هل من الضروري ان يتداخل العضو في جميع البوستات؟

07:49 PM July, 20 2017

سودانيز اون لاين
elsawi-ميريلاند/أمريكا
مكتبتى
رابط مختصر

والله بصراحة الزول ده حيرني!!!

ما داير اي زول يسألني العضو ده منو؟
ياهو ذاااتو الفي بالك

ما ضروري.....
تتداخل حسب اهتمامك
وحالتك...............

Quote: ما ضروري..... تتداخل حسب اهتمامك وحالتك...............

سلام يا اشرف
تمام، اتفق معاك مية المية
لكن بالجد الأخ ده حيرني بي قدرته الفائقة على التداخل في معظم البوستات
و الله ما عارف بلقى الوقت ده كيف؟

اخونا بابكر قدور تحياتي
قرأت مداخلتك الطويلة الضافية بالأمس و لضيق الوقت لم اتمكن من الرد عليها حينها،
و دخلت اليوم للرد عليها و لكن وجدتك سحبتها و لا ادري لماذا

عموماً اتفق معك في مجملها، و فعلاً مرات كثيرة الواحد بكون عنده الكثير من المواضيع
المفيدة الممكن يكتبها لكن الخوف من ضيق الوقت و عدم القدرة على المتابعة الدائمة يحول
دون كتابتها

شكري و مودتي يا عزيزي

رسل لي اسمو في الخاص :)

ههههههها

Quote: رسل لي اسمو في الخاص :)

و كان طلع اسمك تمشى وين
____
عايتو انا الحمد لله بس بوستين ال ما دخلت فيهم من ما بدا الربع ده
عشان كده ضامن ده ما انا
مش كده يا الصاوى

Quote: عايتو انا الحمد لله بس بوستين ال ما دخلت فيهم من ما بدا الربع ده عشان كده ضامن ده ما انا مش كده يا الصاوى

يا جلالدونا يا خوي انت الناس لاقنك وين؟
ياخي انت الناس بتكوس لي مداخلاتك كواسة
و اي بوست بتدخل فيهو بتديهو نكهة و بتضيف لي قيمته المعرفية
لكن اللخو داك اجارك الله لازم يدخل اي بوست و يلخو و يمرق

سلام يا مشرف
خاص مافي لكن ممكن اديك طريقة سهلة لمعرفته
1- تدخل البورد في اي وقت يعجبك
2- تفتح الـ 15 بوست الأولى
3- حا تلقاهو بي سلامته لاخي 13 منهم على الأقل

احصائية سريعة لصفحة المنبر الاولى في هذه الساعة :
فرانكلي = 37 مرة *
قصي = 22 مرة
زهير = 13 مرة
غريبة = 12 مرة
ص. جادات = 9 مرات
م.ب عبادي = 9 مرات
ناصر حسين = 8 مرات

_____
* عدد مرات تكرار الاسم في الصفحة الاولى ...

قسم الفضيل اخوي تحياتي

Quote: فرانكلي = 37 مرة * قصي = 22 مرة زهير = 13 مرة غريبة = 12 مرة ص. جادات = 9 مرات م.ب عبادي = 9 مرات ناصر حسين = 8 مرات

لكن لقيتك خطير جداً
تعرف معظم الاعضاء الفوق ديل مداخلاتهم معظمها في بوستاتهم فقط،
يعني ما بيتعمدوا يدخلوا البوستات الأخرى بشكل مزعج و يكتبوا اي حاجة و السلام زي اخونا ده

Quote: يا جلالدونا يا خوي انت الناس لاقنك وين؟ ياخي انت الناس بتكوس لي مداخلاتك كواسة و اي بوست بتدخل فيهو بتديهو نكهة و بتضيف لي قيمته المعرفية

دلللللل !

يا الصاوي ما تقول قصي وخلاص

Quote: يا الصاوي ما تقول قصي وخلاص

قصي بحقاتو، وبيتابع بوستاتو ، طويلة وقصيرة الأجل، من كمبيوتر ولابتوب وتاب هوواوي 7 بوصة..
ولا يمانع من المشركة في البوستات الأخرى كلها ، وليست مذمة.
---------
لو بكري حظرو معناها يا الصاوي طقيتو عين !

Quote: يا جلالدونا يا خوي انت الناس لاقنك وين؟ ياخي انت الناس بتكوس لي مداخلاتك كواسة و اي بوست بتدخل فيهو بتديهو نكهة و بتضيف لي قيمته المعرفية

يا سلام يا الصاوى
يااخ ده بس من ذوقك
يا دوب فى المنبر ده بنقول يا هادى و نتلمّس خطواتنا
المهم .. رفيقى بتاع الخاص براءة ولّ فى دائرة الاتهام
و يا ريت ود البشري بتاع المحاققة ده ما ترد عليهو .. خلو علىّ
بلاقيهو فى زقاق ضيق و طاقيتو جااااااهزة فترقبوها

يا جلالدونا يا حبييب
دلللللللل جليتها كما طلبت
و خليتها عليك لما تلاقيهو في زقاق ضيق
لكن بيني و بينك ود البشرى خطير
اما فيما يختص برفيقنا بتاع الخاص
بالرغم من انه معاط في احياناً كثيرة
إلا انه يتحدث فيما يعلم و يعرف و هو كثير العلم و المعرفة
لغته راقية و حديثه ممتع، و لذلك حكمنا ببراءته

سلامات يا قصي

Quote: من كمبيوتر ولابتوب وتاب هوواوي 7 بوصة..

و الله انا شايف لو ركزت على واحد بس بكون احسن
ثلاثة ديل كتار شديد عليك و علينا يا شيخنا
الله يرضى عليك

Quote: يا الصاوي ما تقول قصي وخلاص

قر قر قر قر قر قر يا عملات بشاشا
اتاريك ممكون و صابر يا ود البشرى
و بعدين اقول ليه؟
ما تقول انت
يعني هسه انت متوقعني اقول ليك ياهو ولا ما ياهو مثلاً؟
يا جماعة هوي انا ما قلت اي حاجة
ود البشرى هو القال
ده رأيه و هو مخير فيهو

سلام يا الصاوي والمعاه،
ملاحظتك في محلها.
بس عندي ملاحظة تانية، يمكن أتاحها لي غياب لفترة عن البورد.
في تغيير ملحوظ في لغة العضو المعني ... نحسب ليهو إنو مجتهد شديد في التخلي عن اللغة العدائية والهجوم بسبب وبدون سبب والشتيمة.
نتمنى أن لا يغلب الطبع على التطبّع.

Quote: يا الصاوي ما تقول قصي وخلاص

Quote: قر قر قر قر قر قر يا عملات بشاشا اتاريك ممكون و صابر يا ود البشرى و بعدين اقول ليه؟ ما تقول انت يعني هسه انت متوقعني اقول ليك ياهو ولا ما ياهو مثلاً؟ يا جماعة هوي انا ما قلت اي حاجة ود البشرى هو القال ده رأيه و هو مخير فيهو

ليست هكذا تحسب الأمور،
هنالك فرق بين المتطفل الذي يقتات فقط على فتات منشورات الآخرين (وما أكثرهم)،
وبين من ينشئ منشوراته الخاصة، و يقدر ضيوفها ويعقب على مداخلاتهم مهما كثرت...


ما عندك مشكلة،
دي آخر مداخلة لي معاك،
وما تتداخل في منشوراتي لأني ما ح أرد عليك ، وغيرك أولى بها!
وح أضمك لقائمة "شلة يخسي"

-----
العفو والعافية

الأخ الصاوي
لك الود والتحايا الطيبات
شكراً جزيلاً على التعقيب .. إزالة المداخلة تمت بسبب
فني بحت ولم أستطع إستعادتها من الناحية الفنية وأعتذر
عن ذلك الخطأ الفني.
تحياتي وتقديري ....

(-) لو كُتب البوست في رمضان لخرجت من دائرة الاتهام لغيابي طوال شهر رمضان وست ايام العيد
(-) اما كُتب اليوم فأدخل نفسي دائرة الاتهام والامر سيان عندي لان العضوية تُفعل للمشاركة حسب وجهة النظر والرأي وفكر العضو
(-) مُداخلاتي اغلبها دينية وفي بوستات معينه حتى المسيحي منها وهذا لا يمنع من مشاركة العضوية الافراح والاحزان
(-) غبت عن المنبر سنوات طويلة وعندما يُكتب بوست لعضو ويقوم بالتحديث للاطلاع على بوسته يجده في الصفحة الثالثة او الرابعة
(-) اتحدث قبل عام 2008 طبعا فاليوم المنبر ليس كالامس وحتى الأفكار ليس كأفكار الامس
(-) آمل ان لا اكون المقصود وان كان فالعتبه لكُل ضائق مني صدرا
(-) تحيه للكاتب والاخوة المُتداخلين جميعا

Quote: اتاريك ممكون و صابر يا ود البشرى

لا يا حبيب أخوك لا ممكون ولا صابر كل ما في المسالة انا أقدّر و احب الآكشن النضيف و لا استسيغ حركة ايّاك اعني ة الإشارات من طرف خفي وكدا لذا دائما ما أحب وضع النقاط على الحروف
اجمل الآكشن ما كان عيني عينك وطواقيه مخيط فيها اسم صاحب المقاس عديل كدا
بالنسبة لقصي او غيره و طريقة كتاباتهم وتداخلهم كل انسان حر في الطريقة التي يختارها ولا احب او اقبل الوصاية من او على أحد
المقيّد الوحيد في رأيي هو اللائحة و ما تعارف عليه الناس من احترام و قواعد سلوك ما عدا ذلك فحرية الورجغة متاحة للجميع :)

تحية لك أخي الصاوي
والاخوة المتداخلين,
هي دي الحرية الوحيدة المكفولة لينا كسودانيين !
حرية التداخل في ما يروق لك من البوستات !
لا حرية كلام: ان نضمت اعتقلوك,
لا حرية حركة : عاوز تسافر يصادروا جواز سفرك ,
عاوز تاكل تشبع في بطنك رزعوك بالغلاء,
عطشان عاوز تشرب الموية اما طين او معدومة,
عاوز تتعالج تلاقي لافتة كبيرة مكتوب عليها :
ممنوع مرضى الاسهالات المائية ,
عاوز تقرأ حجزوك في قرية الشيخ الياقوت.

تحياتي,
ست البنات.