مادام فوزك بدورة جديدة مسألة وقت حسب ما صرح محاميك الفاتح مختار وأنا زاتي متأكد من فوزك لضعف المنافسين لك مع يقيني ان من حولك من سماسرة ومنتفعين هم أس البلاء والتخبط الذي أصاب الهلال في الاعوام السابقة .
Post: #2 Title: Re: حتي لا يقع الفأس في الرأس يا كاردينال مثل Author: عادل الباهي عبدالرازق Date: 07-21-2017, 08:33 AM Parent: #1
درجت في كل عام يفشل ويخرج فريق الهلال من البطولة الافريقية بأمتصاص غضب الجماهير بشطب عشوائي للاعبين وأقالة المدربين كشماعة تعلق عليها أخطاء مجلسكم .
بعد فشل الهلال هذا العام بالعبور من دوري المجموعات قمت بأقالة المدير الفني الكوكي وقمت بتعيين مبارك سلمان خلفا له فهذة خطوة نباركها لك ولكن عليك أن تعيء الدرس جيدا أذا أردت ان تذهب الي أبعد مسافة في العام القادم في البطولة الافريقية عليك بأستجلاب مدير فني ذو سيرة ذاتية مشرفة اليوم وليس الغد . جلب مدير فني أجنبي جديد في هذا التوقيت والاشراف مع مبارك سلمان علي الدورة الثانية من الدوري الممتاز بيعطي المدير الفني الجديد خلفية عن أمكانيات اللاعبين من وقت كافي وبالتالي يستطيع رفع تقرير فني للاحلال والابدال للفريق في التسجيلات الشتوية ويشرف علي التسجيلات الجديدة فبالتالي يكون مسئول مسئولية مباشرة عن أي أخفاق ولكن ليس من المعقول حتي لا تصرف عملة صعبة علي المدير الفني الجديد الابقاء علي مبارك سلمان حتي إنتهاء الدورة الثانية ويقوم السماسرة الذين حولك بأستجلاب مواسير وحتي بعدها تفكر في مدير فني جديد يحضر ويكون ماعندو خلفية عن اللاعبين القدام ولا شارك في التسجيلات الجديدة ويضطر يخوض بهم غمار البطولة الافريقية من باب الجود بالموجود.
Post: #3 Title: Re: حتي لا يقع الفأس في الرأس يا كاردينال مثل Author: عادل الباهي عبدالرازق Date: 07-21-2017, 08:45 AM Parent: #2
أما أذا تحدثنا عن فترة الاعداد الفاشلة التي تقومون بها كل عام بالسفر لاحد الدول العربية تونس ، القاهرة ، دبي ، قطر الخ دي مصيبة تانية كمان .
ماهو الشيء المجديء من سفر الفريق الي معسكر خارجي ولا يجد في هذا المعسكر مباريات ودية وإحتكاك حقيقي مع فرق ذو امكانيات عالية وحتي توفر الملاعب في تلتلة ؟ تونس والقاهرة وغيرها من الدول التي تعسكرون بها اما الدوري شغال لا تجدون فريق تحتكون به او الدوري أنتهي واللاعبين مسرحون وحتي ولو وافق فريق للتباري لكم يرسل الصف الثاني من اللاعبين يعني هم المستفيدين وليس أنتم أو التباري مع فرق الدرجة الثالثة . فلو اصلا حتلعبو مع فرق الدرجة الثالثة الاولي تقعدو في بلدكم بدلا عن صرف عملات صعبة والتباري مع فرق الدرجة الاولي بالخرطوم أخف وطأ .
Post: #4 Title: Re: حتي لا يقع الفأس في الرأس يا كاردينال مثل Author: عادل الباهي عبدالرازق Date: 07-21-2017, 08:49 AM Parent: #3
الدول العربية التي تعسكرون بها كل العرب ديل مطنقعين ساي لو عاوزين معسكر ناجح عليكم بالذهاب لاحد الدول الافريقية سوف يحتفو بكم وتجدون أندية واحتكاك حقيقي . ساحل العاج ، غانا ، الكاميرون ، نيجيريا وغيرها من الدول الافريقية فهذا الاحتكاك الحقيقي ونحن اصلا بنلعب في الدوري الافريقي وحتي اللاعبين بيتأقلمو علي الاجواء الافريقية .
Post: #5 Title: Re: حتي لا يقع الفأس في الرأس يا كاردينال مثل Author: Maawya Hussein Date: 07-21-2017, 09:23 AM Parent: #4
تحياتي يا عادل
البطولات ما بتجي بالجعجعه والاعلام ..البطولات بتجي بي الدراسه والتخطيط واتباع اسس علميه من ناس متخصصين
الكاردينال لو داير يعمل انجاز للهلال اول حاجه يبدا بي ادارتو ..يعين موظفين وادارييين مختصين من الشباب ( يبعد لينا من العمم والجلاليب والفريق فلان والعقيد فلان )
يجيب خبير كروي ويتعاقد معاهو علي بناء فريق (وليس احراز بطوله بعد سته شهور ) ويديهو كامل الصلاحيات في البحث عن المواهب المحليه ويبعد من محترفين السماسره
انا عندي راي في المحترفين البجيبوهم السملسره ويستنزفو بيهم خزائن النادي ..عند راي انو مافي لاعب افريقي او عربي عندو كوره ممكن يجي ويلعب في السودان ..السودان ما البلد الجاذب لي اي لاعب بيفكر انو كورتو توديهو قدام ..القروش البتدفع للاعب او السمسار ممكن ننمي بيها مواهب محليه وتدينا نتائج وعائد مادي في الزمن البعيد
Post: #6 Title: Re: حتي لا يقع الفأس في الرأس يا كاردينال مثل Author: Maawya Hussein Date: 07-21-2017, 09:25 AM Parent: #5
كلامي الفوق دا عشان ما كل سنه نعيد ونكرر الفيديو دا
Post: #7 Title: Re: حتي لا يقع الفأس في الرأس يا كاردينال مثل Author: سيف الدين محجوب Date: 07-21-2017, 11:08 AM Parent: #6
سؤال للأهلة ما رأيكم في المدعو / كاريكا أنا شخصياً أرى بأنه لاعب ماسورة وفاشل وفاشل جدا وكل شطارتو في الفُرق الضعيفة ،، أهلي سنار ، موردة القضارف ، مريخ نيالا ، هلال كادوقلي ... إلخ وفي المباريات مع فرق المقدمة والدولية تجده سارح وهبنقة في الملعب ولا يقدم ولا يؤخر وكل تمريراته غلط السبب الرئيسي في فشل هجوم الهلال في مباريات الموسم الماضي هو هذا الكاريكا بصراحة ،، كاريكا أكبر ماسورة في الهلالوالمغالطني يراجع مشاركاتو في الموسم الماضي خاصة المباريات المهمة والبطولات الأفريقية صفركبير هذا الكاريكاالموسم الجديد حيبدأ وتابعوا معاي هذا المرض المدعو كاريكا
للعلم : أنا هلالابي وأتحدى اي زول بحب الهلال أكتر مني
Post: #8 Title: Re: حتي لا يقع الفأس في الرأس يا كاردينال مثل Author: عادل الباهي عبدالرازق Date: 07-22-2017, 08:32 AM
العزيز معاوية حسين حياك الله وبيض الله وجهك
البطولات ما بتجي بالجعجعه والاعلام ..البطولات بتجي بي الدراسه والتخطيط واتباع اسس علميه من ناس متخصصين الكاردينال لو داير يعمل انجاز للهلال اول حاجه يبدا بي ادارتو ..يعين موظفين وادارييين مختصين من الشباب ( يبعد لينا من العمم والجلاليب والفريق فلان والعقيد فلان ) يجيب خبير كروي ويتعاقد معاهو علي بناء فريق (وليس احراز بطوله بعد سته شهور ) ويديهو كامل الصلاحيات في البحث عن المواهب المحليه ويبعد من محترفين السماسره
أبصم علي كلامك الفوق دا بالعشرة لكن لقد أسمعت لو ناديت حيا ولكن حياة لمن تنادي ، الكاردينال لا يستعين بالشباب ولن يتخلي عن أصحاب الجلاليب والعمائم المطرزة والرتب الرفيعة لانو بيعتقد هم سبب الفوز في دورة رئاسية ثانية لنفوذهم و معارفهم وللاسف هم زاتهم السماسرة الذين يأتون لنا في كل تسجيلات باللاعبين السماسرة .
انا عندي راي في المحترفين البجيبوهم السملسره ويستنزفو بيهم خزائن النادي .. عند راي انو مافي لاعب افريقي او عربي عندو كوره ممكن يجي ويلعب في السودان .. السودان ما البلد الجاذب لي اي لاعب بيفكر انو كورتو توديهو قدام .. القروش البتدفع للاعب او السمسار ممكن ننمي بيها مواهب محليه وتدينا نتائج وعائد مادي في الزمن البعيد
والله يا معاوية مازالت افريقيا وملاعبها ولادة وزاخرها بالمواهب التي تصنع الفارق لو نظرت نظرة سريعة لفرق شمال افريقيا ومصر القريبة دي بتلاقي لاعبين افارقة محترفين سجلو بمبالغ لا تزكر بالنسبة للمبالغ التي تدفعها انديتنا في المواسير ولكن تلك الاندية تتعامل بمنهجية علمية مدروسة والولاء عند ادارييها للشعار والكيان عكس السماسرة العندنا الذين همهم إمتلاء جيوبهم وانتفاخها في التسجيلات الصيفية والشتوية . أما حتة تنمية المواهب دي حاجة جميلة ونتائجها بتظهر زي ماتفضلت في الزمن البعيد لو الاتحادات والاندية اتجهت لانشاء المدارس السنية ولكن الجمهور لن يصبر حتي تأتي مواهب المدارس السنية آكلها فما المانع الناس تعمل في خطين متوازيين الاعتناء بالمواهب في مدارس سنية للاستفادة منهم في الزمن البعيد وجلب محترفين يصنعون الفارق في الوقت الراهن .
Post: #9 Title: Re: حتي لا يقع الفأس في الرأس يا كاردينال مثل Author: عادل الباهي عبدالرازق Date: 07-22-2017, 11:56 AM Parent: #8
حبيبنا سيف الدين محجوب تحياتي وطابت اوقاتك بكل خير
أنا شخصياً أرى بأنه لاعب ماسورة وفاشل وفاشل جدا
يا حبوب مدثر كاريكا لمن كان في زمنو كان لاعب فلتة ومؤثر في تشكيل الهلال ولكن لعامل السن الموسم الماضي تدهور مستواة شديد . زمان اللاعب اول ما يعرف نفسو مابيقدر يلعب ال 90 دقيقة بيعتزل الكورة لانو اللاعب اصلا بيكون شغال موظف في جهة حكومية اما بعد ثقافة الاحتراف اللاعب ماعندو وظيفة غير يلعب كورة فما بيفكر في الاعتزال ويقول ليك قادر علي العطاء الي أن يتم شطبة من قبل الادارة ومع أني لو كنت مكانهم من الافضل لي الاعتزال وانا في قمة العطاء حتي يزكرني الجمهور بكل خير كل ما جاءت سيرتي أفضل الف مرة من اقوم الصباح اتصفح الصحف اجد نفسي في الشارع . نعم آن الاوان لكابتن كاريكا أن يعتزل فقد قدم مافية الكفاية من جهد وعرق ولكن وجودو في قائمة الهلال غير مفيد للهلال ولا له ككابتن كبير .
Post: #10 Title: Re: حتي لا يقع الفأس في الرأس يا كاردينال مثل Author: محمد البشرى الخضر Date: 07-22-2017, 02:24 PM Parent: #9
غايتو يا اب شنب طلعت كجك مبالغة وشرابك اصلي ما مكسور !! قلت لي فوز الكاردينال مسالة وقت !! اهو الجمعية اتأجلّت وخرتميةطعن مقدمة فوقو وممكن يتلحس عادي :)
Post: #11 Title: Re: حتي لا يقع الفأس في الرأس يا كاردينال مثل Author: عادل الباهي عبدالرازق Date: 07-22-2017, 02:51 PM Parent: #10
غايتو يا اب شنب طلعت كجك مبالغة وشرابك اصلي ما مكسور !! قلت لي فوز الكاردينال مسالة وقت !! اهو الجمعية اتأجلّت وخرتميةطعن مقدمة فوقو وممكن يتلحس عادي :)
يا ود البشرى حبابك
يأخ البوست دا أنا فتحتو بعد ما تأجلت الجمعية العمومية ليوم الاربعاء القادم
تراهن الكاردينال رئيس للهلال لدورة رئاسية قادمة ؟ شيبة ماعندو قروش يصرف علي الهلال والخندقاوي دا موهوم قدر القريشات العندو كتر كتر يوزع ساندزتشات طعمية في الاستاد او تلفونات قلاكسي لللاعبين فمافي زول بيديهم صوت الا المنتفعين منهم وحاشيتهم وهم قلة عدد لا يزكر . فالناس مع كرهها لسياسة الكاردينال وانا منهم لكن مافي مفر او بديل غيرو .
Post: #12 Title: Re: حتي لا يقع الفأس في الرأس يا كاردينال مثل Author: محمد البشرى الخضر Date: 07-22-2017, 02:58 PM Parent: #11
المشكلة ما في التصويت حال قيام الجمعية الكارديتال صاحب الحظ الأوفر, المشكلة في محامي الارباب ثعلب خبيث حافظ الثغرات حفظ وفي الجانب المقابل محامي الكاردينال الزنطور الفاتح مختار سجمان لا يعتمد عليه وخسر اي قضية تولاها عادي ممكن يضيعوه و نلقى الخندقتوي رئيس بالتزكية ونقعد نتلفت
Post: #13 Title: Re: حتي لا يقع الفأس في الرأس يا كاردينال مثل Author: يحي قباني Date: 07-22-2017, 03:22 PM Parent: #12
الحبيب عادل الباهي
ألبرت آينشتاين في تعريفه للجنون
قال : " الجنون هو ان يفعل الانسان ( نفس الشئ ) مرارا و تكرارا .. و يتوقع ان تآتيه نتائج مختلفة "
Insanity: doing the same thing over and over again and expecting different results
Post: #14 Title: Re: حتي لا يقع الفأس في الرأس يا كاردينال مثل Author: نادر الفضلى Date: 07-22-2017, 05:01 PM Parent: #13
وأيضاً الجنون مجرد تقبل فكرة محتال محترف غير مؤهل أن يترأس نادى الهلال .. وليس أى نادى .. الهلال (للتربية) ويفخر أنصاره (بنادى الحركة الوطنية) ..!!! بينما المال لا محال سيأتى للهلال سواء ترأسه المحتال أو غيره فلهم أجر المناولة!
Post: #15 Title: Re: حتي لا يقع الفأس في الرأس يا كاردينال مثل Author: يحي قباني Date: 07-24-2017, 07:57 PM Parent: #14
up
Post: #16 Title: Re: حتي لا يقع الفأس في الرأس يا كاردينال مثل Author: حمزاوي Date: 07-24-2017, 08:23 PM Parent: #15
الله الوطن الهلال الكاردينال
Post: #17 Title: Re: حتي لا يقع الفأس في الرأس يا كاردينال مثل Author: عادل الباهي عبدالرازق Date: 07-25-2017, 01:28 AM Parent: #16
المشكلة ما في التصويت حال قيام الجمعية الكارديتال صاحب الحظ الأوفر, المشكلة في محامي الارباب ثعلب خبيث حافظ الثغرات حفظ وفي الجانب المقابل محامي الكاردينال الزنطور الفاتح مختار سجمان لا يعتمد عليه وخسر اي قضية تولاها عادي ممكن يضيعوه و نلقى الخندقتوي رئيس بالتزكية ونقعد نتلفت
لو دا حصل يا ود البشرى لا نأكل باسطة الخندقاوي ماعندو حاجة يقدمها للهلال عاوز يلمع نفسو
Post: #18 Title: Re: حتي لا يقع الفأس في الرأس يا كاردينال مثل Author: عادل الباهي عبدالرازق Date: 07-25-2017, 01:34 AM Parent: #17
الجنون هو ان يفعل الانسان ( نفس الشئ ) مرارا و تكرارا .. و يتوقع ان تآتيه نتائج مختلفة
حبيبنا يحي قباني زارتنا البركة وآسف علي الرد المتأخر كنت مشغول في شمطة
ياحبيب الكاردينال ما بيتعظ من أخطائة نفس الاخطاء كل عام ويصرح بأن كأس افريقيا من نصيب الهلال ونسقط من الادوار الاولية والساقية لسع مدورة لكن مافي خيار غير الكاردينال من ناحية مالية يقدر يصرف علي الهلال بس لو غير لينا السماسرة الحولو وأدار الهلال بأحترافية ودراسة ممكن نتوصل لنتيجة .
Post: #19 Title: Re: حتي لا يقع الفأس في الرأس يا كاردينال مثل Author: عادل الباهي عبدالرازق Date: 07-25-2017, 01:44 AM Parent: #18
وأيضاً الجنون مجرد تقبل فكرة محتال محترف غير مؤهل أن يترأس نادى الهلال .. وليس أى نادى .. الهلال (للتربية) ويفخر أنصاره (بنادى الحركة الوطنية) ..!!! بينما المال لا محال سيأتى للهلال سواء ترأسه المحتال أو غيره فلهم أجر المناولة!
العزيز نادر الفضلي طابت أوقاتك بكل خير ياحبيب الكورة في السودان باظت من دخل فيها أصحاب الاموال وليس الفكر جمال الوالي وصلاح ادريس والكاردينال عودو اللاعبين علي صرف من لا يخشي الفقر وجاءت حكومة الكيزان خلصت علي ما تبقي من أمل بصرف جهاز الامن علي الخرطوم الوطني وأحمد هارون علي هلال الابيض . زمان سعر اللاعب لا يتعدي مائة مليون الان لاعب ماقادر يوقف زي الناس بيستلم مليااااارات فمن الصعب أن نأتي برئيس نادي ماعندو كاش والاصعب فطام اللاعبين . لو مسكنا الهلال مصادر دخلو المباريات وايجار دكاكين الاستاد وبعض الاموال التي تأتي لهم من راعي الدوري الممتاز والبث والكاف والاموال دي كلها لا تمشي الهلال شهرين فمجبورين علي المحتال او غيرو يراس عشان يصرف .
Post: #20 Title: Re: حتي لا يقع الفأس في الرأس يا كاردينال مثل Author: عادل الباهي عبدالرازق Date: 07-25-2017, 01:48 AM Parent: #19
الله الوطن الهلال الكاردينال
الحبيب حمزاوي عساءك طيب غايتو الكاردينال دا مجبورين عليهو نعمل شنو بس لو بعد لينا من بطانة السوء ناس فاطمة شاش والرشيد علي عمر وبقية السماسرة المستفيدين بجلب المحترفين والمدربين المواسير وركز مع أصحاب الخبرة من قدام اللاعبين واستشارتهم في كل كبيرة وصغيرة ممكن الهلال شكلو يتغير في الموسم الجديد .
