collapse of empire

collapse of empire


16-07-2017, 04:43 PM


  » http://sudaneseonline.com/cgi-bin/sdb/2bb.cgi?seq=msg&board=490&msg=1500223426&rn=11


Post: #1
Title: collapse of empire
Author: علي محمد الفكي
Date: 16-07-2017, 04:43 PM
Parent: #0

04:43 PM July, 16 2017

سودانيز اون لاين
علي محمد الفكي-
مكتبتى
رابط مختصر



زمان كان عندنا في الحي واحد كده من الشباب نشيط
وبقول كلام مرتب يخليك تسمعو والشباب بلجاؤو ليهو للنصح والاستشاره
وفي حضرة الناس الكبار يزيد ادب وكلام موزون
وحمامة مسجد وحمامة سلام
دايماً حجاز وواعظ
والاباء معجبين بيهو ويقولو خليكم زي فلان
وفي المناسبات في الحي بزعمو علينا
حتى الجكس معجب بيهو
وهو اخر كبكبه وادب وتهذيب وخدمات
حكمة الله كنت اصلاً ما بهضمو قلبي ما بدورو ساي كده
هو كان من الجيل القدامنا طوالي
ويجي السقوط المدوي اتقبض في حادث تزوير
وكمان في شقه مع بنت والاثنين ملط
في عمود النور بعد المغرب والشله كل واحد خاتي يديهو في رأسو ما مصدقين
علقت ليهم بعد صفقت
collapse of empire
وكل شلتنا في الحي الى الان بتستخدم التعليق عند تكرار نفس المشهد



Post: #2
Title: Re: collapse of empire
Author: علي محمد الفكي
Date: 16-07-2017, 04:47 PM
Parent: #1

في الحي وذات مناسبه كان من بين الضيوف ولد من العرضه كل ما ندخل ونطلع يتكلم عن الكوره
وانو لعب في اشبال المريخ وحكايااات
في التمرين اخترتو في تيمي
طلع مرض واتغلبنا
بي سببو وكنت ما بحمل الغلب
بعد انتهى التمرين بي زعل قلت ليهو متأكد لعبت في اشبال المريخ
ولا حضرت تمرين لي براعم المريخ
ولو ما كان ضيف كنت وريتو فنون على قول سمسم



Post: #3
Title: Re: collapse of empire
Author: علي محمد الفكي
Date: 16-07-2017, 04:50 PM
Parent: #2

كتيرون بلاقوك في دروب الحياه
يظهرون بمظهر مثالي وعند او محطه يكون السقوط
البعض يكون عامل فيها فارس الفرسان واشجع الرجال
وشمسون الزمن ومع اول كعه تلقاهو اجبن من نعامه
وتسمع حكاويهو يو عملت كده
ويوم الناس كلها خافت انا الوقفت واتكلمت

البعض يرتدي ثوب المثاليه والاخلاق الفاضله
لما تسمعو يتكلم تقول نبي
وفي اول امتحان ينحاز للشيطان
تقول موسى تلقى فرعون او كما يقول الوالد


Post: #4
Title: Re: collapse of empire
Author: علي محمد الفكي
Date: 16-07-2017, 04:52 PM
Parent: #3

غايتو النوعيه البتكون عامل ليها قداسه
وشايفه قامات ونجمات بعيده
لما تسقط وتسمع بردلب
بكون حاجه صعبه
لكن في الزمن الاغبر دا علمتني التجارب ما اندهش ولا اتصدم
لانو النفاق بقى هو السائد
بل بتكيف وبنبسط انو زول زي دا اتكشف قدام الناس
وتاني ما بنخدعو ليهو
الشخص الواضح وعارف نفسو ومظهر نفسو على حقيقته
حتى ولو كانت حقيقيه سلبيه حسب اعتقادي
بحترمو اكتر من المنافق وبعتبر انو دي طريقة حياتو وهو حر فيها
اما المنافق القدام الناس يسبح وفي خلواتو يضبح
قبحه الله




Post: #5
Title: Re: collapse of empire
Author: محمد البشرى الخضر
Date: 17-07-2017, 06:19 AM
Parent: #4

سلام يا علي
في المداخلة الأولى ما فهمت هل الزول دا اتعرض لفضيحتين في نفس الوقت التزوير ثم التورط مع البت ولاّ الحاصل شنو؟

عودة للموضوع, كنت قد تناولت موضوع شبيه ابان فضيحة لانس ارمسترونج بطل الدراجات الأمريكي صاحب قصة تغلبه على السرطان التي جعلت من ايقونة للصمود و التحدي و العمل الإنساني و انهياره صنمه الفظيع اثر اكتشاف خداعه للجميع تعاطيه للمنشطات!
انا دائما اردد الكثل القائل يا فرعون مين فرعنك! نحن من نصنع اصنامنا بالهالة الزائفة و المبالغات التي نضفيها على هؤلاء لذا تكون صدمتنا كبيرة في حين هم لم يفعلوا إلّا ان تصرّفوا وفق طبيعتهم وحقيقتهم التي اعمتنا الهالة الزائفة التي وضعناها بأيدينا امام أعيننا عن رؤيتهم على حقيقتهم

Post: #6
Title: Re: collapse of empire
Author: أبوبكر عباس
Date: 17-07-2017, 07:42 AM
Parent: #5

أنا غايتو فهمت من المداخلة الأولى إنّو التزوير في الأعضاء الجنسية!!

سلام يا أبو علوّة

Post: #7
Title: Re: collapse of empire
Author: علي محمد الفكي
Date: 17-07-2017, 08:55 AM
Parent: #6

ابوبكر
ابداً التزوير دولارات
اعد وحسن فهمك يا مستنير
تحياتي

Post: #8
Title: Re: collapse of empire
Author: علي محمد الفكي
Date: 17-07-2017, 09:17 AM
Parent: #5

Quote: سلام يا علي
في المداخلة الأولى ما فهمت هل الزول دا اتعرض لفضيحتين في نفس الوقت التزوير ثم التورط مع البت ولاّ الحاصل شنو؟

عودة للموضوع, كنت قد تناولت موضوع شبيه ابان فضيحة لانس ارمسترونج بطل الدراجات الأمريكي صاحب قصة تغلبه على السرطان التي جعلت من ايقونة للصمود و التحدي و العمل الإنساني و انهياره صنمه الفظيع اثر اكتشاف خداعه للجميع تعاطيه للمنشطات!
انا دائما اردد الكثل القائل يا فرعون مين فرعنك! نحن من نصنع اصنامنا بالهالة الزائفة و المبالغات التي نضفيها على هؤلاء لذا تكون صدمتنا كبيرة في حين هم لم يفعلوا إلّا ان تصرّفوا وفق طبيعتهم وحقيقتهم التي اعمتنا الهالة الزائفة التي وضعناها بأيدينا امام أعيننا عن رؤيتهم على حقيقتهم


محمد البشرى
وعليكم السلام
الفضيحيتين في نفس الوقت دولارات مزوره معاهو في نفس الشقه مع البنت
ايوا احيان كثيره نرفع سقف توقعاتنا في اشخاص ونضعهم في منزلة القديسين
بي سبب موقف او جانب واحد من جوانب حياتهم
وننسى الجوانب الاخرى وانهم بشر يحملوا صفات الخير والشر
طبعاً الان الاجهزه الاعلاميه البقت على قفا من يشيل تلعب دور خطير في حتة التلميع والتقديس
هناك تلميع مبرر ومنطقي
ولكن للاسف هناك تلميع غير مبرر وله اجنده او مدفوع الثمن
سقوط النموذج دايما بكون قاسي عند من وضعوه كمثال

مره واحد من مريدي الشيخ المكاشفي ذكر لي انو شاف واحد من احفاد الشيخ قلع اضنينو الاثنين ورجعن مكانن
ضحكت لانو الحفيد دا صديق ودفعه دراسه وعارف كل خباياه في تلك الفترة
فدا سوق لي قداسه عن طريق الاشاعه وممكن كثير من السذج يصدقوها

Post: #9
Title: Re: collapse of empire
Author: علي محمد الفكي
Date: 17-07-2017, 09:20 AM
Parent: #8

في الحي واحد واحد #################### وطايش و مدمن سكر
ومشكلتو ما بستحمل السكر
مره يقطع كورة الاولاد في الميدان
مره يشاغل بنات المدرسه
مره شتائم في الناس الماره بالشارع
مره تحرش
غير الاشكال البجيبه الحي من السكارى اولاد وبنات
والازعاج البسببوهو
المهم مع كل سكره مصيبه
الناس اتأذت منو والشباب قالوا لازم يأدبوهو
وضعوا خطتهم
وفي اثنين من اكثر المتحمسين
دورهم كان استدراج صاحبنا ويوصلو الشباب
صاحبنا عرف المؤامره
فاول ما الشباب الاثنين دقو بابو
جاهم مبتسم وبالاحضان واتفضلوا
محرجين هم دخلوا جوه وقالوا ما مشكله في النهايه ح نسوقو
طوالي صاحبنا مشى ضبح ليهم وفرش اللحوم والمشاوي
وفتح الويسكي
وجات شلتو
وبسط معاهم في الونسه والضيافه والمديح
وهم طالعين قال ليهم جلستنا دي بنعمله كل خميس
دي دعوه مفتوحه ليكم
والشباب هناك مرابطين في الميدان منتظرين الجماعه يوصلوهم صاحبنا
بعد طول انتظار جوهم الاثنين الرسلوهم يجيبو صاحبنا بدونو
فسألوهم وين ال#################### ما جبتو
فقالوا ليهم ال#################### منو ؟
الزول دا انتو ما بتعرفوهو لو عرفتو ح تكتشفوا انو احسن الناس اخلاق
وانو اطهر شاب في الحي كلو
وانو ح تصاحبوا لو عرفتو
باعوا القضيه بي وليمه

Post: #10
Title: Re: collapse of empire
Author: علي محمد الفكي
Date: 17-07-2017, 09:25 AM
Parent: #9

الخطوط دي كلمة ص علو ك

Post: #11
Title: Re: collapse of empire
Author: محمد مجيدو
Date: 17-07-2017, 09:55 AM
Parent: #1


يا علووب .. سلام ..

بخصوص الفضائح وكدا ...
بتذكر ونحن في المرحلة المتوسطة في اوائل السبعينات ..
كنا من طلائع مايو ...وعسكرنا في داخليات جامعة الخرطوم ( اثناء الاجازة )
لمدة 45 يوم استعدادا لمهرجان مايو التاني ..
المهم .. كان عندنا استاذ صعب وفقري وهو الكان مشرف علينا .. وكان بينوم معانا في الداخليه ..
اها معانا زميلنا ( الله يطراه بالخير .. وهو الان احد السفراء بالخارجية ) كان ود سمح من اولاد نمرة 2 ...
جاني وقال لي الاستاذ الفلاني دا عاوزني اقابلو بره الداخلية جنب البحر وراء الاشجار ..
طوالي لميت الشلة بتاعتنا .. وعملنا خطة انو الود يقابل الاستاذ ونعمل كمين .. وعند ساعة الصفر نهجم عليه ...
وفعلا دا الحصل ... والاستاذ الكان صعب وهيبة داك .. بقى زي السيوسيوه .. والصرصور ..
وبقى يقول لينا والله انا ما كان قاصد حاجة كعبة ... وما عارف شنو ..
ونحن نجر في بنطلونو الكان اصلا نازل..
ونقول ليه يا وسخ يا كلب ... الليلة لازم نفعل بك كم اردت ان تفعل به.
وهو يقول يا اولاد اختشو عيب ...انا استاذكم ... المهم اتجرس اخر جرسة ...
ومن اليوم دااك .. كسرنا عينو وبقينا ما بنخاف منو .. لحدي ما طلب نقلية وغادر المدرسة ...

عاااالم بطااالــــــــــــــــــــــــــة ,,,

Post: #12
Title: Re: collapse of empire
Author: علي محمد الفكي
Date: 17-07-2017, 12:34 PM

Quote: بخصوص الفضائح وكدا ...
بتذكر ونحن في المرحلة المتوسطة في اوائل السبعينات ..
كنا من طلائع مايو ...وعسكرنا في داخليات جامعة الخرطوم ( اثناء الاجازة )
لمدة 45 يوم استعدادا لمهرجان مايو التاني ..


مجيدووو
لك التحايا
انت من سدنة مايو ومن زمن اجدادنا القدماء طلعت
ناس نمره 2 ديل مكملين الحلا من زماان
رغم انو نمره 2 الان لمت
لما تمشي في شوارعه لسان حالك كما قال المحجوب
وسرت فيك غريباً ضل سامره داراً وشوقاً واحباباً واخوانا
طلعتو شفوت وحشرتو المدرس حشره عجيبه
وكمان ضربتو عصفورين بي حجر عملتو حمايه لي صاحبكم وكسرتو عين المدرس
خطوره النوعيه دي من البشر انها متخفيه ومتدثره بي ثوب الفضيله
ومتى ما وجدت غفله طعنت وغدرت
وانهم بكونو قدوه للبعض والضحايا بتجيهم لحدي محلهم وهي مطمئنه
قبحهم الله
وعلى قولك عالم بطاله

Post: #13
Title: Re: collapse of empire
Author: علي محمد الفكي
Date: 17-07-2017, 02:30 PM
Parent: #12

ويعجـبـكَ الطـريـرُ اذا تـــراهُ ويخلفُ ظنكَ الرجـلُ الطريـرُ
او كما قال كثير عزه ..
فالبعض وتراه وتعتقد ان به ثمر
ولكن عند اول اختبار يظهر لك انه سراب
وتكتشف انه قطعه معدن رخيص الثمن فليس كل ما يلمع ذهب