الود سمعة ابو لمعة

06:25 PM July, 24 2017

سودانيز اون لاين
جلالدونا-
مكتبتى
رابط مختصر

حسبتنى من العوين !!!! ماش يا اب وجنات
اها قولى مكانك وين عشان اجيك و تداوسنى دواس العافية

جلالدونا

كيفك

يا زول جلي الموضوع دا
انا مستغرب كيف الزول دا يتجرأ بكتابة كلام يصعب تداوله حتى في أضيق نطاق أصحاب
وهو في النهاية كلام غرضو انتصار لذات مُثقلة بالسوء

يا جلال يا صديقي
بالله انسى وعيش
اسماعيل كوز يؤدي دوره المرسوم؛
الحكومة دي ظلمت من طرف؛ولم توفر مكانا او سودانيين
والا اذلتهم وطوقتهم المر؛ وسهر الليالي..
تدعو عبر ابواقها لمزيدا من العنصرية؛
وذلك لهتك النسيج الاجتماعي؛
وتزرع بذور الشك بين مقومات المجتمع الواحد المظلوم؛
وتستفرد بهم واحدا واحدا؛
اسماعيل اداة؛
لتشتيت جهود الشعب؛
وتقرقته...
اسمعايل يعمل ضمن منظومة كيزان محترفة؛
فالرجاء الانتباه لعدونا الاوحد موحدا؛
نحن السودانيين ديل موحدين جدا بمشاعرنا وبمشاكلنا؛
وبعدونا....عدو الشعب؛
اسماعيل واحد من الف؛
من جميع اثنيات ومكونات شعبنا العظيم...
يجب ان ننظر اليهم من هذا المنظار الفسيح....
اي انفراد هونجاح لمخططتهم؛

Quote: حسبتنى من العوين !!!! ماش يا اب وجنات اها قولى مكانك وين عشان اجيك و تداوسنى دواس العافية

جلال اعرض عن هذا ..
وإن بُليتَ بشخص لا خلاق له * فكُن كأنك لم تسمع ولم يقُلِ
والخَلاق هو ما يُباع ويُشترى ,, فإذا لم يكن لديه ما يُباع أو يُشترى
فعلام النزول الى سوقه الكاسدة؟ فماذا تتوقع ان تجد فيها غير الهوام التى تغتات على خرائه.

الحبيب جلالدونا

أتمنى أن نعين بعضنا على ما ينفع الناس وإسيماعيل أخ سوداني غاضب جداً على العنصرية في السودان ونعم يتطرف في التعبير عن غضبه فيكون أفضل وأبقى عند الله لو ناصحناه ولم نعن الشيطان عليه

مرحب حمد
بيكتب الكلام الزى ده لأنو كتبوا عشرات المرات فى هذه
المنبر و الناس تمشّى ليهو .. بى جهلو و غباهو استمرأ الشغلة و يشيل و يلوك فيها
النى للنار يا حبيب

جلال سلامات ..

التعامل مع أمثال هؤلاء مسؤولية جماعية لا فردية .. الموقف الجماعي برفض ونبذ مثل هذه الشخصيات هو الحل الوحيد .. المشكلة الحقيقية ان المواقف الجماعية والقوية غير ممكنة في وجود عدد مقدر من الناس يخلطون خلطا كبيرا بين الانحياز الايجابي النبيل جدا تجاه دارفور وانسانها النبيل بدوره والذي تعرض لمأساة انسانية كبيرة .. وبين أمثال هؤلاء ...

الاعزاء الاكارم
حمد
عبدالمنعم
الفاضلابى
عبدالصمد
المشّرف
خير يا يا ناس و زى ما قلتو حالة و مرفوع عنها القلم
شكرا لنصيحتكم

شئ مؤسف ومحزن جدا مايحدث من تفلتات عنصرية بغيضة٠٠٠
العنصرية في السودان وجدت ولهاجذور ضاربة ..نعم وجدت وللاسف اصبحت مرض مستوطن لاننا لم نعترف بوجودها ولم نعالجها بشكل ناجع وتحولت لعنصرية كامنة في عقلنا الجمعي...للاسف لم ندرس في مدارسنا تاريخ الرق في السودان ومافعلوه ناس الزبير وتاريخهم المخزي في إتجارهم بالبشر...هذا التاريخالاسود لم نسمعه حكاوي ووقصص مخزية رويت لنا بل شاهدناه وعايشناه في بيوتنا في قلب أمدرمان القديمة ومازلنا...أقول هذا الكلام المحزن وانا أعرف ماذاأقول وأقصد وعن من أتحدث...
أتفهم إنفعالك الحاد يااسماعيل وإستوعب ذلك تماما ولكن هذا قدر الإنسانية ...العنصرية وجدت في كل مجتعات العالم ومازالت للان في أكتر المجتعات رقيا وتقدما ولكن كثيرامن المجتعات المتقدمة إعترفت بها وإعتذرت عنها ووضعت القوانيين والنظم الصارمة لمحاربتها والحد منها...أنا أعيش في أوربا منذ أكترمنتلاتين عاما متزوج أوربية آولادي وبناتي نشأوا وتربوا هنا تعرضنا ومازلنانتعرض للتمييزوالعنصرية باشكال مختلفة برغم وجود الوعي الإجتماعي المتقدم والقوانيين الصارمة...
إسلوب الشتم والتلافظ والاصطفاف ودفن الروؤس في الرمال لن يحل ولن يعالج الغبن والمرارات التاريخية،عليناالإعتراف أولا باننا مجتمع وجدت فيه العنصرية مارسناها باشكالها المختلفة ودفعنا تمنهاغاليا بانفصال جزء عزيز من وطنا وان نطلق حوار جادي وصادق وشفاف وان نكون صادقيين ومتسامحين مع أنفسنا...

اخوي حسين كلامك كلو مقبول
وبوافقك عليه
لكن قذف الناس في اعراضهم ده ما عنده علاقة بالعنصرية
ده كلامو براه

تحياتي لك اخي محمد الحسن...
اتفق معاك هذا اسلوب غير راقي وغير بنا في طرح ومناقشة قضية بهذا الحجم وسيحسب علي صاحبه وليس له...
ماقاله اسماعيل لا يقل عما قاله البشير في حديث الغرباوية..انها اشكال من التداول العنصري بشكل بغيض وسافر وركيك...

أتفهم إنفعالك الحاد يااسماعيل وإستوعب ذلك تماما ولكن هذا قدر الإنسانية ...العنصرية

الأخ حسين موسي
تحياتي

أبدا إنفعال اسماعيل ممكن أتفهمو لو صوب سهامة ناحية الكيزان والنظام ولكن اسماعيل
قليل أدب عديل كدة ومريض نفسي مادخل المك نمر في ما يجري في السودان هل المك نمر
حكم السودان ؟ هل تأذت أي قبيلة في عهد المك نمر ؟ واصلا ما دخلنا كقبيلة في ما أقترفة
البشير ولعلمك البشير أمو جعلية ووالدة بديري دهمشي واي إنسان ينسب لوالدة لماذا لم يهاجم
اسماعيل البديرية الدهمشية ما ممتدين من شمال السودان الي غرب السودان لو أصلا افترضنا
أي انسان يغلط قبيلتو تتحمل وزرو .
درج اسماعيل لعقدة دونية متأصلة في نفسه بشتم الحراير تارة نتداخل معه وتارة نسفهه فتمادي
في غية من اليوم وصاعدا مافي حاجة أسمها عفا الله عما سلف اي إنسان يتحمل ما تخطه يدية
ولنا كامل الحق بالرد وبالطريقة التي نراها مناسبة لنا .


ماقاله اسماعيل لا يقل عما قاله البشير في حديث الغرباوية.

وهل ثبت شرعا الحديث الذي قاله الترابي وحتي الترابي لم يسمعة بل نقل له ؟؟؟؟؟؟

ياحسين نحن معارضين للبشير في كل شي من ضمنها الكلام ده
يجي زي ده ونحن واقفين معاه في قضاياه كلها يطلعنا اولاد زنا؟

مرحبا بالاخ جلالدونا والاخ عادل الباهي وبقية المتداخلين ..

يا أخوانا انتو متورين نفسكم فوق كم ؟

أهلنا ناس كردفان عندهم مثل معناهو : " النبز لا بكتل عدو ولا بخلي صديق "..

أها زولكم دا خلوهو ينبز لي الصباح ..

اسماعيل دا بكتب وراء الكيبورد ويضحك.. وهو منكم على بعد الاف الاميال .. ولو جاريتوهو ممكن تسمعوا منو اكثر من ذلك بكثير ولا يرمش له جفن ..

هل ممكن كلامو دا يقولو لو لاقاكم وجها لوجه ؟..

عشان كدة خلوهو يضري عيشو واهملوهو بالمرة .. والزول من ما ينضم في العروض اقنع من خيرا فيهو ..

وناس دارفور البنعرفهم والله رجال عروضهم وافرة ..

تحياتي لصاحب البوست والمتداخلين

الاخوة محمد حسن وعادل الباهي..

اتمني ان تعيدوا قراة ماخطيته عن العنصرية ووجودها في مجتمعنا السوداني.
تابعت البوست بتاع اسماعيل ومادار فيه من لغة وطرح عنصري قبيح وكريه جدا شئ يندي له الجبين ومدان تماما وغير مقبول ولن يخدم ويحل قضية بل يزيد من شرخ نسيجنا الاجتماعي الاصلا هو متهتك تماما وما يدور في ارض الوطن من حروب واستقطاب قبلي وعرقي وجهوي حاد لا يخفي علي العين اصدق دليلا علي ذلك..
ياعادل مادار بينك واسماعيل من تفلت عنصري قبيح شئ مدان تماما ومسئ لناجميعا..اذا كان دا بيحدث في الاسافير فمابالك فيما يدور في ارض المعارك من قتل وابادة وحرق واغتصابات شهد لها العالم اجمع ولا يستطيع احد انكارها..
البشير لا يحتاج لشهادة اثبات في مااقترفه من فظائع وجرايم عنصرية في دارفور وفي الجنوب..موش هو قال بعظمة لسانه في بث مسجل نحن قتلنا عشرة الف في دارفور ..وقتلنا ناس دارفور لاتفه الاسباب..
العنصرية في السودان موجودة قبل نظام البشير ولا يستطيع احد فينا انكار ذلك..الجديد في ظل نظام البشير اتخذ العنصرية منهجا وسلوكا للقمع والتطهير العرقي والابادة الجماعية لتحقيق مشروع الانقاذ العروبي الاسلاموي..للاسف كلنا شاركنا في ذلك بوعي او بجهل شاركنا باسم الجيش والدفاع الشعبي والجنجاويدفي القتل والحرق والاغتصاب وقتل الاطفال وايادينا ملطخة بالدماء ومازالت..ماذا كنا نتوقع غير لغة وخطاب اسماعيل الموغل في العنصرية والحقد والبغضاءوالغير متسامح حتي مع معارضي قاتل اهله وجلاده..

..