Post: #2
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 06:30 AM
Parent: #1
نظرت للامر من زاوية مختلفة تماما
|
Post: #3
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 06:43 AM
Parent: #2
اول امر لفت الانتباه
ادارة الجامعة تعاملت مع الامر بشكل ادهشني جدا . تعامل بعقلية سلطوية لا تشبه ادارة الجامعة . هذا بفرض ان مدير الجامعة ليس كمدير مصنع
|
Post: #4
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 06:50 AM
Parent: #3
الامر الاول ما مستغرب لاسباب كتيرة بديهية
|
Post: #5
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 07:17 AM
Parent: #4
الموضوع كشفنا نحن ديل
الحكومة خلوها
كشفنا بشكل واضح
ومخجل
كشفنا من بوابة الجامعة لغاية مداخل الخرطوم
|
Post: #6
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 07:25 AM
Parent: #5
ألف وميتين ونيف
قلنا دون ان نناقش اصل المشكلة وغيرو
ألف وميتين وزقة طالب
طيب
فصلوهم والبعض استقال
بالضرورة يا مشو اهلهم ولا جهة اخري يتظلمو ليها ولا قعدو
قررو يتحرك صوب الخرطوم
ومن حقهم دون اعطاء تبرير يمشو محل ما دايرين
جهة ما اصدرت امر للعربات ما تشيل الطلاب
الله !!
|
Post: #7
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 07:30 AM
Parent: #6
الجهة الاصدرت الامر دة
عشان انا ما عارفها ياتها اقول جهة محددة يطلع لي واحد يقول لي لا ما دي
والبوست ينحرف نبقا في دي ما دي
هو زاتو ما مهندس !
الجهة دي النقول اصدرت الامر عشان شنو .. ما قدرت افهم .. ممكن يكون عندي كم فهم
لكن ما مهم
دي الجهة النافذة ومافيش حد يقدر يقول ليها تلت التلاتة كم
في ناس بقولو عشان اكون دقيق . لكن شوية
دي الجهة
السلطة
فما بال الشعب
|
Post: #8
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 07:36 AM
Parent: #7
الحاصل شنو
مافي سواق دفار ولا بص ولا لوري آلمه منظر الشباب الغض دة يحملون شنطهم ويسيرون تحت الشمس والدنيا نار مولعة
ولا الدنيا خريف لو جاتهم مطرة ساي
مافي واحد فيهم جاتو نخوة سودانية يتحدي القرار ويوقف عربيتو
لو وقف عربيتو انا واثق جدا من حاجتين
مافي زول بركب دون اخوانو
ومافي زول بقدر يتعرض لسيد العربية الطلاب بحموهو .. بالجد حا يحموهو
وامر تاني
لو تحدت عربية واحدة القرار كان وقفن اكتر من عربية
الاحزاب !! بجيها عشان ما انسي
|
Post: #9
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 07:46 AM
Parent: #8
السواقين خلوهم
دى كم مدينة وقرية من الدويم لحدي الشيخ الياقوت
الدويم وابوحبيرة وودالزاكي ونعيمة والقطينة وووووو
ديل كلهم
والناس البتقفل الشارع في رمضان وينهم
من الدويم لي الياقوت
خلو الحكومة
وين نحن
|
Post: #10
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 07:52 AM
Parent: #9
احزاب المعارضة كلها
كلها السياسية وذات الطابع الاثني ولا الجغرافي
كلهم
خلونا من اخراج البيانات والتباكي والدعم بالكلمات
كنتو وين من المشوار دة
نقول ما عندكم عضوية في المناطق دي
كلكم زي الحكومة مكنكشين في العاصمة
وينكم
وين تضامنكم
تضامن رمزي
تملو دفار اكل وشراب وتحصلو الشباب في السكة وتمشو معاهم
خلو الاكل والشراب النقول ما عندكم ميزانة بعناقركم ساي
تعالوا وامشو معاهم
وين ما يسمو بالناشطين
وين توثيقكم لهذه المسيرة المؤلمة
خلونا نحس انكم ناس عمل ومواقف
مشي الجس البعد الضبح
|
Post: #11
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 08:08 AM
Parent: #10
التغيير تقوم به الجماهير
ومن الداخل
لكن
ماذا حدث لنا
ماذا
تدي للجيعان لقيمة
وتدي للعطشان جغيمة
تكسي في الماشين عرايا
وفوقا يتقطع هديما
هي اقيفن
نورا فيكن
هوي اقيفو مافي سوداني فيكم
|
Post: #12
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 08:12 AM
Parent: #11
وتحية للشيخ الياقوت
ياهو فعال ابهاتك
ناس الخلوة والتكية والنار البتوقد لي العشية
الجارو ما بكوس الجمرة وسكينو دايما حمرة
|
Post: #14
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 08:29 AM
Parent: #12
قريت في هذا المكان حديث حول انتهاز الفرصة للمعارضة ولا الحكومة وانو سلوك مقبول حكوميا ونضاليا واخلاقيا وانسانيا
انتهاز مصدرها انتهازية
بعض انتهاز الفرص لفعل محدد تفوق سوء الفعل نفسه
الهدف هو الانسان
مش زي ما اشوف واحد داير ينتحر احتجاجا من موقف سليم . واخليهو ينتحر ولا امكن اشجعو زاتو عشان انتهز الفرصة في توضيح عدالة احتجاجو
ممكن انقذو واساعدو وبرضو اقيف مع عدالة احتجاجو
|
Post: #13
Title: Re: بهدوء طلاب بخت الرضاء
Author: Elmoiz Abunura
Date: 07-21-2017, 08:26 AM
Parent: #10
سلامات ياابوسن
من ضاحية الحوش قرب الحدود اللبنانيه _ الاسرائيليه كنت اسآل نفس السؤال . ماذا حدث للانسان السودانى عشا البيتات وهو يشاهد مئات الطلاب فلذات اكبادنا وهو يشاهدهم فى مسيرة الدموع ؟
اين الانسان العادى؟ اين الادارات الاهليه البتحل وتربط؟ اين النشطاء والاحزاب والجمعيات الخيريه؟ اين ائمة المساجد والطوائف الدينيه و الطرق الصوفيه المنتشره فى كل قرى بحر ابيض؟
مسيرة الدموع لطلاب دارفور تمثل عار لنا جميعا.
مع ودى وتقديرى
|
Post: #15
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 08:38 AM
Parent: #13
تحياتي ابونورا
وحبابك
آي والله دة الكان محيرني في الامر
واحزنني
سلوك السلطة تجاه الطلاب متوقع .. حتي الما متوقع زاتو ممكن تتوقعو
ولاسباب معروفة بداهة
لكن الناس
ماذا حدث لنا
حتي الناس الرافعة قضيتهم كقميص عثمان اين انتم من الفعل الحقيقي
التضامن الحقيقي
تقديم المساعدة في وقتها
|
Post: #16
Title: Re: بهدوء طلاب بخت الرضاء
Author: Asim Ali
Date: 07-21-2017, 09:14 AM
Parent: #15
ظاهرة الاختفاء الغامض ....وشبح تجارة الاعضاء الذى يهدد مجتمعنا
اين الاحزاب ...قطاعات الوعى ومنظماتها ؟؟؟؟
ان لم تكونو فى خدمه الشعب الان ......متى سيحين دوركم ؟؟؟؟؟
الان فى ظروف كهذه عليكم الوقوف الى جانب المواطن وكبح جماح تمدد هذه الظاهره فى كل مره خطر جديد يهدد سلامه المجتمع وامنه .
ان لم تنجح الاحزاب وقطاعات الوعى ومنظماتها فى هذه المعارك .....كبف ستقود التغيير الشامل ؟؟؟
.
التغيير (كلام من الآخر)-07-14-2017
.
الاخ عبد الحظ وضيفه
السؤال مطروح ايضا فى هذه الازمه .
اين الاحزاب وقطاعات الوعى فى المجتمع لتؤدى دورها على مستويات مختلفه
ليس فقط المشاركه الرمزيه اعلاميا
هل تحركت الاحزاب او قطاعات الوعى كلجنه لتخاطب اداره الجامعه ووزاره التعليم العالى
هل هذه القيادات غير قادره على الحركه والفعل على هذا المستوى ؟؟؟؟؟
.
اما عامه الشعب فقد تغير طبيعتها بفعل اعوام من التخريب النفسى والمعنوى.
|
Post: #17
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 11:28 AM
Parent: #16
فعلا عاصم
رغم ان القول قد لا يعجب البعض
كأنه معارضة المعارضة
ولكنه نقد في اطار تحسين ادوات العمل
|
Post: #18
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 11:33 AM
Parent: #17
أكمل نواب دارفور بالبرلمان، اليوم (الخميس) التوقيعات اللازمة، لمساءلة وزيرة التعليم العالي، سعاد ابو كشوة، بشأن أزمة طلاب الاقليم في جامعة بخت الرضا.
ويعتزم النواب، زيارة الطلاب المعتصمين بمسيد الشيخ الياقوت، جنوبي الخرطوم، يوم غدٍ (الجمعة)، للوقوف على مشكلاتهم، في أعقاب حرمانهم من دخول العاصمة الخرطوم بتعليمات مباشرة من جهاز أمن البشير.
ووجه المئات من طلاب دارفور بجامعة بخت الرضا بولاية النيل الابيض، وسطيّ البلاد، صفعة قاسية للنظام، وتقدموا باستقالاتهم، يوم (الثلاثاء) احتجاجاً على الانتهاكات العنصرية الصادرة بحقهم من إدارة الجامعة، وجهاز أمن البشير واذرعه السياسية.
واضطر الطلاب إلى مغادرة مدينة الدويم بولاية النيل الأبيض راجلين، عقب أوامر أمنية لاصحاب المركبات العامة بعدم نقلهم.
وقضى الطلاب ليلة (الاربعاء) في العراء، قبل تدخل الشيخ الياقوت وأهالي المنطقة، الذين آووا الطلاب، في لوحة سودانية رائعة.
ورحبت جامعة بخت الرضا في بيان صدر اليوم (الخميس)، في أعقاب اجتماع إدارة الجامعة، وحكومة ولاية النيل الأبيض، بعودة الطلاب المستقيلين، بوقتٍ اوصدت الباب أمام عودة (19) طالباً متهمين في أحداث عنف بالجامعة.
واعتقلت اجهزة ولاية النيل الابيض (19) طالباً من دارفور، اثر اتهامات لهم بالتسبب في قتل شرطيين اثناء اقتحام لمبنى الجامعة قبيل اعلان نتيجة المنبر الطلابي الذي كان طلاب النظام في طريقهم لخسارته.
وقال طلاب تحدثوا لـ "الراكوبة" إنه في ظل الاستهداف الممنهج، ومحاولات تعبئة مجتمع مدينة الدويم ضدهم، لم يجدوا خياراً بخلاف تقديم الاستقالة للفت الأنظار إلى قضيتهم.
واعتقلت الاجهزة الأمنية قيادات بحزب المؤتمر السوداني عقب عودتهم من زيارة تضامنية للطلاب.
وضمت قائمة المعتقلين الأمين السياسي أبوبكر يوسف، ومسؤولة أمانة حقوق الإنسان بالإنابة أماني مالك، وعضو المجلس المركزي إبراهيم الشيخ، والأمينة السياسية للحزب بولاية الخرطوم ومواهب مجذوب.
وفي المنحى، اعتقلت سلطات الخرطوم، يوم (الاربعاء)، محمد خليفة وإبراهيم عبد القيوم المنتميان لحزب البعث، بمجرد فراغهما من مخاطبة سياسية في ميدان (جاكسون) بقلب الخرطوم، شجبا خلالها تعاطي نظام البشير مع ازمة الطلاب. وكونت لجنة قومية من المحامين لمتابعة القضية.
منقول
|
Post: #19
Title: Re: بهدوء طلاب بخت الرضاء
Author: ombadda
Date: 07-21-2017, 01:48 PM
Parent: #18
أقوى بوست في العام 2017م
ليتهم يعقلون
|
Post: #20
Title: Re: بهدوء طلاب بخت الرضاء
Author: عبدالمنعم الطيب حسن
Date: 07-21-2017, 02:24 PM
لا حولاااا
تصدق انا منت مستغرب ليه الشباب ديل ماشين بأرجلهم
من الصور في الميديا؛
برأي كدي قتا: أمكن عشان يلفتوا الأنظار لقضيتهم العادلة؛
اتاريهم ممنوعين بأمر السلطة من الركوب؛
واتارينا متواطئين كشعب اصحاب مركبات خاصة في الامر؛
اول مرة اعرف من البوست دا؛
لاحولاااا تاني
تصدق هذا الامر وتر يومي جدا
لجهة تخاذلنا كشعب
ولجهة السوداني/ة زول حارة...
وينتصر أبدا لإنسانيته
مصدوم انا مصدوم انا
وكلام شايف بوست في صدر المنبر
يستكتر عليهم حتى الجية للخرطوم
ويقول برجوعهم لمناطقهم
وكان خرطوم الجن دي وارثة .....
ديل يا وهمي مواطنين سودانيين احرار
يجوا الخرطوم او واوسي او اي حتة
في المليون ميل دي(بالقديم)
غايتو
تعيش كتير تحبط كتير
شكرا إبسن
وَيَا حبيبنا بكري بالله البوست دا فوق
ليكون شاهدا على خيباتنا وتمزقنا وقلة حيلتهم!!!!
|
Post: #21
Title: Re: بهدوء طلاب بخت الرضاء
Author: عبدالحفيظ ابوسن
Date: 07-21-2017, 03:07 PM
Parent: #20
تسلم امبدة
شكرا للتشجيع والمؤازرة
|
Post: #22
Title: Re: بهدوء طلاب بخت الرضاء
Author: عبدالحفيظ ابوسن
Date: 07-22-2017, 05:40 AM
Parent: #21
تشكر منعم
وكتر خيرك
|
|