس..بكل ‏صدق و وصضوح فإذا لالم يعرفني الناس من خلال حركة نشاطي فيؤالمشاركات ‏فليعرفني البعض
من خلال الحديث عن نفسي إن كان يهم البعض..‏
اخيرا لكم الشكر جميعا و الاحترام

Quote: من حسنات هذا البوست الماكنت متوقعها...إنه بقيت أعرف بعض خيوط العلاقات و الاتصالات الما كنت بقي لها بال..‏

لذلك قصة متلقي الحجج صعبة معرفتها، كما ذكرت في مداخلة لي هنا سابقا أنها تعتمد على معرفة التاريخ والترسبات.


---------
منشور رووووووووووعة.

الأخ جمال ود القوز

شكرا على كلماتك التي تحمل فيها بعض العتاب عليّ.. و قد يكون جزء كبير من كلامك ‏صحيح.‏
و الملام يحمل معاني الزمالة و الأخوة ....‏
فلك و للاخوة الذين اختلفت أو اختلفوا معي و للذين اتفقوا معي ,و للذين وصفتهم ب..متلقي الحجج و و و خالص الود و الاحترام.‏ و على رأسهم:
حافظ و أحمد عمر و قصي و أبو روضة و ود البشرى... و بما فيهم الخمسة
و لكم العتبى حتى ترضوا
و اكان ما رضيتوا حقكم عليّ.

يا زوول!! يعني كنت مدخلني من ضمن متلقي الحجج وانا ما جايب خبر!
كان كدا ح اضطر اعيد مداخلاتي على ضوء التطورات الجديدة
عشان كدا بقول دايما الآكشن النضيف مفروض يكون واضح وبالاسماء ويا فلان و يا علان
اسي شوف الوقت الضيعناه بسبب نظام اياك اعني وكدا 😁

عجبني ليك يا ود البشرى

قال طاقية حافظ المطرزة قال


___________

حتماً سأعود للبوست في الوقت المستقطع من بند العطالة و عدم الشغلة

حافظ ده شكله بتاع فتن هههههه
يا ود البشرى بالله ما تكبر الموضوع
احترامي للجميع بدون فرز
خلاص؟؟
ده شنو نصلحها بي جاي تتقدّ بي جاي؟

يا محمد مافي شي ولا تكبير موضوع ولا حاجة انت براك شايف البورد ممل كيف ومافي آكشن كدي يقولوا عليه.
فا البوست دا بقى لينا موضوع و الجو ظريف وودي زي ما شايف بس اللهم إلّا الحدة بين قصي و ابو روضة وان شاء الله نجتهد في باقي البوست دا نلعّنهم ابليس و نخفف الإحتقان
فا شنو انت كان قضيت غردك من البوست ممكن تتفضّل وتترتاح احنا ان شاء الله بنتولاه ونرعاه على الأقل لغاية مانعرف باقي لستة الخمسة الكرام :)

يا حافظ طاقيتك ما في طريقة زوغة منها البس بس مبروك عليك تقطعها بعرق العافية إن شا الله

ههههههه ..

في كل مرة تحصل لي مشكلة في المنبر بكون في عدو أساسي .. ثم يكون هناك محمد عمر يرمرم في الكرته ويجيب الكوره :)

كن بخير يا محمد عمر ..
في يوم من الايام ح اختلف معاك كشحصية اساسية .. كيب ذا قوود وورك

يا ود البشرى مافي حاجة مجانا يا تشتري يا تدفع خلو؟؟
محمد عمر .....شايل سنارتو راح بيها وين؟
في دميرة في محل تاني؟؟
حافظ لبس طاقيتو و سكت..
و لسه برضه الخمسة ما اتعرفوا

اللهم ارحم أخينا صلاح جادات و أسكنه فسيح جناتك مع النبيين و الصديقين و الشهداء و و الصالحين

اللهم ارحمه و أغفر له و تقبله قبولا حسنا
و أحسن الله عزاءنا و عزاءكم
و إنا لله و إنا إليه راجعون

يخنى هسى يا ودّو زعلان عشان حسبوك مع ناس متلقى الححج
الحكاية دى ما ظاااااهرة زى رقبة الجمل
... لو خليت ليهو المداخلة دى كده حيجينى طتعكلت و يقول لى جيب دليلك ..
اها هسى عكلتك فى موضوع الخمسة دى بى ايديك و كرعيك و خشمك و غيونك و نخريك
داير غيرو دليل

Quote: ياجلالدونا يأخ ده هيثم غالي مش الهواري .. حقو الواحد يتم بيك اللستة عشان اللوري ده يتحرك . ..

تعرف يا جمال .. مع انو هيثم هوارى و حاتم غالى ديل لذيذين و خفيفين على القلب
الا انو لخبتة اساميهم دى يظهر ح تبقى لى عقدة
عشان كده ارجو انو الحتة دى ما تحكوها معاى شديد
اما بالنسبة للستة و التى يتصدرها دينق و عبد المنعم
فأننى اعلن و بكل تأكيد خلو اللستة من اسماء
قبانى و ود اب سن .. و هنك شواهد شبه مؤكدة بورود كل من
ودّو و المستنير كتالت و رابع
اما الخامس ده ما انا

Quote: في كل مرة تحصل لي مشكلة في المنبر

ديني أنا
كل مرة عديل كدة !
وحاة الطلاق أنا غير البوست بتاع المؤهلات ما متذكر لي مشكلة معاك
موضوع السوريين كانت مداخلة واحدة من 3 أسطر في آخر البوست وما فيها أي شكلة شلتها انت من دون باقي المداخلات وفتحت بيها بوست حدادي مدادي للرد عليها
في بوست ابوبكر برضو مداخلة واحدة من 3 سطور وحاااااة الله - بي حليفتها - ما متذكرها شنو :) مداخلة زي عشرات المداخلات البكتبها يومياً هنا وبنساها بعد ساعتين برضو شلتها من دون باقي المداخلات وعملت فيها معلقات
يعني المشكلة فيك انت دة بتشوف اسمي نفسك بقوم يا ربي تكون (بطنك مليانة) !
بالنسبة للكوت بتاعك البي الأحمر دة عاجبني بالحيل وناوي افسحو شهرين تلاتة كدة في المنبر وأتمنى ألا يصيبك ذلك بالكدر عشان هو مفسح مفسح كان رضيت أكان حمبكت :)

دة كووووولو كوم ....
وانا الجاي زول ضحك وصيد في المياه العكرة ساي تطلعوني مع الخمسة ؟
يا شماتة جمال القوز فيني :)

وجهة نظر خاااصة جدا
مع احترامي للجميع
لكن في ناس بيجبروك على حبهم و احترامهم ..و ليس معنى ذلك أن الباقين ليس كذلك و لكن
هؤلاء لفتوا نظري بصفة ‏خاصة .. و القائمة قد تطول فيما بعد لأنه هسه ما متذكر إلا هؤلاء:‏
‏- احمد طراوة :لأنه مثابر في موضوع تنويري و مثابر عليه و ردوده مهذبة و في إطار خطه المرسوم
‏- عبدالحفيظ ابو سن: رجل عاقل..كتاباته هادئة (...بهدوء كما يقول) ملطِّف للأجواء ..و هذا المطلوب.‏
‏- الأخت امتثال لا:: تشعر ببراءة مع الذكاء و أدب و لطف في التعبير
‏- الأخ زهير عثمان: لاتحافنا بطيف واسع من الأخبار و لمثابرته في هذا الشأن( همسة: أحيانا بعض الموضوعات ‏ليست بذات الأهمية التي نتوقعها ..مجرد راي شخصي).‏
‏-الأخ عارف: لفت انتباهي مؤخرا بانبثاق فني كبير ..ببوست اعتبره مرآة لنا لنرى فيها سلبياتنا و سلوكنا غير ‏المنضبط..
و هو بوست إيجابي جدا و يقدم في قالب ناقد .. لا يُغضِب أحد.. أتمنى أن يستمر رغم إنه بيحتاج لمجهود ‏كبير..‏
‏-نور تاور: تداخلاتها منطقية في أغلب الأحيان و حكيمة و تلتزم بأدب الحوار.‏

و الشكر بعد الله أولا و أخيراً للشخص الذي لا نذكره و لكنه اتاح لنا أن نعرض أفكارنا و أن نتعرف على هذا العدد الهائل ‏من الأشخاص:
إنه صاحب الموقع بكري أبوبكر..له التحية..فهو رجل حِرَفي بمعنى الكلمة لا يتدخل بشكل مباشر ..و لا ‏يتدخل كثيرا و منضبط و يتسم بالصبر .‏

هذا غيض من فيض كما يقولون ‏

و لتسمحوا لي في أن أعرض وجهة نظري و تقييمي دون حساسيات و كل ذلك في سبيل تجويد الاداء و الممارسة..‏

Quote: دة كووووولو كوم .... وانا الجاي زول ضحك وصيد في المياه العكرة ساي تطلعوني مع الخمسة ؟ يا شماتة جمال القوز فيني :)

هههههه ..
وحاة الطلاق إتا جوه الجكـ ..
ولاّ أقولكـ إتـــا الجكـ ذاتو بي ذاتو ..
تقول لي جابك الدرب ساي .. ههه ..
أركز با أبوحميد يأخ ..
والجاتك في لستتكـ سامحتكـ ..
بعدين انت عندك كدارة كدايسها كدايس خلا سعرنات .. هههه ..
ما عجبني ود المشرف إنه يجي يصطاد في مويتك العكرة دي ..
صحي هو زعلان لكن كان يخليك بعدما عرف إنك ضمن اللستة ..
فرسنة ساي كان يأجل الشغلانة دي هسه ....

شماتة شنو يأخ وحاة طلاقك المحرّف ده ..
أنا آخر زول أشمت فيك وإتــــا عارف كده ..

ــــــــــــــــــــــــــــــــــــــــــــــــــــــــــــــــــــــــــــــــــ

المستنير حافظ بشير أنا بتوسط ليهو يمرقوهو من اللستة دي ..
لانه ليهو فترة غايب ..

محمد عبد الله الحسين سبّل ليكم البوست ده ..
لاكتمال عقد لوبي ضبط الجودة بالمنتدى .. ههههه ..
أحرف (بوستجي) مايلمكم في كوم واحد كده ..
بوست ظريف يشهد الله ..

ورحم الله أخونا صلاح جادات وجعل الجنة مثواه ..

ود القوز
كيفك يا بطل
إنت أقعد ‘تِّريق لما تلقى نفسك في اللستة في التوب..هههههه
ناس محمد عمر و باقي الجاعة خلاص مصيره اتعرف....هههه
تحياتي لكم جميعا
و قول لي صاحبك بتاع الموية العكرة خلاص يا صاحبي صافية لبن....

Quote: ود القوز كيفك يا بطل إنت أقعد ‘تِّريق لما تلقى نفسك في اللستة في التوب..هههههه ناس محمد عمر و باقي الجاعة خلاص مصيره اتعرف....هههه تحياتي لكم جميعا و قول لي صاحبك بتاع الموية العكرة خلاص يا صاحبي صافية لبن....

مرحبتين يا دكتور ..
لستة شنو يأخ أخوك زول مسيكين ساي ..
أي حتة فيها لعب خشن وكبيع أنا بتفرح من بره ..
زمن الكورة من أشوف اللعب بقى ماياهو ..
بملّص كداراتي وبقعد في الكنبة.. ههههه ..

أبو حميد صاحبي ده أظرف زول رغم عكلته ..
فوالله يستاهل تُمنة حقت لبن صافي ..
لكنه في ضبط الجودة فارس لايُشق له كوز موية عكرانة .. ههههه ..

زول حافظ عدد مداخلاتو في بوستات مشاكلو معاى ده ما زول متلقي حجج ..

...
عديت ماخلاتك هنا في هذا البوست الكان من الممكن ما افتحو اصلا ولا اسمع بيها ذاتها ؟!
بالرد بتاعك على المداخلة دي بكونن 3
كيب ذا قوود وورك و
كن بخير ..

شايف زي في سوء فهم لموضوع قائمة الخمسة!
القائمة دي خاصة بأختنا إمتثال وليست حصرية على هذا البوست فقد وردت الإشارة في غير مكان
اخونا محمد عبدالله ورغم اصراره على انه ينتقد سلوكيات لا اشخاص لكن لم استطع منع نفسي من التفكير في اسماء معينة ووقع في روعي انه يعنيها ولا يصل العدد للخمسة ياهو حافظ بشير و في مرحلة متقدمة دخل أحمد عمر بشكل أقل

فا شنو .. ما تلخبتوا علينا الاختصاصات يا شباب وفرقوا لنا بين قائمة امتثال - و التي اعتقد انها تضم بالإضافة لدينق و منعم قباني وجلالدونا وواحد تاني - من القوائم الأخرى

هو يا البشرى وحاة الله أنا جابني الدرب ساي :)

Quote: و قول لي صاحبك بتاع الموية العكرة خلاص يا صاحبي صافية لبن....

ها جنا إت ما نصيح ولا شنو!
على الحلال هسة أنا نسيت ذاتو الاختلاف في شنو إلا ارجع أقرأ تاني من جديد
إن هي إلا نقرات كيبورد نهون بها قسوة الواقع .. لو ما أدتنا ضحكة مفروض ما تدينا عداوة
وحاة الله ما عندي معاك أي مشكلة عشان نتصافى
بس عندي عفريت بنقّز جواي لما زول يشكر المصريين

Quote: زول حافظ عدد مداخلاتو في بوستات مشاكلو معاى ده ما زول متلقي حجج ..

يعني طلعت ياها (المشاكل) القاصدها انت ؟
الناس التانين - بما فيهم أنا - بكونوا قايلينها حوارات منبر وتبادل آراء ساي :)
لكن بمعيارك دة تعال فجّ ليك بكان جمبنا في قائمة الخمسة لأنه في بوست ابوبكر انت افتخرت بإنك حافظ مداخلاتي وعارفني بتداخل متين وبقول شنو


.

Quote: الغريبة يا جلّي ... وِدّو عدانا و نسى روحه ...

الغريبة يا قبانى قدر ما داير ازح من الحتة دى يجى ناطى يجيب سيرتنا
اها النديها ليهو اباطا و النجم1
/ دينق
2/ عبد المنعم الطيب
3/ المستنير
4/ ود البشرى5
/ اها دى الواحد الا يقرا ليها الصمدية و المعوذتين
عاجبك كده يا ود البشرى

قائمتك دي مكجركة يا جلي يأخ ..
فيها خيارين صاح .. وخيارين غلط ..
ودّو ده ياقول أب سن مافي القائمة دي .. في التانية ..
ماتلخبت القوائم ساي ..
بعدين انت غير منتمي لأي من القائمين .. حسب اعتقادي !
اللهم إلا يكونوا الجماعة ديل مكاورنك ساي ....

قائمة محمد عبد الله رماها بب فوق
كااااااملة :)
لكن فيها اتنين مقدمين طعون .. أنا والبشرى

قائمة امتثال فيها فيها دينق وعبد المنعم والمستنير
الناس تجتهد في الاتنين التانين
شايف في ناس اقترحت قباني .. لكن أنا أجزم إنه ما معاهم
امتثال وصاحباتها بريدو قباني شديد .. وقباني بِهبتُم لكن هبت على خفيف مغلف بحنية اعمامك الكبار وكدة :) بس كافية لإنها تمرقوا من الخمسة

وبالمناسبة القائمة دي ذاتا مكوجنة لأنه منعم والمستنير ما بتختو سواء .. بتشاكلوا لمن يوقعوها :)

وما تنسى المجموعة اللي تركب الموجه

الإخوة الكرام
و أصحابنا القدام و الجداد ‏
و الناس اللسه قاعدين يفتشوا اسمهم في اللستة ...و ما لاقينوا
و الناس المتأكدين من إنه اسمهم موجود...لأنه خايفين الأسماء تكون أكتر من ‏خمسة
و الناس ....‏
لكم جميعا أستأذنكم في التوقف من البوست لمدة شهر لدواعي السفر للسودان
و بعدين البيت بيتكم ..بس خليكم هاديين و ما تجيبوا لينا مشاكل..‏
العفو و العافية منكم جميعا
و آسف لأي زعل تسببت فيه أو سوء فهم
و مرحبا بكم جميعا أصدقاء و حبابيب كمان إذا شئتم

أخوكم محمد عبدالله

ههههه
بطل تدليس يا محمد عمر
انا قلت بكون عارف كويس البوستات الانت ح تتلقاها حجه للتداخل معاي.. وبكون عارف وانا في هذه النوعية من البوستات مداخلتك الجاية ح تكون كيف .. عااااارفك والله .. ما انت متلقي حجج ساكت ساي .. نان انت قايل موضوع البوست عن منو وعن شنو ؟!!

واحدة من العبارات المفضلة لمن تكون متلقي حجج وقانص داخليا لي زول وانت شديد التوتر: أنا والله ما متلقي حجج وما متذكر ذاتو انو عندي خلاف مع الزول ده ونحنا بنغادر المنبر ده لحظة ما نقفل اللابتوب وهي الدنيا دي ذاتها شنو لمن كمان نضمر لينا عداوة اسفيرية تجاه زول !!

عبارة قريبة من هذا المعنى يقولها متلقي الحجج منكم ثم يستعصم بصفاءه الحليبي المتوهم :)

كن بخير يا عزيزي
وخليك طبيعي ..

Quote: لكم جميعا أستأذنكم في التوقف من البوست لمدة شهر لدواعي السفر للسودان

و النت في السودان مافي؟

البوست دا يا دوب حيبدأ و إنت تقول أستأذنكم في التوقف؟

للحول راجنك

Quote: انا قلت بكون عارف كويس البوستات الانت ح تتلقاها حجه للتداخل معاي

أبداً ما قلت كدة .. قلت لي حافظك عديييييل كدة
مالها بقت ليك حارة هسة !
وهو ذاتو قبل موضوع السوريين وريني ياتو يوم اتداخلت مختلف معاك ؟ ولو داير نصيحتي السؤال دة اعمل فيه ما شايفه

وبالمناسبة بطل وضع سيناريوهات افتراضية من نافوخك .. أنا براااااي لزيت ليك السنارة في خشمك وانت ما قصرت عضيتها بشلاليفك
لو حاسي بي إنك (اسمح مني ) لدرجة اتوتر قدامك بخلي ليك الشارع خلا ما بتعارض في طريقك

طبعاً انت بتفترض الناس كلها بتعمل زيك عشان كدة بتشوف السيناريوهات المافيشة
أديك مثال لي (زيك) دي ؟
هسة انت بتناديني بمحمد عمر نظام ما عارف اسمي عشان ما مهم .. مو كدي ؟ :)
لمن جبت كثافتك في البوست الفات نسيت التجهيل بتاعك وبقيت تقول اسمي الثلاثي لمن ضحكت فيك .. والله صحي

شهرة وأدوها سوط
أنا كنت قايل بوستات المستجير براها هي البتجيب الشهرة
لكن سيد البوست باع القضية وعملا للناس مزاد
بختكم يا المتداخلين
شهرتكم ملت الآفاق ودفقت .
أبو الزهج ياخ .

محمد البشرى الخضر

سلامات

ايه رايك يا محمد ولا واحد من القلتهم انت في قائمة الخمسة البفقعوا المرارة

ومعقولة با محمد، وزي ما قال ليك احمد محمد عمر، تحت عمنا قباني في القائمة

السوداء، ياخي كفاية زي ما بتقول بسمات انه ببخاطبنا بكلمة "بتنا" ودائما بسمات

بتقول والله يحى قباني بذكرني ابوي البيقول لي كلما اعمل لي غلطة يا بتنا

عليك الله دي عملة بعملها زول نصيح...

والتحية من هنا للفنان المرهف يحى قباني وزول بيتذوق الفن الراقي ما ممكن يجرح

ليه شعور زول...

مع وافر الاحترام والتقدير

محمد عبد الله

تحية واحتراما

في ملاحظاتك عن بعض الناس قلت فيني كلام عجيب وما فهمته

قلت::" الاخت امتثال لا تشعر ببراءة مع الذكاء وادب ولطف في التعبير"

واتمنى تكون غلطة مطبعية ويا ريت تجي سريع وتشرح قبل ما ازيد قائمة

فقع المرارة واعملها ستة بدل خمسة ( وجه ضاحك) مع انه الضحك هذه الايام

اصبح نادر ....

وبما انك صاحب البوست فسوف اكتب لك قائمة الخمسة في الخاص اذا حفظت

السر ولم تعلنه على الملا...

مع وافر الاحترام والتقدير

Quote: و النت في السودان مافي؟ البوست دا يا دوب حيبدأ و إنت تقول أستأذنكم في التوقف؟ للحول راجنك

هعععععع

كدا جهجهتي افكارنا يا امتثال! شكلك آثرتي السلامة :)
ما في عوجة يا زولة براي بملأ الفراغات و أملا اللستة ههه

Quote: شهرة وأدوها سوط أنا كنت قايل بوستات المستجير براها هي البتجيب الشهرة لكن سيد البوست باع القضية وعملا للناس مزاد بختكم يا المتداخلين شهرتكم ملت الآفاق ودفقت . أبو الزهج ياخ . ‡

لا تعليق..

القائمة فيها حاتم الهواري وسيف النصر

طبعاً بسبب تشابه الاسماء بيني وبين حاتم الجماعة

شالو العكاكيز وجوني طايرين جوز

علا قلتلم آ ناس افرزو الغلطان عليكم دا ماني انا

غايتو جاي جاي عرفو الحاصل وربك ستر

لكن حاتم وسيف جوة الجك واسعلوهم كان ما مصدقني

إلى حين ميسرة

لا لا كدا ما ينفع

عُقَدْ المتداخلين هي محور البوست
فشوف طريقة ترجعها للعنوان
ممكن نتنازل من تلقي الحجج و اللياقة و الجلافة

ليه غيرت العنوان يا محمد؟

عشان ما نكتب !!!

لكن ما مشكلة حنلقى البوست بالتفتيش عن اسمك...

وحنواصل التعليقات ..لعل وعسى!!

مع وافر الاحترام

معقول يا محمد عبد الله الحسين !! ..
تغير عنوان البوست كل شوية ...
بالطريقة البايخة دي ..
والله أكثر شيء بيضايقني في سودانيز ..
تغيير عناوين البوستات ,..
شيء سالب جدا ..

مع السلامو عليكو ..

عيييك
نسيتك و الله
امتنع الآن عن الرد لقرب وقت الأرشفة مع الإحتفاظ بحق الرد بالأسلوب و التوقيت المناسب